رواية حياه الفصل الثالث 3 بقلم رحاب القاضي

رواية حياه الفصل الثالث 3 بقلم رحاب القاضي

رواية حياه البارت الثالث

رواية حياه الجزء الثالث

رواية حياه الحلقة الثالثة

_ بعد ما اخدت الولاد وروحت عند حماتي بشويه صحي هشام وفضل يلف في الشقه وهو مش عارف يجهز فطار ولا حتي يعمل كوباية شاي، وبعدين موبيله رن وكانت داليا رد عليها هشام وهو مدايق وقال..
هشام _
الو ي داليا صباح الخير..
داليا _
صباح الخير اي ده احنا الضهر ي ابني..
هشام _
ما النهارده اجازه بقي..
داليا _
حقك يا عم..
سألها هشام _
خير في حاجه ولا اي؟..
اتوترت وردت هليه داليا وقالت _
لا ابدا بس كنت لطمن عليك وعندي فضول بصراحه اعرف بتقضي اجازتك ازاي؟..
ضحك هشام وقالها ـ
هقولك بس تقولي انتي الاول بتقضي الاجازه ازاي؟..
ردت عليه داليا وقالتله _
عادي بفضل قاعده لوحدي اعمل شوية تمارين اعمل كيك لاني بحب اعمل حلويات اووي..
هشام _
طيب هو ينفع في حلويات تعمل حلويات..
ضحكت داليا بصوت عالي وردت عليه _
ههههههه انت كده بتعاكسني..
هشام بهزار _
اسف ي صلاح مقصدش..
داليا _
طيب قولي بقي بتقضي الاجازه ازاي؟..
اتنهد هشام وقالها _
شوفتي هو مش ده يوم اجازتي بس مش مكتوبلي ارتاح فيه…
داليا ـ
المدام والولاد والدوشه برضو..
هشام ـ
هو في غيرهم من صباحية ربنا عياط و زعيق وخناق ولازم نقضي اليوم ده عند ماما وبابا فـ لازم اصحي بدري…
داليا ـ
انت دلوقتي عند بيت اهلك؟..
هشام _
لا حياه والولاد راحو انا هفطر واروح بس المشكله بقي اني مش لاقي حاجه افطرها..
داليا _
ع فكره انا كمان لسه مفطرتش اي رئيك اعدي عليك ونفطر سوا..
هشام بحماس _
اشطا وكده كده حياه والعيال ما فيش..
ضحكت داليا بصوت عالي وردت عليه _
هههههه اتلم ي هشام انا قصدي نفطر بره في مطعم..
هشام _
اوكيشن ي ستي عدي عليا وانا مستنيكي..
داليا بخبث ـ
طيب ابعتلي اللوكيشن بتاع بيتك وانا هجيلك ع طول…
_ قفلت داليا معاه وبعد شويه عدت عليه وراحو مطعم يفطرو وكانو قعدين وهما بيضحكو وبيهزرو..
هشام ـ
مش معقول يعني طلعنا جيران وانا اقول جيتي ازاي بسرعه كده..
داليا بهدوء ـ
انت لما بعتلي اللوكيشن اتفاجئت مكنتش اتوقع انك ساكن قريب مني كده…
_ جه يرد عليها بس موبيله رن وكنت اما بكلمه لاني قلقانه عليه انه اتاخر وقتها قغل في وشي ومردش، وهي سألته…
داليا _
لو طلوعنا مع بعض هيسببلك مشاكل مع مراتك انا اسفه مش هنطلع تاني..
رد عليها هشام بسرعه وقال _
لا طبعا ع فكره انا بكون مرتاح جدا واحنا مع بعض، ارجوكي بلاش تربطي دي بـ دي انا اصلا مش عرد ع حياه تلاقيها نسيت حاجه وعايزاني اجيبهالها وانا رايح هناك، هي اخر حاجه في الدنيا تهمها انا…
مسكت داليا ايده وقالت _
ممكن متزعلش هي في ستات كده مش عارفه قيمة اارجاله اللي معاها…
بصلها هشام وقال _
ياريتها تبقي زيك ي داليا كنت ارتحت جدا..
داليا بخبث _
انا موجوده معاك في اي وقت تحتاجني فيه انا موجوده ي هشام اي وقت…
_ بص هشام لـ ايدها اللي مسكت بيها ايده وضحك بهدوء…
ــــــــــــــــــــــــــــــــــــــــ
_ بعد شويه جه هشام عند بيت اهله وكنا قاعدين انا ومامته وفريده اخته بنحكي وباباه في البلكونه قاعد بيزقي الزرع، جه هشام وقعد معانا وكان مبسوط جداً…
فريده _
انت فينك ي ابني مجتش لي بدري مع مراتك؟..
