رواية قصيرة القامة طويلة اللسان الفصل الحادي والثلاثون 31 بقلم شيماء صبحي

رواية قصيرة القامة طويلة اللسان الفصل الحادي والثلاثون 31 بقلم شيماء صبحي

رواية قصيرة القامة طويلة اللسان البارت الحادي والثلاثون

رواية قصيرة القامة طويلة اللسان الجزء الحادي والثلاثون

رواية قصيرة القامة طويلة اللسان الحلقة الحادية والثلاثون

خير يا دكتور البنت مالها..
هادي وقمر قربوا من الدكتورهما كمان واللي قال وهوا باصصلهم بحزن” للاسف هيا سقطت اللي في بطنها والتعب دا بسبب ان الجنين لسا موجود ولازم يتشال فمتضر اخدها للمستشفي واعملها عمليه اجهاض في اسرع وقت لان حالتها حرجه ولو اتاخرنا ممكن يحصلها تسمم للاسف ..
صافي شهقت بخضه وبصت لهادي واللي قال للدكتور” طيب اتفضل حضرتك وانا هجبها وهاجي علي المستشفي علي طول..
الدكتور هز راسه ومشي وفضلت صافي مش مستوعبه الحاله الي ساندي بنت اختها وصلتلها ..
هادي بص لقمر وقال” خدي ماما وحصلينا علي المستشفي وانا هاخد ساندي في عربيتي وهمشي بسرعه..
قمر هزت راسها وهادي دخل لاوضه ساندي شالها وطلع من اوضتها وقمر كانت بصاله وحاسه بوجع قلبها ولاكنها حاولت تتماسك علشان خاطر الظرف اللي هما فيه.
صافي مسكت ايد قمر وقالت” البنت لسا صغيره ليه يحصل معاها كل دا .!
قمر طبطبت عليها بحزن وقالت” ملوش لازمه وقفتنا دلوقت يا ماما خلينا نروح ورا هادي مش حضرتك بتعرفي تسوقي..
صافي حركت راسها ونزلت هيا قمر وهما بيجرو علشان يلحقوا يروحو ورا هادي ..
الدكتور كان اتحرك بعربيته وهادي كان ماشي وراه بسرعه ووراهم صافي واللي كانت بتحاول تسيطر علي اعصابها علشان متحصلش اي كارثه .. قمر كانت قاعده جمبها وبتحاول تهديها لحدما وصلوا عند المستشفي..
هادي وقف العربيه ونزل شال ساندي وقال بصوت عالي” ترولي هنا بسرعه.
الممرضين انتبهوا ليه وجريوا بسرعه عليه وحطو ساندي علي الترولي وبعدها دخلوها والدكتور قال ” جهزوها للعمليات بسرعه هتعمل عمليه اجهاض..
الممرضين نفذوا كلامه وصافي وقمر وصلوا وقربوا منه وهوا كانت اعصابه متورته وهو قلقان علي ساندي وخايف يحصلها حاجه لان الدكتور قلقهم جدا علي حالتها..
قمر قربت من هادي ومسكت دراعه وقالت” متقلقش يا حبيبي هتبق كويسه انشاء الله ..
هادي بصلها وغمض عينه وقال بضيق” هو السبب الحيو”ان دا اللي ضحك عليها وهيا لسا عيله صغيره..
قمر خبطت علي كتفه وقالت بصوت هادي” خلاص حاول تهدي علشان ماما شايف حالتها عامله ازاي..
هادي بصلها وهز راسه وقرب من صافي حض”نها وقال” خلاص يا ماما اهدي ساندي هتكون كويسه انشاء الله..
صافي عيطت اكتر وهيا بتقول ” البنت حالتها كانت صعبه اوي حرام بجد يحصلها كل دا..
هادي طبطب عليها وقال” انشاء الله هتبقي كويسه متقلقيش ..
صافي هزت راسها وهيا بتمسح دموعها وبعدها قالت” ابوك… ابوك يا هادي زمانه رجع وملقناش ارجوك رن عليه عرفه اننا هنا.
