رواية يمنى والياس الفصل السادس عشر 16 بقلم زهرة الربيع

رواية يمنى والياس الفصل السادس عشر 16 بقلم زهرة الربيع

رواية يمنى والياس البارت السادس عشر

رواية يمنى والياس الجزء السادس عشر

رواية يمنى والياس الحلقة السادسة عشر

يمنى قلبها كان هيقف حرفيا وقفت ورجعت لورا من كتر الخوف وقعت على الارض بس قامت بسرعه ومن غير اي تفكير سابت المكان وجريت باقصى سرعه
الياس خرج على طول وبيبص لقاها بتجري بعيد استغرب جدا وقعت الحجات من ايده وجري وراها وهو بينادي عليها بيقول..يمنى..يا يمنى استني فيه ايه
بس يمنى كانت بتجري زي المجنونه ومش بترد ولا بتبص وراها حتى بس فجأه وقفت برعب لما طلعو قدامها ٣ شباب وقطعو طريقها
يمنى وقفت مكانها بخوف ولفت ولسه هتجري خبطت في حد وبقت تصرخ بهستريا وهيه حاطه اديها على ودانها وبترتعش من الخوف
بس هديت ونزلت ايديها بفرحه لما لقتو الياس وبيقول… فيه ايه..دا انا اهدي
الياس كان مستغرب كل الي بتعملو وشدها لحضنه من غير ما يسألها ويمنى مسكت فيه بقوه وكانت مرعوبه
الياس طلعها من حضنو وخباها ورا ضهره وقال بغضب …فيه ايه انتو مين وعايزين ايه
واحد من الشباب اتقدم عليه وقال …ملكش دعوه وامشي من هنا ياشاطر البنت الي معاك تلزمنا
يمنى خافت جدا ومسكت في الياس بشده وهيه متخبيه وراه
الياس كان حاسس بخوفها من رعشه اديها قال..البنت الي معايا دي مراتي ومحدش هيقرب لها فتحترم نفسك وتاخد الي معاك وتمشي احسن ما اهزئك انت والي معاك
الشاب قال انا عايزك تهزأني بقى وهجم عليه هو والشابين الي معاه واشتبكو مع بعض ..في اول الموضوع كان الياس بيضربهم بكل قوتو و مسيطر على الوضع ونازل فيهم ضرب واحد ورا التاني
بس فجأه واحد منهم قرب على الياس وفتح مطوتو عليه وقال . .الي بتعملو ده مش هيفيدك احنا كده كده هناخدها فخلينا ناخدها ونسيبك عايش احسنلك
يمنى كانت مرعوبه حرفيا وافتكرت ان الياس هيسيبها زي معتز وبقت تبكي بشده بس الياس قرب على الشاب بطريقه ترعب وقال يلا اقتلني انا قدامك اهوه يلا مستني ايه
الشاب رجع لورا بخوف ونزل المطوه وبص لشاب الي معاه بطرف عينه فهجم على الياس وضربو في كتفو من ورا وجريو ركبو عربيتهم وطلعو بسرعه
يمنى صرخت…واالياس وقع على الارض من الاالم وكتفو كان بينزف بشده بس مكانش مهتم غير بمنظر يمنى الي كانت قاعده على الارض وبتبص لالياس بصدمه ودموع ومش مصدقه كل الي حصل
الياس قرب منها وحط ايده على خدها وقال بتعب والم..انتي ..انتي كويسه.
