رواية بداية حياتي معاك الفصل الحادي عشر 11 بقلم داليا أحمد
رواية بداية حياتي معاك الفصل الحادي عشر 11 بقلم داليا أحمد
رواية بداية حياتي معاك البارت الحادي عشر
رواية بداية حياتي معاك الجزء الحادي عشر
رواية بداية حياتي معاك الحلقة الحادية عشر
( حبيبة فتحت باب الاوضة على هاجر فجأة حبيبة وهي باصه على موبايل هاجر )
حبيبة: ايه ياختي شوفتي عفريت ؟ مش على بعضك ليه ؟
هاجر : هه مممم لا بس
حبيبة :ها ايه مالك في ايه
هاجر قفلت بسرعة المكالمة و قالت
هاجر:سيرين اتصلت والخط قطع فجأه .. اكيد البطاريه فيها حاجه…
حبيبة : مممممممم ماشي .. قومي صلي المغرب .. العشاء هتأذن كمان ربع ساعه
هاجر : اوكي
(خرجت حبيبة و جريت هاجر على الحمام وهي ماسكه قلبها وبتحمد ربنا ان اللحظه دي عدت على خير )
________________
عمر :افتحي العلبه اللي قدامك ده
فتحت لينا العلبه و بصت باستغراب لعمر لقيت لاب توب لونه بينك
عمر و هو فاتح اللاب توب بتاعه بيشتغل و مش باصص علي لينا
عمر :انا جبتهولك عشان اكيد هتحتاجيه في دراستك خصوصا ان كلية السن محتاجة الإنترنت كتير و برامج الترجمة
لينا:متشكره اوي
عمر: اهم حاجه عايزك تكوني متفوقه في دراستك و تجيبي تقدير كويس
لينا:حاضر ان شاء الله
لينا حست انه مشغول و مش باصص عليها
لينا:عن اذنك
عمر من غير ما يبصلها :اتفضلي
لينا :عمر
عمر :نعم
لينا :انا مش بفهم في الانترنت
عمر :حاضر انا هخلص شغلي و اعلمك
لينا :طيب
عمر :ولا اقولك
لينا :ايه
عمر :هعلمك دلوقتي
لينا بابتسامة :ماشي
عمر حرك الكرسي بتاعه و قعد جنب لينا و بيفتح اللاب
عمر :انا هشغله عشان تعرفي بيتفتح ازاي دي اول حاجة
لينا :اوك
________________
آدم كان قاعد علي مكتبه بيذاكر و موبايله رن
آدم :السلام عليكم
يمني:عليكم السلام
آدم :عاملة ايه
يمني:تمام وانت
آدم :تمام الحمد لله
يمني :بقولك يا حبيبي
آدم: قولي
يمني :ماما عازماك بكرة علي العشا
آدم :اشمعنا يعني
يمني :ابدا هي قالتلي اتصلي بادم وحشني و خليه يجي
آدم :حاضر هشوف لو عرفت اجي
يمني :ماشي يا بيبي …. بتعمل ايه
آدم :بذاكر
يمني :طيب عايزة اقولك علي حاجة بس مكسوفة
آدم :احنا واحد و انتي عارفة كدا
يمني:بصراحة الكريدت كارت بتاعتي خلصت الفلوس فيها
آدم :حاضر من بكرة هملهالك تاني هحطلك فيها فلوس
يمني :ميرسي اوي يا حبيبي ربنا ميحرمنيش منك ابدا
آدم :ولا منك يا يمني و ربنا يهديكي
يمني بتضحك:حاضر انا هقفل عشان أذاكر بقا و اشوفك بكرة في الجامعة و متنساش العزومة بكرة ها
آدم :حاضر مش هنسي
يمني :سلام
آدم :سلام
يمني قفلت معاه
سماح:انا نفسي افهم انتي عزمتيه ليه
يمني :اهم حاجة تتكلمي انتي و بابا و تحاولو تخليه يقصر الخطوبة شوية
سماح :ليه مستعجلة اوي كدا
يمني :عادي مش فارقة بس اهم حاجة تقولوله امتي الفرح و كدا انا داخلة اخد شاور
حنين :انا نفسي افهم هو مش بيديكي مصروف لما بيشوفك و الكريدت بتاعتك دي كان لسة ماليها قبل ما اخته تختفي و تموت و لا لحقتي تخلصيها
يمني :ايه ده صوتك علي لا و كمان مراقباني
حنين :ولا علي ولا حاجة بس صعبان عليا آدم
يمني :حبيبتي ميصعبش عليكي غالي فكرك يعني شوية الملاليم دي فلوس دول ميفرقوش نقطة في فلوس آدم
حنين :شوية الملاليم دي انتي مش بتاخديهم من بابا لو حوشتي مصروفك 100 سنة قدام عموما انا داخلة اذاكر و مش هتناقش في الكلام مع واحدة زيك
يمني :احسن برضو و هسيبك دلوقتي عشان مزاجي حلو
_________________
عمر :تمام كدا يا لينا انا فهمتك تفتحيه ازاي و تستخدمي الإنترنت ازاي تمام
لينا :تمام كنت عايزة اشترك في جروب الدفعة بتاعتي
عمر :مين قالك عليه
لينا :دي اسراء زميلتي في الجامعة قالتلي عليه لو في اسالة أو حاجة
عمر :اه بس لازم يكون عندك أكونت علي الفيس بوك
لينا :امممممم
عمر :تحبي اعملك أكونت
لينا :ماشي
عمر :اوك هاتي موبايلك عشان احملك الابليكش عليه و اعملك واتساب كمان
لينا :اوك
________________
جاسر كان قاعد مع والدته و اخته الصغيرة فاطمة في اولي ثانوي بيذاكرلها
فاطمة :وحشتني اوي يا جاسر ولله خليك قاعد معانا علي طول كدا ولله بفهم منك اكتر من المستر بتاعي
جاسر:عيب عليكي ده انا كلها كام شهر و اكون باشمهندس قد الدنيا
هدي (والدته ):ربنا يباركلي فيك يا حبيبي و يكرمك و يبعد عنك ولاد الحرام يارب
جاسر :اه و النبي ياما ادعيلي
