رواية بداية حياتي معاك الفصل الأول 1 بقلم داليا أحمد
رواية بداية حياتي معاك الفصل الأول 1 بقلم داليا أحمد
رواية بداية حياتي معاك البارت الأول
رواية بداية حياتي معاك الجزء الأول
رواية بداية حياتي معاك الحلقة الأولى
إلي كل قلب دق بابه الحب وأقتنع أنه لا يوجد طريق
أبشر 😉
سيجمعك الله بمن أحببت
“وهو على جمعهم إذا يشاء قدير ”
يا من يأست من الحياه وظننت أن الله نساك
أبشر
فالله يسمع دقات قلبك وهمسات عقلك
فلا تيأس فاليأس خيانه
الفصل الأول :
في فيلا راقية و بالتحديد في محافظة دمياط في مكان راقي و ده معناه ان مستواهم المادي عالي
تدخل الأم (نجوي )عند لينا تصحيها
نجوي : لولو يا لولا اصحى يا حبيبت مامى
لينا و هى تستيقظ من النوم و باست امها
لينا : مامى حبيبتى أنا صحيت اهو ….. هو بابى تحت وﻻ راح الشركة
نجوي : تحت يا لولا مستنيكى هو و آدم عشان نفطر كلنا قبل ما تروحو الجامعة انتي و آدم
لينا بنشاط :10 دقايق يا مامى البس و هبقى تحت
نجوي : ماشى يا روح قلب مامى
قامت لينا بنشاط و اتوضت و لبست اسدال الصﻻة و صلت
بعد 5 دقائق
انتهت لينا من صﻻتهأ و بدلت مﻻبسها و نزلت
لينا :بنت جميله ملامحها هادئة و بريئه بيضاء شعرها عسلي فاتح و عيونها عسلي في اولي كلية تجارة انجلش بتحب الغناء و صوتها حلو
الام (نجوى): طيبة و حنينة جدا بتحب لينا و آدم اخو لينا الكبير و ست بيت
الاب (يوسف الحسيني ):مهندس يمتلك شركة ناجحة راجل ذكي و حنين بيفهم الشخص اللي قدامه بيثق في لينا و آدم اكتر من نفسه و بيحبهم
ادم: 22 سنة في اخر سنة من كلية الهندسة خاطب يمني و بيحبها جدا و هي زميلته في الجامعة
______________
لينا قربت من باباها و حضنته و باسته من راسه: بابى حبيبى عامل ايه …؟
يوسف (الاب ) : تمام يا روح قلب بابى اقعدى افطرى يﻻ
لينا :صباح الخير يا دومي
ادم:لا مينفعش الصباح ده كدا
لينا ضحكت و قربت من أخوها و باسته من خده
لينا :تمام كدا يا باشا
ادم :تمام يا حبيبتي
نجوي :طب وانا ماليش في جو العشق ده بقا
لينا بتضحك:ده انتي نبع الحنان حتي عيب عليكي انتي عارفة انا بحبك قد ايه
نجوي :يلا يا بكاشة
ادم :حبيبتي تحبي اوصلك انهاردة
لينا :لا يا آدم عم مصطفي هيوصلني
ادم :انا مش فاهم يا بابا انت جايبلها عربية ليه و هي اصلا مبتعرفش تسوق
لينا طلعتله لسانها :ملكش دعوة يا رخم و بعدين بابا حبيبي و مش بيتاخر عليا في حاجة
نجوي:بس بقا كلو دلوقتي عشان متتاخروش عن الجامعة بتاعتكو
ادم :يا ماما دي فاشلة اصلا في تجارة
لينا قاطعته :انجلش …. تجارة انجلش مصاريفها 12000 في السنة ها … ركز كدا و ما تقرنهاش بعربي نهائي
ادم بيضحك:يا شيخة اتنيلي محسساني أنها هندسة
لينا :يعني عشان ربنا كرمك و دخلت هندسة هتغيظني
يوسف :بس بقا كملو خناق بعدين
_____________
في مكان تاني بالتحديد في محافظة القاهرة مدينة 6 أكتوبر
في فيلا عمر فؤاد الطوخي
عمر :شاب وسيم عيونه عسلي و شعره بني بشرته لونها قمحي 26 عام متخرج من كلية الطب البشري قسم جراحة بيشتغل في مستشفى خاصة هو صاحبها
أميرة :والدة عمر بتحب أولادها جدا و ست بيت و حنينة عليهم
حبيبة :اخت عمر بنت جميلة شعرها اسود عيونها بني بتحب الناس و متواضعة في اخر سنة من كلية الهندسة
هاجر :في 2 ثانوي بنت مغرورة و غير حبيبة نهائي في الطبع
فؤاد الطوخي :والد عمر متوفي
أميرة و حبيبة و هاجر وعمر بيفطرو علي السفرة
أميرة :عامل ايه يا دكتور في شغلك
عمر:الحمدلله يا ماما
هاجر :ماما عايزة 1000 جنيه اجيب طقم جديد
حبيبة :انتي مش لسة جايبة معايا طقمين من الاسبوع اللي فات لما عمر اخدنا المول
هاجر : وانتي مالك اصلا كنت طلبت منك حاجة
اميرة :عيب تكلمي اختك الأكبر منك كدا
هاجر:يا ماما انتي مش شايفها بتكلمني ازاي كل ما اطلب منك حاجة تقفلي كدا
عمر قاطعها :خلاص يا هاجر خدي الفلوس دي و هاتي اللي انتي عايزاه
حبيبة :ولله يا عمر حنيتك دي اللي مخلياها تتدلع
عمر :خليها تفرح يا بيبا يلا انا خارج عشان متاخرش على المستشفي
أميرة :كمل اكلك يا حبيبي
عمر باس راس مامته :لا يا ست الكل انا شبعت يلا عايزة حاجة
