رواية حبي الوحيد الفصل السادس 6 بقلم جنى أحمد

رواية حبي الوحيد الفصل السادس 6 بقلم جنى أحمد

رواية حبي الوحيد البارت السادس

رواية حبي الوحيد الجزء السادس

رواية حبي الوحيد الحلقة السادسة

مراد بوجع: اه اه فـ فريدة
فريدة بصدمة: مراد مالك يا مراد
مراد بتعب: هاتي الدوا دة
فريدة بخوف: فين دة اي واحد…ومراد شاورلها علي الدوا وفريدة خليته ياخده
فريدة بخوف: بقيت احسن؟!
مراد: اه الحمدلله وجع راسي بدأ يروح
فريدة: لا مش هروح اذاكر هقعد معاك
مراد: روحي ذاكري يا فريدة.
فريدة: طيب هروح بس انت متاكد انك كويس
مراد بضحك: والله كويس
فريدة: ماشي انا رايحة اوضتي….عايز حاجة؟!
مراد: لا شكرا
فريدة: يلا سلام ومشيت
___________________
“في الشركة”
مازن: يااااه خلاص فاضل تكة وناخد الصفقة
ليل: الحمدلله مفاضلش غير أننا نروح شرم الشيخ وناخدها
مازن: هتعزمني علي ايه
ليل بحدة: مازن قوم روح علي مكتبك
مازن: ولو مروحتش
ليل وهو بيحدف عليه الملف: قوم يا مازن
سليم دخل والملف جه علي وشه
سليم: ااااه ااااه في ايه مالكوا
ليل بصدمة: بابا انا كان قصدي مازن
مازن ببكاء مصطنع وضحك: يرضيك كدا يا عمي افرد كانت جت في عيني كنت هعمل ايه ساعتها
سليم بضحك عليه: معلش يا مازن
مازن ببكاء مصطنع وضحك: لوسمحت يا عمي هاتلي حقي فين حقوق الإنسان
ليل: ما خلاص بقا متسوقش فيها
مازن: بيعاملني معاملة مرات الاب
سليم بضحك: طب ما انت قبل كدا ضربته بإزازة الماية بطلوا شغل الاطفال دة
مازن: دة حتي الاطفال احباب الله
ليل: روح علي مكتبك يا مازن
مازن: باي يا عمي
سليم: باي يا مازن متنساش أننا هنسافر بعد اربع ايام
مازن: حاضر يا عمي……ومازن راح علي مكتبه
________________
بعد اربع ايام
ليل صحي وخد شاور وسرح شعره اللي طويل الي حد ما ولبس بدلة أنيقة ورش من برفيوم بتاعه الغالي ورن علي مازن
ليل: الوو يا مازن عامل ايه
مازن: الحمدلله انت عامل ايه
ليل: الحمدلله ايه خلصت
مازن: اه خلصت هروح اركب العربية واجي
ليل: ماشي وقاله علي المكان اللي هيتقابلوا فيه وليل نزل تحت
ليل: خلاص بقا يا ماما هو احنا اول مرة نسافر
ثريا بعياط: خلي بالك من نفسك
ليل بضحك: وهاكل سندوتشاتي كلها وهحافط علي أقلامي
ثريا بضحك ممزوج بعياط:ماشي
سليم: عايزة حاجة يا ثريا
ثريا: عايزة سلامتك
مراد: بابا علي فكرة أنا عندي جلسة انهاردة
سليم: مين هيروح معاك
ثريا: مش هينفع اروح معاه هسيب فريدة لوحدها؟!
سليم: خلاص روح وهبعت معاك حراسة
مراد بملل: حاضر
ليل: فين فريدة عايز اسلم عليها
ثريا: نايمة فوق سهرت جامد عشان المذاكرة ونامت حتي مش هتقدر تروح الجامعة
ليل: دة الدكتور بتاعها زمانه بيتوعد لها
ثريا: علي رأيك…..وليل حضن مراد وسلم عليه وقبل راس ثريا وراح ركب عربيته واتجهوا الي المكان اللي هيتقابلوا فيه
“في فيلا الجرحي”
مراد: انا رايح الجلسة يا ماما
ثريا: ماشي يا مراد
واحد من الحراس: اتفضل يا استاذ مراد…ومراد ركب عربيته واتجه إلى المستشفى
“في المستشفي”
ندي كانت قاعدة بملل علي الكرسي بتاع المكتب وبتلف بيه ووصل مراد الي المستشفي
مراد: ندي موجودة ..أحم قصدي دكتور ندى موجودة
روان: ثانية.. دكتورة ندي استاذ مراد جه
ندي: دخليه يا روان
روان: اتفضل يا استاذ مراد..دخل مراد
ندي: ازيك يا استاذ مراد
مراد: ممكن بلاش استاذ دي
ندي باستغراب: ازاي يعني
مراد: انا مش هقولك دكتورة وانتي مش هتقوليلي استاذ
