رواية قطتي الشقيه الفصل السابع والعشرون 27 بقلم همس كاتبة

رواية قطتي الشقيه الفصل السابع والعشرون 27 بقلم همس كاتبة

رواية قطتي الشقيه البارت السابع والعشرون

رواية قطتي الشقيه الجزء السابع والعشرون

رواية قطتي الشقيه الحلقة السابعة والعشرون

قرب منها و امسك يدها بغضب و قال : انتي مش هتبطلي الحركات دي ؟ مش هتفكري قبل ما تتكلمي ؟؟ هتفضلي غبية طول عمرك !!؟
دنيا بخوف : ليه انا عملت اييه ؟؟
اسد بجنون : و بتسألي كمان !؟؟ خطيبك مكلمني و بيشتكي منك … هي حصلت تغلطي باهله ؟!
دنيا بانفعال : والله مش كدة .. انت مش فاهم ايه الي حصل
اسد حاول يهدا و قال : اتفضلي اشرحيلي
دنيا بدموع : انا ما غلطتش باهله .. انا بس قولتله اني مش هستحمل حد يتحكم بيا و قولت اني حاسة مامته بتحاول تفرض شخصيتها عليا و عايزة كل حاجة على مزاجها .. بس
اسد : دنيا ما تحوريش عليا انا عارفك و عارف طريقة كلامك
دنيا : ايوة بس و الله ما قصدت اغلط بيها .. قولت اني مش هستحمل ان اي حد يفرض رايه عليا و الي هيعمل كدة همسح فيه الارض مين ما كان يكون
اسد : طب كلامك ده يعني بتلقحي كلام عليها
دنيا : و الله انا مقصدتش كدة
اسد : دنيا … كبري مخك شوية .. عيب الحركات دي … انتي عارفة يعني ايه خطيبك يكلمني و يقولي اختك بتشتم اهلي ؟؟؟ .. ده لسا ما عملناش خطوبة و كل ده طلع منك هيحصل ايه بعد الجواز
دنيا بدموع : ما انا ملاحظة مامته بتدخل بيه اوي و كل حاجة بتسأل عنها
اسد بغضب : دنياا ما تشلينيش … محدش ضربك ع ايدك و قالك وافقي .. و لو مش مرتاحة افسخي الخطوبة من دلوقتي احنا لسا ع البر …. مش هستحمل تشوهي اسم عليلتنا بسبب طيشك ده … ع اخر الزمن انتي الي تخلي الناس علينا .. انتي الي بنعتبرك جوهرة البيت يا دنيا يطلع منك كل ده .. عايزاهم يقولو بنت هشام العمري ما تربتش كويس … دنيا ده اخر انذار ليكي بعد كدة انا بنفسي هوصل الموضوع لبابا و وقتها محدش هيقف جنبك
دنيا بسرعة : لا لا ارجوك يا اسد بلاش تقوله .. انا اسفة .. انا دايما بغلط .. بس و الله غصب عني … مش عايزة حد يتحكم بيا و انت عارف يا اسد بابا بيعاملني ازاي .. نفسي يكون عندي شخصية و اتحكم بحياتي زي ما انا عايزة
اسد بحدة : طول ما انتي بتفكري كدة عمره ما هيكون عندك شخصية .. عايزة الناس تحترمك ابقي احترمي نفسك و اعرفي انتي بتقولي ايه … انتي كبرتي و مش هنفضل ندادي فيكي يا دنيا … بكرا هتروحي لعالم تاني و تبقي مسؤولة عن بيت و عيال … الي قولتيه لخطيبك ده قلة ادب … و اوعك تفتكري ان جوازك يعني انك بقيتي حرة و تغلطي براحتك .. بالعكس الجواز مسؤولية و عايز انضباط و عقلانية … احنا لسا باولها ممكن تفكري بالموضوع تاني لو مش جاهزة .. بس مش تختاري و بعدين تفضحينا … انتي يا دنيا مراية لاهلك و اخلاقك في بيت حماكي هتعكس تربيتك في بيت اهلك .. مش معنى ان بابا ضغط عليكي بحياتك عشان يضمن مستقبلك انك تتجوزي و تمشي على مزاجك .. انتي بنت عز و اتربيتي في بيت محترم .. خطيبك من دلوقتي بدا يشتكي منك احمدي ربنا ما فسخش الخطوبة و قال خطيبتي ما اتربتش عند اهلها
