رواية حب اجباري الفصل الثالث 3 بقلم زهرة الربيع

رواية حب اجباري الفصل الثالث 3 بقلم زهرة الربيع

رواية حب اجباري البارت الثالث

رواية حب اجباري الجزء الثالث

رواية حب اجباري الحلقة الثالثة

مين ده يا بت الي اغتصبك ها… مين وازاي متقوليليش..اكون قاعد على القهوه يجو العيال يقولولي الحته بتاعتك اغتصبوها..اتفضحتي في كل مكان وانا اخر من يعلم اتكلمي يا بت انطقي
نغم كانت بتتألم وقالت..اي اي سبني يا امام شعري هيطلع في ايدك
ريان جري عليه وقال بغضب ايه ده يا حيوان انت ازاي تمسكها كده سبها حالا
امام بصلها بغضب..وقال انت مالك انت متدخلش انت مين اصلا وايه الي جابك هنا و
بس قطع كلامو وبقى يبصلو يمين وشمال وساب شعر نغم وبقى يبصلو بزهول وهياكلو بعنيه
ريان بلع ريقه بارتباك وبقى يحاول يبعد وشو يمين وشمال وقال في نفسو..اه…شكلو يعرفني هو كمان
وامام فتح تليفونو وبقى يقلب فيه ومسك ريان من قميصه وقال..انت الدكتور..انت صح..ايوه انا شوفت صورك بعنيا… وبص لنغم وقال هو مش كده
ريان قال بارتباك..لا حضرتك مش انا..التاني كان حاطط كلبش
بس امام قال بغضب..لا يا شيخ ةد وضربو بوكس قوي وقعو على الأرض ووقع نضارتو
نغم جريت عليه وقالت..يخربيتك..انت بتعمل ايه يا طور انت..ملكش دعوه بيه
ريان كان بيدور في الأرض على النضاره وقال..النضاره يا نغم..مش بشوف من غيرها
نغم بقت تبصلو على النضاره وجابتها لبستهالو وامام زقها ووقفو بعصبيه وقال. ..انطق يلا عملتلها ايه ..انت صحيح اغتصبتها والله هخلص عليه انا مجنون واعملها
نغم لسه هترد مرات ابوها قالت…يا خويا فلقتنا اغتصاب ايه هو الغلبان ده وش كده اصلا
بقلم زهرة الربيع
ريان اتنهد وقال..اوالله انا بقول انك ست محترمه من ساعة ما دخلت الله يكرمك
مرات ابوها كملت وقالت..دول من ساعت ما جم وهما قافلين عليهم الباب وهاتك يا ضحك وهئ ومئ..ويقولي اغتصاب
ريان قال بهوف ..الله يحرقك انتي بتقولي ايه
وامام بصلو بغضب وبص لنغم وقال بعصبيه..انتي كنتي معاه في الاوضه يا بت
نغم ليه هتتكلم ضرب ربان بوكس تاني وقعو على الأرض وقال..انطقي يا بت
ربان قال بألم يا عم استني كانت هتتكلم اديها فرصه … ولا اضربها هيه بقى ..وزعق وقال…نغممممم…النضاره يا نغم تعالي هاتيها
نغم ضحكت على شكلو وراحت جابتلو النضاره ووقفت في وش امام وقالت بعصبيه..انت بتضربو ليه دلوقتي مالك ومالو افرض اغتصبني ولا دخل معايا الأوضه مال اهلك انت هتعمل فيها جوزي
امام قال بعصبيه..يعني الي بيتقال على النت صح
ريان قام بسرعه وقال بزهول وصدمه..نت..هو الخبر نزل على النت يا نهار اسود..ده انا مستقبلي ضاع عاجبك كده انا روحت في داهيه الله يخرب بيتك
نغم قالت بتوتر..اهدى يا ريان وانبي انا
ريان قال بغضب..انتي ضيعتيني عارفه يعني ايه دكتور يتقال انو عمل كده في عيادتو.. انا ضعت..ضعت…وفكر شويه وهو حاطط ايده على جبينه بزهول وقال…وهايدي…هايدي كمان زمانها عرفت منك لله منك لله
ريان قال كده ونزل جري من عندها ونغم طلعت تجري وراه وتنادي عليه
امام بقى يبص لطيفه بزهول وقعد وحط ايده على دماغو
ريان بقى كان بيجري عايز يطلع من الحاره ونغم جريت وراه وقالت ..استني يا ريان وانبي تستنى..ارجوك.. اسمعني بس
