رواية بداية حياتي معاك الفصل السادس عشر 16 بقلم داليا أحمد

رواية بداية حياتي معاك الفصل السادس عشر 16 بقلم داليا أحمد

رواية بداية حياتي معاك البارت السادس عشر

رواية بداية حياتي معاك الجزء السادس عشر

رواية بداية حياتي معاك الحلقة السادسة عشر

دخل آدم الشركة و هو قلقان و باين عليه التوتر و وقف أمام مكتب حبيبة
خرجت حبيبة من مكتبها و نظرت أمامها و رجعت التفت مرة تانية
حبيبة باستغراب : آدم انت بتعمل ايه هنا
ادم بدهشة : ايه ده حبيبة
حبيبة : بتعمل ايه هنا
ادم :جاي احضر انترفيو عشان الشغل انتي الي بتعملي هنا ايه
حبيبة بابتسامة : انا بشتغل هنا اصلا
ادم : اه
حبيبة :ايه يابني بقالي 4 سنين مشوفتكش اتغيرت شوية
ادم : وانتي كمان معرفتكيش
حبيبة ضحكت :محدش بيفضل علي حاله بقا
ادم :عندك حق
حبيبة : علي فكرة انا بشتغل هنا و ان شاء الله هتتقبل و تكون معانا
ادم: شكلي كدا مش هتقبل تقريبا هياخده الاكتر خبرة
حبيبة :هتتقبل ان شاء الله انا هقول لباشمهندس أشرف عليك عشان يقبلك في الانترفيو
ادم :لا يا حبيبة لو سمحتي انا مبحبش الواسطه و الكلام ده
حبيبة باستغراب :انا هقوله عنك وبعدين دي متعتبرش واسطه وبعدين يا سيدي ابقي اثبت نفسك في الشغل عن اذنك انا داخلاله
ادم :حبيبة …. حبيبة استني
______________
دخلت حبيبة عند اشرف
حبيبة : الناس الجديدة ايجت
أشرف :تمام يا حبيبة هعملهم انترفيو حالا
حبيبة : مستر اشرف كنت عايزه اطلب منك طلب
اشرف : طلب ايه
حبيبة : في واحد منهم كان زميلي في الكلية من 4 سنين في القاهرة بس هو نقل تاني سنة دمياط بس هو حد محترم جدا و مجتهد انا شوفته برة هو متقدم عشان الوظيفة فكنت عايزاك تقبله ممكن
أشرف بجديه : بس يا حيببة مينفعش ما انتي عارفه انا مبحبش الواسطه
حبيبة برجاء :عشان خاطري والله ادم ده شاطر جدا ومتاكده انه هيثبت كفاءته وبعدين مش لازم يتعين علي طول يعني جربه شهر كدا و شوف
أشرف بنفاذ صبر : ماشي يا حبيبة اسمه ايه
حبيبة بفرحه : ربنا يخليك اسمه ادم ….. ااااه ادم يوسف
_____________________
عمر : خير طيب فهميني
كاميليا : انسة لينا معندهاش اي مشاكل في قلبها
عمر : نعم ازاي ده
كاميليا : للاسف التحاليل بتاعتها اتبدلت مع حد تاني
عمر : انتي بتتكلمي بجد ازاي
كاميليا : البنت اللي بتشتغل عندي بدلت اسمها و تحاليلها مع تحاليل واحد تاني و انسة لينا تحاليلها مفيهاش اي حاجة
عمر بفرحة : يعني لينا كويسة صح
كاميليا :اه ولله مفيهاش اي حاجة خالص انا حقيقي اسفة ع اللخبطة اللي حصلت دي و ….
