رواية عادت الى الحياة الفصل العاشر 10 بقلم عادل عبدالله

رواية عادت الى الحياة الفصل العاشر 10 بقلم عادل عبدالله

رواية عادت الى الحياة البارت العاشر

رواية عادت الى الحياة الجزء العاشر

رواية عادت الى الحياة الحلقة العاشرة

مروان طيب أهدي و بلاش تهور وتعالي نفكر بالعقل .
ايهاب عقلي بيقولي حاجة واحدة بس اني لازم اروح هناك حالا .
أغلق ايهاب محادثته مع صديقه مروان وجري سريعا الي منزل أبو سحر .
صعد ايهاب سريعا لا يهتم ان كان سيراه احد ام لا .
حتي وصل اعلي سطح المنزل وظل يدق الباب بقوة وفوجئ بها تفتح الباب .
نظر اليها ايهاب وأمسك ذراعها بقوة فصړخت فقال لها ليه ليه بتعملي كده ليه يا سحر حرام عليكي !!
لم ترد عليه وظلت صامته تحاول الافلات من قبضة يده .
ايهاب مش هسيبك الا لما تتكلمي وتقوليلي ليه بتعملي كده انا عملت حاجة تزعلك علشان تبعدي عني بالطريقة دي وليه مستخبية هنا بعيد عن الناس والناس كلهم فاكرين انك موتتي .
تنظر اليه وتقف صامته لا تنطق بأي كلمة !!!
ايهاب أنطقي مبتتكلميش ليه !!
ثم جذبها ايهاب من ذراعها واتجه الي شقة والدها ووالدتها .
دق ايهاب بابهم بقوة بينما يمسكها بقبضة يده الاخري .
فتحت أم سحر الباب وفوجئت به يدفعها للداخل ويسألها خبيتوا عليا ليه ان سحر لسه عايشة وليه مثلت انها ماټت والناس كلهم ظنوا انها فعلا ماټت جاوبيني مش هسيبكوا الا لما اعرف الحقيقة !!!!
خرج ابو سحر من غرفته وقال له يصوت حاد أنت تسكت خالص دي مش سحر مراتك سيبها .
نظر اليه ايهاب بعيون جاحظة وسأله يعني اي دي مش سحر اومال دي مين يعني معقول اتوه عن سحر مراتي !!!!
ابو سحر سيبها بعد اذنك يا ابني واقعد وانا هقولك كل حاجة .
تركها ايهاب وجلس في مكانه يكاد لا يستطيع السيطرة علي اعصابه من هول الصدمة .
ابو سحر دي مش سحر مراتك .
ايهاب يعني اي مش سحر !!
أبو سحر دي سارة أخت سحر التؤام !!!!!!
ينظر ايهاب اليها ويكاد ان يفقد وعيه من هول الصدمة !!!!!
ايهاب سارة !!! تؤام !!! انا مش فاهم حاجة !!! انا متجوز سحر من اكتر من ٨ سنين وعمري ما سمعت ولا عرفت ان سحر لها اخت تؤام !!!
ام سحر هيه دي الحقيقة يا ايهاب يا ابني .
ابو سحر هي دي الحقيقة يا ايهاب واللي كنت بداريها واخبيها عنك وعن كل الناس .
ايهاب لأ انتوا كدابين انتوا بتقولوا كده علشان تخبوا عني الحقيقة ان سحر لسه عايشة .
ابو سحر دي مش سحر بنتي الله يرحمها بص في وشها كويس وانت تتأكد .
نظر ايهاب اليها جيدا نفس الشكل نفس الملامح نفس العيون ولكن الروح مختلفة !!!
مازال ينظر لها غير متأكد أو ربما غير مستوعب للمفاجأة !!
ابو سحر طيب بص في قدم رجلها اليمين شايف عندها اصبع سادس زيادة زي ما انت شايف اظن طبعا انت متأكد ان سحر
مراتك مش عندها اصبع زيادة في قدمها .
ايهاب أيوه فعلا !! لكن ليه وازاي ازاي اكون متجوز بنتك من اكتر من ٨ سنين ومعرفش ان مراتي لها اخت تؤام !!!!
ابو سحر انا عذرك لكن عايزك تهدا وتسمع كلامي علشان تفهم .
ايهاب اتفضل .
أبو سحر ربنا لما رزقنا بتؤام سمناهم سحر وسارة وكنا فرحانين بيهم اوي وكل الناس بتحسدنا علي البنتين التؤام القمرات .
ايهاب انا عايز اعرف ازاي داريت عني ان مراتي لها اخت تؤام
ابو سحر اديني فرصة اكملك .
ايهاب اتفضل انا سامعك .
ابو سحر بعد شهور من ولادتهم لاحظنا ان سارة مش طبيعية زي اختها سحر .
ايهاب مش طبيعية ازاي
أبو سحر كانت تصرفاتها غير اختها ولما كشفنا عليها عند دكاترة كتير اتأكدنا أن عندها توحد .
ايهاب توحد !!!
أبو سحر أيوه سارة بنتي عندها توحد ولما كان عندها ٤ سنين وراحت الحضانة مع اختها كان الاطفال في الحضانة بيضايقوها ولأنها مش بتتكلم كانت بتفضل تبكي وحابسة مشاعر الحزن والألم جواها ولما كنت بشوفها أنا وامها كان قلبنا بيتقطع عليها ومش عارفين نعملها ايه .
