رواية بداية حياتي معاك الفصل الخامس 5 بقلم داليا أحمد
رواية بداية حياتي معاك الفصل الخامس 5 بقلم داليا أحمد
رواية بداية حياتي معاك البارت الخامس
رواية بداية حياتي معاك الجزء الخامس
رواية بداية حياتي معاك الحلقة الخامسة
اميرة كانت خلصت الفطار جهزته هي و حبيبة علي السفرة و بتنده علي عمر و هاجر و لينا كانت قاعدة بتتفرج علي tv لحد ما جرس الباب رن و لينا قامت تفتح و شافت شخص
بصلها باستغراب و قال :لينااا
عمر كان وقتها رايح يشوف مين استغرب لما شاف خالد ايجا و بيبص ل لينا
خالد :26 سنة ابن خالة عمر متخرج من كلية ألسن و بيشتغل في شركة والده و والده و والدته متوفيين و عنده اخت واحدة اسمها شمس عندها 5 سنين
خالد :اسمك حلو اوي يا لينا
لينا بتبص باستغراب
عمر :خالد… انت عرفت اسمها منين
خالد :من السلسة دي مش اسمك لينا برضو
لينا بصت ل عمر نظرة معناها ترد تقول ايه و نظرت للسلسة
عمر :اه … دي لينا
خالد :لينا مين بقا اول مرة اشوفها
عمر :تعالي يا خالد افطر الأول معانا و بعد كدا هقولك مين لينا
خالد :ماشي
لينا كانت واقفة متنحة للسلسة و سرحانة
عمر :لينا تعالي افطري
لينا :حاضر
لينا و خالد قعدو علي السفرة
خالد :صحيح مين لينا دي بقا
عمر :لينا دي تبقا بنت عمي كرم اللي كان مسافر امريكا و اتوفي هو و مراته و لينا كانت عايشة مع خالتها و لينا قررت ترجع مصر و هتقعد هنا فترة قصيرة و هترجع تاني
خالد :امممممم منورة يا لينا
عمر :ثواني هشوف حبيبة و هاجر و ماما و راجعلكم
خالد :ماشي يا عمر
_______
عمر راح لمامته المطبخ و حبيبة كانت معاها بتحضر عصير برتقال و كانت هاجر بتشرب مياه من الثلاجة
عمر :بقولكم ايه البنت طلع اسمها لينا
حبيبة :وانت عرفت منين
عمر :خالد ايجا و شاف سلسلة لابساها مكتوب عليها لينا
هاجر :وانت ايه عرفك ان اسمها لينا ما يمكن اسم مامتها ولا حد من صحابها
عمر :مش عارف بس اهو نناديها بيه لحد ما تفتكر
أميرة :طب و خالد عرف حاجة
عمر :لا طبعا انا قولتله دي بنت عمي كرم اللي كان مسافر امريكا و جاية مصر فترة و راجعة تاني
________
لينا كانت لسة سرحانة و خالد بيبصلها و مستغرب هدوءها
خالد :بس واضح انك كنتي عايشة في امريكا
لينا بصتله باستغراب :نعم قصدك ايه
خالد :لا مقصدش قصدي انك يعني شبه الأجانب اللي هناك
لينا :ليه شعري اصفر و عيوني خضرة
خالد بيضحك :لا شعرك عسلي فاتح و عيونك عسلي و احلي من الخضرة
لينا :شكرا
في اللحظة دي دخل عمر وحبيبة و أميرة و هاجر عندهم
أميرة :اهلا يا خالد ازيك
خالد :ازيك يا خالتي عاملة ايه
أميرة :كويسة يا حبيبي و شمس عاملة ايه
خالد :مجننانا ولله
حبيبة :دي عسل ولله وحشتني البت دي
خالد :تعالي خديها ياختي
حبيبة :ياريت ولله
عمر :و أخبار شغلك ايه يا خالد
خالد :تمام يا دكتور
عمر :طيب انا لازم امشي دلوقتي عشان ورايا عملية بدري ادعيلي يا امي
أميرة :ربنا معاك يابني
خرج عمر و ركب عربيته
لينا :انا شبعت الحمد لله
حبيبة :خليكي يا لينا كملي فطارك
لينا :لا شبعت انتي خارجة
حبيبة :اه ما انتي عارفة لازم اروح الجامعة دلوقتي عشان ورايا محاضرة كمان ساعة و يدوب امشي دلوقتي
لينا :ماشي ربنا معاكي