عمر : لا طبعا اسفة ايه بس انا اللي متشكر جدا هو انا بس هستاذنك امشي دلوقتي ممكن
كاميليا ضحكت: اتفضل طبعا انا كنت همشي عشان عندي شغل بس مقدرتش اعتذرلك في الموبايل قولت لازم اجي
عمر :انا مش عارف اقولك ايه انا مش مصدق نفسي ولله
_________________
في غرفة الاجتماع كان المهندس أشرف بيشرح لهم طريقة العمل في الشركة و بيسالهم
أشرف : انت ادم يوسف صح
ادم : هي حبيبة قالت لك صح
أشرف : اه قالتلي فعلا
ادم : بص يا مستر أشرف مبدئيا كدا انا قولت لحبيبة ولله اني مش عايز واسطة ولا توصية من حد حتي اسألها ولله انا مش عايز اتقبل بواسطة انا عايز اتقبل بمجهودي
أشرف اعجب بصراحة ادم و اصراره علي العمل بدون واسطة
أشرف : تمام يا آدم انت هتشتغل معانا شهر تدريب ولو أثبت كفاءتك هتتعين رسمي ان شاء الله
ادم : بجد طب تمام
أشرف : انهاردة هعرفك مكتبك و انتو كمان برضو و تقدرو تتعرفو علي بعض انهاردة و من بكرة الشغل
__________________________________
عمر راح الجامعة عند لينا و اتصل عليها تخرجله
لينا : عمر مالك في ايه
عمر بصوت عالي : بحبببك
لينا : بس يا عمر الناس
عمر : بقولك ايه انتي خطيبتي و عادي فاهمة
لينا بخوف : فاهمة بس وطي صوتك عشان خاطري
عمر شالها و كان حاسس انه مش مصدق نفسه من الفرحة
لينا : بس ي مجنون نزلني
عمر : ابقي مجنون فعلا لو سيبتك لحظة او نزلتك
لينا : عمر حبيبي الناس
عمر بصوت عالي : بحبببببك
_____________
بعد مرور ايام
في مكتب حبيبة و ادم
حبيبة : اتفضل الملفات دي راجعها
ادم وبعد ما أخد منها الملفات
ادم : تمام شكرا
حبيبة : هو انت لسة زعلان عشان حوار الواسطة ده
ادم : لا ابدا
حبيبة : آدم انا مكنش قصدي علي فكرة انا كان قصدي يعني اساعدك بس تتقبل و كدا
ادم :تمام انا مش زعلان
حبيبة : تمام بما انك مش زعلان ايه رايك اعزمك علي الغدا معايا هطلبلك معايا
ادم : حبيبة مش عايز
حبيبة : مش عايز ايه بس شكلك زعلان صح
ادم :يووه حبيبة بصي انا مش عايز معلش سيبيني
حبيبة : ها اه تمام انا اسفة عن أذنك
___________________________________
تقي كانت منزلة status علي الواتساب
( يعني كل واحدة خارجة مع خطيبها الا انا اشمعنا يارب الحظ ده 😂 )
سليم دخل يكلمها
سليم : طب ايه رايك نخرج احنا
تقي : ها لا ده انا بهزر والله
سليم : لا هنخرج يلا جهزي نفسك هعدي عليكي كمان نص ساعة اشطا
تقي : ……
______________________________
عمر كان فاتح اليوتيوب و اندهش لما شاف فيديو يوم ما كان مع لينا و غنت في المطعم
عمر : لينا …. الحقي
لينا : ايه في ايه
عمر :الفيديو بتاعك يوم ما غنيتي تقريبا حد صورنا
لينا : بجد ازاي
مسكت اللاب بتاعه و اتفرجت عليه
لينا : مين اللي صورنا ده
عمر : مش عارف تقريبا حد من اللي كان موجود هناك
لينا : وريني الكومنتس كدا اشوفها
عمر : اهي … ( صوتها حلو جدا …. ماشاء الله ربنا يخليهم لبعض …. عسل اوي البنت دي حد يعرف اسم الاكونت بتاعها ….
لينا : ايه ده بص هو مش ده هشام جمال بتاع فريق البوي باند
عمر : اه فعلا ده بيقول اللي يعرف الاكونت بتاعها يوصلني بيها
لينا : طب يا عمر كلمه برايفت بليز و قولو انك تعرفني
عمر : نعم ليه مخطوبة ل سوسن
لينا : لا يا عمر انا مش قصدي بس دي فرصة حلوة هو انت هتقولو يعني …
عمر : خلاص خلاص فهمت هكلمه
لينا : حياتي يا ناس بحبك
__________________________________
ذهبت تقي و سليم لاحدي المطاعم ….
