رواية أحببت مجنونة 4 (أحببت أخي) الفصل السابع 7 بقلم نجمة براقة

رواية أحببت مجنونة 4 (أحببت أخي) الفصل السابع 7 بقلم نجمة براقة

رواية أحببت مجنونة 4 (أحببت أخي) البارت السابع

رواية أحببت مجنونة 4 (أحببت أخي) الجزء السابع

رواية أحببت مجنونة 4 (أحببت أخي) الحلقة السابعة

#مسك
فوقت لقيت نفسي في المستشفى ولما فتحت عيني لقيت سيف جمبي
مسك بتعب_ انا جيت هنا ازاي
سيف _ انا جبتك
مسك _ جبتني ازاى
سيف _ شيلتك وجبتك
مسك تقوم من مكانها بانفعال وبمجرد ما بتقوم بتدوخ وتقع على السرير بتعب
سيف _ انتي كويسه
مسك بدوخه _ انت ازاي تشيلني
سيف _ وفيها ايه ما تبطلو تخلف ورجعيه بقا فضحتونا،
مسك بتعب_ امشي من وشي
سيف _ متعصبنيش احسنلك
مسك _ انت انسان معندكش ذرة احترام، ازاي تشيلني
سيف يجز علي سنانه بغيظ _ مسمعش صوتك انتي فاهمه
مسك بتعب _ امشي من هنا مش طايقه اشوفك، فين ميادة وعبقرينو
سيف _ ولا انا طايق اشوفك بعد ما ضيعتي عليه معاد مهم، دي حسابها عندي الموت
مسك_ طيب ومستني ايه،، كان عندي تموتني ولا تشيلني بأيدك النج*سه دي
سيف يفتش في جيبه علي المس*دس بس مبيلقهوش _ هو راح فين كان في جيبي
مسك _ بتدور علي ايه
سيف وهو مكمل بحث _ المس*دس كان معايا معرفش راح فين
مسك _ يارب ما تلاقيه أبداً
سيف يمسكها من رقبتها بانفعال _ بتدعي عليه
مسك تمسك ايده بتعب وتحاول تبعدها بس مبتقدرش ف بتستلم لتعبها وتبصله
سيف بغيظ _ ع فكره انا بخنقك مش بمارس معاكي الحب
مسك بتعب_ ما انا مش قادره اشيل ايدك
سيف يخفف ايده ويفضل ماسكها ويبصلها بتحذير _ احترميني، انا عمري ما طولت بالي علي حد كده
مسك _ انا قدامك اهو لو مش هتقت*لني سيبني علشان لو حد دخل هيفهمنا غلط
سيف يزقها بانفعال _ دا انتي مستفزه، مش خايفه مني ليه
مسك بإبتسامة _ انت شكلك ميخوفش اخاف ليه طيب
سيف بقرف _ وبنسبه للمس*دس شكله حلو كمان ولا فكراه مس*دس خرز
مسك بإبتسامة _ لا بس انت اللي بتكون ماسكه
سيف بزهق _ اووف. بصي يلا قومي هنمشي، الدكتور قال انك تمشي وتاخدي العلاج في البيت، ومتنسيش تجيبي حق الكشف اللي انا دفعتهولك
مسك بإبتسامة _ ماشي..