هادي هز راسه ومسك تيلفونه اتصل بوالده وعرفه باللي حصل وقالت انه يجي المستشفي علشان يبق معاهم. واحمد قاله انه مسافة الطريق وهيبق عندهم.!
هادي قفل التيلفون وهوا بيبص لقمر اللي قاعده في ركن لوحدها وحاطه ايديها علي وشها وساكته..
قرب منها وهمس ” تعالي معايا يا قمر .. قمر بصتله وهزت راسها وهوا اخدها في حض”نه وهوا بيقول” عارف انك اتحطيتي في مواقف صعبه كتير بس خلاص اوعدك كل حاجه هتبق احسن وبعدين متنسيش انك حامل واي حاجه هتقصر علي نفسيتك هتكون خطر علي البيبي..
قمر هزت راسها وبعدها قالت” انا هروح اقعد جمب ماما وهحاول اهديها وانت روح شوف ايه اللي بيحصل جوا خلي اي حد يطمنك..
هادي حرك راسه ومشي وقمر قربت من صافي وهيا بطبطب عليها بحنيه وبتهمس بكلام مريح علشان تقدر تهديها….
___________
وفي الشركه عبدالله كان محتاج قهوه فاتصل بندى وقال” لو سمحتي اعمليلي قهوه وهاتيها علي مكتبي.
ندى اتكلمت برقه وقالت” حاضر يا فندم..
عبدالله ابتسم وهيا قفلت التلفون وقامت علشان تجهزله القهوه وهناك لقت رحمه بتجهز قهوه هيا كمان.. ندي بضحك ” تعرفي مين الي انا بقيت السكرتيره بتاعته..
رحمه بصتلها بضيق وقالت” والنبي اساليني انا..
ندي بصتلها باستغراب وقالت” معقول انتي كمان ..
رحمه قالت” الشاب الرخم الي كان مع الشاب الي انتي خبطي فيه بالغلط.. هو دا اللي بقيت السكرتيره بتاعته ..
ندي ضحكت وقالت” انا بق مع الشاب اللي انا خبط فيه..
رحمه ابتسمت وندي ضحكت بهستريه وهيا مش مصدقه الصدفه اللي حصلت بينهم وقالت” دي صدمه بجد بس بقولك ايه الشاب دا باين عليه لطيف بجد..
رحمه يغيظ.. لا الشاب الي هناك دا مغرور وعاوز يضرب علقه محترمه كدا ..
ندي كانت جهزت القهوه وقالت” طيب بقولك ايه اشوفك في اخر اليوم بق علشان الشغل عندي مقولكيش..
رحمه با”ستها علي الهوا وبعدها رحمه كانت خلصت اتنين قهوه ومشيت..
وعند عبدالله ندي خبطت علي الباب بهدوء وعبدالله سمحلها تدخل وهيا دخلت وهيا شايله فنجان القهوه بحرص وباصه في الارض باحترام وقالت” القهوه يا فندم..
عبدالله هز راسه واخدها منها وقال وهوا باصص علي ملامحها الرقيقه” شكرا ليكي يا انسه ندي..
ندي ابتسمت وقالت” العفوا يا فندم اي خدمه تانيه..
عبدالله سكت وهوا باصصلها ولاكنه انتبه ليها وقال” لا متشكر جدا اتفضلي انتي..
ندي هزت راسها وخرجت من المكتب وهيا مبتسمه لانها اول مره تلاقي مدير محترم باللشكل دا..
وعند سعيد لقي الباب بيخبط جامد فنده بصوت عالي يدخل اللي بيخبط واول مهيا دخلت كانت بصاله بغيظ وقالت” القهوه يا فندم..
سعيد هز راسه وقال وهوا بيشاور علي مكتبه” حطيها هنا واطلعي..
رحمه رفعت حاجبها وقالت” حاضر يا فندم..
سعيد كان بيتابعها بنص عين وهيا حطت القهوه وخرجت ولسا بياخد رشقه لقي القهوه مره قال بغضب وهوا بيتصل بيها” انا مش قلت عاوزها قهوه زياده..
