رواية عشق لا يموت الفصل الخامس 5 بقلم مورو مصطفى

رواية عشق لا يموت الفصل الخامس 5 بقلم مورو مصطفى

رواية عشق لا يموت البارت الخامس

رواية عشق لا يموت الجزء الخامس

رواية عشق لا يموت الحلقة الخامسة

مضت شهور الحمل وياسين يحتوي زوجته بحب ويراعيها في كل شئ واكتملت سعادتهم بحمل يارا أيضا وكان عصام مثل ياسين يراعي زوجته أيضا واتفق الاثنان على استخراج جزء من ارباحهم في كل مشروع لله فأصبح عملهم يتقدم شهر عن الاخر أنجبت ياسمين يحيي وبعدها أنجبت يارا علياء وكانت الفتاتان يعملان مع أزواجهم في الشركة حتى بعد انجابهم اما عزت فكان يقيم في الشقة الخاصة برشاد ومعه حسين ورشاد في معظم الاوقات وهلا ومحمد يأتون لهم دائما وكان مقرهم الرئيسي في التجمع عند رشاد اما هناء فكانت تحاول استمالة عزت لها مرة اخرى وعندما وجدت عدم اهتمامه وضعت اخر مسمار في نعشها عادت للمنزل فوجدت هلا ومحمد يجلسون يشاهدون التلفاز سويا فجلست أمامهم ونظرت لهلا

– هلا ياريت تبلغي ابوكي ان في عريس جي يتقدم لك يوم الخميس الجاي لتنظر لها هلا بذهول
– عريس ايه يامامي انا مش بفكر في الجواز دلوقتي انا لسه ادامي سنتين دراسة
– عريس كويس ومايتسابش وبعدين ايه المشكلة لما تتجوزي وتكملي وانتي في بيتك
– مين ده يامامي وشافني فين
– رجل أعمال يبقى صديق لجوز خالتك

ليقف محمد وينظر لها بذهول

– نعم بتقولي ايه يا امي صديق لجوز خالتي يعني راجل كبير في السن
– وايه يعني بس مليونير وح تعيش مرتاحة وبرنسيس لتنتفض هلا
– أيه اللي حضرتك بتقوليه ده انا لا يمكن أوافق على العريس ده ايه عايزة تجوزيني واحد قد ابويا ليه حرام عليكي وبعدين بابي لايمكن يوافق على كده ابدا

لتقف هناء بجبروت وتنظر لهم

– وانا مايهمنيش رأي ابوكي ولعلمك بقى انا كنت ح اعمل له اعتبار لكن خلاص كتب كتابك الخميس الجاي وغصب عنك كلامي اللي ح يمشي فاهمة وانت كمان اعمل حسابك تخلص وعروستك عندي مش ح اسيبكم انا تعملوا زي اخوكم الأهبل ده فاهمين لتنظر لها هلا بغضب
– وانا مش ح اتجوزه مهما حصل مش ح تقدري تغصبيني على كده بابي عمره ما ح يوافق

نظرت هناء لها بغضب ثم قامت بصفعها بقوة ودفعتها لحجرتها بعد أن قامت باخذ هاتفها واغلقت عليها الباب بالمفتاح وصرخت بها

– خليكي بقى زي الكلبة جوه وبدل الخميس بقى بكره وغصب عنك ح يتكتب كتابك عليه ووريني ح تتحديني ازاي ياحيوانة شكلي دلعكتم كتير بس من هنا ورايح كلامي هو اللي ح يمشي جتكم القرف

ظلت هلا تبكي وتصرخ ومحمد يقف في ذهول وبعد أن دخلت والدته إلى غرفتها اقترب من باب غرفة هلا وهمس

– هلا اهدي ارجوكي انا ح احاول اتكلم مع ماما على اني ح اقنعك علشان تدخلني ليكي
– ماشي يامحمد بس بسرعة الله يخليك انا خايفة قوي من اللي هي عايزة تعمله