قبل ما يرد عليها ردت حماتي وقالت ـ
والله حقه تلاقيك ي حبة عيني مكسوف تمشي معاها بقي ده منظر مدام راقيه حجاب طويل ولبس يناسب جدتي مش يناسب بنت لسه مكملتش تلاتين سنه..
دمعت عيوني ورديت عليها ـ
معلش ي طنط بس انا عجبني لبسي كده ومش هغيره عشان حد…
اتنهد هشام وقال _
والله انا معنديش مشكله تلبسه بره البيت دي حاجه تشرفتي ان مراتي تبقي لابسه لبس واسع كده، انما ميبقاش بره وجوه كمان ده انا جوزك..
_ ضحكت مامته واخته وانا تحرجت جدا انه بيقلل مني قدامهم كده، حاولت اخلي دموعي متنزلش وقولت..
حياه ـ
بعد اذنكم انا هروح اقعد مع عمو في البلكونه…
فريده ـ
حياه هنطلب بيتزا عايزاها بأي..
رديت عليها لهدوء _
بس انا مبحبش البيتزا ي فريده..
فريده _
سوري ي حبيبتي والله نسيت، طيب اطلبلك اي..
وقبل ما ارد قالت ام هشام بحده _
اطلبي بيتزا وخلصي الولاد جاعو وهي عندها جبنه وطماطم تاكل منها هي مش غريبه..
بصتلي فريده باحراج وقالت لمامتها ـ
ي ماما ميصحش اااا…
بصيت لهشام لقيته سرحان في موبيله وبيكلم حد وبيضحك، فريدت انا ع فريده وحماتي وقولتلهم..
حياه ـ
لا عادر ي فريده انا اصلا مش هتغدي مليش نفس..
_ سيبتهم وروحت قعدت مع حمايا جوه البلكونه ومقدرتش احبس دموعي ونزلت غصب عني، فقرب مني حمايا وقالي بحنان..
ابو هشام ـ
كبري دماغك ي بنتي دول جماعه دماغهم ع قدهم، متاخديش عليهم وكبري دماغك..
ابتسمتله ورديت عليه بهدوء ـ
عادي ي عمو محصلش حاجه..
ــــــــــــــــــــــــــــــــــــــــ
_ قضينا اليوم عند بيت اهل هشام جوزي وبعدين رجعنا البيت وكانو الولاد نامو…
هشام بضيق ـ
وبعدين الولاد نامو صحيهم..
حياه ـ
لا لا حرام مبيهنش عليا بص انا هطلع انيم تيا وانزل ناخدهم تمام…
زعق فيا وقال ـ
نااخد مين ده احنا ساكنين فالخامس والاسانسير بايظ وولادك كبار ميصحو…
صحي عمر ابني وقال ـ
انا ثحيت ي ماما وهطلع لوحدي..
رد عليه هشام وقال _
جدع ي حبيبي صحي اخوك يلاا..
حياه بسرعه _
لا لا خليه وانت امسك ي هشام اطلع بتيا وانا عشيل يوسف وعمر يطلع لوحده..
اتنهد هشام ورد عليا _
طيب ي حياه اتفضلي خلينا نخلص..
_ طلعنا فوق ونيمنا الولاد وبعدين اخدت شاور وطلعت لقيت هشام قاعد ع موبيله، اتغظت بصراحه وسألته..
حياه ـ
انت بتكلم مين؟..
قغل الموبيل بسرعه ورد عليا ـ
لا مفيش ده الشغل..
قام وقرب مني وقال _
بس اي القمر ده، وحشتيني ي حياتي..
_ كنت لسه هرد عليه بس يوسف ابني فضل بينادي عليا، فبعدت عن هشام وقولتله..
حياه ـ
معلش ي حبيبي هروح اشوف ماله واجيلك..
اتنهد ورد عليا _
طيب متطوليش..
_ روحت اوضة ولادي وكان عمر نايم ويوسف صاحي وبيعيط، قعدت جنبه واخدته في حضني وسألته..
حياه _
مالك بس ي حبيبي…
يوسف ـ
انا خايف اووي ي ماما خليكي بايته جنبي…
حياه _
حاضر ي حبيبي انا معاك اهو…
_ نمت جنبه واخدته في حضني ولما حسبته راح في النوم جيت اقوم لقيته صحي وكان هيبكي تاني فملقتش منها ونمت جنبه وروحت في النوم انا كمان، وبتد شويه دخل هشام عندي وصحاني وقال..
هشام _
حياه انتي نمتي هنا…
رديت عليه _
معلش ي هشام بس يوسف خايف وانت عارف لو عيط ازوي هيتعب…
اتغاظ هشام و زعق فيا وقال ـ
تصدقي انا اللي غلطان من الاول، خليكي عند ابنك..