هاجر :وانا لازم امشي خديني معاكي يا بيبا
خالد :عايزة حاجة يا خالتو انا ماشي
أميرة :خليك يا حبيبي
خالد :لا كنت جاي اشوفكم و ماشي دلوقتي عايزة حاجة يا لينا
لينا :شكرا
أميرة :ابقي هات شموسة معاك
خالد :حاضر
__________
__________
بعد ما حبيبة و هاجر و خالد و عمر خرجو لينا كانت قاعدة بتتفرج علي tv أميرة قعدت جنبها
أميرة :مالك يا لينا ساكتة ليه
لينا :مخنوقة اوي و تعبت نفسي اعرف انا مين بقا و اهلي فين
أميرة :استهدي بالله يا حبيبتي ان شاء الله هتفتكري و هترجعي لاهلك
لينا :امتي بقا
أميرة :مع الوقت هتفتكري انا عارفة انه مش سهل عليكي لكن مفيش حل غير اننا نصبر لما تفتكري
__________
في المستشفى
عمر كان لسة مخلص العملية الجراحية و خارج من غرفة العمليات
جريت عليه بنت و امها
البنت :ها يا دكتور بابا كويس طمني
عمر :الحمد لله العملية نجحت و هننقله غرفة عادية
الام :الحمد لله يارب ربنا يباركلك يا دكتور عمر
عمر :انا معملتش حاجة غير شغلي و ربنا هو الشافي عن اذنكم
البنت :الحمد لله يارب اتفضل يا دكتور
________
آدم كان قاعد مع اهله و لسة بيفكرو هيتصرفو ازاي لحد ما الجرس رن كلهم نظروا للباب و كأن لينا رجعت
آدم بيفتح شاف جاسر و نبيل أصدقاءه المقربين معاه في هندسة
آدم :اتفضلو
جاسر :آدم مالك احنا بنتصل بيك من امبارح مبتردش و مجتش الجامعة ليه انهاردة يابني
نبيل: انت مش عارف ان في محاضرة مهمة انهاردة
آدم :مبقتش فارقة
نبيل :مالك يا آدم عينيك حمرة و كأنك كنت بتعيط
آدم :مفيش اتفضلو جوا
نبيل لما شاف العيلة كلها موجودة شك ان في حاجة
آدم :هنطلع اوضتي ماشي
جاسر :ماشي
________
عمر دخل مكتبه و هو داخل شاف الممرضة و سكرتيرته ضحي
عمر:ضحي من فضلك كوباية النسكافيه بتاعتي اطلبيهالي و دخليها
ضحي :حاضر يا دكتور عمر
__________
محمد :ضحي عمر جوة
ضحي :اه يا دكتور محمد اتفضل
محمد دخل مكتب عمر
عمر كان سرحان و بيفكر في لينا و ازاي يخرج نفسه من المصيبة اللي هو فيها
محمد :ايه يابني مالك سرحان في ايه
عمر :البنت طلع اسمها لينا
محمد بصدمة:يعني افتكرت
عمر :لا
محمد :اومال عرفت ازاي
عمر :هحكيلك
__________
في غرفة آدم
جاسر :مالك يا آدم
آدم :لينا
نبيل :مالها لينا حصلها ايه
آدم :تاهت و هي في رحلة الغردقة اللي تبع الجامعة
نبيل :تاهت ازاي
آدم :كانت قاعدة مع ريم و تقي علي البحر و بعد كدا راحت تشتري ماية و عصير و مرجعتش تاني و تليفونها كانت سايباه مع تقي و دورنا عليها مش لاقيينها
جاسر :طب بلغت البوليس
آدم :لازم يمر 48 ساعة علي اختفائها
نبيل :متقلقش يا آدم ان شاء الله هترجع
آدم :تفتكر
نبيل :قول يارب يعني تلاقيها بس تاهت و معرفتش ترجع
_________
في المستشفى
محمد :طب ما يمكن كلام هاجر صح مش اسمها لينا يمكن والدتها
عمر :مش عارف بقا اهو اي حاجة نناديها بيها بدل ما احنا مش عارفين اسمها ايه
محمد :بس انا حاسس ان اسمها لينا
عمر :ازاي
محمد :اسم لينا ده حديث معتقدش انه يكون اسم والدتها
عمر :ممكن
________
تاني يوم في حدود الساعة 3 العصر
لينا كانت قاعدة مع أميرة و حبيبة و هاجر و عمر بياكلو علي السفرة
لينا: بس انا هفضل فين لحد ما اوصل لاهلي
حبيبة :عندنا طبعا