مياده بتدخل وفي ايدها العلاج
مياده بقلق_ حبيبتي عامله ايه دلوقتي
مسك بحده _ ازاي تسيبيه يشلني وانتي موجوده
ميادة بهمس _ مانتي عارفاه بلطجي مقدرتش عليه
مسك_ كنتي اتصرفتي مخصوملك خمس ايام
ميادة _ الله وانا مالي
سيف بزعيق _ اخلصوو مش فضيلكم
#ميادة
خرجنا من المستشفى وركبنا عربية سيف، ومسك ركبت جمبه وانا ورا وبمجرد مامشينا مسافه عشره امتار بعيد عن المستشفى، وفجاه ض*رب النار اشتغل علينا
مسك بتعب وخوف_ ايه في إيه
مياده بصراخ_ هنموت يا مسك
سيف _ انزلو لتحت بسرعه
مسك بانفعال _ الله يخربيتك على بيت معرفتك، نزلنا هنا
سيف يحط ايدو على رأسها وينزلها لتحت وبانفعال_ اخرسي خالص
سيف بدا يزيد السرعه، ويلف بينا في ميايدن، وشوارع غريبه وهما ورانا وطل*قات الرص*اص شغاله .. حسيت اني دي نهايتي قعدت اشهد و اوحد واصرخ، وهو يزعق ويقول مسمعش صوتك، ومسك مكنش باين ليه صوت، لدرجة قلقت عليها يكون حصلها حآجه
مياده بصراخ_ مسك حصلها ايه صوتها مش باين.. يامسك انتي سمعاني
سيف يهزها يلاقيها مغمي عليها
سيف بقلق_ انتي يابنت.. فوقي.. لكن مفيش رد
مياده _ مالها
سيف_ اغمي عليها، تمسكي انتي بس. وبيزيد السرعه اكتر، ويلف في شوارع لغيت ما بنتوه منهم ويكمل سواقه لغيت ما بنطلع من لاس فيجاس بمسافه كبيره و يوقف عن سد كبير اسمه سد هوفر ويوقف بالعربية هناك وبعدين يشيل رأس مسك على رجله ويبتدي يفوقها
سيف_ انتى قومي، .. هاتي ازازة الميه من عندك بسرعه
ميادة بقلق _ خد.. ايه هتفوق
سيف ميردش عليه ويبل ايده ميه ويمشيها علي وش مسك لغيت ما بتبتدي تفتح عينيها
سيف_ دي لسه سخنه هاتي العلاج
ميادة_ في حقنه لازم تاخدها
مسك بتعب _ لا حقن لا
سيف بجديه_ هاتيها، وبيبعد شويه ويريحها علي الكرسي، وياخد الحقنه مني ويعبيها
ميادة_ بتعرف تضرب حقن
سيف من غير ما يرد يمسك ايد مسك علشان يضربهالها
مسك بخوف_ حقنه لأ الله يخليك
ومن غير ما يبصلها يضربلها الحقنه وهي تتوجع وجع بسيط
مسك بتعب_ خلصت
سيف _ تمام.. في دوا تاني ولا كده خلاص
ميادة_ اه في اهو
سيف ياخد منها الدوا ويملا معلقه منه، ويسندها علي ايده ويدهالها
مسك تبص برا العربيه بتعب ليبدو علي وشها الزهول_ احنا فين
مياده_ علي سد هوفر
لتقوم بتعب وتنزل من العربيه وتبص حواليها بذهول_ الله انا كان نفسي اشوف السد ده على الطبيعة
سيف ينزل ويروح عندها _ ممكن ترجعي العربيه احسن تدوخي وتوقعي لتحت
مسك بتعب _ خلينا شويه لو سمحت
سيف بصيغه الامر_ اسنديها لا توقع، وبيرجع العربيه تانى
#سيف
وقفت تبص حواليها بانبهار، وهي باين علي وشها التعب. وبعدين ابتسمت واكنها حققت حلم، وبصت للمكان من فوق بتأمل، وبعدها بصتلي وابتسمت بأمتنان، وانا تجاهلت ابتسامتها وبصيت الجهه التانيه، وانا بفكر اعمل ايه في اللي بيحاولو يقتلوني
#علي
بعد كام يوم قررت اعترف ل مريم اني بحبها، بس كان بقالها كام يوم مش بتروح النادي، واكلمها من حساب لوسيفر، تقولي انها تعبانه وعندها دور برد
ف روحت البيت عندهم بحجة اني بسأل علي رحيم، لكن طبعا كنت مكشوف، واول ما دخلت لقيت مريم و مامتها قاعدين مع بعض وهي كويسه ومفهاش اي حآجه.. مرضتش اسالها لية بتقولي تعبانه عشان متعرفش اني انا لوسيفر
