رواية بداية حياتي معاك الفصل الرابع عشر 14 بقلم داليا أحمد
رواية بداية حياتي معاك الفصل الرابع عشر 14 بقلم داليا أحمد
رواية بداية حياتي معاك البارت الرابع عشر
رواية بداية حياتي معاك الجزء الرابع عشر
رواية بداية حياتي معاك الحلقة الرابعة عشر
عمر قبل ايديها في اللحظة دي لينا مسكت ايد عمر جامد
عمر بقلق : في ايه يا لولي
لينا : قلبي وجعنى اووي
عمر : ليه بس كده
لينا : معرفش اااه يا عمر الحقنى
عمر : طب نروح البيت ولا ايه
لينا : مش عارفه قلبي وجعنى اووي
لينا من الوجع بدأت تعيط
عمر : لينا في ايه متقلقنيش عليكي
و فجأة عمر وقف العربية
عمر :طب انا هرجع المستشفى عندي و نشوف في ايه
_______________
تقي خرجت من المكان و وصلت عند سيارتها
سليم :مش هينفع ايه بالظبط
تقي :مش هينفع اكون معاك وانا كدا وانا بحبك
سليم :بتحبيني
تقي:اه بحبك
اتنهدت و اخدت نفس طويل و كملت كلامها : بحبك من زمان اوي من وانا صغيرة
سليم:طب ليه مش قولتيلي ليه سكتي كل السنين دي
تقي دموعها بدأت تنزل :كنت وقتها عارفة انك بتحب لينا …. كنت بحبك و كنت عارفة انك بتحبها و كنت بساعدك عشان بحبك بساعدك توصلها عشان بحبك متخيل كنت بكتم في قلبي عشان محسسش حد بوجعي حتي أقرب ناس ليا لينا الله يرحمها و ريم انا كنت دايما لوحدي محدش كان بيحس بوجعي يا سليم أيوة لينا مكنتش بتحبك بس كنت اكتر واحدة بقنعها عشان عارفة انك بتحبها و سعادتك هتكون معاها كون انك بتحب حد و هو مش عارف يعني بتشتاق من غير ما تنطق يعني متقدرش تقوله وحشتني يعني بتزعل بس بتكتم دموعك جواك يعني لما تغيير عليه متقدرش و مش من حقك تعاتب يعني تقريبا انت كدا بتموت
في اخر جملة قالتها تقي انهارت من الدموع و بالبكاء
سليم:ممكن تهدي تقي انا في الفترة الأخيرة دي حاسس اني اتشديتلك فعلا و
تقي قاطتعته: متكلمش اوعي تكمل اي كلام منك هيكون مجرد عطف و انا مقبلش بكدا انت محبتش غير لينا انا همشي عشان اتأخرت اوي
سليم :مش هينفع تمشي قبل ما نكمل كلامنا
تقي :نكمل بعدين انا لازم امشي
ركبت تقي سيارتها و هي غرقانة في دموعها و وجعها
(اوقات كتير ممكن تتوجع لما تتورط في حب شخص مش حاسس بيك ولا كان حاسس بحبك بتبقي مش عارف الدنيا هي اللي ظلمتك ولا انت اللي ظلمت نفسك بنفسك)
________________________________
ريم كانت قاعدة في غرفتها بتذاكر دخل شهاب اخوها عندها
شهاب :ريم قومي البسي طقم شيك كدا و ظبطي شعرك و اخرجي
ريم :ليه ان شاء الله
شهاب :عندنا ضيوف
ريم :مين دول
شهاب :هتعرفي لما تخرجي يلا شوية و الاقيكي جاهزة مستنيكي برة
ريم :ماشي
________________________________________________________________
وليد : ايه يا جوجو ياحبيبتي .. مفيش مساء النور ل وليد حبيبك؟ ؟؟؟
حبيبة قفلت السكه في وش وليد .. ندهت على هاجر بصوت عالي
هاجر دخلت غرفتها :في ايه بتزعقي ليه و مالك متعصبة كدا ليه
حبيبة : و ازعق ليه وانا عندي اخت محترمة و مبتعملش حاجه غلط ولا حرام ولا بتستغفلني
هاجر خافت تكون حبيبة عرفت حاجة عن وليد
هاجر بقلق : قصدك ايه
حبيبة :قصدي ده يا استاذة
( مسكت حبيبة موبايل هاجر ووريتها اخر مكالمه )
هاجر : مممم دا رقم مش مسيف يعني ممكن يكون حد بيعاكس
حبيبة : اممممممم بيعاكس طيب هو اللي بيعاكس ده هيقول جوجو و انا وليد حبيبك
هاجر :امممممم انتي بتزعقي عشان كدا بقا طيب حبيبة انا عايزة انام مش فاضية للمحاضرات بتاعتك دي
حبيبة بعصبيه : انتي ايه البرود اللي انتي فيه ده انتي عايزة تفضحينا
هاجر بصوت عالي : هوا انا عملت ايه يعني ؟ عملت اييه غير اني حبيت ؟؟؟ ما كل الناس بتحب جت عليا انا اللي ممنوع احب وبقت فضيحه اني حبيت
حبيبة بعصبيه و ضربت هاجر بالقلم و كانت أول مرة تعمل كدا : لما اكلمك يا زفتة صوتك ميعلاش
هاجر وضعت ايديها علي وجهها اللي احمر من القلم و قالت ببرود : يعلى ولا ميعلاش مبقتش فارقه متوجعيش دماغك و دماغي بقا انا كبيرة وعارفه كويس اوى انا بعمل ايهفوكك مني
حبيبة : انا فعلا مش هوجع دماغك ولا هوجع دماغي مع عيله قالت على نفسها كبيره عشان حطت كحل ولا روج وبقت عامله سنها من سني .. انا هخلي عمر هو اللي يكسر دماغكو ماما كمان
هاجر بخوف : انا عارفه انك مش هتقولي لعمر عشان انتي عارفه ان وليد بيحبني وصدقيني بجد هييجي يتجوزني
حبيبة بسخرية :انتي عارفه ان مفيش ولا ولد بيتجوز واحده عرفها من ع النت ولا كلمها في الموبايل وبيضحك عليها ويقولها هتجوزك عشان يعيشلو يومين لحد ما ياخد غرضه وبعدها يسيبها زي الكلبة بعد ما يبوظ سمعتها … ولو فكر انه يتجوزها بيبقى طول عمره مستحقرها من جواه
هاجر بعصبية :يووووه بقا كفاية بقا قولتلك هيجي هو حلفلي ولله
حبيبة : ومجاش ليه ان شاء الله