طرق محمد باب جناح والدته فسمحت له بالدخول

– ماما ممكن اتكلم معاكي شوية
– عايز ايه
– ياماما الموضوع بالغصب مش ح ينفع وارجوكي اسمعيني قبل ماتنفعلي سيبيني ادخل أقنعها انا بكلامك لازم تفهم ان حضرتك عايزة لها السعادة مش كده

نظرت له هناء وأخذت تفكر قليلاً

– ح تعرف تقنعها
– ان شاء الله يا ماما انا عارف انك عايزة لنا السعادة
– ماشي اتفضل تعال معايا ادخلك لها بس هات فونك

أعطاها محمد هاتفه وذهبت معه وقامت بادخاله الي اخته التي فور ان رأته ارتمت تبكي في احضانه فأخذ يهدهدها بحنيه حتى هدأت

– ادخلي اغسلي وشك وتعالي حبيبتي علشان نتكلم

ذهبت هلا للحمام الملحق بغرفتها وراي محمد ظل والدته من أسفل الباب فعلم انها تستمع لهم فأمسك ورقة وقلم وكتب عليها لأخته ان تستمع له دون انفعال وان توافقه في كل مايقوله لها حتى يستطيع إخراجها من هنا وخرجت هلا من الحمام فوضع يده على فمه 🤫حتى تصمت وجعلها تقرء الورقة وأشار لها على خيال والدته فجلست وتحدث هو

– بصي يا هلا ياحبيبتي ماما اكيد خايفة عليكي وعايزاكي تعيشي مرتاحة وماتتبهدليش او حتى ترتبطي بحد يطمع فيكي
– ايوة يامحمد بس مامي ضربتني وعايزة تجوزني غصب عني
– بصي ياقلبي مش ح تخسري حاجة انا ح اقنع ماما تخلي الموضوع خطوبة بس تتعرفوا على بعض مش يمكن ترتاحي وتنبسطي معاه وبعدين راجل غني وانتي صغيرة وحلوة ح يدلعك دلع ايه مش اي حد بقى
– انت شايف كده يا محمد طيب وبابي
– سيبك انتي دلوقتي من بابي انتي تشوفي العريس وبعدها لما تبقي مبسوطة بابي مش ح يتكلم
– طيب خلاص اللي تشوفه
– ايوة كده حبيبة قلب اخوكي انتي وليكي عندي ياستي بكره اخدك بنفسي اجيب لك احسن فستان علشان العريس لما يشوفك ينبهر بجمالك
– ماشي يامحمد
– طيب نامي بقى حبيبتي والصبح تطلعي لماما تعتذري لها وتبلغيها بنفسك انك موافقة ماشي انا كمان ح اقولها دلوقتي متفقين
– متفقين يامحمد
– تصبحي على خير ياقلبي
– وانت من اهله حبيبي ولاحظ محمد اختفاء ظل والدته فهمس سريعا لاخته
– بكره ح نخرج من هنا على بابا جري بس لازم تصدقنا ماشي
– ماشي يامحمد ربنا يستر

خرج محمد من الغرفة واغلقها خلفه وذهب لوالدته واعطاها المفتاح وابلغها باتفاقه مع هلا كأنه لم يراها تستمع لهم ووافقت على ذلك وبالفعل اتي الصباح وفتحت الباب لأبنتها التي جرت عليها واحتضنتها

– اسفة يامامي بس يمكن علشان اتخضيت بس من المفاجأة انا موافقة يامامي بس بليز خليها خطوبة علشان نعرف بعض الأول
– ماشي موافقة هو ح يجي النهاردة الساعة ٧

ليقترب محمد من والدته ويحتضنها ويقبل رأسها

– ينور ياست الكل انا بقى وعدت هلا اني اجيب لها فستان يزغلل عينه
– طيب ماهي عندها كتير
– معقول برضه هلا بنت مدام هناء تلبس فستان مش جديد في مقابلة عريس بالشكل ده مايصحش انا ح اخدها بنفسي وارجعها بنفسي كمان
– ماشي بس ماتتأخروش
– لا ماتقلقيش فوريره يالا يا هلا البسي وجهزي حالك وانا كمان ح البس
– ماشي يامحمد عن اذنك يامامي
– اتفضلوا

