رواية بداية حياتي معاك الفصل السادس 6 بقلم داليا أحمد

رواية بداية حياتي معاك الفصل السادس 6 بقلم داليا أحمد

رواية بداية حياتي معاك البارت السادس

رواية بداية حياتي معاك الجزء السادس

رواية بداية حياتي معاك الحلقة السادسة

عمر و حبيبة بيدفعو الحساب لينا خرجت من المحل بتتفرج علي شكله من برة و هي ماشية بتتفرج خبطت في يمني
يمني بعصبية :مش تفتحي …. ليناااا
لينا :انتي تعرفيني
يمني استغربت :اعرفك ازاي
لينا :بالله عليكي لو تعرفيني وصليني لاهلي انا عملت حادثة و فقدت الذاكرة و مش فاكرة اهلي لو تعرفي حاجة عنهم قوليلي
يمني في سرها :أيوة بقا دي فرصتي
لينا :انتي مش بتردي ليه
يمني :انا مش عارفاكي ولله ولا اعرف أعلم
لينا :اومال نطقتي اسمي ازاي
يمني مش عارفة ترد تقول ايه سكتت لحظات و بصت علي السلسلة اللي في رقبتها
يمني :من السلسلة دي عيني وقعت علي الاسم
لينا بحزن :كان نفسي اوصل لاهلي
يمني :طيب عن اذنك عشان صحابي مستنيني
لينا :ماشي
عمر و حبيبة خرجو من المحل
عمر :لينا انتي خرجتي ليه
حبيبة :مالك يا لولي واقفة هنا ليه
لينا :ها … لا ابدا
عمر :طب يلا هنروح مول العرب نشتري لبس
لينا :ماشي
_________
يمني رجعت ل جاسر و وشها متغير
جاسر:يويو مالك
يمني :جاسر يلا نرجع دمياط
جاسر :نعم ليه
يمني بعصبية :مش وقته يا غبي يلا بسرعة
جاسر:طيب بس اهدي خلاص هنرجع بس قوليلي مالك
يمني :بعدين يلا بقا
يمني شدت جاسر من ايديه و نزلو ركبت العربية معاه
________
عمر كان مع لينا و حبيبة في المحل و هي بتختار اللبس ولاحظ ان لينا بتختار فساتين قصيرة و لبس قصير عمر راح عندهم
عمر :انتي مش شايفة يا لينا ان اللبس ده كلو قصير
لينا بصتله باستغراب :نعم … لا مش قصير في اقصر من كدا
حبيبة شدت عمر من ايديه و بعدت عن لينا
حبيبة :ايه يا عمر اللي انت قولته ده
عمر :انتي مش شايفة يا حبيبة كل لبسها قصير ازاي هي مفكرة نفسها فين في امريكا
حبيبة :عمر براحتها تلبس اللي تختاره و بعدين هي صغيرة سيبها تعيش سنها احنا مش هنغصبها علي حاجة و البنت مش كل حاجة اخداها قصيرة في حاجات كتير طويلة و واسعة
عمر :طيب شوفي هتختار ايه تاني
حبيبة :ماشي يا عمر
_________
يمني كانت مع جاسر في العربية و سرحانة
جاسر :يويو حبيبتي
يمني سرحانة و مردتش عليه
جاسر بصوت عالي :يمني
يمني بخضة :ايه خضتني
جاسر:مالك يا يمني من ساعة ما كنا في المول وانتي شدتيني و مفهمتش حاجة
يمني :لينا
جاسر :مالها
يمني :شوفتها يا جاسر
جاسر ضحك:لآ ولله شوفتيها في الحلم بقا
يمني :مبهزرش يا جاسر انا شوفت لينا في المول
جاسر :لا ده انتي بتهزري بقا شوفتيها ازاي اذا كان لينا تاهت في الغردقة