ندي في سرها: هو الدوا اللي قلتله عليه عملوا حاجة في مخه
ندي: لو الحاجة دي هتساعد نفسيتك موافقة يلا نبدأ جلستنا يا مراد واتكت علي مراد وأت الجلسة مراد طول الجلسة كان بيحاول يركز معاها بس جمالها كان بيشتتوا وعينيها السودا اللامعة بتنسيه كل حاجة بنقول عليها
مراد بتلقائية وعدم وعي: هي دي عينك ولا لينسيز
ندي: حضرتك مركز معايا ولا في عيني
مراد: مركز في جمالك
ندي قامت وقفت: افندم
مراد: احم احم لا طبعا مركز في الجلسة
ندي بحدة: علي فكرة دي تاني مرة تقولها
مراد: اسف وكملت ندي جلستها وهو بيقول لنفسه الله يخربيتك ايه اللي انت عملته دة
قلبه: ما هي اللي جميلة
عقله: بس يا مراد مين دي الي تقع في حبها
قلبه: ياعم اتنيل اسكت بقا
ندي: الخاصية بتاعت الجلسة اللي فاتت يارب تكون فادتك
مراد: هي فعلا فادتني صداع راسي بدأ يقل
علي خبط علي ندي
ندي: معلش ثانية…ادخل
علي: ايه دة انتي عندك جلسة
ندي: أيوة يا بابا دة معاد الجلسة حضرتك نسيت ولا ايه
علي: اصل كان عندك الصبح فاستغربت
ندي: الصبح دي كانت متأجلة لكن دلوقتي دة معادها
علي: اسف مكنتش اعرف
ندي: اتفضل حضرتك كنت عايز ايه
علي: كنت عايز الورق رنيت علي السكرتارية بس مردتش ومش لاقيها برا
ندي: طيب تلاقيها بتعمل حاجة وفتحت الدرج وقالت: اتفضل الورق اهوا
علي: ماشي…انا خلصت شغل
ندي: بس انا لسة مخلصتش
علي: بصي انا همشي و هبعتلك عربية بحراسة
ندي: ماشي يا بابا
علي: عايزة حاجة؟!
ندي: لا شكرا
مراد كان متعجب من طريقتها مع باباها واحترامها ليه
ندي: اسفة يا استـ… قصدي يا مراد
مراد في سره: مراد طالعة منها حلوة اوي
مراد: لا لا ولا يهمك
ندي: يلا نكمل وكملوا
________________
“عند ليل ومازن وسليم”
ليل: اخيرا خدنا الصفقة
مازن: الحمدلله
سليم: بجد رفعتوا راسي اشتغلتوا جامد عليها لحد ما اخدناها
ليل: شكرا يا بابا
مازن: شكرا يا عمي
سليم: عارفين لو أخدنا الصفقة الجاية أن شاء الله هتبقي شركتنا من اكبر شركات العالم
مازن: يلا علي العزومة يا ليل
سليم: عزومة ايه
ليل: كنت واعد مازن لو أخدنا الصفقة هعزموا علي الغدا
سليم: اممم طيب
مازن: ما تيجي معانا يا عمي
ليل: اه صح ما تيجي معانا يا بابا
سليم: لا لا اتبسطوا انتوا انا هروح
ليل: حاضر يا بابا…….وسليم مشي بالعربية مع حراسه طبعا
ليل: اتفضل يا سيدي عايز تاكل ايه
مازن: تعالي تعالي اعرف مطعم حلو هنا
ليل: ربنا يستر ميكونش الاكل مسمم
مازن: انت متعرفش انا مين ولا ايه
ليل بضحك: ما المشكلة اني عارف ومازن وليل راحوا ركبوا عربيتهم واتجهوا للمطعم
“في فيلا الجرحي”
فريدة بتعب: راسي بتوجعني
ثريا: يا حبيبتي مينفعش كدا لازم تنامي كويس ومش كله سهر كدا انتي كدا هتأذي نفسك
فريدة: اعمل ايه يا ماما لازم أشد في المذاكرة
ثريا: يا حبيبتي اصحي بدري وذاكري ونامي بدري حرام عليكي نفسك
فريدة: ماشي يا ماما
_______________
“في المستشفي”
ندي: ودي كانت اخر حاجة في جلستنا اشوفك الجلسة الجاية
مراد: أن شاء الله وندي ومراد طلعوا من المكتب لكن ندي سبقته
ندي بإستغراب: ايه دة فين العربية ورنت على علي
ندي: الوو يا بابا فين العربية
علي بإستغراب: هي العربية موصلتش
ندي: ايوة مافيش حاجة وصلت
علي: ازاي انا قايلهم من بدري هقفل معاكي واكلمهم
______________
السواق: هنعمل ايه العربية عطلت في نص الطريق
الحارس: ما انا قلتلك رن علي استاذ علي مردتش عملت فيها جان وقلت انا هصلحها ومافيش حاجة اتصلحت
