رواية عشق لا يموت الفصل السابع 7 بقلم مورو مصطفى

رواية عشق لا يموت الفصل السابع 7 بقلم مورو مصطفى

رواية عشق لا يموت البارت السابع

رواية عشق لا يموت الجزء السابع

رواية عشق لا يموت الحلقة السابعة

مرت السنين وكبر ياسين وتوسع عمله وأصبح من أكبر رجال الأعمال في مجاله وكان معه عصام ومحمد وكريم زوج هلا اما زوجاتهم فقرروا ان يكون مكانهم البيت الذي قاموا بشراء مبنى بجواره وقاموا بضمه للبيت حتى يسكن فيه الاولاد فقد تزوج الاولاد جميعا
كان ياسين يجلس في حديقة منزلهم وحوله أحفاده من يحيي والذي انجب ياسمين وياسر ويزيد الذي انجب عزت و أريج و جاسمين الذي أنجبت ياسين و حنان و جوري وكذلك أحفاد عصام ومحمد وهلا كانوا يلعبون أمامه وهو فجاءه شعر بوجود حبيبته بجواره فادار رأسه يمينا ويسارا ولكنه لم يجدها فأغمض عينه وهو يبتسم وتذكر كيف مرت أيامه بعد وفاتها فقد أغلق على نفسه ٣ اسابيع لا يرى احد ولا يكلم احد حتى اولاده حتى وجد يحيى يدخل عليه جناحه واقترب منه مقبلاً يده وهو نائم على الفراش ونام بجواره واضعاً رأسه على صدر ابيه

– وحشتنا قوي يابابا جاسمين مش بتبطل عياط ويزيد كمان وانا مابقتش قادر اسكتهم انا كمان نفسي اعيط زيهم بس بحاول امسك نفسي علشان مايتعبوش اكتر من كده ماما وحشتنا قوي يابابا وانت كمان سيبنا وحدنا انا تعبان قوي يابابا نفسي اعيط في حضنك ماتبعدش عنا انت كمان ماما قالت لي انها وصتك تاخد بالك منا بس طلبت مني اتحمل مكانك لغاية ماترجع لنا تاني ارجع لنا بقى يابابا وانهار يحيى في البكاء فأحتضنه ياسين بقوة وهو يقبل سائر وجهه ويمسح دموعه الصغيرة رغم انهيار دموعه هو الاخر ولكن كلامه الصغير افاقه من غفوته فهو قبلها كان يحلم بحبيبته تخبره ان يراعي زهورهم الصغيرة فقبل رأس ولده

– حقك عليا يا يحيى حقكم عليا يا ولادي انا غفلت عنكم بس انا مش قادر يايحيي صدقني يابني مش قادر حبيبتي راحت وسابتني
– بابا ماما راحت مكان احسن من هنا كتير هي كانت بتقولي كده وفي يوم ح نروح كلنا عندها ونتجمع تاني بس احنا هنا لسه معاك خليك معانا جيسي مموته نفسها من العياط
– عندك حق حبيبي عندك حق يالا اطلع وانا ح اخد دش واحصلك
– اكيد يابابا
– اكيد ياحبيبي

ليخرج يحيى وينهض ياسين من الفراش ويتجه للحمام ليأخذ حمامه ويخرج ليرتدي ملابسه ووقف أمام المرآه وتذكر عندما كان يقف هكذا وتأتي هي من خلفه تحتضنه وتهمس له بكلمات الحب فأغمض عينه يشعر بها تهمس في اذنه