يمني :شوفتها ولله العظيم شوفتها
جاسر داس فرامل في اللحظة دي وقف العربية و بص ل يمني
جاسر :و هي مرجعتش معانا ليه و ليه مش ناديتيني و هي شافتك
يمني :اه شافتني
جاسر :انا مش فاهم حاجة
يمني :جاسر اتحرك دلوقتي عايزة اوصل بدري
جاسر :ماشي يا يمني بس ازاي ازاي لينا مرجعتش معانا مش بتقولي شافتك
يمني :جاسر ارحمني صدعتني …. من الاخر لينا فقدت الذاكرة فهمت
جاسر بصدمة:فقدت الذاكرة طب و هي عرفتك
يمني بعصبية :انت غبي ولله بقولك فقدت الذاكرة هتعرفني ازاي يا غبي
جاسر :طب مش ندهتيني ليه كنا رجعناها ده آدم هيتجنن عليها طب يلا نرجع ناخدها
يمني :انت عبيط ولا بتستهبل دي فرصتي و جات لحد عندي انت اكتر واحد عارف انا بكره لينا دي قد ايه و لما تاهت فرحت تقوم تقولي نرجع ناخدها
جاسر :يمني انتي مش شايفة حالة اهلها ايه حرام عليكي البنت مالهاش ذنب في اي حاجة
يمني :لا يا جاسر مستحيل و يلا بقا اتحرك
_______
لينا كانت واقفة قدام محل لعب اطفال و واقفة قدام عروسة بتتفرج عليها و عمر و حبيبة كانو بيحاسبه و عمر خرج من المحل شاف لينا واقفة قدام العروسة بتتفرج عليها و حبيبة خرجت بعده عمر راح عند لينا و وقف جنبها
عمر :عاجباكي
لينا :حلوة اوي
عمر :طب تعالي اجيبهالك
لينا :لالا مش عايزة انت جبتلي حاجات كتير اوي
حبيبة راحت عندهم
حبيبة :ايه مالكم واقفين هنا كدا ليه
عمر :تعالو ورايا
دخل عمر محل الأطفال و لينا و حبيبة دخلو معاه عمر اشتري ليها العروسة و اشتري لعب كتير ليها
لينا :الله كل ده ليا
عمر :اه شوفتي بقا
لينا :بس انا كان عاجبني عروسة واحدة مش كل ده
حبيبة بتضحك :انا بجد مستغربة يا لينا انك كبيرة و مع ذلك بتحبي اللعب و العرايس
عمر :كل حد فينا جواه طفل يا بيبا في اللي بيحب الكرتون فيه اللي بيحب الأطفال و اللعب و حاجات زي كدا
حبيبة :طب يلا بقا نرجع عشان اتأخرنا اوي
عمر :هتجيبي حاجة تاني يا لينا
لينا :لا ميرسي اوي يا عمر
عمر :انا اسف بجد يا لينا عشان علقت على اللبس اللي اخدتيه ياريت متتضايقيش مني بس انا خايف عليكي اصل انتي في مصر
لينا :لا عادي انا مش زعلانة بس استغربت كلامك وانا حبيت الاستايل اوي
___________
نجوي كانت قاعدة في غرفتها و فتحت البوم الصور و شافت صور آدم و يمني يوم خطوبتهم و افتكرت لينا يوم خطوبة ادم
فلاش باك
نجوي كانت في المطبخ بتعمل الغدا
لينا :مالك يا نوجا مكشرة كدا ليه
نجوي :انتي مش شايفة اخوكي اللي خطب يمني دي وانتي عارفة ان انا مش برتاحلها
لينا :ليه يا مامي دول بيحبو بعض وانتي عارفة
نجوي :عارفة بس قلبي مش بيرتاحلها و مش عايزة ازعله
لينا :خلاص بقا يا نوجا صحيح فين الفستان بتاعي الازرق الجديد والمصحف ابنك هيخطب انهاردة يلا بقا