دنيا بدموع : انا اسفة يا اسد … عارفة ان تصرفاتي من غير تفكير بس و الله بخاول اكون هادية … بس نفسي اوي اعيش زي اي حد و ما اكونش تحت ضغط بابا … انت عارف هو بيعاملني ازاي … انا بقيت مكبوتة لدرجة اني مبقاش عندي شخصية
اسد : انا عارف الكلام ده و عمري ما كنت راضي عن طريقته بس هو حر بطريقة تربيته ليكي … دنيا لو انتي حاسة انك مش قد مسؤولية الجواز افسخي الخطوبة من دلوقتي… احسن ما تدمري نفسك بعدين و تسيبي وراكي عيال يتمرمطو بسبب جهلك … مروان بيحبك و لسا شاريكي يا اما تعقلي و تحترمي الي حواليكي او فضيها سيرة بقا … ده اخر انذار ليكي بعد كدة المواضيع دي انا مش هتدخل بيها
دنيا : طيب اوعدك اني هبقى كويسة و افكر .. و الله انا بحب مروان بس بدايق جدا من التدخلات الي بتحصل
اسد بجنون : عن اي تدخلات بتتكلمي ؟؟؟ انتي ايه ؟ ما بتحسيش ؟؟ ده ابنها الوحيد و الست فرحانة بيه … بصي لبنات عمي مهران كل وحدة اتقل و اعقل من التانية .. ايه ما تعلمتيش منهم حاجة ؟؟؟ بصي ايمان ازاي بتشتري رضا خطيبها و حماتها .. بصي لمليكة اقربلك .. بتعمل اي حاجة عشان نرضى عنها .. مع انه مش مطلوب منها كل ده … بنفس الوقت كلهم محافظين على كرامتهم و حريتهم و باليوم الي مليكة حست انها اتهانت بيه قررت تمشي و احنا كلنا عملنالها حساب و خوفنا عليها عشان بنحترمها .. عشان هي فرضت شخصيتها و عملت ليها احترام … ده حتى جدي عاتبني عليها … عايزة الناس تقدرك و تحترمك احترميهم … عيب انك تتكلمي مع خطيبك عن اهله بالطريقة دي
دنيا : طب و الله هكلمه و اعتذر و لو عايز ممكن اعتذر لمامته … بس و الله انا ما قصدت حاجة
اسد بهدوء : دنيا … انتي لسا صغيرة .. و مش فاهمة حاجة .. الناس بتحاسبك على كلامك مش على نيتك .. محدش شايف النوايا غير ربنا .. كلامك انتي وصلتيه بطريقة بشعة و واضح انك بتلقحي كلام .. لازم تاخدي بالك و تختاري كلامك بدقة … انتي رايحة لبيت غير عن بيتك و مهما كنتي كويسة عمرهم ما هيعاملوكي زي بنتهم عشان هما ممكن يعدو لبنتهم و يلمو مشاكلها بس مش الكل بيستحمل مرات الابن و مشاكلها
دلفت مليكة و قالت : مش هتتعشو
اسد بهدوء : يلا جاين
مليكة : مالك يا دنيا
خرج اسد و مليكة نظرت لها و قالت : زعلك ؟
دنيا : بقاله ساعة و نص بيبهدل بيا .. انا اتخنقت
مليكة : على الله تكوني فهمتي بس
دنيا بندم : ايوة فهمت .. و انا غلط … هكلم مروان و اعتذرله
مليكة : دنيا الفكرة مش بالاعتذار … ده مهما كان حبيبك و هيسامحك .. الي لازم تفهميه ان هو بيعديلك عشان بيحبك .. بس ممكن يجي يوم يزهق و يتعب من تصرفاتك .. انتي لازم تحترميه و تحترمي اهله عشان بتحبيه .. عشان انتي بنت اصول و عيلة مقامها عالي
دنيا : و الله يا مليكة بحاول على قد ما اقدر اني اكون كويسة بس اتخنقت من امه .. وليه تقهر
مليكة : معناها ارجعي عيدي حساباتك يا دنيا … يلا نتعشى
*******************
هشام : اهو الدموية ردت بوشك يا خالد
خالد بسعادة : ايوة طبعا منا ضمنتها ليا
مهران بهدوء : على كدة هقولكم حاجة تانية تفرحكم كمان
