رواية بداية حياتي معاك الفصل الرابع 4 بقلم داليا أحمد
رواية بداية حياتي معاك الفصل الرابع 4 بقلم داليا أحمد
رواية بداية حياتي معاك البارت الرابع
رواية بداية حياتي معاك الجزء الرابع
رواية بداية حياتي معاك الحلقة الرابعة
رواية بداية حياتي معاك ( الفصل 4 )
وقفنا عند
حبيبة طلعت ل لينا و لما دخلت الأوضة صرخت و الصينية وقعت منها
عمر و أميرة و هاجر سمعو صرخت حبيبة طلعو بسرعة اوضتها
عمر بخوف :في ايه ايه اللي حصل
حبيبة شاورتله علي لينا و هي واقعة علي الارض
حبيبة :معرفش يا عمر انا دخلت لقيتها واقعة علي الارض كدا
اميرة :طب شيلوها علي السرير و شوفها مالها يا عمر
هاجر : ما هي كانت زي القردة ايه اللي حصلها
حبيبة:مش وقته حضرتك شيليها معانا
عمر : اسنديها معايا يا حبيبة
حبيبة سندت لينا تقوم مقدرتش تشيلها و عمر شالها علي ايديه و نيمها علي السرير و حاول يفوقها كان حاسس انه إغماء
عمر :هاجر هاتي البيرفيوم بتاعي اللي علبته لونها جراي عشان ده ريحته قوية و هتفوقها
هاجر :طيب
عمر كان بيتأمل لينا و هي نايمة و كانت شبه الأطفال و الملائكة بريئة جدا شعرها كان نازل علي وشها عمر شال شعرها من علي وشها
اميرة :انا مش عارفة البنت دي مين و يا ترى هتفتكر امتي بقا
حبيبة :شكلها طيبة اوي يا ماما و بريئة كدا صعبانة عليا اوي
عمر كان بيتأمل لينا و هو ضميره بيأنبه صراع داخلي ما بين يقولها الحقيقة و ما بين خايف من رد الفعل و انه كدا هيورط نفسه في مشاكل كتير
_________
ادم و سليم و تقي و ريم و نجوي و يوسف كانو رجعو من الغردقة و وصلو دمياط في فيلا يوسف والد لينا
نجوى و ريم و تقي بيعيطو و سليم و يوسف و آدم قلقانين و علي اعصابهم
كلهم بيحاولوا يدوروا على لينا بس للأسف الوقت بيمر ومفيش اى اثر ليها والدنيا بقت بعد نص الليل ولسه محدش عارف يوصل لحاجة والقلق والاعصاب بقت حاجة فوق الوصف
موبايل تقي رن حست بالامل أنها لينا وكلهم ركزو معاها
تقي :دي ماما كلمتني واحنا راجعين و اكيد بتشوفنا رجعنا ولا لا
نجوي :طب ردي عليها
تقي ردت علي مامتها
تقي :الو يا ماما
رحمة :ايه يا بنتي طمنيني لينا رجعت
تقي :للاسف لا يا ماما انا خايفة اوي
رحمة :انتو جيتو دمياط ولا لسة
تقي :اه لسة واصلين من نص ساعة
رحمة :طيب انا هلبس و جاية
تقي :لا يا ماما الوقت اتأخر حضرتك هتيجي ازاي
رحمة بعصبية :ازاي يعني مجيش دي بنت اختي و كمان عشان اكون مع نجوي انا اكتر واحدة هتخفف عنها
تقي :طيب يا ماما لما توصلي رني عليا
رحمة :ماشي سلام
تقي :ماما جاية
_________
هاجر دخلت لعمر و اعطته البيرفيوم
عمر فتح الزجاجة و رش منها علي ايده و بدأ يحسس على أنف لينا و لينا بدأت تفوق واحدة واحدة لحد ما فتحت عينيها
لينا :ايه ده ايه الريحة دي ابعدها عني
