رواية بداية حياتي معاك الفصل العاشر 10 بقلم داليا أحمد
رواية بداية حياتي معاك الفصل العاشر 10 بقلم داليا أحمد
رواية بداية حياتي معاك البارت العاشر
رواية بداية حياتي معاك الجزء العاشر
رواية بداية حياتي معاك الحلقة العاشرة
عمر و هو داخل الفيلا اندهش لما شاف لينا كانت قاعدة قدام ال Tv و بتتفرج علي مسلسل سارة و بتغني مع اغنية التتر للمسلسل (كان يا مكان من مسلسل سارة )
عمر قرب منها بالراحة و قفل tv بالريموت و هي كانت بتغني من غير موسيقي و ماخدتش بالها ان الأغنية مش شغالة بتبص وراها كأنها حست ان عمر موجود و لما شافته اتكسفت و هو ابتسم
عمر :احم … اسف بس كان نفسي اسمع الأغنية منك انتي بتعرفي تغني
لينا :ها … اه لا
عمر بيضحك :اه ولا لا
لينا :بصراحة مش عارفة بس لقيت نفسي بغني مع الاغنية
عمر :بصراحة صوتك حلو اول مرة اكتشف كدا فيكي
لينا بصتله :بجد صوتي حلو
عمر :و عينيكي كمان حلوة جدا
لينا ضحكت :ده انت بتعاكس بقا
عمر :احم احم …. لا طبعا مش قصدي المهم ممكن طلب
لينا :اتفضل
عمر :طب تعالي برة في الجنينة هي ماما فين صح و هاجر و حبيبة
لينا :حبيبة راحت كورس تحضره و ماما في المطبخ و هاجر راحت درس
عمر :طيب تعالي لحد ما ماما تحضر الاكل
لينا :أيوة بس ليه ما تقول هنا و خلاص
عمر :لا تعالي بس
لينا خرجت معاه في الحديقة و قعدت معاه عند حمام السباحة
_______
يوسف:الحقني يا آدم امك بتموت
ادم بصدمة:في ايه
يوسف :امك اغمي عليها و اخدتها المستشفي و الدكتور بيقول حالتها خطر و لسة مخرجش و لا حد طمني
آدم وضع ايديه علي وشه و علي رأسه و كانه بيقول للدنيا كفاية
يوسف :آدم مبتردش ليه
آدم :هي في اي مستشفي يا بابا
يوسف :مستشفي الهلال
آدم :ماشي يا بابا مسافة السكة و هكون عندك
__________
لينا :ها بقا عايز ايه
عمر :غني
لينا :نعم
عمر :غني الأغنية اللي كنتي بتغنيها من شوية
لينا :ها
عمر :هتغني
لينا :لا طبعا انت بتهزر صح ما انت سمعتني من شوية
عمر :لا بجد انتي مش كملتيها
لينا :أيوة بس
عمر قاطعها:مفيش بس ها هتغني صح
لينا :طب بص
عمر :بصيت اهو
لينا ضحكت :مبهزرش يا عمر
عمر :قولي
لينا :غمض عينيك
عمر :ده ليه
لينا :بصراحة هتكسف اغني قدامك
عمر :ااه
لينا :يلا غمض عينيك
عمر :لا مش بعرف طب قولي حل تاني
لينا :اممممم طب بص وراك عشان اعرف اغني
عمر :يا لينا غني ولله ما هاكلك صدقيني
لينا :طيب احم احم
عمر :هننجز امتي
لينا ضحكت :خلاص خلاص والله هغني
كان ياما كان
كان فيه عصفور
قلبه صغير
ريشه قصير
حلمه يرفرف بره السور
كان إنسان من طين ، من نور
كان بيدور ع اللى يخضر
قلب الناس القاسى البور
كان ياما كان قلب الحدوتة رق و حن
على البنوتة فى زمن اتجن
زمن الناس فى قلوبها وحوش
زمن الغاب و الناب و وشوش
تحزن غش و تضحك زور
كان ياما كان أحلام بضفاير قلب و بس
ذنبها إيه لو قلبها طاير حب و حس
بنوتة فى حدوتة تنام
و بتجرى وراها الأيام
هى و كل بنات الحور
عمر :بجد احلي من نهال ولله اللي بتغنيها
لينا ضحكت :لا ولله لا هي احلي طبعا
عمر :ضحكتك حلوة اوي يا لولي
لينا بصتله باستغراب و سكتت
عمر :بتبصيلي كدا ليه
لينا :اصل انت اول مرة تقولي لولي دايما لينا
عمر : مش دلعك لولي برضو حبيبة دايما بتقولك كدا
لينا اتسكفت و بصت الناحية التانية :اه صح طب انا هدخل جوة ماما بتحضر الاكل هشوفها بتعمل ايه
عمر بابتسامة :ماشي … لينا
لينا بصتله:أيوة
عمر :عايز اقولك علي حاجة بس خايف
لينا :حاجة ايه
عمر :لينا هو في حاجة انتي متعرفيهاش و لازم تعرفيها
لينا :قلقتني يا عمر في ايه
عمر سكت لحظات
عمر :شكلك كان حلو امبارح بالحجاب
لينا ضحكت :بجد هو ده الموضوع اللي لازم اعرفه
عمر :اه انتي صليتي الضهر ولا لسة
لينا :لا هروح اشوف ماما و اصلي
عمر :صلي الأول بعد كدا شوفيها
لينا :حاضر …. عمر هو بجد ده الموضوع
عمر:اه يلا بقا روحي صلي
لينا ضحكت :ماشي يا عمر بس برضو هعرف
عمر بابتسامة :هو ده صدقيني مفيش حاجة
لينا :امممم عموما ميرسي اوي انا هروح اصلي
_______________
آدم دخل المستشفى و كان باباه واقف قدام الأوضة و قلقان
آدم :خير يا بابا ماما مالها
يوسف :مش عارف الدكتور لسة مخرجش
آدم :استر يارب
الدكتور في اللحظة دي خرج و آدم جري عليه
آدم بقلق :خير يا دكتور ماما كويسة ولا فيها ايه
الدكتور :والدتك للاسف جالها صدمة عصبية و مش عارف هتاثر عليها بايه ادعولها
يوسف :يارب جيب العواقب سليمة يارب
آدم :ممكن ادخل اشوفها
الدكتور :هي دلوقتي نايمة بس بتنطق باسم لينا كل شوية لو تقدره تجيبولها لينا دي هتكون كويسة
يوسف :دي بنتي بس مينفعش نجيبها راحت عند اللي خلقها
الدكتور :انا اسف ربنا يرحمها و يصبركم انا اديتها حقنة مهدءة و هتنام شوية و لما تفوق ادخلولها بس ياريت تتكلمو معاها بسيط عشان متتعبش
يوسف :ماشي
الدكتور :عن اذنكم هشوف بقيت شغلي
آدم :اتفضل
_____________
عمر كان قاعد قدام البيسين و سرحان في كلامه مع لينا و حبيبة رجعت من الكورس و شافته و قعدت جنبه
