رواية خداع زوجه الفصل الخامس 5 بقلم أماني السيد

رواية خداع زوجه الفصل الخامس 5 بقلم أماني السيد

رواية خداع زوجه البارت الخامس

رواية خداع زوجه الجزء الخامس

رواية خداع زوجه الحلقة الخامسة

نها قامت منطوره : دينا مين يا ماهر انا نها ها نها ولا تكنش حنيت
ماهر بتوتر : انا اسف بس عشان التعود وكده معلش حقك عليا
نها سابته وقامت تاخد شاور
انا كنت فاكره ان خلاص قدرت اتخلص منك يا دينا بس واضح انى كنت غلطانه انا كده كده ماهر مش فارق معايا يبقى معايا ولا لأ المهم مايكنش معاكى انتى
ماهر لنفسه ايه اللى عملته ده بس 😮‍💨 اديك اخدت اللى بتسعاله عمرك كله مش مرتاح ليه كنت بتحس مع دينا بالسعادة والراحة اللى بتحاول تحسها مع نها ومش عارف ايه حبك اللى كنت ماشي ليل نهار تفكر ترجعه ازاى لما رجعلك مش فرحان بيه ليه
مش فرحان ليه إنك وصلت لهدفك شامم ريحه ندم طالعه منك حاول بقى تأقلم نفسك
خرجت نها من التواليت وهى بتتجاهل ماهر خالص
ماهر : هتفضلى قالبه كده يا نها
نها: وانت شايف انى معنديش حق
ماهر : ماتنسيش اختك فضلت مراتى فوق السبع السنين فطبيعي وانا بصحيكى اتلغبط في اسمك
نها : هيبقى ده كلامك برضو لو انا غلطت في اسمك وناديتك بإسم طليقى
ماهر: لأ طبعا المفروض انك بتحبيني
نها : والمفروض انك بتعشقنى مش بس بتحبنى
ماهر: عموما حقك عليا مش هتتكرر تانى
نها : تمام ها قولى بقى ناوى تسفرنا فين
ماهر : الغردقه
نها : نعم غردقه ايه انا فكرتك هتقولى المالديف او جزر الكناري او اقرب حاجه تركيا مثلا لكن الغردقه
ماهر: بعدين يا نها الفترة دى عندى شغل صعب اسيبه واسافر بره مصر لما اظبط امورى هاخدك ونسافر لكن دلوقتي خلينا فى الغردقة وغير كده الفندق تحفه والمدينة هناك حلوه
نها : خلاص بس على وعد انك لما تخلص شغلك تسفرنى بره مصر
ماهر: ماشى ربنا يسهل
عند دينا خرجت من المستشفى قابلت بيبرس فى وشها كان واقف وساند ضهره على العربيه
دينا بخضه : استاذ بيبرس مامتك وسيلا كويسين حصل حاجه
بيبرس: اهدى اهدى ماتتخضيش كده انا عموماً جاى عايز اتكلم معاكى شويه بعد ازنك يعنى
دينا: باحراج تمام اتفضل
اخدها بيبرس وقاعدوا فى كافيه هادى
بيبرس: ها تحبى تشربى ايه
دينا: مالوش لزوم
بيبرس: لأ طبعا ها اطلبلك ايه ولا اطلبك على زوقى
دينا: زى ماتحب
وصل النادل وطلب بيبرس ٢ ميلك تشيك لوتس
بيبرس: بصراحه يا دينا انا مش بحب اللف ولا الدوران انا معجب بيكى وعايز اتجوزك
دينا: 😶😶
بيبرس: انتى عارفه ظروفي صح اكيد سيلا حاكتلك عنها وانا بصراحه مش عايز اتكلم عنها لانها مرحله وعدت وانتهت بحلوها ومرها ومش هقولك انى حبيتك من اول نظره ولا الكلام ده بس اللى هقدر اقولهولك انى حاسس ان فى مشاعر حلوه جويا بتكبر ليكى ونفسى تكبر فى الحلال ووعد منى انى هصونك انتى وابنك وهعتبره ابنى
دينا: طيب انت عارف ظروفى ايه
بيبرس: انا من غير ماتحكى خمنت يوم كتب كتاب اختك اتجوزت طليقك بعد العده مباشره فمش محتاجه تفسير
دينا : انا عشت مخدوعه فى كدبه ٩ سنين
بيبرس: إحنا الاتنين ظروفنا متشابهه على فكره
دينا: مش خايف يكون فى مشاعر عندى ليه
بيبرس: شفت نظرتك ليه كانت بدون مشاعر
دينا : طيب ممكن تدينى وقتى
بيبرس: حاضر هسيبك اسبوع براحتك من غير أى ضغط من ناحيتى بس اتمنى منك الموافقة باذن الله
شربوا المشاريب وسط كلام عام بيتعرفوا فيه على بعض بشكل
دينا: انا لازم امشى عشان اتاخرت
بيبرس: اتفضلى هوصلك
دينا : لأ طبعا مافيش داعي