رحمه بابتسامه” اه سوري يافندم ثواني واجبلك السكر..
سعيد ضغط علي سنانه بغيظ وقال” بسرعه قبل ما تبرد..
رحمه هزت راسها وقامت وهوا كان واقف ومستنيها تدخل بنفاذ صبر واول ما الباب اتفتح كان ضامم حواجبه لحدما لقاها داخله وهيا مبتسمه وماسكه في ايديها كيس ورق وقالت .. اتفضل يا فندم..
سعيد اخده من أيديها وفتحه وحاطه في القوه وبعدها قلبها ومسك الفنجان وبدأ ياخد اول رشفه وبعدها قال بصدمه.. يععععع اي دا دا ملح..
رحمه اتصدمت ومسكت الكيس وقالت.. ينهار أصفر دنا اتلخبط وجبت لحضرتك الملح بدل السكر..
سعيد ضم حاجبه وقال.. اتفضلي خدي الفنجان دا مش عايز حاجه..
رحمه ضمت حواجبها بحزن وقربت منه واخدت الفنجان وقالت.. اعملك شاي طيب..
سعيد بصلها بغضب وقال.. لا مش عايز حاجه اتفضلي ..!
خرجت رحمه وهيا مبتسمه علي اللي عملته فيه وهوا كان قاعد في مكتبه ومش مستوعب اللي هيا عملته معاه …
____________
وفي بيت ساره ..
سميح كان واقف قدام البيت وهوا ماسك في ايديه ورد وبيعدل هدومه وبعدها رن الجرس وعدي دقايق والباب اتفتح وفتحت مامت ساره وهيا مبتسمه وقالت.. مين حضرتك..
سميح ابتسم وقال.. انا اسف اني جيت من غير ميعاد بس اكيد ساره كلمتكواعني انا سميح المغربي وكنت جاي اخد ميعاد علشان اطلب ايد الانسه ساره..
مامت ساره بفرحه”” اهلا وسهلا اتفضل يا استاذ سميح نورت البيت..
سميح دخل وهوا مبتسم وكان قاعد والد ساره واول مشافه وقف..
سميح ابتسم وقال” السلام عليكم يا عمي انا سميح المغربي اكيد الانسه ساره كلمتك عني..!
والد ساره بص لمراته وهيا حركت راسها بمعني ان ساره مقالتش حاجه بس ابتسمت ليه وهمست بان الشاب باين عليه ابن ناس !!
والد ساره سلم عليه وقال بابتسامه ” اهلا وسهلا اتفضل ..
سميح قعد وحط الورد علي الطرابيزه وبعدها بص لوالد ساره وقال” انا كنت جاي لحضرتك علشان اخد ميعاد علشان اجيب اهلي واطلب ايد بنت حضرتك الانسه ساره ..
والد ساره هز راسه وابتسم وقال” يشرفني طبعا يا استاذ سميح بس ساره بنتي معرفتنيش حاجه زي كدا..
سميح ضحك وقال” اكيد نسيت معلش بق لازم نعذرها اصل الشغل عندها كتير..
والد ساره باستغراب” وحضرتك شغال مع ساره في نفس الشركه..
سميح هز راسه وقال” الحقيقه انا مستسمر في الشركه اللي ساره بنت حضرتك شغاله فيها وشوفتها هناك واعجبت بيها وقولتلها اني عايز اتقدملها وهيا قالتلي انها هتكلم حضرتك وادتني ميعاد اللي هوا النهارده..
والد ساره ابتسم وقال” والله يا استاذ سميح انا معنديش مشكله مدام ساره عارفاك وشرفتنا طبعا ..
سميح ابتسم وفضل يتكلم مع والد ساره وعرفه امكنايته وطبيعة شغله ووالد ساره كان ميهور لان سميح اول عريس عليه القيمه يتقدم لبنته..
والدت ساره اتصلت ببنتها وعرفتها ان في واحد اسمه سميح المغربي جاي يطلب ايديها..
ساره اتصدمت وقالت” بتتكلمي بجد يا ماما ازاي دا..