عمر بصلها :انتي هنا من امتي يا بيبا
حبيبة :من زمان بس انت سرحان مش اخد بالك
عمر :حبيبة انا كنت هصارح لينا ان انا اللي خبطتها و ان انا السبب في كل اللي حصلها
حبيبة بخوف :اوعي تكون قولتلها
عمر :مقدرتش يا حبيبة خايف
حبيبة بتنهيدة :يا عمر ما انت عارف محمد قالنا لو عرفت هياثر علي نفسيتها و احنا مصدقنا أنها بقت كويسة دلوقتي
عمر :حاسس بالذنب طول الوقت
حبيبة :معلش يا حبيبي هتعرف بس شوية منقدرش نعرفها دلوقتي بس انت قاعد هنا ليه
عمر :لينا كانت بتغني و دخلت من شوية
حبيبة :بجد هي لينا بتغني
عمر :اه صوتها حلو جدا
حبيبة بخبث :صوتها حلو بس
عمر بصلها و فهم قصدها :حبيبة قومي من هنا
حبيبة :بطمن عليك يا حبيبي
عمر :لا متخافيش لينا زيها زيك انتي و هاجر بالظبط لا اكتر ولا اقل اومال فين هاجر صح
حبيبة :راحت درس
عمر :ماما كل ده بتعمل اكل
حبيبة :انا جوعت الصراحة
عمر :قومي نشوفها خلصت ولا لسة هموت من الجوع
__________
هاجر قاعدة في أوضة سيرين في البيت عندها
هاجر :سيرين انا مش قولتلهم اني جايالك بعد الدرس
سيرين :يا بيبي شوية و هتمشي خليكي شوية
هاجر :طيب
سيرين موبايلها رن
سيرين :ثواني خليكي هنا هشوف مصطفي فين و جايالك
هاجر :ماشي
سيرين خرجت و دخلت المطبخ تكلم مراد
___________
سيرين :ايه يا بيبي
مراد :بتكنسلي ليه يا روحي
سيرين :هاجر عندي معرفتش ارد و دخلت المطبخ اكلمك
مراد :ماشي يا قلبي وحشتيني جدا
سيرين :Me Too (انا كمان) يا بيبي
مراد :المهم عملتي ايه في موضوع وليد
سيرين :انا بحاول معاها و جبتها البيت عندي عشان افاتحها في الموضوع
مراد :ماشي يا روحي وليد هيموت و يكلمها
سيرين :قولو يتقل شوية هاجر ساذجة اه بس احيانا ذكية و غير كدا بتخاف من مامتها و أخوها
مراد :يا حبيبتي ما البركة فيكي حاولي معاها
سيرين :طيب باي ناو عشان انا قولتلها هشوف مصطفي أخويا هنا ولا لا و راجعالك
مراد :ماشي يا روحي متنسيش بقا الزن علي الودان امر من السحر برضو
سيرين :حاضر يا بيبي باي
مراد :باي يا قلبي
مصطفي :بتعملي ايه
سيرين بتوتر:ها لا ده انا كنت بجيب عصير لهاجر
مصطفي :هي هاجر هنا
سيرين :اه
مصطفي :طيب انا كنت خارج مع صحابي قولي لامك اني هتاخر شوية
سيرين :صحابك ولا صحباتك
مصطفي بيضحك :الاتنين باي يا سو
خرج مصطفي و سيرين وضعت ايديها علي قلبها من الخوف
سيرين:الحمد لله مسمعنيش ايه ده انا اتأخرت علي هاجر اجيب كوباية عصير عشان لو سألتني اتأخرت ليه
_________
آدم كان واقف في الاستراحة و يوسف بيقرا قران و قاعد علي الكرسي
آدم :بابا ما تروح البيت يا حبيبي استريح
يوسف بحزن:صدق الله العظيم اروح ازاي بس يا آدم دي امك عارف يعني ايه ياريتني انا مكانها
آدم :بتحبها اوي كدا
يوسف :نجوي دي احسن و اعظم إنسانة في الدنيا كفاية أنها ربتك كويس انت و اختك الله يرحمها
(في اللحظة دي يوسف دمعته نزلت و حاول ميظهرهاش لادم و أكمل كلامه )
يوسف : عارف يا آدم امك كانت معايا علي الحلوة و المرة كانت واقفة جنبي دايما هي الجنة اللي في دنيتي فعلا وانتو قصدي انت احلى حاجة في حياتي ربنا يخليك ليا بكرة لما تتجوز انت و يمني و تعيش معاها هتعرف قد ايه مراتك دي اهم حاجة في حياتك بس لو تستاهل فعلا و تستحملك في كل حالاتك بس يابني متزعلش مني بحس يمني دي مش هتشيل مسؤلية خالص
آدم :فكرتني بيمني اتصلت عليا و مردتش هطمنها عليا ثواني يا بابا
يوسف :اتفضل يابني
___________
سيرين:سوري يا بيبي اتأخرت عليكي كنت بعمل عصير اتفضلي
هاجر :ايه يا سيرين كل ده حرام عليكي دي حبيبة هتزعقلي علي التأخير و اتصلت بيا بس مردتش عليها
سيرين :خلاص بقا يا قلبي قوليلها كنت عند سيرين و بنكتب Home Work بتاعنا المهم عايزاكي في موضوع
هاجر :ايه
سيرين :وليد انتي مش متصورة هو معجب بيكي ازاي و هيموت عليكي
هاجر:يا سيرين قولتلك 100 مرة لا انتي مش عارفة عمر ولا ماما دي كفاية حبيبة بس لو عرفت
سيرين :يا بيبي و هما هيعرفو منين بس محدش هيعرف خالص ده غير أنه وليد هيخطبك بعدها
هاجر :بجد هيخطبني فعلا
سيرين : اومال انا بقولك ليه خطوبة وجواز .. وتتعرفو بقى ع النت وكدا وبعدها نتقابل كلنا ف مكان عام كدا ونخرج ونعيش حياتنا
هاجر : مممممممممممممم مدام خطوبه ماشي سيبيني افكر
سيرين : ماشي فكري وآدي الاكونت بتاعه اهوو … وعملتلك اكونت على الفيس وضفته فيه خلاص .. انتي كل اللي هتعمليه انك تفتحي من اللاب وتدردشو سوا اوك ؟؟
هاجر :انتي لحقتي عملتي كل ده
سيرين :يا حبيبتي احنا في عصر السرعة و عادي جربي مش هتخسري حاجة و خدي بالك من عمر و حبيبة و متنسيش تخرجي من الاكونت بعد ما تخلصي كلام معاه
هاجر :ماشي اوك ربنا يستر انا لازم امشي دلوقتي بقا
سيرين بابتسامة :باي يا بيبي
_________________________________
اميرة في المطبخ بتحمر الفراخ و لينا واقفة معاها و بتقطع السلطة….