يمنى بصتلو بدموع وبصت لكتفو ولقتو بينزف بغزاره حاولت تتمالك اعصابها وقالت اخيرا..الياس كتفك..انت..انت لازم تروح المستشفى يلا بينا وكانت مرعوبه وبترتعش
الياس ابتدى يعرق والنزيف زاد وحس رجليه مش شيلاه وحس بدوخه شديده قال بتعب …امشي يا يمنى بالله عليكي تمشي… اتصلي على الاسعاف هيجو ياخدوني وهبقى كويس بس انتي امشي من هنا انا خايف عليكي
يمنى فجأه حضنتو وبقت تبكي اوي وقالت مش هسيبك هنمشي سوا بس انت قوم قوم معايا وانبي
الياس حاول يقف مقدرش وكان دايخ وبيفقد الوعي يمنى قامت وبقت تبص حواليها لقت نفسها في شارع غريب لما جريت بعدت عن الناس والمكان مفهوش حد مخدتش بالها انها جريت كتير كده بس لما لقت الياس بالحاله دي اخدت منو مفاتيح العربيه ورجعت تجري في نفس الاتجاه الي جات منو مع انها كانت مرعوبه انها ترجع وخايفه من المكان بسبب الشخص الي شافتو لاكن مترددتش في انها تنقذ الياس مهما يحصل
وفعلا وصلت عند السنيما و لقت ان الشخص ده مكانش موجود فتنهدت ونادت على اتنين شباب من الي بيشتغلو في السنيما واخدتهم معاها يساعدوها وبعد شويه صغيرين جدا وصلو عند الياس والشباب ساعدوها في انها تطلعو العربيه وساقت على اققرب مستشفى وهيه بتموت حرفيا
في شقة معتز كان معاه واحد في الشقه وبيكلمو بكل عصبيه وبيقول…ايه الي انت عملتو ده يا حم.ار ده الي انا قولتهولك يامروان الك.لب
ده بقى مروان الدالي ابن طاهر الدالي اغني اغنياء البلد وعضو مجلس شعب ..شاب طويل وسيم نسبيا والباقي هنعرفو دلوقتي
مروان قال بملل…ااووووف بقى وانا عملت ايه… زي ما قولتلي نفذت اعملك ايه تاني
معتز بعصبيه…نعم يا حبيبي ده الي انا قولتو انا قولتلك تستناهم يركبو العربيه وتخلي رجالتك يعملو معاهم نفس الموقف الي عملتو معانا انا ويمنى قبل كده صعبه دي
مروان قال…مهو انا كنت ناوي على كده بس هيه مدتنيش فرصه ولا ركبت العربيه اصلا اول ما شافتني جريت زي المجنونه و
بس قاطعو معتز وقال بغضب..وتخليها تشوفك ليه اصلا يا حيوان انا مش قولتلك متظهرش بس انا غلطان الي اعتمدت على غبي زيك
مروان رد بعصبيه وقال…يوووه وبعدين في طولة لسانك دي مش معنى اني ساكتلك تتمادى معايا لا ياحبيبي فوق انت عارف انا مين وابن مين انا ساكتلك علشان ليه مصلحه عندك فلم نفسك واتكلم براحه علشان نعرف نتصرف
معتز كمل بعصبيه وقال..نتصرف نتصرف في ايه بوظت كل حاجه خلاص زي ما بوظتها زمان من خمس سنين قولتلك تضربني قدام يمنى كام ضربه كده وتعمل جو اكشن وتاخد البنت ليك وقدمتهالك على طبق من دهب عملت ايه انت وقتها اول ما وقفتنا مسكت سلاحك ورفعتو عليا وخلتني قدامها الندل الي سابها لوحدها بس انا قولت مش مشكله بكره لما جدها يعرف الي انت عملتو فيها هيجوزهاني غصب عنها علشان استر عليها بس حتى دي فشلت فيها والبنت خمتك وكانت هتصفي دمك لولا وصولنا ورغم اني بلغت عنها وسجنتها لاكن مرضيتش تتجوزني وكلو بسبب غبائك
مروان نفخ بضيق وقال…هو انت كل ما هتشوفني هتقطمنى بسبب الي حصل زمان قولتلك البنت فاجأتني كنت خلاص بس ليها نصيب تفلت من ايدي بس انا وراها والزمن طويل
معتز قال بغضب وسخريه بلاش يا حبيبي الي حصل زمان خلينا في دلوقتي انا قولتلك تكرر نفس الموقف وتخلي الي اسمو الياس ده يخاف ويسبها علشان تكرهو وتعرف ان اي حد في الموقف ده هيخاف بس انت طلعتو بطل قدامها برافو عليك
مروان قال وانا اعملك ايه انا لما قولتلي على الخطه قولت فرصه اشوفها اصلها وحشتني قوي بس اول ما شافتني جريت زي المجنونه.. وديت الرجاله وراها وفعلا جوزها وصل لها بس مرضيش يسيبها و الرجاله مقدروش يخوفوه بالعكس خافو منو لدرجة انهم ضربوه بالمطوه علشان يهربو
معتز قال بغضب..يا عيني على رجالتك خافو منو وانا الي قولت انك انت اكتر واحد هتفدني في الموضوع ده ومرضتش اتصرف انا وقلت اكيد رجالتك هيخلصو بس انا الي غلطان متصرفتش لوحدي
مروان قعد على الكرسي وقال بسخريه يا حبيبي انت متصرفتش لوحدك لانك خايف تتكشف ويجي اسمك في الموضوع …مرعوب من جدك والا ليه تتفق معايا من الاول ليه ماغتصبتهاش انت لانك عارف لو عملت كده جدك هيخلص عليك ولو دلوقتي كمان عرف هيخلص عليك فأهدى يا حلو وخلبنا حلوين
