رواية مريم وجون الفصل الثالث 3 بقلم فونا

رواية مريم وجون الفصل الثالث 3 بقلم فونا

رواية مريم وجون البارت الثالث

رواية مريم وجون الجزء الثالث

رواية مريم وجون الحلقة الثالثة

_هو فين نادر
=نادر كان معايا بس حصل مشكله في الكافيه وكان لازم يروح
هزيت رأسي بتعب وبدأت دموعي تنزل في صمت
أتكلم بنبرة حنونه_متزعليش من اللي بيحصلك حقك عليا أنا أنا هجبلك حقك من الكل**ب دي
أتكلمت ومقدرتش أمسك دموعي_انا مش عارفه ليه بيحصلي كدا أنا محترمه وأي حد كان بيحاول يلمسني كنت بصده
بس ليه!!ليه عايزين يشوهو سمعتي!!
محستش بنفسي ولقيتني بحضنه وبعيط وهو عمال يطبطب علي ضهري ويقولي_عيطي طلعي كل اللي في قلبك متكتميش حاجه
فضلت أعيط عيطت كتير محستنش بنفسي غير وأنا ملاحظه إني كل ده في حضنه
بعدت عنه بسرعه واتكلمت بتوتر_اا..أنا أنا أسفه جداً
حرفيا وشي قلب طماطم إيه الإحراج ده!
وهو بيستهبل!
مينفعش أحضنه تاني؟!
أحم اتلمي يا مريم
أتكلم بخبث_ايه ده إيه ده ده إحنا بنتكسف أهو
_م خلاص بقي يا عمنا متصدعناااش
=يما الصوت ده طلع منين يختاااي
فضلت أضحك وحقيقي الواد المز ده عسل
ينفع نتجوز؟!
_اه صح هو أنتِ تعرفي نادر منين أصله كان قلقان عليكي أوي
=أنا ونادر جيران من وإحنا صغيرين ومن ساعه م أهلي توفو هو ومامته كانو جنبي لحظه بلحظه
نادري ده أحلي أخ ليا بجد
ميغركش الخناق إللي إحنا فيه والنكش بس ده لغه حب بينا
_ربنا يخليكم لبعض
عدي اليوم وچون روحني البيت ونادر أصر أنه يتعشي معانا
_روحي يا مريم اعمليلنا قهوة
=ليه كنت الخدامه بتاعتكم يا حبايبي
نادر بأستفزاز_اسمعي كلام سيدك چون يا خدامه
أتكلمت بمسكنه_ألحقيني يا طنط تعبانه وكنت في المستشفى بفرفر وابنك عايزني أخدم عليه هو وصاحبه
طنط بنرفزة_واد يا نادر قوم أنتَ خدم على صاحبك مريم مش قايمة من مكانها
بصيتلهم ورفعت حواجبي ببرود
كانت القعده مليانه خناق وهزار ونكش كانت حاجه سُكر بجد
قربنا أنا وچون من بعض جداً وكنا صحاب أوي
_وتهزري معاه ليه؟!
=ده عميل يا چون لازم ابقي بشوشه معاه
_ايوة ايه المبرر يعني مش فاهم ليه تفضلو تضحكو مع بعض يعني
بصيتله بخبث_جرب نار الغيرة وقوليييييييي
_بس خلاص ودني اتخرمت
عارفه يا مريم لو لقيتك بتكلمي أي ذكر حتي لو حيوان هعمل فيكي ايه!!!
=خلاص بقي متبقاش قفووووش يا چونچون
بصلي بطرف عينه ومردش
_مقموص بقي وبتاع
=اه
_الشارع اللي وراه يا قلبي
وجريت من قدامه وأنا بضحك
هو حلو وجميل وطول بعرض وكل البنات بتحبه وبتاع
_يعني تسلم عليك مش فاهمة!!
=فيها ايه يا مريم دي منه
_والله!!منه أه أهلا وسهلاً
وتسلم عليك ليه يااااااض
=يما خلاص ايه كل ده
بصلي وغمز_ده القمر بيغير
_لا طبعاً هغير ليه مش فاهمة طز عادي جداً
=طب هتفضلي زعلانه كتير طب
_…
=طب تعالي نخرج
_أخرج مع منه