هاجر : قالي اما نتعرف على بعض اكتر
حبيبة : انتي بتهزري يا هاجر ؟؟؟؟؟؟؟؟ الراجل اللي عايز يتقدم لواحده بيتعرف عليها في بيت اهلها ويتخطبو وبعدها بيستأذن من اهلها انها تكلمه في الموبايل يتعرفو اكتر بس ده الراجل يا حبيبتي مش اللي بيسرق و يكلمها من ورا اهلها و حطي تحت كلمة راجل 100 خط
هاجر بخوف : بس والله هو قال انه هيتجوزني وكمان مش كل الولاد خاينين و انا سمعت ان بنات كتير كانو مرتبطين بيتكلمو مع بعض في الموبايل و اتجوزو
حبيبة : انتي صح .. في ناس كتير اتجوزو عن طريق التعارف في التيلفون .. بس صدقيني 10% من الناس دي عايشين بسعاده .. كلها بتبقى شك ومشاكل … والعلاقات اللي ابتدت غلط بتنتهي بغلطه تندم عليها البنت
هاجر :و ليه تنتهي بغلط انا معملتش حاجة غلط
حبيبة : يعني بذمتك لما واحده تكلم واحد غريب لمده شهرين وتحبه وتبقى بجحه زيك كدا في وش اختها و ترد علي كلامي تبقي ايه اسمعي يا هاجر بقا الله يهديكي هيجي يوم وهتلاقيه بيقولك انا ايه ضمني انك مش بتكلمي حد .. زي ماكلمتيني هتكلمي غيرك
هاجر : ايه التفكير المتخلف دا… بقولك بيحبنيبيحبني
حبيبة اتعصبت :طيب بصي بقا قسما بالله ياتقولي للزفت وليد انه يجي يتقدملك خلال الشهر دا .. يا هقول لعمر و انتي عارفة ممكن يعمل فيكي ايه ببساطة جدا افتكري عمل ايه في لينا لما مجرد ان زميلها قالها ان فستانها حلو انما انتي اخته يعني هسيبك تسرحي بخيالك و تعرفي هيعمل ايه او انك متكلميش وليد ده نهايء و تنسيه
(وخرجت حبيبة من اوضة هاجر .. وهيا خايفة على اختها العنيده اللي دايما تمشي ورا كلام صحباتها وكلام اهلها ممنوع انه يتسمع .. وبتقول في نفسها .. هاجر هتضيع كدا )
هاجر وقعدت تعيط لأن مفيش حد حاسس بحبها لوليد غير سيرين
___________________________________
بعد ربع ساعة كانت ريم جهزت و خرجت شافت شاب و جانبه ست كبيرة و راجل كبير و خمنت أنهم والده و والدته
والده :بسم الله ماشاء الله زي القمر يا ريم
ريم :مين دول يا ماما
أسماء :اقعدي يا حبيبتي ده عمك شاهين و دي طنط مديحة مراته و ده عمار ابنهم
ريم :اه اهلا و سهلا طيب انا لازم ادخل عشان اكمل مذاكرة
مديحة:مذاكرة ايه يا حبيبتي دلوقتي احنا عايزينك تقعدي شوية مع عمار عشان تتفقي معاه و تتكلمو شوية يمكن ترتاحو لبعض
ريم بعصبية :اتكلم معاه ايه حضرتك بصفته ايه ده كمان ما تتكلمي يا ماما
شهاب :بصفته خطيبك
ريم :خطيب مين انت اتجننت
أسماء :عيب يا ريم تكلمي اخوكي الكبير كدا
ريم:انتي مش شايفة ابنك بيقول ايه قال خطيبي قال طب و النبي لما يجي الفرح متنساش تعزمني قبلها و تديني خبر ما يصحش برضو معرفش
شهاب :ريم انتي بتهزري
عمار :في ايه يا انسة ريم الأستاذ شهاب مفهمنا ان حضرتك موافقة
ريم:بقا الحوار كدا بقا يعني انت اتفقت معاهم و قولتلهم اني موافقة طب انا داخلة اوضتي اقعد انت معاهم بقا
_____________________
في المستشفي عند عمر كان انتهى من الكشف علي لينا
لينا :ايه يا عمر انا عندي ايه
عمر :مش عارف بس محتاج نعمل تحاليل عشان اشوف في ايه
لينا بقلق:هو في حاجة خطر يعني
عمر قعد جنبها و مسك ايديها قبلهم :لا يا حبيبتي اطمني انا كلمت دكتورة كاميليا هتيجي تعملك تحاليل و بعد يومين كدا ولا حاجة هنعرف النتيجة هو ممكن يكون هبوط أو قلة اكل
لينا :بس انا اوقات كتير بحس في وجع بقلبي مش عارفة ليه
عمر :يا حبيبتي اطمني مفيش حاجة ان شاء الله ثواني هعمل مكالمة كدا بخصوص شغلي
لينا:ماشي
عمر لنفسه :انا قلقان اكتر منك بس ان شاء الله خير
__________________________
شهاب دخل غرفة ريم و وراءه أسماء والدتها
شهاب بعصبية :ممكن افهم ايه اللي عملتيه ده و ايه الأسلوب الزبالة اللي اتكلمتي بيه مع الناس انتي ايه محدش مالي عينك
ريم :يعني جايبلي عريس و تدبسني و في الاخر تقولي انتي اتجننتي لا خالص كان المفروض اوافق
أسماء :و فيها ايه يا حبيبتي اخوكي عايز مصلحتك مش اكتر و عمار شاب كويس يا بنتي و هيعشك في مستوي كويس
شهاب :يا ريم انتي اللي قدك اتجوز و خلف
ريم :هو ايه يا ماما انتو ليه دايما محسسني اني عنست انا عندي 19 سنة و نص
أسماء :يا بنتي ده انا اتجوزت وانا عندي 18 سنة
ريم :يا ماما زمنك غير زمني
شهاب :وانتي كل ما يتقدملك حد مش بتوافقي ليه ايه هو في حد بقا ما تخليه يجي لو فيه ولا شكله بيتسلي
ريم بعصبية :مفيش زفت هو عشان مش موافقة يبقا فيه حد مفيش ولله مفيش كفاية بقا حرام عليكو انا كل واحد بيتقدملي مش برتاحلو لسة بدري اوي
شهاب :طب اسمعي بقا هما كلمتين مفيش غيرهم قدامك أسبوع واحد يا ريم تفكري فيه و الا هتقعدي من الجامعة او توافقي علي عمار و تكملي
أسماء :ايه اللي بتقوله ده يا شهاب حرام عليك