أميرة :عايزة سلامتك يا حبيبي خلي بالك من نفسك
هاجر بتطلع لسانها لحبيبة و بتعد الفلوس :100 .. 200 كدا 500
حبيبة :بت يا جوجو ما تديني حاجة منهم
هاجر :لا مش كنت من شوية متدلعة
حبيبة :رخمة ولله
_________
عند لينا
ادم :طيب يا ماما انا خارج دلوقتي عشان عندي سكشن كمان ساعة يدوب الحق اوصل
نجوي :ماشي يا حبيبي خلي بالك من نفسك
يوسف :وانا لازم امشي دلوقتي يلا عايزين حاجة
نجوي & لينا :عايزين سلامتك
خرج يوسف و آدم
نجوي :لولو يا حبيبتي متنسيش تشتري هدية عشان عيد ميلاد تقي بنت خالتك
لينا :حاضر يا ماما هخلص محاضراتي و هشتري الهدية هي كدا كدة اصلا هتمشي بدري انهاردة و باين مش هتحضر اخر محاضرة
نجوي :طيب هتروحي الكوافير او اجيبلك ميكب ارتيست
لينا :لا ي ماما هعمل ميك اب بسيط كده ماليش انا في الحاجات الملونه دي
نجوي بتضحك :ماشي بس اوعى تنسي تشتري الهدية اتفقنا
لينا :اتفقنا ي مامتي امشي انا بقا
نجوي : سلام
لينا :سلام ي حبيبتي
__________
(في الجامعه) كلية تجارة انجلش
لينا تنتظر صديقتها من الطفوله (تقي ) و بنت خالتها
لينا بعصبية :انا بعد كده مش هستناكي علي فكره
تقي :ايه يا لولا بس سوري بجد اخر مرة
لينا :اخر ايه دي المره المليون دي عادتك ولا تشتريها يلا بقي هنتاخر
____________
( في المساء )
نجوي : لينا انتي فين يابنتي
لينا : انا في اوضتي يا مامي
( طلعت لينا من اوضتها تشوف مامتها عاوزة ايه )
نجوي : انتي فين انا بقالي ربع ساعة بنادي عليكي
لينا : كنت بصلي يا مامي .. معلش متزعليش
نجوي:ماشي يا حبيبتي
لينا : ها يا مامتي عامله ايه ؟
نجوي :الحمد لله تمام
لينا :قصدي عاملة ايه علي الغدا بقا؟
نجوي بتضحك: همك على بطنك كدا دايما .. المهم .. البسي واتشيكي كدا عشان منتأخرش علي العيد ميلاد بتاع تقي
لينا : حاضر يا مامي
( راحت لينا لبست واتشيكت واتمكيجت ميكب خفيف .. ودخلت عليها مامتها بعد ما جهزت )
نجوي: بسم الله ماشاء الله ياحبيبتي .. هتاكلي الجو من البت تقي
لينا : مش كدا يا مامي .. ماهو القرد في عين امه بقى يلا بخريني بقى لأحسن اتحسد
في اللحظة دي دخل آدم عندهم
آدم :تتحسدي مين يما لا بقولك ايه يا نوجا متخليهاش تاخد مقلب في نفسها
لينا :شايفة يا ماما دايما يضايقني و يرخم عليا و بعدين انا قمر يابني بس انت اللي اعمي مش بتشوف
نجوي :بيهزر معاكي يا لولو انتي عارفة آدم
لينا :هزاره رخم زيه
آدم مسك ايديها و بيلفها ليه :وااااو لا تصدقي غيرت رأيي قمر يا قلبي
لينا :مش كنت من شوية اخدة مقلب في نفسي
آدم : لولا انك اختي و اني خاطب يمني كنت خطبتك انتي
لينا :وانا اصلا مكنتش هرضي بيك
آدم رفع حاجبيه:انتي تطولي اصلا
لينا بصت لادم و هي اقصر منه بكتير و وقفت علي كرسي التسريحة بتاعهتا
لينا :أيوة اطول اطول منك كمان بص انا بقيت أطول منك اهو
آدم ضحك شالها علي ايديه :حتي وانتي راكبة علي الكرسي مش طايلاني يا اوزعة
لينا:نزلني يا آدم
ادم :لا اتاسفي
لينا :يا ماما خليه ينزلني
نجوي :نزلها يا آدم
آدم :حاضر يا نوجا نزلتها اهو
نجوي : ياربي نفسي اخلص من جنانك ده يا ساتر
ادم : والنبي انا اللي عاملك حس في البيت واول ما اتجوز هتعقدي تعيطي وتقولي البيت فضي عليا وحركات الحموات دي
لينا :ده احنا هنكسر وراك زير يابني
آدم :ما بلاش انتي يا اوزعة
__________
( في بيت خالة لينا .. طنط رحمة مامت تقي)
خالة لينا عندها تقي فقط
دخلت لينا ومامتها وسلمت على خالتها و لينا استاذنت و دخلت على اوضة تقي
تقي : اتاخرتي كدا ليه ياجزمه
لينا : يخربيت لسانك اللي عاوز القطع ده .. الدنيا زحمه يابنتي و آدم فضل يرخم عليا شوية و بس
تقي : اه الطبيعي بتاع ادم .. بس ايه الحلاوه دي يابت .. يخربيتك هتغطي عليا انهاردة .. شكلي هقلعك وألبس هدومك واحبسك في الاوضة زي سندريلا
لينا بتضحك: مجنونه وتعمليها وربنا
_______
بدأ العيد ميلاد و تقي قطعت التورتة و دخل شخص و قال
….:كل سنة وانتي طيبة يا توتا
تقي بابتسامة :وانت طيب يا سليم
( سليم :28 سنة شاب وسيم و عيونه زرقة و شعره بني فاتح متخرج من كلية صيدلة و عنده شركة ادوية ناجحة بيحب لينا من وهي صغيره والعيله كلها عارفه كدا .. وعاوز يخطبها لكن لينا بتعتبره أخوها)