هدي :عامل ايه في شغلك
جاسر : الحمد لله يا امي
هدي :ربنا يصلح حالك يارب
جاسر موبايله رن
جاسر :ثواني يا بطة هرد علي صاحب الشغل بتاعي أشوفه عايز ايه و راجعلك
فاطمة :ماشي
جاسر خرج و دخل اوضته يرد
جاسر :نعم
يمني :ايه ده بقا دي طريقة تكلم بيها يويو حبيبتك كدا
جاسر بخنقة :عايزة ايه
يمني ضحكت :من امتي بتكلمني كدا الله يرحم أيام ما كنت هتموت عشان تكلمني
جاسر :أيام بقا كنت غبي
يمني :للدرجة دي مش طايقني
جاسر :عايزة ايه انجزي مش فاضي
يمني :مالك يا جاسر لا فوق كدا مش انا اللي تكلمها بالطريقة دي فاهم
جاسر :عايزة ايه
يمني :وحشتني
جاسر :وانتي مش وحشتيني
يمني :جاسر مالك يا حبيبي بتكلمني كدا ليه
جاسر :انا قرفت مني و منك و من كل حاجة قرفت من نفسي انا بخون صاحبي
يمني ضحكت :وانت بقا يا حبيبي لسة فاكر دلوقتي انك بتخون صاحبك و بقيت تقرف مني
جاسر :يمني انا زهقت بقا ارحميني
يمني بتمثيل:جاسر انا بحبك ولله صدقني انا هسيب آدم و هكون معاك و وقتها آدم هيفهم اني مكنتش بحبه و كنت بحبك انت احسن ما نفضل خادعينه كدا و هو لو موافقش صدقني خلاص هنعمل اللي يقولو
جاسر :طيب
يمني :بحبك
جاسر :وانا كمان للاسف
يمني :عايزة اقابلك ممكن
جاسر :حاضر هشوف كدا
يمني :ماشي يا حبيبي
جاسر :باي دلوقتي
يمني :باي
_________________
عمر :بس كدا عملتلك أكونت على الفيس و ضيفت حبيبة بس متضيفيش حد متعرفيهوش ماشي
لينا:حاضر و ضيف نفسك و مريم
عمر :ماشي هبعت ادد ليا و لمريم
لينا :اوك تمام
عمر :تمام بعتلهم ايه ده في حاجة غريبة
لينا:ايه
عمر :واحد باعت ادد اسمه آدم كنسلته
لينا :آدم
عمر :اه بس اكونت جديد اصلا و شكله فيك جدا مش بتاع حد
لينا دماغها وجعتها و حست بصداع جامد و عمر لاحظ
عمر :مالك
لينا :مفيش بس الصداع رجع تاني
عمر:انتي كويسة دلوقتي
لينا :ااه
لينا بصت في عيون عمر لحظات و عمر لاحظ كدا و استغرب
عمر : انتي بتبصيلي كدا ليه
لينا بصت الناحيه التانيه وخافت يلاحظ أنها بتحبه و سكتت
عمر : مبترديش ليه
لينا سكتت و متكلمتش و كانت مكسوفة منه
عمر قرب منها و حاول يبص عليها يشوفها مالها لينا خافت و اتكسفت و بعدت عنه
عمر :لينا مالك متخافيش انا بشوفك مالك ولله مقصدش حاجة
لينا : طيب انا فاهمة بس
عمر :مالك يا لينا انتي مخبية عني حاجة
لينا بصت في عينيه اوي و قلبها دق جامد و حست أنها هتضعف و تعترفله خلاص و فجأة افتكرت جملة اميرة (اوعي تعترفي بحبك لاي راجل )
لينا :عمر انا
عمر :ها
لينا سكتت تاني
عمر : عايزة تقولي حاجه
لينا بصت ليه جامد ودموعها نزلت منها
عمر : اوعي تعيطي
ومسحلها دموعها و مسح علي شعرها و حاول يديها
عمر :مالك يا لينا بتعيطي ليه
لينا :انا تعبت يا عمر تعبت اوي
عمر :من ايه
لينا :يا عمر انا معرفش حاجة عني هما اهلي نسيوني ولا ايه ليه مدوروش عليا وانا مش فاكرة اي حاجة عني انا زهقت و تعبت نفسي ارجع لاهلي و أصحابي اللي معرفش عنهم اي حاجة ولا اعرف انا مين
عمر حس بالذنب في اللحظة دي و قال لنفسه :انا السبب يا لينا مش عارف ايه اللي وقعك في طريقي ولله ما عارف
لينا :عمر انا تعبت بقا انا عارفة انك بتجيبلي كل حاجة بحتاجها و ماما و حبيبة بيحبوني جدا بس ده مش كل حاجة في حاجات كتير نقصاني ناقص اني افتكر بس
عمر :طب ممكن تهدي عشان خاطري
لينا هديت شوية و سكتت
عمر :لازم تعرفي ان كل شيء في الدنيا مكتوبلنا و نصيب انتي قدرك وقعك في طريقي و شوفتك و اخدتك ربنا اكيد ليه حكمة في كدا يا لينا ربنا قال : و عسى ان تكرهه شيئا و هو خيرا لكم و عسي ان تحبه شيئا و هو شر لكم و الله يعلم و انتم لا تعلمون
لينا :صدق الله العظيم
عمر :لازم تفهمي ان كل حاجة في حياتنا مكتوبة لينا ان يحصلنا كدا يمكن مثلا حصل كدا عشان نتقابل و تشوفي ماما وحبيبة و شمس يمكن حصل كدا عشان حاجات كتير ربنا هو اللي عالم بيها مينفهش نزعل و نعيط اكيد هترجعي لاهلك و اكيد هتفتكري بس الصبر يا لينا اصبري شوية و كل شيء هيتحل ولله
لينا :حاضر
عمر :خلاص مش عايزك تعيطي تاني انا مش بحب اشوف دموعك دي
لينا :ماشي انا هقوم اذاكر
عمر :ماشي
لينا اخدت اللابتوب و الموبايل و خرجت قابلت هاجر و هي طالعة اوضتها
__________________
هاجر :الله الله ايه ده بقا اللاب ده بتاع مين
لينا :بتاعي عمر جابهولي
هاجر :بمناسبة ايه ان شاء الله