شهاب :انا قولت اللي عندي يا ماما موافقة خير و بركة مش موافقة يبقا تمام
ريم دموعها نزلت و قعدت علي سريرها تعيط و خافت بجد ان أخوها هيغصبها على جوازها
اسماء:متزعليش يا ريم هو شهاب خايف عليكي
ريم :انتي اللي اديتيله الفرصة دي لحد ما خلاص محدش يقدر يكلمه ولا يكسر كلامه شوفتي بقا بسبب ابنك مستقبلي هيضيع انا عايزة انام ممكن تسيبيني لوحدي يا ماما من فضلك
____________________
هاجر كانت قاعدة في اوضتها و موبايلها رن كان وليد ردت عليه
هاجر :الو
وليد :ايه يا روحي مبترديش ليه و فتحتي عليا و قفلتي من ساعتين
هاجر :اصل حبيبة هي اللي فتحت عليك و عرفت اني لسة بكلمك و زعقتلي و قالتلي لو مبطلتش اكلمك هتقول لعمر او انك تيجي تتقدملي
وليد :يا حبيبي انتي عارفة اختك ما هي المرة اللي فاتت عملت كدا و خلاص الحوار عدا خدي بالك بعد كدا
هاجر :لا يا وليد المرة دي بجد هي قالتلي هقول لعمر انا عارفة حبيبة ده غير أنها قالتلي انك مش بتحبني و بتتسلي و حاجات زي كدا انت بجد بتحبني يا وليد
وليد بتوتر : ها .. انتي ازاي تسألي سؤال زي كدا اكيد طبعا بعشقك مش بس بحبك
هاجر : يعني هتخطبني بجد ونتجوز .. مش بتضحك علياصح
وليد :انتي هبلة اكيد طبعا هنتجوز .. انتي الوحيدة اللي عرفتها في حياتي و حبتها
هاجر : بجد ولله
وليد : اكيد طبعا … اديني شوية وقت هرتب حاجات بس و هاجي البيت انا و بابا اتقدملك
هاجر : بجد بحبك ..بحبك اوي يا وليد
وليد : ونا كمان
هاجر : ماشي .. انا كمان مش هعرف اكلمك الايام دي عشان حبيبة
وليد : ماشي يا حبيبتي باي
هاجر :باي
________________
في اليوم التالي
عمر دخل عند خالد الشركة
عمر :من فضلك خالد فاضي دلوقتي
السكرتيرة :اه يا فندم لحظة اديله خبر
السكرتيرة بعد دقيقتين خرجت :اتفضل هو منتظر حضرتك
عمر دخل المكتب عند خالد
عمر :خالد
خالد :ايه يا عمر اتفضل
عمر :ايه يابني كل ما اكلمك مبتردش عليا حتي يوم قراية الفاتحة بتاعتي انا و لينا مش جيت
خالد :ولله كنت مسافر شرم يومها مبروك يا ابن خالتي
عمر :خالد انا عارف انك كنت عايز تخطب لينا بس صدقني يا خالد لو بصيت قدامك هتلاقي اللي بيحبك انا لو عارف و متأكد ان لينا بتحبك او معجبة بيك صدقني كنت انا اللي هقنعها بس لينا كانت بتحبني
خالد :يابني عادي انا مش زعلان اصلا كان مجرد إعجاب و راح لحاله
عمر :هو ده خالد حبيبي
خالد :عمر انت أخويا طالما اخويا يبقا خطيبتك اختي وانا كنت معجب ب لينا بس مجرد إعجاب ولله
عمر :ما تتلم يلا ايه معجب دي خلاص بقا
خالد ضحك :ماشي يا عمر خلاص قولي بقا عامل ايه انت و لينا
عمر :الحمدلله تمام
خالد :دايما يارب
عمر :بقولك انا هعدي على شمس اجيبها من الحضانة عشان وحشتني
خالد :ماشي
_____________________
لينا كانت خلصت محاضراتها اتصل عليها عمر أنه مستنيها عند باب الجامعة الرئيسي و خرجت شافته هو و معاه شمس ركبت جنبه السيارة و شمس علي الكرسي اللي ورا
لينا :معلش اتأخرت عليك شموسة حبيبتي وحشتيني
شمس:وانا كمان بس زحلانة منك
لينا :ليه كدا يا روحي
شمس:عمر كان هيتجوزني انا و انتي اخدتيه
لينا و عمر ضحكو
عمر :عادي يا شموستي الشرع محللي 4
لينا خبطته علي كتفه:يا رخم
شمس:خلاص انا هسيبهولك بس هتجيبلي سوكولاتة كتير ماسي
لينا :بس كدا عيوني
عمر :بتبيعيني يا شمس عشان شوكلت
شمس:سمس بتحب السوكلت اوي
لينا :عمر احنا رايحين فين ده مش طريق البيت
عمر :ماهو انهاردة هنخرج و هيكون اليوم ليكي انتي و بس
شمس:و انا كمان يا اومر
لينا ضحكت :حاضر يا عمري انتي ما انتي جاية معانا
عمر :انا ايه خلاني اجيبك بس
شمس :بتقول حاجة يا اومر
عمر :لا يا حبيبتي بقول هجيبلك حاجات حلوة
شمس :ماسي
________________
ريم خلصت محاضراتها و اتصلت على تقي لأنها غايبة لكن مردتش عليها خرجت من الجامعة و هي بتبص عليها من برة بتبص علي صحابها على كل حاجة كأنها حاسة أنها مش هتشوفها تاني و افتكرت جاسر اللي حبته قلبها وجعها و فهمت ان مش كل حاجة بنتمناها بتتحق زي ما بنتمني ابتسمت و عيونها دمعت و هي ماشية و مش شايفة قدامها من الدموع اللي بتنزل من عينيها زي المطر لحد ما وقفها صوت شخص هي عارفاه كويس بصتله و دموعها بتنزل من عينيها و كان في اللحظة دي عينيهم اللي بتتكلم اول مرة تسرح في عيون جاسر اوي
جاسر:مالك يا ريم بتعيطي ليه
ريم :مفيش يا جاسر
جاسر :مفيش ازاي انتي مش شايفة شكل عينيكي عامل إزاي
ريم :انا لازم امشي
جاسر :استني يا ريم مش هينفع اسيبك تمشي قبل ما تحكيلي فيكي ايه
ريم :مفيش يا جاسر مفيش
جاسر :بصي طيب تعالي اركبي معايا العربية و هنروح كمان هادي جدا انا بحبه و لو حبيتي تتكلمي هسمعك
ريم مقدرتش تمانع طلبه و ركبت معاه العربية لحد ما وصل عند كافيه علي البحر و قعدو قدام البحر