سليم بص ل لينا : ازيك يا لينا
لينا : اهلا يا ابن خالي .. انا تمام الحمدلله وانت عامل ايه
سليم : ها ؟ اه انا تمام
نجوي :ايه يا سليم مش هتسلم عليا انا و عمتك رحمة ولا ايه
سليم :ها … ازيك يا عمتي عامله ايه واحشاني
نجوي :يا بكاش لسة فاكر
سليم :ازيك يا عمتو رحمة
رحمة :اهلا يا دكتور عامل ايه
سليم :الحمدلله تمام.. وانتي عامله ايه في دراستك يا لينا ؟
لينا : الحمدلله بخير
سليم : بس ايه الحلاوه دي يا لينا .. طالعه ملاك بجد
لينا بكسوف :انت اللي عينيك حلوه ف شايف كل حاجه حلوه .. و بعدين دي تقي اللي قمر اصلا انهاردة و منورة الحفلة
سليم : دا انتي اللي منورة والله يا لينا
نجوي : يا واد اعملنا اعتبار ايه مش شايف كبار قاعدين
سليم :سوري يا عمتو بس دي حقيقة ولا ايه يا توتا
تقي :اه طبعا
نجوي :طب احنا لازم نمشي بقا عشان لينا عندها كلية الصبح و كمان انا بنام بدري
سليم : مع السلامه يا لينا .. خلينا نشوفك يا عمتو بتوحشيني اوي والله
نجوي : يا واد يا بكاش انا اللي بوحشك برضو
سليم : خلاص بقى يا عمتو متدقيش
_________
الساعة 12 بالليل لينا سهرانة بتذاكر و تقي اتصلت بيها
لينا : الو
تقي : أيوة يا عم شوفتي المز انهاردة
لينا : ماتتلمي بقى متبقيش انتي وامي عليا في يوم واحد وبعدين ايه مز دي شايفاني بحبه مثلا
تقي :صحيح يا لينا انتي ليه مش بتدي فرصة ل سليم مع انه بيحبك و كلنا عارفين و مستني انك توافقي و دايما بتتحججي بانك عايزة تكملي دراسة الأول مع ان سليم شاب أي بنت في الدنيا تتمناه
لينا :بصي يا توتا سليم بالنسبة لي مجرد اخ و ابن خالي و بعتبره زي آدم بالظبط عمري ما شوفته حبيب او كدا و بعدين انا ماليش في الجو ده و مش بفكر دلوقتي في الحب و الارتباط
تقي بتضحك : ماشي ياختي انا هخلع انا عشان انام مش قادره اليوم ارهقني اوي
لينا : ماشي.. تصبحي على خير
تقي : وانتي من اهله
_______
الفجر اذن
الله أكبر … الله أكبر
آدم قام من النوم اتوضي و هو نازل يصلي تحت قرر يدخل ل لينا
آدم دخل اوضتها و بدأ يصحيها
آدم :لينا … لولي
لينا بصوت نعسان :أيوة يا آدم
آدم :قومي
لينا :يا آدم عايزة انام
آدم بدأ يزغزغها عشان تصحي و لينا صحيت
لينا بنرفزة:أنت غبي ازاي تصحيني كدا
آدم :يلا قومي عشان نصلي الفجر
لينا :هصليه الصبح كدا كدا
آدم :لا انا عايزك تصليه دلوقتي
لينا :يا آدم اوعي كدا عايزة انام
آدم :لينا يلا بقا
لينا نامت تاني
آدم :كدا طيب استعني ع الشقا بالله
و آدم شالها علي ايديه و دخلها الحمام غسلها وشها عشان تفوق
لينا :يا آدم عايزة انام و النبي
آدم :5 دقايق و الاقي متوضية ولابسة السدال عشان نصلي مستنيكي
لينا ابتسمت و بدأت تتوضي و خرجت لبست الاسدال و ندهت علي آدم و دخل و فرشت المصلية و صلي الفجر معاها و بعد ما صلو قرأت مع آدم سورة ياسين و قعد علي سريرها
لينا بابتسامة :علي فكرة انت احسن اخ في الدنيا
آدم باس رأسها :وانتي احلي بنوتة في الدنيا هتصلي الفجر في ميعاده بعد كدا معايا ماشي
لينا :طبعا
________
وفي الصباح خرجت هاجر مع إحدى أصحابها لشراء الملابس وقبل ما تدخل المحل
هاجر :الحقوووووووني ….عااااااا
يا ترى حصل إيه 😳
يتبع ……..
رواية بداية حياتي معاك ( الفصل الثاني )
وفي الصباح خرجت هاجر مع إحدى أصحابها لشراء الملابس وقبل ما تدخل المحل
هاجر :الحقوووووووني ….عااااااا
سيرين :ايه في ايه
هاجر :الواد اللي راكب موتوسيكل اخد الشنطة بتاعتي
سيرين :طب تليفونك و الفلوس فيها
هاجر :التليفون اهو معايا الفلوس في الشنطة
سيرين :طب هنعمل ايه
هاجر :مش عارفة دول كتير و حبيبة و ماما هيبهدلوني
سيرين :طب تعالي نرجع بقا البيت
________
عمر كان في مكتبه في المستشفي و دخل عنده دكتور محمد صاحبه
محمد :عمر
عمر :ايه يا محمد
محمد :في ندوة مبعوتلك Invitation ليها انا وانت نحضرها
عمر :فين الندوة دي وامتي
محمد :في الغردقة بعد يومين
عمر :طيب نروح و بالمرة نغير جو
_______
عند لينا في الجامعة
تقي :ها يا لينا هتيجي الرحلة دي معانا