والدتها ياستغراب” انتي مش عارفه انه جاي ولا ايه دا بيقول انه متفق معاكي انه هيجي..
ساره اتصدمت من كلام مامتها وقالت” طيب ثواني كدا يماما انا هشوف حاجه وهرجع اتصل بيكي..
والدتها قفلت التلفون وساره فتحه الايميل بتاعها وشافت الرسايل اللي كانت بينها وبين سميح واتفجأت انها فعلا بعتاله يجي ويقابل والدها.. كانت قاعده مش مستوعبه انها قالتله كدا فضلت تفكر امتي وازاي بعتتله يجي يتقدم ..
مسكت تلفونها واتصلت بمامتها وعرفتها انها فعلا كانت بعتاله بس نسيت تعرفهم ..
والدتها ابتسمت وقالت” الظاهر ان الشاب دا هايل يا ساره دا باباكي قاعد مبهور بيه..
ساره هزت راسها وابتسمت وقالت” طيب يا ماما انا قدامي نص ساعه وهخلص شغل وهاجي البيت ..
مامتها ابتسمت وقالت” تمام يا حبيبتي تيجي بالسلامه..
ساره قفلت مع مامتها وهيا بتبص للاب توب بتاعها وهيا مش مستوعبه انها بعتتله فعلا يروح يقابل باباها..!
فضلت النص ساعه قاعده وهيا بتفكر هتتصرف ازاي مع سميح هل ممكن توافق عليه وتتجوزه فعلا ولا ترفضه علشان حبها لهادي لسا موجود..
المنبه بتاعها رن انتبهت لنفسها وقامت لمت حاجتها وقفلت مكتبها وخرجت ركبت عربيتها وهيا بتفكر هتعمل ايه …
فضلت طول الطريق سرحانه لحدما وصلت بيتها .. فتحت الباب ودخلت وكانت رجل بتاخرها ورجل بتقدم لحدما وصلت للصالون وشافت سميح وباباها ومامتها قاعدين بيضحكوا وكان باين علي ملامح اهلها الفرحه بكلامهم معاه..
مامت ساره انتبهت ليها وابتسمت وهيا بتقرب منها وقالت” عروستنا وصلت..
سميح بصلها بلهفه وساره بصت عليه ولما شافته مبتسم ابتسمت ومامتها شدتها وقربتها منه وقالت” كدا يا ساره متعرفيناش علي الاستاذ سميح من بدري..
ساره فضلت بصاله وساكته وهوا وقف وسلم عليها وبص لمامتها وقال” ملوش لازمه تلوميها يا ماما هيا برضوا معذوره ..
ساره قعدت جمبه وبصت لوالدها واللي قال” بصي بق يا ساره الاستاذ سميح قالي انك تعرفيه كويس وهوا جه النهارده علشان يطلب ايديكي قولتي ايه..
ساره بصت لسميح وهيا بتفكر وهوا كان باصصلها وبيهز راسه بمعني انها توافق..
ساره وقفت وهيا مشاعرها متلغبطت وقالت” ممكن ادخل بس اوضتي ثواني وهرجع..
والدها هز راسه وساره جريت علي اوضتها وهيا بتحاول تهدي نفسها وهيا بتقول لنفسها.. هادي خلاص متجوز يا ساره يبق لازم تنسيه وسميح شاب كويس وشوفتي بيبصلك ازاي دا واقع في حبك بجد متكسريش قلبه ووافقي مش ممكن تحبيه بعدين ..
فضلت مغمضه عنيها وهيا بتردد الكلام دا لنفسها لحدما خرجت وعلي وشها ابتسامه وقعدت جمب سميح وبصت لوالدها وقالت” انا موافقه يبابا..
مامتها زغرطت ووالدها ابتسم ولاكن سميح كان باصص علي ملامحها بتوهان وهوا مش مصدق انها اخيرا وافقت عليه..
ساره بصتله ولاحظت نظراته ليها خجلت جدا ولفت وشها وبعدها سميح انتبه لوالدها وقال” انا هجيب عيلتي في اي يوم حضرتك تحدده علشان نقرأ الفاتحه ونتفق علي كل حاجه واللي تؤمر بيه ساره انا مستعد اعمله..
