رواية حدث في ليلة ما الفصل السادس 6 بقلم ميرفت السيد

رواية حدث في ليلة ما الفصل السادس 6 بقلم ميرفت السيد

رواية حدث في ليلة ما البارت السادس

رواية حدث في ليلة ما الجزء السادس

رواية حدث في ليلة ما الحلقة السادسة

{لعبة القدر}
اندفعت تالين إلى الغرفة التي حدث بها كل شيء
اخذت تصرخ وهي تلقي بكل ماتجده امامها على الارض بكل قوتها وتقول:ليه يافارس انا غلطت في إيه انا حتى مش فاكرة غير وانا ماشية بالم هدومي وباستر نفسي حرام يافارس حراااام وهي واقفة برة بتشمت فيا
فارس كان بيحاول يهديها ومش قادر لحد ماقدر يمسكها اخدها في حضنه فضلت تبكي بانهيار وهو بيهديها ويقولها :حقك هاجيبهولك متخافيش اهدي
وانصرف فارس مستقلا سيارته بصحبة تالين وأصدقائه بسيارة اخرى تخص عصام بنفس توقيت عودة الحارس الي عينه مجد للمراقبة من الخارج كان يشتري الطعام ولم يرى فارس و تالين عاد ونظر الى الشاليه فوجده هادئا فجلس على مقربة منه وهو يتناول طعامه بشراهةوبينما هو ياكل اتصل به مجد فتوقف عن مضغ الطعام بسرعة و رد عليه :الو ياباشا
مجد بصوته #بقلم_مرفت_السيد القوي *في جديد؟
:لا ياباشا الدنيا هادية
*خلي بالك الشاليه مايغيبش عن عينك ولاثانية
واغلق مجد الهاتف بدون انتطار رده
فعاد الحارس للطعام وهو يقول بقرارة نفسه يعني هي النص ساعة الي جبت فيها اكل هاتفرق او حد هاييجي اول ماانا امشي
ولم يعلم بأن هذا ماحدث
قالت تالين لفارس : وديني الشاليه بتاعي يافارس لو سمحت
فارس:حاضر ياتالين بس هاتقدري تتحملي
مسحت دموعها وابتسمت بسخرية*لا متقلقش عليا انا كويسة
ناولها منديل وابتسم مطمئنا:انا جنبك ياتالي
اتصل فارس باصدقائه وأخبرهم بوجهتهم وبعد قليل وصل الجميع الى الشاليه
دخل فارس وتالين ليجدا الشاليه بحالة فوضى تجولت تالين بالارجاء وهي تتذكر ايام طفولتها مع والدتها الراحلة وان الشاليه دة ملك لوالدتها واتناولت عنه قبل وفاتها لتالين الي كانت بكل طيبة بتجيب دوللي وامها وابوها في الصيف يقضو معاها الاجازة
قالت تالين:دور معايا على السلسلة يافارس
فارس بعد بحث مضني: تالين احتمال السلسلة تكون وقعت منك بالشارع
تالين : الظاهر كدة
فارس:ياللا بينا
تالين:لا انا عاوزة اروق المكان واغير الكالون واركب كاميرة مراقبة
فارس: بكرة باذن الله هاعملك كل دة
تالين :هااتعبك معايا
فارس:عيب #بقلم_مرفت_السيد الكلام دة هاتي بس المفتاح وياللا بينا
ابتسمت تالين وناولته المفتاح ثم قالت له وهي عند الباب :فارس
*نعم
قبلته بوجنته وقالت:شكرآ بجد على كل حاجة وشكرا انك معملتش محضر وبتساعدني اجيب حقي بدون شوشرة
فارس بتوتر :تالين الكلام دة بيزعلني
ابتسمت بامتنان وسبقته على السيارة بخطوات بطيئة لانها مازالت تتالم ولكنها تتحامل على نفسها
بينما يحاول فارس التماسك فتأخر باغلاق باب الشاليه حتى يستطيع أن يسيطر على مشاعره
قال فارس لاصدقائه:بجد يارجالة مش عارف اقولكم إيه انا ورايا كذا مشوار بس همتكم بقى باستجواب الكلب صاحب الشاليه والي لسمها نور دي ودوللي انا هاستجوبها بنفسي اهم حاجة تعرفولي مين الحيوان اللي اتفقوا معاه عليها
عصام: تعالى بعيد شوية في حاجة لازم اقولهالك يافارس عارف وانت وتالين في شاليه بسام دة راجعنا الكاميرات من زاوية تانية من الشارع الخلفي للشاليه لان الكاميرات الي جابت خط سيرهم من هنا لحد هناك وهما مخدرين تالين مش مبينة باب الشاليه احنا عرفنا ان هو دة الشاليه من بواب قال انه لمح حركة مريبة لبنات داخلة براجل طويل وبعدين جابوا بنت دايخة كدة ولأنه كان مشغول في مشوار مااهتمش اوي حاولنا نعرف شكل الراجل مقدرناش المهم شوفنا حاجة غريبة اوي من الكاميرا الي بالشارع الخلفي بعربية نور ومعاها دوللي داخلين الشارع قبل الواقعة بربع ساعة ومعاهم بالمقعد الخلفي راجل لابس كوفية ومرفوعة على فمه فملامحه مش باينة وادي الصور والفيديوهات اهي
اخذ فارس يشاهد فيديوهات الكاميرا والصور ولكن وجه الرجل غير واضح فقال احد اصدقائه:الحل الوحيد ان كل دة هايخلينا نخوف نور ودوللي وبسام ونقنعهم اننا عارفين ونخليهم يعترفو بطريقتنا