لينا :مش عارفة بس انتي عارفة مامي و بابا و آدم بيخافو عليا و بالذات من الرحلات
تقي:عارفة يا لولي بس نحاول معاهم والنبي عشان خاطري ده انتي عمرك ما طلعتي معانا رحلة
لينا :طيب هحاول بقا و امري لله
تقي :يلا ندخل المدرج المحاضرة هتبدا كمان 5 دقايق
لينا :يلا
________
هاجر كانت في البيت بتعيط و مامتها قاعدة بتهديها
أميرة :أهدي يا هاجر الحمدلله انك بخير يا حبيبتي مش مهم الفلوس
هاجر :بس انا يا ماما كان نفسي اشتري الطقم ده اوي
في اللحظة دي دخلت حبيبة عندهم
حبيبة :ايه ده في ايه يا ماما مالها هاجر
أميرة :اختك اتسرقت منها الفلوس و هي داخلة المحل تشتري
حبيبة :طب مانا قولتلك بلاش يا هاجر احنا لسة جايبين الاسبوع اللي فات
هاجر :انتي في ايه ولا في ايه مش كفاية اللي حصلي
أميرة :خلاص يا حبيبة بقا الحمدلله ان بنتي رجعت بالسلامة في داهية اي فلوس
عمر ايجا في اللحظة دي
عمر بقلق:ايه في ايه يا ماما بتزعقو ايه و هاجر بتعيط ليه
حبيبة بسخرية :الهانم اختك اتسرق منها الفلوس و هي داخلة تشتري من المحل
عمر بصدمة:ايه ازاي طب حصلك حاجة
هاجر :لا الحمدلله محصليش حاجة بس صعبان عليا الطقم كان نفسي فيه اوي يا ماما
عمر قعد جنبها و حضنها :يا حبيبتي اهدي بس انا هجبلك الطقم اللي انتي عايزاه بس خدي حبيبة و الفلوس هتكون معاها عشان متتسرقش تاني
هاجر بابتسامة :بجد يا ابيه
عمر :بجد طبعا خدي يا بيبا دول 2000 جنيه الف ليكي و الف ل جوجو
حبيبة :لا يا عمر مينفعش دي لسة مضيعة فلوس مستحيل ناخد تاني و بعدين انت لسة جايبلنا حاجات من أسبوع
عمر :يا حبيبتي وانا ليا مين غيركم يعني
أميرة :ربنا يكرمك يابني علي قد نيتك و حبك لاخواتك
عمر : و يخليكي لينا يا ست الكل
هاجر :انا مش فاهمة انتي عايزة ايه ما تسيبينا يا ستي اشتري هو انتي دافعة حاجة من جيبك
حبيبة :شايف يا عمر أسلوبها
عمر :عيب كدا يا بيبا دي مهما كان اختك الكبيرة و عيب تكلميها كدا
هاجر :يا ابيه دي مش طايقاني ولا بتحبني اشتري حاجة
حبيبة :هو انا لما اخاف عليكي اكون وحشة لما اقول كلمة الحق اطلع مش بحبك و مش طايقاكي بقول كفاية كل شوية تقولي علي حاجات تافهة و عمر مش بيزعلك يا شيخة ده غيرنا مش لاقي ياكل ولا يلبس وانتي الهدوم هتقع من الدولاب عندك
هاجر :ايه غيرنا دول و انتي مالك بغيرنا احنا الحمد لله ربنا كارمنا و عندنا كل حاجة
حبيبة :للاسف انا مش هتناقش مع واحدة زيك و مش هنزل معاكي اشتري حاجة اتفضل يا عمر الفلوس اهي انا للاسف مش هشتري حاجة لأني الحمد لله مش ناقصني حاجة
عمر :ليه كدا يا بيبا يا حبيبتي انا عمري ما اشتكيت منكم بالعكس كل اللي نفسكو فيه جيبوه
هاجر :شوفتي اهو عمر مش متضايق انا مش فاهمة ايه الفقر بتاعك ده فقرية اوي
أميرة :هاجر عيب كدا
هاجر :يا ماما انتي مش شايفة بنتك بتعاملني ازاي
عمر :في ايه انتي و هي مالكم وانتي يا حبيبة خدي الفلوس دي عليها معاكي يمكن تحتاجي حاجة و هاجر خليهم معاكي و لما اختك تروح معاكي تجيبلك اللي انتي عايزاه و مش عايز كلمة تانية و ما فضلك يا ماما حضريلي الغدا عشان جعان
أميرة :حاضر يا حبيبي
__________
عند لينا في البيت
لينا :والنبي يا ماما وافقي بقا بليز يا ماما
نجوي :لينا في ايه ما انتي عارفة رأينا في الموضوع ده و الحوار ده انتهى خلاص قولت مش هتروحي رحلة يعني مش هتروحي
لينا :يا ماما اشمعنا صحابي كلهم بيروحو وانا لا هما احسن مني في ايه
يوسف :لينا احنا قولنا خلاص يعني خلاص
لينا دموعها نزلت :كل مرة بتعملو كدا و مبخرجش مع صحابي و كلهم بيخرجو اشمعنا انا نفسي نفسي اروح رحلة مع صحابي
نجوي :مش بعدها بنخرجك و اخوكي بيوديكي اي مكان انتي عايزاه
لينا :بس نفسي اروح مع صحابي ليه دايما حاطين في دماغكو اني هتخطف و هموت لو روحت رحلة انا مبقتش صغيرة يا ماما اشمعنا خالتو رحمة مش بتعترض لما تقي بتروح رحلة
نجوي :طب ما هي تقي مش بتروح
لينا بعصبية :بسببكم …. اه بسببكم انتو عارفين ليه عشان تقي مش بتروح من غيري وانتو السبب
يوسف بعصبية :انتي ازاي تتكلمي كدا خلاص موضوعك انتهى و مش هتروحي و خلاص
لينا :يا بابا انا نفسي ….