لينا :لا انا ممكن اقعد في اوتيل او شقة ايجار
أميرة :لا طبعا مستحيل انتي بتهزري مستحيل نسيبك تقعدي في مكان تاني و كمان الأماكن دي مش مضمونة يا لينا انتي بنت و لوحدك و انتي هنا في مصر و مستحيل هنطمن عليكي و انتي لوحدك
هاجر :ما تسيبوها علي راحتها يمكن هي مش مرتاحة هنا
عمر :هاجر متتدخليش في اللي ملكيش فيه بعد كدا
هاجر :طيب
لينا :انا تعبت و بقيت حاسة اني هشيلكم همي وانتو اكيد مش ناقصين سيبوني علي راحتي
عمر :حتي لو عايزة تقعدي في شقة ولا اوتيل هتصرفي علي نفسك ازاي
لينا :انا هشتغل و هصرف على نفسي
عمر :بصي يا لينا عشان تشتغلي شغل في شركة ولا في مكان كويس لازم يكون معاكي شهادة و خبرة و انتي دلوقتي في نظرهم مش معاكي حتي ابتدائية ولا معاكي بطاقة
لينا دموعها نزلت:يعني هفضل كدا لحد امتي لحد ما اموت انا تعبت بقا مش كفاية مش عارفة انا مين
أميرة :اهدي يا بنتي ان شاء الله هتفتكري و هنقدر نوصل لاهلك
هاجر في سرها :اوف بقا البت دي هتفضل عايشة معانا لحد ما تتنيل تفتكر و انت يا عمر لازم يعني الشهامة تاخدك و تجيبها ما كنت رميتها في الشارع و خلاص احنا مالنا بيها دي كمان
__________
عند آدم جرس الفيلا رن و آدم فتح و كان الظابط اللي كان في الغردقة
آدم :كويس انك متلخبطتش في العنوان
الظابط : لا العنوان سهل ميتوهش
آدم :صحيح معرفتش اسمك لحد دلوقتي
الظابط :انا الرائد علي وحيد
آدم :اهلا بيك اتفضل يا علي
دخل علي مع آدم و قعد معاه في الريسبشن
علي :بص يا آدم انا هفتح المحضر و دلوقتي هبدأ ادور عليها في الغردقة و دمياط بس الاحتمال الأكبر أنها في الغردقة
آدم :هتدور فين بالظبط
علي :الأقسام و الفنادق و المستشفيات و الكافيهات و المطاعم و السوبر ماركت يمكن حد شافها بص هقلب عليها الغردقة و دمياط كلها
آدم: يارب تفتكر فيه امل
علي :قول يارب و ربك عمره ما هيضرك
__________
مر يومين و لينا مفيش أخبار عنها
عند ريم في البيت والدتها أسماء شافتها بتلبس ملابس خروج و كأنها خارجة
اسماء:ايه يا ريم رايحة فين
ريم :مفيش يا ماما ما انتي عارفة رايحة عند طنط نجوي عشان لينا
أسماء :ماشي يا حبيبتي خلي بالك من نفسك طمنيني عليها
ريم :ادعيلها و النبي يا ماما ترجع بالسلامة
أسماء :بدعيلها ولله ربنا يرجعك يا حبيبتي
ريم :ماشي يا سمسم انا نازلة
__________
تقي و رحمة مامتها كانو في الفيلا عند لينا و سليم و والده و والدته عندهم و الجرس رن و تقي قامت تفتح
تقي :ريم ادخلي
ريم :ها … في اي أخبار جديدة
تقي بحزن:للاسف لا مستنيين الظابط علي يقول ايه الجديد
ريم :ربنا يستر
ريم دخلت الريسبشن و سلمت علي الكل و قعدت
رحمة :انا هدخل اشوف الاكل و اطلعي يا تقي اندهي خالتك تاكل
حسام خال لينا : هي طلعت تصلي فوق شوفيها
ريم :انا طالعة معاكي يا تقي
هالة ( زوجة خال لينا ):طب تعالي يا رحمة نشوف الاكل احنا
رحمة :لا يا هالة خليكي
هالة :انا مش غريبة و لينا دي بنتي اللي مخلفتهاش
سليم :اومال آدم فين
رحمة :آدم في اوضته
________
لينا كانت قاعدة في الريسبشن بتتفرج علي tv مع حبيبة و هاجر و عمر كان فاتح اللابتوب بيشتغل و أميرة في المطبخ
حبيبة مسكت سلسلة لينا و بتبصلها بإعجاب
