رواية جوري الفصل السابع 7 بقلم رياس
رواية جوري الفصل السابع 7 بقلم رياس
رواية جوري البارت السابع
رواية جوري الجزء السابع
رواية جوري الحلقة السابعة
قعدت جوري طول اليوم في اوضتها لحد ما حست ان ايان مشي من صوت الباب خرجت تجيب اكل عشان يكفيها طول اليوم و رجعت اوضتها تاني
فضلت جوري اليوم كله في الاوضه
تاني يوم صحيت جوري وخرجت من اوضتها
جوري:يارب يكون نزل او نايم
بس سمعت صوت غريب جاي من البلكونه
جوري:انا مفروض ارجع الاوضه بس لا لازم ارضي فضولي
واتحركت براحه لحد ما وصلت عن باب البلكونه و اتصدمت وهي شايفه ايان قاعد علي الارض منهار
فتحت الباب بسرعه دخلت قعدت جنبه
جوري بخضه وخوف :ايان في ايه حصل مالك بتعيط كده
طب انت تعبان
ايان :انا كويس
جوري:ايان انت عيونك احمرت من العياط وشكلك مش كويس خالص قولي مالك يمكن اقدر اساعدك
ايان:انهارده
جوري مسكت ايده بتحاول تشجعه وهي مش فاهمه في ايه :انهارده ايه
ايان:انهارد اليوم اللي اهلي ماتوا في مش قادر اصدق ان في لحظه خسرتهم كلهم ماتوا مع بعض
جوري بتأثر:ازاي
ايان بحزن كأن اليوم بيتعاد بتفاصيله :في يوم كانوا رايحين رحله لولايه تانيه بس كنت عايز اروح رحله مع صحابي وقولتلهم اني مش عايز اروح معاهم واني مش هبقي مستمتع بحاجه زي رحله هاديه كان معظمها ناس كبيره وهما رايحين عملوا حادثه بالعربيه وعقبال ما روحت المستشفي كانوا ماتوا اتمنيت اكون روحت معاهم اتمنيت اكون موت معاهم بس ده محصلش
جوري بدموع :ايان هما في مكان احسن بكتير متعملش كده لازم تدعلهم و تبقي كويس عشانهم وتصلي وتدعي ليهم عشان ده اللي هيفدهم وانت في الاول والاخر مسلم
ايان متخليش البلد دي تغيرك وتغير تربيه اهلك ليك
ايان بصله بحزن:انا اتغيرت وضعت من غيرهم هما علموني مصري و علموني حجات كتيره حلوه بس انا مبقتش اعملها انا اتغيرت
بصلها بحزن هما هما زعلانين مني عشان مبقتش اعملها صح
جوري:لا لا بس هما هيكونوا مبسوطين لما تبقي كويس وتدعلهم وتعمل الحجات اللي علموهالك
ايان قرب وحضنها فجاه
جوري اتوترت وحست قلبها بيدق بسرعه من توتر و مكنتش عرفه تعمل ايه
:متزعلش يا ايان ربنا يرحمهم ادعلهم
:ربنا يرحمهم
جوري زقته براحه وقالت بتوتر:قوم اغسل وشك هعملك عصير ع عشان يعني
قصدي انت واضح امك قاعد من بدري يعني
فهمها ايان وقاطع كلامها :OK
وقامت جوري بسرعه وراحت المطبخ عشان تعمله عصير
وكانت متوتره من الموقف اللي حصل
عملت لايان عصير وطلعت قعدت تستناه
طلع ايان وبصلها وقعد علي كرسي بعيد عنها
:شكرا علي العصر
جوري بتوتر :اه العفو انت كويس
ايان :كويس
حاول ايان يغير الموضوع
:معاد الدكتور امتي
جوري:٥ ايام كده بس لو في حجز اتلغي قبل كده هروح
ايان:كويس كويس
جوري :هعملك فطار معايا
ايان :لا انا عندي معاد دلوقتي
جوري:تمام
شرب ايان العصير
ايان :انا همشي باي
جوري :باي
وخرج ايان
وجوري دخلت اوضتها
:اهدي يا جوري موقف وعدي وخلاص مش هيتعاد تاني
حاولت جوري تفكر في حاجه تانيه
وبعدين بصت لاوضتها
وبعدين مش من العدل اني افضل قاعده كده انا هنزل افطر بره انهارده ثواني ايه العبط ده هتكلم معاهم ازاي اوووف بقي
قامت جوري شغلت اغنيه علي الموبيل
وراحت المطبخ وبقت تعمل السندوتشات وهي بترقص في المطبخ
وبدات تغني مع الاغنيه:كلام عينيه في الغرام أحلى من الأغاني
من كلمتين من سلام ببقى حد ثاني
لما يميل قلبي أنا وياه يميل
تفديه عيوني وعمري كله مش قليل
الله عليا يعني صوتي بسم الله ما شاء ميتسمعش
ومسكت الطبق وخرجت شغلت فيلم علي تليفونها وقعدت تتفرج
وهي بتاكل تليفونها رن ولقته سيف
استغربت انه بيتصل ومعاد الدكتور لسه عليه كام يوم
سيف :عامله ايه يا جوجو
:ملكش دعوه بتتصل ليه ؟
:مافيش يعني بأكد عليكي معاد الدكتور
:ماما كويسه
:ايوه ايوه متخافيش
:طيب اقفل بقي
:يا جوجو انتي لسه زعلانه مني
:سيف بجد لما احس اني سامحتك هكلمك عشان انا دلوقتي احساسي انك غدرت بيا يلا سلام بقي
وقفلت من غير ما تسمع رده
ورجعت تكمل الفيلم
لحد ما نامت وسط الفيلم علي كنبه غصب عنها
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية جوري)