لينا :عادي من غير مناسبة عشان هحتاجه في دراستي و بعدين ما انتي عندك واحد متضايقة ليه
هاجر : تتهني بيه يا حبيبتي عن اذنك
لينا :اتفضلي
_____________
لينا دخلت الأوضة بتاعتها اللي مشتركة بينها هي و حبيبة
حبيبة :تعالي هنا كدا قوليلي اتاخرتي ليه
لينا :حيلك حيلك اهدي شوية اخد نفسي
حبيبة :مانا لازم اعرف و بالتفصيل الممل اللي حصل
لينا ضحكت :حاضر هحكيلك
_______________
تقي كانت بتذاكر و حست أنها مخنوقة و عايزة تتكلم مع و والدتها كانت نايمة خرجت قعدت في البلكونة و اتصلت علي ريم
تقي :يوووه يا ريم ردي بقا شكلها نامت تقريبا طب انا هتصل علي سليم بس لا الوقت اتاخر هيقول ايه ولا اتصل عادي مش هيحصل حاجة
تقي بترن علي سليم و كان وقتها قاعد في كافيه مع صحابه كنسل عليها
______________
لينا :و بس كدا يا حبيبة ده اللي حصل
حبيبة :اممممممم يعني قالك مش بحب اشوف دموعك و مسحلك دموعك و قالك متعيطيش
لينا هزت راسها :أيوة
حبيبة:طب ما حلو كدا كدا بقا بداية الحب
لينا :قصدك بداية التخيل عندك
حبيبة ضحكت :يا لولي ولله عمر بيحبك ايش فهمك انتي اهم حاجة انك معترفتيش
لينا :أيوة الحمد لله
حبيبة :بس ولله شكله بيحبك بجد
لينا :تفتكري
حبيبة :شور يا بنتي
لينا :طيب نامي بقا
حبيبة :حاضر صليتي العشا
لينا :لا هصلي
______________
سليم :ثواني هعمل مكالمة و راجعلكم
صاحبه:ماشي
سليم قعد برة و اتصل علي تقي و فرحت لما إتصل لأنها كانت حست انها احرجت نفسها
تقي :الو
سليم :ازيك يا تقي
تقي:الحمدلله وانت عامل ايه
سليم :الحمدلله تمام معلش كنسلت عليكي عشان قاعد مع صحابي
تقي:لا ابدا ولا حاجة
سليم: المهم انتي عاملة ايه و اخبارك ايه
تقي:انا مخنوقة اوي و متضايقة و مش عارفة اعمل اي حاجة في يومي حاسة اني خلاص اتخنقت اوي من كل حاجة
سليم :معلش يا تقي هي صدمة لينا كانت غير متوقعة خالص ربنا يرحمها
تقي:وحشتني اوي يا سليم مش قادرة أصدق أنها خلاص ماتت
سليم :ربنا يرحمها
و في سره: (وحشتني انا كمان جدا )
تقي:يارب
سليم :المهم انتي كويسة دلوقتي ولا لسة مخنوقة
تقي:مش عارفة بس لسة مخنوقة
سليم :طب و اللي يخرجك من الخنقة دي
تقي بتضحك بحزن:معتقدش اني هرجع زي زمان
سليم : تقي بقولك انتي فاضية بكرة او وراكي حاجة بعد الجامعة
تقي :لا مش ورايا حاجة بس ليه
سليم :ابدا هنخرج في مكان حلو جدا بروحه ايه رايك تيجي و بالمرة تغيري جو
تقي :تمام مفيش مانع
سليم:تمام بكرة هكلمك و نتقابل
تقي :اوك
سليم :تقي انا عمري ما انسي اللي عملتيه و اللي كنتي بتعمليه عشاني مع لينا الله يرحمها
تقي:انت أخويا يا سليم و لينا كانت اختي و انا اكتر واحدة كانت عارفة انت قد ايه بتحبها
سليم :ربنا يخليكي يا تقي ربنا يعلم انا بعزك قد ايه
تقي :وانا كمان
سليم :طيب انا عشان سبت صحابي ولله و خرجت اكلمك هدخلهم و لما اروح البيت لو صاحية هكلمك تمام
تقي:تمام ولا يهمك
سليم :باي
تقي:باي
_________________
هاجر قاعدة في اوضتها و بتفكر
هاجر لنفسها :يعني لينا و عارفة أنها معجبة لعمر و ده عرفته بذكاءي اما بقا عمر يجيبلها لاب هدية و مهتم بيها يبقا شكله مهتم و معجب هو كمان بس لا يعني لينا ممكن تتخطب قبلي مستحيل و مستحيل كمان انا اتخطب قبل اخويا و اختي طب الحل ايه بقا اه لقيتها الحل اني اصاحب لينا و في نفس الوقت ادور لعمر علي عروسة تانية اومال يعني يتجوز لينا طب ما مريم موجودة يبقا اروح لبعيد ليه بس كدا تمام اوي والله دماغك حلوة يا جوجو
____________________
تاني يوم الصبح
لينا صحيت و لبست و هي خارجة من الأوضة قابلت هاجر في الطرقة
هاجر :لينا
لينا :نعم
هاجر :انا اسفة
لينا باستغراب:نعم اسفة علي ايه
هاجر:اسفة علي اني كنت بعاملك وحش قبل كدا
لينا :ده بجد انتي هاجر فعلا
هاجر :اه ولله بجد بصي احنا من انهاردة صحاب و اخوات متزعليش مني تاني
لينا بسعادة :انا انا مصدقة نفسي انا كنت بقول انتي اكيد من جواكي طيبة
هاجر:متزعليش مني بقا من اللي حصل قبل كدا
لينا:لا مش زعلانة بالعكس
هاجر :انا هنزل بقا عشان الحق الباص بتاعي
لينا :ماشي يا هاجر اتفضلي
حبيبة خرجت من اوضتها و شافت لينا واقفة سرحانة
حبيبة :انتي يا بنتي مالك واقفة كدا ليه
لينا :هاجر
حبيبة :عملتلك ايه تاني
لينا :هاجر صالحتني و قالتلي متزعليش من اللي حصل قبل كدا و احنا من انهاردة صحاب و اخوات