حبيبة :حلوة اوي السلسلة دي يا لينا
لينا :اتفضليها يا بيبا
حبيبة :ميرسي يا روحي متحرمش منك بس قصدي هي حلوة ذوقها عالي جدا و كفاية ان هي اللي عرفتني اسمك
هاجر بصتلها بقرف:علي فكرة ذوقها بلدي جدا و بيئة
حبيبة :هاتي زيها انتي بس
عمر بص جامد علي السلسلة و مسكها لينا اتخضت لما عمل كدا
عمر :بس متخافيش اهدي
لينا :انت بتشدها ليه بتوجعني كدا
عمر :بيبا بصي مكتوب ايه تحت الاسم
حبيبة :ده تاريخ ميلاد 15_1_1998
عمر :ده معناه ان هي عندها 18 سنة
حبيبة :فعلا
عمر :و ده معناه برضو أن هي اسمها لينا
لينا :وانت عرفت ازاي
عمر :انتي شكلك فعلا ممكن علي 18 سنة او 19 و اكيد انتي اسمك لينا مش مامتك
حبيبة :فعلا عندك حق يا عمر
أميرة :يلا عشان تاكلو
حبيبة :هقوم اجهز الاكل معاكي يا ماما علي السفرة
لينا:وانا كمان
حبيبة :لا يا روحي خليكي
لينا :لا هو انا هطبخ ده انا هجهز الاطباق معاكي بس
________
نجوي كانت بتصلي و تقي و ريم دخلو عندها عشان تتغدا
تقي :يا خالتو يلا عشان تتغدي
نجوي :السلام عليكم و رحمة الله و بركاته … السلام عليكم و رحمة الله
تقي قعدت جنبها و قبلت ايديها
تقي :حرما يا خالتو
نجوي :جمعا ان شاء الله
تقي :خالتو ماما حضرت الغدا يلا عشان تاكلي
نجوي :ماليش نفس ادوق اي لقمة و مش عارفة بنتي فين
ريم :بإذن الله لينا هترجع
نجوي : يارب يارب عمرى ما دعيتك وردتنى ولا
عمرى احتاجتك تتقبل منى زى دلوقتى استرها يارب عليها و رجعهالنا بالسلامة يارب رجعلي بنتي يارب
ريم : يا طنط ان شاء الله هتبقى كويسة انا عارفة هى بس بتشوف غلاوتها عندنا
_________
الجرس رن و آدم فتح كانت يمني
آدم :يمني ادخلي
يمني :ها يا آدم مفيش أخبار
آدم :للاسف
يمني :ان شاء الله هنلاقيها
_________
عمر و لينا و حبيبة و هاجر و أميرة قاعدين علي السفرة بياكلو
عمر :انا جاتلي فكرة بخصوص لينا
لينا :فكرة ايه
عمر :اكيد اهلك هيعملو محضر و لو مش لاقوكي هينزله صورك علي النت في بيدجات عشان لو حد شافك يتعرف عليكي
حبيبة :اه فعلا الفكرة دي ازاي راحت مننا
لينا :يعني فيه امل اني ارجع لاهلي و افتكر
أميرة :ان شاء الله يا حبيبتي بإذن الله
هاجر لنفسها :يلا يارب يلاقوها و تمشي بسرعة لاحسن انا زهقت منها
________
في فيلا يوسف والد لينا
تقي : انا السبب يا ريتني ما كنت سيبتها و كنت روحت معاها يا ريتني
رحمة :ده نصيب يا تقي نصيبها أنها تروح لوحدها
يوسف : استر يا رب يارب مالناش غيرك يا رب
نجوي :انت السبب يا يوسف
يوسف :انا يا نجوي
نجوي :اه انت اللي خليتها تروح
يوسف :كنتي عايزاني اعمل ايه و هي منهارة من العياط مش ده كان كلامك وافق يا يوسف
نجوي :كنت امنعها زي كل مرة اهي دلوقتي مش عارفة بنتي فين
حسام :مش وقته الكلام ده يا نجوي
يوسف :شايف اختك بتقول ايه يا حسام
هالة:معلش يا يوسف هي معذورة برضو عشان بنتها
تقي: يارب استر يارب انا عايزة لينا هاتولى صاحبتى انتو فاهمين مش هتضيع منى
ريم : تقي ممكن تهدى لينا ان شاء الله كويسة وهنلاقيها هى اكيد تايهة
سليم في سره : يا تري انتي فين يا لينا انا كده هموت يارب انا مش عايز حاجة من الدنيا الا انها تبقى كويسة يارب انجدها يارب بس تبقى كويسة