حبيبة دخلت عندهم
حبيبة : يلا بقا يا ماما انا خلاص عصافير بطني صوصوت
لينا :خلاص يا بيبا ماما قربت تخلص
اميرة :ده بدل ما تساعديني
حبيبة :يا حبيبتي السنة دي اخر سنة ليا محتاجة اجيب تقدير كويس و المشروع بتاعي كمان لازم اجيب فيه تقدير عشان اشتغل يا ماما
اميرة :ربنا يوفقك يا حبيبة قلبي و يرزقك بابن الحلال اللي يستاهلك يارب
عمر في اللحظة دي دخل المطبخ
عمر :أيوة يا ست الكل كتري من الدعوة دي اوى عايزين نخلص منها
حبيبة :بقا كدا يا عمر يعني انا متضايقاكو مثلا
عمر :لا طبعا يا حبيبتي بس عايزين نفرح بيكي كدا
حبيبة :لما أفرح بيك انت الأول
عمر :لا انا لسة بدري شوية
لينا بصتله:لسة بدري ازي يعني
عمر باستغراب:يعني لما الاقي بنت الحلال و اللي تخطف قلبي و كدا
حبيبة بصتلها هي و اميرة و ابتسمت :ايه ده عمر اخويا رومانسى استني بقا كدا تيراارارا
عمر :يا رخمة انا خارج لما تخلصو قوليلي
حبيبة :ماشي
خرج عمر و حبيبة نظرت ل لينا لحظات و اتكلمت
حبيبة :لينا
لينا:ايه يا بيبا
حبيبة :معناها ايه يعني ايه لسة بدري يا عمر
لينا :مقصدش يا بيبا انا قصدي يعني ان بطمن عليه ولله
حبيبة :يا لولي مش عليا علي فكرة ده انتي خدودك احمرت من الكسوف
اميرة ضحكت :بس يا حبيبة متكسفيهاش
لينا :ابدا يا ماما مفيش بس حبيبة معرفش مالها
اميرة :بتحبيه يا لينا
لينا بكسوف :هو مين
حبيبة :عمر اكيد مش الاكل
لينا بارتباك :لا طبعا ايه اللي بتقولوه ده مستحيل و بعدين عمر اخويا مش اكتر
اميرة :حبيبتي انا ماما صح
لينا :اكيد طبعا بس مفيش حاجة انا كنت بساله عادي
حبيبة :ماما ناجل كلامنا بالليل لينا سهرة حلوة مع بعض و برضو هعرف بتحبيه ولا لا
لينا :طب عمر اكيد جاع وانا كمان يلا بقا عشان نحضر الأكل
حبيبة غمزتلها :يلا يا حبيبي
لينا :اتلمي يا حبيبة بقا
_________________
سيرين بتتصل علي مراد
سيرين :ايه يا بيبي
مراد :ها عملتي ايه
سيرين:Done يا روحي اعتبره حصل هاجر اخدت الاكونت و هتكلمه
مراد :احلي سوسو دي ولا ايه 😂😂
سيرين :عشان تعرف بس
مراد :هكلم وليد افرحه
سيرين :اوك يا حبيبي باي
______________
آدم :بابا تعالى نشوف الدكتور عشان ندخل نطمن علي ماما
يوسف :ماشي شوفه فين
آدم :ثواني يا بابا و راجعلك
______________
جرس الباب رن و عمر فتح و كان خالد و شمس
عمر: حبيبتي شموسة
و حضنها باشتياق و قال
عمر :حبيبة قلبي يا شمس وحشتيني اووووي
شمس: وانت كمان يا اومر وحستني اوي
عمر : عملتي ايه في الحضانة يا حبيبتي
شمس : حوة اوي يا اومر
عمر: وحشتيني اوي ولله
و قال ل خالد
عمر: معلش يا خالد بس شمس وحشتني اوي و من فرحتي نسيت انك موجود عامل ايه
خالد بيضحك :يابني دي العادة بتاعتك دايما بتنسي اي حد عشان شمس
عمر ضحك:تعالي طيب جوة دي ماما بتحضر الاكل و هنتغدا
خالد :اومال لينا فين
عمر باستغراب :ليه في حاجة
خالد بارتباك :لا ابدا عادي بسال عليها مش شايفها
شمس:هي لينا فين يا اومر
عمر :جوة مع ماما يا حبيبتي
لينا دخلت عندهم و اتفاجات بخالد و شمس
لينا :يلا يا عمر عشان ناكل ….. حبيبة قلبي انتي جيتي
شمس جريت عليها و حضنتها
خالد بابتسامة :ازيك يا لينا
لينا :الحمدلله ازيك انت
خالد :الحمدلله تمام
شمس :وحستيني اوي يا لينا
لينا :وانتي كمان يا قلب لينا وحشتيني اوي ينفع بوسة هنا ليا
و شاورت على خدها
شمس و أعطت لها القبلة و قالت لينا
لينا:الله حلوة اوي
و فرحت شمس و قالت
شمس :انتي اللي حوة اوي يا لينا
لينا :حياتي انتي بحبك ولله
و نظرت ل عمر اللي كان بيتابع الموقف بصمت و فرحة
شمس: لينا انا كعانة اوي
عمر :حبيبتي ماما اميرة بتعملك فراخ و باستا من اللي بتحبيها
شمس : هيييه بحبك يا اومر
اميرة : طب وانا يا شمس مش بتحبيني ده حتى انا اللي عملتلك الاكل
و ذهبت لها شمس و نزلت اميرة إلى مستواها و قالت
شمس: لا انا بحبك اوي مس تزحلي يا ماما
و حضنتها و ضحكت اميرة
اميرة :انا مقدرش ازعل من القمر بتاعي ده
حبيبة :يا حبيبة قلبي وحشتيني فين البوسة و الحضن بتاع بيبا
شمس حضنت حبيبة و اعطتها قبلة
في اللحظة دي هاجر فتحت الباب و دخلت
حبيبة بعصبية:اتاخرتي كدا ليه
هاجر :اصل كنت عند سيرين بذاكر بعد الدرس