حبيبة:بجد من نفسها كدا
لينا :اه ولله
حبيبة :غريبة يعني بس ربنا يهديها
لينا:يارب
حبيبة :يلا انا نازلة عشان متاخرش علي الكلية و انتي انزلي عشان تفطري و عمر يلحق يوصلك
لينا:ماشي
___________________
نزلت حبيبة و خرجت و ركبت عربيتها و لينا قعدت علي السفرة كانت عليها فطار و حاطة ايديها علي خدها
اميرة جت و قعدت جمبها
اميرة : مالك يا لينا
لينا : حاسة ان مفيش امل اني ارجع لاهلي و هفضل هنا كتير
اميرة : خلي املك في ربنا كبير و اصبري الصبر حلو
لينا :و نعم بالله
اميرة :وانتي زهقتي مننا بقا يكون في علمك لو رجعتي لأهلك هتفضلي لينا بنتي
لينا :اكيد طبعا يا ماما هتفضلي امي دايما
في اللحظة دي عمر دخل عندهم وباس مامته في خدها وقال
عمر:صباح الخير يا ماما….صباح الخير يا لينا
اميرة :صباح الخير يا حبيبي
لينا:صباح الخير
عمر :يدوب افطر حاجة خفيفة عشان اوصل لينا الجامعة و اروح انا المستشفى
أميرة :ربنا معاكو يا حبايبي
بعد الفطار سلمت لينا على اميرة وركبت مع عمر العربيه وفضلت لينا ساكته طول الطريق و عمر كان بيتكلم في الموبايل مع موظف عنده بخصوص شغله لحد ما وصلها الجامعة و مشي
____________________
وصلت لينا الجامعة و دخلت معندهاش اصحاب لحد الان هناك كانت متعرفتش على حد هناك دخلت اول محاضرة عندها و المعيد بدأ يشرح و قبل نهاية المحاضرة اتكلم و قال
الدكتور :انهاردة يا جماعة اليوم مختلف شوية عايز اتعرف عليكم بس مش بالأسماء بس عايز اعرف كل شخص فيكم دخل الكلية دي ليه و ايه الموهبة اللي عندكم و بتحبه ايه يلا مين هيبدا
قام شخص رفع ايده و وقف و قال :انا يا دكتور ممكن
الدكتور :اتفضل تعالي هنا و امسك المايك عرفنا بنفسك
وقف الشخص ده جنب الدكتور و مسك الميكرفون و بدأ يتكلم و قال:انا اسمي بسام …. بصراحة انا كنت في كلية تربية موسيقي لاني بحب العزف جدا بس بابا مكنش موافق عليها السنة اللي بعدها خلاني احول هنا و قالي موهبتك حاجة و دراستك حاجة تانية و بس كدا اقول ايه تاني
الدكتور ضحك:عندك كام سنة و بتمارس موهبتك ازاي
بسام:20 سنة انا اصلا داخل متأخر سنة و ضاع سنة مني لما حولت من كلية لكلية و بمارس موهبتي اني بشتغل مع مطربين صغيرين او اعمل عزف لاغاني في أفراح او حفلات كدا يعني
الدكتور :تمام يا بسام ما تسمعنا حاجة من موهبتك بقا
بسام :هنا
الدكتور :اه عادي معاك معاك الجيتار بتاعك
بسام:اه معايا ثواني
بسام دخل البينج بتاعه و فتح شنطته اخد منها الجيتار و رجع للدكتور تاني
بسام :هسمعلكم حاجة صغيرة كدا و قولولي رايكم
بدأ بسام يعزف و الكل عجبه الموهبة بتاعته و صفقوا له
الدكتور :برافو عليك عزفك هايل ماشاء الله
بسام:بس كدا فقرتي انتهت
الدكتور :اه ادخل انت ميين بقا عايز يكمل بعده
رفعت بنت ايديها و وصلت عند الدكتور
البنت :انا ابدا ولا حضرتك هتسالني
الدكتور :اتفضلي اسمك و سنك و موهبتك دخلتي الكلية دي ليه
البنت:اسمي اسراء عندي 19 سنة معنديش اي مواهب
الطلبة ضحكو وقال بعض منهم :واحنا كمان زيك
الدكتور ضحك:طب دخلتي الكلية دي ليه
اسراء :الحقيقة كان نفسي ادخل كلية السن من زمان شغلها كويس و مطلوب جدا و بس هي كلية لطيفة جدا انا كدا خلصت فقرتي
الدكتور :تمام يا اسراء اتفضلي و مين عايز يكمل بعدها
لينا كانت عايزة ترفع ايديها و بما أنها قاعدة في اول بينج الدكتور لاحظ أنها عايزة ترفع ايديها كل شوية ترفع و تنزل لكن محرجة أو مكسوفة او مترددة
الدكتور:ممكن انتي
لينا بصت جنبها
الدكتور :أيوة انتي اللي لابسة شيميز أزرق و شعرك بني
لينا :انا
الدكتور :اه ممكن تيجي هنا
لينا قامت من مكانها و كانت خايفة و مكسوفة وصلت عند الدكتور و أعطاها الميكرفون
الدكتور:يلا عرفينا بيكي
لينا :لا بلاش
الطلاب ضحكو
الدكتور :لا ولله عادي عرفينا بيكي
لينا:طيب اقول ايه
الدكتور:اسمك و سنك
لينا :لينا 18 سنة و نص
الدكتور :دخلتي الكلية دي ليه
لينا:بصراحة ملقتش غيرها يعني حسيت انها مناسبة و شغلها كويس
الدكتور:تمام و موهبتك
لينا:امممم مش عندي مواهب عادي
الدكتور:خالص يعني ولا بترسمي ولا بتغني ولا بتعزفي
لينا:لا بغني
الدكتور ضحك :طب سمعينا حاجة بقا
لينا :لا بلاش
الدكتور :ولله ما هنتريق بس سمعينا كوبليه صغير كدا و صدقيني هنشجعك هنا
لينا سكتت لحظات و قالت:طيب هغني بس بليز محدش يتريق لو مش عجبكم
كلهم:مش هنتريق
