رواية عشق أحفاد الجوهري 2 الفصل الحادي والثلاثون 31 بقلم آية المهدي

رواية عشق أحفاد الجوهري 2 الفصل الحادي والثلاثون 31 بقلم آية المهدي

رواية عشق أحفاد الجوهري 2 البارت الحادي والثلاثون

رواية عشق أحفاد الجوهري 2 الجزء الحادي والثلاثون

رواية عشق أحفاد الجوهري 2 الحلقة الحادية والثلاثون

الخاتمة
ذهب الجميع للمستشفى وقابلهم الطبيب بابتسامه فالاطباء لم لديهم آمل بايفاقتها
قصي بلهفة : دكتور بنتي هتفوق بجد
الطبيب : ايوة خلال ساعات او ايام هتكون فاقت
آمال بفرحة ::الحمد لله يا رب الحمد لله وطلبت من الطبيب ان تدخل لابنتها وذهبت ياسمين ومليكة برفقتها
على الناحية الأخرى في باريس
صقر : رعد انت بتختبر صبري يعني ولا ايه
رعد : لاء ابدا بس انت بتسألني وانا بجاوبك
صقر باختصار: ما هو تقولي الحقيقة لانك بتكذب حور المفروض كانت جاية معاك وقولتلي هي عايزة تبقى لوحدها طيب تمام التليفونات مش بترد عليها ليه افهم يبقى حضرتك عارف حاجة ومخبي
فريدة : صقر اهدا يا حبيبي مش كده
رعد بحزن : انا هقولك بس اتمالك أعصابك حور كان عندها مهمة في مصر ومحدش من العيلة يعرف انها الإمبراطورة فقالت ليهم انها مسافرة لشغلها في لندن وهي اقنعتني انها كام يوم وترجع لندن تاني وحذرتني اني اقول لحد
جاسر بحدة : حلو قوي اللي عملته ده
صقر : برضو معرفتش هي فين دلوقتي دي بقالها كام شهر يا حيوان فين اللي كام وترجع
رعد بندم : انا اسف بس حور الله اعلم هترجع ولا لاء وانا عارف اني غلطان
جاسر بعدم فهم : ايوة مش فاهم معنى كلامك وضح
رعد بدمع : حور لما كانت في المهمة اتصابت ودخلت في غيبوبة بقالها كام شهر والدكاترة مش عارفين هتفوق أمته
فريدة بصدمة : حوررر انت بتهزر يا رعد مش كده
نورين زوجة رعد : ازاي تخبي عننا حاجة زي دي
صقر بغضب : أكرم ودخل إحدى الحراس بسرعة شديدة
أكرم بجدية : نعم يا فندم
صقر : جهز طيارة هننزل مصر حالا ذهب الحارس لتنفيذ ما أمر به
صقر بوعيد : حسابك معايا بعدين يا رعد
فريدة ونورين وجاسر : احنا هننزل معاك يا صقر
صقر : انا هانزل لوحدي مفهوم
فريدة بعند ::لا يا صقر مش هتنزل لوحدك ثم انه حور مش اختك لوحدك اختنا احنا كمان وقلقانين عليها وعايزين نطمن
صقر بقبول: طيب قدامكو ساعة وتجهزوا
نورين بهمس: بتعمليها ازاي دي
فريدة : علشان انا مش اي حد انا حبيبته ومراته وام ولاده
نورين بحب :: ربنا يديمكوا لبعض يا قلبي وذهب شخص للاستعداد للسفر ونزلوا جميعا للاسفل
صقر : فين كتاليا يا فريدة
فريدة : نازلة حالا
كتاليا : انا جييت وفرحانة قوي علشان هنزور عمتو حور في مصر
كتاليا ابنة صقر وفريدة الصغرى تبلغ من العمر 14 عاما فتاة رقيقة للغاية خجولة للغاية مع الاغراب تسحر كل من يراها بعينها الزرقاء الصافية
فريدة : انا اتصلت بالولاد وشكلهم مبسوطين قوي بالرحلة مع تيام وغادة وانا مقولتش حاجة لتيام وغادة مراته علشان ميقلقوش وكمان فرصة انه الولاد مش هنا انت عارف متعلقين بحور ازاي
صقر : طيب تمام امال فين مراتك يا جاسر