معتز فال بخوف انت بتهددني
مروان قال….. لا يا زيزو انا بوعيك اصلي شايفك لسانك طول ومش في وعيك وبعدين انا لو عايز اتصرف من دماغي مكنتش سمعت كلامك لما اصريت عليا منقتلوش وانا مشيت الي انت قولت عليه والا كان زمان الضربه الي في كتفو في قلبو ولا طلقه في دماغو وبعدين ولا رجالتك كانو هيعملو حاجه الولد ده مش سهل كان داخل بصدره كده ولا همه مكانش هيسيبها الا لو قتلناه
معتز قعد وقال طيب سيبك من كل ده كده الخطه دي فركش يعني كده البنت هتتعلق بيه اكتر هنعمل ايه
مروان وقف وقال بغضب …انت مش هتعمل انا الي هعمل وانت بس اتفرج…… وابتسم بشر وخبث شديد
عند الياس كان خرج من العمليات خيطولو الجرح ولسه نايم ويمنى كانت قاعده جمبو وماسكه ايده ودموعها زي المطر قالت وسط دموعها…لتاني مره تدخل المستشفي بسبي يا الياس تاني مره اشفوفك بالحاله دي ورغم كل الي عندي مقدرش اعملك حاجه ..تبهدلت اوي معايا وانت متستهلش ..كنت سمعت كلامي يا الياس كنت لازم تبعد على الاقل كان قبل مانتعلق ببعض..اعمل ايه دلوقتي يا الياس مش هقدر اشوفك بتتأذي ولا هقدر ابعد عنك وبقت تبكي بشده
بس اتفاجأت بصوتو المرهق من الالم بيقول وهو لسه مغمض..ولا انا اقدر ابعد عنك
يمنى بصتلو بلهفه والياس فتح عنيه ببطأ وبصلها وابتسم يمنى بصتلو وقالت بسرعه…انت كويس..حاسس بحاجه في حاجه بتوجعك هيجيب الدكتور حالا.دقيقه واحده ولسه هتمشي مسك ايدها وقال…انا …انا كويس عايزك جمبي..خليكي
يمنى قعدت على الكرسي وقالت بدموع …بس الدكتور لازم يشوفك و
الياس ابتسم وقال..بس انا مش عايز اشوف الدكتور انا عايز اشفوفك انتي
يمنى ابتسمت وسط دموعها وقالت..ده وقتو يا الياس ..بزمتك وقت هزار يعني
الياس بصلها وشاف دموعها والخوف الي في عيونها قال..مالك يا يمنى ..انتي خايفه كده ليه
يمنى بصتلو ومبقتش قادره تتكلم نزلت دموعها وقالت…عايزه احضنك يا الياس ومش عارفه علشان دراعك
يمنى كانت بتتكلم بدموع وصوت باكي والياس اتفاجأ بردها ابتسم وفرد دراعو السليم وقال ..تعالي ..انا محتاجلك اكتر
يمنى اول ماقال كده نامت في حضنو وحطت راسها على صدرو ومسكتو من وسطو بقوه وبقت تبكي بشده وصوت عالي كأنها اول مره تبكي في حياتها وبقت تقول وسط بكاها…رجع ..رجع شوفتو ..انا شوفتو..خوفت اوي…كنت مرعوبه ..كو كويس انك كنت معايا..لا ….لامش كويس..مش كويس خالص انت كنت هتموت بسببي ….وبقت تبكي اوي وصوتها يقطع القلب
الياس كان مستغرب ايه الي حصلها علشان جريت فجأه وليه الانهيار ده كلو ومين الي رجع و شافتو الف سؤال بيدور في دماغو بس حابب انها تطلع كل الي جواها كان بيضمها ليه اكتر وبيطبطب عليها بيتمنى لو يقدر يحرك ايده التانيه ويضمها بكل قوتو ويخبيها بين ضلوعه
يمنى فضلت في حضنو فتره بكت فيها كتير وطلعت كل الي جواها وهديت شويه وكانت هتقوم بس الياس قال ..خليكي رايحه فين
يمنى رفعت عيونها ليه وفضلو باصين لبعض شويه وقالت…احم..انت تعبان ولازم ترتاح انا اسفه ازعجتك وقامت وقالت انا هطلع انادي الدكتور واجي
يمنى طلعت والياس فضل محتار قوي وقرر يسالها عن كل الي حصل اول ما ترجع
بعد شويه دخلت يمنى ومعاها الدكتور ووشها مخطوف من كتر ما كانت خايفه الدكتور بقى يكشف على الياس والياس كان مثبت نظره على يمنى
الدكتور قال ان الياس نزف كتير ووصاه ياكل كويس وكتبلو فيتامينات ومسكنات وخرج
يمنى قالت بابتسامه بسيطه..الحمد لله جات سليمه و
بس قاطعها الياس وقال …مين الي رجع…مين ده الي شوفتيه يا يمنى ايه الي شوفتيه وعمل فيكي كده ارجوكي قوليلي
يمنى بعدت بنظرها عنو وقالت بارتباك..انا لا ابدا مشفتش حد انا بس …حسيت اني تعبانه علشان كده مشيت
الياس اتنهد وقال بحزن..اممم…براحتك يا يمنى مدام لسه شايفه انك مش واثقه فيا لدرجه تخليكي تحكيلي وجعك وخوفك فتمام انا معنديش مانع استنى لحد ما تثقي فيا
يمنى قربت منو ومسكت ايده وقالت..انا بثق فيك اكتر من نفسي بس خايفه عليك ارجوك ابعد عني يا الياس لو بتحبني بجد خلينا نطلق وابعد عني وعن سكتي صدقني مش هتشوف غير الاذى
الياس قال انتي بتقولي ايه…انا ببسوط بأي أذى مادام جمبك متقوليش كده تاني انا بح..