رحمة :استر يا رب يا رب مالناش غيرك لينا لا يا رب يا رب ما توجع قلبى عليها كلنا ممكن يجرالنا حاجة لو حصلها حاجة
نجوي : يارب الضرر يكون فيا انا وهى لا استر يارب يارب متوجعنيش عليها
يوسف : هنلاقيها ان شاء الله ربنا مش هيخيب املنا كلنا
آدم :يارب انا ماليش غيرها يارب انت الوحيد اللي عارف هي ايه بالنسبة لي يارب
يمني :اهدي يا آدم ان شاء الله هنلاقيها
_________
جرس الفيلا رن
آدم :ده اكيد الرائد علي عشان قالي انه جاى
آدم فتح و كان علي
آدم :ها يا علي عملت ايه لقيتها
علي : لا قلبت الدنيا مفيش الحمد لله حوادث او مشاكل فى اى مكان و لا عندكم لما سألت لسه مكلمنى قالولي مفيش فى المستشفيات ولا الأقسام
ادم:طالما مش موجودة فى اى مستشفى يعنى الحمد لله هى بخير
علي :ان شاء الله هنلاقيها
ادم: ممكن يكون حصلها حاجة بس لسه مراحتش مستشفى
علي :ماتقولش كده يا ادم ان شاء خير
نجوي : طيب راحت فين قولى يا ادم انا مش متخيلة اللى هى بتمر بيه دلوقتى
سليم : اهم حاجة انها الحمد لله مش فى مستشفى لا قدر الله يعنى جسميا كويسة
تقي :بس دي مش موجودة في اي مكان
علي :مين اللي كان معاها ساعة اختفاءها
تقي :انا و ريم
علي :معاكو صورة ليها في اليوم ده عايز اعرف بس كانت لابسة ايه
ريم اخرجت موبايلها:اه اتصورنا مع بعض و دي صورة واضحة ليها
علي بينظر للصورة و لاحظ انها لابسة سلسلة دهب
علي :عايز صورة واضحة للسلسة اللي في رقبتها دي
آدم :قصدك ايه
علي :هقولك بس عايز صورة واضحة
آدم :انا معايا صورتها واضحة صورتهالها قبل ما تمشي بيوم
علي :تمام تتطبعلي الصورتين دول في ورقة عشان هعمل منشور بصورة السلسلة في كل محلات الجواهر
يمني :انا معايا كاميرا بتستخرج الصور ورق مطبوعة
آدم :معاكي دلوقتي
يمني :اه اهي
آدم :طيب هبعتلك صورة السلسلة و ريم ابعتي صورة لينا
ريم :حاضر
______________________
(فقدان شخص عزيز على القلوب بيبقى اصعب الاشياء لان الم الفراق بيبقى اكبر من اى الم تانى الخيانة او الجرح ممكن يبقى الشخص ليه دخل فيهم و ساعتها بنقدر نكيف نفسها مهما كان الجرح الاكبر الفراق لانه بيبقى غصب عن الكل ومحدش ليه دخل فيه كل الموجودين كانوا بيتقطعوا من جواهم و خوفهم على لينا و خايفين يفقدوها فى لحظة خايفين يحصلها حاجة)
_________
بعد مرور يومين
آدم كان قاعد هو و يمني و سليم و نجوي و يوسف و تقي و ريم و منتظرين علي
نجوي :هو علي اتأخر كدا ليه
آدم :مش عارف بس تلاقي الطريق زحمة
سليم :طب اتصل بيه يا آدم شوفه فين
الجرس رن في اللحظة دي
يمني :ده اكيد هو
ريم :خليك يا آدم هفتح انا
فتحت ريم الباب و كان علي
ريم :ها يا حضرة الرائد في أخبار جديدة
علي :للاسف لا دورت في كل محلات الجواهر مفيش عندهم سلسلة زي دي و محدش شاف لينا خالص
يوسف :يعني ايه يعني بنتي راحت فين
نجوي :انا عايزة بنتي حرام كل ده ازاي مش لاقينها
سليم :يعني محدش شافها خالص
تقي :لا كدا كتير اوي
علي :بصراحة هو كدا في كذا احتمال ممكن لينا يكون حصلها حاجة منهم
آدم :ايه هما
علي :_اول احتمال و ده نسبته ضعيفة ان لينا تاهت و لحد دلوقتي مش عارفة ترجع و ده نسبته ضعيفة لانها كان ممكن تاخد تاكسي و ترجع او تتصل بيكم من اي سنترال
