رواية حبي الوحيد الفصل الثاني عشر 12 بقلم جنى أحمد

رواية حبي الوحيد الفصل الثاني عشر 12 بقلم جنى أحمد

رواية حبي الوحيد البارت الثاني عشر

رواية حبي الوحيد الجزء الثاني عشر

رواية حبي الوحيد الحلقة الثانية عشر

ليل بصدمة: …….من صدمته معرفش يتكلم وحس أن الدنيا وقفت بيه بس بعد كدا فاق من شروده ونزل من العربية
ليل: انتي كويسة؟؟
غزل وهي بتقفل باب العربية بعصبية: يعني انت مش شايف طالما مش بتعرف تسوق بتسوق ليه؟
ليل بهدوء: بجد آسف
غزل: واعمل ايه انا بأسفك افرد كان حصلي حاجة كنت هعمل ايه ساعتها
ليل بعصبية بيحاول يخفيها: وحصلك حاجة ما انتي كويسة اهوا
غزل: محصليش بس كان هيحصلي وبعدين انت اللي غلطان وبتزعق كمان ايه البجاحة دي
ليل: أستغفر الله العظيم انا عارف اني انا اللي غلطان واعتذرت
غزل: وبالنسبة للعربية اللي اتطبقت زي الورقة كدا ايه اخبارها
ليل: تصليح العربية كلها علي حسابي
غزل وهي بتحط أيدها علي وسطها:ب مشواري دلوقتي اروحه ازاي اخده مشي
ليل في سره: شكلها لسانها طويل
ليل وهو بيجز علي سنانه: تعاااالي اوصلك
غزل: لا مركبش مع واحد معرفهوش…….طلعلها الكارت بتاعه وهو مكتوب عليه ليل الجرحي وعرفت انه ابن سليم الجرحي
غزل: أيوة ايه يعني ابن سليم الجرحي ومركبش معاك بردوا
ليل: طيب خليكي واقفة…ولسة رايح لعربيته
غزل: خلاص خلاص هركب
ليل: ما كان من الاول
غزل راحت خدت فونها ومحفظتها وراحت وهي بتبرطم
ليل: ممكن اعرف انتي هتروحي فيه عشان عندي شغل
غزل: نفس المكان اللي هتروحه دلوقتي
ليل بصدمة: اييييه هتعملي ايه في الشركة
غزل بسخرية: انا غزل السيوفي اظن اكيد تعرف رامي السيوفي
ليل وهو بيفتكر: مش غريب عليا الاسم دة افتكرته رامي السيوفي دة صاحب أكبر شركات السيوفي وانتي بنته
غزل: اكيد يعني اومال ليه اسمي غزل السيوفي ثانية انت عرفت منين
ليل: رامي السيوفي دة يبقي صاحب بابا علاقات رجال اعمال
وكدا بس ازاي
غزل: هو ايه اللي ازاي
ليل: ازاي رامي السيوفي تبقي دي بنته
غزل برفعة حاجب: ومالها بنته
ليل: مالها أنها لسانها طويل
غزل: لوسمحت متتعداش حدودك
ليل: هو مين اللي بيتعدي حدوده في الاول خبطتك بالعربية عارف اني غلطان واعتذرت وقلتلك ان كل مصاريف تصليح عربيتك هدفعها وفضلتي تبرطمي بالكلام وعديتها وكل دة مش عاجبك لما قلتلك انك لسانك طويل دة اطول منك
غزل: اولا انت السبب لانـ…………
ليل: انا همشي للشركة اربطي حزام الامان واسكتي لاني مش بحب الكلام الكتير
غزل وهي بتربط حزام الامان: مش عايز يتربط
ليل ببرود: روحي اقعدي ورا
غزل: مش بحب اقعد ورا نفسي بيتكتم
ليل: غريبة اول مرة اشوف واحدة نفسها بيتكتم لما بتقعد ورا
غزل: واديك شوفت انا
ليل: ياربييييي عنيدة ولسانها طويل….وقرب منها عشان يربطلها الحزام وهي كانت متوترة من قربه ليها
ليل: مهو اتربط حتي فاشلة في دي
غزل: انا مش فاشلة كل دة عشان معرفتش أربط الحزام شوف مين اللي بيتكلم اللي لسة خابطني بالعربية ومش شايف نفسه غلطـ……
ليل: بسسسسسس انا آسف يخربيت اللي يعاند معاكي
غزل: انت……
ليل: اووووف ازاي انتي بنت رامي السيوفي دة باباكي هادي وفرفوش وعلي طول بيضحك مش زيك
غزل: انا فرفوشة وبضحك بس مع الناس اللي اعرفهم
ليل: طيب يلا نمشي عشان اتأخرت جااامد..التليفون رن
ليل وهو لابس الايربودز بتاعته وبيسوق: الوو يا بابا معلش اتأخرت انهاردة عشان خبطت في عربية