سليم : هتاكلي ايه
تقي بطفوله : شاورما طبعا… بس يلا بقي اطلب بسرعة عشان انا جعانه جداا
سليم بأبتسامه : حاضر حاضر لاحسن تاكليني ….
تقي ضحكت : لا لا متخافش
سليم :يخربيت ضحكتك انتي متعرفيش انا قد ايه بفرح لما بتكوني معايا
تقي بكسوف و توتر : امممم
سليم :اه صحيح انا مسافر القاهرة
تقي : هتقعد كام يوم و مسافر ليه اصلا
سليم : شويه شغل … ولازم اروح بنفسي اخلصه
تقي : كام يوم يعني
سليم بابتسامة :ايه هوحشك
تقي : لا بس يعني عشان اكون عارفة بس مش اكتر
سليم :امممم طيب هما يومين و يلا بقا نطلب اكل عشان جوعت
تقي : أيوة صح انا كمان جوعت
سليم :عماله تزني عايزه شاورما عايزه شاورما … خارج مع طفله يااربي
تقي : اذا كان عجبك
سليم :عاجبني ياباشا
________________
عمر اخد ميعاد مع هشام و راح يقابله هو و لينا في مكتبه
هشام : لينا ازيك
لينا : تمام وانت
هشام : تمام بصي احنا هنغني معاكي اغنية و هنشوف من خلالها رأي الفانز موافقين تعملي دويتو معانا ولا ايه ولو الكومنتس حلوة هتكوني معانا
لينا : طب تمام
هشام : دلوقتي بقا هنبدا نسجل مع بعض اغنية حافظة ايه من الأغاني بتاعتنا
لينا : انا حافظة كذا حاجة و ممكن نغني اغنية فوق من اللي انت فيه بتاعة عمرو دياب بحبها جدا منكم
هشام : طب تمام انتي حفظاها كويس
لينا :اه
هشام :تمام هشوف فؤش و نبدا مع بعض
لينا : اتفضل
_______________
وقفت هاجر قدام الباب تنتظر عمر من رجوعه من الشغل و هي رايحة و جاية
حبيبة : خلاص بقا اقعدي خايلتيني هو جاي يعني هيروح فين
هاجر : اتأخر اوي
أميرة : ما تقولي يا هاجر ليا و لما يجي قوليلو عايزة انام
الباب اتفتح و كان لينا و عمر جريت عليه هاجر و حضنته
هاجر : عمررر حبيبي
اميرة :حمدالله ع السلامة يا حبايبي هحضرلكو العشا
عمر:الله يسلمك يا ماما لا انا اكلنا برة
هاجر:ها جبتولي إيه معاكو
لينا ضحكت : هو احنا كنا مسافرين
حبيبة : ما تقولي يا هاجر بقا عايزاه في اي ولا اقول انا
أميرة : استني بس يا بيبا طمنيني يا حبيبتي عملتي ايه
لينا : الحمد لله يا ماما سجلنا الاغنية لايف بس من غير تأثيرات صوت ولا حاجة عشان يقدرو يشوفو رأي الفانز اني اعمل معاهم البوم و اشتغل معاهم ولا لا
حبيبة : ان شاء الله هتتقبلي يا حبي الفيديو معاكي
لينا : لا هشام رفعو علي البيدج بتاعته ربنا يستر
عمر : متقلقيش يا حبيبتي الاغنية كانت تحفة جدا
لينا : بجد
هاجر بغيرة : ممكن بقا نخلص من حوار لينا ده عشان عايزاك في موضوع يا ابيه
عمر :خير يا حبيبتي قولي
هاجر:بص يا ابيه…كنت عاوزة أقولك يعني ان انا
اميرة :في إيه يا هاجر
هاجر بتوتر :.. أنا متقدملي عريس
عمر باستغراب :مين ده يا هاجر
قاطعته اميرة:عريس ازاي انتي في 3 ثانوي يا بنتي
عمر :أستني يا ماما
هاجر بخوف و توتر : حبيبة عارفة قولي انتي
حبيبة : اهدو بس يا جماعة ده واحد شافها في عيد ميلاد صاحبتها و هو صاحب أخوها و سال عنها و قال انه عايز يتقدم و كدا و صاحبتها قالت لها
هاجر : ااه صح فعلا ده اللي حصل
عمر : بس انتي لسة صغيرة جواز ايه دلوقتي
هاجر : يا عمر طب ما لينا اتخطبت ليك و هي أكبر مني بسنة
عمر : اديكي قولتي أكبر منك ازاي و بعدين انتي لسة صغيرة
هاجر : ما تقولي حاجة يا ماما و بعدين هو ممكن يبقى خطوبة و بعد كدا نشوف موضوع الجواز ده لما اكون في 2 جامعة
حبيبة : خلاص يا عمر قابلو و حدد ميعاد معاه و بعد كدا تبقى ترفض او توافق بعد ما تقعد معاه
عمر : طيب ماشي ابقي هاتي رقمه من صاحبتك
هاجر : حاضر
_______________
ادم :حبيبة انا اسف ع الطريقة اللي كلمتك بيها آخر مرة
حبيبة : لا ابدا عادي انا اللي اسفة
ادم : انا ولله كنت مخنوق بس و … تقبلي اننا نتغدا سوا النهارده …
حبيبة : مش هقدر ….. عشان مستر أشرف كان طالب مني شغل كتير و لسة مخلصتوش و مش هقدر ….