ذهب محمد وهلا كلا الي غرفته وكان محمد قد أخبر هلا ان تُحضر كل أوراقها الخاصة بها وتضعها في حقيبتها وكذلك فعل هو وخرج الاثنان من غرفهم وقبلوا هناء وخرجوا من المنزل سريعا وركبوا سيارة محمد في طريقهم لوالدهم وفور ان ركبت هلا السيارة اخذت تبكي بقهر مما فعلته والدتها وكان محمد يشعر بالغضب الشديد ويرغب في الأنفجار بها ولكن كان همه ان يخرج اخته من المنزل حتى وصل إلى بيت والده وصعد الاثنان جري وفور ان فتح والده الباب ارتمت هلا في احضانه وفقدت الوعي فصعق عزت وحملها محمد ووضعها على الاريكه وقام عزت بالاتصال بياسين ليحضر طبيب لاخته واجتمع الكل عنده وحضر الطبيب الذي قام بالكشف عليها وابلغهم انها تعاني من حالة انهيار عصبي واعطاها حقنة مهدئة وانصرف وجلسوا جميعا ليخبرهم محمد بكل ما حدث منذ الأمس لينتفض عزت وياسين ويصرخ عزت

– امكم اتجننت رسمي وانا لازم اوقفها عند حدها ليقترب ياسين من والده
– اهدي يابابا ارجوك
– اهدي اهدي ايه دي اتجننت رسمي عايزة تجوز بنتي من ورايا والراجل قد ابوها انا سكت لها كتير بس من هنا ورايح انا ح وريها مين هو عزت انت قلت هو جي الساعة كام الحيوان ده
– قالت سبعه يابابا
– تمام ياسمين يابنتي خليكي انتي وياسين جنبها
– لا يابابا انا رايح معاك انا ومحمد ياسمين ح تفضل معاها
– اكيد يا بابا انا ويارا وماما مش ح نسيبها وكمان عصام وبابا وعمي حسين معانا
– تمام
– يالا بينا يابابا
– لا يا ياسين لما يقرب ميعاد عريس الغافلة

جلسوا جميعا وكأن على رؤوسهم الطير فالكل في حالة من الصمت والذهول مما استمعوا له حتى مر الوقت ووقف عزت ونظر لأولاده يالا بينا
نهض الثلاثة وتحركوا للذهاب إلى هناء التي كانت تحاول الاتصال بهاتف محمد ولكنه مغلق وكانت في حالة من الغضب فـ العريس وسارة وابنتها يجلسون معها وابنتها واخيها لم يحضروا بعد وفجاءه وجدت الباب يفتح ويظهر أمامها محمد لتندفع اليه بغضب

– كل ده فين يا زفت وفين اختك لتفاجأ بعزت أمامها فترتد خطوة للخلف وخلفه ياسين الذي اختلف شكله تماما وأصبح اكثر قوة ولكنها حاولت التماسك خير ياعزت بيه جي ليه انت وابنك وفين بنتي ليدفعها عزت بقوة من أمامه حتى كادت تقع لولا انها تماسكت ودخل الي الصالون فوجد سارة وابنتها ورجل يعرفه جيدا يصغره باعوام قليله ليقف أمامه وهو يبتسم بسخرية

– مش عيب عليك ياشهاب جي عايز تتجوز بنت قد عيالك
– عزت ايه اللي جابك هنا ليصرخ به
– ليه انت ماتعرفش انك جي بيتي بقى انت عايز تتجوز بنتي ياشهاب ليصعق شهاب وينظر له بذهول
– بنتك بنتك ازاي وينظر لسارة التي ظهر عليها الارتباك هو انتي مش فهمتيني انها بنت بنوت فاتها قطر الجواز انتي مجنونة ياسارة هو انا قلت لك عايز اتجوز عيله ايه لعب العيال ده هو انتي كنتي فاكرة اني ح اتجوز طفله ترتبك سارة
– انا بس كنت ليصرخ بها
– انتي تخرسي خالص والتفت لعزت اسف ياعزت والله ما اعرف انا جيت مع الهانم متخيل اني ح اشوف واحدة معدية التلاتين حقك عليا انا اسف مرة تانية عن اذنك
– تمام ياشهاب مع السلامة