_____________________________________________________________
عمر و لينا و شمس وصلو دريم بارك و لينا كانت فرحانة
ركبو معظم الألعاب اللي هناك و شمس كان بيركبها الألعاب الخفيفة كان في لعبة لينا كانت نفسها تلعبها لكن خايفة
لينا :عمر انا عايزة اركب اللعبة دي بس خايفة اوي
عمر :هتخافي و انا معاكي
لينا :لا بس شكلها صعبة
عمر اخدها وركبوها لينا كانت ماسكه في قميصه جامد وبتعيط من الخوف عمر نيمها علي كتفه
عمر بحنان :ماتخافيش يا حبيبتي هننزل اهو
لينا بصت في عينيه جامد و هي بتعيط و هو كمان
لينا بعدت عنه بعدها :احم اللعبة خلصت
عمر فاق من سرحانه :يلا
خلصوا اللعبة و اخده شمس واتمشوا شوية لينا شافت واحد بيبيع غزل البنات و بلالين للأطفال و حواليه أطفال كتير
سابها عمر وراح اشتري من الراجل البلالين كلها و غزل البنات و اعطي لكل طفل بلونة و غزل البنات و اعطاها الباقي هي و شمس
عمر :اتفضلي احلي بلالين و غزل البنات لاحلي لينا في الدنيا
لينا :الله يا حبيبي ربنا يخليك ليا
شمس :وانا يا اومر
عمر :وانتي يا روحي احلي بلالين لاحلي شمس
شمس :انا عايزة العب مع بطوط ده
عمر وصلها عند بطوط و ميمي و قعد هو و لينا في كافيه
__________________
ريم كانت شبه منهارة من العياط هي قاعدة جنبه و ساكتة و هو باصصلها و ساكت
جاسر لنفسه :خايف تكوني بتعيطي بسبب ولد خايف اوي انتي الحاجة الوحيدة اللي صح في حياتي يارب يكون غير اللي في بالي
جاسر :مش ناوية تقوليلي مالك
ريم سكتت لحظات و قالت : مفيش حاجة
جاسر : آمال بتعيطى كدة من غير سبب يعنى
ريم سكتت تاني
جاسر :مالك يا ريم
ريم : بص انا مخنوقة و مضايقة و محتاجة حد جنبي بس انا مش عايزة احكى تفاصيل
جاسر : امممم يعني مجنونة
ريم ضحكت ضحكة صغيرة:غالبا كدا
جاسر بابتسامة : ماشى تمام انا موافق ممكن نتكلم في حاجات تانية هاا تحبى نتكلم فى ايه
ريم : أى حاجة
جاسر :طيب فكرى كدة
ريم : امممم احكيلى عن نفسك و عن حياتك كدة يعنى
جاسر : طالما فيها عن نفسى و عن حياتى يبقى لازم انتى كمان تحكى مش انا بس اللى هحكى بس هتحكيلى كل حاجة موافقة
ريم : موافقة
جاسر : ماشى يا ريم
ريم : يلا احكي بقا انت لسة هترغي
جاسر ضحك :يخربيتك حتي وانتي بتعيطي لمضة ماشى هحكى…..بصى يا ستى انا أسمى جاسر طبعا انتي عارفة كدا 22 سنة و نص في اخر سنة من كلية هندسة انا صاحب آدم و من واحنا صغيرين و نبيل اتصاحبنا عليه في الجامعة و عندي فاطمة اختي الصغيرة في 1 ثانوي و ماما و بشتغل من وانا في 1 جامعة بعد ما بابا اتوفي
ريم :اممممممم قصة مؤثرة
جاسر : انتى بتتريقى يا ريم ماشى ماشى
ريم :بس تصدق قصة عميقة فعلا
جاسر : اتلمى بقا بدل ما اضربك
ريم : متقدرش اصلا
جاسر : دا انا اقدر و نص
ريم : ماشى يا عم عشان عندك عضلات و كدا
جاسر : طب انا حكيت اهو يلا بقى دورك انتى
ريم : اوك احم احم
جاسر : ايه انتى داخلة حمام
ريم : بس يا ظريف بقى هحكى
جاسر : اتفضلى ياختى
ريم : انا ريم طبعا 19 سنة و نص فى كلية تجارة انجلش جامعة دمياط فى سنة 1 ماليش اصحاب غير لينا الله يرحمها و تقي بس كدا و بابا متوفي وانا في 2 ثانوي و عندي أخويا شهاب و ماما
جاسر:اممممممم قصة عميقة فعلا
ريم :يا رخم
جاسر :طب مش هتقوليلي بقا بتعيطي ليه
ريم :هحكيلك
______________________________________________________________
لينا :صحيح يا عمر مقولتليش
عمر :ايه يا حبيبتي
لينا :انت ازاي خطبتني وانت كنت هتضربني عشان بسام قال رأيه في الدريس و عاندت معاك في لبسي و كدا مش قولت مثلا يمكن ارجع البس كدا تاني
عمر ضحك :لا عارف انك مش هتعملي كدا تاني
لينا :عارف ازاي
عمر :بصي يا لولا انا كنت داخل اوضتي سمعت حبيبة و هي بتكلم هاجر و فهمت ان هاجر هي اللي عملت كل ده قولت لماما و حبيبة و اتفقت معاهم اني اعملك المفاجأة دي
لينا :امممممم
قضو اليوم بسعادة و هزار و ضحك و كانت لينا مبسوطة جدا
_____________________
جاسر :طب ممكن تهدي و بطلي عياط
ريم :عشان هو حطني في اختيار صعب مقدرش أوافق عليه و مقدرش اسيب الجامعة
جاسر :مش موافقة عليه ليه
ريم :مش عارفة مش هو اللي انا عايزاه يا جاسر
جاسر :طب انتي عايزة مين
ريم :مش عايزة حد
جاسر :يعني حد زيي مثلا
ريم ضحكت:انت بتهزر يا جاسر
جاسر :طب ما توافقي يا ريم انا شايف انه عريس كويس ولله جدا و كمان هتقدري تكملي دراستك كويس
ريم :هو ايه اللي كويس الواحدة مننا مش بتوافق علي اي عريس و خلاص كدا عشان كويس لا انا مش نفسي في كدا
جاسر:احنا صحاب صح
ريم :اكيد طبعا
جاسر: بصي عايزك تفوقي من الأحلام اللي في دماغك دي مفيش حاجة اسمها واحد يكون في دماغك بقا و المواصفات القياسية