يمنى حطت ايدها على بقو بسرعه وقالت…لا ..لا متقولهاش ..الكلمه دي مش من نصيبي صدقني..وانا متأكده انك هتلاقي الي تقدرك وتحبك
الياس قام وقف وهو تعبان جدا وقال…وانتي مبتحبنيش
يمنى قالت بقلق…الياس نام مكانك انت تعبان و
بس الياس كانو مش سامعها ورجع قال..ردي عليا انتي مبتحبنيش يا يمنى
يمنى قالت الياس..الياس نام بقى هتتعب
الياس قال بزعيق …ردي يا يمنى انتي مبتحبنيش
يمنى حاولت تقوى وقالت…ايوه …ايوه مش بحبك مش قادره احبك حاولت ومعرفتش اعمل ايه حاولت ولقيتني خايفه اظلمك معايا انا ..انا ..احم انا لسه بحب يوسف ومش عارفه انساه
الياس برق بزهول وكان مصدوم من ردها قرب عليها بغضب وضم ايده بعصبيه وقال…الكلاك ده متقوليهوش تاني حتى لو بتهزري انتي لسه مشوفتيش حاجه من غضبي انتي مراتي انا ملكي انا هتحبيني لو غصب عنك فاهمه ممنوع تنطقي اسم راجل تاني سامعه
الياس كان في قمة غضبو وشكلو كان يخوف ويمنى بلعت ريقها واصرت تكمل قالت بعصبيه…لا هقول اسمو يا الياس لاني بحبو بحبو اعملك ايه انا حذرتك بان قلبي مش ملكي انهارده لما كنا في السنيما شوفت يوسف مع واحده واتخنقت علشان كده جريت وانت مشكور ساعدتني وانقذتني من الشباب دول وانا اوعدك وبعدت بنظرها عنو وقالت…اوعدك هكتبلك شيك بالمبلغ الي يرضيك خدمه قصاد خدمه وكل واحد يروح لحاله
الياس نزلت دموعو وحس انها قاصده تجرحو قرب منها وقال بدموع وتعب. يمنى …يمنى انا عارف ان فيه حاجه حصلت خلتك تقولي كده بس انا جمبك يا يمنى انا معاكي انا مقدرش ابعد عنك..ارجوكي…. ارجوكي لو فيه حاجه خايفه منها قوليلي وبلاش تعملي فيا كده انا مش هستحمل صدقيني انا..
بس يمنى قالت يا الياس..يا الياس انا مش خايفه من حاجه كل الحكايه اني انهارده اكتشفت المستوى الي ممكن اعيش فيه المرتب الي انت قبضتو انهارده وصرفت منو على اهلك وعلى خروجتنا وفاض منو كمان انا بديه للخدم عندى المستوى مش واحد يا الياس
الياس حس بدوخه وبتعب وقلبو كان حرفيا بينزف قال…يعني ايه….يعني كنتي بتلعبي بيا يا يمنى كنتي انهارده مفهماني انك مبسوطه و
يمنى بصت بعيد وقالت ايوه .. انا صحيح حبيت الفتره الي قضيناها سوا بس ده لاني بحب اجرب حجات جديده عليا اما انت مش من مستوايا وعمرك ما هتكون كده انا اتجوزتك لاني مش عايزه اتجوز معتز وبحب يوسف ومش هتجوز غيره بعد كل الي عملو معايا مقدرتش انساه…. بص انا بعزك يا الياس امتى ما تحتاج اي حاجه تعالى على القصر انا جاهزه لاي مساعده و
بس سكتت على صوت خبطه جامده بتبص وراها لقت الياس واقع على الارض مغمى عليه وووووووو

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية يمنى والياس)