رواية صغيرتي ليل الفصل الأول 1 بقلم اوليفيا

رواية صغيرتي ليل الفصل الأول 1 بقلم اوليفيا

رواية صغيرتي ليل البارت الأول

رواية صغيرتي ليل الجزء الأول

رواية صغيرتي ليل الحلقة الأولى

ما تجيب بوسه
_يابت اتهدي يخربيت للي دابوا ابوكي هتفضحينا قدام الناس
_ما هو انت بحلاوة امك دي مينفعش اصلا تخرج من البيت
_أمك! يا بيئه
_طب هااا فكرت
_افكر في ايه يا روحي
_في الشغل يا موسى
موسى: طب انا قصرت معاكي في حاجه يا قلب موسى عمرك طلبتي مني حاجه وانا مجيبتهاش ليكي
ليل: يا حبيبي حسك في الدنيا بس انا اخدت الاجازه وزهقانه من البيت
موسى: اسمعي يا ليل انتي عارفه انا بحبك ازاي وبغير عليكي ازاي ف انا يا حبيبتي مش هسمح ان خطيبتي ومراتي المستقبليه تنزل تشتغل وده يضايقها وده يرخم عليها انا الاوبشن ده مش موجود عندي وياستي لو انتي زهقانه انا هاجي اخرجك كل يوم بعد الشغل او انزلي جيم او قابلي صحابك
ليل: يالهوي يا لهوي يا لهوي
موسى: في ايه يابنت المجانين
ليل: طلعت حمش وبتغير عليا يا موس موس
موسى: طب غوري من هنا قومي يا بت
ليل: استنى بس يا موسى يا واد يا مز خد بس
___________________________________
موسى: يا حماتي بقولك بنتك بتتصل عليا الساعه 3الفجر تقولي تعالى خد حاجتك انا مبقتش عايزاك طب يا بنتي يهديكي يرضيكي انا عملت ايه انا مش بعد ما جيت من الشغل قعدت اتكلم معاكي وقولتيلي خلاص يا حبيبي نام عشان تقدر تقوم الصبح حصل ايه الاقيها تقولي اصلي حلمت بيك انك بتخوني
مامت ليل: انت من يوم ما اتقدمت انا قولتلك بنتي دي ابتلاء رديت انت عليا قولتلي ايه دي احلى ابتلاء يا حماتي حصل ولا محصلش
موسى: حصل
مامت ليل: اقولك يابني فكر بنتي مجنونه تقولي بكرا تعقل على ايديا يا حماتي حصل ولا محصلش
موسى: حصل
مامت ليل: اقولك يابني دي فاشله مبتعرفش تطبخ رديت انت وقولتلي بكرا للي تعمله انا هاكله يا حماتي ولو معملتش خالص نجيب من بره حصل ولا محصلش
موسى بدموع: حصل
مامت ليل: اقولك يابني سنها20ومخها3سنين رديت وقولتلي ما هي طفلتي يا حماتي حصل ولا محصلش
موسى بدموع اكتر: حصل
مامت ليل: اقولك يابني دي مطفشه سكان العماره كلها وبتنزل تو. لع صوا. يخ مع العيال في الشارع رديت وقولتلي سيبيها تعيش سنها يا حماتي حصل ولا محصلش
موسى: حصل
مامت ليل: قولتلك يابني فكر والله انا خايفه عليك من بنتي وانت وقتها فكرت اني بطفشك رديت انت وقتها وقولتلي ازاي اخاف منها وهي حضني واماني يا حماتي وقعدت تقولي فيها شعر حصل ولا محصلش
موسى: حصل
مامت ليل: سألتك يوم ما اتقدمت ايه للي عجبك في بنتي يابني رديت انت وقتها وقولتلي ايه كسوفها ورقتها يا حماتي سألتك انت بتتكلم عن مين يابني عن ليل بنتي انا لاقيتك فتحت صدرك ع البحري مره واحده وانت ابتسامتك من الودن دي للودن دي وبتقولي طبعا يا حماتي حصل ولا محصلش
موسى بقهر ودموع: حصل
مامت ليل: يبقا على خيرة الله يابني البضاعه المباعه لا تسترد ولا تسترجع
موسى بصدمه: يعني ايه
مامت ليل: يعني مبروك عليك الخازوق يا قلب حماتك

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية صغيرتي ليل)