رواية خارج عن المألوف 3 الفصل السابع 7 بقلم نشوة عادل

رواية خارج عن المألوف 3 الفصل السابع 7 بقلم نشوة عادل

رواية خارج عن المألوف 3 البارت السابع

رواية خارج عن المألوف 3 الجزء السابع

رواية خارج عن المألوف 3 الحلقة السابعة

-لسه معرفش هو اى واحد فيهم بس اللى باين انه قوى جدا وقوته ملهاش حدود بس بإذن الله هنحاول وربنا وحده القادر عليه
يزن: طيب بعد اذنك خلينى معاك النهاردة
ايهاب: ع فكرة انا مش خايف منه انا مش بخاف الا من اللى خلقنى وعارف ان حتى لو قدر يصيبنى مكروه فهو سبب لتنفيذ امر ربنا لكن انا خايف عليك انت يمكن جايز اقدر احمى نفسى منه لكن انت هحميك ازاى؟!
يزن: سيبها ع الله المفروض ان انت المقصود مش انا ويمكن وجودى معاك يقوينا عليه
ايهاب: طالما مصمم يبقى اهلا بيك فى اى وقت
يزن: طيب هستأذن انا اروح ع القسم اخلص شغلى وع ١٢ ان شاء الله هكون عندك
ايهاب: ان شاء الله ربنا معاك
راح يزن ع شغله وابتدى يمارسه بشكل طبيعى وقرر انه يقرأ تقارير الطب الشرعى تانى ولاحظ ف كل التقارير ان وقت وقوع الجريمة بيبدأ من الساعة ٢ ل ٣ بعد نص الليل افتكر وقتها يزن كلام اشرف انه راح لشبل يوم الحادثة حوالى الساعة ٢ ونص خلص شغله والساعة ١٢ بالدقيقة كان قصاد باب بيت الشيخ ايهاب
ايهاب: اهلا ي حضرت الظابط اتفضل ادخل
يزن: انا اسف لو بتطفل عليك يعنى انا والله كل نيتى انى احاول احميك
ايهاب: الحامى هو الله
يزن: احم اومال الجماعة فين اتمنى مكونش انا السبب انهم مشيوا
ايهاب: لا انا عايش لوحدى اصلا
يزن: بجد اومال فين زوجتك واولادك؟!
ايهاب: متجوزتش
يزن بضحك: والله انت الكسبان المهم انا قرأت ف تقارير الطب الشرعى ان الحوادث بتبدأ ما بين الساعة ٢ لحد ٣ يعنى ف خلال الساعة دى
ايهاب: اكيد لانهم ميقدروش يظهروا ف النهار قوتهم بتبدأ بمنتصف الليل وبتضعف مع الفجر
يزن: تمام هنعمل ايه دلوقتى
شغل ايهاب التليفزيون ع قناة قرآن وقال :مهما كانت قوة الجن بيضعف لما يسمع كلام الله بس مش اوى وخصوصا لو مارد
يعدى الوقت والساعة تيجى ٢ ونص وابتدى ايهاب يحس بحركة غريبة هو ويزن وفجأة النور قطع شغل يزن الكشاف ولقى الدهار ف وشه وقع ف الارض وهو بيستعيذ بالله من الشيطان ومغمض عيونه وبينده ع ايهاب لكن مفيش ليه اى صوت فضل يزن يقرأ قرأن كتير لحد ما عدت الساعة والنور رجع ولقى ايهاب ساجد ع سجادة الصلاة وانهى صلاته
يزن: شيخ ايهاب انت بخير؟!
ايهاب: الحمدلله ربنا نجانى منه مقدرش يقربلى وانا ف طاعة الله
يزن: انا شوفت شكله زى ما وصفوه بالظبط
ايهاب: وانا كمان شوفته وعرفته ده دهار واحد من الشياطين الاقوياء اللى بيظهروا للناس ويرعبوهم وبيتلذذوا بال*دم
يزن: طب …طب هو انت كده هيظهرلك تانى؟
ايهاب: مش عارف بس اللى متأكد منه انه حاليا نقص من قوته لانه منفذش المهمة وكل ما يفشل كل ما يضعف