حبيبة :نعم سيرين و بتذاكري عندها هي استاذنتك يا ماما
اميرة :لا انتي قولتي عندك درس بس يا هاجر ماشي حسابك معايا بعدين مش دلوقتي
هاجر :يووووه يا حبيبة بقا مالك في ايه بلاش أذاكر مع صاحبتي
عمر بعصبية:خلاص بقا في ايه وانتي يا هاجر بعد كدا مفيش خطوة تروحيها من غير ما نعرف فاهمة
هاجر :يا عمر مانا خوفت متوافقوش
اميرة :ولما انتي عارفة اننا مش هنوافق بتروحي ليه
شمس :خلاص يا اميرة انا كعانة (جعانة )
هاجر :شمس حبيبتي وحشتيني
شمس :لا مش بحبك انا وانتي مش وحستيني
هاجر :كدا يا شمس انا زعلانة
شمس :ازحلي
هاجر :طيب تعالي كدا بقا هاتي بوسة عشان وحشاني
هاجر شدتها من ايديها و حاولت تبوسها لكن شمس عضتها باسنانها في خدها
كلهم ضحكو
هاجر :اااه يا غبية بتعضيني
شمس جريت منها و راحت ل لينا
هاجر :اوعي كدا يا لينا
لينا:خلاص بقا يا هاجر دي طفلة
هاجر :دي طفلة دي ده انتي اللي طفلة ولله اوعي كدا
شمس مستخبية ورا لينا
شمس :الحقني يا اومر هاجر هتضربني
عمر :مش هنبطل شغل العيال ده يا هاجر
خالد :تعالي يا شمس
جريت شمس عند أخوها و استخبت في حضنه لخوفها من هاجر تضربها
هاجر :بتستخبي مني ولله يا شمس ما هسيبك و خليكي فاكراها
عمر بعصبية :هاجر
هاجر :يا عمر دي عضتني جامد
عمر :يلا يا ماما عشان ناكل بقا انا جوعت خلاص
شمس :وانا كمان يا ماما كوعت اوي
لينا ضحكت :يا روحي حاضر ثواني و هتاكلي
هاجر :وانتي بتضحكي على ايه انتي كمان
لينا :انا بضحك علي شمس ولله
عمر :ملكيش دعوة بتضحك علي ايه و حسابك معايا علي التأخير ده
اميرة :حبيبة تعالى نكمل تحضير الاكل علي السفرة
حبيبة :ماشي يا ماما
لينا :انا كمان جاية معاكو
عمر :يلا جهزوا الاكل علي ما العب مع حبيبتي شوية
لينا ضحكت :اوك
خالد :ايه يابني انت بتشوف شمس بتنساني انا كمان
عمر بيضحك :ماهي قاعدة معاك علي طول
شمس :قولو يا اومر
خالد :شمس دي احلي حاجة في حياتي ربنا يخليكي ليا يا حبيبتي
لينا دخلت عندهم
لينا :يلا يا عمر الاكل جاهز على السفرة
عمر :اخيرا بقا
________________
آدم :بابا الدكتور اهو يلا عشان ندخل لماما
الدكتور :بس زي ما هفهمتك يا آدم بلاش كلام كتير عشان حالتها
يوسف :حاضر يا دكتور نطمن عليها بس
الدكتور :اتفضلو هي اكيد فاقت
آدم و يوسف و الدكتور دخلو الغرفة اللي موجود فيها نجوي
الدكتور :ثواني هديها حقنة تفوقها
الدكتور أعطاها حقنة و بدأت نجوي تفتح عينيها ببطء
نجوي بصوت ضعيف :لينا
آدم :ماما حبيبتي انتي كويسة
نجوي دموعها نزلت :هي أختك فين يا آدم
يوسف :حرام عليكي بقا يا نجوي بنتك ماتت حرام عليكي بقا كفاية
نجوي :لينا ماتت
آدم :ماما والنبي كفاية بقا انا تعبت اكتر منكو
الدكتور :طب ممكن تهدي بس انا عايز افهمك حاجة هو مش ده قدرها و نصيبها انتهي علي كدا كلنا هنموت يا امي كلنا في لحظة واحدة هنمشي كلنا مكتوبلنا يوم هنموت فيه ولله
نجوي :و نعم بالله يابني بس مش قادرة أصدق دي كانت زي الوردة و مفيهاش اي حاجة اتخطفت ياعيني
الدكتور :ولله انا عارف انه صعب وانا مجرب أخويا الصغير مكنش فيه اي حاجة و مات بس انا عارف ان الفراق صعب لكن نصبر نفسنا بالدعاء بحاجات كتير
نجوي :عندك حق ربنا يرحمها و يصبرني علي فراقها علي عيني يا حبيبتي
آدم :هي ماما كويسة يا دكتور
الدكتور :أيوة كويسة هي بس من قلة الأكل و جالها صدمة عصبية بس الحمدلله ماثرتش عليها بحاجة وحشة
يوسف :الحمدلله الحمد لله
الدكتور :انا هكتبلها علي خروج و هكتبلك العلاج إللي تمشي عليه والدتك بس استاذنك تروح الحسابات تدفع الحساب
آدم :حاضر يا دكتور متشكر اوي علي تعبك معانا
الدكتور :العفو ده شغلي
______________
في فيلا عمر
كانو قاعدين علي السفرة بياكلو
لينا :الحمدلله شبعت
اميرة :انتي كلتي حاجة يا حبيبتي كملي
لينا :ولله يا ماما شبعت تسلم ايدك
خالد :انا كمان شبعت
هاجر نظرت لخالد بشك و قالت
هاجر :ايه يا خالد ده حتى انت مش بتقوم الا اخر واحد دايما
خالد ضحك :ما هو من قرك ياختي انا رايح اغسل ايدي
حبيبة:عيب كدا يا هاجر احرجتيه
هاجر :انا كمان شبعت عن اذنكم اغسل ايدي
اميرة :ايه حكاية شبعت معاكم هو الاكل مش حلو ولا ايه
شمس:حو اوي يا ماما