خرج شهاب بعد أن القى نظرة احتكار على سارة و هناء واقترب عزت من سارة وامسكها من يدها بقسوة

– بقى انتي يازبالة عايزة تبيعي بنتي لراجل قد ابوها طيب ماكنتي تتشطري وتدوري على راجل يلم بنتك بس الغلط مش عليكي الغلط على اختك اللي بقى عندها استعداد تبيع روحها علشان الفلوس والغلط عليا ان في يوم من الايام حبيت واحدة زيها اتفضلي خدي اختك وغوري من هنا

كانت هناء تنظر له بذهول لتقترب منه

– انا ابيع نفسي ياعزت انا بعت نفسي ليك بس انت رمتني ليصرخ بها
– ياشيخة ياريتني رميتك من زمان انتي ازاي كده الأول ضيعتي ابنك وبعدها انا ودلوقتي كنتي عايزة تضيعي بنتك لولا اخوها لحقها لكن الغلط مش عليكي الغلط عليا انا اللي كنت سيبك واقول بكرة تعقل لكن خلاص من هنا ورايح البيت ده ماتعتبهوش برجلك عارفة انا ح ابيع الشقة دي علشان امحي كل ذكرى ليكي في حياتنا من هنا ورايح اعتبري ان احنا مش موجودين في حياتك سيبتك هنا قلت يمكن تعقلي في يوم لما تفتكري ذكرياتنا لكن ولا حياة لمن تنادي انتي بني ادمه مريضة امشي مع اختك خلي فلوسك تنفعك غوري من وشي

لتنتفض غاضبة

– انت بتكلمني انا كده ياعزت ماشي انا بكره اتجوز سيد سيدك انا غلط لما اتجوزت واحد مش من مستوايا وقبل ان تكمل كان عزت يصفعها بقوة حتى انها اختل توازنها ووقعت ونظر لها من أعلى
– روحي اتجوزي ولا تعملي اللي عايزاه المهم تغوري من هنا ادامك ساعتين زمن ماشفش وشك بعدها هنا وانت يا ياسين انزل هات نجار يغير الكالون وانت يامحمد ادخل لم حاجتك كلها انت واختك لاني ح ابيع الشقة باللي فيها خلاص مابقتش طايق منها حاجة تفكرني بالست دي يالا اتحركوا وانتي غوري من ادامي لمي حاجتك وانتي خدي بنتك وغوري من هنا والا قسما بربي اكون مخرجكم من هنا على القبر

خرجت سارة وابنتها سريعا ودخلت هناء الي غرفتها وهي غاضبة بشدة مما فعله بها عزت أمام الجميع وجمعت كل مايخصها وبعد أن انتهت خرجت من الغرفة وهي تنظر له بغضب

– بكرة تندم ياعزت
– عارفة لو ندمت ح اندم على حبي ليكي وجوازي منك
– ماشي ياعزت انت مش عايز تبيع الشقة انا ح اشتريها
– بعينك عارفة لو ح اتبرع بيها لكن مش ح اسيبها لك علشان مايبقاش لنا أي حاجة مع بعض علشان انساكي من حياتي كلها زي ماعيالك نسيوكي
– عمر عيالي ماح ينسوني واقتربت من ياسين الذي ارتد خطوة للخلف
– معقول ياياسين بتبعد عني ده انت كنت أقرب واحد في اخواتك ليا
– وعملتي ايه بقربي ده كسرتيني وهنتيني وكنتي عايزة تدمريني
– ادمرك انا
– ايوه لما تفكري تدمري حب عمري تبقى بتدمريني حرمتي نفسك من احساسك بفرحي وسعادتي حرمتي نفسك من أولادي
– انت خلفت
– ايوة خلفت بس للاسف مالكيش فيه حاجة عن اذنك بابا انا نازل استني حضرتك تحت المكان هنا بقى بيخنقني