يزن: والحل ايه؟!
ايهاب: اكدب عليك لو قولتلك انى هقدر عليه او اقدر اقف قصاده لوحدى لازم حد يكون متمكن اوى ف التعامل معاهم
عند خديجة بعد ما فشل الدهار ف مهمته رجع ليها وظهر بدون ما يسيطر عليها بهدف انه يرهبها فضلت تصرخ جامد
رتيبة: رضوان ادخلها ي اخويا
رضوان: لا انتى سمعتى الشيخ قال ايه سبيها ربنا قادر ينجيها
خلود بدموع: ارجوك ي بابا انا مش قادرة اسمعها وهى بتصرخ كده ارجوك اعمل اى حاجة
خالد: انا هدخل ليها
منعه رضوان: لا ي خالد انا مش حمل حد تانى فيكم يتأذى
رتيبة بدموع: طب الحل ايه؟!
رضوان: نستنى لما الشيخ ايهاب يجى الصبح
رتيبة: طب افرض جرى ليه حاجة!
رضوان: ان شاء الله هيكون بخير واكيد هيكون فيه حل
عدى اليوم بعد كده بسلام خصوصا مع قرآن الفجر ومشى يزن ع شقته وهو مش مستوعب ولا لسه قادر يصدق اللى عيونه شافته واول ما النهار طلع مسك فونه ورن ع جده
محمد: صباح الخير ي حبيبى صاحى بدرى يعنى
يزن: انا منمتش اصلا ي جدى اصلك متعرفش ايه اللى حصلى ومش هتصدقه
محمد: خير ي ابنى حصل ايه؟!
حكى يزن لجده اللى حصل مع صدمته باللى سمعه ….محمد: طب الشيخ وانت عاملين ايه؟!
يزن: الحمدلله بس الشيخ قالى انه مش هيقدر عليه لوحده ولازم حد قوى يتعامل معاه
محمد: حد زى مين؟!
يزن: والله ي جدى ما انا عارف ….سكت يزن شويه وافتكر الشيخ اللى جده حكى ليه عنه وانقذه من العمل بتاع مرات عمه وقال: بقولك ي جدى فاكر الشيخ اللى كان فسد العمل بتاع مرات عمى
محمد: ايوة الشيخ عثمان
يزن: هو لسه عايش؟!
محمد: والله ي ابنى ما اعرف عنه حاجة من يوم ما سيبنا البلد وجينا ع القاهرة
يزن: طب معليش ي جدى هتعبك معايا لو تعرف تشوف حد يوصلنا بيه من معارفنا هناك يبقى عملتلى جميل مش هنساه العمر كله
محمد: ماشى ي ابنى هقفل معاك وهكلم كذا حد وربنا يقدم ما فيه الخير
يزن: يارب ادعيلى عن اذنك هقفل وارتاح شويه
بالفعل قفل يزن مع جده وحاول ينام وكان طول نومه بيشوف كوابيس مفزعة لحد ما شاف الدهار قام فجأة بص ف الساعة لقى المغرب اذن
يزن لنفسه: يااااه معقول انا نمت كل ده؟!
قام اخد شاور ونزل ع القسم …اشرف: مساء الخير ي فندم انا كنت مستنى النبطشية تخلص وهعدى عليك اطمن واشوفك مجيتش ليه؟!
يزن: فيك الخير والله ي اشرف
اشرف: مالك ي فندم شكلك تعبان!
يزن: انا مكنتش نمت امبارح وكمان شوفت اللى انت شوفته
اشرف بصدمة: شوفت ايه؟!
يزن: هو اللى جه ع بالك دلوقتى
اشرف: طب ازاى وفين؟!
حكى ليه يزن ع اللى حصل وكمل: دلوقتى بس امنت انكم مش بتكدبوا ولا بتخرفوا
واثناء حديثهم لقى يزن فونه بيرن وكان محمد رد بسرعة: الو ي جدى
محمد: ايوة ي حبيبى عاوز ابشرك انى قدرت اوصل للشيخ عثمان وووووو…

يتبع…..

لقراءة الفصل التالي  : اضغط هنا

لقراءة باقي حلقات الرواية اضغط على : (رواية خارج عن المألوف 3)