ادم قاطعها :هستأذن منه … ومش هنتاخر متقلقيش و الشغل هنخلصه مع بعض
حبيبة : اممممم ماشي موافقه بس هتعزمني علي بيتزا وتجبلي عصير جوافة
ادم بضحك : بيتزا و عصير جوافة امممم….. ماشي يا بيبا اللي انتي عايزاه
________________
في المدرسة عند هاجر
هاجر : سيرين مش هتصدقي اللي حصل
سيرين : ايه ايه اللي حصل
هاجر : وليد كلمني وقالي انه هييجي يتقدملي
سيرين بصدمه : بجد ؟
هاجر : ايوا والله واتفقت مع اختي على انها تقول انه تبع واحدة صاحبتي وكدا .. ووافقت وقولنا ل عمر .. وهيقابله بقى يوم الجمعة خلاص
سيرين بحقد : اااه .. طيب مبروك يلا ندخل الحصة عشان منتاخرش و نكمل بعدين
هاجر : طيب اوك
سيرين لنفسها : ازاي ده حصل ده انا بكلم ولاد كتير و من قبلها و عمر م حد فيهم اتقدملي و هي من اول واحد تكلمه يتقدملها و خصوصا اني عارفة وليد بتاع بنت و لعب وعمره ما كان بتاع جواز
( فضلت سيرين بتحقد على هاجر .. . وكان من جواها مش قادره تفرح لصحبتها .. وفي نفس الوقت بقت مش طايقاها ولا عايزه تجيب سيرتها و الخبر ده كان وقع عليها بصدمة و حقد )
_________________
حبيبة كانت قاعدة مع لينا في اوضتها وبيتكلمو و معاهم شمس
لينا : ياسيدي ياسيدي أيوة يا عم بقا …
حبيبة :بس بقي أتلمي شويه شمس قاعدة وكمان انا أتحرجت أرفض …
شمس :مالها سمس
لينا : مالهاش يا روحي انزلي شوفي ماما خلصت الاكل ولا لسة عشان جوعت
شمس : حاضر بس هاخد بوسة
لينا : اكيد طبعا يا حبيبي
قبلتها لينا و خرجت
لينا : اتحرجتي برضو ولا بقي قلبك يميل
حبيبة :نعم ايه ده لا طبعا بتهزري صح انتي عارفة عني كدا برضو و بعدين ادم ده زميلي مش اكتر
لينا : أيوة أيوة فعلا
حبيبة : لا متحلميش اني بحب و هتجوز و كدا
واخرجت لسانها و قالت
حبيبة :احنا مجرد اصدقاء وبس
لينا : طيب ياختي بت معقده فعلا
حبيبة : بتقولي ايه يا زفتة انتي
لينا: مبقولش
_______________
يوم الجمعة
أميرة : اهلا وسهلا ب حضرتك
والد وليد : اهلا بيكي .. انا مكنتش عارفه ان ابني ممكن يحب
عمر: بيحب ؟؟
وليد بص ل باباه كأنه بيقولو اسكت : اصل بابا يا مش مصدق اني اعجبت ببنوته زي اخلاق اخت حضرتك
بابا وليد : انا غلبت اقوله يتجوز يقولي مفيش بنت كويسه .. الحمد لله ان ابني اخيرا لقى بنت الحلال
اميرة ضحكت: اه .. ههههههه ربنا يتمم على خير
بابا وليد : افهم من كدا انكو موافقين على وليد ؟؟
أميرة : والله انا عن نفسي بقول الف مبروك .. بس طبعا رأي هاجر مهم .. وكمان رأي اخوها عشان هو زي باباها بعد وفاة باباها الله يرحمه
وليد : اكيد طبعا الله يرحمه ..