و بدأت تكح لان البيرفيوم ريحته شاذة و قوية لكن حلو
عمر :انتي تعبتي انا اسف بس انتي اغمي عليكي و كان لازم نفوقك
اميرة :حمدلله على سلامتك يا بنتي ولله اختضينا عليكي الحمدلله انك بخير هي اغمي عليها من ايه يا عمر
عمر :للاسف عشان هي ماكلتش حاجة ولا شربت حاجة و اخدت الدواء و الحقنة علي معدة فاضية
هاجر :خضتينا عليكي و في الاخر عشان مكلتيش طيب انا هروح بقا اكمل المسلسل منك لله يا حبيبة
عمر بعصبية :هاجر
هاجر :نعم يا أبيه
عمر :مفيش زفت هتتفرجي عليه روحي ذاكري
هاجر :طب هكمل المسلسل و اذاكر
عمر بنفس الطريقة :سمعتي قولت ايه الظاهر ان انتي اتدلعتي بزيادة لكن من هنا و رايح في حساب لكدة يلا روحي ذاكري
هاجر :حاضر يا أبيه
اميرة :انا هنزل اعملك عصير و سندويتشات بدل اللي حبيبة كبتهم
حبيبة :خديني معاكي يا ماما بس تاكلي ها
لينا :مش عايزة اكل
عمر :لا طبعا شوفتي حصلك ايه لما مش اكلتي انزلي يا ماما انتي و بيبا حضرولها الاكل
_________
آدم رغم اللي كان فيه بص ل ريم و تقي :انتو لازم ترجعو البيت الوقت اتأخر و ميصحش
ريم :لا مستحيل قبل ما لينا ترجع مستحيل امشي دي صاحبتي عارف يعني ايه
تقي :وانا مستحيل اروح البيت
آدم :ريم اخوكي و مامتك لو عرفو انك رجعتي دمياط و عندنا و اللي حصل ده اكيد هيزعقولك وانتي يا تقي روحي
ريم بعصبية :يحصل اللي يحصل ان شاء الله حتي يموتوني بس مش همشي الا اما اطمن علي صاحبتي
تقي :وانا كمان
سليم :آدم عنده حق وجودكم مالوش لازمة
يوسف :كتر خيركم يا بناات مكنتش اعرف انكم بتحبوها اوي كدا
ريم :قول بتعشقها اوي كدا دي صاحبتي من أيام KG 1 لحد الكلية
تقي:دخلنا كلية مع بعض رغم ان لينا كانت جايبة مجموع كبير عننا لكن دخلت معانا
نجوي :انتو اعز صحاب ليها لينا مكنتش بتبطل كلام عنكم
________
عند عمر كان ساكت و لينا سرحانة عمر كان حابب يقطع الصمت ده
عمر :مالك ساكتة ليه
لينا :عايزني اقول ايه
عمر :حاسة بايه
لينا :نفسي اشوف الحيوان اللي خبطني ده هو السبب
عمر بتوتر:بس جايز مش قصده
لينا :انت بتدافع عنه انت ناسي انه رماني و مشي و لولاك كنت ممكن اموت او يحصلي حاجة
عمر :بصي هو ممكن يكون من خوفه و توتره معرفش يتصرف ازاي غير أنه يهرب
لينا دموعها نزلت :عارف يعني ايه تصحى مش عارف اسمك ولا عيلتك ولا اي حاجة عنك
عمر :ممكن تهدي و ان شاء الله هنقدر نوصلهم
لينا :ازاي بس و مفيش اي حاجة توصلني بيهم كل الوسائل مش موجودة
في اللحظة دي دخلت أميرة و حبيبة
اميرة :احلى ساندويتشات عشانك يا قمر
حبيبة :واحلي عصير مانجو عملتهولك بس اسمعي انتي هتشربيه كلو و هتاكلي كل ده
لينا :متشكرة اوي تعبتو نفسكو بس انا مش جعانة ولله و مش عايزة ماليش نفس
عمر :مفيش حاجة اسمها ماليش نفس هتاكلي يعني هتاكلي
لينا :اكل غصب عني يعني
عمر :آه غصب عنك
