رواية وردة في وسط الصعيد الفصل الثالث عشر 13 بقلم الكاتبة الصغيرة

رواية وردة في وسط الصعيد الفصل الثالث عشر 13 بقلم الكاتبة الصغيرة

رواية وردة في وسط الصعيد البارت الثالث عشر

رواية وردة في وسط الصعيد الجزء الثالث عشر

رواية وردة في وسط الصعيد الحلقة الثالثة عشر

بالليل كانت وردة والبنات جوة كلهم واقفين حوالين امل ومبسوطين كان الكل فرحان ماعدا جميلة وفرح لانهم شايفين ان امل متليقش بهم (يلا نسيبهم هما مع حقدهم) كانت وردة مبسوطة اوي لان دي اول مرة تحضر خطوبة او مناسبة في الصعيد كان عاجبها الاجواء اوي وشايفة الطيبة والحب في عيون الناس قربت من امل اللي كانت مبسوطة لانها اخيرا بقيت علي اسمه وله هو بس
وردة وهي بتحضنها : الف مبروك ي حبيبتي
امل : الله يبارك فيكي ي وردة انا بجد مبسوطة اوي
وردة : ربنا يسعدك دايما ي امولة
الجدة : صفاء بت ي صفاء
صفاء : نعم
الجدة : بطلي تنطيط شوية وروحي جيبي الدهب يلا عشان تلبسيه لامل اتاخرنا
صفاء : حاضر
راحت صفاء بسرعة وجابت الدهب وقعدت جمب امل ولبستهولها اول ما خلصت ارتفع صوت الزغاريط والكل بدأ يبارك لهم
تسريع الاحداث***
في القصر في اوضة عمر ووردة كانوا قاعدين مع بعض وبيتكلموا
وردة : انا مبسوطة اوي ومش مصدقة انا اول مرة احضر مناسبة في الصعيد كانت الاجواء حلوة اوي والكل كان فرحان
عمر : دي احسن حاجة هنا ي حبيبتي ان كلنا يعتبر عيلة وحدة فتلاقي الواحد بيتمني الخير للتاني
وردة : امم كانت ليلة حلوة بجد وامل كانت فرحانة اوي
عمر : بصي ي وردة احنا لنا عادات وتقاليد والعادات فيها ظلم للبنت واحنا مينفعش نكسرها ابدا بس انا مع حبهم هنا الحب حرام معني انك تحبي والكل يعرف دي فضيحة الصعيد زي ماليه مميزات ليه عيوب البنت هنا بتتجبر تتجوز اللي الاهل بيختاروه ومش مسموح لها انها ترفض ومش مسموح لها انها تحب انا ضد كدة لان لازم يكون في مساواه الولد عادي انه يحب والبنت كمان بس في نفس الوقت يكون حب في الحلال يعني مينفعش تعمل حاجة غلط والحجة الحب وهو زي ما هو بيحبها لازم يطلب ايدها ويحبها في الحلال اقولك الحب ي وردة غريب اوي فجأة بتلاقي نفسك بتفكري في حد ومش قادرة تبعديه عن تفكيرك وخصوصا لما تشوفيه بتبقي حد تاني هو كدة الحب متعرفيش امتي وازاي واللا حتي اي السبب ودي احسن حاجة فيه
وردة : ياه اي دا كله بس تصدق عندك حق
عمر : طبعا وعشان كدة بقولك ان انا مع حبهم يعني انا عارف من زمان ان احمد بيحب امل وكمان ادهم وصفاء وانا معاهم لاني واثق فيهم هما الاربعة وعارف انهم مستحيل يعملوا حاجة غلط
وردة : طب دلوقتي احمد اخد امل ادهم مش ناوي يعملها
عمر : لا لسة حكايتهم طويلة جدي مدي كلمته لادهم من سنين ولسة لحد دلوقتي متخطبوش لحد ما ادهم بقي شاكك انه هيموت ومش هياخدها
وردة : اكيد جدك في دماغه حاجة من ورا التأخير دا
