رواية صقر الصعيد (قضية شرف) الفصل الخامس 5 بقلم نور الشامي

رواية صقر الصعيد (قضية شرف) الفصل الخامس 5 بقلم نور الشامي

رواية صقر الصعيد (قضية شرف) البارت الخامس

رواية صقر الصعيد (قضية شرف) الجزء الخامس

رواية صقر الصعيد (قضية شرف) الحلقة الخامسة

كان يقف بتوتر ينظر الي ساعه يده حتي رددت شريفه جدته بضيق:
يا ابني مجولتش صوت الرصاص ال من شويه دا كان ليه ومين البنت ال كانت معاك وراحت فين عاد
صقر بحده:
راحت زي ما راحت يا حجه هو دا وجته… فيين عشق… راحت فين
نظرت شريفه بضيق وجاءت لتتحدث ولكن قاطعها دخول عشق التي اقتربت من صقر واحتضنته وهي تردد ببكاء:
صقر انا اسفه بس كنت مضايجه جووي وخرجت اتمشي و
لم تكمل عشق كلماتها حتي ابعدها صقر من احضانه ونظر اليها بضيق وهو يتفحصها وردد:
هو انتي كنتي فين… وخرجتي ازاي من غير ما تجوليلي
عشق بتوتر:
انا معرفش انت فين وخوفت والله الا ترفض انا اسفه سامحني.. الجرح ال في ظهرك كويس
صقر بضيق:
اها… كويس… كويس جووي كمان
القي صقر كلماته وذهب اما في مكان اخر عند عشق كانت تجلس في هذه الغرفه وهي تصرخ بشده حتي دخل توفيق فاقتربت منه واحتضنته ورددت بلهفه:
توفيق انت كويس…. واحشتني جووي انت اكيد عرفت اني اهنيه وجيت علشان تخرجني صوح
ابتسم توفيق بسخريه وردد:
لع… غلط… انا جاي اهنيه علشان اشوفك…. بجا واحده زيك تعمل فينا كل دا…. اخرتها تبجي متهمه في جضيه ز’نا….. دا انتي طلعتي وس’خه وسا’خه
عشق بحده:
بجد والله… انت ال بتتكلم عن الوساخه يا اخوووي… انت ناسي انت والواطي التاني دا عملتوا اي
صلاح بعصبيه:
بت اخرررسي خالص انتي بتتكلمي ازاي معانا بالطريجه دي
عشق بغضب:
انت ال تخررس خالص وانا اتكلم براحتي… لع فووووجو شويه….. دا انتوا اوسخ ناس في البلد كلها… انتوا خليتوا الكل كل ما يسمع اسم عيلتنا يبعد عننا… زهراء كل ما يجيلها عريس ويعرف انها اختكم يرفضها ويجول انها اكيد هتبجي جليله الشرف زي اخواتها…. واختكم التانيه ال صقر خطفها ولحد دلوجتي منعرفش عنها اي حاجه… وانتوا جاين تتكلموا عن الشرف…. طيب خلوا حد غيركم يتكلم و
لم تكمل عشق حديثها وفجأه تلقت صفعه قويه علي وجها من توفيق الذي ردد بغضب:
اخررررسي…. اخرررسي خااالص هو لسه مشافش مني حاجه انا مش هسكتله
نظرت عشق اليه بسخريه وانفجرت في الضحك وهي تردد:
بجد…. مش هتسكتله… مش هتسكت لمييين دا خلص علي عيلتنا كلها… وانتوا جاعدين في الجحور زي الفأران بالظبط….. طيب خليكم رجاله واطلعوا واجهوه الاول بدل ما انتوا مستخبين اكده وبعدها ابجي هدد براحتك يا توفيق….. انا هخرج من اهنيه… لمصلحتكم بدل ما صقر يجي يهد الدنيا فووج دماغكم
صلاح بحده:
لع متخافيش… مش هيعمل حاجه علشان انتي موجوده هناك اصلا… فمش هيحس بأي تغير
نظرت عشق اليهم باستغراب حتي ردد توفيق:
اكيد مش فاهمه صوح… انا هفهمك صقر دلوجتي مش هيحس بغيابك علشان انتي معاه هناك… ولا لع صحيح مش انتي… حبيبه جلبك معاه هناك.. ريماس… اختك
نظرت عشق اليه بصدمه لم تستوعب ما قاله للتلو فرددت:
ريماس؟! ازاي… هي رجعت امتي من السفر… وهي مستحيل تعمل اكده… مستحيل تعمل فيا اكده
توفيق بسخريه:
لع عملت… اصل انا طول الفتره ال فاتت دي بكرها فيكي وكمان انتي مكنتيش بتكلميها فجولتلها ان انتي السبب في كل ال حوصلنا وانك هربتي مع صقر وعايزاه يجتلنا وانك انتي كمان تعرفي مكان اختنا ال جوزك خطفها وسايباه يعذها واي حاجه بتوحصل في عيلتنا انتي متفجه فيها مع صقر
عشق بغضب:
انتوا كدااابين… اختي مستحيل تعمل اكده… مستحيييل
الققت عشق كلماتها بغضب وجاءت لتخرج ولكن منعها توفيق وفي المساء كان صقر يدخل الي احدي الغرف السريه الموجوده في البيت حتي وجد فاتن التي اقتربت منه ورددت بلهفه:
صقر عملت اي… كل حاجه تمام
صقر بضيق:
متخافيش… كل حاجه تمام وبكره او بعده اكيد حد من اهلك هيعمل محضر بغيابك وانا بعت رساله من تليفونك لخالتك ال في القاهره دي ان توفيق كان هيجتلك و انك لو اختفيتي يبجي عمل فيكي حاجه وسيبتلك الفون في بيتك وهتفضلي اهنيه لحد ما نشوف اي ال هيوحصل
ابتسمت فاتن بسعاده واقتربت منها وجاءت لتقبله علي شفتيه ولكن ابتعد وهو يردد بضيق:
فاتن مينفعش… احنا اهنيه في البيت.. وانا تعبان اصلا والجرح ال في ظهري تاعبني وعايز اطلع ارتاح
فاتن بلهفه:
طيب تعالي ارتاح اهنيه وانا اشوفلك الجرح
صقر بضيق:
لع معلش… انا هطلع انام في اوضتي وبكره هاجي اطمن عليكي تصبحي علي خير
القي صقر كلماته وخرج وبعد فتره عند شاهر كان يجلس في سيارته امام منزل مهران الجديد حتي وجد زهراء تخرج وهي تبكي بشده وجلست علي احدي الارصفه فنظر اليها باستغراب ولكنه قرر ان يذهب حتي وجد احدي الشباب يقترب منها واعطاها كيس صغير واخذ منها بعض النقود وذهب ودخلت الي المنزل مره اخري فذهب خلف الشاب حتي وجده يقابل بعض الفتيات ويعيطيهم نفس الكيس ويذهب فنزل من سيارته واقترب منه وبحركه سريعه قيد يديه خلف ظهره وردد:
انت بتوزع علي البنات دي كلها هااا…. وريني الشنطه دي فيها اي
القي شاهر كلماته واخذ الحقيبه فركض الشاب وهرب بسرعه وفتح شاهر الحقيبه وانصدم عندما وجدها تمتلئ بـ مخدر الهر’وين فردد شاهر بصدمه:
يخربيتكم….. دا انتوا عيله رز بلبن بجا كلكم
القي شاهر كلماته بسخريه وبعد فتره في غرفه صقر كان ممدد علي الفراش علي بطنه عاري الصدر حتي اقتربت منه ريماس ولمست ظهره وهي تردد:
اي رايك لو اعملك مساج… علشان انت شكلك تعبان جووي والاصابه ال في ظهرك دي اكيد تاعباك صوح
صقر ببرود:
مش عايز اي حاجه منك… كل ال عايزه انك تبعدي عني وبس وبعدين غريبه يعني اول مره تجعدي من غير نكد ولا عياط
ريماس بايتسامه:
جولت كفايه نكد وعياط واجعد مع جوزي في هدوء شويه…. علشان تعرف انا بحبك ازاي
القت ريماس كلماتها ووضعت يديها علي ظهره ولكن مسك يديها بحده وهو يردد:
بس… متلمسنيش جوولت
القي صقر كلماته واعتدل علي الفراش فاقتربت منه ريماس مره اخري ولامست وجهه وهي تردد:
بتبعد عني ليه… هو مش انا مرتك حبيبتك… انا بحبك وانت واحشتني جووي
القت ريماس كلماتها وهي تقترب منه وتقبله علي عنقه حتي اقتربت من شفتيه وبدأت في نزع ثيابها وهي تقترب منه اكثر ولكن فجأه سمعت صوت رنين هاتفه فابتعد عنها واجاب علي المكالمه وبعدما انتهي نهض وهو يرتدي ملابسه فرددت ريماس بضيق :
استناك طيب ولا اي عاااد
صقر ببرود:
لع… انا مش هرجع غير الصبح… تصبحي علي خير
القي صقر كلماته وذهب فجلست ريماس بعصبيه وهي تردد:
وبعديين بجااا… شكل الموضوع دا هيبجي صعب جووي
القت ريماس كلماتها بضيق وارتدت ملابسها وفي صباح يوم جديد كان يجلس صقر في احدي الشقق الكبيره ومعه اخت عشق الكبري وهو يردد؛