نجوي قاطعتها :خلاص يا لينا
لينا :طيب يا ماما عن اذنكو انا طالعة اوضتي
و طلعت لينا اوضتها
في اللحظة دي آدم فتح الباب
آدم :ماما في ايه انتو بتزعقو ليه
نجوي :اختك يا آدم
آدم بقلق:مالها لينا عملت ايه
يوسف :عايزة تروح الرحلة اللي طالعة في الكلية عندها
آدم :يا بابا انتو هتفضلو دايما كدا دي من و هي صغيرة و هي عمرها ما طلعت رحلة و كل مرة بنكسر فرحتها
نجوي :يا آدم دي رايحة الغردقة
آدم :يا ماما حرام بقا سيبوها تروح الرحلة و خلاص هيحصل ايه يعني
يوسف :جرا ايه يا آدم هو هتكون انت و هي
في اللحظة دي سمعو صوت حاجة اتخبطت جامد
آدم بقلق:ايه ده لينا فين
نجوي :دي لينا طلعت فوق و كانت بتعيط ياربي لتكون عملت حاجة انا طالعة
كلهم طلعو الطابق اللي فوق و خبطو على الباب اوضة لينا
لينا مسكت الفازة وقعتها من عصبيتها و دي اول مرة تعمل كدا و تكسر حاجة لكن كانت حاسة ان الحاجة اللي هتفرحها اهلها مانعنها منها
آدم :لينا افتحي يا حبيبتي
لينا بتعيط و قاعدة علي الارض
نجوي :حبيبتي انتي كويسة ردي عليا و النبي طمنيني
يوسف :يا لينا ايه اللي اتكسر ده يا حبيبتي طب طمنيني انتي كويسة حصلك حاجة
آدم :لينا افتحي يا لينا طب افتحيلي انا انا آدم يا لينا
لينا بعياط :سيبوني لوحدي بقا انتو عايزين مني ايه حرام عليكو مش كفاية كل صحابي طالعين
يوسف :احنا خايفين عليكي يا حبيبتي انتي عارفة لو طلبتي ايه بجبهولك عمري ما حرمتك من حاجة يا لينا
لينا :بس حرمتني كل مرة صحابي بيروحو رحلة وانا لا
نجوى :طب افتحي يا لينا عشان خاطري وانا هوديكي
لينا :بتضحكي عليا
نجوي :ولله ابدا بس افتحي
آدم :طب عشان خاطري انا يا لينا
لينا :خليهم يسيبوني لوحدي يا آدم
آدم :يا حبيبتي انا بس افتحيلي انا طب لو مفتحتيش يارب اموت
لينا فتحت بسرعة :اوعي تقول كدا تاني فاهم اوعي تقول كدا
آدم بيبص عليها :انتي كويسة فيكي حاجة
يوسف بص لاقي الفازة مكسورة
لينا :انا غصب عني ولله وقعت الفازة مكنش قصدي
نجوي :فداكي يا حبيبتي المهم انك بخير
لينا :انتو بجد موافقين اروح الرحلة
نجوي بصت ل يوسف
يوسف :موافقين يا حبيبتي
لينا :بجد يا بابا بجد
يوسف :بجد يا لينا بس خلي بالك من نفسك يا بنتي بالله عليكي و كل شوية تطمنينا عليكي
لينا حضنت باباها:انا بحبك اوي يا بابا شكرا انك وافقت
نجوى :انا هحضرلك الغدا عشان ناكل
يوسف :وانا هنزل اكمل قراءة الجرنال
و خرجو من الاوضة
آدم :لينا انا جايبلك حاجة
لينا :جايبلي ايه
آدم أخرج من جيبه علبة قطيفة و فيها سلسة دهب مكتوب عليها Lina و تحت تاريخ ميلادها
لينا انبهرت من شكل السلسة
لينا :آدم دي نفس السلسلة اللي شوفتها في التليفزيون اللي كانت المذيعة لابساها
آدم :أيوة ياحبيبتي مانا عارف
لينا :انت جبتها ازاي
آدم :ابدا روحت للجواهرجي و وريته شكلها و جبت الصورة من البرنامج و قالي هعملك زيها و اتصل بيا انهاردة و جبتهالك
لينا حضنت آدم و باسته من خده :بحبك اوي يا آدم
آدم :وانا كمان يا حبيبتي ربنا يخليكي ليا مش هتلبسي السلسلة بقا
لينا :مش هينفع لازم انت تلبسهالي
آدم :لازم يعني
لينا :طبعا و دي تحلي الا بيك
آدم بدأ يلبسها السلسلة
آدم :تعرفي أنها كدا احلي عليكي عشت لينا واحدة بس اصلا
لينا :انا مش هقلعها ابدا يا آدم
آدم :يلا بقا ننزل نشتري الحاجات اللي مطلوبة للرحلة و بكرة هاجي معاكي ادفعلك المصاريف الرحلة هي امتي
لينا :بعد بكرة يا آدم
آدم :ماشي يلا ننزل ناكل و بعد كدا نخرج و مش عايز دموع تاني فاهمة
لينا :فاهمة
_________
بعد ما لينا اتغدت آدم اخدها و اشترو حاجات عشان الرحلة
آدم :كدا كفاية ولا ناقصك حاجة
لينا :لا كدا تمام
آدم :طب يلا بقا نروح تعبت
__________
تاني يوم في الكليه في كليه تجارة انجلش
لينا كانت واقفة مع صاحبتها ريم و تقي
ريم : اخيرا هتيجي معانا في رحله
لينا بتضحك : افرحي ياستي ، بس متتعوديش علي كدا
ريم: دا احنا هنعمل جو تحفه واحنا شله كدا
تقي : هنتجمع الساعه كام
ريم : بكرة الساعه 8 الصبح
في اللحظة دي آدم ايجا عندهم
آدم :لولي حبيبتي انا دفعت المصاريف
لينا :ماشي يا حبيبي
ريم :ازيك يا باشمهندس
آدم :اهلا يا ريم ازيك … ازيك يا توتا
ريم :تمام الحمدلله
تقي:الحمدلله
آدم :يلا يا حبيبتي انا ماشي عشان عندي محاضرة كمان نص ساعة
لينا :ماشي يا آدم
آدم مشي
ريم :يخربيت جمال أمه لولا انه خاطب بس
لينا بتضحك :يا بت اتلمي بقا انتي كل ما تشوفي ولد تعاكسيه
تقي :دي ريم بقا
ريم : بهزر يا بت انتي و هي
لينا : طب يلا ندخل المدرج قبل ما الدكتور يدخل ومنعرفش ندخل بعديه
__________
في المساء
لينا : هو المفروض اخد من هنا اكل ولا اشتري هناك
نجوي : انا عملت الاكل وهتاخديه معاكي
لينا: ماشي يلا تصبحي علي خير يا مامي
نجوي: وانتي من اهل الخير يا لولو
________
وقت الفجر آدم دخل ل لينا و كانت جاهزة و لابسة الاسدال
آدم :برافو عليكي بقيتي بتصحي وقت الصلاة
لينا :مش عارفة بس سبحان الله صحيت لوحدي
ادم :يلا بينا نصلي
لينا :يلا
بعد ما انتهو من الصلاة آدم مسك ايد لينا و بدأ يسبح علي صوابعها و بعد ما خلص
لينا بإعجاب : عارف يا آدم بحسد يمني عليك نفسي جوزي المستقبلي يكون زيك كدا
آدم :لا طبعا آدم واحد بس
لينا :طبعا واحد بس يا حبيبي
آدم :كويس انك فكرتيني بيمني هتصل بيها
آدم بيتصل علي يمني خطيبته
آدم :الو يا يويو
يمني :الو يا حبيبي
آدم : وحشتينى
يمني : وانت كمان وحشتني اوي والله
آدم : اخبارك بقي
يمني : تمام لما سمعت صوتك
آدم : ياريت تفضلي تسمعي صوتى علي طول كده
يمني : مش هتزهق منى
آدم : انتى عبيطه ازهق من روحي…معلش خليكي معايا ثوانى معايا Wait
يمني : مين اللي بيتصل
آدم : صاحبي جاسر والله
يمني : طيب بسرعه
آدم : حاضر
و رد علي جاسر
..الو ..ازيك يا جاسر
جاسر : ايه يا معلم
جاسر :حبيت اقولك اننا بكرة بعد ما نخلص محاضرات هنخرج احنا و العيال وكده هتيجي اكيد
ادم : هرد عليك بكره ماشي ؟؟..بس اكيد جاي
جاسر : ماشي يا صاحبي ..يلا سلام
آدم : سلام …ايوه معلش اتأخرت عليكي
يمني : لا واضح انه واحد صاحبك ربع ساعه بتكلم صاحبك صح
آدم : والله جاسر يا يمني ما انتى عارفه انه رغاي
يمني : وانت عاوزنى اصدقك هبله انا بقا
آدم : انا هكذب عليكي ليه ..انتى مش بتثقي فيا
يمني :براحتك اصلا ميفرقش معايا سلام
ادم : يمني …. استنى ..