لينا:هقول كوبليه صغير من اغنية بحبها
لينا غمضت عينيها و بدات تغني :
شفت ياما ناس مناها
تعيش العمر جنبك برضة مايكفيش
احلى دنيا عندى ماتساويش الا معاك يارسول الله
واحشنا يارسول الله
ياسيدنا شوقنا زاد والله
مهما نطول الغياب
محمد مشتاق اليك والله
محمد قلبى عليك صلى
طال سؤالى قولى ازاى كدة
عاشقة عيونا حد مش شايفاه
لو حقيقى هو غالى عليك ارضيه
فى الجنة تبقى معاه
لينا:بس كدا ده الكوبليه
الدكتور:لا بليز كملي
لينا:لا كدا كويس
الطلبة كلهم صفقوا ليها و انبهروا بصوتها
الدكتور:حقيقي بجد صوتك حلو جدا ماشاء الله
لينا :ميرسي اوي
الدكتور :ماشي كدا المحاضرة بتاعتنا انتهت اتفضلو بريك دلوقتي
_______________________
في كلية تجارة انجلش
ريم:اوف أخيرا المحاضرة الرخمة دي خلصت
تقي :هتعملي ايه هتروحي ولا ايه
ريم:اروح مين ياختي ده انا هروح احضر الكورس انتي ناسية ميعاده انهاردة
تقي :اه صح انا كنت ناسية
ريم:طيب يلا عشان فاضل ساعة و يبدأ و يدوب الطريق هياخد ساعة الا الربع
تقي:لالا انا مش رايحة
ريم :ليه
تقي:ابدا معزومة علي غدا او شكله هيكون عشا
ريم :مع مين
تقي:مع سليم
ريم :دكتور سليم ابن خالتك
تقي:اه
ريم :يا بنت الايه الواد المز ده اللي عينيه ملونة و شبه الاتراك كدا
تقي ضحكت:يا بت احترمي نفسك مش بتسيبي ولد الا اما تعاكسيه
ريم:طب بزمتك مش بيكونو مزز
تقي:الصراحة اه
ريم:ولا آدم أخو لينا ولله نفسي افهم خاطب البت يمني دي علي ايه ها هاتيلي كدا حاجة حلوة فيها
تقي بتضحك:هي الصراحة حلوة بس رخمة جدا
ريم :اه عندك حق هي جامدة الصراحة بس رخمة اوي بجد تنكة كدا و معرفش علي ايه ده اغلي جهاز في بيتهم الخلاط
تقي بتضحك:ولله انتي عسل يا ريم ربنا يهديها
ريم:بس آدم بقا حاجة كدا كريم كراميل علي نوتيلا ولا سليم ده بقا تشيز كيك اه ولله فعلا بالكريمة كمان ايه ده انا جوعت اوي
تقي ضحكت :يا ريم بس كفاية تشبيهات دول لو سمعوكي هيغيرو فكرتهم عنك
ريم :ليه بيقولو ايه ياختي
تقي:ريم دي محترمة و طيبة و كدا
ريم:يعني انتي يعني شايفاني روحت اعاكسهم بجد ده مجرد دردشة و هزار مع بعض محدش واخد منها حاجة يا تقي
تقي :عندك حق ولله احلي حاجة فيكي يا ريم انك مش بتحسسي اللي قدامك بوجعك و بتحاولي تضحكي كل الناس
ريم :وحشتني اوي يا تقي مش قادرة استني ليوم الخميس
تقي عينيها لمعت و حاولت متبينش أنها هتعيط:ربنا يرحمها انا لازم امشي بقا
ريم:ماشي
___________________
لينا كانت قاعدة في البريك بتذاكر و ايجا عندها بنتين و شاب
الشاب :ازيك يا لينا
لينا بصتله:انت اللي كنت بتعزف جوة صح
الشاب:اه بسام
البنت 1 :وانا اسراء طبعا انتي عارفاني لما قولتلك علي جروب الدفعة قبل كدا و دي لميس
لينا:اه اهلا بيكو أيوة طبعا عارفاكي يا اسراء
لميس :احنا جينا نتعرف عليكي بجد صوتك جميل اوي يا لينا
لينا:ميرسي اوي اتشرفت بيكو ولله
_________________
ريم كانت خارجة من الجامعة و ماشية في شارع مستنية اي تاكسي يعدي و هي ماشية عربية فرملت فجأة و كان فيه بحيرة صغيرة ماء علي الارض و غرقت هدوم ريم
ريم بعصبية:يا نهارك اسود ايه اللي انت عملته ده غرقتني الله يخربيتك لما انتو بهايم و حمير بتركبو عربيات ليه وانتو مبتعرفوش تسوقو يا اغبية
الشاب خرج من العربية و قال :ما تحترمي نفسك بتغلطي من الصبح وانا ساكت …. ايه ده ريم
ريم :انت تعرفني
الشاب شال النضارة من علي عينيه
ريم بصدمة :جاسر
جاسر :ايه يا بنتي انتي لسانك فالت منك
ريم بعصبية:مانت غبي ازاي تغرقني كدا
جاسر :اوف رجعتي تاني
ريم:حرام عليك انا كان عندي كورس و كدا هيضيع عليا و مستحيل أحضر بمنظري ده منك لله
جاسر :انا اسف ولله يا ريم مكنش قصدي
ريم :اعمل بيها ايه اسف دي ها …. قولي اصرفها فين دي
جاسر :في ماكينة Atm هنا قريبة اصرفي منها
ريم :ظريف يعني و كمان بتستخف دمك
جاسر :ما انتي عمالة تغلطي فيا من الصبح وانا ساكت
ريم :حرام عليك اللي حصل ده انت ايه اعمي مش بتشوف
جاسر :طب بصي انا عندي فكرة انا ممكن اوصلك للبيت بسرعة و لو فيه وقت اوديكي الكورس
ريم:انت عبيط ولا بتسهبل اركب معاك بصفتك ايه ده انا كان أخويا يقتلني
جاسر :اها انا اسف طب و الحل
ريم :معرفش بس مستحيل أمشي بمنظري ده قدام الناس
جاسر ضحك:هو بصراحة منظرك يضحك
ريم :و كمان بتتريق عليا