نجوي : يلهووي صح دة انا نسيت اصحيه
لينا: طب سبيلي الطلعة دي
نجوي : هتعملي فية اية
لينا بضحكة شريرة : اصتوبري بس لو اصتبر القاتل علي المقتول كان زمانوا مات لوحده
نجوي : هي البت دي بتجيب الكلام دة منين
لينا :من ال Tv يا مامتي يلا بقا هطلع للواد ده أشوفه فين اصحيه
باك :
نجوي ببكاء:يارب رجعلي بنتي بالسلامة يارب يارب ماليش غيرك
________
عمر و لينا و حبيبة وصلو الفيلا و دخلو كانت هاجر و أميرة قاعدين في الريسبشن
هاجر لما شافت كل الشنط دي و الحاجات الكتير دي اتضايقت
و بصت ل لينا بقرف لينا لاحظت كدا و حاولت تتجاهلها زي ما حبيبة قالتلها
عمر :مساء الخير يا ماما
أميرة :مساء النور يا حبيبي
هاجر :ما لسة بدري ولا الآنسة كان عاجبها المول كلو
عمر :اه كان عاجبها المول كلو
هاجر :طيب انا طالعة انام
حبيبة بتضحك :اومال صاحية ليه لحد دلوقتي
هاجر :كنت بطمن عليكم مش اكتر
حبيبة :بتطمني علينا ولا علي الحاجات اللي جيبناها
عمر :بس يا بيبا الشنطة دي و كل الحاجات اللي فيها عشانك يا جوجو
هاجر بابتسامة :بجد ميرسي اوي يا ابيه مش زي ناس
حبيبة :طب ده انا و لينا اللي اختارنالك
هاجر بصت ل لينا بقرف :اااه انتي شكرا
لينا بابتسامة :العفو يا رب يعجبك ذوقي
هاجر :معتقدش بس هشوف
عمر :يلا يا هاجر اطلعي نامي بقا
هاجر :حاضر
أميرة :اتعشيتو برة ولا احضرلكم العشا
عمر :لا اتعشينا عند ماكدونلز و جبنالك معانا يا ماما
أميرة :متشكرة اوي يا حبيبي ….. ها يا لينا مبسوطة يا حبيبتي و نفسيتك حلوة ولا لسة
لينا :اه مبسوطة اوي
أميرة :ربنا يفرحك دائما
لينا بابتسامة :ربنا يخليكي انا هطلع انام
حبيبة :وانا كمان عندي سيكشن بدري
________
آدم كان قاعد علي سرير لينا و دموعه نازلة زي المطر
آدم :طب هو انا مش وحشتك بقا ليه مش عايزة ترجعي ليه قلبي كل يوم بيتقطع مش عارف انام عشان خاطري بقا ارجعي
آدم افتكر لينا
فلاش باك
لينا دخلت لادم و هو نايم و قعدت جنبه
و اتكلمت بصوت واطي جدا جنب ودن ادم
لينا : و قد جائتك سكرة الموت يا ادم
ادم قام اتفزع من النوم
و لينا ضحكت اوي ادم بص جنبه شاف لينا
ادم : هو انتي يا زفتة
و راح قايم من علي السرير و شالها و حدفها علي السرير و فضل يزغزغ فيها
لينا بتضحك : خلالاص يا آدم انت الكبير
يخربيتك خلالالالاص
ادم ساب لينا وقعد جنبها و لينا عدلت نفسها
لينا : يعني ينفع تنعكشلي شعرياتي كدة لسة مسرحاه يرضي مين كدة يا سيادة الريس
ادم حضن لينا :بحبك اوي يا لمضة
لينا : انا كل اللي قارفني يا ادلعدي انك هتخطب واحدة عليها برووود وتناحة ابدية و تناكة يخربيتها
ادم : بعيدا عن كل الكلام اللي فات ده ايه ادلعدي ده