جاسر : كنده نازلة حالا بتجهز
صقر : طيب انا هاستناكوا برة يلا يا فريدة انتي وكتاليا وبعد مدة من الوقت تحركت الطائرة بالجميع نحو مصر
في المستشفي
دخلت آمال للغرفة ونظرت بدموع الفرح تجاه ابنتها
آمال ببكاء: اخيرا يا حبيبتي قريب هاسمع صوتك وهتفوقي
مليكة بابتسامة: خلاص بقا يا ماما بطلي دموع حور هترجع لينا تاني وهتنور علينا القصر من جديد
آمال بدعاء: يا رب يا بنتي
في الخارج اطمئنت ياسمين علي والدتها وذهبت لعملها بنشاط فاليوم هو اسعد أيامها وفجأة وجدت من ينادي باسمها
مروان : ياسمين ياسمين
ياسمين بزهق : اهلا مروان خير في حاجة
مروان بحزن : صحيح يا ياسمين انتي متقدملك شخص وانتي موافقة عليه
ياسمين بحزن عليه : مروان انت زي اخواتي والحب مش بالعافية وكمان مش بأيدينا نختار نحب ده ولا ده وانا وضحتلك ده اكتر من مرة وانا مرتاحة لزين وحاسة بمشاعر من ناحيته ولو انا كنت اختارتك كنت هاظلم نفسي وهاظلمك لانه مافيش مشاعر متبادلة بين الطرفين هابقي معاك ومش معاك افهمني كانت علاقتنا هتتدمر فخلينا زمايل في الشغل زي ما احنا وربنا هيبعتلك اللي تحبك وتحبها ووقتها هتعرف انه كلامي صح
مروان : عندك حق يا ياسمين انا اسف لو ازعجتك ومن انهاردة هاعتبرك زي اختي
ياسمين بابتسامة: شكرا انك اتفهمتني عن اذنك اشوف شغلي وذهبت ياسمين بسعادة فكانت تشعر بالذنب تجاه مروان قليلا
مروان بداخله: يا رب قويني علشان اقدر انسا
دخلت ياسمين بفرحة لغرفة الطفلة نور وهي مبتسمة لها بحب
ياسمين : نور حبيبتي واحشتيني
نور بكلضمة: انا زحلانة منك
ياسمين بضحك عليها : ليه يا قلبي انا عملت حاجة
نور بطفولية: ايوة علسان قولتي هتحرفيني على تيتا
ياسمين بضحك على كلامها: يا روحي انتي طب ايه رايك اخدك اعرفك على عيلتي كلها
نور بفرح طفولي : يلا يلا موافقة
ياسمين :: طب استني نستآذن بابا الأول
دخل زين فجأة للداخل فكان يستمع لحوراهم معا
زين : وانا موافق بس بشرط نخرج نتعشا برة احنا التلاتة
ياسمين بتوتر : بس نور ممكن تتعب وكمان مينفعش
زين : متخافيش نور مش هتتعب معاها دكتورتنا الحلوة والحاجة التانية هاخد اذن جدك وباباكي ولو موافقوش عادي جدا مافيش مشكلة وممكن حد من اخواتك يجي معانا
ياسمين بفرح : موافقة يلا يا نور علشان اجهزك علشان تشوفي جدو وبابا والعيلة كلها وأخذتها لتغير ملابسها وهي فرحة للغاية
عند العائلة خرجت آمال من غرفة ابنتها هي ومليكة
يوسف : تيتا ماما فاقت
قصي : اهدا يا ابني انت مش سمعت الدكتور
يوسف : طب انا هادخل ليها ودخل سريعا لاشتياقه لوالدته الجميلة
شهاب : بابا حضرتك باين عليك تعبان السواق تحت تعال هروحك
الجد : لا انا مش تعبان
سليم : جدي لو سمحت احنا خايفين عليك لازم ترتاح وتاخد دواك
الجد بصرامة : وانا قلت لا وبعدين انا مستني ياسمين
الجميع باستغراب: ياسمين مالها
ياسمين : مفاجأة والتف الجميع نظروا لها وهي تحمل طفلة جميلة للغاية من يراها يرغب باكلها
سلمي :: بسم الله ماشاء الله مين القمر دي