🌺🌺🌺🌺🌺🌺🌺🌺🌺🌺🌺🌺🌺🌺🌺🌺

انصرفت هناء من المنزل وكذلك عزت وأولاده بعد أن اخذ منه كل مايخصهم وقام ببيع الشقة وانقطعت علاقتهم بهناء تماماً وكبر عمل ياسين وعصام وأصبح المكتب شركة وعمل معه محمد وهلا أيضا بعد تخرجهم وانجب ياسين من ياسمينته بعد يحيى بعامان تؤام يزيد وجاسمين والذي أصر ياسين على إطلاق اسم ياسمينته عليها فأصبح لدي ياسين وياسمين يحيى ويزيد وجاسمين ولدي عصام ويارا علياء و عمر

وبعد مرور ست سنوات اشتري ياسين قطعة أرض كبيرة وقام ببناءها كما يرغب والده فأصبح الدور الأرضي نصفين جزء لرشاد وزوجته وجزء لعزت وحسين بعد أن صمم عزت ان يقيم معه ومعهم محمد وهلا والدور الأول خاص بياسين والثاني بعصام اما الثالث والرابع فـ لهلا ومحمد عندنا يتزوجون وقاموا كلهم معاً واصبحوا يداً واحده يقفون سوياً وحاولت هناء محاربتهم في العمل ولكنها فشلت في ذلك وأصبحت شركة ياسين وعصام لها مكانتها القوية في سوق العمل وبعد فترة تزوج محمد من زميلة له في الجامعة وكذلك تزوجت هلا من زميل لياسين وعصام وعاشوا جميعاً حياة سعيدة حتي بدءت الحياة تختلف حين تعب رشاد فجاءه وانتقل الي المشفى والكل حوله وحنان تمسك يده بقوة تتساقط دمعاتها فأبتسم لها ورفع يده يمسح دموعها بحنان ثم التفت الي ياسين

– ياسين يابني
– نعم يابابا اؤمرني
– الأمر لله حبيبي عايز منك طلب
– حضرتك تؤمر مش تطلب
– حنان اوع تسيبها وحدها حبيبي لتصرخ حنان
– حرام عليك يا رشاد اوع تقول كده حبيبي علشان خاطري لينظر لها ويبتسم
– حنان يا حنية الدنيا كلها يا فرحة قلبي وحب عمري انتي عارفة انك عشقي وحبي الوحيد وبعدك بناتي نونتي انا شايف طريقي يانونتي اوعديني مش عايزك تضعفي خليكي قوية زي ما انتي دايما كنتي قوية في ضهري اسندي بناتك اوعديني لتبكي حنان وهي تقبل يده
– اوعدك يا حبيبي يا رجلي وابويا وابني اوعدك أقف واسند لغاية ماجيلك بس اوعدني تزورني اوع تسبني ح اعيش معاك في أحلامي
– مقدرش اسيبك يا عمري انتي ثم التفت ينظر لعزت وحسين وابتسم عزت انت وحسين أصدقاء الطفولة والشباب واهو جبنا اخر العمر واحنا سوا خليكم دايما مع بعض اوعوا تسمحوا العقد يفرط ح استناكم بعد عمر طويل

كان عزت وحسين لا يستطيعون التحدث فقط الدموع تتساقط من أعينهم ليلتفت رشاد الي ابنتيه وأشار لهم فجروا عليه وهم يبكون فهمس وهو يحتضنهم

– ماتعودتش منكم تكونوا ضعاف اتعودت عليكم بنات بميه راجل ح توحشوني قوي انتم والمقاريض الصغيرين دايما احكوا لهم عني انا بحبكم كلكم وعاد ينظر لياسين مرة أخرى ياسين زي ما قلت لك حنان أمانة في رقبتك ونظر لهم جميعا وهو يبتسم ثم نطق الشهادة وأغلق عينه مسلما روحه لخالقها في هدوء