ريان قال بعصبيبه..ابعدي عني اياكي تيجي ورايا ..وبقى يكمل جري بس نغم وقعت على الارض وصرخت وقالت..اااااه..رجلي ااااه..يا لهوي يا اما ..وبقت تبكي
ريان كان هيكمل بس مقدرش وقف والتفت لقاها قاعده على الارض وبتبكي رجع لها ونزل لمستواها وقال..فيه ايه..مالها رجلك
هنا نغم اترمت في حضنو وحاوطت رقبتو باديها وهيه ماسكه فيه جامد وقالت ببكا..انا اسفه. اسفه وانبي…انا عملت كده علشان بحبك والل…ه والله بحبك اوي وبقت تبكي
ريان اتفاجأ لما حضنتو كده وقلبو بقى يدق بارتباك ورفع اديه بتردد وحطها على ضهرها وقال..احم…اهدي خلاص
نغم كانت بتبكي قوي وبتحضنو بشده وبتستخبى فيه وانفاسها على رقبتو ودموعها خلتو بلع ريقه بصعوبه وشدها عليه جامد وبقى يحضنها بشده وغمض عنيه ونسي كل الدنيا
نغم ابتسمت وسط دموعها وقالت..احم…ريان…احنا في الشارع
ريان فتح عنيه وخد بالو وقام بسرعه وقال بارتباك..احم..انا..انا كنت بهديكي مش اكتر انما..انما متفسريش على مزاجك..انا..انا مفيش اي حاجه من ناحيتك فهمتي ولا ايه
نغم ابتسمت وقالت…اممم…واخده بالي ومدت ايدها وقالت…طب قومني رجلي وجعاني
ريان وقفها وبقت تتسند عليه وتعرج وريان اتنهد وقال..انا اسف…كان لازم اقف..وانتي كمان غلطانه بتجري ورايا كل ده ليه
نغم ابتسمت وهيه مسنوده عليه وقال…ما انا قولتلك عندي استعداد اجري وراك العمر كلو
ريان اتنهد وقال..اممم..واحده فاضيه ..على العموم تعالي اطلعك شقتك
نغم ضحكت وقالت..لا ما خلاص..مينفعش..امام زمانو بلغ عليك
ريان اتسعت عنيه بزهول ودفعها بصدمه وقال ايه….وبتضحكي
نغم وقعت على الارض وضحكت تاني وقالت..يخربيتك انا صدقت ما وقفت فيه ايه
ريان قال بزهول..برضو بتضحك انتي عايزه تحبسيني يا نغم..وقال. اااه..فهمتك انتي عايزه البوليس يجي يا خدني وانتي تتنازلي عن المحضر مش كده
نغم وقفت بالعافيه وبقت تمشي وهيه بتعرج وقالت. لا مش كده..انا ناويه اسلمك علشان تتربى..يا إما بقى.
نتجوز…خلينا نتجوز يا ريان والله هتبقى مبسوط معايا صدقني
ريان قال بعصبيه..مش وقت جنان دلوقتي..انا..انا اعمل ايه دلوقتي اهرب لا اعمل ايه.. مش عارف اتصرف
نغم ابتسمت وقالت… انت بس تعالى معايا
بعد شويه كانو في كوخ قديم مصنوع من اعواد الحطب وبعيد عن كل الناس في حته متطرفه بعيده عن الحاره وكان معاهم شاب في العشرين وقال..ها ايه رأيك..هتفضلو هنا لحد ما الوضع يهدى واجي اقولكم
نغم ابتسمت وقالت…تشكر يا حمو..مش هنسالك الجميل ده ابدا
حمو قال..خيرك سابق يا نغم.. يلا انا جبتلكم شويه حاجات هتحتاجوها وفيه مطعم صغير وقهوه قريبين لو احتاجتو حاجه تاني
بقلم..زهرة الربيع
الولد مشي وريان مرر صوابعو في خصلات شعرو وهو بيبص للمكان بتوتر وزهول وقال .هو..هو احنا هنفضل هنا..هنا ازاي يعني..ده المكان معفن قوي
نغم ابتسمت وقالت .ثواني واخليهولك جنه
وابتدت بقى نضفت المكان كويس وكان فيه قلل ملتهم ميه من الحنفيه الي بره الكوخ ورشت المكان وفردتو بالقش وحطت فوقو مفرش جبهولها حمو وخلت المكان نضيف وحلو وابتدت بقى تطلع الاكل الي جابو من الشنطه وجهزتو
بعد شوبه كانت مولعه حطب للتدفئه وجابت الاكل وقالت..يلا باسم الله…كل انت من الصبح مأكلتش حاجه
ريان وابتسم ابتسامه جانبيه وقال..هو فيه حد يستاهل تتمرمطي كده علشانو يا نغم
نغم ابتسمت وقالت..اه فيه..انت