السواق: اسكت اسكت بيرن
علي: الوو انتوا فين بقالكوا ساعة بتوصلوا
السواق بتوتر: الصراحة العربية عطلت في نص الطريق
علي: ومرنتش عليا ليه
السواق: ما انا الصراحة قلت هصلحها
علي بعصبية: بنتي واقفة قدام المستشفي مستنياكوا ما ترن عليا وابعتلك عربية تانية ايه الاستهتار دة
السواق: انا قلت عطل صغير مش محتاج اكلم حضرتك
علي بزعيق: ميت مرة اقولك متتصرفش من دماغك اقفل دلوقتي هبعتلها حد تاني
السواق: تحت امرك يا استاذ علي وقفل
الحارس: قالك ايه
السواق: هيبعلها حد تاني غيرنا
نادية: مالك يا علي عمال تزعق كدا ليه؟!
علي: العربية اللي بعتها لندي لسة موصلتش وكلمتهم قالولي العربية عطلت طب ما يرنوا عليا
نادية بصدمة: كل دة والعربية موصلتش
علي: بعتلها عربية تانية زمانها علي وصول وهرن عليها اخليها تقعد في مكتبها لحد ما العربية توصل اكيد مش هخليها واقفة في الشارع كدا
نادية: طيب اهدي كدا
علي: هديت
____________
“في المستشفي”
ندي: استغفر الله العلي العظيم كل دة والعربية موصلتش
: مين اللي مزعل القمر دي
ندي في سرها: هما بيكلموني انا اعمل ايه يا ربي
: ما براحة علي الارض اصل مش بتاعتنا مقلتليش بردوا يا قمر مين اللي مزعلك
مراد: اللي مزعلها هيزعلك دلوقتي ونزل فيه ضرب
ندي: مراد مراد خلاص
مراد مسمعهاش وكمل ضرب فيه لحد ما وشه فضل يجيب دم من كل حتة وهيغمي عليه
ندي بعياط: كفاية يا مراد
مراد اول ما شاف دموعها قلبه وجعه وسابه والولد قام جري
مراد: انتي كويسة
ندي بعياط: اه كويسة…. ايه دة ايدك بتنزف
مراد: مش مهم ايه اللي موقفك هنا مروحتيش ليه
ندي: العربية بتاعت بابا لسة موصلتش
مراد: طيب تعالي اوصلك
ندي: لا شكـ…….
مراد بمقاطعة: تعالي اوصلك يلا وراحت معاه ركبت العربية
مراد للحراس: امشوا انتوا وانا هروح دكتورة ندي وهروح
الحراس: بس استاذ سليم قال منسيبوش حضرتك
مراد: قولوا لاستاذ سليم اللي انا اللي قلتلكوا كدا
الحراس: تحت امرك يا استاذ مراد
مراد: تعرفي أن شكلك حلو لما بتعيطي
ندي: اكيد مش همشي في الشارع بعيط عشان شكلي احلي لنا بعيط
مراد: اصلا شكلك حـ…….
ندي: شكرا
مراد: انا معملتش حاجة لو كان اي حد مكاني كان عمل ……
مراد: راسي
ندي: انت كويس
مراد وهو بياخد الدوا: لما بتعصب راسي بتوجعني واخد الدوا
ندي: دلوقتي بقيت كويس
مراد: اه الحمدلله فين ابعتي لوكيشن بيتك
ندي: حاضر ثانية وبعت اللوكيشن لمراد
مراد: تمام اربطي حزام الامان
ندي: ربطتوا
واتجه لفيلا الاسيوطي عربية مراد مشيت وحتى وراها علي طول العربية اللي علي بعتها لـ ندي
___________
“عند ليل ومازن”
ليل: يلا يا مازن بقالك ساعة ونص بتأكل
مازن: انت هتحسدني
ليل: يا سيدي مش هحسدك ولا نيلة بس يلا المطعم هيقفل
مازن: طيب يلا
ليل: هروح احاسب وانت روح علي عربيتي
مازن: ماشي……وليل حاسب وراحوا ركبوا العربية واتجهوا لبيتهم
___________________
“في فيلا الجرحي”
ثريا: اومال فين ليل ومازن
سليم: في المطعم ليل كان واعد مازن لو أخدنا الصفقة هيعزموا علي الغدا
ثريا: امممم ماشي هخلي سميحة تحط الغدا
سليم: ماشي يا حبيبتي
_________________
“في فيلا الاسيوطي”
عل: يعني ايه مش لاقيها
السواق: زي ما بقول لحضرتك مافيش حد موجود
علي: ازاي يعني هتكون راحت فين
عربية مراد وندي وصلت
علي بصدمة: انت
ندي: بابا هو……

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية حبي الوحيد)