ياسمين بحب ::: دي نور بنت الاستاذ زين
مليكة بلطافة: اهلا يا قمر ايه الطعامة دي كلها
نور بخوف قليلا : انا نور
ياسمين : حبيبتي دول عيلتي مش انتي كنت عايزة تتعرفي عليهم وعلى تيتا حور
نور : ايوة بس كلهم بيبصوا عليا كده ليا
آمال بحب لها : متخافيش يا قلبي بس علشان انتي عسولة وعايزة تتاكلي
يامن : ياسمين هاتي اشيلها دي عسل قوي
يزن : لا لا انا اللي هاشيلها
سليم الصغير : ولا انت ولا هو انا اللي هاشيل القمر دي
البنات معا : لا احنا اللي هنلعب معاها نظرت لهم ياسمين بصدمة
ياسمين بصوت عالي : بس انت وهو وهي نور مش لعبة هتتخانقوا عليها محدش هياخدها حزنت الشباب جميعا وضحك الجميع علي وجوههم اللطيفة
الجد سليمان بحب : تعالي يا نور يا حبيبتي انا جدك سليمان ذهبت نور له دون الخوف منه
نور بطفولية: انت حو قوي يا جدو
الجد بضحك لبرأتها: انتي اللي حلوة يا روح جدو واخذ يقبلها بلطف ومحبة فهذه الطفلة دخلت قلوب الجميع
نور : مامي انا عايزة اشوف تيتا
الجميع : ماما
ياسمين بحزن : هي حبت تناديني ماما وانا محبتش احرمها من الشعور ده كفاية انها متعرفش امها واتحرمت منها
الجد : معاكي حق يا بنتي ونور دلوقتي بقت حفيدتي وسراج الصغير هيلعب معاها وياخد باله منها
قصي : اه محدش يعرف انت بتفكر في ايه يا بابا
ياسمين : طب انا هاخد نور علشان معاد دواها
الجد برفض :ما تسببها شوية كمان يا بنتي
نور ببرآة : هاخد الدوا ومامي هتجبني تاني يا جدو
قصي : طب وانا مش عايزة تلعبي مع جدو قصي
نور : لا انا بحب جدو ده وهالعب معاه
الجد :: اللي انتي عايزاه يا قلب جدك ويبقى حد يقرب ناحيتك كده
الشباب: يا جدو بقا عايزين نلعب معاها
فهد بحب : دي عاملة زي العروسة اللعبة محدش يحب يسيبها
ياسمين : بس يا واد انت وهو يبقى حد يقرب ناحية بنتي هتزعلوا يلا يا نوري ناخد الدوا وذهبت ياسمين وبين احضانها الطفلة والجميع مبتسم على حب ياسمين لها
وبعد عدة آيام مرت علي الجميع
وصلت عائلة صقر لقصر الجوهري رحب بهم الجميع كثيرا واحبهم الجد لوقوفهم بجانب حفيدته واطفالها واطمئنوا على حالة حور وفرحوا كثيرا لاستجابتها للعلاج وجاء اليوم المنتظر للجميع افاقت حور تجمعت العائلة حولها استعادت حور وعيها وظلت تنظر حولها باستغراب
آمال بلهفة ::حور انتي كويسة يا بنتي هزت حور راسها دون التحدت
سلمي : حبيبتي في حاجة تعباكي
حور برفض : لا هو ايه اللي حصل
عز : انتي مش فاكرة ايه حاجة
حور بدوخة : انا فاكرة اني كنت في مهمة و
صقر ببرود: واتصابتي وكذبتي على الكل مش كده
حور بتعب : صقر انت نزلت أمته
جاسر : من كام يوم وبما انك تعبانة مش هنتكلم دلوقتي بس حسابك انتي ورعد بعدين علشان تكذبوا علينا حلو
فريدة : جاسر مش وقت الكلام ده حمدالله على سلامتك يا حور
حور ::الله يسلمك يا فريدة وفجأة وجدت حور من يعانقها بقوة
يامن ::حمدالله على السلامة يا ماما انتي مش متخيلة واحشتينا قد ايه
حور : وانت كمان يا حبيبي وحشتوني
يزن : يا ابني ابعد كده ما هي امي انا كمان