لينا : بص يا سيدي
آدم : ااه بصيت
لينا : بسم الله الرحمن الرحيم مش عاارفة
ادم : لالا كلام مفيد
لينا : عيب عليك ياسطا
آدم : ياسطا نهار اسود شكل كدة 2 ثاانوي لحستلك دماغك
لينا : يا ابني انت متعرفش الثانوية دي رحلة علم هدفها هههههههه ربنا يستر عليا في 3 ثاانوي
آدم : انتي قلبتي علي دراكولا كدة لييه
لينا : يلا ياض قوم ظبط نفسك و شوف البدلة اللي هتلبسها و كدا اموت واعرف مش خطبتني ليه
ادم : يا بت اتلمي
لينا: ده انا احلي منها و ربنا
ادم : ونبي انتي لو ما كنتي اختي كنت خطبتك
لينا : يمني دي بنت محظوظة هتتخطب ل صاروخ ارض جووي
آدم بيضحك :بس يخربيتك اسكتي
لينا : طب يلا بقا قوم
باك
آدم دموعه نزلت تاني و افتكر ضحكتها كأنه شايفها قدامه قام اتوضي و صلي
_________
سليم كان قاعد في الحديقة و سرحان و افتكر لينا
افتكر لما كانت لينا في المول هي و تقي و ريم بيشترو حاجات و شافها
سليم كان ماشي وراهم عشان يلحقهم و لينا شافته و بصتله
سليم: لينا ؟؟ هوا انا بحلم ولا متخيلك في المول ؟؟
لينا بإحراج :احم …. ازيك يا دكتور سليم شوفت الصدفه ؟؟ انت عامل ايه يا ابن خالي ؟؟
و بصت ل تقي لأنها كانت متأكدة ان هي اللي قالتله زي كل مرة
سليم في سره : ( ابن خالي ايه قولي يا حبيبي ياخطيبي المستقبلي.. ياقلبي يا روحي يلا اي حاجة و خلاص ) ..
سليم : ها .. انا تمام يابنت عمتي .. انتي بتعملي ايه هنا
لينا بصت ل تقي :يعني انت مش عارف
سليم :نعم عارف ازاي
تقي ضحكت :ولا ولا حاجة
سليم :طيب بتعملو ايه هنا
ريم ضحكت : كويس انك قولت بتعملو ايه .. جمعت يعني وحسستنا اننا واقفين ولا انت مش بتشوف الا لينا
سليم : الله يسامحك ازاي مشوفش صحاب لينا …. ازيك يا ريم … ازيك يا تقي
ريم :الحمد لله بخير يا دكتور
تقي :وانا تمام الحمدلله
سليم :مبسوط اوي اني شوفتكو
ريم :شوفت مين بالظبط قصدك مبسوط اني شوفتك
تقي خبطت ريم في كتفها
سليم :لا طبعا دايما ظالماني يا ريم
لينا قاطعته : ماشي واحنا يادوب نروح عشان منتأخرش على البيت .. مع السلامه يلا يا ريم يلا يا تقي
سليم : ماشي طب انتو هتخرجو تاني ولا …….. مع السلامه
سليم بيحرك ايده بـ باي باي .. ولما بعده شوية قام قايل
سليم بصوت عالي: مع السلامه يا لينا
لينا التفتت وابتسمت ابتسامه خفيفه وكملت مشي مع صحابها
باك :
أخرجه من تفكيره صوت والدته
هالة:سليم … مالك يا حبيبي سرحان في ايه
سليم :ابدا يا ماما
هالة :لينا
سليم :خايف يا ماما حتي لو مش هتتجوزني بس ترجع اطمن عليها حتي
هالة :ان شاء الله يا حبيبي ترجع
سليم :يا ريتها ما كانت راحت الرحلة دي طالما ده هيحصل
هالة :نصيبها يا حبيبي نصيب