جاسر :ولله ما قصدي اقصد ان شكلك حلو وانتي كدا ولله
ريم :طيب
جاسر :طب بصي انا هوقفلك تاكسي خليكي هنا
ريم :ايه ياربي النحس ده يعني ولا فيه كورس ولا حاجة و هدومي اتغرقت كمان
جاسر بعد دقيقة وقف تاكسي
جاسر :ريم انا اسف ولله علي اللي حصل حقيقي اسف
ريم :ماشي
جاسر:تعالي التاكسي وقفته و هيوصلك لحد البيت
ريم :ماشي عن أذنك
جاسر :طيب مفيش شكرا حتي
ريم :لا
جاسر :كنت عارف انه لا
ريم كتمت ضحكتها و ركبت التاكسي
________________
عمر وصل عند لينا قدام الجامعة و اتصل عليها خرجتله و ركبت
لينا :مساء الخير
عمر :مساء النور ها عملتي ايه انهارده؟
لينا:الحمد لله تمام
عمر:يارب دايما
لينا:وانت عملت ايه في شغلك
عمر :تمام الحمدلله
لينا :انت بتشوف مريم
عمر :لا مريم في شرم الشيخ
لينا:ليه
عمر :سافرت عشان الاوتيل بتاعهم هناك في حفلات و هي مسؤلة عنه الفترة دي
لينا :اوك لو كلمتك خليها تكلمني وقولها اني زعلانة منها
عمر :انا نسيت اديها رقمك هبعتهولها و هخليها
تكلمك
لينا :اوك تمام
________________
في كلية هندسة عين شمس
حبيبة :نهلة انا هروح بقا
نهلة:اوك يا بيبا
ايجا شاب في اللحظة دي وقف عندهم
الشاب : حبيبة ازيك
حبيبة:تمام الحمدلله يلا انا ماشية يا نهلة
الشاب:ايه يا حبيبة هو انا لما باجي اتكلم معاكي بتمشي
حبيبة:عمار مفيش حاجة بيني و بينك اعتقد و الكلام ده انت عارفه و سوري مقدرش اتكلم معاك لانى مبصاحبش عن اذنكو
مشيت حبيبة و سابتهم
عمار :ينفع كدا يا نهلة
نهلة :عمار انت عارف حبيبة مالهاش في الجو ده فوكك بقا انا ماشية
عمار :كدا طيب انا كمان ماشي
________________
ريم :اتفضل ياسطا
السواق:الأستاذ اللي كان معاكي حاسبني
ريم:أستاذ مين اللي كان معايا
السواق:اللي وقفني
ريم:جاسر اداك كام يعني
السواق:50 جنيه
ريم :ازاي من المشوار ده ب 20 جنيه
السواق :مكنش معايا فكة و مرضيش يفك قال خليه عشانك
ريم :طيب
ريم في سرها:و بيدفعلي بتاع ايه ده كمان
_________________
تقي :ايه يا سليم انت فين
سليم :انتي فين دلوقتي
تقي:انا في المطعم انت فين
سليم :اه شوفتك انا علي الترابيزة اللي قريبة من الشباك
تقي :اه شوفتك خلاص
________________
لينا :عمر ممكن تشغل اي اغنية
عمر :طيب شوفي انتي عايزة تسمعي ايه اعملي سيرش على اي اغنية
لينا :اوك انا بحب ياسمين نيازي اوي هسمع حبك عامل سيطرة :
نفسي متكلمش عليك نفسي ابطل تفكير فيك نفسي ليله عليا تفوت بس من غير ما احلم بيك حبك عامل سيطره على قلبي وعلى احساسي فاضل حبه صغيره وتنسيني اهلي وناسي احترت حبيبي معاك انا بيجنني هواك حصلت حاجه بينا بقيت اتمنى اعيش وياك من اول لحظة لقا والدنيا في عيني جميله خليني احكيلك بقى اصل انا مش همشي الليله ليه هواك بياخدني حنين قبل ما اقبلك بسنين وادينا خلاص فارقنا الناس ومتقابلين نفسي اروح يا حبيبي مكان فيه متظهرليش وتبان نفسي يخلص فيا الشوق قبل ما تجنني كمان حبك عامل سيطره على قلبي وعلى احساسي فاضل حبه صغيره وتنسيني اهلي وناسي احترت حبيبي معاك انا بيجنني هواك حصلت حاجه بينا بقيت اتمنى اعيش وياك من اول لحظة لقا والدنيا في عيني جميله خليني احكيلك بقى اصل انا مش همشي الليله ليه هواك بياخدني حنين قبل ما اقبلك بسنين وادينا خلاص فارقنا الناس ومتقابلين
عمر كان بيبص علي لينا و هي بتسمعها و منسجمة معاها و لينا كأنها عايزة تقوله ان الأغنية دي ليه هو فعلا
______________
سليم :ايه رايك في المكان
تقي:حلو جدا
سليم :أحمد تعالي دقيقة كدا
الويتر(احمد ):دكتور سليم ازيك نورتنا ولله
سليم :اهلا يا احمد ازيك
احمد :الحمدلله
سليم :بص يا احمد عايز سمك بوري سنجاري بالسي فود و فيليه مقلي ة2 جمبري مشوي من كل حاجة طلبين
احمد:تمام يا دكتور حاجة تاني
سليم:عايزة حاجة تاني يا تقي
تقي :لا كدا كويس
احمد :تمام عن أذنك
تقي:المكان حلو اوي
سليم :جدا ده مكاني المفضل
________________
لينا كانت قاعدة في الريسبنش فاتحة اللابتوب هاجر شافتها و قعدت جنبها
هاجر :ازيك يا لولا
لينا :تمام يا هاجر وانتي
هاجر :الحمدلله تمام لينا بقولك ما تيجي نقعد في اوضتي فوق
لينا:اوك مفيش مانع
_____________
تقي :بجد الاكل تحفة جدا
سليم :عجبك
تقي:اه حلو اوي
سليم :قوليلي بقا لسة مخنوقة
تقي:لا الحمد لله احسن دلوقتي …. سليم ممكن طلب
الجرسون :اتفضل العصير يا دكتور سليم