عمر :وانت بتشتغل ايه يا وليد
وليد : انا بشتغل في الأجازة مع بابا في شركة بتاعته و بدرس في 2 تجارة
عمر : امممم بس انت صغير عشان تخطب دلوقتي
وليد : لا ما هو انا عندي 25 سنة بس اجلت 3 سنين جامعة مدخلتهمش
عمر :اها تمام طيب احنا هنشوف رأي هاجر
أميرة : احنا ممكن نعمل خطوبة صغيرة في البيت و لو مرتاحوش يبقا خلاص
والد وليد :أيوة فعلا حضرتك عندك حق
عمر بيوشوش مامته :ايه اللي بتقوليه ده يا ماما
أميرة : يا عمر دول شكلهم ناس محترمين ولله وافق بقا و بعدين يمكن يطلع ابن حلال و اختك توافق
عمر بصوت عالي: تمام احنا هنشوف رأي هاجر
( دخلت هاجر و قعدت معاهم و وافقت و اتفقو يحددو ميعاد الخطوبة )
________________
تاني يوم
جاسر كان قاعد مع ريم و بيفتح البيدج بتاعة هشام جمال لأنه من الفانز بتاعه
جاسر : ايه ده دي شبه لينا جدا مش معقول
ريم : مين دي
جاسر : البنت اللي مع هشام جمال دي شبهها اوي
ريم : فعلا سبحان الله و نفس صوتها متعرفش اسمها ايه
جاسر : مش عارف …
__________________
حبيبة : آدم صحيح انا عازاماك علي خطوبة اختي يوم الخميس
ادم : بجد الف مبروك
حبيبة : الله يبارك فيك هتيجي
ادم : اه اكيد طبعا مع انه يوم اجازتي بس هاجله
حبيبة : تنورنا طبعا
_____________
يوم خطوبة هاجر و وليد
حبيبة : يا ماما هي شمس و خالد هيجو امتى
اميرة : خالد عنده شغل يا حبيبتي هيخلصه ويجو علي طول
حبيبة : طيب ماشي هاجر فين
أميرة : اكيد بترغي ف التلفون
حبيبة ضحكت : طبعا مين هيمنعها ما هي اتخطبتخلاص
اميرة : يعني ايه مش فاهماكي
حبيبة : اقصد يعني هي مخطوبة لازم تبقى ع التلفون يعني مع خطيبها يتعرفو على بعض و كدا
أميرة بتضحك:كان مين يصدق ان عيلة زي دي حد يعجب بيها ويتقدملها ..
حبيبة : ليه يا ماما ماهي زي القمر اهي .. روحي انتي شوفي اللي ناقص وانا هغير هدومي و نازلة ..
______________
تقي كانت قاعدة هي و سليم و ريم و صحاب سليم و مامته في الفيلا عنده وكان عيد ميلاد سليم و تقي رتبتهوله
و هو قاعدين كانت تقي بتضحك و بتهزر معاهم كتير
و دخلت مع ريم المطبخ تجيب حاجات سليم دخل عندهم
سليم شدها من ايديها وبعصبية : ممكن تبطلي توزعي ابتسامات مع الناس دي و تدخلي جوة متخرجيش تاني لحد ما يمشو
تقي : ليه هتحبسني
سليم : متنيلتش قولت كدا بس كلامي واضح
ريم : يا جماعة اهدو بس
تقي دموعها نزلت منها و قعدت في الليفنج مع ريم و هي بتعيط
_________________
هالة مامت سليم : سليم ايه الطريقة اللي كلمت بيها تقي دي
سليم : مفيش يا ماما
هالة : مفيش ازاي يعني انا شوفتك وانت بتزعقلها و واحنا برة حسيتك متضايق أنها بتهزر مع صحابك
سليم : …….