قام ياسين وعصام بعمل كل الإجراءات وتم عمل عزاء لرشاد حضره العديد من الشخصيات وأصر ياسين ان تنتقل حنان الي الدور الذي يسكن به معه هو وياسمين ومضت الحياة وياسمين تعلم أولادها الوفاء والاخلاص وتحمل المسئوليه رغم صغرهم ومعها والدتها التي أصر ياسين ان تنتقل الي السكن معهم بالاعلي وكانوا يجتمعون دائما معا عند تناول الطعام عند عودة الجميع من عملهم وفي المساء يحتوي ياسين حبيبته

– حبيبتي عاملة ايه يا روحي
– الحمدلله ياحبيبي النهاردة يحيى كان عنده تمرين كاراتيه ويزيد وجاسمين كان عندهم تمرين سباحة المدربين بيشكروا فيهم قوي وخصوصا يحيى المدرب بيقولي انه ممتاز بالنسبة لعمره
– ربنا مايحرمنا منك حبيبتي انتي نبض قلبي يا ياسمينتي

لتميل ياسمين علي صدره وهي تقبله وتهمس بعشق

– انت الهواء اللي بتنفسه يا ياسو انت الدم اللي بيمشي في جسمي انت حياتي كلها حبيبي
– يااااااااااه يا جيسي لو تعرفي بحبك قد ايه
– مش قدي حبيبي انا بحبك اكتر

ليميل ياسين عليها وينظر إليها وهو يغمز لها بعينه

– دلوقتي نشوف مين بيحب التاني اكتر لتضحك ياسمين وهي تضع يدها خلف رقبته وتهمس بدلع
– وانا بعشق اللحظة اللي بتثبت فيها حبك ليا

ليأخذها ياسين في جولة من جولات عشقهم الذي لا ينتهي وكلما مر الزمن أصبح أقوى واقوي فالاثنان يذوبان عشقاً وبعد فترة من الوقت احتضنها ياسين مغلقاً يده عليها كأنه يحتضن كنز غالي وذهبا للنوم

شعر ياسين بشئ يتحرك على وجهه فأغمض عينه متأففا ثم عاد هذا الشئ ففتح عينه ليجد حبيبته تجلس بجواره وعلى وجهها تلك الابتسامة الساحرة فأبتسم وهو يسحبها لأحضانه

– صباح الفل ياقلب حبيبك
– صباح الورد على عيون حبيبي يالا اصحى بقى الاولاد صحيوا والكل في الجنينة تحت مستنيك والفطار جاهز
– اممممممم يعني كده طيب انا كنت عايز أصبح براحتي لتضحك ياسمين وهي تقبله على سائر وجهه
– اليوم كله معانا ياروحي يالا بقي بلاش كسل انا حضرت لك الحمام خد دش بسرعه على ما اطلع لك اللبس
– ماشي ياروحي ونهض يحتضنها بقوة وهو يقبلها ثم اطلق زفير حار مش كنا سبناهم وقضينا الوقت سوا لتضحك وهي تدفعه للحمام
– وح تخلص من يحيى ويزيد والست جاسمين ازاي دول قاعدين مستنينك بالمايوهات علشان تعوم معاهم
– ماشي ياستي عيوني لحبايب قلبي

انتهى ياسين من حمامه وارتدي ملابسه وامسك يد زوجته وهبطوا سويا للأسفل وفور ان راءه الاولاد جروا جميعا عليه فجلس أرضا يحتضنهم جميعا ويقبلهم

– يالا ياولاد نفطر وبعد شوية ننزل نعوم متفقين
– متفقين يابابي وكان اولاد عصام أيضا يلقبونه بابي

جلسوا جميعا يتناولون الطعام وبعدها اخذ ياسين الاولاد الي السباحة ومعه عصام ومحمد ويوسف زوج هلا وظلوا جميعا يلعبون ويتسابقون حتى انتبهوا على صراخ حنان باسم ياسمين فانتفض ياسين وخرج سريعا منطلقاً الي المطبخ فوجد ياسمين فاقدة الوعي فانحني يحملها وخرج بها ليضعها على الأريكه ويحاول افاقتها حتى انتبهت