سليم بخوف: حصلك حاجة انت كويس
ليل: لا الحمدلله كويس بس تخيل خبطت في مين
سليم: مين
ليل: غزل السيوفي بنت رامي السيوفي
سليم: وهي كويسة
ليل: أيوة كويسة
سليم: ايه الصدفة دي دة رامي السيوفي موجود معايا في المكتب دلوقتي وكان بيقول أن غزل كانت ماشية بالعربية وقالت هتعدي علي الشركة فهتيجي تسلم عليه
ليل: ما هي معايا دلوقتي وجايين علي الشركة
سليم بضحك: سبحان الله ايه الصدفة دي المهم تعالي بسرعة بس خلي بالك اللي تخبط في حد تاني
ليل: متخافش وقفل معاه وبص علي غزل لاقاها بتقلب في مواقع وكل الكلام اللي فيه بالانجليزي
ليل: شكلك بتحبي الانجليزي
غزل بتلقائية: الانجليزي بالنسبالي كانت لغتي ومادتي المفضلة وكانت درجاتي حلوة فيه وكان كل مدرسين الانجليزي يقولولي ليكي مستقبل باهر
ليل: كنتي دخلتي كلية ألسن قسم انجليزي
غزل: دة كان حلمي وكنت عايزة ادخل كلية ألسن قسم انجليزي بس للاسف مجموعي مجابش وقفت معايا علي درجتين وكمان وفاه ماما قصرت فيا
ليل بزعل: الله يرحمها انا آسف لو فكرتك بيها
غزل بدموع: لا ولا يهمك
ليل: انا اختي في كلية ألسن قسم انجليزي علي فكرا
غزل: امممم
ليل: يلا انزلي وصلنا……ونزلوا وطلعوا لمكتب سليم
غزل السيوفي تبلغ من العمر 25 عاما تمتلك عيون سوداء وبشرة قمحاوية وشعر اسود طويل حرير
رامي السيوفي يبلغ من العمر 58 عاما يمتلك عيون بني وبشرة قمحاوية وشعر بني
____________
“عند مراد وندي”
ندي: ايه هي الخطة اللي هنعملها عشان متجوزش رامي
مراد: ………..
ندي: مراد دي مخاطرة كبيرة عارف لو اتأخرت ثانية واحدة ساعتها هبقي مرات رامي وهو جوزي رسمي
مراد بغيرة: بس متقوليش جوزي
ندي بضحك: احنا في ايه وانت في ايه
مراد: ميت مرة اقولك متقوليش أسم راجل تاني علي لسانك
ندي بضحك: يعني لو انا عندي اخ وناديته باسمه هتزعل
مراد: لو اخوكي عادي لكن حد تاني لاااااا
ندي: خلاص طيب بتزعق ليه
ندي بثقة: موافقة علي الخطة بس زي ما قولتلك اوعي تتأخر
مراد بحب: يعني معقولة اتأخر يعني لو انا كتمت نفسي تحت المية اكيد مش هتأخر وهطلع برا المية عشان اخد نفسي انتي بقا نفسي
ندي: ……… التليفون رن
ندي: الوو يا ماما
نادية: ندي رامي رن دلوقتي وسألني عليكي وقلتله انك بتشتري حاجات نقصاكي من برا
ندي بتوتر: اوعي تكوني قلتيله علي اسم المحل
نادية: لا مقلتلهوش علي اسم المحل وفيها ايه يعني لو قلتله علي إسم المحل
ندي: احم احم يعني قصدي أنه هييجي ليه يعني
نادية: المهم تعالي عشان انتي اتأخرتي مافيش وقت فاضل علي الفرح تلت ايام انا كلمت ناس عشان يعملوا ديكور الفرح
ندي بضيق: حاااضر جاية
مراد: في ايه وشك عمل كدا ليه
ندي: ماما بتقول أن رامي رن عليها وبيسأل عليا
مراد بغيرة: بردوا بتقولي رامي
ندي: خلاص هقول زوجي المستقبلي عشان انت بتغير
مراد: أمشي يا ندي من وشي دلوقتي
ندي: خلاص بقا متبقاش قفوش سلام متنساش الدوا بتاعك
مراد: حاضر يا قلبي
ندي بخجل: انا ماشية سلام
مراد: نسيت اقولك متنسيش تحاولي تعصبي رامي وتمسكي عليه اي كلام
ندي: انا حريفة في الحاجات دي هبهرك يلا سلام
مراد بحب: سلام
وسابها وراح ركب عربيته واتجه إلى فيلا الجرحي وهي ركبت عربيتها واتجهت إلى فيلا الاسيوطي
____________
“في الشركة”
ليل وهو بيسلم علي رامي: ازي حضرتك
رامي: الحمدلله
غزل وهي بتسلم علي سليم: ازيك يا عمو
سليم: الحمدلله يا…..