_تاني احتمال ان لينا تكون عملت حادثة و محدش شافها لسة
_ثالث احتمال ان لينا تكون يعني اتسرقت و حد خاطفها لانها لابسة دهب
_اما بقا رابع احتمال ان يعني لينا يكون حد عملها حاجة و فقدت عذريتها
آدم صرخ بصوت عالي :لا متكملش اوعي اوعي تقول كدا مش كفاية مش كفاية مش عارف هي فين لا عارف هي عايشة ولا ماتت لا عارف قاعدة فين ولا عاملة ازاي
علي :آخر احتمال ان لينا تكون ماتت
يمني :آدم طب ما يمكن مثلا لينا مشيت بمزاجها يمكن كانت بتحب واحدة وكدا و راحت معاه
آدم بعصبية :يمني انتي ازاي تقولي كدا علي لينا وانتي عارفاها كويس
يمني :انا مقصدش انا قصدي يعني يمكن كانت بتحب و احنا مش عارفين
ريم بعصبية :اسمعي يا اسمك ايه انتي لينا احسن منك و من مليون واحدة زيك
تقي : لينا عمرها ما كلمت ولد ولا عرفت ولد في حياتها
نجوي :جرا ايه يا آدم ما تشوف الست يمني خطيبتك مالها
سليم بنرفزة:دي اخر مرة تتكلمي عن لينا كدا انا لولا انك خطيبة ابن عمتي لا كنت قسما بالله عرفتك ازاي تتكلمي كدا عليها
يوسف :بس بقا كفاية
آدم :لينا يا يمني عمرها ما عملت أكونت علي الفيسبوك عمرها ما عملت واتس ولا تعرف تستخدم النت حتي موبايلها الباسورد بتاعه كان معايا هي معرفاهولي عمرها ما خبت عليا حاجة تليفونها اهو معايا لو شكيت في الدنيا كلها عمري ما اشك في لينا عشان لينا نضيفة من جوة و مبتكدبش و عمرها ما عملت حاجة غلط
آدم سابهم و خرج برة في الحديقة
يمني خرجت وراه
يمني :آدم استنى طيب … انا اسفة ولله انا كنت
آدم :خلاص يا يمني كفاية بقا متقوليش كدا تاني من فضلك
يمني :آدم انا بجد اسفة
آدم :انا مخنوق اوي يا يمني حاسس ان الدنيا بتخبطني أكبر خبطة في حياتي انا مستاهلش كدا يا يمني
يمني حضنت آدم و آدم بعدها عنه
يمني :مالك يا آدم انا بهديك مش اكتر
آدم :مينفعش يا يمني
يمني :مينفعش ايه
آدم :مينفعش احضنك حتي لو حضن كدا
يمني :ليه يا حبيبي ما احنا كدا كدا هنتجوز و هكون مراتك
آدم :لسة مبقتيش مراتي انا المفروض اني خطيبك و خطيبك يعني شخص غريب عنك مش حلالك لسة
يمني :عندك حق انا اسفة
آدم :ولا يهمك
يمني :دومي انا رايحة القاهرة
آدم :رايحة تعملي ايه
يمني :ابدا بس رايحة سيتي ستارز اجيب حاجات
آدم :طيب انتي شايفة ان ده وقته
يمني :ماهو يا حبيبي انا رايحة اشتري شوية حاجات و متقلقش هطمنك عليا انا رايحة مع صاحبتي
آدم :ماشي رايحة امتي
يمني :كمان شوية
ادم:معاكي فلوس
يمني بخبث:لا مش كتير
آدم :طيب خلي معاكي الالفين جنيه دول
يمني :ميرسي يا بيبي انا لازم امشي دلوقتي عشان ملك اكيد مستنياني
آدم :خلي بالك من نفسك
___________
يمني خرجت من عند آدم و اتصلت علي شخص
يمني :انت فين
الشخص :مستنيكي عند الكافيه اللي بنتقابل فيه بالعربية
يمني :ماشي هركب تاكسي و اكون عندك
الشخص :مستنيكي يا موزتي متتأخريش
بعد 10 دقايق يمني نزلت من التاكسي و ركبت مع الشخص ده و كان جاسر صاحب آدم
يمني :وحشتني يا جاسر
جاسر:وانتي كمان
يمني :يلا اطلع بقا عشان نلحق نوصل القاهرة بدري
________
عمر كان لسة راجع من المستشفي و دخل الفيلا شاف لينا قاعدة متضايقة في الحديقة علي المرجيحة و سرحانة
