رواية عذاب الحب الفصل السادس عشر 16 بقلم مريم أحمد

رواية عذاب الحب الفصل السادس عشر 16 بقلم مريم أحمد

رواية عذاب الحب البارت السادس عشر

رواية عذاب الحب الجزء السادس عشر

رواية عذاب الحب الحلقة السادسة عشر

انا طلقت حبيبه
صوت زغروطه عاليه جدا طلعت من امه الي كانت حسه قلبها هيقف من كتر الفرحه
عاصم بابتسامة …للدرجادي مكنتيش طايقاها
صفيه بقرف …ولا عمري كنت هطيقها الزباله دي
ضحك عاصم على امه
صفيه بلوم…استفدت ايه بقى لما خرب بيتك و اتجوزت واحده ملهاش اي لازمه و ف الاخر طلقتها
عاصم…استفدنا كتير يا ماما كتير اوي
كمل بحزن…كفايه الشباب الي ادمروا بساببها و بسبب السموم الي بتدخلها جسمهم
بصتله صفيه بعدم فهم و بعدين قالت بدهشه لما استوعبت
صفيه…كانت قضيه يا عاصم
هز عاصم راسه بهدوء…و الحمدلله خلصنا منها فاضل ابوها و العصابه بتاعتوا
بصتله صفيه بصدمه…اتجوزت على مراتك عشان قضيه!
زعلت مراتك منك عشان خاطر قضيه!!
عاصم…يا ماما اهدي جوازي من حبيبه اصلا كان على الورق بس
بصتله صفيه…طب و كيان
عاصم …مالها
صفيه …قولتلها؟
اتنهد بتعب …لا بس هقولها ان شاء الله في الوقت المناسب
هزت صفيه راسها…خد طلع الجبن دي بره يلا و رن على اخوك صحيهم عشان ينزلوا يفطروا معانا على م اكمل الفول
هز عاصم راسه و خد الجبن و خرج من المطبخ
………
ادهم لكيان …قومي يا بت اعمليلي شاي
كيان …لا مش قادره اقوم
بصلها ادهم بسخريه…و دا ليه ان شاء الله رجلك مكسوره يعني ولا ايه
كيان بزهق…يوووه يا ادهم مش قادره اقوم اعمل شاي
ادهم بستهزاء…ليه حامل بجد؟
بصت كيان بسرعه و خوف على الطرقه تتأكد ان امها مش واقفه
رجعت بصتله تاني و هي بتتوعدله بنظراتها
ضحك ادهم و قال بصوت واطي…ايه نسيت غصب عني الله م انتي الي تنرفزي
حست كيان بأمها جايه راحت بصتله بتوعد و هي بتلف راسها لأمها الي قعدت قدامهم على الكنبه
كيان و هي ماسكه بطنها…شوفتي يا ماما البيه عايزني اروح اعمله شاي و انا تعبانه
ادهم باستهزاء…خير هتهدي المطبخ و تبنيه تاني و انتي بتعملي الشاي ولا ايه
كيان بغضب مكتوم…لا بس انت عارفاك اول م هتلاقيني دخلت المطبخ هسمعك و انت بتقولي سندويتشين معاكي بقى و انتي جايه يا كيان
ادهم…و ايه مشكلتك يعني
كيان بسرعه …هو ايه الي ايه المشكله بقولك تعبانه
اتكلمت حنان بسرعه و قلق…تعبانه مالك يا بت حسه ب ايه
كيان بتوتر و هي باصه لأدهم الي كان بيبصلها بشماته بمعنى احسن…مـ مفيش
حنان لأدهم…قوم هاتلي تليفوني من جنبك ارن على هيام تبعت بنتها تشوفها فيها ايه
بصتله كيان بمعنى لا
ادهم…انتي بتصدقيها
حنان…خلص يا ادهم بتقولك تعبانه بدل م يكون ابنها فيه حاجه
اتوترت كيان اكتر
كمل ادهم و. هو بيقوم…يا ماما دي بتستهبل حتى بصي
و خد التليفون اداه لحنان