_ طلع هشام ومش من الاوضه بس ده طلع من البيت كله، وانا مقدرتش اقوم من جنب يوسف…
_ طلع هشام من البيت وراح عند داليا، ايوه راحلها واول ما فتحت الباب ولقيته في وشها اتفاجئت وسألته..
داليا _
هشام انت بتعمل اي هنا دلوقتي..
رد عليها بجديه _
تتجوزيني ي داليا…
ــــــــــــــــــــــــــــــــــــــــ
_ صحيت من نومي ع صوت تيا اللي بتبكي روحتلها بسرعه وانا فاكره ان هشام نايم هناك واتصدمت لما لقيته مش موجود، شيلت تيا وفضلت ادور عليه ملقتوش، نيمت تيا تاني وبعدين مسكت موبيلي وكلمته وانا قلقانه جداً عليه، رد عليا بهدوء وقال..
هشام ـ
نعم ي حياه..
حياه _
فينك ي هشام روحت فين فالوقت ده؟..
رد عليا ببرود_
بتمشي بالعربيه شويه..
حياه _
دلوقتي ي هشام دي الساعه اتنين بالليل..
زعق فيا وقال _
ومش هرجع ي حياه خليكي بقي مع عيالك وسيبيني في حالي…
_ خلص كلامه وقفل في وشي وانا فضلت ابكي وزعلانه، بجد وقتها احترت انا ارضيه ازاي بس..
_ اما هو بقي كان نايم جنب داليا بعد ما كتب عليها في السر، ايوه اتجوزها عليا…
داليا _
انت هتقولها امتي اننا اتجوزنا…
رد هشام عليها ـ
مش عارف المهم اننا اتجوزنا..
داليا _
بس مش انا الست اللي ابقي زوجه في السر، المدام بتاعتك مش احسن مني في حاجه…
هشام _
اوعدك قريب اووي هقولها كل حاجه..
داليا _
طيب هقوم انا تجيبلك اكل ي حبيبي..
هشام ـ
استني بس اكل اي دلوقتي خليكي بس جنبي ده احنا عرسان جداد..
ــــــــــــــــــــــــــــــــــــــــ
_ كانت الساعه سبعه الصبح وانا من وقت ما كلمت هشام منمتش مجاليش قلب انام وهو صاحي وزعلان مني، وبعد شويه جه هشام قومت بسرعه وقولتله…
حياه _
كده برضو ي هشام تبات بره البيت..
رد عليا بضيق _
اتخنقت وكنت حابب اشم هوا اي حرام ده كمان عندك..
_ سابني ودخل اوضته وقلع القميص ورمااه ع السرير ودخل الحمام عشان ياخد شاور، روحت انا ومسكت القميص عشان اوديه في الغسيل بس اتصدمت لما لقيت عليه روج وحده ست، قربته من مناخيري وشميت ريحته ودموعي نزلت وانا بشم ريحة بيرفيوم بتاع ستات،في الوقت ده جاتله رساله ع موبيله انا عمري ما مسكت موبيله وفتشت فيه بس المره دي مقدرتش امنع نفسي وروحت مسكت القون واتصدمت لما لقيت الرساله من وحده اسمها داليا وبعتاله «نسيت الساعه بتاعتك ي حبيبي،هستناك بالليل تيجي عشان تاخدها وبس»…
_ في الوقت ده الدنيا لفت بيا هشام بيخوني جوزي واول حب في حياتي يعمل فيا كده..
طلع هشام وسألني ـ
انتي بتعملي اي،ولي ماسكه موبيلي؟..
حياه بضيق _
كنت بشوف الساعه..
ـ راح وطلع هدوم من الدولاب بس لقاها مليانه تراب فجه وزعق فيا وقال..
هشام ـ
اي ده ي هانم؟..
حياه ـ
اي ده اي اللي عمل في الهدوم كده..
هشام بعصبيه _
انتي بتساليني انا، وفي الاخر لما اقرب منك تقولي البيت والعيال وانتي اصلا ملكيش لازمه في حاجه..
دموعي نزلت من غير ما حس وقولتله _
كتر خيرك والله، دقيقه هجيبلك هدوم نضيفه..
_ روحت طلعتله هدوم وببص لقيت ابني يوسف واقف عند الباب وبيعيط وهو خايف، روحتله بسرعه وسألته..
حياه _
واقف كده لي؟..
يوسف _
بابا بيزعقلك بسببي..
مسحتله دموعه ورديت عليه _
لا ده انا بنهزر، يلا بينا نجيب مايه نصحي بيها عمر..