لينا ضحكت :ازاي يعني
عمر :الله انتي بتضحكي زينا اهو و عندها أسنان زينا يا حبيبة صح
حبيبة بتضحك :ضحكتك حلوة اوي
اميرة :شوفتي وشك نور ازاي لما ضحكتي يلا بقا كلي
لينا :صدقوني انا مش جعانة ولله
عمر اخد الطبق من أميرة و مسك الساندويتش و بدأ يقربه من شفايف لينا
عمر :يلا هم يا جمل
لينا بتضحك : طب سيبه وانا هاكل خلاص
عمر :ماشي اتفضلي بس كلي
لينا بدأت تاكل
لينا :هو انا مش عارفة اسماءكم
عمر :انا عمر و دي ماما أميرة و اللي راحت تذاكر دي هاجر في 2 ثانوي و اخر العنقود و دي حبيبة في اخر سنة من كلية هندسة
لينا لما سمعت اخر جملة دماغها صدعت جامد و اتوجعت و مسكت رأسها
عمر و أميرة و حبيبة قلقو عليها
عمر بخوف :انتي كويسة
لينا :اااه دماغي مش قادرة
حبيبة :طب حاسة بايه انتي كنتي كويسة
اميرة :طب اتصل بمحمد يا عمر يمكن محتاجة تاخد دواء ولا حاجة
عمر :عندك حق يا ماما انا هتصل عليه و اقوله
________
رحمة خالة لينا كانت وصلت عند باب الفيلا و رنت الجرس
تقي :دي اكيد ماما هقوم افتحلها
ريم كانت بتكلم والدتها
ريم :يا ماما حضرتك متقلقيش ولله بكرة هاجي بإذن الله بس ادعي يا ماما نلاقي لينا …. حاضر يا ماما ولله ….. ماشي يلا سلام
رحمة دخلت و جريت علي نجوي اختها
رحمة حضنت نجوي :اهدي يا نجوي ان شاء الله هتقوم بالسلامة ولله بس اهدي
نجوي :لينا يا رحمة بنتي مرجعتش لسة
رحمة :ربنا هيرجعها بالسلامة ان شاء الله بس و النبي تهدي عشان خاطري
_________
عند لينا
عمر كان بيكلم في الموبايل
عمر:يعني يا محمد ده مش ضرر صح
محمد :لا
عمر :ماشي يا محمد هكلمك تاني سلام
اميرة :ها … قالك ايه
عمر : قالي ان هي افتكرت حاجة و كل ما تفتكر حاجة دماغها هتوجعها و مع الوقت هتفتكر و ده إشارة ان المخ افتكر حاجة من الماضي
حبيبة :بس انت قولت دي حبيبة و في 5 هندسة دماغها وجعتها وقتها
لينا :ممكن كنت اعرف واحدة اسمها حبيبة يعني
عمر : ممكن بس انا قولت اسم حبيبة كتير ده معناه انك تعرفي حد في هندسة حد من صحابك او قرايبك
لينا :اه ممكن يارب افتكر بقا
عمر :طيب انا لازم ادخل اوضتي انام عشان عندي مستشفى الصبح عن اذنكم
اميرة :وانا كمان هنام عايزة حاجة يا حبيبتي
لينا :شكرا يا طنط
خرج عمر و خرجت أميرة معاه
حبيبة :بصي انا هنام في الأوضة اللي جنبك دي لو احتاجتي اي حاجة اندهي عليا
لينا :و دي اوضة مين
حبيبة :دي اوضتي بس انا هنام في الأوضة التانية عشان تكوني براحتك
لينا :لا خليكي معايا نامي هنا عادي
حبيبة :حاضر تحبي تاخدي شاور
لينا :لا مش عارفة
حبيبة :بصي هو انا مقاسي قريب منك بس انتي اقصر مني و انا ارفع منك شوية بس اشطا يمشي
لينا :اوك
حبيبة :ثواني هشوفلك بيجامة و اجهزلك التواليت و اي حاجة محتجاها قوليلي ماشي
_________
عند آدم في الفيلا