قامت كيان بسرعه جريت على حنان…لا لا انا كويسه اهو و مفييش حاجه
ادهم لحنان …شوفتي
حنان بصتلها بزهول و قالتلها بتوعد…عارفه يا كيان لو لاقيتك بتجري بالمنظر دا تاني هعمل فيكي ايه
رجعت كيان بصت لأدهم الي كان واقف يضحك عليها و قالتله بغيظ
كيان …ماشي يا ادهم يا كلب
ادهم بدهشه…حلوو لا والله عال
اتنفضت بخضه لما لاقت حنان بتصرخ في وشها
حنان بغضب…اتلمي يا بت اخوكي الكبير ايه قلة ادبك دي
سحب ادهم كيان من ايدها و وقفها جنبه و هو بيقول
ادهم…خلاص خلاص يا ماما كيان بتحبني و هتدخل تعملي الفطار دلوقتي
بصتله كيان بغيظ و دخلت المطبخ و هي بتدبدب رجلها على الارض
حنان بصوت عالي عشان كيان تسمع…متدبدبيش كدا تاني يا كيااان عشان غلط عليكي بدل م اقوملك
…………
محمد بفرحه…يعني خلاص طلقتها
هز عاصم راسه بإبتسامه على تعبيرات اهله
صرخوا عيال محمد بفرحه كبيره…هييييه
لميس بحده…عيب كدا انت و هي
صفيه بقرف …لا مش عيب دا انا اول م قالي الخبر سمعته حتة زغروطه جابت اخر الشارع
ضحكت لميس…كنت صاحيه و سمعتها
ضحك عليهم عاصم بصوت
و بص لبيري و يوسف…انتوا كمان مكنتوش طايقينها برضو
اتكلموا في صوت واحد…اااه رجعلنا طنط كيان بقى
ابتسم عاصم بهدوء …حاضر قولوا ان شاء الله
بيري و يوسف بفرحه…ان شاء الله
و سابوهم و فضلوا يلعبوا بالمكعبات
بص عاصم لمحمد …كان هم و انزاح من على قلبي
طبطب محمد على ضهره بمواساه
عاصم بص تاني قدامه و قال بسرحان…لسه بقى ابوها
محمد…ربنا يعينك
اتنهد عاصم بتعب …يااا رب
………
بليل كان ادهم خد كيان يخرجها كانوا ماشيين بالعربيه لحد م مره واحده قالتله
كيان…اقف يا ادهم اقف بسرعه
ركن ادهم العربيه على جنب بسرعه و هو بيبصلها بخضه…ايه
شاورتله و هي جوا العربيه علي عربية غزل بنات
كيان …عايزه غزل بنات
ادهم بزهق…طب م تقولي من الاول كان لازم الخضه
ضحكت كيان…م عشان تقف بسرعه و تنزل تجيبلي
خد ادهم محفظته و نزل من العربيه يجيبلها غزل البنات الي هي عايزاه
فضلت قاعده شويه و بعدين لفت راسها تتأكد ان اللاب موجود في العربيه
لما لاقته مدت ايدها خدته بسرعه
حطته على رجلها و هي بتفتحه و دخلت على حساب ثروت
فضلت تشوف بقيت الحاجه و الي ثروت ناوي يعمله و هي قرفانه من كمية الاذى الي ناوي يقدمها. للبلد مقابل الفلوس
لحد م فتحت ملف كان محطوط في خانه سريه و اتصدمت من الي شافته
في نفس الوقت دا باب العربيه اتفتح و ركب ادهم العربيه و هو بيمدلها ايده بغزل البنات
بس هي مركزتش معاه اصلا من كتر صدمتها
و لفتله اللاب ناحيته من غير ولا كلمه
فضل باصصلها باستغراب و بعدين نقل عينه على اللاب مكنش واخد باله ركز شويه و رجع بصلها بصدمه شاف الي موجود في اللاب ووووو

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية عذاب الحب)