يمني اتعصبت وقفلت السكه في وشه
لينا : في ايه يا آدم
ادم : انا مش فاهم مالها دي
لينا : مالك بس في ايه ما انت لسه كنت بتكلمها كويس
آدم : يمني مش بتثق فيا ومادام الثقه مش موجوده بينا يبقي مش هينفع كلمت جاسر والله ما كملت 10 دقايق قدامك الاقيها تتقمص وفاكره انى بكلم واحده تانيه
لينا : ماهي اكيد بتغير عليك يا آدم
ادم : الغيره حاجه والشك حاجه تانيه ..الشك بيدمر اي علاقه حب يا لينا
لينا : صحيح يا آدم انت ليه لما كنت مرتبط ب يمني مكنتش بتقول لصحابك علي انك مرتبط بيها
ادم : عشان انا مكنتش عاوز حد يعرفها بخاف عليها اووي من عيون الناس هي قدامهم زميلتي في الكليه بس مكنتش بكملها خالص قدام اي حد ..كنت بخاف حد يقول عليها كلمه مش كويسه..انا حكيت لماما وانتى عليها بس لكن لصحابي لا طبعا بخاف عليها و اهو اول ما اتخطبنا كلو عرف بقا بس طبعا مقولتلهمش اني كنت مرتبط بيها قبل كدا
لينا : ربنا يرزقنى براجل يكون في كل مواصفاتك دي انت احسن راجل شافته عنيا بحبك اووي يا ادم طول ماا انت بتخاف علي بنات الناس ربنا هيكرمك
آدم :يا حبيبتي ان شاء الله ربنا هيرزقك بأحسن راجل في الدنيا عشان انتي طيبة و جميلة و مبتعمليش حاجة غلط
آدم :انتي خلاص جهزتي كل حاجة صح
لينا :اه يا آدم مفيش حاجة ناقصة كل حاجة جهزتها معايا
آدم :خلي بالك من نفسك يا حبيبتي
لينا :حاضر يا آدم متخافش عليا ولله انا مش صغيرة
آدم :لينا مش عارف ليه حاسس ان الرحلة دي مش عارف بصي مش مطمن ما تخليكي وانا هبقي أخدك افسحك الغردقة ولله
لينا :يوووه يا آدم بقا ده انا مصدقت ماما و بابا وافقو تيجي انت كمان
آدم :هكلمك كل شوية اطمن عليكي و اول ما توصلي تكلميني
لينا :حاضر يا دومي متقلقش عليا
آدم :و اه مالكيش دعوة بأي ولد حد يقولك اي حاجة مترديش عليه فاهمة
لينا :فاهمة ولله فاهمة
آدم :ماشي يا حبيبتي انا هسيبك تنامي عشان تصحي بدري عشان الباص
لينا :ماشي يا دومي
_________
في الصباح عند عمر
عمر بيكلم محمد صاحبه في الموبايل
عمر :ايه يا حمادة انت فين
محمد :انا جايلك فاضل 5 دقايق و اكون عندك هسيب عربيتي ولا ناخد عربيتك
عمر :لا ناخد عرببتي
محمد :ماشي سلام دلوقتي لما اوصل هرن عليك
______
عند لينا
نجوي :كل حاجة تمام يا حبيبتي
لينا:ماشي يا مامي
يوسف :مش عارف ازاي هنقعد من غيرك يومين هتوحشينا يا لولي
آدم :لينا ما بلاش تروحي و خليكي
لينا :انت اللي بتقول كدا
آدم :مش عارف بس قلبي مش مطمن للسفرية دي بلاش يا لينا و انا ولله هفسحك الاسبوع الجاي
لينا بصتله:انت بتهزر يا آدم حرام عليك ده انا مصدقت أنهم وافقو
في اللحظة دي الباص رن عشان لينا تخرج
لينا :طيب يلا بقا انا لازم اطلع
آدم :لينا
لينا :نعم يا آدم
آدم حضنها :هتوحشيني خلي بالك من نفسك
لينا :مالك يا آدم محسسني اني مش راجعة تاني
آدم :مش عارف بس خايف عليكي
نجوي :لا والنبي يا آدم كفاية انا قلبي واجعني
يوسف :ربنا معاكي يا حبيبتي
لينا :يلا عشان توتا و ريم بيتصلو عليا
آدم أخرج من جيبه مصحف صغير جدا و اعطاه ل لينا
ادم :خلي معاكي المصحف ده عشان ربنا يحفظك
لينا :حاضر يا دومي يلا طلعلي الشنطة
آدم خرج هو و لينا و دخل الشنطة في الباص و كان حاسس انه قلبه واجعه حاسس ان لينا هيحصلها حاجة مش قادر يقولها عشان ميكسرش فرحتها لكن استعاذ من الشيطان الرجيم و دخل الفيلا
_______
عمر :يلا يا ماما انا لازم امشي عايزين حاجة
هاجر:ابيه متنساش تجيبلي معاك حاجة حلوة
حبيبة :هو في ايه ولا في ايه هو رايح شغله يا ماما مش رايح يتفسح
عمر :حاضر يا حبيبتي هجيبلك كل اللي انتي عايزاه
هاجر اخرجت لسانها لحبيبة :ملكيش دعوة يا رخمة
عمر بيضحك :خلاص بقا يلا انا ماشي عشان محمد بيتصل
أميرة :خلي بالك من نفسك يا حبيبي
عمر :حاضر يا ماما يلا سلام
أميرة :لا اله الا الله
عمر :سيدنا محمد رسول الله
__________
في الباص كانو فرحانين جدا و كل صحاب لينا فرحانين عشان دي اول مرة لينا تخرج معاها رحلة
ريم :لينا غني يا لينا
تقي:أيوة و النبي غني يا لينا