ريان ابتسم بيأس وقال..طب تعالي نحسبها…انتي تعرفيني منين علشان تحبيني انتي بس سمعتي عني شويه وده مجرد اعجاب
نغم اتنهدت وقالت بابتسامه…في يوم اخدت بابا الله يرحمو على المستشفى كان تعبان جدا ورفضو يستقبلوه كانت مستشفى خصوصي وكانو عايزين مقدم والمبلغ مكانش معايا
وكنت ببكي جامد واترجاهم…وبعد ما فقدت الأمل ربنا بعتلي شاب يجنن اول ما دخل وقع قلبي في رجليا..سأل فيه ايه والممرضات حكولو..فقلهم دخلوهم وابعتولهم احسن دكتور والحساب مدفوع
عرفت وقتها انو شريك في المستشفى..وفعلا دخلنا واهتمو بينا كانو كل الي يجي يغلط معانا يحزروه ويقولو جمله مش هنساها..دول محدش له دعوه بيهم..دول تبع دكتور ريان الشافعي
ريان كان بيسمعها بدهشه وابتدي يفتكر الموقف ده فعلا حصل وقتها صعب عليه حالتها هيه وابوها ودخلهم مجانا
ونغم كملت وقالت..انا اول مره يومها احس ان ليا ضهر في الدنيا…من بعدها دورت عليك كتير علشان اشكرك وامنت الفلوس او جزء منها بالعافيه علشان اردهملك بس كنت مشغول جدا ومكنتش اعرف اوصلك..مشيت وراك في كل مكان بقيت اجمع صورك من الجرايد وعلى التليفون..انا مش بحبك لانك وقفت جمبي وقتها..لا..بس لانك دخلت قلبي وقتها..لحد ما جتلك العياده وانت بقى الي نرفزتني لما رفضتني من غير ما تسمعني..وافتكرتني مجنونه كمان
ريان ضحك وقال..لا وانتي ست العاقلين الصراحه…نغم انا..انا بجد مقدر شعورك…بس سامحيني مش هينفع…لو فعلا عايزه ترديلي الجميل طلعيني من الورطه دي… لو سمحتي لو بتحبيني فعلا
نغم نزلت دموعها وقالت ببكا وعصبيه..مش هقدر مس هقدر..انا بقالي ٣ سنين عايشه على حلم واحد… اني اكون معاك..انا بالنسبالي قعدتنا سوا في البيت ده تسوى الدنيا صدقني ..
ريان اتنهد وقال…بالعافيه يعني يا نغم
نغم قالت بسرعه وحماس..لامش بالعافيه..اديني بس فرصه…وانا هخليك تحبني وتعشقني كمان
ريان ضحك وقال..والله انتي مجنونه بجد..طيب ..ولو انا برضو قولالك اني مش قادر احبك هتروحي تسحبي البلاع
نغم قالت..ماشي لو محبتنيش هروح اسحبو
ريان لسه هيرد شاف في ايدها تليفون صغير قال..ايه ده…هو ..هو انتي معاكي تليفون
نغم قالت..ده واحد قديم عند حمو قولتلو يجبهولي علشان لو حبيت اتصل بيه
ريان اخدو منها بسرعه كانت تليفون صغير جدا بصلو بسخريه وقال…متاكده ان ده بيعرف يتصل
نغم قالت..لا لسه بنعلمو..طبعا بيتصل هو فيه ايه
ريان طلب شخص بسرعه واول ما رد قال..الو..ايوه يا هايدي انا ريان
نغم اضايقت جدا لما عرفت انو بيكلم خطبتو وريان قالت ..است..استني بس..اهدي واسمعيني.
وسمعها سويه وقال..والله حقك وعارف الي انتي فيه بس اديني فرصه اشرحلك الي حصل
وسمعها شويه تاني وقال ..طيب يا حببتي بس خليني افهمك و
بس قطع كلامو لما قفلت في وشو قال..الو..الو هايدي ..وبص لنغم بحرج وقال..الشبكه وحشه شكلو الاتصال اتقطع
نغم ابتسمت بسخريه وقالت..اممم..قفلت في وشك مش كده..تستاهل..اصلا رجاله بتحبو التهزيئ
ريان قال بغضب وهو التهزئ ده مين جابو غير حضرتك..خلتيني اسمع كلام عمري ما اتخيلت اسمعو في الاحلام حتى
نغم ضحكت وقالت..ليه قالتلك ايه
ريان قال بحزن..قالتلي يا مغتصب يا حيوان..يارب تكوني مبسوطه

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية حب اجباري)