ريم :ولا مواصفات ولا حاجة بس انا عايزة اتجوز واحد اول ما اشوفه قلبي يدق كدا و اكون حاسة انه هو ده مش فاهمني انت
جاسر:اجيبهولك منين ده
ريم :انت عايز تخلص مني و خلاص
جاسر بيضحك :طب يلا عشان اوصلك اتاخرنا اوي
ريم :ماشي يلا
ريم ركبت مع جاسر السيارة و وصلو عند العمارة و دي كانت أول مرة جاسر يوصلها لحد العمارة و ريم لانها كانت بتعيط مش حاسة انه وصلها لحد البيت
ريم :يلهوي انت وصلتني لحد هنا
جاسر :فيها ايه عادي
ريم :طب امشي ده لو شهاب شافك ممكن يقتلني
جاسر :ساكنة في انهي دور
ريم :نعم ليه
جاسر :هتردي ولا انده علي شهاب اسأله
ريم:يلهوي لا هقولك الدور الرابع يلا امشي بقا
جاسر :هتوحشيني
ريم بابتسامة :طيب
و في سرها :انت اكتر حاجة هتوحشني اصلا
جاسر:رقمي معاكي لو فيه اي جديد حصل كلميني و طمنيني عليكي بقا
ريم :حاضر باي بقا
___________
في ديسكو فيه رقص و اغاني كان وليد قاعد مع صاحبه مراد علي البار بيشربو و يتكلمو
وليد :ها يا مراد طمني عملت ايه
مراد :البت هاجر برضو لسة مبتردش اظن كدا وقت كافي اوي ده انا اخدت كمية تهزيق منها ماخدتهاش قبل كدا
وليد ضحك :يعني محترمة فعلا
مراد :شكلها كدا يا وليد
وليد :يبقا نتكل علي الله و نكلم الحاج بقا عشان اخلص من الحوار ده
مراد :أيوة بقا يا عم عايزين نتروق كدا و نسهر ده الحاج منشفها علينا الفترة دي
وليد :و هنسهر سهرة جامدة بقا بعد الحوار ده
مراد غمزله :مفيش حتة حلوة هنا كدا نظبط و كدا
وليد :في حتة هناك اوعي كدا اما اروحلها
____________________
بعد مرور يومين
عمر دخل معمل تحاليل و أشعة
عمر بقلق:ها يا دكتورة كاميليا طمنيني الاشعة طلعت
كاميليا :بصراحة يا دكتور عمر التحاليل شكلها ميطمنش
عمر :ميطمنش ازاي وريني كدا
كاميليا :دلوقتي التحاليل بتثبت ان لينا مكنش عندها هبوط زي ما توقعنا بص هو اكيد حضرتك بما انك دكتور قلب و جراحة هتفهم
عمر مسك التحاليل و هو خايف يقراها
عمر :مش ممكن مستحيل لا انتي متأكدة ان دي تحاليل لينا
كاميليا :اه طبعا يا دكتور
عمر اخد التحاليل و خرج من المعمل و خايف
___________________
رحمة : توتا يا توتا اصحى يللا ياحبيبتي
تقي :يووووه يا ماما بقا عايزه انام
رحمة : يابت انتي بطلي دلع وقومي الضهر اذن وانتي لسه نايمه طب حتى قومي افطري
تقي : اووف يا ماما الساعة لسة 12 و نص و عاملة الدوشة دي كلها طب سيبيني انام شوية كمان
رحمة : اصحى يا تقي وبطلي غلبه انتي بقيتي تسهري كتير ليه و بعدين انتي مش وراكي محاضرة انهاردة هتتاخري كدا
تقي: اصحى بدري عشان متاخرش الجامعه يا ماما دي جامعه مش مدرسه وطابور و كدا سيبيني انام بقا شوية
رحمة : بقا كده بتتريقي عليا يا تقي
تقي قامت من السرير و قبلت والدتها
تقي :لا طبعا هو انا اقدر يا ماما ده انتي حبيبتي
رحمة :أيوة كلي بعقلي حلاوة ياختي
تقي :خلاص ولله اهو صحيت بعدين انا انهاردة مش عليا محاضرات مهمة يعني فاكس مش رايحة
رحمة: خلاص وجعتي دماغي قومي ياللا ع الحمام اتوضي و صلي و تعالي ساعديني في الفطار عشان تفطري
تقي : حاضر يا ماما قايمة اهو
____________________
عمر كان قاعد هو ولينا في الليفنج روم هي بتذاكر و هو بيشتغل ع اللاب
لينا :بقولك ايه انا زهقت بقا اقفل كدا اللاب ده و نلعب ايه رايك
عمر :نلعب ايه بس شمس مش معانا بعدين مفيش العاب هنا
لينا :ماليش دعوة اتصرف انا زهقانة
عمر :اه تيجي نلعب بلاي ستيشن
لينا :ماشي
عمر :هتعرفي
لينا :شور ده انا هغلبك
عمر :اما نشوف هحضر اللعبة و كل حاجة ثواني
_____________________
رحمة :شوفي مين اللي بيرن الجرس يا تقي
تقي: طيب يا ماما مين الظريف اللي جاي الصبح ده
بتفتح الباب و كان سليم
تقي :سليم
سليم :احم ازيك
تقي :تمام اتفضل
سليم :ممكن افهم مبترديش عليى الموبايل ولا المسدجات ليه
تقي :مفيش يا سليم بس انا اسفة علي اخر مرة كنت معاك
سليم :بتتهربي ليه مني
تقي :مش بتهرب
رحمة :مين اللي ع الباب يا تقي
سليم :ازيك يا عمتو
رحمة :ايه ده ازيك يا سليم عامل ايه
سليم :الحمد لله
رحمة :تعالي بقا افطر معانا اكيد مكلتش كويس
سليم :لا ولله شكرا انا شربت نسكافيه و كلت كرواسون
رحمة :لا طبعا ده ميشبعش تعالي بس ده فيه فطار من اللي بتحبه
سليم :طب مش هتعزمي عليا يا تقي
تقي :ها اه اتفضل طبعا
__________________
عمر:هييييييح انا اللى كسبت
لينا:على فكرة انت رخم
عمر:انا رخم
لينا:اه
عمر:ماشى هتشوفى هعمل فيكى ايه
لينا :طب خلاص بهزر معاك ممكن ال joystick بتاعك
عمر :لا العبي بقا مش بتقولي هغلبك
لينا :حرام عليك انت 4 وانا 0
عمر :وانا مالى
لينا :اوووف يا رخم
عمر :قولتي ايه
لينا :مبقولش مبقولش كمل
____________________
سليم:ايه بقا هتفضلي كدا كتير