انا اسف.. وعارف انكم محدش منكم ليه ذنب في حاجه… بس عشق ليها واعتقد انكم اهنيه محدش بيضايقكم في اي حاجه مع ان عشق فاكره اني بعذبكم … هااا مش ناويه تجوليلي بجا ال انا عايزه
تسنيم:
ريماس…. تبجي التوام بتاع عشق… اختنا بس طول عمرها عايشه بره مصر علشان انا من ام وعشق وريماس من ام تانيه فـ ابوي طلج امهم وهي خدت ريماس واحنا خدنا عشق وامي ال ربتها… هي علاقتها حلوه جوي معانا كلنا بس مع توفيق اكتر… توفيق اكتر واحد كان بيزورها ويطمن عليها وبيروحلها علشان اكده بتحبه وبتصدج اي كلمه بيجولها واكتر حد واخده موقف منه عشق علشان فاكره انها اختارت ابوي بمزاجها ومرديتش تروح معاهم ولا كانت بتوافج تشوف امها مع ان دا غلط.. ابوي هو ال كان بيمنعها وعلي فكره ريماس اطبعت بالعيشه الغربيه جووي مع انها بتعرف تتكلم صعيدي كويس.. بس كل طباعها وتصرفاتها لا تنفع في الصعيد ولا في مصر كلها… بس انت بتسأل ليه
صقر بضيق:
علشان ال معايا دي مش عشق…. دي اختك التانيه… من اول ما دخلت البيت وحضنتني وانا عرفت انها مش هي… عشق عندها حساسيه من اي برفان ودي حاطه برفان وجامد جوي كمان غير ان عشق عندها وحمه في ايدها بس دي لما ركزت معاها ملاجيتش اي علامات وشعر عشق طويل جوي وفيه حتت مقصوصه بطريجه عشوائيه بس دي شعرها مش اكده… فيه حاجات كتيره جووي بسيطه مختلفه بينهم
تسنيم بخوف:
اومال اختي فيين لما دي مش عشق
نظر صقر بقلق وذهب وبعد فتره عند عشق كانت جالسه في هذا المكان تبكي بشده وهي تتذكر
فلااااش بااااك
كانت تجلس بين احضانه وهو يلامس خصلات شعرها ويردد:
مين جال اكده…. انا بحبك… وبحبك جووي كمان كفايه انك عارضتي اهلك علشاني
عشق بابتسامه:
اوعي تسيبني في يوم من الايام.. انا اصلا مستحيل كنت اتخيل ان انت ممكن تحبني بعد ال اخواتي عملوه
نظر صقر اليها بضيق وتحدث ببرود:
انتي مالك باخواتك… انتي حاجه وهما حاجه و
فلااش باااك
فاقت عشق من شرودها وهي بتعيط وبتقول:
من الليله دي مشوفتش يوم كويس… معرفش انا ازاي صدجتك وحبيتك… انا ازاي كنت اكده… بس بالرغم من كل ال عملته فيا انا مجدرتش ابطل احبك…انا مش عارفه اطلعك من جلبي… ومستحيل اسيبك لريماس… لع انا مش هسكت
القت عشق كلماتها ونهضت وهي تفكر في خطه حتي قررت ان تنفذها حتي لو كلفها الامر حياتها اما عند صقر كان يقف في حديقه بيته بغضب وهو يردد:
انا عااايز مرتي يا شاهر…. عايزها بدل ما اطلع اجتل البنت ال فوج دي واخلص منها
شاهر بضيق:
اهدي طيب…. اهدي واحنا ان شاء الله هنعرف مكانها و
لم يكمل شاهر كلماته حتي اقتربت منه فاتن ورددت:
انا ممكن اكون عارفه هي فين… دا لو توفيق هو ال خطفها
نظر صقر اليها بلهفه وبعد فتره كان يحمل صقر سلاحه ومعه شاهر وبعد الحرس وهم يقتحمون هذا المكان حتي ظهر صلاح امامهم فنظر بصدمه وجاء ليهرب ولكن اقترب منه صقر وتذكر وهو يغتص’ب زوجته واطلق عدت رصاصات اوقعته علي الارض مفارقا للحياه فورا وظل يبحث في كل مكان عن توفيق ولكن لم يجد احد حتي دخل الي احدي الغرف وانصدم عندما وجدها ملقاه علي الارض وملابسها ممزقه واكثر من نصف شعرها مقصوص وايضا هناك جرج في معدتها وفجأه و

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية صقر الصعيد (قضية شرف))