اميرة :والله انتي اللي حلوة يا روح ماما
_____________________
لينا :خالد ادخل انت لو هتغسل ايدك
خالد :لا ادخلي انتي ميصحش
لينا :لا عادي ولله ادخلي انتي
هاجر :عنك انت و هي انا داخلة
دخلت هاجر الحمام
خالد ضحك :معلش هي هاجر بتحب تهزر
لينا :اه عارفة طبعا
خالد :بس انتي اكلك بسيط جدا
لينا :وانت كمان برضو
خالد :لا انا شبعت انهاردة بدري
لينا ضحكت :اشمعنا كدا
خالد :مش عارف ولله بس ضحكتك حلوة
لينا :ميرسي يا خالد
عمر :اومال انتو واقفين هنا ليه
لينا اتخضت لما سمعت صوته :لا بس هاجر بتغسل ايديها جوة
عمر :اه و بتضحكو على ايه
خالد :ابدا بنتكلم عادي
هاجر في اللحظة دي خرجت من الحمام
هاجر :اصل خالد كان بيقولها ضحكتك حلوة
خالد في سره :يا بنت الجزمة حسابك معايا بعدين يا هاجر
عمر :اه انتو قاعدين بتهزرو و تضحكو هنا صح
لينا :لا يا عمر انت فهمت غلط ولله ده خالد كان بيقول
عمر بعصبية :كان بيقول ايه
خالد :عمر في ايه وطي صوتك انا مقصدش حاجة و لينا زيها زي هاجر
عمر :اتمنى كدا يا استاذ خالد و ياريت تفهم أن لينا بنت عمي جاية تقعد هنا مؤقت لحد ما تكمل دراسة و بعدين هترجع أمريكا تاني و تفهم أنها مش زي اللي تعرفهم مش معني كدا انك تهزر و تضحك عادي معاها
خالد :عمر انا مقصدش حاجة مالك يا عمر في ايه
هاجر :اه صح ماهو مفيش بأمارة انك قومت من علي الاكل بعدها علي طول و واقفين تهزرو مع بعض و لا كانكو بتحبو بعض
لينا دموعها نزلت:هاجر ايه اللي بتقوليه ده عيب اوي كدا
عمر :لينا شوفي كنتي هتعملي ايه و اطلعي الاوضة فوق و ياريت متنزليش غير لما خالد يمشي
لينا :بس انا عايزة اقعد مع شمس
عمر :مش هقول كلامي تاني سمعتي انا قولت ايه
هاجر :شوفت يا عمر اهي عايزة تقعد معاه
خالد :هاجر بعد اذنك متتكلميش في حاجة متعرفيهاش و متتهميش حد بحاجة محصلتش
حبيبة :في ايه صوتكو عالي في ايه
لينا :مفيش انا هغسل ايدي و طالعة فوق اخوكي بيقولي كدا
حبيبة :في ايه يا عمر
خالد :انا هحكيلك يا حبيبة
_______________
آدم و يوسف دخلو نجوي الفيلا
آدم :بتدلعي يا ماما ولله
نجوي بابتسامة حزينة :ابدا ولله أبوك بيقلق عليا بزيادة
آدم :انا هطلع انام شوية عشان تعبان ولله
يوسف :ماشي يا حبيبي ربنا معاك اطلع ارتاح شوية
____________
خالد :بس هو ده اللي حصل ولله يا حبيبة لا اكتر ولا اقل
حبيبة :طب ليه كدا يا هاجر
هاجر :وهو بيقولها ضحكتك حلوة ليه
عمر :أيوة يا خالد انت غلطان في دي
خالد :حاضر مش هقولها كدا تاني بس ياريت متتهميش لينا بحاجة متعرفيهاش
هاجر :حاضر
لينا خرجت من الحمام و كانت طالعة اوضتها عمر وقفها
عمر :لينا
لينا :نعم
عمر :اسف
لينا :علي ايه
عمر :عشان زعقتلك اسف مكنتش اعرف اللي حصل
لينا :اه عادي
عمر :متطلعيش فوق خليكي
لينا :لا عادي مفيش حاجة انا طالعة اوضتي
عمر :طب و شمس هتزعل منك كدا
لينا :يعني انت مش قولت اطلعي و متنزليش الا اما خالد يمشي
عمر :لا هتفضلي قاعدة و خالد هيقعد معانا عادي ماشي
لينا بابتسامة :ماشي
هاجر في سرها :يوووه الخطة فشلت
___________
آدم كان نايم و فاق من النوم و ماسك الفون بيتفرج علي صور اخته مع بعض
آدم :وحشتيني اوي ولله البيت من غيرك مالوش طعم
________________________________
تقي كانت قاعدة في البلكونة و سرحانة و بتفتكر لينا و موبايلها رن في اللحظة دي
تقي :دي ريم
ردت تقي علي ريم
تقي :ايه يا ريم
ريم :عاملة ايه يا حبيبتي
تقي :الحمدلله
ريم :تقي هتيجي الكلية بكرة
تقي :ولله مش عارفة يا ريم ماليش مزاج خالص
ريم :معلش يا تقي بس مي قالت لي ان بكرة في سيكشن مهم لازم نحضره
تقي :طيب هشوف كدا
ريم :هكلمك الصبح و نروح مع بعض مفيش حاجة اسمها هنشوف بصي يا تقي انا عارفة انه صعب بس لازم نقدر و احنا هنقدر ولله نكمل
تقي :وحشتني اوي يا ريم
ريم :وحشتني انا كمان يوم الخميس هنزورها ان شاء الله
تقي:ماشي
ريم :يلا يا تقي اقفلي و نامي دلوقتي بلاش تفكري كتير عشان خاطري
تقي :حاضر
____________________
لينا كانت قاعدة في الحديقة مع شمس بيلعبو مع بعض و خالد قاعد مع عمر و خالد بيبص ل لينا
عمر :خالد
خالد :ايه
عمر :شايفك مهتم يعني