لينا :طيب هغني ايه
ريم :غني اغنية يا اسطا
لينا ضحكت :طب تغنو معايا
كلهم :ماشي
بدأت لينا تغني:
اسطي .. يا اسطي
مش كل يوم .. يا اسطي
تضرب تليفون .. يا اسطي
مش كل ساعه .. يا سطي
ترفع سماعه .. يا اسطي
يا مغديني الجبنه الرومي ومعشيني الجبنه الرومي
ومطلعني من هدومي يا اسطي
يا سطي .. يا اسطي
مش كل يوم .. يا اسطي
تضرب تليفون .. يا اسطي
مش كل ساعه .. يا سطي
ترفع سماعه .. يا اسطي
يا مغديني الجبنه البيضا ومعشيني الجبنه البيضا
ومبيتني ع الحديدة يا اسطي يا سطي .. يا اسطي
مش كل يوم .. يا اسطي
تضرب تليفون .. يا اسطي
مش كل ساعه .. يا سطي
ترفع سماعه .. يا اسطي
يا مغديني الاناناس ومعشيني الاناناس
ومفرج عليا الناس ياسطي
يا سطي .. يا اسطي
مش كل يوم .. يا اسطي
تضرب تليفون .. يا اسطي
مش كل ساعه .. يا سطي
ترفع سماعه .. يا اسطي
يامغديني المكرونه .. ومعشيني المكرونه
ابعد بقي يابن المجنونة يا اسطي
_______
عند عمر كان وصل الغردقة و هما داخلين الاوتيل
قابلتهم بنت جميلة
البنت :دكتور عمر ازيك … اهلا دكتور محمد صح
عمر :اه صح
البنت:انا الاء المسئولة عن البروجرام بتاع حضرتكم و وقت الندوة
عمر :تمام يا الاء
الاء:طيب حضرتك دي مفاتيح اوضكم و الندوة كمان ساعتين و حضرتك تقدر ترتاح دلوقتي او لو عايزين تتمشو براحتكو
محمد :ماشي متشكر جدا يلا يا عمر عشان تعبان اوي و عايز انام
عمر :يلا بينا
_______
عند لينا
المشرف الرحلة :يلا كل واحدة علي اوضتها كل اتنين او تلاتة في أوضة
لينا:انا و ريم و تقي مع بعض
المشرف :ماشي يا لينا و محدش يروح اي مكان الا باذني و دلوقتي تطلعو ترتاحو عشان تتمشو علي البحر شوية او لو عايزين تلعبو بس طبعا كلنا مع بعض عشان محدش يبعد عننا
كلهم :تمام ماشي
_________
بعد ساعة و نص نزلت لينا و ريم و تقي يتمشو مع صحابهم و المشرف متابعهم و دخلو محل اشترو حاجات و لينا عجبتها ساعة رجالي اوريجنال ب 1500 جنيه
لينا :الساعة دي آدم كان نفسه فيها
تقي:تحفة بصراحة
ريم :في واحدة تجيب لاخوها ساعة ب 1500 ده اخرهم 25 جنيه و كمان خسارة فيهم
لينا :عشان لو عندك أخ زي آدم مش خسارة فيه
ريم :ياختي اتنيلي كلهم واحد ده شهاب مطلع عيني
لينا بتضحك :طب يلا نتمشي شوية و خلي معاكي المحفظة و الفون و الساعة يا توتا في شنطتك عشان مجبتش شنطتي
تقي:ماشي يا حبي
________
بعد ساعتين كان خلص الندوة و كان بيشتري حاجات ل هاجر و حبيبة و بيتمشي شوية علي البحر هو و محمد
عمر :بعد ما نخلص نروح الاوتيل نحاسب و ناخد حاجتنا
محمد :ماشي بس قضينا وقت حلو ولله
عمر :اه فعلا
_______
عند لينا كانو قاعدين علي البحر
لينا :بقولكم ايه انا عطشانة اوي و الماية اللي معانا سخنت هروح اشتري ماية و اجيب عصير و اجي
تقي :خليكي يا لولي و احنا شوية كدا و نشتري
لينا :مش قادرة عطشانة اوي هروح و اجي بسرعة
ريم:طب هاتيلي معاكي عصير
لينا :ماشي
________
عند عمر راح هو و محمد الاوتيل حاسبوه و اخده شنطهم عشان يرجعه القاهرة
_______
لينا كانت بتدور علي سوبر ماركت مش لاقية فضلت ماشية كتير لحد ما وصلت مكان زي صحراء و هي مش عارفة حاجة و كانت ماشية و مش معاها موبايلها عشان تتصل علي تقي و مش لاقية اي محل فاتح
لينا :ياربي اعمل ايه ياربي انا مش لاقية اي محل ولا في ناس ايه المكان اللي زي الصحراء ده ارجع ازاي ياربي طب انا هطلع علي الشارع يمكن الاقي تاكسي
______
عمر كان سائق العربية و بيتكلم هو و محمد
محمد بخوف و عصبية :حااااسب يا عمر …. حاسب
عمر بيبص شاف بنت خبطها بالعربية نزل بسرعة هو و محمد و لينا كانت بتصرخ
عمر بخوف :انتي كويسة
لينا شافته و مش بترد عليه و مرة واحدة وقعت
محمد :يا نهار اسود نعمل ايه دلوقتي نسيبها
عمر بصله بغضب :نسيبها تموت يعني ولا حد يشوفها و يعملها حاجة انت غبي يا محمد
محمد :انا خايف تكون ماتت دي فيها سين و جيم
عمر شد محمد من قمصيه :لو اختك مكانها يا دكتور اكيد مش هتسيبها تموت ده اللي احنا اتعلمناه في الكلية يا دكتور