تقي: هفضل كدا ازاي
سليم :تقي انا مخنوق و مخنوق اكتر انك مش بتكلميني و بتتهربي انا الفترة اللي فاتت حاسس اني اتشديتلك جدا و
قاطعته تقي: لا متكملش بلاش كلام العطف ده
سليم :عطف ايه يا بنتي انا فعلا حاسس اني مشدودلك
تقي:بس انت لسة بتحب لينا
سليم :أيوة حبيتها بس مش عارف اذا كنت لسة بحبها زي الأول ولا اقل مش يمكن احبك انتي لينا عمرها ما كانت ليا اصلا كانت حلم بعيد و صعب لا هي عمرها حبتني ولا حاجة
تقي :بس الحب مش كدا الحب مش بيجي كدا يا سليم
سليم :تعالي ندى نفسي فرصة انا كنت قريب منك جدا و حاسس اني ابتديت احبك
تقي :تعالي نغير الموضوع ده بقا
سليم :انا لازم امشي بس جيت عشان اصالحك و عارفة اقسم بالله لو ما رديتي عليا تاني هتلاقنيي عندك تاني فاهمة
تقي ضحكت:حاضر خلاص هرد استني طيب ماما بتعملك كيك و عصير
سليم : اشطا
____________________
بعد مرور أسبوعين
مراد :ها يا وليد بقالي أسبوعين بتصل علي هاجر و هي زي ماهي مبتردش
وليد :يعني هي كدا محترمة صح
مراد :اكيد طبعا اتكل علي الله بقا
وليد :عندك حق احسن الحاج كل شوية يسألني و المصروف بدل يقل
مراد :اه ولله ده بعد الحوار ده هيزود المصروف جدا
وليد :لا نستني شوية يمكن بتتقل عليك
______________________
ريم كانت قاعدة في غرفتها و بتبكي و خايفة مستقبلها يضيع بسبب الجوازة دي و خصوصا أنها منزلتش الجامعة الأيام اللي فاتت
والدتها دخلت اوضتها و قعدت جنبها
اسماء :يعني ينفع اللي انتي فيه ده
ريم :ما انا مش هتجوز غصب عني ولا هسيب دراستي
اسماء :طب العريس برة عايز يشوفك و يتكلم معاكي و بعد كدا لو مرتاحتيش ادخلي تاني محدش هيغصبك علي حاجة ولله
ريم:قابليه انتي
أسماء :كفاية عياط بقا عينيكي هتوجعك كدا بقولك أسبوعين ع الحال ده
ريم:و الظلم اللي انا فيه مش كفاية انا تعبت بقا
أسماء : طيب اخرجي بس اتكلمي معاه كلمتين و بعد كدا ادخلي تاني
ريم:بجد يا ماما يعني لو مرتاحتش هتغيري رأيك انتي و شهاب و ادخل تاني
أسماء :اه ولله
ريم :طيب يلا انا خارجة
أسماء :استني بس انتي هتخرجي بمنظرك ده
ريم :مالو منظري لا بقولك ايه مش هخرج الا كدا اذا كان عاجبه بقا
أسماء :يا بنتي انا عارفة انك مش موافقة بس كدا هتطفشيه يا هبلة و هيجيله صرع حرام عليكي طب حتي غيري هدومك
ريم :لا هخرج كدا بمنظري ده
أسماء :صبرني يارب اخرجي يا حبيبتي بس امسحي دموعك دي الواد يقول مغصوبة
ريم :طيب
_______________________________________
هاجر كانت قاعدة في اوضتها و قلقانة و دخلت عندها سيرين
سيرين :هاي يا جوجو
هاجر :ادخلي اتاخرتي كدا ليه
سيرين :المواصلات كانت زحمة
هاجر :طيب انتي عاملة ايه
سيرين: اي ام فاين وانتي هاو ار يو سويتي ؟
هاجر :زي الزفت الحمدلله
سيرين :مالك يا بيبي
هاجر :ما انتي عارفة الزفتة حبيبة مراقباني و هددتني آخر مرة هتقول لماما و عمر و غير بقا محاضراتها اللي بتقعد تديهاني زهقت منها و مش عارفة اكلم وليد
سيرين :مممممممم طيب و وليد عامل ايه معاكي
هاجر :زفت هو كمان من اخر مرة كلمته قولتله لازم يتقدملي عشان حبيبة عرفت و هو ولا حس ولا خبر
سيرين:مش انتي قولتيله يا غبية ما يتصلش تاني
هاجر :أيوة صح بس ع الأقل عايزة اعرف هو هيخطبني ولا لا
سيرين : اكيد هتبقو engaged soon ( مخطوبين قريب ) متقلقيش كدا
هاجر : انا خايفه يكون كلام حبيبة صح و بيضحك عليا و مش هيخطبني
سيرين:متقلقيش ان شاء الله هيخطبك
هاجر : انا بقالي أسبوعين اهو ولا حس ولا خبر و خايفة اوي
سيرين :طيب م تكلميه تساليه
هاجر :يلهوي انتي عايزة حبيبة تبهدلني
سيرين: يا بنتي مش لازم تحبو في بعض كلميه اساليه هتيجي تخطبني ولا لا
هاجر :طيب ربنا يستر
سيرين: طيب انا لازم امشي بقا و ابقي طمنيني عليكي و قوليلي عملتي ايه
هاجر :طيب ماشي
سيرين :سي يو بيبي
هاجر :باي
_________________
خرجت ريم تقابل العريس و تشوفه و قعدت علي الكرسي من غير ما تبص عليه و هي باصة ع الارض
اسماء:طيب انا هروح اجيب حاجة تشربوها
العريس :اتفضلي يا طنط …. احم ازيك
ريم و هي باصة علي الارض:كويسة
العريس :هو فيه حاجة واقعة منك بتدوري عليها .. اصل شايفك باصة ع الارض
ريم :وانت مال أهلك
و رفعت وشها تبصله و اتصدمت لما شافته
ريم :جاسر
جاسر:هو انتي لسانك زفت كدا دايما
ريم ب توتر :انت ازاي هو مش
جاسر :اه ماهو انا العريس
ريم :ازاي مش انت انا مشوفتوش
جاسر :اه ماهو التاني خلاص اترفض
ريم :مش فاهمة حاجة هو انا بحلم صح
جاسر :لا بس بصراحة صعبتي عليا قولت بدل ما مستقبلك يضيع بقا و بتاع قولت اجي انا بقا
ريم :بس انا مش موافقة
جاسر :انتي تطولي اصلا ده انتي هتموتي عليا عارف انا عارف
ريم :ليه كنت توم كروز ولا ايه
جاسر :لا جاسر