ضحك وقالي بحماس ـ
ماشي ماشي يلاا..
ــــــــــــــــــــــــــــــــــــــــ
_ عدي كام شهر وانا بقيت بهتم بنفسي اكتر وبحاول اديه حقوقه ع قد مقدر وفوق طاقتي كمان، وهو اتعود ع السهر بره، انا عارفه هو بيروح فين بس معرفش عند مين ومش عايزه اعرف انا بحاول اهرب من الحقيقه عشان ولادي وعندي امل انه يرجع تاني ليا ولبيته وعياله بس للاسف هو زودها اووي..
_ وفي يوم كان هو خارج رايح عندها،انا قومت واديت ولادي لـ جارتي ومشيت ورااه من غير ما يحس…
عند داليا وهي كانت متعصبه ومدايقه..
هشام ـ
مالك ي داليا…
داليا بحده _
انت اي اللي اخرك بقالي اسبوع بقولك عايزه اشوفك..
هشام _
ي داليا انا الاشبوع اللي عدي كنت بايت عندك ع طول وحياه انا حاسس انها بدأت تشك فيا…
وقفت وقالتله _
طلقني..
هشام بحده _
ابنتي بتخرفي تقولي اي؟..
داليا بحده _
مبقاش ليك لازمه ي حياتي انا اتجوزتك عشان اخلف ويبقي عندي بيبي بس روحت كشفت وطلعت ما بخلفش…
هشام بغصبيه ـ
نعم ي روح امك يعني كنتي وخدااني كوبري..
داليا بحده ـ
بقولك طلقني..
_ في الوقت ده الباب خبط، وراحت داليا تفتح ولما شافتني معرفتنيش وسالتني..
داليا ـ
نعم انتي مين..
_ ذقيتها ودخلت لقيت هشام قاعد جوه فبصتله بقرف ومشيت، وهو جه يجري ورايا مسكته داليا وقالتله بحده..
داليا _
استني ي حبيبي طلقني الاول..
هشام بغيظ ـ
انا فعلا غلطان يوم مدهلت وحده زيك حياتي..
داليا بسخريه _
روح قول الكلام ده لمامتك اللي كانت بتتفق معايا عشان تطلق مراتك وتكرها وتتجوزني، وابقي روح اقعد جنبها عشان مبقاش ليك وجود في شركتي..
اتصدم هشام وسألها ـ
ايي ماما انتو اي، بس تمام انتي طالق بالتلانه…
_ سابها هشام ومشي وانا كنت جهزت شنطي انا والولاد وكلمت اخويا وقولتله اني عقعد في بيت اهلي وهو يجي عشان هطلق وفعلا قالي انه جاي، دخل هشان وقالي..
هشام ـ
انا عارف اني مهما قولت مش هيغفرلي عندك بس انتي السبب ي حياه..
حياه _
معاك حق انا السبب اني وثفت في واحد زيك واديتك قيمه متستهلهاش..
هشام _
ي حياه بصي لنفسك انا راجل ومن حقي حاجات كتير انتي كنتي مهمله فيها..
حياه _
مهمله انت اناني عمرك مقدرت تعبي عشانك كل همك مصلحتك مع اني مقصرتش زي مانت بتقول، كنت انت ومامتك اللي كلمتني من شويه بتقولي اسيبك عشان تكمل مع داليا كنتو ديما بتقولو عايزيني اجيب خدامه، الخدامه كانت هتعمل اي كانت هتاخد بالها من عمر وشقاوته ولا من يوسف والمرض بتاعه واكله اللي بيتعمل لوحده ولا هتقدر تطبخ وهي شايله تيا ع ايدها بالتلات سعات واكتر…
_ مقدرش يرد عليا وسكت وبص للارض، فدخلت جيبت اولادي وقولتله وانا بمسح دموعي..
حياه _
انت خسرت ي هشام، ياريت تطلقني من غير شوشره كمال اخوبا هيوصل بكره بالكتير وهيقابلك ونخلص كل حاجه بقي، مبقتش طايقه ابص في وشك اصلا..
_ قولتله كلامي واخدت الولاد ومشيت واول ما طلعت من الشقه رميته ورا ضهري مش قلة اصل بس هو اللي قل باصله معايا الاول، وانا مش هتحمل حاجه تاني ومش هقول عشان ولادي اتحمل ولادي هيتعبو لو عشت مع واحد اناني زيه، انا اخترت راحتي وكرامتي وراحت ولادي…
_الست بتتحمل وبتضحي كتير بس وقت ما تنفجر اوعي من قدامها يا عينيا عشان ما بتبقاش باقيه علي حاجه

لقراءة باقي حلقات الرواية اضغط على : (رواية حياه)