غزل: غزل اسمي غزل
سليم: زينة الاسامي
رامي: انا همشي دلوقتي يا سليم اشوفك مرة تانية
سليم: ماشي يا حبيبي اشوفك مرة تانية
رامي: أن شاء الله
ليل: دة رقمي لو احتاجتي اي حاجة وعشان عربيتك بردوا
غزل: شكرا
وسليم ورامي بصوا لـ بعض وفضلوا يضحكوا
غزل: بتضحكوا علي ايه
رامي: اتعرفتوا بسرعة
ليل: لو حضرتك كنت شوفت طول لسانها
رامي بضحك: تلاقيك عاندتها
ليل: معاندتهاش ولا حاجة هي بس اللي علي طول بتتسرع في الكلام
غزل: بأمارة لما قلتلي اول مرة اشوف واحدة نفسها بيتكتم لما بتقعد ورا وفضلت تضحك
ليل: حاجة غريبة الصراحة
غزل: معلش انا كدا
رامي وسليم فضلوا يضحكوا
رامي بضحك: يلا يا غزل عشان نمشي
غزل: يلا………وراحوا ركبوا عربيتهم
مازن: ايه يا ليل المزة اللي طلعت من شوية دي
ليل: ما تحترم نفسك يا مازن
سليم: دي تبقي بنت رامي السيوفي ايه مشفتهوش طالع معاها
مازن: لا شوفتها هي بس
ليل: يبقي انت كنت مركز معاها لو مكانش همك كنت شوفته
مازن وهو بيرفع لياقة القميص وبيقول بتكبر مصطنع وضحك: يابني دي بنت عادية مش دي اللي توقعني
ليل: اه ما هو باين
سليم: طيب عندنا شغل ممكن نشتغل ولا لسة عندكوا كلام لغزل
مازن: هي اسمها غزل
ليل: ييييه هنفضل نتكلم اسمها وشكلها يلا يا بابا عندنا شغل
مازن: ماشي…..وبدأوا شغل
_-_-_-_-_-_-_-_-_-_-_-_-_
“في فيلا الاسيوطي”
ندي دخلت الفيلا وهي بتنادي: مااماا
نادية: يابنتي وطي صوتك في ايه
ندي: انا عايزة أفطر انهاردة نزلت من غير فطار
نادية: ماشي بس ثواني فين الحاجة إللي انتي جبتيها
ندي: ما انا ملقتش الحاجة اللي انا عايزاها
نادية: يعني بقالك ساعتين ونص برا في الاخر تقولي ملقتش حاجة اللي انتي عايزاها
ندي: اعمل ايه طيب الحاجة إللي عايزاها هجيبها اونلاين
نادية: طيب اطلبي كل حاجتك انهاردة عشان يلحقوا يوصلوا
ندي: حاضر
نادية: هخلي هنادي تحط الفطار يلا بقا عشان الناس جاية كمان ساعة
ندي: ناس مين
نادية: يابنتي الناس اللي هيعملوا ديكور الفرح
ندي: اه اه افتكرت ماشي
نادية: طيب اطلعي غيري هدومك وتعالي افطري
ندي: حاضر يا دودو
_-_-_-_-_-_-_-_-_-_-
“في فيلا الجرحي”
مراد: عاملين ايه
ثريا: الحمدلله شكلك مبسوط يعني
مراد: طلعت اشم هوا وريحة الورد حلوة…انا حعان خلي ماما سميحة تحط الفطار وانا هطلع اخد علاجي
ثريا بصدمة: علاجك**
مراد: هو انا قلت حاجة غلط
ثريا: لا لا بس امبارح مكنتش عايز تاخده
مراد: امبارح يوم وانهاردة يوم تاني