علي_ ازيك يا طنط
صبا بابتسامة_ كويسة ياحبيبي وانت ومامتك وباباك عاملين ايه
على_ بيسلمو عليكي.. ازيك يا مريم، عاملة ايه دلوقتي
مريم بإبتسامة_ كويسه، ايه جابك عندنا
على_ امشي يعنى
مريم _ مقولتش تمشي، انا بسأل على السبب بس
علي بخجل_ كنت جاي عشان رحيم
مريم بخبث_ وانت من امتي مصاحب رحيم
على بارتباك_ احم لسه جديد، الا هو فين صحيح
صبا _ اتلمي يابت.. راح يجيب دوا لجميله
علي_ سلامتها، مالها
صبا_ عندها برد انت عارف الشتا وعمايله
علي محدث نفسه_ هو مين فيهم اللي عنده برد مريم ولا جميله
علي_ الف سلامة عليها
صبا_ الله يسلمك ياحبيبي، عن اذنك هروح اطمن عليها
علي بإبتسامة_ اتفضلي وبلغيها سلامي
صبا _ حاضر… وبتمشي
على _ بقالك كام يوم مروحتيش النادي خير
مريم بإبتسامة _ كدة
علي _ مفيش حآجه اسمها كده، انتي عارفه اني بستناكي
مريم بإبتسامة _ وتستناني ليه
علي _ انتي عارفه
مريم _ لا الحقيقة معرفش قولي انت
على بابتسامه _ طالما مش عارفه خلينا شويه لغيت ما تعرفي
مريم بغرور_ قصدك انك بتحبني
علي بإبتسامة _ مانتي عارفه اهو بتلوعي ليه بقا
مريم بإبتسامة _ علشان اللي بيحبني لازم يتعب علشان يوصلي، كنت حابه اعرف ممكن تعمل ايه لما اغيب
على بإبتسامة _ علشانك ممكن اعمل اي حآجه يا ملاك
مريم بأستغراب _ ملاك
على _ ايوة مش انتى ملاك بردو
كانت لسه هترد الا ودخلت علينا جميله وهى تعبانه و وشها شاحب
#جميله
ماما دخلت عليه وقالتلي ان علي عندنا، وبعدين مشيت، ف قومت و وقفت برا اوضتي وانا عاوزة المحه عشان اشوف التغير اللي قالت عليه مريم، بس اتصدمت لما بدأ يقولها يا ملاك، محستش بنفسي غير وانا داخله عندهم واول ما شافني سكت، و وقف عشان يسلم عليه …
لقيت شكله اتغير فعلاً بقا اشيك وشكله بقا وسيم بطريقة تهبل، مقدرتش مبصلهوش وابص لتغّير اللي حصله لتترسم ابتسامه علي وشي، مديت ايدي وسلمت عليه، وبعدين مريم مسكت ايدي وقعدتني
علي _ سلامتك يا جميله،
جميله تعمل إشارة بأيدها وهو مبيفهمش
مريم _ استني هجبلك الوحه لترد عليها بإبتسامة خفيفه
علي _ انتي بتسمعي صح
جميله ترد بإبتسامة وهو يفهم وبعدين تعمله إشارة بأيدها ان اللوك حلو
علي بإبتسامة _ عاجبك الوك الجديد
وترد عليه بإبتسامة
علي بإبتسامة _ متشكر ده من ذوقك
بعد دقيقة بتيجي مريم بالوحه والقلم
وتبتدي تكتبله
جميله _ عامل ايه يا علي
علي _ بخير وانتي عامله ايه
جميله _ الحمدلله
على _ هو انتي ليه مش بتخرجي مع مريم
جميله بإبتسامة _ بحب قعدت البيت اكتر
مريم بتريقة _ مش فاضيه ياسيدي طول النهار علي الانترنت، ومنعزله عن العالم بسببه
جميله تقرصها في ركبتها عشان تسكت
علي بإبتسامة _ حلو الانترنت، انا كمان بحب اشتغل عليه كتير، وانتي يا مريم، ملكيش في النت ولا ايه
حسيت اني هتكشف في قعده واحده فكرت بسرعه ملقتش غير اني امثل اني اغمي عليه وبالفعل رميت نفسي علي الكنبه
مريم بقلق_ جميله، مالك .. ماما الحقي
علي يقوم ويروح عندها وبقلق_ جميله انتي كويسه
صبا _ مالها
مريم _ معرفش وقعت فجاه
صبا _ طيب سعديني ندخلها جوه
علي بلخبطه _ اذنكم هشيلها انا