قرب منها و قعد جنبها
عمر :مالك يا لينا
لينا :زهقانة
عمر :تحبي تخرجي
لينا :لا
عمر :انتي هتفضلي تلبسي من هدوم حبيبة كدا
لينا بصتله باستغراب :يعني اقلعهم
عمر بيضحك :لا طبعا بس هي مش مقاسك ايه رأيك اشتري هدوم جديدة ليكي
لينا :لا شكرا مش عايزة انا معايا فستان بتاعي
عمر :يعني هتفضلي تلبسيه هو بس ايه عايزة الناس تقول معندكيش هدوم
لينا:ناس مين
عمر :انتي ناسية ان انتي دلوقتي في مقام بنت عمي و المفروض ان بنت عمي يكون عندها لبس
لينا :بس ده مؤقت لحد ما ارجع لاهلي
عمر :عارف بصي بقا انا هدخل اشوف بيبا جوة و نتغدا و نروح سيتي ستارز و مول العرب و بعد كدا نروح مزايا اشتريلك شوية حاجات و كدا
لينا :أيوة بس ..
عمر قاطعها :من غير بس يلا انا مش باخد رأيك اصلا و هناخد حبيبة معانا
لينا بابتسامة :ماشي ميرسي يا عمر اوي
________
يمني و جاسر و هما في الطريق
جاسر :عاملة ايه مع آدم
يمني :خانقني بالست لينا
جاسر :هو عامل ايه صح
يمني :اهو لسة مزاجه مش حلو بسبب لينا
جاسر :بس ولله صعبان عليا
يمني بتضحك :ميصعبش عليك غالي يا بيبي هنوصل امتي
جاسر :يعني نص ساعة كدا
_______
لينا و هي بتتغدا معاهم
أميرة :بصي يا بنتي انا عايزاكي تعتبريني زي والدتك و حبيبة و هاجر و عمر اخواتك لحد ان شاء الله ما ترجعي لاهلك
لينا بابتسامة :انا بحبكو اوي و لما ارجع لاهلي هفضل فاكراكو و عمري ما انسي اللي عملتوه معايا
هاجر :بس ارجعي انتي الأول
حبيبة بعصبية :هاجر عيب كدا
هاجر :وانا قولت ايه انا بقولها ان شاء الله ترجعي لاهلك
لينا لنفسها:هي ليه هاجر دي بتعاملني وحش كدا انا عملتلها ايه
عمر :خلاص يا هاجر معلش يا لينا هي هاجر كدا أسلوبها كدا معانا برضو بس بتحب تهزر
لينا :لا عادي
عمر :بيبا هنتغدا و نروح نجيب لبس و حاجات ل لينا من المول
حبيبة :ماشي يا عمر
هاجر :نعم و تجيبلها ليه هي من بقيت عيلتنا ولا تكون صدقت أنها بنت عمك لا يا ابيه دي مجرد ضيفة قاعدة عندنا شوية و ماشية
حبيبة بعصبية :هاجر انتي ازاي تقولي كدا
لينا دموعها نزلت :خلاص يا حبيبة هي مش قصدها انا فعلا مجرد ضيفة و مش عايزة حاجة انا طالعة فوق
عمر بنرفزة :في ايه يا هاجر انتي عايزة ايه بالظبط و دي اخر مرة يا هاجر تتكلمي كدا مع لينا فاهمة
هاجر بخوف :فاهمة
عمر :اعتذريلها
هاجر :نعم
عمر :سمعتي انا قولت ايه
هاجر :انا اسفة
عمر :لينا ممكن تهدي بتعيطي ليه
اميرة :معلش يا لينا متزعليش يا حبيبتي هي هاجر بتهزر ولله
لينا :انا مش زعلانة
عمر :طب اطلعي البسي و يلا عشان نروح
لينا :لا شكرا
عمر :علي فكرة انا مش بقول كلامي مرتين ولا ازعقلك زي هاجر
لينا :لا انا مش عايزة حاجة
حبيبة :كدا يا لينا طب عشان خاطري بقا متزعليش ولله جوجو بتهزر
عمر :خلاص بقا يا لينا يلا و ده أمر علي فكرة ممنوع النقاش
لينا ضحكت :ماشي بس هجيب حاجة واحدة
عمر :طيب
_________
طلعت لينا الأوضة تلبس هي و حبيبة و حبيبة جهزت قبلها و دخلت عند هاجر الأوضة
حبيبة :عيب يا هاجر الطريقة اللي بتكلمي بيها لينا دي هي عملتلك ايه
هاجر :يوووه بقولك ايه انا طريقتي كدا عاجبها اهلا و سهلا مش عاجبها خلاص
حبيبة : بس بس.. انا داخلة ل لينا عشان خارجين..