________
تقي كانت قاعدة في اوضتها و بتتفرج علي صورها هي و لينا مع بعض و افتكرت لينا لما كانت
فلاش باك
تقي اتصلت ب لينا
لينا : الو
تقي : الوووو ازيك يا لولو وحشتيني يا وزتي
لينا : انا تمام يا بطتي ازيك انتي اخبارك ايه
تقي : كلو تمام التمام والأمن مستتب .. ايه بقى معبرتنيش امبارح بـ ولا مكالمه اخص عليكي زعلانه منك .. كنتي فين ياهانم ؟
لينا : حيلك حيلك اللي يسمعك كدا يقول عليكي متجوزاني وراجل البيت بقى كنت خارجة انا و آدم امبارح و روحنا عند خالو حسام
تقي : طبعا طبعا .. اللي لقا احبابه .. لازم طبعا متعبرنيش ماهو آدم و بعدين احكيلي سليم شافك و عمل ايه
لينا بتضحك : بتجيبي من الاخر انتي بس بقى متفكرنيش انا بجد بتكسف جدا لما بيبصلي كدا لكن انتي عارفة مفيش من قلبي اي حاجة من ناحيته
تقي : بيحبك اوي يا لينا ولله
لينا : أيوة يا ختي و مين يشهد العريس ده انتي اللي دايما بتقوليله و بتساعديه يشوفني لكن انتي كدا بتجرحيه يا تقي انا مش بحبه
تقي بتنهيدة :نفسي تحسي بيه يا لينا هو بيحبك اوي ولله
لينا : المهم ياختي تعالي اتغدي معايا النهارده عشان نروح المول عاوزه اشتري لبس
تقي : ماشي بس غريبه هتشتري ايه احنا لسه خاربين بيت اهالينا الاسبوع اللي فات !!
لينا : ممممممممم بصراحه كدا عاوزه اشتري لبس لادم..
تقي: ربنا يخليهولك يارب
لينا : آمين يارب … يلا اخلصي في خلال ساعه الاقيكي في البيت عندي
تقي : ياستي حاضر بلبس اهو بلبـس
لينا : ايوا كدا .. يلا مستنياكي باي
تقي : باي
باك :
تقي دموعها نزلت :وحشتيني اوي يا لينا
________
تاني يوم
في فيلا عمر
لينا كانت قاعدة بتتفرج علي tv علي قناة كوكي و بتتفرج علي فيلم سندريلا و عمر كان في اوضته فاتح اللابتوب وحبيبة بتذاكر في اوضتها و هاجر بتسمع اغاني و حاطة الهاند فري و أميرة في المطبخ
جرس الباب رن و لينا قامت تفتح شافت خالد و معاه طفلة صغيرة عمرها 5 سنين
خالد :لينا ازيك
لينا :ازيك اتفضل
خالد :فاكرة اسمي ولا نسيتيه
لينا :لا مش فاكرة
خالد :انا خالد سهل ولله
لينا ضحكت :ماشي يا خالد اتفضل هي مين دي
شمس حطت ايديها علي وسطها و بعصبية:انت هتفضل ترغي معاها و سايبني كدا
خالد :لا يا حبيبتي ادخلي
لينا :لا طبعا اتفضلي بس انتي مين
شمس :انا سمس
لينا ضحكت :اسمك سمس
خالد :لا اسمها شمس بس هي عشان صغيرة لسة بتنطقه كدا
شمس :انا اسمي سمس مش سمش زي ما بتقول
لينا بتضحك :يا روحي اسمك حلو اوي
شمس :انتي مين
عمر في اللحظة دي نزل و شاف شمس
شمس جريت عليه و حضنته و عمر شالها
خالد :أيوة يا عم من لقي أصحابه بقا
شمس :اومر
شمس قصدها تقول (عمر لكن بتنطقها زي اسمه بالانجلش Omar )
عمر:قلب اومر يا ناس … حبيبتي الصغنن بتاعي