ريم ضحكت :انت مجنون بتدبس نفسك في جواز عشاني انت عبيط صح
جاسر :هو انتي مبتفهميش ولا ايه جيت اتقدمتلك عشان اتنيلت بحب اهلك يا غبية
ريم :ايه بتحبني ازاي يعني
جاسر :مش عارف بس لقيت نفسي باخد الخطوة دي وانا مش عارف ازاي في حاجات انتي متعرفيهاش عني لسة بس عايز اقولك من يوم ما شوفتك و انتي غيرتيني جدا حتي كل حاجة فيا اتغيرت
ريم :حاجات ايه بقا
جاسر :لما يجي وقتها هتعرفي المهم سيبك من كل ده هو انتي بتبقي شكلك حلو ليه وانتي بتعيطي
ريم بكسوف:ماما اتأخرت اوي و هي بتعمل العصير هدخل اجيبه ثواني
جاسر بيضحك :ماشي
__________________
ادم بيكلم يمني في الموبايل
ادم :يا حبيبتي فيها ايه لما نروح نقعد شوية في الشقة
يمني:اه بس يعني
ادم :مش ده اللي انتي كنتي عايزاه
يمني :مكنتش اعرف أنها هتيجي منك بسرعة كدا
ادم :المهم بكرة ان شاء الله هنكون مع بعض وانا هظبط كل حاجة هعدي عليكي و نروح شقة ماما القديمة كدا كدا محدش بيروح هناك
يمني :تمام اشطا
ادم:سلام هكلمك بكرة بقا
يمني:ماشي سلام
__________________
سليم دخل الأوضة عند ادم
سليم :آدم ايه يابني ولا بتسأل ولا حاجة
ادم بتوتر :ها لا مفيش بس يعني كنت
سليم :ايه ده انت جايب ولاعة ليه ده انت مبتشربش سجاير
ادم :اه لا يابني
سليم :بس تصدق شكلها حلو وريني اجربها
ادم بعصبية :ده مسدس يا غبي
سليم بصدمة:مسدس بجد
ادم :أيوة زفت
سليم :جايبه ليه ….. ما ترد
ادم :وانت مالك يا عم انا حر
سليم :طب انت رايح فين
ادم :مفيش نازل أتمشى شوية
سليم :لما اكلمك تقف تسمعني و تمشيش رايح فين بقولك
ادم :ملكش دعوة ياخي مخنوق رايح اتمشي شوية تحت
سليم: بقولك استني رايح فين طب فهمني ده بيعمل ايه معاك
ادم :مفيش يا سليم جايبه كدا
سليم :عايز تعمل ايه بيه
ادم : مفيش انا نازل أتمشى شوية تحت
سليم :انا اللي ماشي عن إذنك
ادم :استني بس يابني انت زعلت
سليم :مفيش انا ماشي هكلمك بكرة
__________________
هاجر اتصلت علي وليد
وليد : روح قلبي اللي واحشاني
هاجر :ازيك يا وليد
خالد : تمام الحمدلله .. ايه فينك وحشتيني
هاجر : ما انت عارف حبيبة
وليد : ممممممم
هاجر : وليد ؟
وليد : قلب وليد
هاجر : هو انت بجد بتحبني
وليد : يووووه بقا هتسالي تاني
هاجر : يعني انت مش بتضحك عليا زي باقي الولاد اللي بتضحك ع البنات
وليد : انا طول الأيام اللي فاتت بفاتح ابويا في الموضوع عشان يوافق و كدا بطلي بقا أسلوب الشك ده
هاجر : طيب يا حبيبي انا هقفل بقا عشان حبيبة باي
وليد : ماشي يا روحي هتوحشيني
هاجر:وانت كمان سلام
وليد :سلام
______________
تاني يوم
جاسر :يا ريم ولله مفيش حاجة بطلي بقا الشك بتاعك ده ارحميني
ريم :كنت سهران فين امبارح يا جاسر
جاسر :يخربيت ام كدا انتي مجنونة يا بنتي مش متنيل بكلم أهلك
ريم :بس انت قفلت معايا و كلمتني بعد ساعة و كنت لسة راجع
جاسر :ولله الزفت فصل شحن اهدي بقا كدا
ريم :وحشتني
جاسر :هو انتي لازم تنكدي علي امي بعد كدا تقولي كلمة حلوة يخربيتك
ريم ضحكت :هو اصلا احلي حاجة النكد ده طالما بنكد عليك يبقا انا
جاسر :يبقا انتي ايه
ريم :ها مش عارفة فوكك
جاسر :مكسوفة تقولي بحبك يعني
ريم :اهدي بقا
__________________
ادم:تعالي يا حبيبتي نقعد جوة المكان تحفة هنا و هيعجبك
يمني : اه فعلا
ادم شدها من شعرها جامد و صفعها بقوة علي وجهها
يمني :حرام عليك بتضربني ليه انت مجنون
ادم :كنتي بتخونيني
يمني بخوف و حاولت تجري منه لكن مقدرتش
يمني :مش بخونك مين قالك كدا
ادم :متكدبيش قولتلك انا عرفت كل حاجة يوم ما كنا خارجين و مسكت موبايلك اصورك يومها شوفت رقمه علي موبايلك و اتاكدت انك خاينة
يمني :آدم انا غلطت بس ولله بعدت عنه و
ادم بيضحك:وا ايه و المسامح كريم يعني و كدا اقسم بربي لاخليكي تندمي عمرك كلو علي انك عملتي كدا فيا كنتي فاكراني اتغيرت عشان بحبك لا اتغيرت عشان انتي وسخة و رخيصة و كانت دي اسهل طريقة انتقم بيها منك انا بس عايز افهم عملت ايه وحش معاكي عشان استاهل يحصلي كدا انا عمري ما كنت وحش في حد ليه كدا ليه
يمني :انا اسفة ولله طب اديني فرصة تانية سامحني يا آدم صدقني دي اخر مرة طب سيبني اروح
ادم :قولتلك هخليكي تندمي عمرك كلو علي الغلطة دي موبايلك فين …. موبايلك فين انطقي
يمني بخوف :اهو في الشنطة
ادم :طلعيه و اتصلي ع الزفت جاسر و خليه يجي هنا قسما بالله ي يمني لو بينتي ان انا بهددك او موجود لتكون نهايتهك علي ايدى
و خرج ادم المسدس يمني خرجت الموبايل بسرعة و بدأت تتصل علي جاسر
_____________________
جاسر :طيب بقولك ايه ثانية كدا هعمل مكالمة بس مع واحد صاحبي
ريم بخنقة:طيب
جاسر :مش هطول ثواني
______________
جاسر :نعم عايزة ايه
يمني بخوف بتحاول تداريه:عايزاك