يامن بتملك : لا مش هابعد ذهب يوسف وابعده قليلا وقبل جبين والدته بحنان وحب
يوسف : حمدالله على سلامتك يا حبيبتي انتي خضتينا عليكي قوي
ياسين : يمكن عايزة تعرف غلاوتها عند الكل ولا ايه يا أمي ذهب واحتضنها باشتياق شديد
ياسمين : خيانة امي واخواتي ومن غيري
ياسين : تعالي يا هبلة تعالي
ياسمين بدموع : واحشتيني قوي يا ماما
حور : خلاص بقا يا ولاد انا كويسة اه كفاية دموع
وبعد عدة ايام تحسنت حور كثيرا وسمح لها الطبيب بالخروج وصلوا الجميع للقصر وجلست حور بجوار سلمي ومليكة وأمال فكانوا يحاصرونهم مثل الظل
حور بضحك : مالكوا يا جماعة هو انا ههرب
آمال : انا مش هاسيبك ابدا انا كنت خايفة تروحي مني كنت هاتجنن
حور بحب : متخافيش يا ماما انا كويسة
الجد بسؤال : قوليلي بقا يا حور ازاي يا بنتي تخبي علينا انك شغالة مع الشرطة للدرجاتي احنا مش قد الثقة علشان تخبي علينا
حور : ابدا والله يا جدو بس مجاتش فرصة اتكلم
قصي : خلاص بقا جماعة بلاش زعل عايزين نفرح وبس
باسل : عندك حق من زمان الفرح مدخلش بيتنا
مالك بمرح : لازم نعمل حفلة وانتي ياياسمين اعزمي زين ونور ويوسف ابقا اعزم مروان صاحبك
حور باستغراب : زين ونور مين
سليم :: بصراحة ده واحد متقدم لياسمين وكنا عايزين نآجل الموضوع لحد ما تيجي بس كنا هنتعرف عليه بس ونور دي بنته الصغيرة
حور لياسمين: متجوز يا ياسمين وعنده بنت ليه انتي ناقصك ايه علشان ده كله
ياسمين : يا ماما زين أرمل مراته ماتت وهي بتولد بنته نور وانتي لما تعرفيه هتحبيه وكمان هتحبي نور قوي
حور بحزن على الطفلة: طيب يا بنتي اعزميه وبكره نتعرف عليه وعلى نور
الجميع : بس احنا اتعرفنا عليها
حور باستغراب : أمته ده
يزن : كنا عندك في المستشفى وشوفناها قمر قوي يا ماما تتاكل اكل
يامن بضحك : مخلتش حد يشيلها غير جدو سليمان
الجد سليمان : خلاص دي بقت حفيدتي الجميلة
البنات بغيرة : واحنا ايه يا جدو مش احفادك
الجد بضحك : خلاص خلاص انتوا حياة جدكوا
وظل الجميع يضحك على تعابير وجههم وبعد فترة ذهبت حور لغرفتها لترتاح قليلا
جاء يوم جديد بتفاصيل جديدة والجميع منشغل بحفلة اليوم
افاقت حور واستعدت ليومها الجديد وابدلت ملابسها وذهبت للاسفل وهي ترى الجميع منشغل ذهبت وجلست وأخذت تقرأ إحدى الكتب وفجأة وجدت والدها قصي واشقائها سراج ومراد كادت ان تذهب ولكن امسك قصي يديها
قصي بحزن : حور حبيبتي ممكن تسمعيني انا عارف انه المفروض أخجل من اللي عملته معاكي وعارف انك مش قادرة تسامحيني بس علشان خاطري يا بنتي حاولي انا اسف على كلمة جرحتك فيها واسف اني مش وثقت فيكي ووقفت ضدك حاولي تسامحي ابوكي انا مش عارف يومي أمته بس مش عايز اموت وبنتي مش مسامحاني
حور بخضة : متقولش كده ربنا يبارك فيك
قصي بابتسامة: يعني مسامحاني
حور : مقدرش اقول نسيت كل حاجة وسامحت بس هحاول مع الوقت انت مهما عملت انت بابا وانا مش قاسية للدرجاتي بس دلوقتي مش قادرة بس وعد مني هيجي يوم واقف قدامك اقولك يا بابا انا نسيت كل حاجة وهاحضنك بكل قلب راضي