شمس مسكت خدوده :زحلانة منك يا اومر
عمر :ليه يا روحي
شمس :عسان ( عشان ) ضحكت عليا و قولتلي هسفحك (هفسحك ) وانت مس سفحتني (فسحتني )
لينا ضحكت علي طريقتها في الكلام
خالد :سوري يا لينا شمس نص حروفها ضايعة
لينا :لا دي عسل اوي
شمس و هي في حضن عمر بصت علي لينا
شمس :مين دي يا اومر
عمر :دي لينا بنت عمي
شمس :اول مرة اسوفها (اشوفها )
خالد :كانت مسافرة و لسة راجعة يا حبيبتي
شمس بصت علي لينا من فوق لتحت
عمر :ايه يا شموسة لينا عاجباكي
شمس :اه
عمر :ايه رايك فيها حلوة
شمس :اه حلوة اوي اوعي تبصلها انت انا بس ابصلها
شمس غمضت عين عمر
عمر و لينا و خالد بيضحكو علي شمس
عمر :خلاص ولله مش هبصلها شيلي ايدك طيب
شمس شالت ايدها
و في اللحظة دي حبيبة نزلت لما سمعت صوت شمس
حبيبة :شموسة حبيبتي
شمس نزلت من حضن عمر و جريت علي حبيبة حضنتها
شمس :بيبا
حبيبة :وحشتيني يا قمرايتي
شمس :وانتي كمان يا بيبا
لينا :عسل اوي شمس دي
خالد :بس بتجنني ولله
لينا :ربنا يخليهالك يا خالد
خالد :يارب
شمس :اومر هي فين أميرة
هاجر نزلت و سمعتها بتقول كدا
هاجر بعصبية :بت انتي ازاي تقولي أميرة حاف كدا
شمس استخبت في حضن عمر
شمس :يا اومر هاجر هتضربني
عمر :متخافيش يا حبيبتي دي بتهزر معاكي
هاجر شدت شمس من عمر
هاجر :انا قولتلك 100 مرة اسمها خالتو اميرة مش اميرة حاف كدا
شمس :لا امسها (اسمها ) أميرة ملكيس (ملكيش )دعوة يا رخمة
هاجر :بت انا ماليش دعوة
شمس :اه سيبيني بقا خليها تسيبني يا اومر
حبيبة :حرام عليكي يا هاجر بقا دي عيلة لسة
هاجر :مش هسيبك الا لما تديني بوسة
شمس :مش بحب ابوسك انا
هاجر :خلاص انا هاخدها
شمس حطت ايديها علي بوقها :استنى استنى انا ابوسك
و باستها شمس من خدها
هاجر :لا متنفعش البوسة دي هي بتتاخد كدا
باستها هاجر من بوقها
شمس صرخت و ضربتها بالقلم علي وشها
شمس :مس (مش ) تبوسيني كدا تاني انتي بتاكلي بقي
هاجر :انتي قد القلم ده طب تعالي كدا
جريت شمس منها و خبطت في اميرة و هي خارجة من المطبخ خبطت فيها شمس
شمس : ماما أميرة البت هاجر باستني وانا مش بحبها تبوسني و عايزة تضربني
اميرة بتضحك :ايه يا هاجر مالك و مالها
هاجر :يا ماما دي بتقول عليكي أميرة حاف كمان هي لازم تتربي كويس
حبيبة بتضحك :مش لما تتربي انتي الأول
هاجر :حبيبة خليكي في حالك
اميرة طبطبت علي شمس :بس يا روحي اهدي كدا مفيش حاجة مش هتضربك
شمس :بجد يا ماما
اميرة :بجد يا روحي
عمر :هاجر ملكيش دعوة ب شمس تاني
هاجر :طيب
اميرة :تعالي يا حبيبة حطي الأطباق علي السفرة عشان نتعشا
خالد :أيوة بقا يا خالتو لاحسن انا عصافير بطني بتوصوص
حبيبة :حاضر يا ماما