– ايوة كده حبيبي لازم يصمد علشان يقدر يوصل ولادنا لبر الأمان بحبك ياسيني

ليفتح عينه ويدور حول نفسه ولا يجدها فيتنهد وينظر لصورها الموجودة حوله في كل مكان

– حاضر يا ياسمينتي ح افوق وح انتبه لولادنا ح اوصلهم بر الأمان واجي لك ياعمري وحشتيني قوي ياسمينتي قوي ح انزل دلوقتي وارجع لك بليل بسرعة علشان اخدك في حضني زي كل يوم فقد كان ياسين لا ينام إلا ووسادة ياسمين بين يديه وهو يعطرها برائحتها التي تحبها ويعشقها هو وتحرك ياسين للأسفل لأول مرة منذ عودته من جنازتها ليجري عليه اولاده فينحني ليحتضنهم بقوة وجلس يتحدث مع الجميع ويحيى ويزيد يجلسون بجواره وجاسمين على قدمه

ليعود من ذكرياته على حفيدته من يحيي والتي تأخذ اسم حبيبته وصفاتها حتى شكلها وهي تقفز على ساقه وتمسك وجهه بين يديها

– جدو احكي لنا عن آنا ياسمين شوية

ليحتضنها ياسين وبدء يقص عليهم كل ماهو جميل عن حبيبته وهم في حالة من الصمت يستمعون له حتى ابتسم لهم وقبل تلك الصغيرة التي تجلس على ساقه تستند على صدره

– يالا بقي ياشقية كفاية كده انزلوا العبوا مع بعض شوية

لتنزل ياسمين بعد أن قبلته وجلسوا أمامه يلعبون فأغمض عينه وعاد يشعر بها حوله فأبتسم وهمس لنفسه

– اخيرا ياروحي اخيرا حبيبتي عايز اقولك اني نفذت الوصية كلها يا ياسمينتي عبرت بولادنا لبر الأمان حكيت لهم كل حاجة عنا وعملت معاهم زي ماكنتي عايزة لما رجعت البيت وفوقت على ايد يحيى افتكرت كلامك وفتحت العلبه الصدف لقيتك كاتبه جوابات للكل لكل مناسبة ولكل ذكرى لكل واحد فيهم ياااااااااااه يا ياسمينتي عديتي معايا ومعاهم بكل المراحل كأنك موجوده معاهم لأنك كنتي موجودة معايا انا ماكنتش بنام غير وانتي في حضني كنت بحس بيكي كأنك معايا بجد عارفة يوم مالقيت جاسمين داخله عليا تبكي لأنها مش عارفة حصلها ايه وعرفت يومها انها خلاص كبرت وبلغت اديتها جوابك وقعدت قريته وعرفت تعمل ايه جت حضنتني وقالت لي

– بابي انا بحب مامي قوي يابابي عارف انا بحس بيها حواليا بحس بيها بتغطيني زي ما كانت بتعمل انا بدعي لها كل يوم يابابي وبدعي لحضرتك كمان انا بحبك قوي يابابي
– واحنا كمان بنحبك قوي ياروح بابي جيسي عايزك دايما رافعة رأس مامي ورأسي للسما عايزك تحققي كل احلامك عايزك تكبري و تنجحي علشان انا و مامي نبقى فخورين بيكي ياحبيبتي اوعديني تراعي دينك في كل حاجة زي ما علمتك انا ومامي
– اوعدك يا بابي
– ربنا يحميكم ياولادي يارب واقدر انفذ وصية مامي واوصلكم لبر الأمان يالا ياحبيبتي روحي بقى اعملي زي ما مامي عرفتك
– حاضر يابابي

ليعود ياسين لهمسه شفتي ياياسمينتي وصلتهم لبر الأمان واتجوزوا وخلفوا كمان وشكلهم ح يشوفوا قصة حب جديدة بين ياسين وياسمين ح يفضل حبنا للأبد ياقلب وروح وعمر حبيبك ليفتح عينه على حضور عصام

– قاعد كده ليه يا ياسو
– ابدا بتفرج على الأولاد وهما بيلعبوا
– كبرنا يا ياسين والأولاد كبروا واتجوزوا وخلفوا بس عيني عليك بارده حبيبي شكلك لسه زي ما انت
– يابكاش كلنا كبرنا يا عصام العمر جري بينا خلاص
– يااااااااااااااااااه يا ياسين احنا تعبنا قوي على ماوصلنا للي احنا فيه
– الحمد لله تعبنا اتكلل بالنجاح ودلوقتي ولادنا يكملوا المسيرة وبقي كل واحد فيهم قد المسئولية علشان ابقى نفذت وصية ياسمين للآخر
– يااااااااااه يا ياسين تصدق لسه حلمان بيها امبارح