يوسف :طب اطلعو يا بنات في أوضة الضيوف نامو فيها تقي انتي عارفاها صح
تقي:أيوة يا انكل
سليم :طيب انا همشي و هاجي الصبح نشوف هنعمل ايه
آدم :انا طالع اوضتي
________
عند لينا و حبيبة كانت حبيبة واقفة قدام الدولاب بتختار بيجامة ل لينا
حبيبة :بصي يا قمر دي مقاسك صح
لينا :اه تقريبا
حبيبة:بصي ده الباشكير البسيه و دي فوطة و ده طقم داخلي جديد بتاعي متقلقيش انا ملبستوش قبل كدا
لينا بابتسامة:ماشي تمام
حبيبة :تعالي بقا معايا التواليت عشان اوريكي أماكن الحاجات بس الأول خليني اشيل هدومي من التواليت عشان يكون فاضي
_______
آدم كان داخل اوضته لكن دخل اوضة لينا و هو قاعد علي سريرها موبايله رن و كانت يمني
آدم :أيوة يا يمني
يمني بعصبية :لا ولله لسة فاكر يا استاذ آدم ترد عليا
آدم :يمني انجزي عايزة ايه
يمني :في ايه يا آدم الحق عليا اني بطمن عليك يعني
آدم :معلش مخنوق شوية
يمني :مالك يا حبيبي
آدم دموعه نزلت :لينا
يمني بخنقة :مالها لينا
آدم :لينا تاهت و هي في الرحلة
يمني :تاهت ازاي يعني
آدم : كانت قاعدة مع صحابها و راحت تشتري عصير و ماية و مرجعتش تاني و تقريبا تاهت دورنا عليها مش لاقينها و لسة لحد دلوقتي مرجعتش من الظهر
يمني كانت سعيدة لما سمعت كدا و حاولت تمثل و تبين أنها زعلانة علي لينا
يمني:يا عيني عليكي يا لينا ان شاء الله هترجع انت عارف انا بحبها قد ايه
آدم :انا هتجنن يا يمني و خايف عليها
يمني:يا حبيبي متقلقش يعني هيحصلها ايه
آدم :ربنا يستر …. انا هقفل دلوقتي عشان انام و هكلمك بكرة
يمني :ماشي يا روحي سلام
يمني قفلت مع آدم و اختها حنين دخلتلها و لاحظت ان يمني فرحانة جدا
حنين :ايه مالك فرحانة كدا ليه
يمني :هحكيلك
________
لينا كانت مع حبيبة في الحمام و حبيبة جهزتلها التواليت
حبيبة :بصي انتي شعرك شكله عادي استعملي الشامبو ده بتاع عمر كنت اخداه منه وده بتاعي عشان انا شعرى جاف مش تستعمليه
لينا :ماشي تمام
حبيبة :و ده البلسم و ده حمام كريم و ده لوشن و ده الشاور و اسكراب للجسم من سوب أند جلوري و ايه تاني يا بيبا اه بصي ده غسول برضو كويس لو عايزة تجربيه و ده بودي ميست من فيكتوريا سيكرت حلو اوي بس كدا لو مش فاكرة حاجة هتلاقيها
لينا :ماشي ميرسي اوي يا حبيبة
حبيبة :هطلع انا بقا و لو مش عارفة حاجة اندهي عليا
لينا :اه حبيبة استني بصي قوليلي ايه الماية السخنة و الساقعة عايزاها مظبوطة
حبيبة :بصي استني هشغلك الماية و اظبطهالك
_______
عند يمني
حنين :وانتي ايه اللي مفرحك كدا
يمني:انتي هبلة ولا بتستهبلي انتي عارفة كويس اوي ان البت لينا هي اللي اخدة آدم مني و دايما بيخاف عليها و بيحبها اوي كان قارفني بيها كل شوية لينا لينا أخيرا خلصت منها يارب ما ترجع تاني
حنين :حرام عليكي هي ذنبها ايه