ابراهيم: ايوة زمان عن الاخبار الحلوة
مهران بابتسامة: انا موافق ان فراس يتجوز رزان
ترك فراس الملعقة و نظر الى رزان بصدمة و هي ابتسمت بخجل
اسد بابتسامة: الف مبروك يا فرو
خالد : ايوة كدة يا مهران خليك رايق
فراس بسعادة : طب انا بقول نقرا الفاتحة
ابراهيم بسعادة : ايه رايك يا مهران
مهران : ماشي بس بشرط مش هنعمل خطوبة و لا فرح الا بعد ما تخلص رزان تعلميها
فراس : طيب انا موافق
هشام بضحك : يا ابني اتقل شوية
خالد : يعم خليه فرحان انا الوحيد الي حاسس بيك يا فرو
سليم : الف مبروك
فراس : ربنا يبارك فيك .. عقبالك يا سولي
سليم نظر الى غدير بحب و قال : يا رب
قرأ الجميع سورة الفاتحة
زينب : الف مبروك يا نهال عقبال ما تشيلي عيال بناتك
نهال بسعادة : ربنا يبارك فيكي يا حببتي
غدير : و اخيرا هبقى اخت العريس
مليكة : و انا اخت عروسة
غدير بضحك: انتي هتبقي العروسة شخصيا اخر الشهر
سليم وكز دنيا و قال : مالك زعلانة ؟
دنيا بانتباه : ها .. لا مفيش
سليم : طب باركي لرزان بلاش يقولو مش فرحانة ليها
دنيا لرزان : الف مبروك يحببتي
رزان باستغراب : ربنا يباوك فيكي يحببتي … مالك يا دنيا
دنيا : بعدين هحكيلك
هشام بهمس : مش غريبة غيرت رايك بسرعة
مهران : لا .. اتكلمت مع رزان و هي موافقة و بتحبه مش هبعدهم عن بعض
هشام بخبث : و الله ما شوفت الغيرة بعنيك الا على مليكة .. ده انت عملت عمايل في اسد محمد و فراس ما شافوهاش
مهران بضحك : و الله عشانها الصغيرة .. دايما بشوفها البت ام ضفاير .. عمري ما فكرت انها ممكن تتجوز
هشام بضحك : اهي اتجوزت اول وحدة و كلها فترة و تشيل عيالها
مهران بضحك : المهم انهم مبسوطين و يا رب يفضلو كدة على طول
هشام : يا رب
*********************
بعد وقت
على البلكونة
غدير : طب ايه رايك اسافر معاك
سليم بضحك : تسافري معايا بامارة ايه ؟ شكلك كدة عايزك تفضحينا
غدير : عادي اسافر اتعلم و انت مسافر شغل و كدة نشوف بعض على طول
مسك ايدها و قال بحب : انا عايز ابعد مخصوص يا حببتي .. عايزك تفكري بمستقبلك شوية و انا هرجعلك انسان جديد و وقتها هخطبك و اتجوزك و هتبقي مراتي و ملكي لوحدي
غدير : مستنية اللحظة دي بفارغ الصبر يا سليم .. انت مش عاف انا بحبك ازاي .. اقسم بالله لو طلبت ارمي نفسي من هنا لكون رامياها
سليم : و انا اعيش ازاي من غيرك يا نن العين .. ده انتي الحاجة الوحيدة الصح بحياتي من بين مليون حاجة غلط
غدير بابتسامة : هصبر يا سليم … هستناك .. بس اوعدني انك ترجعلي و ما تحبش غيري خالص
سليم : مستحيل غيرك تملى عيني .. اوعدك ان عيني مش هترف لوحدة غيرك يقلبي … اوعدك اني هفضل ليكي لاخر يوم بعمري .. اوعدك اني هرجع احسن من قبل
غدير بدموع : بحبك اوي يا سليم
سليم بعشق : و انا بعشق الارض الي بتمشي عليها يا حببتي
**********************
في اوضة المكتب
ابراهيم ؛ الخطة ماشية تمام يا اسد .. كل حاجة زي ما انا عايز
اسد : فعلا مفضلش دلوقتي الا اننا نضغط على عمي ينقل هنا
صباح : دي سيبوها عليا … انا هعرف اقنعه و اتمسكن و انا عارفاه و هستغل تاثير البنات عليه