لينظر له صديقه بغضب وغيره

– يعني ايه حلمت بيها وحلمت بأيه ليضحك عصام حتى هاجمته موجه كحة وبعد أن هدء نظر لصديق عمره
– انتي غبي ياض بتغير مني يامتخلف بعد العمر ده
– انت اللي غبي وحمار انا بغير عليها حتى من ولادها
– يااااااااااه ياسين لسه بتحبها وبتغير عليها لغاية دلوقتي

ليبتسم ياسين ابتسامة ساحرة ويهمس

– انا بعشقها ياعصام مش بس بحبها ياسمين بتجري في دمي عارف انا طول النهار النهاردة حاسس انها حواليا نفسها جانبي شامم ريحتها في الهواء نفسي اروح لها واشوفها بقي

لينقبض عصام من كلماته ويلكمه بخفه على ساقه

– بطل الهبل ده مش ناقصة خفة دم اهلك دي المهم انت ح تفضل سايب شركة امك دي كده لينظر له ياسين بغضب
– عصام اتعدل
– خلاص حقك عليا بس وبعدين انت من ساعة ما اشترتها وهي مقفولة
– وح تفضل مقفولة كده لغاية ما يحيى يفكر لها في مشروع جديد بس المهم تتهد من اولها مش عايزها واقفة كده تتهد زي ماصحبتها اتهدت وانتهت
– عارف يا ياسين لما جالنا خبر انها تعبانة في المستشفى ورفضت انت واخواتك تروحوا لها وروحت انا وعمي عزت الله يرحمه كنت متخيل ان عمي حن لكن اول ما دخل وشافته وطت رأسها وقالت بتعب
– اخيرا شفتك ياعزت رجعني ياعزت انا فاضلي وقت قليل رجعني واموت على ذمتك

ساعتها ابوك بص لها و عيونه كلها دموع

– عارفة كان ممكن ده يحصل لو ماكنتيش قهرتي ابنك وجرحتي مراته وماتت في نفس اليوم عارفة لو روحي فيكي لا يمكن ارجعك لأسمي اللي عملتيه لا يمكن يغتفر يا هناء هانم
– واديني ح اموت بنفس مرضها وكأن الممرضة اللي دعت عليا كانت أبواب السما مفتوحة سامحني ياعزت وقول لأولادي يسامحوني
– انا سامحتك في حقي يمكن ربنا يعفو عنك لكن ولادك اتمنى يقدروا اللي عملتيه في كل واحد فيهم كفيل يخليه يكرهك لأخر يوم في عمره
– كنت فاكرة اني بعمل كده لمصلحتهم
– بلاش تضحكي على روحك ياهناء انتي كان كل همك نفسك ومظهرك وبس انا جيت بس علشان طلبتي تشوفينا كلنا للأسف ولادك رفضوا
– حاول معاهم يسامحوني
– ربنا كريم ياهناء دلوقتي عايزة حاجة احنا لازم نمشي
– كتر خيرك ياعزت مع السلامة ياحبيبي مع السلامة

هي ماتت في نفس اليوم ده وكأنها كانت مستنية تشوف حد فيكم يالا الله يرحمها ياصاحبي

صمت ياسين ولم يستطع ان ينطقها علناً ولكن قلبه نطقها انتبه الاثنان على ياسين الصغير وهو يمسك بيد ياسمين بحب وهي تبكي حتى وصل إلى جده الذي انتفض خوفاً عليها فحملها

– مالك يا جدو فيكي ايه يا روحي حصل ايه يا ياسين
– كانت بتجري ياجدو ووقعت وانا قلت لها بلاش تجري كده انا لولا لحقتها كانت وقعت في حمام السباحة