سليم :اه متشكر يا احمد
الجرسون :عن أذنك
سليم:اتفضلي يا تقي
تقي:ممكن آدم يخرج معانا تاني و ريم برضو
سليم :عادي مفيش مشكلة بس آدم ممكن ميوافقش انتي عارفة مش بيحب يخرج الفترة دي كتير
تقي:لا سيب دي عليا
سليم :خلاص تمام
____________
هاجر :لينا انا عارفة انك بتحبي عمر
لينا بصدمة:ايه عرفتي ازاي
هاجر:بصراحة انا حسيت و غير كدا انا حاسة بيكي لانك اختي
لينا:وانتي كمان يا هاجر اختي
هاجر :بصي يا لينا مبدئيا كدا انا هساعدك ان عمر اخويا يحبك و يعترفلك بحبه هو كمان
لينا:بجد ازاي
هاجر :ازاي دي بقا عليا انا عمر اخويا انا عارفاه و عارفة دماغه متقلقيش
لينا:تمام
هاجر :مبدئيا كدا حبيبة متعرفش الكلام اللي بينا ده عشان متزعقليش و تقولي انتي مالك
لينا:لا متخافيش
هاجر :مبدءيا كدا انا عايزاكي لما عمر يقولك حاجة تعملي عكسها اي ولد بيحب البنت القوية اللي لما يقولها حاجة هي تعمل العكس
لينا:بس يا هاجر مش كدا ممكن يكرهني
هاجر :لا طبعا بقولك ده اخويا وانا عارفاه
لينا :تمام كملي
هاجر:تاني حاجة عايزاكي تتصاحبي مع بنات كتير في الجامعة و ولاد عادي
لينا:لا عمر هيزعقلي هو قالي متتعرفيش على اي ولد ولا تتكلمي معاه
هاجر:يا عبيطة ده مش بجد ده مجرد انك هتغيظيه عشان يعرف أنه بيحبك و يعترف و عمر عارفك كويس حتي خالد لما يجي هنا اتكلمي معاه و هزري عمر هيبدا يغير عليكي و يبان عليه انه بيحبك
لينا :تفتكري
هاجر :اكيد طبعا
________________
سليم كان راكب عربيته و تقي راكبة عربيتها و وصلها لحد البيت
تقي:ميرسي جدا يا سليم علي الخروجة الحلوة دي
سليم:هتتكرر تاني ان شاء الله شوفي آدم و قوليلي
تقي:اوك ما تنزل
سليم :خليها مرة تانية
تقي:اوك
________________
يمني:اومال آدم اتأخر كدا ليه
الجرس الشقة رن
حنين :اكيد آدم
يمني :طيب هفتح الباب
فتحت يمني الباب
يمني:آدم وحشتني
آدم :عاملة ايه
يمني:تمام الحمدلله ايه الحاجات دي تعبت نفسك
آدم :لا دي حاجة بسيطة
يمني:طب اتفضل
آدم دخل و قعد في الصالون
آدم :مامتك فين
يمني:ثواني هندها
حنين :آدم ازيك
آدم :ازيك يا حنين عاملة ايه
حنين:الحمدلله تمام
سماح :اهلا يا آدم ازيك
آدم :الحمدلله يا طنط حضرتك عاملة ايه
سماح :الحمدلله بخير ثواني هجهز الاكل علي السفرة
آدم :اه اتفضلي
___________________
في الحديقة
خرجت لينا و قعدت في مراجيح في الجنينة
و نظرت إلى السماء و سرحانة في شكلهم
عمر شافها وقعد جنبها
عمر:السما حلوة جدا
لينا:اه اوي
عمر :مالك قاعدة لوحدك ليه
لينا:مفيش بس انا خلصت مذاكرة و زهقت قولت اقعد شوية هنا
عمر : احم طب مش هتنامي بقا علشان الساعة 11
لينا :اها هقوم دلوقتي
في اللحظة دي النور قطع
لينا :ايه ده النور شكله قطع
عمر :طب اهدي انا حاسس انك هتعيطي
لينا :انا بخاف من الضلمة
______________
عند يمني في البيت كانو خلصو عشا و آدم قاعد في الصالون مع والدها و مامتها
مجدي:نورتنا يا آدم
آدم :ده نورك يا عمي
يمني غمزت لسماح تتكلم
سماح:انا كنت عايزة اسالك يا آدم هو الفرح بتاعكو امتي
آدم بص علي يمني و اتكلم :اكيد حضرتك عارفة لما اتخرج السنة دي و اشتغل وقتها هنحدد ميعاد الفرح
سماح :ماشي يا آدم ربنا يقدم اللي فيه الخير
آدم :طيب انا ماشي
يمني :خليك يا آدم شوية
آدم :لا عشان اتأخرت
مجدي :وصليه يا يمني
يمني :حاضر
______________
عمر :استني هشغل الكشاف بتاع الموبايل لحد ما النور يجي
لينا:انا هخاف اطلع دلوقتي
عمر :طب خليكي لحد مايجي
لينا عينيها كانت مليانه نوم و شكلها نعسان
لينا قعدت علي الكرسي تاني و قعدت تتاوب
عمر : شكلك حلو وانتي بتتاوبي
لينا بصتلوا و ابتسمت
لينا نامت وهي علي الكرسي وراسها مالت
عمر لما شافها كدة راح قايم وعدل راسها عشان مش تتلوح و قرب الكرسي بتاعه عليها عشان لو راسها مالت تميل علي كتفوا
و فعلا راس لينا مالت علي كتفوا
عمر اول ما حس براسها علي كتفوا قلبوا دق و كان بيتأمل لينا و هي نايمة كان شكلها
حلو اووي شبه الملايكة
عمر حس انه هينام و فعلا نام و سند راسوا عليها
اللي كانت شايفة كل ده حبيبة
حست ان فعلا فيه حاجة تجاه عمر ل لينا
_________________________
في الوقت دة كان النور ايجا و عمر و لينا لسة نايمين
حبيبة راحة صحت عمر
حبيبة : عمر …. عمر
عمر فتح عيونه
عمر بصوت واطي : هشششش وطي صوتك لينا نايمة
حبيبة :طيب انا هصحيها اطلع انت نام
