رواية ملكت قلب الجبل الفصل الخامس 5 بقلم ملك أحمد

رواية ملكت قلب الجبل الفصل الخامس 5 بقلم ملك أحمد

رواية ملكت قلب الجبل البارت الخامس

رواية ملكت قلب الجبل الجزء الخامس

رواية ملكت قلب الجبل الحلقة الخامسة

وقفنا البارت اللي فات إن ملك شافت شخص وقال لها : أنتي ماشية لوحدك ليه يا قطة
والشخص دا كان يوسف وكان عمال يقرب منها وهي بتبعد عنه ولكن مافيش فايدة وكان عايز يقرب منها وقال : أنا هدفعك تمن القلم اللي أديتيهولي يا ملك أنا هبقي كابوسك
ملك : وأنا عملتلك إيه لكل دا ها أنت اللي أتعديت حدودك
يوسف وهو بيقرب : أنا إيه يا أختي أنتي عجباني وهخدك يعني هخدك برضاكي او غصب عنك
ملك بخوف: حرام عليك أناعملتلك إيه
يوسف بشر : ما عملتيش حاجة بس أنتي دخلتي دماغي
ملك كانت قاعدة تصرخ بأعلى صوت وجبل كان قريب من المكان اللي هي في وهو كان شارع ظلمة كان جمب الشركة لأنها مكانتش عارفة تروح لأن الوقت كان أتأخر فستغل دا يوسف و كان عمال يقرب منها وهي عمالة تبعده وتعيط بقهر و تصرخ ولكن ماحدش سمعها ولكن جبل سمعها لأنها كانت قريبة فحس أن في حد بيصوت وبيبكي فراح يجري ناحية الصوت وهنا كانت المفاجأة وكانت ملك بتبكي ومنهارة وكان يوسف على وشك أنه يقطع لبسها بس جبل أتعصب وزعق بأعلي صوت وقال : يييييوووسف
يوسف أتفزع وقبل مايتكلم كان جبل ضربه بالبوكس في وشه خلاه وشه ينزف من كل حتة ونزل في ضرب وهو مش حاسس بنفسه وقال جوا نفسه أنا ليه بعمل كده
قام ومسك يوسف وقال له بنبرة مخيفة : أنت إيه اللي كنت بتهببه دا أنطق أنت إزاي تتخطي حدودك مع أي بنت أفرض إن بدلها كانت أختك خلي عندك رجولة يا أخي
يوسف بمكر : أنا مالي هي اللي قالتلي ..
وقبل مايكمل كان جبل نزل عليه ببوكس تاني وكان أقوي
وقالوا : أنا فاهمك كويس يا يوسف أنت مفكرني عبيط ولا إيه أمشي من هنا ومش عايزك تقربلها و لا تعدي في سكتها حتى فاهم
يوسف بخوف من نبرة صوت جبل : حاضر حاضر
مشى يوسف بسرعة لأنه عارف إن جبل لو أتعصب محدش بيقدر عليه أما ملك فكانت منهارة وبتبكي بقهر لأنها أول مرة تتعرض للموقف دا وبالطريقة دي جبل حس أن قلبه وجعه عليها وعلى شكلها خصوصا إنها شكلها بريئة ومش زي العالم اللي هو شافه قرب منها جبل حاول يهديها بس مكانتش بترضى تهدئ خاف عليها لإن نفسها بدأ يقل
وقال : ملك آنسة ملك أنتي كويسة
ولكن مكانش فيه رد من ملك وكانت بتحاول تقاوم ولكن وقعت علي الأرض مغمي عليها لأن نفسها قل جدا بسبب أنهيارها وبكاءها المستمر في اللحظة دي جبل خاف عليها وراح بسرعة شالها ووداها على العربية وساق بأقصى سرعة ووصل المستشفى
بقلم ملك أحمد
وأول مادخل زعق في كل الموجودين وقال لهم أنها مغمي عليها ومش بتفوق وعايزين ترولي ينقلها جه الدكتور وشاف حالتها وحط لها جهاز الأوكسجين علشان ينظم نفسها وطلع برة الأوضة وطمن جبل إن دا شيء عادي لأن ملك عندها مشكلة في التنفس فمن كتر الضغط اللي كان عليها نفسها قل وأغم عليها فجبل قال له ممكن أدخلها الدكتور قال له عادي أنه يدخلها بس ميطولش أوي جوا دخل جبل وشاف حالها والأجهزة اللي عليها وقلبه: قال له حن عليها بقى أنت شكلك واقع لي شوشتك أساسا بس بتكابر
عقله :مش هينفع نحنلها أكيد دي زي البنات كلها كلهم خاينين وطماعين وبس وأنت مستحيل تقبل إن ست تخش حياتك وتدمرها تاني