سمعته بيقول هشيلها وحسيت اني هيغما عليه بجد ، وبالفعل شالني علي ايديه ودخلني اوضتي، ونومني علي السرير،.. السرير اللي كان عليه الاب توب ومفتوح عليه محادثه لوسيفر، وعلي راي الاية الكريمه ، فاغشيناهم فهم لا يبصرون.. عدا الموقف دة بستر ربنا وبمجرد ما ريحني علي السرير خبطت الاب بإيدي قفلته
على _ الف سلامه عليها
صبا _ اطلبي الدكتور يا مريم
فتحت عيوني بسرعه وكلهم بصولي باستغراب
مريم_ انتي مش كنتي مغمي عليكي
مثلت التعب والدوخه وشاورتلها بأيدي بمعني اني تعبانه
على بإبتسامة_ قلقتينا عليكي
بصتله بإبتسامة ظاهريه وانا حاسه اني هروح في داهيه
صبا_ دقيقة هعملك حآجه دافيه
بتمشي ماما وهو بيوقف مع مريم وبيهمسلها بكلمه وهي تضحك
وانا باصه عليهم وناقصه اجيب لهم شجره واتنين لمون، بس منكرش اني حسيت بغيره خفيفه، يمكن عشان علي صديقي انا، ومقدرش اتعامل معاه غير باسمي المستعار.. يمكن ليه لأ
شردت شويه وانا ببص عليهم وعلى تعابير وشه هو وبيتكلم.. مره يضحك ومره يحس بالخجل ، وشدني لمعة عيونه اللي مفرقتهوش طول القعدة. حسيت اني مبسوطه علشانه لانه يستاهل … واثناء شرودي لقيته بيبصلي وهو مستغرب نظراتي ليه، . غمضت عنيه واستدرت علي الجمب التاني وهو مشي من جمبي
#على
حيرتني نظرات جميلة ليه، مكنتش عارف ايه معناها ولا بتبصلي كده ليه، اليوم ده بنسبالي كان كله حيره وفي حاجات كتير كنت عاوز اسأل عنها بس خوفت مريم تعرف اني انا لوسيفر، ف روحت البيت وفتحت الاب توب وبعتلها
لوسيفر _ مريم
بعد شويه بيجيني رد
جميله بإبتسامة _ نعم
لوسيفر _ عامله ايه دلوقتي خف البرد من عندك
جميله _ يووه من زمان انا خافه بقالي يومين
لوسيفر _ انا مش سالتك الصبح عاملة ايه قولتي انك تعبانه
جميله _ كنت بشوفك هتقلق عليه ولا لأ
لوسيفر _ انا اموت لو حصلك حآجه مش اقلق بس
جميله بإبتسامة _ شكرا يا لوسيفر
لوسيفر بشك _ مريم هو انتي عارفه انا مين ؟
جميله بارتباك _ لا انت مقولتش
لوسيفر _ مش عارف ليه حاسس انك تعرفيني ومخبيه
جميله _ ليه بتقول كده
لوسيفر _ مجرد احساس
جميله بإبتسامة _ لا معرفش غير لوسيفر وبس
لوسيفر _ اتمنا تكون دي الحقيقه
جميله بقلق_ مالك النهارده
لوسيفر _ مفيش.. قوليلي الضيف اخباره ايه نطق ولا لسه
جميله _ لا لسه ملمحش حتي
زادي شكي فيها لما قالت كده، لاني انا اعترفتلها باني بحبها في بيتهم النهارده، بس قررت اسايرها لغيت ما اعرف ايه حكايتها
لوسيفر _ طيب وانتي بتحبيه ولا لسه مش عارفه
جميله _ شكلي كده
لوسيفر _ طيب ما تعترفيله انتي طالما هو طربش كده
جميله _ههههه يا سلام معقول بنت تعترف لولد بحبها الاول
لوسيفر _ وايه يمنع
جميله _ علشان انا بنت وهو ولد
لوسيفر _ شكلك كده بتتكسفي
جميله بإبتسامة _ جداً انت متعرفش انا ببقا عامله ازاي لما اشوف مشهد رومانسي في التلفزيون، ما بالك بقا لو اعترفتله
لوسيفر _ امال هتعملي ايه بقا لما يعترفلك هو وبعدين يقوم واخدك فى حض*نه، ولا باصص فى عينيكي او مثلا باس*ك
جميله بارتباك _ ايه
لوسيفر _ ايوه مستغربه ليه، طالما بيحبك ممكن يعمل كده
جميله _ مفتكرش، هو خجول شويه
لوسيفر _ اه ياخوفي من الخجول دا انتي قولتي عينيه خضره ودول بيستغلو عيونهم بطريقة تخوف
جميله _ ههههههههههههههه ازاي