والدها هز راسه بابتسامه وقال” يوم الخميس انشاء الله هنستناك تشرفنا انت وعيلتك..
سميح هز راسه وبص لساره وابتسم وهيا كانت بتبصله وبتبعد عينيها بخجل وبعدها سميح وقف ومسك الورد واداهولها وهو بيقول ” بعد اذنك يا عمي طبعا انا لازم امشي وانشاء الله معادنا يوم الخميس زي ما حضرتك قولت..
والد ساره وقف وسلم عليه وبعدها مامت ساره سلمت عليه وسميح وقف بص لساره وبعدها قال” السلام عليكم..
والد ساره ودعه وهو بيرد” وعليكم السلام يبني شرفتنا..
سميح خرج من البيت وهوا مبتسم وبعدها والد ساره قفل الباب ورجع بص لبنته وقال” سميح دا شاب ممتاز جدا يا ساره..
ساره ابتسمت وهزت راسها وبعدها قامت وهيا بتقول ” انا هدخل اوضتي ارتاح بعد ازنك يبابا بعد ازنك يا ماما..
والدها ومامتها هزو راسهم وهيا دخلت اوضتها وهيا بتشم الورد وبتقول لنفسها” يعني سميح بجد هيبق خطيبي..؟
___________
في المستشفي ..
خرج الدكتور وهوا بيشيل الجلفز من ايديه وهوا بيبص لهادي وبقيت عيلته وبيقول” الحمدلله قدرنا ننقذ الوضع والمدام بخير ولاكنها للاسف خسرت الحنين زي مقولت لحضراتكم..
هادي قرب من الدكتور وشكره وصافي بصت لاحمد وهيا حزينه وبعدها الممرضات خرجوا ساندي وقالولهم علي رقم الغرفه اللي هتبق فيها..
الكل اتحرك علي مكان الاوضه ولحدما الممرضين نقلوها علي السرير وركبولها المحلول كان هادي وقمر وصلوا وبعدهم صافي واحمد..
هادي شكر الممرضات وطلع مبلع من جيبه واداهولهم وبعدها قرب من ساندي اللي كانت تعبانه جدا..
قمر بصتله ومسكت دراعه وشدته عليها وهمست في ودنه انه يخرج معاها برا لانها عايزه تقوله حاجه مهمه ..
هادي هز راسه وخرج معاها وفضلت صافي قاعده جمب ساندي وهيا بتمسح علي شعرها بلطف وبتعيط واحمد جمبها بيحاول يهديها..
وعند هادي وقمر ..
هادي بص لقمر وقال بتساؤل “خير يا حبيبتي مالك..
قمر قربت منه وقالت” عايزه اطمن علي البيبي..!
هادي قال بقلق” انتي حاسه بحاجه ولا ايه في وجع..
قمر حركت راسها بلأ وقالت” لا مش حاسه بحاجه بس خوفت من اللي حصل لساندي وحسيت بجسمي قشعر كدا وحابه نروح نطمن علي البيبي..
هادي هز راسه وقال” طيب تعالي نروح للدكتور اي المشكله تحبي اشيلك.
قمر هزت راسها بلأ وقالت” لا انا كويسه الحمدلله بس عايزاك تفضل جمبي..
هادي ابتسم هز راسه وومسك ايديها وبعدها اخدها ومشيوا شويه لحدما وصلوا لغرفه مكتوب عليها دكتور النساء..
قمر بصتله وهوا فتح الباب ولقي الدكتور موجود قال ” السلام عليكم يا دكتور حضرتك فاضي..
الدكتور هز راسه وقال” وعليكم السلام ايوا طبعا اتفضل يا استاذ هادي..
هادي دخل قمر الاول وبعدها دخل وراها وقال” عاوزين نطمن علي البيبي ..
الدكتور ابتسم وبص لقمر وقال” طبعا اتفضلي هنا يا مدام..