بيبرس: لأ طبعا اتفضلى انا اللى اخرتك يبقى لازم اصلح غلطى واوصلك
وصلت دينا البيت وقابلت ماتها
سناء : اتاخرتى ليه كده يا دينا
دينا : كنت مع بيبرس
سناء: فى حد تعبان عندهم ولا ايه
دينا بخجل كانها مراهقه وفى عريس متقدملها
بصراحه كده يا ماما بيبرس عايز يتقدملى
سناء: بجد يعنى هو قابلك واعترفلك انه بيحبك وكده
دينا: لا مش للدرجادى اقعدى هحكيلك
حكت دينا لمامتها كل حاجه تمت بينها وبين بيبرس
سناء: يعنى هو دلوقتي مستنى ردك عليه
دينا : اه قالى قدامك اسبوع
سناء : طيب وانتى رايك ايه
دينا: مش عارفه خايفه اوافق ماهر ياخد منى ابنى وخايفه اتعلق ببيبرس ويطلع زى ماهر
سناء: ماهر مش هيقدر ياخد ابنك منك لان بمنتها البساطة اختك مش هتوافق ومش هتسمح بده اللى خلاها ترمى ولادها هتستحمل ابنك انتى
ثانياً بقى بيبرس ابن ناس وطول عمره شبعان وغير ده كله قلبه خالى وصريح معاكى محطلكيش وعود وامانى مش حقيقة والاهم من ده هو مش مخلف يعنى مش هيفرق فى المعاملة بين ابنك وابنه مثلا
دينا : انتى شايفه كده
سناء: دينا انتى بتحبيه
دينا: لأ مش حب بس فى اعجاب مقدرش انكر ده
سناء: خلاص كلميه واعملوا خطوبه وادى نفسك فرصه
دينا: خلاص اخر الاسبوع باذن الله لما يكلمنى عشان يعرف ردى هبلغه بس طبعا الأهم من كل ده لازم ادى نفسى مساحة واصلى استخاره
سناء: صح كده عين العقل يابنتى بس انا هسالك سؤال انتى لسه جواكى مشاعر اتجاه ماهر
دينا: لأ طبعا بالعكس انا لا بحبه ولا بكره مافيش اى مشاعر اصلا زى اللى راكبه اتوبيس كده وواحد كان قعد جمبها ونزل مافيش اى مشاعر اتجاهه مجرد ابو ابنى فقط
سناء: الحمد لله طمنتى قلبى
دينا: اطمنى يا حبيبتي
عدى الاسبوع وكان ماهر ودنها فى شهر العسل وبان طمع نها جداً من شراهه مشترياتها خلال الأسبوع ده حاول ماهر إنه يتغاضى عن التفكير في دينا لكن للأسف الندم بيتوغل داخله بسرعه واصبح ينتظر موعد الرجوع للعمل عكس فتره شهر عسله مع دينا رغم انه كان مش بيحبها إلا إن قلبه كان فرحان ومكنش عايز شهر العسل يخلص
لحظه لحظه يا ماهر انت حبيت دينا بس عايش في وهم اسمه الانتقام
ربنا حب يراضيك عن جرح قلبك وبعتلك ملاك اسمها دينا وانت اتبطرت عليها يارب يارب انا مكتوب عليا اتجوز واحده وافكر فى واحده
يارب انا غلطت انى كنت بفكر وبتخيل واحده متجوزه ده ذنب وانى مرضيش بنصيبى ولا بحكمك يارب انا اسف اسف بس رجعلى دينا تانى
للاسف انا فوقت متأخر بس فى النهاية فوقت
فوقت على انى بعشق دينا بعشق كل حاجه فيها حتى التراب اللى بتمشى عليه
انا لازم ارجع ومش همد شهر العسل كفايه عليها كده انا هرجع لدينا واطلب منها السماح
دخل ماهر غرفته مع نها
ماهر: يلا يا نها عشان هنرجع تانى
نها : لسه بدرى يا حبيبي خلينا يومين تاتى
ماهر بزعيق : يلا يا نهى شغلى هيبوظ ولو باظ مش هتلاقى اللى يصرف عليكى ويسيبك تبعزقى الفلوس كأنها ورق كده
نها : انت بتكلمنى كده ليه انت ناسي انى لسه عروسه امال لما نقدم مع بعض هتعمل ايه
ماهر : باسلوبك ده شكلنا مش هنقدم مع بعض الكلمه بكلمتها دى ماتكلش معايا انا راجع دلوقتي عايزه تقعدى انتى مع نفسك
نها بهتت من كلام ماهر هى اه محبتوش بس لسه بدرى اوى على اللى بيعمله ده لا لا انا لازم اتصرف
وقفت نها تعيط عشان عارفه انه بيضعف قدام دموعها
نها : انا آسفه يا ماهر بس من حبى فيك مش عايزاك ترجع عشان عارفه ان الشغل هياخدك وتنشغل عنى

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية خداع زوجه)