جاسر :بقولك ايه ارحميني بقا و ابعدي عني
يمني :صدقني دي اخر مرة ولو مجتش هقول ل ريم
جاسر :عايزة ايه يا يمني قولي هنا و خلاص مش حوارنا انتهى
يمني :صدقني دي اخر مرة اقابلك فيها ولله تعالي يا جاسر هبعتلك العنوان في مسدج بس لو مجيتش حالا هكلم ريم و هي
جاسر قاطعها :خلاص خلاص جاي سلام
___________
جاسر :ريم حبيبتي انا اسف بس واحد صاحبي عمل حادثة و لازم اروحله
ريم :طب اجي معاك
جاسر :تيجي معايا ازاي يعني
ريم :خلاص روح
جاسر :اسف يا حبيبتي ولله م هتاخر هشوفه و اكلمك اطمنك
ريم :ماشي انا هشوف تقي فين
جاسر :طيب سلام
_________________
تقي كانت قاعدة بتتكلم هي و سليم في كافيتريا الجامعة
تقي :يعني ايه اللي بتقوله ده ادم مستحيل يعمل كدا آدم مش قتال قتلة يا سليم فاهم
سليم :آدم كان عايز ينتقم منها و احنا بغباءنا بعدنا عنه و صدقنا انه لسة بيحبها و هيسامحها لكن للاسف كان بيخطط عشان يعمل اللي عايزه
تقي :طب هنعمل ايه
سليم :هو المفروض هيعمل كدا انهاردة مش عارف امتي
تقي :طيب انا هكلم خالتو أسألها هو في البيت ولا خرج لو خرج يبقا نلحقه كل ده بسبب الزفتة يمني و جاسر
ريم في اللحظة دي كانت جات عندهم و سمعت اخر جملة
تقي :ريم انتي هنا من امتي
ريم :جاسر مالو
سليم :لا مفيش بعدين يا ريم هنفهمك ده موضوع كدا
تقي : ايوة يا خالتو هو آدم عندك …. ايه خرج طيب يا خالتو متعرفيش راح فين ..
ماشي سلام
سليم :خرج من بدري
تقي :تقريبا
سليم :طب انتي عارفة الشقة القديمة دي فين انا مش فاكرها
تقي :اه طبعا عارفاها انت مين قالك ده محدش بيروحها
سليم : م قولتلك سمعته امبارح و هو بيكلمها يلا مفيش وقت
ريم بعصبية :انا لازم في ايه بيحصل مش كفاية تلميحاتك يا تقي اني ابعد عن جاسر لازم اعرف جاسر عمل ايه
تقي :من الاخر يا ريم جاسر بيخونك
ريم :انتي بتهزري صح بتهزري
سليم :للاسف صح
ريم :هو قالي انه صاحبه عمل حادثة و رايحله
سليم :تبقا مصيبة لو رايح عندهم
تقي :طب يلا مفيش وقت
ريم :انا هاجي معاكم
_______________
جاسر طلع العمارة و خبط علي باب الشقة فتح آدم و شده من قميصه و ضربه بقوة ثم تركه
جاسر :آدم في ايه
ادم :مفاجأة مش كدا كان لازم اجيبكو انتو الإتنين عشان اخلص كل اللي فات و العذاب اللي انا فيه طب هي و طلعت وسخة وانت بقا ي صاحب عمري اتخدعت فيك ولا ايه
جاسر :آدم انا ولله كنت هقولك بس خايف
ادم :لا و رايح تتقدم لريم كمان برافو و خايف ليه ده حتي كنت بتخوني مع خطيبتي بس يا تري ريم عارفة انك حيوان اوي كدا … قوم اقلع هدومك
جاسر :نعم
ادم :وانتي كمان زيه و نام ع السرير و الا
يمني :لا يا آدم المسدس لا حرام عليك انت ايه اللي عايز تعمله ده
ادم :انتي دلوقتي بقيتي عارفة الحلال و ااحرام مكنش حرام انك كل يوم بتدبحيني بسكينة مكنش حرام انك تكسريني كل ده مش حرام بس تعرفي انا مش مستغرب لان البضاعة الرخيصة بيتلم حواليها الزباين بس انا اللي كنت اعمي شوية يلا اقلعي وانت كمان زيها
سليم و تقي و ريم في نفس الوقت كانو بيخبطو ع الباب
ادم :مين اللي جاي دلوقتي اكيد البواب اقلعو لحد ما اجي
______________
ادم بيفتح الباب
سليم بيزقه و بيحاول ياخد منه المسدس
ادم :عايز ايه مني
سليم:عايزك تفوق متضيعش مستقبلك عشانهم مش يستاهولك ولله
تقي :آدم سيب المسدس والنبي
ريم كانت واقفة مصدومة من اللي شافته و جاسر مش قادر ينطق ولا يبصلها و تقي خايفة على آدم
من كتر خناقهم ادم اطلق طلقة من المسدس و كلهم صرخو
________________
عمر خبط علي باب اوضة حبيبة
حبيبة :أيوة مين
عمر:انا يا حبيبة
حبيبة :ادخل يا عمر
عمر دخل و قفل الباب وراه
حبيبة :مالك يا عمر انت تعبان
عمر :انا في مصيبة يا حبيبة و مش قادر اخبي اكتر من كدا
حبيبة :ايه في ايه
عمر :لينا
حبيبة :مالها
عمر : لينا يوم ما كنا خارجين بالليل هي تعبت و رجعنا للمستشفي عملتلها تحاليل و بعد النتيجة
حبيبة :اه ما هي قالتلي و ان التحاليل أثبتت عن عندها هبوط من قلة الاكل الصبح
عمر :للاسف لا
حبيبة :هتقلقني ليه لينا عندها ايه
عمر :نتيجة التحاليل بعد ما عملت عنها أبحاث و كلمت دكتور جون اللي كان بيدربني في امريكا قالي ان ده عندها ضعف في الشريان الاورطي
حبيبة :ايه ده نتيجة ايه و ده مرض صعب ولا ايه
عمر :ده تقريبا نتيجة الحادثة اللي حصلتلها كنت شاكك ان في حاجة بس مش متاكد بعت التحليل في فاكس لاميركا دكتور جون عمله في مركز هناك و اثبتلي ان هي عندها ضعف في الشرايين
في اللحظة دي لينا دخلت عندهم مرة واحدة و هي بتبص لعمر بضيق و حزن و عمر و حبيبة قلقو يكونو سمعت
في اللحظة دي موبايل عمر رن و لما رد قال بصدمة
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية بداية حياتي معاك)