هالة :شوفت ف عينك نظرة انا عارفاها…اللي ف بالي حقيقي
سليم بتردد وارتباك:اا….انا…بس مش عارف عملت كدا ازاي
سليم :مترتبكش…. روح دلوقتي و صالحها مستني ايه دي اكيد لسة بتعيط روحلها يا سليم و لو بتحبها قولها
___________
ريم:اهدي بقا يا توتا…. معلش هو اكيد متعصب بس
تقي مبتردش وبتعيط
ريم:خلاص بقا….بتعيطي ليه طيب
تقي بدموع وصوت متقطع:ي….يعني مشوفتيش اللي حصل….. وزعقلي ازاي…ليه عملت ايه يعني انا مكنش قصدي….يعمل كدة ليه بقاا…هزقني…وشدني من ايدي…محسسني اني اجرمت…ليه بامارة ايه
سليم دخل الاوضة:بامارة اني بحبك….وبخاف عليكي
ريم و تقي اتصدمو من اللي سمعوه و تقي كانت حاسة أنها بتحلم مش مصدقة ان سليم قالها بحبك
سليم:ايه…كويسة الامارة دي
تقي لسه مصدومة:اا..انت..ا.انت قولت ايه
سليم بابتسامة:قولت اني بحبك….وبخاف عليكي …ايه بقاا انتي؟
تقي دموعها نزلت تاني و بتعيط
ريم بصوت هادي جدا :الواد بيقولك بحبك…. تقفي تتنحي يا غبية ردي
سليم:اسف ع اللي حصل بجد
هالة دخلت في اللحظة دي:قولتي ايه يا تقي ع كلام سليم
تقي ابتسمت وهي باصة ف الارض
تقي : انا … هو انا مش بحلم ….
____________________________
جاسر دخل ل يمني مكتبها في شركة
جاسر : مفاجأة مش كدا
يمني : جااسر خير عايز ايه
جاسر مسك موبايله : لينا طلعت عايشة صح
يمني بتوتر : لينا ازاي يعني دي ماتت و اتدفنت انت لسة فاكرها
جاسر : بقولك ايه ؟؟؟ هتقولي الحقيقة ولا ادم يعرف بنفسه
يمني :وطي صوتك احنا في مكان شغل
_____________
عمر كان بيكلم لينا في الموبايل
عمر :اه .يلا عشان اتاخرتي…..انا مستنيكي تحت و علي الله فاهمة تلبسي حاجة كده ولا كده
لينا بابتسامة :حاضر يلا بقا اقفل لحد ما البس و انزل
لينا لبست فستان زيتي كات ومفتوح شوية من الضهر و نزلت
عمر:هو دا اللي حاضر ….دا ضيق خاالص
لينا:هو انا يعني رايحة فين ….وكمان انا واقفة معاك انت و في البيت يا عمر
عمر بص ل لينا بصة كانت هتخليها يغمي عليها من الرعب قرب منها وبهدوء وهو بيجز ع سنانه
عمر:اطلعي غيري الزفت اللي انتي لابساه دا
لينا حاولت تتماسك:ااا..اناا مش هعر
عمر: انتي لسة هتعترضي يلا سمعتي قولت ايه
لينا : حااا. ضر يا عمر
_________________
ادم : حبيبة كنت عايز ادخل التواليت
حبيبة : ااه طبعا اتفضل بص هو اللي تحت ده تقريبا فيه ناس ممكن تدخل اللي فوق في أوضة عمر اخويا ثواني هندهله
ادم : اه اتفضلي
بعد دقايق
عمر : طب تعالي يا آدم
ادم : تمام
طلع ادم مع عمر و دخل اوضته في التواليت اللي في أوضة عمر و كان بيتعرف عليه و هو طالع معاه
_____________
لينا خرجت من اوضتها و هي نازلة قابلت ادم و عمر في الدور
ادم بصدمة : ليناااا
لينا بصتله لحظات و مستغربة
عمر : انت تعرفها ؟!

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية بداية حياتي معاك)