هاجر : طيب وانا هكلم سيرين
حبيية : اهي سيرين دي انا مش مرتحالها نهائي بت شايفه نفسها كدامش عارفة على ايه
هاجر : مش لازم ترتاحيلها المهم انا ارتاحلها .. ما انا مش مرتاحه ل لينا فتحت بؤي يعني ؟
حبيبة : خلاااااااااااااص اتفلقي روحي كلميها وانا هشوف ليناخلصت ولا لسة
_________
عمر :ها يا بيبة خلصتو
حبيبة و لينا خرجو
حبيبة :اه يا عمر يلا
عمر :يلا
________
يمني كانت في سيتي ستارز بتشتري حاجات و معاها جاسر
جاسر :بس تعرفي يا يويو احلي حاجة ان آدم مشغول في حوار اخته عشان احنا نعرف نتقابل و نتكلم
يمني بتضحك :علي رايك فعلا آدم اصلا خنيق جدا
________
عمر و حبيبة و لينا دخلو سيتي ستارز و بيتفرجو على حاجات و اشترت لينا و حبيبة حاجات
______
هاجر اتصلت ب سيرين صاحبتها
هاجر : ازيك يا سوسو عامله ايه
سيرين : هاي يا جوجو انا كويسه .. آي ميس يووووو بجد
هاجر : وانتي كمان والله .. بتعملي ايه ؟
سيرين : قاعده علي الفيسبوك بشيت و علي الماسنجر و شوية علي الواتس
هاجر : انتي مش بتزهقي ابدا من الفيس و الواتس والشات !!
سيرين : اصلا لو كنتي جربتيه كنتي عرفتي انه حلو اد ايه ومسلي سوو ماتش يا بيبي
هاجر : اجرب فين بس اصلا انا معنديش حساب علي الفيسبوك .. ومش بحب اقعد علي اللاب اصلا
سيرين : عشان متعرفيش ايه اللي جوا الانترنت اصلا .. اصلا لو عايزه تحبي وتعيشي حياتك اقعدي علي النت وانتي تشوفي العجب وتبقي في دنيا تانية كلها بمبي في بمبي
هاجر : ياسلام ؟ ازاي ده؟
سيرين : تعاليلي البيت وانا هفهمك واوريكي ازاي .. بيس يا بيبي ؟
هاجر : ماشي هقول لماما واخلي عمر يوصلني النهارده لو رجع بدري
سيرين : اوكي مستنياكي .. سي يووو بيبي
هاجر : سي يو
( طبعا للأسف هاجر ساذجه وبتمشي ورا كلام صاحبتها ومتعرفش صاحبتها تقصد ايه بالكلام دا )
_______
يمني :جاسر انا هدخل المحل ده
جاسر موبايله رن
جاسر :طب ثواني ارد علي بابا
يمني :ماشي علي ما ادخل المحل ده
______
عمر و حبيبة بيدفعو الحساب لينا خرجت من المحل بتتفرج علي شكله من برة و هي ماشية بتتفرج خبطت في يمني
يمني بعصبية :مش تفتحي …. ليناااا
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية بداية حياتي معاك)