بينظر لها ياسين ويحتضنها بقوة وهو يقبل وجهها ويدها بحب ويمسح دموعها

– مش احنا قلنا نسمع الكلام يا جيسي
– اسفة جدو بس انا كنت بجري علشان استخبي من ياسو ويدور عليا علشان لما يلاقيني يديني ال شوكلات بتاعتي ليرد ياسين
– جيسي انا ح اجيب لك على طول من غير ما انتي استخبي بس بلاش تجري تاني ممكن لتنظر له ياسمين بعيونها البريئة وهي تضحك له
– حاضر ياسو مش ح اجري تاني خالص خالص
– شاطرة جيسي وقام بفتح الشيكولاته الخاصة بها والتي يعلم انها تحبها كثيرا لذلك يطلبها دائما من والده لتكون لديه كميه منها لجيسي فقط

كان ياسين ينظر لهم بحب وهو يضم ياسمين لصدره ليغمض عينه فجاءه وهو يشعر انه يحتضن حبيبته ليتنهد بعشق وهو يبتسم وكأنه يراها ويهمس بصوت

– خلاص اللقاء قرب حبيبتي وحشتيني قوي ليسمعه عصام وينقبض قلبه أكثر ليضع يده على يد ياسين
– ياسين انت كويس حبيبي ليفتح ياسين عينه وينظر لتؤام عمره نظره جعلت عصام يشعر كأنه يودعه
– انا كويس قوي ياصاحبي يااااااااه ياعصام عشنا عمرنا كله سوا ياخويا من صغرنا لغاية ماتجوزنا وخلفنا وولادنا اتجوزوا وخلفوا عمر بحاله حبيبي
– ربنا يديك الصحة حبيبي وتجوز ولادهم
– لا كفاية ياعصام كده كفاية بقى حبيبتي وحشتني قوي ياصاحبي

وقبل ان يتحدث عصام ليرد عليه تأتي جاسمين من الداخل سريعا وهي تنادي عليهم

– بابي بابي حبيبي عمو عصام يالا بقي الاكل جهز ليرد ياسين
– طيب يا حبيبتي جايين وراكي يالا ياولاد بينا يالا ادامي

ليتحركوا جميعا للداخل وكالعادة بعد وفاة الكبار جميعا قاموا بفتح الدور الأسفل على بعضه وكان اجتماعهم دائما فيه كانت سفرة كبيرة تضم الكل يجلس على رأسها من جهة ياسين وبجواره كرسي ياسمين الذي لا يجلس عليه احد وفور ان جلس نظر له واغمض عينه وتنفس بعمق وابتسم وكالعادة لاحظ عصام ذلك والذي يجلس أمامه في الجهة الأخرى وبجواره يارا فشعر ان تلك هي النهاية فدمعت عينه وهو ينظر لصديق عمره الذي لاحظ دموعه فنظر له مطولاً وكانوا دائما يفهمون بعضهم من عيونهم وشعر به عصام يخبره انه الفراق وانه يجب أن يتماسك فأغمض عصام عينه يمنع دموعه من الهبوط وفي ذلك اليوم يقوم ياسين بإطعام الكل من يده وبعدها جلسوا جميعاً يتناولون قهوتهم والاحفاد أمامهم وكان ياسين ينظر لأولاده بحب ثم نظر لهم وبدء في التحدث

– عارفين ياولاد أجمل حاجة ان ياسمينتي كانت مشاركانا في كل مرحلة من حياتكم بتمنى تعلموا ولادكم كل اللي اتعلمتوا منا لترد جاسمين
– البركة فيكي يابابي تعلمهم كل حاجة زي ماعلمتنا انت ومامي
– كفاية بقى عليا ياست جاسمين انتم انا بقى عايز اعيش مع نفسي في هدوء بس دائما ح تكون معاكم وحواليكم كالعادة انا وماما