كان ايهاب يستمع في هدوء وينظر الي أم سحر التي كانت دموعها تسيل بغزارة علي وجهها .
ايهاب وبعدين يا عمي كمل لو سمحت .
أبو سحر كان الحل الوحيد اني ابعدها عن كل الناس علشان محدش يتنمر عليها وتتألم وتفضل الامنا انا وهي وأمها طول العمر فقررت أني أقول لكل الناس أن سارة بنتي ماټت .
ايهاب اي !!!!!! قولت للناس انها ماټت وهي عايشة
ابو سحر كان لازم اعمل كده علشان ابعدها عن كل الناس اللي ممكن يأذوها او يأذوا مشاعرها .
ايهاب ينظر للرجل في ذهول ثم ينظر الي حماته ام سحر التي تبكي بمرارة ثم ينظر الي سارة التي كانت ملامح الحزن تغمر وجهها الملائكي البرئ .
ايهاب ويجيلك قلب تبعد بنتك عن الدنيا كلها بالطريقة دي وامها ازاي توافق ثم يوجه كلامه لأم سحر أنتي ازاي توافقي علي كده يا حماتي !!
تنظر له أم سحر بحزن و قلة حيلة .
ابو سحر دي كانت الطريقة الوحيدة اللي اقدر احمي بيها بنتي من الناس القاسيين .
ايهاب والله انا ما شوفت حد اقسي منك ابدا تهون عليك بنتك !!! واكيد طبعا كانت عايشة في الاوضة اللي فوق السطح علشان تبعدها عن الناس و محدش يعرف عنها حاجة
أبو سحر أيوه .
أبهاب حرام عليك والله حرام عليك لما تعيش بنتك كده ولا تشوف حد ولا حد يشوفها وكأنها في سجن أكتر من عشرين سنة والله حرام عليك .
تسقط دموع ابو سحر ويقول كنت بحميها كنت لازم احمي بنتي ممكن تكوني طريقتي غلط لكن هدفي الأول والأخير حماية بنتي وخۏفي عليها
وانا مكنتش بحپسها انا لما كنت احس ان فترة حبستها في البيت طالت كنت بأخدها ونخرج انا وهي وامها والناس كانت تفتكر انها سحر اختها .
ينظر ايهاب الي سارة التي كانت تغمر ملامحها الحزن ويسألها وانتي كنتي بتروحي تشوفي ولاد اختك بعد ما انزل للشغل
تتبدل فجأة ملامح الحزن لسارة وتبتسم ابتسامة عريضة وتشير برأسها بالايجاب .
أبو سحر سارة مبتتكلمش زي ما قولتلك .
ايهاب ببتسم وينظر لسارة كنتي بتروحي للولاد ليه
تضحك سارة وتشير له أنها تحبهم جدااا .
أم سارة بعد مۏت اختها سحر سارة كانت بتحب تطمن علي ولاد اختها فكانت بتختفي فجأة ولما انا وابوها عرفنا سألناها وعرفنا منها انها بتروحلهم علشان خاېفة عليهم وبتحبهم اوي لدرجة انها اتعلقت بيهم جدا وكل يوم تروح تعملهم اكل وتقعد معاهم تأكلهم وتلعب معاهم وحاولنا نمنعها لكنها كانت بتنزل وتروحلهم مهما منعناها .
ايهاب والله سارة دي ملاك حرام عليك يا عمي اللي انت عملته فيها ده .
ابو سحر يمسك يد ابنته سارة ويقبلها ويقول لها سامحيني يا بنتي كنت خاېف عليكي كل اللي عملته بسبب خۏفي عليكي يا حبيبتي .
ينظر له ايهاب ويقول أخر حاجة كنت اتوقعها ان سحر تكون عندها أخت ومش أي أخت دي ملاك بتمشي علي الارض بعد أذنك يا عمي كنت عايز اطلب منك طلب .
ابو سحر لو مش عايزها تروحلهم تاني انا ممكن امنعها تروحلهم خالص .
أيهاب أنا بطلب منك ايد بنتك سارة .
الجميع ينظر لايهاب في ذهول لثواني معدودة .
تنظر اليه سارة في خجل !!
ابو سحر أنت عايز تتجوز سارة بنتي !!
أيهاب أيوه يا عمي .
أبو سحر لكن دي …..
يقاطعه ابهاب ويقول دي ملاك عمري ما هلاقي زيها في قلبها وطيبتها وحنيتها سارة هتبقي مراتي وأم لأولادي وولاد اختها الله يرحمها .
أبو سحر أتأني وفكر الأول قبل ما تعمل حاجة ترجع ټندم عليها .
ايهاب أنا لو ندمت علي اي حاجة في حياتي مش ممكن اندم اني ارتبط بانسانة بالطيبة والحنية والقلب الطاهر ده و يارب أقدر أعوضها عن اللي فاتها في حياتها اللي فاتت في حياتها معايا اللي جاية .
أنتهت قصتنا بعد أن عادت سارة الي الحياة .
تمت .

لقراءة باقي حلقات الرواية اضغط على : (رواية عادت الى الحياة)