قصي بدموع : وانا هاستنا اليوم ده يا بنتي
سراج ومراد بتردد: واحنا يا حور
حور : صدقوني الوقت مع الوقت بيشفي وانتوا اخواتي بس مينفعش اكذب عليكوا ادوني وقتي علشان اقدر انسا كل حاجة
سراج بحب : واحنا عمرنا ما هنخذلك تاني واحنا فخورين انك اختنا ومهما حصل هنفضل في ضهرك
ابتسمت حور بداخلها وشعرت بالراحة قليلا وتم تجهيز الحفلة على أكمل وجه واحتفل الجميع بسعادة وفرح تعرف الجميع علي زين وابنته واحبوهم كثيرا ووافقت حور والعائلة على زواجه من ابنتهم ومر اليوم بدون اي مشاكل واستآذن صقر وأخواته للعودة إلى موطنهم وحزن يامن كثيرا فهو يحب كتاليا ووعد نفسه بأن يذهب لها يوما ما
كان الجميع يجلس ويتحدثوا في مختلف المواضيع
الجد سليمان بدون مقدمات : انا حددت فرح الولاد بعد شهر من دلوقتي
الجميع : ايه مش هنلحق
الجد : ان شاء الله كله هيتظبط وسيف وسراج هيتولوا الموضوع تدخل يوسف فجأة بالحديث
يوسف : جدو عمي سيف انا طالب ايد حور
حور بفرح : بجد يا يوسف اخيرا ريحت بالي عقبال اخوك لما يعمل زيك
ياسين بضحك : لا ما انا كمان عايز اتجوز
سليم : لا بقا انتوا متفقين
ياسين بجدية : لا ابدا يا بابا انا كنت هافاتحك في الموضوع في بنت اشتغلت عندنا في الشركة جديدة اسمها سارة انا حاسس بمشاعر ناحيتها وكنت عايز حضرتك انت وجدي وماما نروح نطلبها من أهلها
حور بفرحة شديدة : اكيد يا حبيبي هروح معاك اشوف مرات ابني اخيرا هشوفكوا عرسان في الكوشة
فهد ويزن ويامن : طب واحنا
حور : لما تخلصوا جامعة الأول وتعمتدوا على نفسكوا
الجد بفرح : يبقى نروح بكرة نزور اهل عروسة ياسين ونطلبها ليه
سليم : اكيد يا جدي اقترب سليم من حور قليلا وطلب منها التحدث على انفراد
حور : اتفضل يا سليم قول اللي عندك
سليم : انا عارف انه كلامي مش هيرجع الماضي ولا هيرجع حياتك اللي حلمتي بيها بس صدقيني انا ندمت وعرفت غلطي وعايز اعوضك عن كل اللي فات ارجوكي خلينا ناخد فرصة بس
حور بهدوء: سليم انا سامحتك في حالة واحدة بس ده علشان ولادي لكن انا مش جوايا مش ناسية حاجة صدقني لو رجعت ليك تاني مش هقدر انسا انت قولتلي ايه وعملت ايه كل لما ابص ليك هافتكر كل حاجة فسيبني على راحتي والوقت كفيل يشفي كل حاجة انا حاليا مكتفية بأهلي وولادي ومش عايزة غير سعادتهم
سليم بأمل : وانا هستناكي لاخر العمر ومش هامل ابدا وذهب سليم بحزن ولكن بداخله آمل انها في احد الايام ستسامحه على أخطائه ومر اليوم وتجهز الجميع لزيارة اهل سارة وعرضوا على أهلها زواجها من ابنهم ياسين رحب بهم والدها كثيرا واتفقوا على ميعاد الزفاف بعد مرور شهر مع أخيه وأولاد عمه مرت الايام سريعا وجاء اليوم المنتظر بالنسبة للشباب والفتيات أيضا أصر الجميع علي الزفاف في القصر تم تزين الحديقة والقصر بشكل رائع للغاية فاليوم زفاف الأحفاد وحضر جميع رجال الأعمال واصدقاء مراد واياد ويزن والصحافة تنقل هذا الحدث المهم
حور : انا فرحانة قوي انهاردة فرح ولادي كلهم