خالد :ابدا بس مبسوط ان شمس فرحانة اوي كدا
عمر و هو بيبص علي لينا :اه فعلا لينا اصلا تتحب بسرعة مش كدا برضو
خالد :ها اه فعلا
عمر بيضحك :خالد
خالد :ايه يا عمر
عمر :عايزك تركز معايا شوية
خالد :مانا معاك
عمر :لينا مش زيهم
خالد :عارف يا عمر انت فاهم غلط ولله
عمر :أتمني كدا
خالد :انا هاخد شمس و نروح عشان عندي شغل بدري
عمر :ماشي
خالد :يلا يا شمس عشان نمشي عشان تصحي بدري
لينا :ماشي بس هاتها تاني يا خالد
خالد :حاضر
شمس :كنت حايزة اقعد معاكي سوية كمان
لينا :وانا كمان يا قلبي بس انتي بكرة وراكي حضانة بدري وانا عندي جامعة
خالد :يلا يا قلبي عشان نمشي
شمس :سيلني (شيلني )
خالد :يلا بينا
شمس :استني هاتي بوسة يا لينا ل سمس
لينا :احلي بوسة يا روحي
لينا قبلتها
شمس :باي يا لينا هتوحسيني اوي
لينا :عمر انا طالعة انام عايز حاجة
عمر :لا تصبحي علي خير
لينا :وانت من اهله
______________
هاجر قاعدة في اوضتها و سرحاتة و متوترة موبايلها رن و كانت سيرين
هاجر : الو
سيرين : هاي ايه يا بنتي مش فتحتي فيس ليه
هاجر : مش عارفه متوتره
سيرين : بطلي تبقي جبانه انتي مش بتعملي حاجه غلط بقولك خطوبه وهيخطبك عاوزه ايه تاني بس .. اوف
هاجر : طب مش لما اخويا بس يخطب وابقى اشوف انا الولد دا اخباره ايه لازم أخويا يخطب الأول و حبيبة كمان لأنهم أكبر مني
سيرين : اااااه عمر .. و ماله و حبيبة كمان و لينا كمان بنت عمك تتخطب انتي عبيطة يا هاجر
هاجر : يوووه بقى متجيبليش سيرتها انتي كمان
سيرين : ليه هيا عملتلك حاجه ولا انتي غيرانه منها كعادتك
هاجر : لا ياحبيبتي مش غيرانه منها انا واثقه في جمالي
سيرين بخباثه : طب مش حرام الجمال دا محدش يشوفه وميتهناش بحب رقيق كله عشق وحنيه ؟
هاجر : مش فاهمه
سيرين : يابنتي وليد اللي قولتلك عليه هيموت ويكلمك ..
هاجر : خايفه
سيرين : متخافيش .. بصي كلميه يوم لو مرتحتيش اقطعي معاه و ولا كأنك عملتي أكونت علي الفيس اصلا ماشي ؟
هاجر : ممممممممم ماشي ابعتيلي الرقم علي الماسنجر وربنا يستر بقى …
_____________
خالد قاعد على سريره وسرحان وبيقول في نفسه : هوا انا اول مره اشوف بنت !! انا شفت بنات كتير احلى منها اشمعنا هيا اللي رشقت في دماغي !! .. انا ليه مش عارف اطلعها من دماغي ليه بفكر فيها لييييييييييه .. معقوله دا اعجاب ؟؟ !! .. انا هتجنن تفرق ايه عن غيرها يعني ده انا عرفت بنات كتير اوي ب مش عارف ليه لما بشوفها بفرح يمكن عشان شمس بتحبها و بتاخد بالها من اختي لا لا طب ما شمس بتحب حبيبة و عمر و خالتي لا ؟؟؟ انا هنام احسن وبكرا يحلها الحلال …
___________
حبيبة :تعالي هنا كدا في البلكونة دي ماما محضرالنا كريم كراميل انما ايه تحفة
لينا :كريم كراميل و عصير مانجة ايه الروقان ده يا ماما
اميرة :تعالي بقا اقعدي و احكيلي
لينا :ولله ابدا يا ماما مفيش حاجة
حبيبة :يا لينا مش عليا ده انا بيبا
لينا :بصي مش عارفة بس بفرح لما بشوفه بحس بالسعادة كدا عارفة لما تحسي انك اتولدتي من اول و جديد مع ناس جديدة حاسة ان عمر حاجة حلوة اوي بالنسبة لي بس خايفة لاني حاسة ان ده من طرف واحد
حبيبة بصت لاميرة و شافت نظرة الفرحة في عينيها
لينا :مالكو بتبصولي كدا ليه
اميرة :تعالي في حضني ممكن
لينا :ممكن جدا
اميرة :ياااه أخيرا هفرح بيك يا عمر و مع اطيب و اجمل بنوتة في الدنيا
لينا :بس تفتكري هو بيحبني
حبيبة :بصي يا لينا انا هساعدك ان عمر يعترفلك الأول لأني حاسة ان في إعجاب عنده
لينا :بجد يا بيبا عمر بيحبني
حبيبة :يعني نقدر نقول أنه في اول الطريق كدا
لينا :بحبك يا بيبا ولله بحبك اوي
حبيبة :وانا بقا هقولك ازاي تخليه يعترف لأني اخويا عارفاه كويس اوي صعب جدا يعترف و اقولك سر كمان
لينا :قولي
حبيبة :عمر محبش قبل كدا
لينا :بجد
حبيبة :اه ولله
اميرة :وانتي عرفتي منين يا حبيبة ان عمر بيحب لينا
حبيبة :يا ماما باين عليه جدا أخويا وانا عارفاه
اميرة :لينا حبيبتي عايزاكي تفهمي حاجة واحدة
لينا :ايه يا ماما
اميرة:شوفي لازم تفهمي ان مينفعش تعترفي بحبك لاي راجل في الدنيا ولله
لينا :ليه
اميرة :ببساطة جدا انتي بتحبيه بس مش عارفين هو بيحبك ولا لا خايفة تتعلقي بحاجة مالهاش اساس عشان كدا عايزاكي متتعلقيش اوي