جبل قال في نفسه: بس بقى مش عايز أسمع صوتكم أسكتواا
(هموت من الضحك مش قادرة 😂)نرجع تاني معلش
جبل كان بدأ يتشدلها شوية لأنه حس أن فيها حاجة مختلفة غير كل البنات اللي شافهم لأنها مش بترمي نفسها عليه بس شال الفكرة من دماغه لأنه رافض الارتباط لأن من وجه نظره إن كل الستات خاينين بسبب اللي شافه في حياته و هنعرف إيه اللي حصله مع الوقت
بدأت ملك تفوق شوية شوية وتفتح عينيها لقت جبل واقف وعلى ملامحه علامات الجمود ولكن اللي كان جوا كان عكس كدة تماما كان قلقان عليها وهو ذات نفسه ما يعرفش ليه أول ما فاقت قالها : حمد لله على السلامة يا أنسة ملك
ملك بتعب: شكرا جدا لحضرتك يا دكتور جبل أنا أسفة عطلتك معايا
جبل : ولا يهمك عادي أنا متأخرتش ولا حاجة ودة واجبي تجاه أي حد
ملك : والله أنا بشكر حضرتك جدا لولا إن حضرتك جيت أنا مش عارفة كان حصلي إيه وإبتدت تعيط بإنهيار لتذكرها الموقف وجبل قلبه إبتده يحن بس قال هي السبب إنها هي اللي راحت الشارع الظلمة دة بالليل
(مش فاهمة إزاي بصراحة تفكيره كدة وللأسف دة تفكير بعض الرجال 🙄مقولتش الرجال كلهم لأن في منهم محترمين وبينصره المرأة نرجع تاني للرواية)
جبل قال ببرود ووش مفهوش مشاعر : أنتي السبب على فكرة إيه اللي كان ممشيكي من شارع زي دة بالليل
ملك بغضب : وأنا أعرف منين حضرتك إن الشارع دة كدا وإن يوسف الزفت دة كان بيراقبي وكمان أنا معيش عربية ولا حتى لاقيت تاكسي جمب شركة حضرتك كنت ساعتها أعمل إيه يعني
جبل سكت لأن عندها حق فعلا وقال لها
جبل بحرج ولكن رسم البرود على ملامحه : هروح أسأل الدكتور لو ينفع تخرجي دلوقتي
ملك: تمام
طلع جبل وسأل الدكتور لو ممكن تتطلع دلوقتي والدكتور قال له إنها تقدر تروح عادي وراح جبل للحسابات علشان يدفع فلوس المستشفى بعد كدة راح عند غرفة ملك
وقال لها : الدكتور قال ممكن أن أنتي تخرجي دلوقتي عادي
ملك بحرج : طيب وفلوس المستشفى
جبل حس إنها محروجة منه لأنه عارف ظروفها وعارف إنها متقدرش تتدفع فلوس المستشفى وقال لها بهزار وهو مستغرب نفسه لأنه عالطول بيتكلم رسمي مع الناس: ياستي أعتبريها أدفعت خلاص و مش عايز منك حاجة أدعيلي أنتي بس يا ستي وأنا هبقى تمام
ملك مستغربة جبل اللي أول مرة يتكلم بالطريقة دي معاها : شكرا لحضرتك بجد مش عارفة أقول لحضرتك ايه على اللي عملتوه دة كله
جبل رجع للجدية تاني : أجهزي يلا علشان أنا هروحك
ملك : شكرا لحضرتك والله أنا هكلم صاحبتي حبيبة وهي هتيجي تاخدني
جبل ببرود : خلاص ماشي عن أذنك
ومشى جبل وملك هتاكل في نفسها لأنه حتى محاولش يقولها تاني (مش فاهمة بصراحة ما الراجل عذم عليها مرة ما توافق من أول مرة لازم يعزم تلاتين مرة يعني😂 😅)أتصلت على حبيبة وحبيبة كانت نايمة وردت : في إيه يا بنتي في حد يرن على حد في وقت زي دة
ملك بغضب من جبل : أخلصي يازفتة تعاليلي أنا في مستشفى …….. تعاليلي بسرعة
حبيبة بخضة: مستشفى إيه أنتي كويسة فيكي حاجة
ملك: أخلصي تعاليلي بسرعة أنا كويسة مفيش حاجة لما تيجي هبقى أحكيلك
حبيبة: ماشي مسافة السكة هكون عندك
لبست حبيبة ونزلت راحت لملك وهي داخلة قسم الاستقبال علشان تعرف ملك في أنهي أوضة شافت …..

يتبع…..

لقراءة الفصل التالي  : اضغط هنا

لقراءة باقي حلقات الرواية اضغط على : (رواية ملكت قلب الجبل)