ثريا بفرحة: طيب اطلع غيّر هدومك وهخلي سميحة تعملك البيض الاومليت اللي انت بتحبه
مراد بإبتسامة: ماشي
_-_-_-_-_-_-_-_-_-_-_-_
“في فيلا الاسيوطي”
رامي بيرن علي ندي
ندي بضيق: الوو
رامي: هننزل انهاردة يا قلبي عشان نجيب فستان الفرح
ندي: حاضر هنزل الساعة كام
رامي استغرب موافقتها: الساعة 5
ندي بغباء: الصبح ولا بليل
رامي: بليل ازاي هنصلي الفجر وننزل
ندي: خلاص يبقي الصبح ماشي هيستناك
رامي: شايفك مش معارضة
ندي: يعني ولا كدا عاجب ولا كدا عاجب
رامي: خلاص هستناكي 5 يا قلبي
ندي بضيق: متقولش قلبي
رامي: براحتي
ندي في سرها: قل راحتك يا بعيد
ندي: ماشي هستناك 5 وقفلت في وشه الخط
رامي بعصبية: دي تاني مرررة تقفل وشيييي ماشي يا ندددي الصبر
________
ندي: ماما انا هروح مع رامي انهاردة عشان نروح نجيب الفستان
نادية: ماشي يا حبيبتي
ندي: بابا فين
نادية: في المستشفي مينفعش يسببها
ندي: اممم طيب يا دوب الحق البس واجهز عشان اروح مع رامي عشان نجيب الفستان
نادية: ماشي يا حبيبتي……..وطلعت علي اوضتها
نادية: ربنا يخليكوا لبعض وافرح بيكي(هدف رائع لكن في مرمانا😂😂)
لبست دريس اسود وكوتشي ابيض وسرحت شعرها كحكة لفوق وحطت برفيوم وميكب بسيط ونزلت
ندي: انا هروح يا ماما
نادية: ماشي يا ندوش
ندي قبلت خدها وطلعت ركبت العربية مع رامي
رامي: شكلك حلو
ندي: ……………
رامي: بكلمك
ندي بضيق: نعم
رامي: مالك في ايه
ندي: هو ايه اللي مالي متجوزني بالغصب ومهددني وعايزين بكل برود ارد عليگ
رامي: انا ملاحظ انك بقيتي تتكلمي بقلب متنسيش انا ممكن اعمل ايه
ندي اتبسطت وشغلت التسجيل وقالت هتعمل ايه يعني
رامي: لا هعمل كتييير وانتي عارفة هعمل ايه
ندي: لا مش عارفة فكّرني
رامي: هندمك علي اللحظة اللي اتولدتي فيها
ندي: هو ايه طريقتك دي
رامي: معلش يا قطة كل حاجة وليها ضريبتها عشان تحمي مستشفي باباكي وتحمي عيلة مراد وعيلتك وتتجنبي قتـ”ـلي وشرّ”ي لازم تعملي كدا
ندي: قذ”ر
رامي وقف العربية بعصبية وقال: قسما بالله يا ندى لو قليتي اديك تاني لازعلك
ندي: هتعملي ايه
رامي بزعيق: متختبريش صببببببري يلا انزلي وصلنا ..ونزلت وكانت مبسوطة انها سجلتله وقدرت تشوف العصبية في عينه
___________
“في المحل”
البنت: اوي حضرتك يا استاذ رامي
رامي: خدي ندي وشوفيها عايزة ايه
رامي لـندي: اختاري اللي انتي عايزاه
ندي: ماااشي

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية حبي الوحيد)