لينا :حاضر يا ماما بس انا مش قادرة مفكرش فيه حاسة انه هيلاحظ اني بحبه
حبيبة:لا اتقلي كدا يا لينا احنا عايزينه هو اللي يعترف
لينا بتنهيدة:ماشي
اميرة:يلا يا بنات صلو العشا و نامو عشان تصحو بدري
حبيبة :حاضر يا ماما
__________________
آدم مش قادر ينام خرج من اوضته و قعد في الحديقة تحت و كان يوسف قاعد
آدم :ايه يا بابا قاعد هنا ليه
يوسف :ابدا مجاليش نوم وانت
آدم :وانا برضو
يوسف : عارف يا ادم انا اي خلانى اتجوز مامتك
آدم : اكيد شوفتها عجبتك اتجوزتها
يوسف ضحك: لا خالص
ادم : امال ايه
يوسف : زمااان اووي لما كنت قدك كده شوفت ناني في سوبر ماركت
آدم : معلش بس كده مين ناني دي
يوسف : ناني مامتك
آدم بيضحك : مشاء الله ماما بقت نانى
يوسف : بطل تريقه وسبنى اكمل
ادم : اتفضل
يوسف : كانت هي خارجه وانا داخل..والله العظيم اول ما شوفتها نسيت انا داخل اجيب ايه وطلعت وراها فضلت هي تمد جامد و كنت حاسس أنها خايفة مني وقفت و ندهت عليها يا انسة لقيتها مشيت بسرعة جدا ركبت عربيتي و مشيت وراها لحد ما عرفت بيتها بس اول ما شوفتها قلبي دق جامد و حسيت ان هي دي الانسانة اللي لازم اتجوزها فضلت كل يوم اروحلها تحت البيت والاقيها تطلع تنشر من البلاكونه اول ما تشوفنى تتخض وتدخل جري
وانا ابصلها واضحك واقول مشاء الله
في مره بقي كانت هي راجعه من المدرسه كانت في 3 ثانوي وقتها وانا في اخر سنة في الكلية
المهم كنت عايز اتكلم معاها و حاولت امشي وراها و امد جامد لحد ما و هي ماشية وقعت علي الارض و مكنش فيه حد في الشارع و كانت خايفة جدا قعدت تعيط و هي خايفة مني قولتلها بس متخافيش انا مش هعملك حاجة روحي البيت و لقيتها قامت و مشيت بسرعة
بس تانى يوم بقي لاقتني في بيتهم بطلب ايديها واهلها وافقوا وقعدنا انا وهي نتكلم شويا وعرفتها انى كنت براقبها عشان اعرف هي بتروح فين وتيجي منين عشان اشوف البنت دي تستحق تكون ام عيالي ولا لاء
لحد ما بقت نجوي كل دنيتى وماليه عليا حياتى كلها
ادم : ياااااااه يا بابا انت طلعت بتحب ماما اوي بقي طلعت لئيم
يوسف : المهم في الاخر فهمت قصدي
ادم : مش فاهم تقصد ايه
يوسف : اقوله ايه ده…يعنى ياحبيبي انا مش معترض علي يمني مع انى مش برتاحلها بس راقبها شوفها بتروح فين من وراك اسأل عليها الجواز عشان يبقي ناجح لازم يبقي الزوج والزوجه محترمين ويقدروا بعض ..الجواز مش لعبه يابنى ..فهمت
ادم بتنهيده : فهمت يابابا فهمت بس يمني مش عارفها امبارح ولا من شهرين دي من 5 سنين يا بابا كون انك مش بترتاحلها دي حاجة تخص حضرتك لكن يمني طيبة ولله و محترمة
يوسف :يابني انا عارف كل ده بس المثل بيقول حرص ولا تخون
آدم :حاضر يا بابا انا طالع انام بقا تصبح على خير
يوسف :وانت من اهله يابني
____________________________
تاني يوم الصبح في بيت يمني
سماح (والدة يمني ) : صباح الخير
يمني : صباح النور ..مفيش فطار
سماح : تعالي نقوم نحضر
يمني : انا حاطه مونكير..ضوافري هتبوظ
سماح : طيب ساعدينى في اي حاجه ..ابوكي قرب يصحي
يمني:يوووه هساعدك
سماح :كل ما بشوف طريقتك كلامك بتأكد انى معرفتش اربي فعلا هي حنين بس اللي ربيتها كويس
يمني : لا والله معرفتيش تربي فعلا ….. هتصل علي آدم اشوفه رايح الكلية انهاردة ولا لا
__________________________
آدم كان نايم و موبايلها بيرن
ادم:ايه يا جاسر
جاسر :ايه يابني فينك
آدم :نايم
جاسر:طب يلا فوق كدا عسل نلحق اول محاضرة
آدم :لا مش قادر
جاسر :يابني مينفعش يا آدم المحاضرات مالهاش دعوة دي اخر سنة يا آدم و لازم نجيب تقدير كويس عشان الشغل
آدم :مش قادر يا جاسر حاسس اني مش هركز في اي حاجة ولله
جاسر:طيب بص تعالي و لو مقدرتش انا هروحك ولله بس المحاضرة انهاردة مهمة اوي و الدكتور هيقول حاجات مهمة جدا لازم نحضر وانا مش هحضر الا بيك يا صاحبي ولو سقطت ذنبي في رقبتك
آدم بيضحك :طيب يا جاسر بقولك يمني بترن سلام دلوقتي
جاسر :سلام
ادم:ايه يا حبيبتي
بنت بعصبية :ولله كنت بتكلم مين بقا
آدم :يمني كنت بكلم جاسر بطلي بقا الشك ده
يمني :ولله جاسر بقولك ايه انا مش برتاح لصاحبك ده ما تبعد عنه يا ادم