عمر :ماشي
حبيبة :لينا … لينا
لينا فتحت عينيها :ايه ده انا فين
حبيبة :انتي نمتي هنا قومي عشان تنامي فوق
لينا :ماشي
___________________
مر أسبوع
و كل يوم بيزيد تعلق لينا بعمر و يمني بتحاول تكلم جاسر وهو بيتهرب منها و هاجر كل يوم بتكلم وليد
_________________
يمني : الو
جاسر : نعم
يمني : انا لازم اشوفك بكره ضروري
جاسر:عايزة ايه
يمني : لازم اشوفك يا جاسر هنتقابل في المكان بتاع كل مره ولو مجتش انت حر
جاسر بخنقة:طيب
يمني:تمام بكرة نتكلم و نتفق سلام
جاسر :سلام
______________
تاني يوم
.. في مدرسة هاجر :
سيرين : ازيك يا جوجو .. ميس يو بجد ( miss you ) واخبار حبيبك ايه
هاجر : بس الله يخربيتك هتفضحينا .. كويسين كويسين
سيرين : فضيحة ايه انتي مش بتعملي حاجه غلط .. المهم يعني مبسوطين ؟
هاجر : ايوا يابنتي مبسوطه خالص انا حاسه اننا نعرف بعض بقالنا سنه مش اسبوع .. اتعلقت بيه اوي اوي ومقدرش يعدي عليا يوم الا واسمع صوته .. ولا كلامه اااااااه من كلامه يسحر يا سيرين يسحر
سيرين : مش قولتلك اسمعي كلامي ومش هتخسري .. اهو دا بيسموه الحب
هاجر : معقوله اكون حبيته في اسبوع ؟
سيرين : ياحبيبتي الحب مالوش لا يوم ولا وقت .. بيجي كدا سبرايز (مفاجأة )
هاجر حطت ايدها على خدها : اه ممكن هو الحب
______________
تقي:يا بنتي ارحميني بقالك أسبوع كل يوم بتدوري علي جاسر عشان تديله الفلوس خلاص يا ريم يا حبيبتي مكنتش 50 جنيه دي
ريم:انتي عارفة كويس اني اني مرضاش ان حد يدفعلي حاجة
تقي:طيب يا ريم المهم
ريم :ها قولي
تقي:سليم عازمنا انا وانتي و آدم
ريم :لا طبعا انتي عارفة أخويا ده لو عرف هيقتلني
تقي :يا ريم انتي خارجة معايا و آدم و سليم هيقعدو لوحدهم و بعدين ده آدم و سليم انتي عارفاهم
ريم :طيب
تقي:جاية
ريم:ماشي ₩19
________________
آدم :ايه يا تقي
تقي :آدم انا باكد عليك الخروجة بتاعة النهاردة
آدم :يمني مش فاضية انهاردة
تقي في سرها:احسن الحمد لله
تقي :خلاص يا آدم بصراحة انا كنت عازماك انت اصلا يلا بقا والنبي يا آدم دي مرة
آدم :طيب يا تقي هاجي
تقي :اشطا مستنينك
_____________________________
بعد نص ساعة آدم وصل عندهم
آدم :معلش اتاخرت عليكم
ريم :اتأخرت بس ده انا خلاص جوعت
سليم :هطلبلكو الاكل ثواني
________________
يم :الحمدلله شبعت الاكل تحفة بجد
تقي:فعلا
آدم :اول مرة اجي المطعم ده بس حلو
سليم :ده مكاني المفضل اصلا
آدم :هروح التواليت و جاي
سليم:وانا هروح اجيبلكو ايس كريم و جاي
ريم :وانا هروح التواليت و جاية
تقي :ماشي
تقي و هي قاعدة اتصدمت لما شافت حاجة و قامت بسرعة
كانت في اللحظة دي ريم قعدت تقي شدتها
ريم : في ايه
تقي : تعالي بسرعه قومي قومي
ريم : في ايه يابت
تقي : انجزي قومي هفهمك
تقي خدت ريم ومشيت بسرعه بعيد
آدم : قومتوا ليه
ريم : معرفش تقي قا
تقي قطعت كلام ريم :اصل انا
________________
حبيبة :بس يا هاجر بجد مش مصدقة ان دي اخر سنة ليا في الجامعة هتوحشني اوي شكلي هبقي اروح معاكي كل يوم الجامعه .. دا لو دخلتيها ههههههههههههههههههههههههه
هاجر : يارخمه
( تليفون هاجر بيرن … طبعا وليد اللي بيتصل )
حبيبة : ردي مش سامعه موبايلك بيرن ؟؟
هاجر بتوتر : هه ؟ اه اممممم لا لا انا مش حابه ارد
حبيبة : انا شاكه فيكي بقالي فتره .. هاتي الموبايل دا انا هرد
هاجر : لا ابوس ايدك بلاش دي واحده صحبتي وانا مش عاوزه ارد عليها عشان بتاعة مصالح
حبيبة بعصبية : هاااااااااااااتي الموبايل بقولك
( حبيبة اخدت التلفون بالعافية من هاجر و ردت )
حبيبة : ألو ؟؟
وليد : اجمل مليون ألو على عيون احلى هاجر في حياتي .. دنيتي كلها و……..
( حبيبة قفلت الموبايل و بصت لهاجر بصدمة و اتكلمت بعلو صوتها ) : ماااااااااااااامااااااااااااااااا .. يا عمر
هاجر : بالله عليكي بلاش انا مش هكلمه تاني ارجوكي بلاش ماما و عمر ..
اميرة : في ايه يا حبيبة بتزعقي ليه ؟؟
عمر : في ايه يا حبيبة اكيد مصيبه عملتوها انتو الاتنين
لينا :ايه يا حبيبة فيه ايه
عمر :ماتتكلمي يا حبببة هاجر عملت ايه
حبيبة : لا دي الآنسة هاجر اختك يدوب بس ..
( هاجر حطت ايدها على دماغها ومش مستوعبه العقاب اللي هيحصلها و خصوصا أنها عارفة اخوها كويس !!! )
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية بداية حياتي معاك)