رواية يمنى والياس الفصل العشرون 20 بقلم زهرة الربيع

رواية يمنى والياس الفصل العشرون 20 بقلم زهرة الربيع

رواية يمنى والياس البارت العشرون

رواية يمنى والياس الجزء العشرون

رواية يمنى والياس الحلقة العشرون

الشخص ابتسم وقال ..مروان..اسمي مروان الدالي
الياس قال..اهلا وسهلا يا استاذ مروان اتفضل معايا علشان تنضف هدومك
في شقة الياس يمنى كانت صحيت وخدت شاور وقاعده مع تسنيم
تسنيم قالت..احم هو انتي مش بتحبي الياس ليه هو الياس مش عاجبك يعني
يمنى ابتسمت وقالت..مين قال كده الياس شب ممتاز اي بنت تتمناه
تسنيم قالت..طيب مدام كده هو بيتمناكي انتي مش اي بنت ليه بقى بتعملي معاه كده على فكره الياس دكتور وعيادتو خلاص قربت تجهز يعني ظروفه هتتحسن و
بس قاطعتها يمنى وقالت..يا تسنيم انا اخر همي الفلوس والله انا شوفت مع اخوكي سعاده اغلى من كنوز الدنيا بس انتي شوفتي حصلو ايه بسببي ولسه هيحصل الاسوء لو مبعدش عني صدقيني انا حياتي مش سهله ابدا لازم يبعد انا خايفه عليه ارجوكي ساعديني حاولي تقنعيه
تسنيم خافت على الياس وكانت هتسالها ليه بتقول كده بس الباب خبط محمد طلع من الاوضه وقال خليكم هفتح انا ده اكيد الياس
يمنى قالت وانا هروح اجيب الاطباق ودخلت المطبخ وتسنيم فضلت قاعده مكانها وبتفكر ليه يمنى قالت كده
محمد فتح ودخل الياس وقال اتفضل اتفضل يا استاذ مروان
مروان دخل وفضل يدور بعنيه على يمنى وقال..صباح الخير يا جماعه
محمد قال..صباح الخير يا ابني هو حصل حاجه ولا ايه ليه هدومكم متبهدله كده
الياس لسه هيرد طلعت يمنى وفي اديها الاطباق وبتقول هيه دي الاطباق يا تس…
بس قطعت كلامها بصدمه ووقعت الاطباق من اديها وفضلت بصالو بزهول شديد
بقلمي…زهرة الربيع
الياس جري عليها وقال..مالك انتي كويسه
يمنى قالت..انا ..لا..لا ابدا..انا كويسه..اسفه مكنش قصدي ونزلت تلم الاطباق الي اتكسرت بس الياس قومها وقال لا سبيهم انا هلمهم تعالي
مروان قال..احم انا اسف يا جماعه جيت الصبح كده بس انا معايا معاد وعايز بس انضف الهدوم لانها زي ما انتو شايفين باظت
الياس قال..انا اسف مره تانيه وشكرا بجد لولاك الله واعلم ايه الي كان هيحصل وبص لبباه وقال..تصور يا بابا سواق غبي كان سايق في نص الشارع باقصى سرعه كان هيخبطني لولا وجود استاذ مروان
محمد وتسنيم اتخضو وبقو يشكروه يمنى اترعبت لما اتأكدت ان مروان هو الي باعت العربيه وبصتلو بخوف وهو بصلها وابتسم وقال..انا معملتش حاجه يا جماعه وبص ليمنى وقال.. اي حد كان هيشوف العربيه وهيه قريبه بالشكل ده كان هيتصرف الحمد لله اني كنت هناك
محمد قال..الحمد لله يا ابني خدو يا الياس على الحمام خليه ينضف هدومو
الياس اخد مروان على الحمام وسابو ودخل يودي الفطار لتسنيم في المطبخ
الياس قال ..خدي يا ختي فطارك كان هيجيب اجلي