كان عصام يتماسك بقوة وشعر ياسين به انه سيفقد سيطرته فوقف ونظر للجميع بحب وابتسم

– يالا خلوني اسلم عليكم علشان انا احتمال اسافر الصبح بدري قبل ماتصحوا ليرد عليه يحيي
– تسافر فين يابابا وفجاءه كده من غير ماتقول
– ما انا بقول اهو يا سي يحيى وبعدين عايز استجم شوية يايحيي حقي حبيبي ولا ايه
– حقك طبعا يابابا بس انا ليه حاسس ان في حاجة أرجوك طمني حبيبي انت كويس
– انا النهاردة اكتر وقت كويس فيه حبيبي وقام باحتضانه بقوة ثم امسك وجهه بين يديه ونظر له خلي بالك من اخواتك والأولاد كلهم فاهم انت دلوقتي قد المسئولية الكبيرة اللي اتحطيت فيها ودايما اسمع كلام عمك عصام وعمك محمد وعمك كريم هما اكبر و فاهمين اكتر ليشعر يحيى بالتوتر
– بابا انت ح ترجع امتى مش ح تغيب صح مش كده حبيبي
– عمري ما اقدر اغيب عنكم حبيبي واحتضنه بقوة وقبله بحنان فقبل يحيى يده
– تروح وترجع لنا بالسلامة حبيبي بس قولي ح تسافر امتى وانا ح اوصلك
– لا حبيبي السواق ح يوصلني وبعدين مش يمكن اغير رأي انا بس قلت اسلم عليكم علشان ابقى في الأمان والتفت ليزيد وقام باحتضانه
يزيد حبيبي اوع تخرج عن طوع اخوك وعمامك فاهمني حبيبي
– فاهمك يابابا بس انت ماتغيبش علينا علشان خاطري
– ما انا قلت لك حبيبي عمري ما ح اغيب عنكم وزي ما وصيت اخوك الكلام ليك انت كمان
– حاضر يابابا فقبله وقبل يزيد يد والده ليلتفت لجاسمين التي كانت تبكي وفتح ذراعه فأرتمت في احضانه
– جيسي حبيبة بابا بتعيط ليه
– علشان اول مرة تسافر لوحدك
– واخر مرة حبيبتي عارفة جيسي انا سميتك على اسم ياسمينتي ودي كانت أجمل حاجة علشان يفضل اسمها دايما منور زي ما شكلكم كده ح تشوفوا قصة حب ياسين وياسمينته تاني بس عمرها ما ح تبقى زي قصة حبي انا وياسمينتي خدوا بالكم من الأولاد ودايما عينكم عليهم وجههم دايما بالراحة زي ماعودناكم انا وامكم واحتضن جاسمين بقوة فقبلته يده ووجنته وقام هو بمسح دموعها ثم قام بالسلام على الباقي جميعا واختص الأحفاد بالاحضان والقبلات وجعل عصام للنهاية ووقف الاثنان أمام بعضهم البعض وهنا لم يتحمل الاثنان وتساقطت دموعهم وارتمي الاثنان في أحضان بعض بقوة وهمس ياسين
– ح توحشني ياصاحبي خد بالك منهم كلهم في رقبتك
– ياسين ماتقولش كده ابوس ايدك انا مقدرش اعيش من غيرك ياتؤامي
– ح تعدي ياصاحبي ح تعدي زي ما عدت عليا لغاية مانتقابل بعد عمر طويل لك
– علشان خاطري لو تعبان تعال نروح المستشفى
– وحياة ياسمينتي ما تعبان انا كويس جدا بس حاسس ان خلاص ميعادي مع ياسمينتي قرب انا فرحان قوي يا عصام
– وانا انا ياسين ح اعيش من غيرك ازاي مش ح اقدر
– قلت لك ح تعدي