ابراهيم : انا النهارده مبسوط .. اخيرا خالد خطب امنية و فراس ضمن رزان ليه .. بعد كدة لازم مهران يستقر هنا و بعدها نبقى نشوف حكاية غدير و سليم
اسد : انا شايف ان موضوع غدير و سليم نسيبه للزمن .. انا فاهم تفكير سليم و مشجعه بصراحة .. هو لازم يستقر و ياسس حياته بعدين يبقى يرجعلها
ابراهيم : ماشي هنأجل موضوعهم الايام دي … المهم عايز اسالك عن امير عمر الدسوقي هو صاحبك مش كدة ؟
اسد : ايوة ده صاحبي و عشرة عمري و الايد اليمين ليا بالشغل و تقريبا مش بنثق بحد غيره.. بس ليه بتسأل
ابراهيم : كلمني و قالي عايز يتقدم لرضوى
اسد بابتسامة : توقعت … هو يا جدي شاب محترم و كويس … عنده مشاكل مع عيلته و عايش لوحده .. بس انا متاكد منه و من اخلاقه .. و هو كسيب و ابن حلال و انا متأكد ان رضوى هتكون مبسوطة معاه
ابراهيم : طيب ممتاز انا اديته موعد .. و انتي يا صباح حاولي لمحي لرضوى بالموضوع ده .. بس انا خايف ترفضه زي الي قبله
صباح : خلاص هكلمها و اشوف رايها
********************
دنيا : هو ده كل الي حصل
رزان بشهقة : يخربيتك يا بت اختشي على دمك .. ايه الوقاحة دي .. مهو عنده حق يهزقك و اسد كمان عنده حق يفرمك .. انتي مبقاش عندك دم .. بتلقحي كلام على مامته يا وليه .. يا بت افهمي الي بيعمله مع مامته بكرا هيعمله معاكي .. خافي ربنا و ما تقسيهوش على اهله
دنيا بندم : و الله ما قصدت كدة
رزان : انتي كدابة .. عشان قصدتي و كلنا عارفين انك بتكرهيها .. عيب يا دنيا الحركات دي … اكبري شوية و بطلي طيش … انتي بقا عندك 20 سنة الي بعمرك اتعلمو ومنهم عملو بزنس و اشي اتجوزو .. اعقلي و فكري بكلامك .. طيشك ده خلاكي تاذي كل الي حواليكي … جرحتي غدير و كذا مرة لقحتي كلام على مليكة و كمان خطيبك ما سلمش منك .. انتيي اييييه ؟!!
دنيا بدموع : خلاص طيب انا غلطت .. هففف الكل النهاردة هزقني
رزان : منتي تستاهلي
دلفت مليكة و قالت بمشاكسة : دودو خطيبك تحت البسي و انزلي شوفيه .. و جايبلك معاه بوكيه ورد
رزان : و الله دي ما تستاهل ورد دي عايزة جزمة قديمة على قد وشها
مليكة بضحك : حرام عليكي .. يلا يا دودو انزلي صالحيه و نسيه الزعل .. ده مهما كان جيه على نفسه عشانك
********************
في اوضة الضيوف
اسد : اهو جبتهولك عشان تتكلمو و تتصالحو .. و انا فهمتها غلطها يمروان .. يلا هسيبكو لوحدكو
و خرج اسد و تركهم
دنيا بتوتر : انا اسفة
مروان بهدوء : مش عايز اعتذار يا دنيا … انا يهمني انك ما تقلليش من حد غالي عليا .. انا بحبك اوي بس بنفس الوقت الي بتتكلمي عليها دي امي .. ست كبيرة ليها احترامها و مكانتها و انا عارف انه مش قصدك بس لازم تاخدي بالك .. و قولتلك قبل كدة انتي و ماما خط احمرر بحياتي انتو اغلى اتنين على قلبي
دنيا بندم : والله ما كان قصدي .. اوعدك مش هتتكرر تاني .. بس انا كدة لساني متبري مني و تصرفاتي كلها غبية .. و الله بحاول اكون لطيفة و كويسة بس مش عارفة