سلمي بحب : بعد انهاردة مافيش زعل تاني خلينا نعيش الباقي لينا بسعادة
سها : عندكوا حق الزعل والبعد والخصام مش بيجيب الا وجع القلب خلينا نفرح شوية
وبعد قليل حضر الشباب للاسفل وظهروا بوسامتهم الشديدة فجميعم ارتدوا نفس تصميم البدل باختلاف الالوان
سليم بحب : مبروك يا ولاد الف الف مبروك
الشباب : الله يبارك فيك يا عمي / يا بابا
وذهب سليم للأعلى بعد مباركته للشباب لاحضار ابنته الغالية دق باب الغرفة وسمحوا له بالدخول نظر لهم بفرحة شديدة ونظر باتجاه ابنته الحبيبة
سليم : مبروك يا قلب بابا
ياسمين بخجل : الله يبارك فيك يا بابا
وذهب باتجاه كل فتاه وفعل نفس الشئ معهم فهما بمكانة ابنته أيضا وذهب سليم وهو يتباطأ ذراع ابنته وفعل اخواته وأولاد عمه نفس الشئ
وسلم كل والد ابنته لعريسها
سليم لزين : زين انا بسلمك بنتي تحطها في عيونك ومتزعلهاش ابدا
زين بحب : متخافش يا عمي ياسمين في قلبي مقدرش ازعلها في يوم بس وصيها هي عليا
سليم بضحك : حاضر ياسمين جوزك خلي بالك منه ومتزعليهوش
سيف ليوسف: انا عارف انك راجل وهتاخد بالك من بنتي حور دي اول فرحتي ونور عيوني مش هوصيك عليها يا يوسف
يوسف باحترام : صدقني يا عمي هاسعدها بكل الطرق ومش هازعلها في يوم
وفعل كل اب نفس الشئ مع أزواج بناتهم
كان الجميع فرح للغاية ويتشاركون الرقص والعرسان أيضا
منه : على فكرة اللي بتحسه تجاه ياسمين مش حقيقي
مروان باستغراب: افندم
منه بشرح : هقولك انت أعجبت بشخصيتها بس مش اكتر ولانه ياسمين دايما كانت قدامك محاولتش تشوف غيرها طب انت دلوقتي حاسس ايه
مروان : زعلان اكيد بس ربنا يسعدها َمع زين
منه : شوفت واحد غيرك كان زمان جواه بركان بيغلي دلوقتي كنت روحت خدتها من وسط الفرح وقلت لا انتي ليا ومكنتش سمحت انها تكون لغيرك
مروان بغباء : انتي بتقرأي روايات كتير
منه : لا مبحبش الروايات ليه
مروان : اصل ده كلام روايات ودماغك شكلها في حته تانية خالص انا بقول اكشفي احسن
منه بوعيد : تصدق اني غلطانة اني بكلم واحد عبيط زيك ابعد كده ورحلت وهي تهمس بكلام غير مفهوم
مروان بضحك : مجنونة بس لذيذة
وانتهى الفرح على الجميع في سعادة وحب وذهبوا العرسان لإحدى الجزائر فحجزت لهم حور لمدة شهر في أحدهما ولم يكن بها اخد غيرهم فتفرق كل زوجين في مكان للمكوث فيه
وبعد مرور خمس أعوام
يارا بدموع : بابا بابا شوف محمد ابن عمو عمران عمل ايه
إياد : معلشي يا حبيبتي وذهب باتجاه هذا الطفل المزعج ووالده
إياد بعصبية : عمران خلي ابنك يبعد عن بنتي
عمران ببرود: وانا مالي اهو عندك اهو اتصرف
يوسف بضحك : يا ابني مش هتاخد مع حق ولا باطل بارد هو وابنه
سليم ابن يوسف: وانا يا بابا بفضل اتخانق معاه كتير
ياسين : نصيبنا كده يا حبيبي يطلع سليم تاني في العيلة وفجأة وجدوا احد الأطفال يصرخ ركضوا جميعا بقلق تجاه الصوت
آدم ابن يوسف تؤام سليم ::مش قولتلك يا غزل بلاش اللبس ده تاني مش بتحرمي
يزن بغضب : مالك ببنتي يلا
آدم ببرود : لما اكبر هتجوزها والمفروض تسمع كلامي يا يزن انت مش بتقولها حاجة على اللبس ده