لينا راحت معاها و حضرو الأطباق مع بعض
________
بعد العشا لينا و حبيبة و شمس قعدو يتفرجو علي توم و جيري
شمس :تيجو نلعب
لينا :يلا يا حبيبتي
شمس :نلعب في الجنينة
حبيبة :للاسف مش هقدر العب معاكو عشان ورايا مذاكرة
لينا :انا معايا لعب فوق
شمس :بجد طب يلا هاتيهم نلعب
لينا :يلا يا روحي
________
يمني دخلت كافيه و كان جاسر منتظرها
يمني :سوري يا بيبي اتأخرت
جاسر :ولا يهمك يا روحي
جاسر شاور للجرسون
الويتر :أيوة يا فندم
جاسر :اتنين عصير برتقال فريش
الويتر :حاضر يا فندم
________
لينا و شمس كانو قاعدين في الحديقة بيلعبو باللعب بتاعت لينا
و خالد ايجا عندهم
خالد :يلا يا شمس
شمس :لا سيبني سوية (شوية )كمان
خالد :يا روحي هجيبك تاني بس عشان رايح الشركة بكرة بدري وانتي عندك حضانة
شمس :لا حايزة العب مع لينا
لينا :ما تسيبها يا خالد طيب و خدها بكرة
خالد :مش هينفع ولله يا لينا هي عندها حضانة بكرة
شمس :انا هزحل منك يا خالد
لينا :طب يا روحي روحي معاه و تعالي بكرة
شمس :و هنلعب
لينا بابتسامة :هنلعب طبعا
شمس باستها من خدها و حضنتها
شمس :يلا باباي (باي باي )
لينا ضحكت :باي يا روحي
عمر ايجا عندها و كانت لينا ماسكة العروسة اللي عمر اشتراهلها
عمر :شمس مشيت
لينا بابتسامة :اه
عمر :واضح ان شمس حبتك اوي
لينا : اه عسولة اوي شمس دي
عمر :مش هتنامي الوقت اتأخر
لينا :اه طالعة دلوقتي
لينا حست ان كل ما تشوف عمر بتتلخبط و قلبها بيدق جامد مكنتش قادرة تفسر الشعور ده ايه
_________
يمني : مالك
جاسر :نفسي افهم انتي ليه مش خليتينا ناخد لينا معانا حرام عليكي ده آدم و ابوه و امه فاكرين أنها يا اتخطفت يا اما ماتت
يمني بصت جامد ل جاسر و ضحكت :ماتت … لينا ماتت
جاسر بيضحك :ماتت ايه يا مجنونة بقولك فاكرين أنها ماتت
الجرسون قدم العصير
جاسر :متشكر اوي
الويتر :اي خدمة تاني يا فندم
جاسر :لا ميرسي
يمني ابتسمت و سرحت في حاجة لمدة لحظات
يمني :لينا لازم تموت و آدم لازم يفهم أنها ماتت
جاسر شرق و هو بيشرب العصير
جاسر :نعم ازاي و بعدين انتي بتكرهيها كدا ليه
يمني :يا جاسر يا حبيبي البت لينا دي ليها نص املاك انكل يوسف كاتب نص ثروته و الفيلا و الشركة و كل كل حاجة نصها لادم لآدم نصها للبت لينا و المفروض ان لينا ليها التلت و آدم التلتين
جاسر :واحنا مالنا الراجل كاتب لعياله نروح نقوله لا اكتب التلتين لادم
يمني :لا يا غبي ماهو في الاخر كلو لمين ما هو ليا انا مش انا هكون مرات آدم
جاسر :يعني انتي عايزة تعملي ايه دلوقتي
يمني :لينا تموت و آدم يصدق أنها ماتت فعلا
جاسر بصدمة :……

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية بداية حياتي معاك)