حط ايده على خدها و قال : هتتعلمي يحببتي … انتي احلى و ارق بنت شوفتها بحياتي … انا بحبك و بعشق كل حركاتك .. انا ساعات بحسك بنتي مش خطيبتي .. و لازم لما تغلطي اعاقبك عقاب بسيط و بعدين اسامحك لانك حبيبة قلبي
دنيا بابتسامة : انا بحبك اوي
مروان : و انا بعشقك .. اسف يحببتي اني قولت لاسد بس و الله كان لازم اقول لحد عشان ما افرقعش … خصوصا انك انتي الي زعلتي و عملتي بلوك …. خفت اكلم باباكي يقوم يزعلك .. حتى مامتك اكيد هتقوله .. قولت اسد هيعرف يتفاهم معاكي
دنيا بعبوس : اه و الدليل قعد يهزقني ساعتين
مروان بضحك : منتي الي غلطتي
دنيا : صح .. انا اسفة يحبيبي و وعد مني هبقا عاقلة و افكر بكلامي
امسك يدها و قبلها بحب و قال : ربنا يخليكي ليا يا حبيبة قلبي
دنيا بذوبان و دلع : لاااااا بتكسففف يا ميرو
مروان بضحك ؛ اقسم بالله بعشقك يمجنونة
************
ابراهيم : تعالا يا هشام خطيب بنتك عندنا
هشام : ايوة انا استغربت لما اسد قالي .. تعالا يابا نقعد معاهم
ابراهيم : يلا .. سمعت انه جيه يتصالح مع دنيا .. واضح انهم كانو متخانقين و اسد حلها بينهم
هشام بصدمة : معقوول .. هروح اسأله
ابراهيم : وانت مالك بيهم يا ابني .. هما حرين يحلو مشاكلهم مع بعض .. لازم يتعلمو من دلوقتي … بكرا هيتقفل عليهم باب واحد وممنوع مشاكل البيت تخرج برة
هشام بزفير : ماشي يابا … اتفضل نقعد معاه
**********
مليكة : رضوى اسد قالي ان امير صاحبه اخد موعد من جدو و هيتكلمو عليكي
رضوى بسعادة : بجد ؟
مليكة : ايوة و تيتة قالتلي اشوفك يعني لو عندك قبول و لا هتطفشيه زي كل مرة
ايمان بخبث : هتطفشه
رضوى بسعادة : لا طبعا .. انا بحبه
مليكة : ايوة كدة انتي شاطرة … هروح اقول لتيتة و بعدين اشوف اسد ده وحشني اوي
ايمان بسخرية : لحقتي يختي .. و لا شاطره تتكلمي عليا بس
مليكة : اتلمي .. و الله بقالي يومين مش عارفة اتلم عليه .. ده بقى يوحشني اوي .. هروح اشبع منه قرة عيني و حبيبي
ايمان بضحك : روحي يختي
****************
**********
مرت الايام بسرعة باحداث روتينيه و جيه اليوم الي هتطلع بيه نتيجة الثانوية
كانت قاعدة و متوترة و بتفرك بايدها و قدامها التلفون كل شوية بتبصله
اسد : يحببتي اهدي انتي عملتي الي عليكي و الباقي على ربنا
مليكة بدموع : خايفة اوي
رزان : ما تقلقيش يا حببتي اكيد ربنا مش هيضيع تعبك ع الفاضي
نهال بتوتر : يا رب بس تظهر
زينب : انا عملت قهوة تفوقكم لغاية ما النتيجة تظهر
مهران : هاتي نروق اعصابنا شوية
سليم : تخيلي يا مليكة بعد كل ده تسقطي
مليكة بنهيار : اعاااااااا
دنيا : ده وقت استظراف يا سليم
مروان : حرام عليك البنت هيغمى عليها
هشام : يا مليكة ان شاء الله ناجحة خلي املك بربنا كبير
مليكة : و نعم بالله
ابراهيم : اهدو خلاص النتيجة فاضلها شوية و تظهر
خالد كان بيتكلم مع مامت امنية فيديو كول و امنية حاملة موبايلها متوترة
خالد : ما تقلقوش يبنات اكيد ناجحين باذن الله
اسد : هششش ثواني و هتطلع
مرت ثواني و مليكة قلبها هيتخلع من الخوف
اسد…………

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية قطتي الشقيه)