قمر هزت راسها وقربت من الكرسي وقعدت عليه وهادي قرب منها والدكتور بدأ يكشف عليها وهوا بيقول بابتسامه” بسم الله مشاء الله البيبي في حاله كويسه جدا..
قمر ابتسمت وقالت” هو انا في الشهر الكام يا دكتور..
الدكتور ابتسم وقال” لسا في الشهر الاول بس هو حضرتك متابعه مع دكتور..
قمر هزت راسها بلأ وقالت” لا لسا اصلي لسا عارفه خبر حملي من كام يوم بس..
الدكتور بص لهادي وقال” لازم المدام تتابع مع دكتور من دلوقت علشان تعرف ايه الحجات الي تعملها علشان تتجنب اي مخاطر..
هادي هز راسه وقال” تمام يا دكتور يبق هتابع مع حضرتك وتقدر تقولنا ايه الحجات اللي ممنوع انها تاكلها او تعملها.
الدكتور ابتسم وقمر قامت وبدا الدكتور يكتبلها علي ادويه تاخدها لو حست بتعب وقالها تمنع الحركة الكتير تماما وترتاح اكتر وقت ممكن..
قمر هزت راسها والدكتور بص لهادي وقال” لازم تهدي الوضع شويه يا عريس علشان البيبي لسا مثبتش مكانه..
هادي هز راسه وقمر خجلت جدا من كلام الدكتور وبعدها هادي وقف ومسك ايد قمر وقال” متشكرين يا دكتور بس حضرتك مقولتلناش هتعمل الاعاده امتي..
الدكتور هز راسه وقال” كل شهر هتيجي وطبعا ممكن تيجي في اي وقت لو حست باي حاجه وجعاها ..
قمر ابتسمت وهزت راسها وبعدها خرجت هيا وهادي وهوا فضل باصصلها ومبتسم وهيا قالت” سمعت الدكتور قال ايه..
هادي ضحك وقال” سمعت متقلقيش.. بس سمعتي انتي هوا قال ايه..
قمر هزت راسها وقالت” طبعا سمعت ممنوع الحركه الكتير. بس هو احنا هنعرفهم امتي بخبر حملي..
هادي ابتسم وقال” ممكن ناجله شويه علشان خاطر الوضع اللي هما فيا بس قريب جدا متقلقيش هنعرفهم كلهم .
قمر ابتسمت وبعدها مشيوا لحدما رجعوا تاني لاوضة ساندي واللي كانت فاقت..
هادي بصلها وقال” حمدلله علي السلامه يا ساندي .
ساندي هزت راسها وقالت بصوت ضعيف” الله يسلمك يا هادي شكرا علي وقفتك معايا ..
هادي ابتسم وهز راسه وقال” المهم انتي كويسه حاسه باي تعب ولا حاجه ..
ساندي رجعت براسها لورا وقالت” انا تمام متقلقش..
قمر بصتلها وقالت ” الف سلامه عليكي يا ساندي..
ساندي بصتلها وهزت راسها وقالت بتعب ” الله يسلمك ..
صافي وقفت وهيا بتقول لهادي” هادي الدكتورقالك هتطلع امتي..
هادي هز راسه بلا وقال” لا لسا مقلش حاجه بس هيا طبعا مينفعش تخرج من هنا غير لما تكون حالتها بقت كويسه ..
صافي هزت راسها وبعدها قالت” طيب يا حبيبي خد مراتك وروحوا انتو وانا هفضل معاها انا وباباك..
هادي هز راسه وقال” طيب يا ماما بس لو حصل اي حاجه رنوا عليا..
صافي هزت راسهاوقالت” طيعا يا حبيبي متقلقش. ..
هادي بص لقمر وقال” تعالي احنا يا قمر نروح علشان نرتاح.
قمر هزت راسها وسلمت علي صافي واحمد وبعدها خرجوا هما الاتنين ….
_____________
وفي نايت كِلب كانت قاعده ريم وبقيت اصحابها وهما بيتكلموا علي الشباب الي مرتبطين بيهم وقد ايه حاسين انهم بيخونوهم.!