عمر : ايوة جدي محدش يقدر يفهم هو بيفكر في اي
وردة : بس هو حكيم في تصرفاته والواحد بيثق فيه وفي كل كلمة بيقولها لانه بيبقي قد كلمته
عمر : بقولك ما تبطلي كلام ويلا بقي عشان ننام واللا انتي مش هتنامي
وردة : هنام انا تعبت اصلا اليوم كان طويل
عمر : طب تعالي جمبي يلا
وردة : لا انت هتنام بعيد
عمر : ليه كدة
وردة : هو كدة
عمر : خلاص ماشي
انهي عمر كلامه ونام وكان ضهرة مقابل لها نامت هي كمان جمبه وضهرها كانت ملامس لضهره كانت لسة هتغمض عينها بس فتحتهم لما حست بيه بيمسكها وبيقربها منه بقي ضهرها ملامس لصدره
وردة : عمر انا قولت اي
عمر : مقولتيش حاجة ويلا نامي
وردة : ابعد يلا ي عمر
عمر : لا انا مش هبعد عن مراتي ويلا نامي
وردة : كلامي معاك زي قلته مجنون
عمر : كويس انك عارفة يلا بقي نامي
استسلمت وردة للنوم ونامت في حضنه وهو نام بعدها علي طول
تاني يوم صحي عمر قبلها وفضل باصصلها وهي نايمة لحد ما حس بحركتها وهتصحي غمض عينه وعمل نفسه نايم فتحت عينها وبصت كانت لسة في حضنه قامت من جمبه بهدوء عشان ميصحاش نزلت من علي السرير وكانت لسة هتقوم سمعت صوته
عمر : رايحة فين ي زوجتي العزيزة
وردة : انا اتاخرت لازم انزل اساعدهم في تجهيز الفطار
عمر : وتسيبي جوزك حبيبك
وردة : لا ميصحش قوم ي عمر يلا وبطل كسل
عمر : خلاص قايم دا انتي متعرفيش حاجة عن الرومانسية
وردة : سيبتهالك قوم يلا
قامت هي الاول وصلت الاول وبعدها لبست عباية بيتي واسعة ونزلت تحت لهم دخلت علي المطبخ علي طول وكان الكل فيه فعلا
وردة : صباح الخير
الكل : صباح النور
وردة : معلش بقي اتاخرت عليكم
الجدة : متاخرتيش ولا حاجة احنا لسة نازلين
وردة : طب يلا بسرعة نشوف هنعمل ايه
صفاء : اي الحماس دا كله
وردة : مفيش بس انا لما بكون لسة صاحية من النوم بيكون عندي طاقة يلا بقي
الجدة : خلاص تعالي ي ستي
برة نزل عمر بعدها علي طول مكنش في حد استغرب من كدة واتوقع انهم هيكونوا بره طلع وفعلا كانوا برة كلهم راحلهم بسرعة
عمر : صباح الخير
الكل : صباح النور
عمر :غريبة يعني كلكم متجمعين هنا
الجد : قولنا نغير جو اقعد يلا
قعد عمر جمبهم وهو مستغرب لسة كان الكل بيبصوله
عمر : هو في اي بالظبط
مصطفي : اقعد ي ابني مفيش حاجة
عمر : اومال اي البصات الغريبة دي
ادهم : احسن يعني انت اتاخرت في النوم ودي حاجة عمرها ما حصلت
عمر : وانت مالك انت ي سنجل ي بائس
ادهم : شوف ي جدي بيقولي اي وهو عنده حق انت لو كنت خطبتلي مكنتش هسمع صوته
الجد : اصبر علي رزقك انت مستعجل ليه
ادهم : انا مستعجل انا وبعدين اي اصبر دي دا محدش صبر قدي دا انا صبرت لحد ما اللي اصغر مني اتجوزوا
الجد : ادهم
ادهم : نعم
الجد : خطوبتك الاسبوع الجاي وهتبقي مع كتب كتاب احمد

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية وردة في وسط الصعيد)