يمني :بقولك ايه غوري من قدامى انا فرحانة يلا روحي ذاكري بقا مش وراكي كلية الصبح
حنين في سرها:ربنا يهديكي يا يمني
________
لينا كانت انتهت من الشاور و خرجت من الحمام
حبيبة :ايه القمر ده ارتاحتي صح
لينا :اه كنت مصدعة و جسمي مكسر
حبيبة :بصي ده الكريم اللي بستعمله لشعري حلو اوي و دي الفرشة و ده الاستشوار عشان تنشفي شعرك
لينا :اوك تمام
حبيبة قعدت علي المكتب و جهزت مذكراتها و كتبها وبدأت تذاكر
لينا :حبيبة انتي بتذاكري دلوقتي
حبيبة:اه يا قمر انا هقولك يا قمر لحد ما اعرف اسمك
لينا :اشمعنا قمر
حبيبة :عشان جميلة زيه
لينا :وانتي كمان جميلة اوي
_________
تقي كانت نايمة و دموعها بتنزل منها و ريم زيها
تقي : انا السبب يا تري انتي فين دلوقتي يا لينا
ريم :حرام عليكي ليه بتقولي كدا يا تقي
تقي :انا السبب يا ريتني كنت روحت معاها
ريم :اهدي يا تقي أن شاء الله هترجع
تقي :قلبي مش مطمن دي حتة مني يارب طمني عليها
________
آدم كان بيعيط دموعه مش بتبطل تنزل حاسس ان روحه انسحبت منه لحد ما نام
________
نجوي كانت قاعدة علي السرير هي و يوسف و منهارة من الدموع
يوسف :اهدي يا نجوي بقا انا مش ناقص
نجوي :انا عايزة بنتي ماليش دعوة
يوسف :يعني انتي شوفتي احنا بأيدينا ايه نعمله
نجوي :اتصرف يا يوسف دور عليها ايه فص ملح و داب يا تري انتي فين دلوقتي يا لينا
_______
سليم كان سائق عربيته و كان حاسس انه كان ماسك نفسه من الصراخ و العياط كان نفسه يعيط و يصرخ جامد و يلاقي لينا مكنش قادر يعمل كدا قدام آدم و باباها وقف العربية و كان قدام البحر و نزل منها
و صرخ باعلي صوته :ليناااااا …. خلاص كدا مش هترجعي مش هشوفك يعني يارب طمن قلبي عليها يارب انا مش عايز حاجة من الدنيا غيرها يارب رجعها بالسلامة يارب
________
تاني يوم
تقي صحيت هي و ريم و عينيهم كانت وارمة و حمراء من كتر الدموع
تقي قعدت علي المكتب و بتفتكر كل لحظة بينها و بين لينا من و هما صغيرين لحد دلوقتي
فلاش باك
من سنتين
ايام ما كانت لينا و تقي في 2 ثانوي
تقي بتتصل علي لينا
لينا بصوت نعسان :الو
تقي : لولي انتى لسه نايمه قومى يا بنتى هنتأخر على المدرسه
لينا : مدرسه ايه يا تقي بس انا عاوزة انام يا مفترية انا مكلماكي علي الفون و قافلة معاكي انتي و ريم الساعه 5 الفجر و الساعه دلوقتى 6 و خمسه
تقي : يلا يا روحي انجزي
لينا : ماشى يا حبيبتى سلام انتى بقى عشان الحق اجهز مع الف سلامه غوري يلا
باك :
تقي بتفتكر و تبتسم و بعدها دموعها تنزل دي مش مجرد صاحبة و خلاص دي صاحبة عمرها وبنت خالتها
________
لينا صحيت و كانت حاسة أنها عايشة كدا و خلاص في الدنيا واحدة صحيت من النوم فجأة لا عارفة اسمها ولا سنها ولا عنوانها حاسة ان الدنيا بتخبطها أكبر خبطة في دماغها