– أيه ده في ايه
– مالك حبيبتي فيكي ايه حاسة بأيه
– ولا حاجة حبيبي والله انا بس فجاءه حسيت الدنيا لفت بيا ماتتخضش كده انا كويسة والله
– كويسة ازاي بس يالا تعالي معايا نقوم نكشف
– لا حبيبي مافيش داعي صدقني انا كويسة
– لا مافيش الكلام ده يالا حبيبتي علشان خاطري ونظر لحنان ماما معلش ممكن تاخدي بالك من الأولاد
– لا ياحبيبي انا جايه معاك البنات ياخدوا بالهم هما يالا حبيبتي قومي مع جوزك البسي وانا ح اروح اجهز

حمل ياسين زوجته وصعد بها إلى شقتهم وقام بإلباسها ملابسها واخذ حمامه وارتدي ملابسه وهبط بها وذهب بها إلى المشفى مع والدتها ودخل للطبيب

– اهلا يا ياسين خير مالها مدام ياسمين
– ماعرفش يا رأفت فجاءه داخت واغم عليها ودي مش اول مرة حصلت مرة او مرتين قبل كده بس مش من قريب
– طيب تمام استهدي بالله مالك قلقان ليه كده

ظل الطبيب يسأل ياسمين وهي تجيب وشعر ياسين بالتوتر ولكنه صمت حتى نهض رأفت وقام بالكشف على ياسمين ومعه ياسين وبعدها جلس على مكتبه مرة اخرى ونظر لهم

– بصوا ياجماعة انا مش عايزكم تقلقوا بس احنا محتاجين نعمل شوية تحاليل واشعة علشان نطمن ان كل حاجة تمام
– اعمل كل اللي شايفة يا رأفت احنا معاك اهو

قام رأفت بإستدعاء التمريض واعطاهم الأوراق المطلوبة ونهض ياسين مع زوجته وقاموا بعمل كل المطلوب وبعدها طلب منهم رأفت انتظاره في غرفة لترتاح بها ياسمين وبالفعل ظل ياسين مع زوجته وجعل حنان تذهب للمنزل لتظل مع أولادهم وبعد قليل دخل رأفت وشعر ياسين ان هناك خطباً ما فكان يحتضن زوجته فشعرت به يتشبث بها بقوة فنظرت له بحنان

– مالك حبيبي قلقان ليه كله خير يا ياسو احنا مؤمنين وعارفين ان لن يصيبنا إلا ماكتب الله لنا اتفضل يا دكتور
– برافو عليكي يامدام ياسمين ماشاء الله عليكي ربنا يقوي إيمانك
– اتكلم يا رأفت
– ياسين احنا لسه مش محتاجين نقلق من دلوقتي لسه في اشعات مطلعتش لكن لتنظر له ياسمين
– ارجوك يادكتور رأفت اتكلم بصراحة وعلى طول
– مدام ياسمين زي ماحضرتك قلتي احنا مؤمنين وعارفين ان مش ح نشوف غير اللي ربنا كتبه لنا ياسين التحاليل والاشعات اللي طلعت بتقول ان مدام ياسمين للأسف في أورام عندها في المخ

لينتفض ياسين وقبل ان يتحدث يكمل الطبيب

– ياسين اهدي احنا لغاية دلوقتي مش عارفين الأورام دي ايه لسه في حاجات تانية ح تطلع وتشوف نتايجها فارجوك اهدي علشان التوتر مش حلو خالص

ليجد ياسين يد زوجته تسحبه لها يجلس بجوارها فتحتضنه بقوة وهي تهمس

– اوع تبعد تاني عن حضني خليني في حضنك عايزة اسمع اي حاجة وانا جوه حضنك لانه هو اللي بيقويني حضنك ده اللي ح يخليني اقاوم اي تعب
– عمرك ما ح تخرجي من حضني يا حبيبتي حضني ده بتاعك انتي بس عايزك تقاومي اي تعب سامعه
– حاضر حبيبي

ليخرج رأفت ويدعهم سويا وهو يدعو الله داخله ان لا يكون الورم خبيث

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية عشق لا يموت)