واحده منهم بصت لريم وقالت” بقولك اي ياريم مش ناويه تدي لعزيز النجار وش دا هيموت وتكلميه..
ر يم هزت راسها وقالت” لا يا هنا انتي ناسيه انه ياما اذي بنات كتير وانا طبعا مش بتاعت الكلام دا ..
هنا ابتسمت وقالت” بس دا هيديكي مبلغ كويس اوي ..
ريم قالت برفض. قولت لا يا هنا يعني لا..
عمر كان واقف وراها وسامع كلامهم فقرب منها وقال ” ازيكوا يابنات عاملين ايه..
البنات بصوله باستغراب وهما مش عارفينه ولاكن نظرات عمر كانت كلها علي ريم والي اتوترت لما شافته وقالت” اي دا عمر انت بتعمل ايه هنا..
اصحابها كانو مستغربين انها تعرفه لانه كان باين عليه انه شاب غني ولاكن عمر كانت نضراته عليها كلها خبث فابتسم وقال” انتي مستغربه اني بعمل ايه هنا وم ش مستغربه انتي بتعملي ايه في مكان زي دا. وفي الوقت داا..
ريم ضمت حواجبها وقالت ” انت عايز مني اييه يا عمر..
عمر مسكها من دراعها جامد وقال” تعالي معايا علشان نتكلم ولا انتي حابه تتفضحي هنا في وسط صحابك..
ريم بصت لاصحابها بتوتر وبعدها قامت معاه وهيا بتاخد شنطتها وبتقول” انا لازم امشي يا بنات.
اصحابها هزو راسهم وهما مبتسمين وبعدها علي مسكها من دراعها وشاددها وراه..
شافهم وهما خارجين عزيز وهوا مصدوم من الي شايفه قال بسخريه ” وعملالي فيها تقيله وانتي طلعتي مقضياها..
واحده جت من وراه وقالت وهيا بتحض”نه ” عزيز وحشتني.
عزيز بصلها وابتسمت وبعدها شدها عليه وقال” وانتي كمان ..
البنت شدته من ايديه وخرجت من المكان ودخلت اوضه سريه وقالت” النهارده انت ملكي انا وبس..
عزيز ابتسم وقفل الباب عليهم والبنت ضحكت بصوت عالي علي طريقته في الكلام معاها ..
وعند عمر ركب ريم عربيته وبعدها ركب هوا في مقعد السواق وقال ” هستضيفك في بيتي الجديد عندي ليكي مفجأه حلوه..
ريم هزت راسها بخوف من نظراته وهوا ساق العربيه بسرعه وكل شويه يبص لجسمها الصغير ويبتسم بخبث واول ما وصل عند عماره قال بابتسامه” انزلي يا ريم..
ريم هزت راسها ونزلت وهوا نزل وراها وقفل العربيه وبعدها مسك ايديها وقال” انا مبسوط جدا باللي عملتيه معايا وخلتيني اخد حبيبت قلبي فعلشان كدا الشقه دي هديتي ليكي ..
ريم بصدمه” اي دا هو انت لحقت سهروانقذتها ..
عمر قال بابتسامه “امال ايه تصدقي انها فعلا طلعت لسا بتحبني ومش ومكنتش عايزه العريس..
ريم هزت راسها وهيا مش مصدقه كلامه وهوا مسك ايديها ودخلوا الاسانسير وهيا باصه في الارض ولاكن نظراته ليها مكنتش طبيعيه ..
وصل للدور اللي فيه الشقه بتاعته بصلها وقال” اتفضلي يا ست الكل علشان تستلمي شقتك..
ريم ابتسمت وهزت راسها وهوا فتح الشقه ووقتها ريم اتصدمت لما لقت ثلاث شباب موجودين في الشقه وباصين عليها بنظرات وحشه بصتلهم بصدمة وحاولت تجري ولاكن عمر منعها وقال” مالك اتخضيتي كدا ليه دا حتي دي شغلتك متخافيش دول اجانب وكانو حابين يجربوا النوع المصري ….

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية قصيرة القامة طويلة اللسان)