بتكلم نفسها :يارب هو انا عملت ايه وحش عشان يحصلي كدا طب و الناس اللي قاعدة عندهم دول هيفضلو مستحملني لحد امتي
قامت حبيبة من النوم
حبيبة بنص عين مفتحة و عين لا :صباح الخير
لينا :صباح النور
حبيبة :انتي بتكوني حلوة كدا وانتي صاحية من النوم
لينا ابتسمت:وانتي كمان يا حبيبة
حبيبة :قوليلي يا بيبا بحبها اكتر
لينا :ماشي يا بيبا
حبيبة :مالك يا قمر
لينا :حاسة اني تايهة مش عارفة ليه انا بالذات بيحصلي كدا ليه يا تري عملت ايه عشان يحصل كل ده ليا و يا تري أهلي فين و ايه اللي كان ممشيني علي الصحراء طب يعني انا ماليش اهل ولا ليا …. احساس انك مش فاكرة حتي اسمك صعب اوي
حبيبة حاولت تهزر معاها و تخفف عنها:هو حد يطول يصحي من النوم ينسي كل حاجة يا بنتي انسي دي الدنيا اصلا رخمة و محدش حابب انه يفتكرها هنفتكر ناس وحشة و حقودة و قلوبهم سودة طب ولله ياريت انا مكانك و انسي كل حاجة
لينا :في فرق بين انك تنسي كل حاجة وانتي وسط أهلك و ما بين انك تنسي كل حاجة وانتي عند ناس تانية
حبيبة طبطت علي لينا و حضنتها :بصي يا قمر انا هقولك حاجة وعسى ان تكرهوا شيئا وهو خير لكم وعسى ان تحبوا شيئا و هو شر لكم
…. ربنا سبحانه و تعالي هو اللي بيدير امور الكون هو اللي عالم بينا كلنا اكيد ربنا ليه حكمة في كدا
لينا :عندك حق
حبيبة قامت من علي السرير و فتحت دولابها و أخرجت منه اسدال
حبيبة :بصي ده اسدال بتاعي بعد ما انا اخرج من الحمام وانتي كمان تتوضي و نصلي مع بعض
لينا بابتسامة :انتي جميلة اوي يا بيبا
حبيبة :وانتي قمر يا روحي يلا بقا متكسليش شوفي تدخلي انتي الأول ولا انا
لينا :انتي
________
عمر قام من النوم كان حاسس بخنقة كبيرة حاسس ان اللي جاي أصعب حاسس انه هو السبب في اللي حصل كان بتناقش مع ضميره و نفسه و كان الحوار :
ضميره :انت السبب
نفسه :ليه وانا عملت ايه هي اللي جات في طريقي
ضميره :غبي كان لازم تاخد بالك و تفرمل العربية قبلها
نفسه :ده قضاء و قدر
ضميره :ده كلام بنقوله لما نحب نخفف عن نفسنا الحمل و ميبقاش علينا غلط
نفسه :لا ده اللي حصل كان غصب عني مشوفتهاش
ضميره :اهو بسبب غباءك البنت فقدت الذاكرة و مش عارفين نوصل لأهلها
نفسه :كنت عايزني اعمل ايه يعني ارميها في الشارع و اسيبها
ضميره :لا اللي عملته ده الحاجة الوحيدة اللي كانت صح
نفسه :غصب عني بقولك انت مبتفهمش
ضميره :مش كفاية كدبت عليها و قولت انك مش انت اللي خبطها
نفسه :كنت عايزني اعمل ايه اقولها و تسيب البيت و تمشي و تدعي عليا و تزعقلي و وقتها كنت هشيل ذنبها اكتر لأنها مش فاكرة اي حاجة و كمان كانت هتروح القسم و تعمل بلاغ و هدخل في سين و جيم
ضميره :بس هي لما تعرف دلوقتي احسن من لما تعرف بعدين
نفسه :لا طبعا انت اصلا غبي مش فاهم حاجة انا بتكلم معاك ليه يلا غور بقا عني