وكان هيخرج بس تسنيم مسكت ايده وقالت..استني بقولك ايه انا مش مرتاحه خالص للي اسمها يمنى دي حاسه ان فيه حاجه غلط
الياس استغرب وقال…ليه يعني هيه قالتلك حاجه
تسنيم قالت…هيه لو بتقول حاجه مكنتش قلقت منهاا لاكن بتتكلم بالالغاز غريبه قوي انامش مرتحالها وخلاص
الياس ضحك وقال…والله ماحد بيتكلم بالالغاز غيرك بطلي رغي وجهزي الفطار وسابها وطلع
في الوقت الي الياس كان فيه في المطبخ يمنى انتهزت الفرصه وراحت ورا مروان لقتو طالع من الحمام قالت بغضب…انت الي كنت هتخبطو مش كده وعامل فيها المنقذ بسلامتك
مروان قال..ايوه انا ولولا اني قولت ان يمنى دي شطوره وبتسمع الكلام وقولت اديكي اخر فرصه كان زمانك بتلمي اجزائو من على الشارع
يمنى قالت بقرف…انت بجد مريض انت فاكر اني لو اطلقت منو هفكر فيك لو اخر واحد على الارض
مروان قال باستفزاز…يا حياتي المهم اني انا بفكر فيكي ومتقلقيش عليا الحاجه الي بحطها في دماغي بوصلها انتي بس اطلقي وسبيلي الباقي
يمنى نفخت بغضب وقالت..انا عملت الي علياهو مش راضي يطلق هرفع عليه قضيه وان شاء الله هكسبها
مروان ضحك وقال..لا يا عمري انا مش هستني لما ترفعي وتنزلي انتي انهارده تطلقي منو ده اخرك معايا ولو عايزه نصيحه حاجه واحده هتخليه يطلق ..والي هيه اهلو انتي مهما دايقتيه هو هيستحمل علشان حلاوتك يا قمر بس اهلو مش هيرضى فيهم
يمنى بصتلو بضيق وغضب وقالت..ربنا ياخدك انا هطلع الياس من مشاكلي دي وهفضالك وربنا لاندمك
بس مروان قال بطريقه جديه..شكرا يا مدام يمنى انا لقيت فوطه الف شكر يا جماعه
يمنى استغربت بتبص لقت الياس جيه ارتبكت جدا بس ابتسمت وحاولت تهدى علشان ميشكش في حاجه
الياس فضل باصص لوقفتهم الغريبه عند الحمام وارتباك يمنى استغرب شويه بس مروان قال..انا كنت عايز فوطه وناديت لمدام يمنى بس لقت واحده في الحمام يلا استأذن انا
الياس قال..لا تمشي ازاي استني افطر معانا
مروان قال..لا معلش مره تانيه اديني عرفت البيت ومين عارف يمكن ازوركم تاني
الياس سلم عليه وقال…تنورنا في اي وقت شكرا مره تانيه
مروان خرج والياس فضل باصص ليمنى باستغراب من هدوءها وارتباكها قرب عليها وقال..انتي كويسه
يمنى ابتسمت بالعافيه قالت…اممم كويسه
الياس قال..طب انتي تعرفي الشاب ده
يمنى اتوترت وقالت..لا طبعا هعرفو منين ليه بتقول كده
الياس قال..لا ابدا بس مستغربو شويه وبعدين قال اسمك مع اني مقولتوش قدامو
يمنى قالت..تلاقيه يعرفني من الصور ما انا صوري على كل المجلات والصفحات
الياس قال..ممكن على العموم انا خارج رايح الشغل وهاجي قبل العصر ان شاء الله
تسنيم قالت… افطر الاول واوعى تتاخر ومتنساش الحجات الي قولتلك عليها
الياس قال ..تمام يا لمضه مش هنسى حاجه وهاجي على المعاد متقلقيش منير بيه هيجي يلاقيني في استقبالو