لوسيفر _ هتعرفي وابقي قوليلي متخبيش عليه ها
جميله بلخبطه _ ع فكره انت نيتك مش صافية ما تتلم، مستحيل اخلي اي حد يقربلي مهما كان عيونه ايه
لوسيفر _ طيب ايه رأيك انك لما تحبيه كويس هتنسي نفسك بمجرد ما يكون معاكي
جميله بارتباك _ علي انت موترني النهارده في ايه مالك
لوسيفر _” علي “مين يا مريم انا لوسيفر يا حبيبتي
جميله بصدمه _ كنت قاصده اكتب على فكره بس الكلمه التانيه مجتش معايا
لوسيفر _ اااه ياشيخه قلقتيني
جميله _ مالك يا لوسيفر
لوسيفر _ مالي
جميله _ مش طبيعي النهارده
لوسيفر _ بالعكس انا زي الفل.. يلا اسيبك ترتاحي
جميله _ هتقفل دلوقتي
لوسيفر _ ايوه، محتاجة حاجه
جميله بلخبطه _ لا
لوسيفر _ اه صحيح انا مسافر يومين شغل ومش هقدر اكلمك قبل ما ارجع
جميله _ بتهزر صح، يومين مش هتكلمني
لوسيفر _ معلش وهو فرصة اسيبك مع الضيف يمكن ارجع الاقيه نطق
جميله _ على راحتك تروح وترجع بالسلامة
لوسيفر _ شكلي كده هوحشك
جميله بارتباك _ عادي كل الحكاية اني اتعودت على الكلام معاك كل يوم
لوسيفر _ يعني مش هوحشك.. اوكي بس انتي هتوحشيني، اقولك انتي وحشاني من دلوقتي
جميله بإبتسامة _ بطل قلت ادب واقفل يلا
لوسيفر _ ههههه اوك
برغم تجاوزي معاها في الكلام النهارده لكن معملتش بلوك وغير اسمي اللي قالته بالغلط.. كل ده اكدلي انها عرفاني.. ولكن في حاجات انا مش. مرتاح من نحيتها لسة ومش هرتاح غير لما افهمها
#مسك
بعد كام يوم كنا خلاص قربنا نخلص تصوير الاعلانات ومش هيكون في سبب يخلينا نقعد في امريكا تاني ومش هقدر اكمل بحث عن سفيان.. قعدت لوحدي في مكان برا الاوتيل وانا بفكر اعمل ايه وكل الطرق للبحث عنهم انتهت لغيت مابيقطع شرودي صوت زين
زين وهو بيقعد جمبي _ بتعملي ايه
مسك _ ولا حآجه. ايه الاخبار
زين _ تمام.. قربنا نخلص اهو ناوي تعملي ايه بعدين
مسك _ ولا حآجه، هرجع مصر
زين _ مش ممكن تكملي حياتك هنا
مسك بإبتسامة _ وهو في حد طبيعي يقدر يعيش بعيد عن اهله بردو
زين _ اه كتير يقدرو. عندك سيف مثلا
مسك باستغراب _ مالو سيف
زين _ دا سر بيني وبينك توعديني متقوليش لحد
مسك باهتمام _ اوعدك
زين _ سيف ابن بابا بتبني،،
مسك_ يعني سيف يتيم
زين _ ايوه و بابا انقذه هو وصغير من عصابه كانت بيحاولو يختط*فوه ف جابوه معاه من مصر
مسك _ غريبه.. طيب هو بقا كده ازاي
زين _ قصدك زعيم عص*ابات
مسك _ اه
زين _ بابا اللي عرفه على الناس دي بحجة انه لازم يكون قوي والكل يعمله الف حساب
مسك باستحقار _ دا باين عليه بيكرهو.
زين _ ودا رأي انا كمان.. بس سيف مش شايف ده ولو قولنالو كلمه وحشه عليه بيزعل
مسك_ انت باين عليك زعلان من باباك اوى
زين _ زعلان من تفكيره ونظرته للحياه
مسك _ هو ابوك اسمه ايه
زين _ اسمه عاصم قابيل
مسك _ اه.. امم الا هو فين سيف صحيح مشوفتهوش من يومين
زين _ مش عارف بس هو من يومين كان بيجهز لحاجه مع رجالته
مسك _ اكيد بيجهز لك*ارثه جديده طبعا اخوك ده مش هيسكوت غير لما يموت
زين _ دا اقل حاجه ممكن تحصله هو كل يوم مهدد بالق*تل
مسك بحزن _ ربنا يسترها
في الفترة دي سيف تقريبا بطل يقولي اصفيكي من اليوم اللي كنا فيه علي سد هوفر وتقريبا مبقتش اشوفه غير بصدفه وميسلمش كمان.