قام عمر من السرير و استعاذ من الشيطان الرجيم و دخل الحمام اتوضي و صلي و كمل لبسه
________
آدم كان قاعد علي سريرها و بيتفرج علي كل جزء في الأوضة و كأنه بيشوفهم لأول مرة نظرات عيونه معناها أنها بتكلم كل حاجة في الأوضة بتقولها وحشتيني بيمسك هدومها بيشم ريحتها اللي بيحبها بيفتح كتبها بيتأمل خطها و ريحتها في كل جزء في الأوضة كان حاسس ان روحه انسحبت منه حاسس ان عقله هيتشل مش قادر ينام عيونه مش بتغمض و اخته مش عارف هي فين قعد على الارض بيفتكر كل لحظة بينها و بينه
فلاش باك
فلاش باك من سنتين لما كانت لينا في 2 ثانوي
لينا قامت من على السرير و تقعد شويه و بعدين تحط دماغها على المخدة تانى
يدخل آدم يصحيها
ادم : لولي لولي لولي
لينا : نعم نعم نعم
ادم : يلا قومى يا بنتى انتى مش رايحه المدرسه
لينا : رايحه يا ابيه ادم رايحه
ادم : ماشى يا حببتى يلا بقى انا داخل انام عشان مش رايح الجامعة انهاردة
لينا : جاى تبكتنى و تقوم
ادم : بتقولى حاجه ؟؟
لينا : بقولك تشكر انك صحتنى من النوم
يطلع ادم من الاوضه لينا ترجع تانى لنفس الوضع و لسه هتقفل عنيها آدم يدخل تاني و يشيلها علي ايده
لينا : وربنا منا نايمه صحيت صحيت صحيييييييييييييييييييييييييت نزلني بقا
و بعد صرااع طويل آدم يدخلها الحمام و تتوضي و يصلو مع بعض و بعد كدا يخرج ينام و هي تلبس
باك :
آدم دموعه بتنزل زي المطر :طب ارجعي بقا يا لينا وانا ولله مش هصحيكي غصب عنك تاني ولله هسيبك نايمة ياارب طمن قلبي يارب عليها
__________
خرج آدم من اوضتها و نزل قعد تحت في الريسبشن
و جرس الباب رن و لما فتح كانت
آدم :يمني… اتفضلي
يمني بدلع:مالك يا بيبي
آدم :لينا لسة مفيش أخبار عنها خايف اوي يا يمني
يمني بتمثيل:ان شاء الله هترجع يا بيبي
آدم :يارب
________
نجوي دخلت اوضة لينا و بتلمس حاجتها و فتحت الدولاب و بتبوس هدومها و بتحضنها و مسكت فستان لونه بينك قصير عليه ورد
فلاش باك
لينا بصوت عالي: مااااااامااااااا
نجوي: اييه يا زفتة بطلي صوتك المزعج دة
لينا : فين الفستان البينك يا نجوي
نجوي : يابت حد يقول ل مامتة اسمها كدة حاف
لينا : خلاص يا مامي هبقي اسقيه بعد كدة
نجوي : مش عارفة اروح فين من لماضتك و الالش ده
لينا حضنت نجوي
لينا : مش تقدروا تعيشوا من غيري اصلا
نجوي :ربنا يخليكي لينا يا عمري
لينا : يا ماما فين الفستان بقا
باك :
نجوي :الفستان اهو يا لينا ارجعي يا بنتي ولله ما هيضيع تاني انا لقيته يا لينا ارجعي يا قلب امك
_______
يوسف قام من علي السرير بيبص جنبه عرف ان نجوي راحت اوضة لينا لأنها مش جنبه بيفتكر بنته بيفتكر من يوم ما اتولدت بيفتكر كل لحظة لحد دلوقتي و افتكر موقف بينه و بينها
فلاش باك :
لينا : بابتى يا بابببببببببببببببتي