الياس خرج ويمنى دخلت الاوضه وبقت تفكر هتعمل ايه كانت خايفه جدا وهتموت من الرعب
الياس نزل على طول بس اتفاجأ بمروان واقف بعيد ومعاه شاب تاني بس مش شايفو كويس
الياس اتمشى عليه بس كانت مفجأه بالنسبالو لما شاف مين الشاب الي معاه وكان معتز
الياس اتقدم عليهم وقال …ايه ده هو انت لسه ممشتش
مروان ومعتز ارتبكو جدا وكانهم شافو عفريت بس مروان قال بسرعه..لا ما انا كنت ماشي وشوفت معتز قولت اسلم عليه
الياس قال…انت تعرف معتز
مروان قال..اه طبعا ده صاحبي من ايام الدراسه انت بقى تعرفو
الياس بص لمعتز وقال..اه اعرفو ابن عم مراتي
مروان قال…يعني انت جاي عند الياس طب تمام اسبكم انا عن اذنكم اصلي اتأخرت قوي
مروان مشي والياس فضل باصص عليه بشك وبص لمعتز الي كان مرتبك جدا وقال…ايه الي جابك هنا
معتز قال بارتباك..احم ..انا ..انت كنت عايز اطمن على بنت عمي
الياس قال…امممم تطمن على بنت عمك قولتلي..طب يا حلو اخوك جاي باليل يتقدم ابقى تعالى معاه وشوف بنت عمك اصل انا اتأخرت ومش هينفع تطلع لوحدك
معتز قال بغضب…انت كده بتطردني يعني
الياس قال..حاجه شبه كده
معتز قال..ماشي.يا الياس ..ماشي.. وركب عربيتو ومشي والياس فضل مستغرب كل الي حصل محسسو ان فيه حاجه غلط بس كمل طريقو وراح شغلو
عند يمنى لقت تسنيم قاعده مع بباها وبيجهزو حجات علشان منير واهلو جات وقالت..اعمل معاكم حاجه
تسنيم قالت بابتسامه ..لا شكرا خلاص قربت اخلص
محمد قال انا هدخل الحاجه دي جوه ودخل المطبخ
يمنى بصت لتسنيم الي كانت بتعمل بسرعه ومبسوطه وقالت..بتحبيه
تسنيم اتكسفت وقالت..احم..قصدك منير يعني
يمنى ضحكت وقالت…ومين غيره يعني
تسنيم ابتسمت وقالت..مش عارفه في الاول مكنتش اطيقو الصراحه بس بعدين اكتشفت انو جدع جدا وبقيت احب اكلمو بالسعات وببقى مبسوطه جدا لما اشوفو جايلي المدرسه وقلبي يدق جامد ازا قلي كلمه حتى لو عاديه المهم اني مش بتخيل يوم يعدي من غير ما اشوفو او اسمع صوتو مش عارفه انا كده اتعودت عليه ولا ايه
يمنى ابتسمت وقالت..لا انتي كده بتحبيه وبتحبيه قوي كمان وسكتت شويه وقالت…تسنيم هو انا لو قولتلك سامحيني هتسامحيني
تسنيم استغربت وقالت…على ايه يعني
يمنى بلعت ريقها وقالت..على اي حاجه سا محيني على كل حاجه
تسنيم ابتسمت وقالت..انتي طيبه قوي يا يمنى بس انتي مش حابه تبقى كده انتي فاكره ان الطيبه ضعف مع انها قوه جباره عندك الياس مثلا قوتو في طيبة قلبو وديما ربنا بينجيه بيها ولو ياستي على الي حصل زمان فكلنا سامحناكي تمام يا قمر يلا علشان تجهزي وتبقى اجمل مني باليل
يمنى ضحكت وقالت ..مفيش اجمل منك اصلا بس ممكن تقبلي الهديه البسيطه دي منى وطلعت اسوره جميله جدا
تسنيم قالت ..لا طبعا دي اسورتك وبعدين واضح انها غاليه مستحيل اقبلها