انتبه الجميع انهم اطالوا احتضانهم لبعض فأقتربت يارا منهم بقلق

– في أيه مالكم ياسين انت كويس
– انا تمام يا اخت الغالية خلي بالك من عصام يا يارا فاهمة اليومين دول خليكي جانبه أمسكت يارا يد عصام ونظرت له ولعيونه شديدة الاحمرار
– عصام في ايه حبيبي بيحاول عصام التحكم في نفسه
– مافيش حبيبتي اول مره نفترق انا وهو عن بعض
– طيب لو عايز تسافر معاه سافر مافيش مشكلة ليتحدث ياسين
– لا ياست يارا انا عايز انفرد بروحي مع حبيبتي خليكم انتم سوا وعاد ينظر لصديق عمره واقترب مره اخرى يحتضنه وهمس ح توحشني ياصاحبي خد بالك من نفسك
– ااااااااااااااه ياسين مش قادر مش ح استحمل حبيبي فراقك ح احصلك استناني
– بطل هبل ياض وقبل رأسه وكذلك فعل عصام وصعد ياسين درجتين من السلم ثم عاد ينظر لهم جميعا وابتسم ح توحشوني حبايبي

والتفت واكمل صعوده بسعادة كأنه يصعد الي عروسه وفور ان دخل الي جناحه التفت ينظر حوله والابتسامة تنير وجهه ثم دخل الي الحمام وقام بالاستحمام وارتدي ملابس كلها جديدة ذات لون ابيض وخرج وقام بإداء ركعتين لله ثم نهض ونام على فراشه والابتسامة لا تفارقة ونظر فوجدها أمامه كما كانت يوم عرسهم ترتدي عباءة ذات لون ابيض وابتسم له بعشق فهمس

– اخيرا يا ياسمينتي اخيرا ياروح قلبي يا حب عمري كله اخيرا ح نتجمع اديت الأمانة زي ماطلبتي حبيبتي تعبت قوي من غيرك ياسمينتي لتهمس له
– خلاص حبيبي مش ح نفترق تاني خلاص ياحبيبي يا ضي عيني خلاص أن الأوان نرجع تاني لحضن بعض وحشتني قوي قوي
– وانتي اكتر يا حبيبتي

ليتنهد بعمق وهو لازال يبتسم ويقوم بتلاوة الشهادة ويغمض عينه ووجه مبتسم وبعد مرور ساعتين تشعر جاسمين بقلبها يؤلمها بشدة فتقف وهي تصرخ بابا لينتبه لها الجميع وأولهم عصام الذي كان في عالم آخر وقبل ان تجري للسلم يمسكها عصام يحتضنها بقوة وهو يبكي بحرقه فراق نصفه الاخر

– خلاص خلاص ياولاد ابوكم راح لحبيبته ابوكم كان بيودعنا النهاردة كان حاسس بكده خلاص ليصرخ الجميع ويجري يحيى ويزيد وخلفهم جاسمين ومحمد وهلا ويقتحمون جناحه ليجدونه نائم على الفراش وعلى وجهه ابتسامه لم يروها من قبل فيقترب محمد برعب ويناديه
– ياسين ياسين قوم يا ياسين قوم يا خويا قوم يابويا لا ماتسبنيش يا ياسين ابوس ايدك كان الكل يبكي ليقترب كريم والدموع تغرق وجهه لينزع محمد من جوار أخيه
– خلاص يامحمد خلاص أمر الله نفد انا لله وانا اليه راجعون ليجدون عصام يقف ويتجه لجسد ياسين ويقبل يده وجبينه والدموع تتساقط منه انهار
– مع السلامة ياصاحبي مع السلامة ياتؤام عمري اول مرة تسبني لوحدي حبيبي ابتسامتك نفس ابتسامتك يوم فرحك على حبيبتك عارف انك خلاص كده بقيت مع ياسمينتك اخيرا ليقوم برفع الغطاء على وجهه معلنا بذلك وفاته وانتهاء أروع قصة حب بين ياسين وياسمينته
هناك عشق يدوم حتى بعد الرحيل ياسين وياسمين عشق لا ينتهى عشق لا يموت

تمت

لقراءة باقي حلقات الرواية اضغط على : (رواية عشق لا يموت)