فارس:تمام ان شاء الله نوصل للحقيقة
ياللا يارجالة همتكم سلام دلوقتي
استقل فارس سيارته سألته تالين:في حاجة ولاايه
فارس: متشغليش بالك دة كلام في الشغل
تالين:انسى انك ظابط مباحث وبطل غموض
ضحك فارس: انا جعان تحبي نتغدا فين
تالين:اي مكان المهم تعمل حسابك بعد ماناكل هاناخد #بقلم_مرفت_السيد عمي ونروح لبابا
فارس:لا ياتالين خليها بكرة
:ليه
*ثقي فيا
:فهمني بلاش شغل المباحث دة
*الحقيقة هاتكون كملت بكرة باذن الله ساعتها هاتقدري تواجهيهم بثقة
:تمام ياافندم
ضحك كلاهما وذهب بها الى مطعم هاديء قريب من البيت وبعدما انتهيا من تناول الطعام
وبينما هما على وشك الانصراف قالت تالين :ممكن تاخدني المول اشتري شوية حاجات
فارس:ياللا بينا
وهم بطريقم للمول سألها فارس:تالين هو انتي اخدتي اجازة من شغلك؟
تالين:ايوة ودلوقتي بافكر جديا اقبل بعرض الإدارة عليا باني اترقى واسافروامسك فرع دبي
فارس: هاتهربي ياتالين دة انتي لسة قايلة انك مظلومة ومش هتستخبي وهاتواجهي الكل
تالين:مش هروب بس لازم ابعد تعبت وعاوزة اعيش بسلام شوية هاركز في شغلي وبس بس اخد حقي منهم الأول
فارس:عالعموم انا جنبك ووراكي بأي قرار بس نأجل الكلام دة لحد مانفسيتك ترتاح
تالين :احنا وصلنا ساعدني بس اشتري شوية حاجات لاني فعلاً مرهقة
فارس:انتي #بقلم_مرفت_السيد اصلا اصريتي تنزلي وانتي لسة بفترة علاج
تالين:ماينفعش استسلم للانهيار كل دقيقة بتعدي بتضيع عليا اعرف الي حصل
فارس:عندك حق اتقضلي ياست الكل معايا
ساعدها فارس بشراء بعض الاشياء وتسوق هو ايضا واتجها بعدها للمنزل محملان باكياس مشتريات
وبينما هم صاعدان لشقة عاصم قال فارس لتالين:تعالي ندخل حاجاتي الأول وافير هدوني بسرعة ونطلع
تالين:اه عشان اسلم على اميرة مراتك واشكرها على تعبها مرات عمي قالتلي ان الغيار الي كان عليا دة منها
فتح فارس الباب وبصحبته تالين لم تشعر بهما اميرة وكانت تجلس مع امنية زوجة فخر الدين ويضحكان بصوت عالي ويتحدثان ومايثولانه مما جعل فارس يطلب من تالين الانتظار
قالت أميرة وهي تضحك :اوعي ياامنية الكلام دة يطلع برة
امنية:عيب عليكي دي فضيحة اصلا
أميرة :امال لو شوفتيها وفارس شايلها وهدومها مقطعة وعليها دم ربنا يستر على ولايانا
أمنية :وفخر طالع زعلان اوي عليها انا عارفة إيه الي رماها علينا البلوة دي
أميرة :وحياة امي ماهاخليها توصل لغرضها وتخطف فارس
امنية:اه حرصي دي سهونة
كانت تالين تستمع ودموعها تسيل بحرقة وفارس يغلي من الغضب وقبلما يقتحم مجلسهما أمسكت به تالين وهزت راسها برفض واشارت له بالخروج معها
استجاب لها لانه يراها تبكي وتبدو كمن يقاوم الاغماء وانصرفا بهدوء
صعدت تالين الى شقة عمها وهي صامتة وفارس خلفها يكاد ينفجر من الغيظ
دخلت تالين شقة عمها وهرولت الى غرفتها وسط ذهول عمها وزوجته
بينما فارس ناولهما الاكياس وخرج بسرعةوعروقه البارزة تنم عن بركان سينفجر بدون اعطائهما فرصة بسؤاله عما يحدث
عاصم لزوجته:خير استر يارب
دخل عاصم وزوجته الى تالين ليجداها تبكي بحرقة ضمتها زوجة عمها بحنان وعمعا يربت على كتفها
سألها عمها:اهدي يابنتي وفهمينا
تالين قصت عليهما بصعوبة من وسط دموعها ماحدث
نهضت زوجة عمها صارخة:الحقه ياعاصم انزل بسرعة دة مجنون
#بقلم_مرفت_السيد
بقصر فاخر ينم عن ثراء جلست الجدة وهي تتكيء على عصاها وتنظر لحفيدها مجد بعتاب وتقول : بقى كدة يامجد بقى حفيدي انا ينام عند الولد البايظ اسر ويسيبني
ابتسم مجد وقبل يدها :ياقلب حفيدك إنتي كنت باشوف غلاوتي عندك
ابتسمت بحنان وحب واحتضنته وهي تقول: ربنا مايحرمني منك انا خايفة عليك يابني صحتك بلاش شرب وبلاش ستات اينعم هما ميعرفوش انت مين بس ربنا عارف وميرضاش عنك وانت كدة واخرة السكة دي مصيبة
تنهد مجد وكلامها يضربه في مقتل: اااه ياجدتي اااااااه
انا طالع اوضتي محتاج ارتاح
تركها وصعد الى غرفته وضع الملاءة بحقيبة بخزانته وامسك بالسلسلة والوشاح وهو يفكر كيف سيجدها كيف

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية حدث في ليلة ما)