يمنى قالت..بس انا مصره انك تاخديها اعتبريني اختك وبتقدملك هدية خطوبتك ولا مش عايزه تعتبريني اختك
تسنيم كانت هتتكلم بس محمد قال..لا طبعا يا بنتي خلي اسورتك في ايدك انتي اختها وكل حاجه بس من غير الهدايه الغاليه دي
يمنى قالت والله يا عمي دي مش غاليه ابدا وانا بحب تسنيم جدا علشان خاطري متكسفونيش لو ليا اي خاطر عندكم لو سامحتوني زي ما بتقولو نفسي اشوفك لبساها في خطوبتك
تسنيم بصت لبباه وابوها اتحرج ما يتكلم اكتر بس تسنيم قالت..تمام انتي مش عايزه تشوفيني لبساها في خطوبتي انا هلبسها باليل بس بعد كده تاخدبها علشان خاطري تمام
يمنى قالت …تمام انتي البسيها وبعدين نتفاهم
تسنيم حضنتها وقالت…انا حبيتك اوي يا يمنى انتي طيبه اوى ليه حق الياس يموت فيكي
يمنى حست انها عايزه تبكي ومش قادره تمسك دموعها قالت..وانا بحبكم قوي اكتر من اي حاجه انتو اجمل حاجه حصلت في حياتي كلها عن اذنك هروح اجهز هدوم االياس
يمنى دخلت اوضتها وقفلت الباب وبقت تبكي بشده وقعدت على الارض ودموعها مغرقا وشها وقالت..ساعدني يا رب..يا رب قويني وانبي وبتبص قدامها بدموع شافت صور جميله جدا لاياس على الكمود ابتسمت وقالت..انت تستاهل تعيش اجمل عيشه يا الياس انت اجمل انسان شوفتو في حياتي انا بحبك..بحبك اوي ونزلت دموعها بحسره
بعد العصر الياس رجع من الشغل وجايب معاه شنط كتير فيها كل احتيجات الخطبه وقال..انا جيت نورت البيت
محمد ضحك وقال..نورتو فعلا ربنا يخليك لينا
وتسنيم جريت عليه وقالت…هات بس الحجات دي خليني اراجع وراك لتكون نسيت حاجه
الياس قال بضحك…منستش حاجه طلعتي روحي وانا الف على الحجات الغريبه الي عيزاها دي يلا خدي يومينك ادينا هنرتاح منك
تسنيم قالت ..لا والله بكره لما امشي هتقول يا ريتني ما كنت ازعلها ابدا
الياس قال…وانا امتى زعلتك اصلا يا جميل وبص كده وقال امال فين يمنى
تسنيم قالت…دخلت ترتاح شويه
الياس قال طب تمام فستانك الي اخترتيه جبتهولك وانت يا بابا جبتلك طقم جميل زيك
محمد قال ليه با ابني بس المصاريف دي كلها ما انا عندي كتير
الياس قال..يعني جات عليك يا راجل يا طيب يلا دلع نفسك يمكن اشوفلك عروسه
محمد ضحك وقال…لا كتر خيرك كفايه الطقم
الياس ضحك وقال طب انا هدخل اشوف يمنى واخد شنطه من الشنط ودخل بس اتفاجأ بيها نايمه على السرير بقميص بيت قصير جدا جدا وفارده شعرها بطريقه جميله اوي الياس بلع ريقه بالعافيه من منظرها وقعد جمبها وخد نفس وقال…يمنى احم يمنى
يمنى فتحت عنيها وشافتو قدامه زي حلم جميل قالت بابتسامه..الياس…
الياس قرب عليها وقال…يا عيون الياس
يمنى قالت …اممم بحبك
الياس اتصدم ومش مصدق الي بيسمعو قرب عليها اكتر وحط ايده على وسطها ووووو

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية يمنى والياس)