محمد :عندك حق يلا نروح بسرعة و بلاش مستشفي احنا نرجع البيت عندك
عمر شال لينا علي أيده و دخلها العربية في الكرسي اللي ورا
عمر كان سائق و هو خايف و قلقان و محمد لاحظ كدا
محمد :عمر تعالي مكاني شكلك تعبان هسوق انا
عمر :خايف خايف يحصلها حاجة
محمد :ان شاء الله هتكون كويسة يلا وقف العربية و بدل مكاني
_______
عند تقي و ريم
تقي دموعها نزلت:هنعمل ايه دي عدت ساعتين و لينا مش عارفين هي فين و مرجعتش
ريم بخوف:تفتكري تاهت و معرفتش ترجع
تقي:مش عارفة مش عارفة هقول ايه لخالتي انا خايفة اوي
ريم :ان شاء الله هترجع ان شاء الله
تقي:ربنا يستر يارب ارجعي يا لينا بقا المشكلة ان موبايلها معايا
ريم :انا هقول لمشرف الرحلة و هما يدورو عليها
________
في فيلا لينا
نجوي :يوسف انا قلبي مش مطمن حاسة ان لينا فيها حاجة
يوسف :ما هي اول ما وصلت طمنتنا
آدم :ماما و النبي مش تقلقينا بقا
نجوي :انا هتصل بيها
نجوي بتتصل و محدش بيرد
نجوي بقلق:ردي بقا يا لينا
________
المشرف :طيب يا ريم احنا هنتصل بكام حد كدا و نشوفها تاهت فين متقلقيش
ريم :يارب انا خايفة اوي
تقي راحت عند ريم:مامتها بتتصل يا ريم خالتي بتتصل ارد اقولها ايه
ريم :انا مش هقدر ارد
المشرف :طب ردي قوليلها ان لينا راحت تشتري عصير و جاية و ان موبايلها معاكي حاولي متبينيش ان في حاجة لحد ما نطمن
تقي ردت علي نجوي
نجوي :أيوة يا لينا مبترديش ليه
تقي :انا مش لينا يا خالتو انا تقي
نجوي :تقي لينا فين
تقي:يا خالتو لينا راحت تشتري عصير و جاية اول ما ترجع هتصل بيكي
نجوي :ماشي يا تقي و النبي طمنيني عليها عشان قلبي واجعني و خايفة اوي
تقي :ايه يا خالتو دي معانا مالك خايفة كدا ليه
نجوي :ماشي يا حبيبتي اول ما تيجي كلميني
________
بعد ساعتين كان عمر وصل فيلا بتاعته و محمد فتح الباب مكانه بسرعة و دخله
اميرة:مين دي يا عمر فيه ايه
عمر بعصبية :مش وقته اسئلة اما نشوف المصيبة اللي احنا فيها دي
هاجر :طب فهمنا مين دي
حبيبة :اهدو دلوقتي اما نشوف مالها
عمر:حبيبة افتحي الأوضة بتاعتك بسرعة عشان ندخلها فيها وانتي يا هاجر هاتي الشنطة بتاعة الكشف بتاعتي
حبيبة و هاجر :حاضر
_________
في فيلا لينا
نجوي :تقي مش بترد قالتلي شوية و هتصل بيكي لما لينا ترجع و لحد دلوقتي لينا مرجعتش و مش بترد عليا
آدم :انا خايف حاسس ان في حاجة
__________
المشرف :احنا دورنا في كل الأماكن مش لاقينها
تقي ببكاء و عصبية :يعني ايه يعني لينا ضاعت مش لاقينها ازاي
ريم :اهدي يا تقي ان شاء الله هنلاقيها
تقي:اقول لمامتها ايه خايفة ارد عليها اقولها بنتك تاهت مش لاقينها
ريم :انا هرد عليها هي من حقها تعرف يا تقي
ريم ردت علي نجوي
نجوي :أيوة يا تقي و النبي قوليلي بنتي فين
ريم :انا ريم يا طنط نجوي
نجوي :فين لينا يا ريم انتي بتعيطي ليه
آدم اخد الفون من نجوي و الاسبيكر اتفتح :أيوة يا ريم لينا مالها
ريم :آدم … لينا مش لاقينها من وقت ما راحت تشتري عصير و ماية مرجعتش و المشرف اتصل بالشرطة و مش لاقينها
آدم بعصبية و دموعه نزلت :يعني ايه يعني أختي راحت فين
نجوي :بنتي فين يا آدم يا ريتها ما راحت الرحلة ماليش دعوة يا يوسف رجعلي بنتي
يوسف :اهدي بقا اما نشوف المصيبة دي
آدم :ريم ابعتيلي العنوان بالظبط و انا هاجي دلوقتي الغردقة
_______
عند عمر في الفيلا
عمر و محمد و أميرة و حبيبة و هاجر
عمر أعطي لينا حقنة و بدأت لينا تفوق و فتحت عينيها اول ما فتحت عينيها
لينا :ايه ده انتو مين و انا فين
أميرة :اخيرا فوقتي يا حبيبتي حافظة رقم حد من اهلك لانك مش معاكي اي تليفون ولا حاجة نوصل لاهلك
لينا :أهلي مين انا مش فاهمة حاجة انا مين اصلا
محمد :يعني انتي مش عارفة اسمك ولا فاكرة رقم حد
لينا :معرفش معرفش اي حاجة انا مش فاكرة حاجة
محمد :آخر حاجة فاكراها ايه
لينا :مش فاكرة حاجة
محمد كشف عليها و أتأكد من اللي في مكانه
محمد :للاسف الخبطة اثرت علي دماغها و حصلها فقدان ذاكرة
كلهم بصدمة : ايييه
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية بداية حياتي معاك)