#سيف
رجعت الاوتيل بعد يومين ونمت على السرير في محاولة مني اني انام بعد يوم طويل تعب وضرب ن*ار ومطاردات… واخر ما تعبت قومت ومشيت في المكان شويه وفجاه جيه علي بالي المصحف بتاع مسك، ترددت كتير اطلبه منها، لكن لحاجتي الشديده لنوم اطريت اطلبه منها، كلمت زين وخدت رقمها واتصلت بيها
مسك _ مين
سيف _ انا سيف، صاحيه ولا نايمه
مسك بقلق_ صاحيه، انت فين
سيف _ في الاوتيل
مسك _ كنت فين بقالك يومين
سيف بتنهيده _ كنت في شغل
مسك _ طيب كله تمام يعني
سيف _ اها انتي خفيتي كويس
مسك بإبتسامة _ ايوه الحمدلله
سيف بتردد _ مسك هو انا ممكن اشتري منك المصحف بتاعك
مسك بإبتسامة _ خده هدية
سيف_ لا مش بقبل هدايا انا هتشريه
مسك _ دا مش للبيع، تقدر تعتبره هدية
سيف _ اوك متشكر، ممكن اجي اخده طيب
مسك بإبتسامة _ اوك انا هستناك عند الباب
روحتلها وقبل ما اوصلها شوفتها واقفه ومستنياني
سيف بجديه _ فين
مسك بإبتسامة _ اهو اتفضل
سيف _ متشكر
باجي امشي وهي بتوقفني
سيف باستغراب _ ايه
مسك_ خد دي
سيف _ ايه دي
مسك _ دي سلسلة تيته الله يرحمها جابتهالي من الحج وانا صغيره، عليها اية الكرسي
سيف _ وخدها ليه دي بتاعتك
مسك _ خليها معاك قبل ما امشي رجعهالي،
سيف _ ليه بقا مالها دي
مسك_ حطها في جيبك، وهتشوف
سيف بتريقه_ هه اظن هتحميني من الخطر
مسك بإبتسامة _ كله بإذن الله بس دي محصنه بذكر.. معمولها شوية طقوس يعني، امال انت فاكر فلت من ايدك لما خطفتني ازاي
سيف _ ههههه وانا بقول غريبه حد يفلت من ايدي اتاريكي مس*لحه بذكر الله.. وبعدين في التخلف ده، شيفاني جاهل هعتقد بحتة سلسلة
مسك_ جرب هتخسر ايه
سيف بإبتسامة _ انا عارف ان نهايتي علي يدك. بس ماشي هاخدها
مسك بإبتسامة _ اوك، تصبح على خير
سيف بإبتسامة _ وانتي من اهله
مشيت وروحت اوضتي وانا بضحك علي نفسي اني بدأت امشي ورا كلام الستات دا
وبعد شويه نمت علي السرير ومسكت السلسه، قريت اللي عليها، كانت أول مره اقرا اية الكرسي، حدثت نفسي بتريقه.. اخرتها يا سيف.. بس يلا كله يهون فدا لاني أنام ليله من غير كو*ابيس.. محستش بنفسي غير وانا بغرق في ميه ونفس المشهد بيتعاد، وطبعا الايد بتتمدلي تاني، لكن المره دي مسكت الايد دي وهي شدتني، واللي كان اصعب من الغرق لما شوفت صاحبة الايد دي.. كانت مسك، شدتني وهي بتبتسم وانا فضلت ابصلها بذهول لغيت ما سابتني ومشيت من غير ولا كلمه، كل اللي عملته انها طلعتني وبصتلي بإبتسامة ومشيت وانا صحيت مفزوع وبنهج من الصدمه، …. مسك طيب ازاي دا انا بشوف الك*ابوس ده قبل ما اشوف مسك بسنين. طيب يمكن دا بسبب السلسلة بتاعتها، مستحيل تكون دي ايد مسك.. يعني انا كان مكتوبلي اقابلها من زمان مثلا،
مسكت التليفون واتصلت بيها لكن مردتش، ف فهمت انها نامت،
كنت عاوز اعرف ايه حكايتها او ايه حكاية السلسلة دي علشان بعد السنين دي كلها تطلع هي صاحبه الايد اللي بتتمدلي في كل مره ومن هنا معرفتي بيها بدات تاخد طريق تاني………..

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية أحببت مجنونة 4 (أحببت أخي))