ضحك_خلاص بقي ولا ميت منه تملي عيوني غيرك
بصتله بطرف عيني وكتمت ضحكتي
=شوفتها علي فكرة
بصتله وكشرت تاني
=خلاص بقي يابووووي
ضحكت أخيراً بيعرف الواد العسل ده يصالحني
_بقولك أنا رايح فرح حد من صحابي تعالي معايا
=هفكر
_علي ٧ هجيلك
=لسه موافقتش علي فكرة
_ومتلبسيش ضيق يا عسل
يلا باااي
قومت جهزت لبست فستان أحمر بنص كُم واسع شوية وتحت الركبه ولبست هيلز وحطيت ميكب خفيف شوية وعملت شعري ويڤي
جالي مسدچ علي الواتساب فتحت لقيته چون
_جهزتي
=اه
_طب يلا أنزلي أنا تحت
نزلت وأول م شافني ابتسم
_اوعااا الأحمر علي الأسد بيمنع الحسد
ضحكت_بقيت بيئه أوي
ضحكنا وركبنا العربية وفجأة لقيته بيديني بوكيه ورد أحمر
أبتسمت وبصتله_شكرا
روحنا الفرح
_بصي هروح أسلم علي العريس وصحابي وأجيلك مش هتأخر
=تمام ماشي
راح وأنا فضلت علي الترابيزة
عدي تِلت ساعة ولقيته جيه قعد معايا كان طول القعده باصصلي ومبتسم
عدي أكتر من نص ساعة
_بقولك ايه
=قول
_متيلا بينا
=والفرح
_يعني هو فرحي يلا يختي قومي
قومنا وروحنا ركبنا العربية وساق وحبه لقيت نفسي قدام البحر
أبتسمت تلقائي
_خدي الچاكيت ده
=ليه
_عشان الجو ساقع
=ساقع فين الجو حر
فجأة لقيته بصلي بصه كده وروحت واخده الچاكيت ولبسته
مهزقة عارفه عارفه
قعدنا علي البحر شوية جابلي آيس كريم
فجأة لقيته قام وقف قدامي وطلع علبه صغيرة وركع علي ركبته
_مريم تتجوزيني
بصيتله بصدمة ومتكلمتش
لما سكوتي طال لقيت ملامح وشه بدأت تبهت
_مش موافقه؟
=ممكن تسبلي وقت أفكر طب
_تمام
قام بدون كلمه وروحنا علي العربية
وطول الطريق وإحنا في صمت رهيب
وصلني عند البيت نزلت وهو منزلش فقربت من الباب بتاعه
=لو جبنا بنت هنسميها ليلي
قولت كدا وطلعت جريت
أتكلم بصدمة _يعني أنتِ موافقه
أتكلمت وأنا بجري_اه يا واااد
عرفت چون من فترة صغيره مش كبيره بس كان طيب وحنين أوي مع أنه ظابط بس معايا غييير شوفت حنيه الدنيا في چون
اتجوزنا الحمدلله وحملت وحقيقي كان مستحملني أوي فترة الحمل
بعياط_أنا جعاانه
ضحك_خلاص طيب حاضر هأكلك متعيطيش
بصتله وعيطت أكتر_متضحكش يا بااارد
_طلقني
=ماشي
_ماشي؟!!!يعني مبقتش تحبني
=بموت فيكِ يا بت ده أنتِ الحب والمب والأسد والدب
_جود بوووي تستاهل بوسه
*ها يا مامي وبعدين
_وبعدين يا قلب ماما جيتي أنتِ ونورتي دنيتنا أكتر
*الله أنا نفسي أتجوز حد زي بابييي
چون بانفعال_وماله يا حبيبه بابا يلا روحي العبي
ضحكت_مالك في ايه
بنرفزة_البنت عايزة تتجوز وتسبني
ضحكت عليه لأنه بيحب لولي جدا وحقيقي مش عارفه لما تكبر وحد يتقدملها هيعمل ايه
غنيت بزعل مصطنع_وأنا اللي كنت فاكره إني لوحدي اللي في قلبه اتاري واحده تانيه جت في ثانيه شغلت قلبه
ضحك عليا وحضني_ولا ألف واحده تملي عيوني غيرك
تمت♥️

لقراءة باقي حلقات الرواية اضغط على : (رواية مريم وجون)