يزن : يزن حاف كده يا ابن يوسف
إياد : لا بالجبنة اشرب شوية بقا بس الواحد يا اخي مش عارف يعمل ايه بدال ما كان في نسختين من عمي سليم يوسف وياسين دلوقتي بقا ادم ومحمد شكلها وراثة هي
الجميع بضحك : ربنا يباركلنا فيهم وكانت تتابعهم حور بابتسامة
حور بحزن : ربنا يرحمك يا جدو انا عمري ما هانساك ابدا كنت بتمنى تبقى موجود وتشوفهم دلوقتي
رغد : حور بتعملي ايه انهاردة فرح الولاد يلا مافيش وقت
آمال : مش مصدقة الولاد كبروا في ثانية وبنجوزهم خلاص فاليوم زفاف فهد ويزن ويامن وسليم ابن سراج
آسيل : يلا يا بنات اجهزوا بسرعة مافيش وقت
وفي مكان ما في القصر نجد احد الأطفال
طفل يبلغ 13 عاما وطفلة 8سنوات
سراج ابن ملك : نور بلاش الفستان ده قصير عليكي
نور بحزن : بس ماما اللي اختارته يا سراج
سراج : يا نور انا خايف عليكي بس خلاص لو هتزعلي بلاش
نور بتفكير: طب هالبس ايه دلوقتي
سراج بحنان : تعالي هاختارلك انا
وشكل قصص أحفاد الجوهري مش هتخلص هنا وبس
جاء الليل سريعا ودخل كل شاب بزوجته واطفاله
وفجأة دخل الثنائي المجنون
منه بغضب : يعني دلوقتي اللي غلطانة يا مروان
مروان ببرود : ايوة انتي
منه بصراخ : طب طلقني التفت لهم الجميع
سليم الكبير : في ايه يا مراد
رؤى بخضة على ابنتها: مالك يا بنتي
منه : يرضيكي يا ماما بكلمه في موضوع مهم يقولي هاخلص الشغل اللي معايا وافضالك انا ولا الشغل
رؤي : وايه هو المهم يعني
منه : كنت عايزاه يختار معايا الفستان
رؤي : لا يا حبيبتي مش غلطانة انتي شكلك عايزة تضربي مني حسبي الله ونعم الوكيل
مروان : اهو انا بعاني يا ماما معاها وبعدين الشغل كان مهم وكان لازم ابعته حالا كنت هاخلص واشوفها
رؤي بهمس : ليك حق يا ابني ده انا امها مش متحملة
منه : بتقولي ايه يا ماما
رؤى : لا يا حبيبة ماما ابدا شكلها هرمونات الحمل تعباكي تعالي يا حبيبتي معايا
مروان براحة : اخيرا
يوسف : حلو الجواز مش كده يا مارو
ياسين بتريقة: الإنسان محتاج شريكة حياة تفهمه وتحبه
إياد : ها يا بطل الجواز جميل مش كده
مروان بدموع وهمية : ده طلع نكد وعياط طول اليوم وخناق مش عارف دبست نفسي ازاي
يزن بشماتة: تعيش وتاخد غيرها
على الجهة الأخرى كانت حور تبتسم وهي تنظر للجميع براحة وسعادة وفجأة وجدت من يحدثها
سليم : مش ناوية تسامحيني بقا انتي سامحتي الكل وانا لا
حور بجدية : سامحتهم علشان هما مش زيك سليم انا كنت متوقعة منك اكتر من كده مش كل الحب وبس لا الثقة آساس اي علاقة الاحترام المودة بس كل دول مكانوش موجودين عندك وانا مش قادرة اتخطى كلامك ليا لو رجعتلك حاليا هابقي بظلمك وبظلم نفسي مش هاعرف اتعامل معاك كزوج هافتكر كل مرة اللي حصل فخليني اخد وقتي براحتي واقرر أمته الوقت اللي اسامح فيه انا حاليا شايفة سعادة ولادي وعيلتي وده الأهم عندي ارجوك حاول تفهمني
سليم بحزن : وانا هاستناكي لاخر يوم
بقلم أية المهدي……
تمت………

لقراءة باقي حلقات الرواية اضغط على (رواية عشق أحفاد الجوهري 2)