آدم :يمني مش للدرجة دي ارحميني جاسر صاحبي من وانا صغير و مقدرش ابعد عنه
يمني :خلاص خلاص المهم هتيجي الكلية انهاردة ولا لا
آدم :جاي
يمني :ماشي يا حبيبي هلبس و اكلمك تاني
آدم :ماشي متنسيش تصلي
يمني :حاضر
آدم :لا اله الا الله
يمني :محمد رسول الله
سماح :ربنا يكملك بعقلك يابنتي و يهديكي
_____________
نبيل :ولله الجامعة نورت يا آدم
آدم :ربنا يخليك يا نبيل
جاسر :عامل ايه يا آدم
آدم :الحمدلله
يمني لما شافت جاسر حبت تضايقه و مسكت ايد آدم و آدم شد أيده منها
آدم :تعالي عايزك
يمني مالك
آدم : ايه اللي عملتيه ده
يمني : في ايه انت مش خطيبي
ادم : خطيبك امسك ايدك عادي
يمني : يووووه بطل افوره بقي
ادم : انا هفضل محافظ عليكي لحد ما تبقي حلالي ومتعمليش الحركه دي تانى
يمني : اوووووف يلا نمشي احسن
ادم:لما نشوف اخر محاضرة الساعة كام
———————————
اميرة كانت قاعدة في المطبخ بتجهز الغدا و جرس الباب رن
اميرة :أيوة جاية حاضر …. سوسو ازيك ياحبيبتي ؟
سيرين : الحمدلله انتي ازيك ياطنط .. هيا هاجر هنا
اميرة : اه ياحبيبتي قاعده ف اوضتها ادخليلها
اميرة بصوت عالي : هاجر … سيرين جت .. انا في المطبخ بعمل الغدا
هاجر : ماشي خليها تدخلي
_______________
في المستشفى عند عمر
محمد :مش تباركلي يا عمر
عمر:خير فرحني
محمد :انا و هبة خلاص هنتجوز بقا
عمر :بجد امتي
محمد :مش عارف امتي بالظبط بس الشهر ده ان شاء الله احنا خلاص خلصنا كل حاجة
عمر :الف مبروك يا صاحبي ربنا يتمملك علي خير يارب
محمد :عقبالك
عمر :ربنا يخليك
_____________
سيرين : ازيك ياقمر آي ميس يو بجد
هاجر : تمام .. وانتي كمان مجيتيش المدرسه ليه
سيرين : كنت مع حبيبي
هاجر : ااااااااه اوعدنا يارب
سيرين : ان شاء الله .. فكرتيني بقى .. خدي رقم وليد اهه ..
هاجر : ايه ؟ يعني اانا اللي هتصل ؟؟
سيرين : لا ياهبله .. انتي سيفيه عندك عشان لما يتصل تعرفي انه هوا ..
هاجر : ااها ماشي هيتصل امتى
سيرين : هوا قالي الساعه 6 المغرب .. يناسبك ؟
هاجر : اه يناسبني تمام ..
________________
لينا كانت قاعدة بتذاكر في الأوضة و حبيبة دخلتلها
حبيبة : يا موزتي
لينا :ايه
حبيبة :عمر عايزك في مكتبه
لينا :ليه متعرفيش
حبيبة :لا معرفش هو قالي اندهيلي لينا
لينا :طيب هروحله
خبطت لينا على باب المكتب وفتحت الباب:
عمر:تعالي اقعدي يا لينا
لينا:نعم
عمر :افتحي العلبه اللي قدامك ده
فتحت لينا العلبه و بصت باستغراب لعمر
___________
( الساعه 6 )
( موبايل هاجر بيرن .. بصت في الموبايل لقيته ” وليد ” )
هاجر بتوتر : الو
وليد : يا اهلا بأحلى صوت
هاجر بكسوف : اهلا
وليد : ازيك يا جوجو .. تسمحيلي اقولك جوجو ؟
هاجر : تمام الحمدلله .. عادي اللي يريحك
وليد : انتي فاكره اني كدا مش مرتاح .. انا مرتاح لأني اخيرا كلمتك
هاجر : مممممممم ميرسي
وليد : انتي سكتي ليه .. اول مره تكلمي ولد صح
هاجر : بصراحه اه
(وليد في سره : هههههههههه كلهم بيقولو كدا في الاول )
وليد : تصدقي وانا كمان اول مره اكلم بنت .. انا قعدت كتير اوي متردد ومتوتر قبل ما اتصل .. بس قولت اتصل واللي يحصل يحصل ..
هاجر بسعادة : بجد انا اول واحده ؟
وليد : انا لما شوفتك وانتي طالعه من المدرسه وسألت عن اخلاقك .. قلت هيا دي البنت اللي هكمل حياتي معاها
هاجر ساكتة
وليد : بصراحه يا هاجر بقى .. انا حبيتك من ساعت ماشوفتك .. قولي عليا مجنون قولي عليا كداب .. قولي اللي تقوليه .. بس بجد حقيقي حبيتك ومش قادر اشيلك من دماغي من ساعت ماشوفتك .. وحاسس انك لو بقيتي لغيري انا ممكن اموت نفسي
هاجر : بسرعه كدا
وليد بخبث : انا بوعدك اني هعيشك في سعادة ودلع وهنكون اجمل عشاق
هاجر بفرحة : بجد ؟
وليد : طبعا ياحبيبتي .. معلش مقدرتش احوش لساني وهو بيقولك ياحبيبتي
هاجر بكسوف : تسلم
وليد : انا مش عاوزك تتكسفي مني .. اعتبريني باباكي اخوكي .. واوعي تتكسفي مني … اما تحسي بأي حاجه ف قلبك قوليهالي .. متتكسفيش ..
هاجر : حاضر هحاول بس صعب
وليد : لا مش صعب .. انا كمان خجول بس مقدر
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية بداية حياتي معاك)