يوسف : تعالى يا لولا انا فى البلكونه
لينا تروح تبوسه : يلا يا بابي ايدك على المصاريف و المصروف انهاردة اول يوم شقى
يوسف : بس كدا عايزة كام
لينا عينها فى الارض و ايديها قدامها : و الله يا بابا الى تجيبه كويس
يقوم مديها يوسف 10 جنيه
لينا : ايييييييييييييييييه بقى عشرة جنيه و مش عايز منها باقى
يوسف : ده انا على ايامك كنت باخد جنيه الا ربع
لينا : و جات على الربع جدو كان بيوفر يعنى
يوسف : نعم
لينا : خلاص يا بابا هدى نفسك و حسبى الله و نعم الوكيل و توكلت عليك يارب
يوسف : احنا بدأنا الثانويه العامه مش عاوز لعب
لينا : عيب عليك يا كبير و انا من امتا بلعب
يوسف :لينا خدي ال 20 جنيه دي كمان
لينا :ربنا يخليك يا بابا انا كنت بهزر معاك اصلا
يوسف :عارف بس خلي دي معاكي برضو
و الباص يرن و لينا تعرف انه ايجا و تبوس ايد باباها و تستأذنه و تنزل جرى
باك :
يوسف :انا السبب يا لينا ياريتني يا بنتي ما وديتك رحلات يا ريتني ما وافقت يارب متوجعش قلبي عليها يارب
__________
حبيبة لبست و جهزت نفسها عشان تروح الكلية و هاجر لبست و جهزت و عمر كان جاهز و نزل و لينا نزلت تحت و أميرة كانت في المطبخ بتحضر الفطار
__________
سليم ايجا و قعد مع آدم في الريسبشن و نزلت تقي و ريم و نجوي و رحمة و يوسف
كلهم نزلو تحت في الريسبشن و قاعدين بيعيطو
نجوي بتعيط :انا عايزة بنتي يا يوسف ماليش دعوة اتصرف
يوسف :يعني انا مخبيها يا نجوي انا هتجنن سيبيني في اللي انا فيه
نجوي دموعها نازلة زي المطر :يارب يا بنتي ترجعي بالسلامة يارب
رحمة :اهدي يا نجوي ان شاء الله لينا هترجع
آدم بعصبية و نرفزة :كلكم عايزنها ترجع صح
كلهم استغربو من أسلوب آدم و طريقته
آدم :طبعا كلكم نفسكو لينا ترجع عشان انتو بتحبوها بس ولله لو بتحبوها 100 مرة فا انا بعشقها مليون مرة انا و لينا مش اخوات علاقتنا ببعض مش علاقة اخ و اخت لا دي كانت علاقة صاحب بصاحبته حبيب بحبيبته اخ باخته أب ببنته لينا بالنسبة لي امي رغم أنها اختي الصغيرة لينا بنتي اه بنتي ضحكتها كانت بتنور حياتي اصلكم ما شوفتوش ضحكة لينا بعيوني ضحكتها فيها براءة الدنيا كلها طب هتصدقوني لو قولتلكو ان ضحكة لينا بتنور الدنيا كلها طب ولله بتنور الدنيا ارجعي بقا يا لينا حرام عليكي قلبي مش مستحمل
يمني طبعا كانت قاعدة متغاظة و متضايقة من لينا
يمني لنفسها :يارب ما ترجع بقا انا اصلا بكرهها
ريم :ان شاء الله هترجع انا واثقة من كدا ولله
_________
اميرة كانت خلصت الفطار جهزته هي و حبيبة علي السفرة و بتنده علي عمر و هاجر و لينا كانت قاعدة بتتفرج علي tv لحد ما جرس الباب رن و لينا قامت تفتح و شافت شخص
بصلها باستغراب و قال :لينااا
و فجأة …….
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية بداية حياتي معاك)