رواية اهتمام مؤقت الفصل الأول 1 بقلم نوران أحمد

رواية اهتمام مؤقت الفصل الأول 1 بقلم نوران أحمد

رواية اهتمام مؤقت البارت الأول

رواية اهتمام مؤقت الجزء الأول

رواية اهتمام مؤقت الحلقة الأولى

صحيت علي صوت بيعلن وصولنا لمصر الحبيبه
نسيت اعرفكم علي نفسي
انا جاسر صاحب شركه برمجيات في امريكا عندي 28سنه من وانا صغير اهلي خدوني وروحنا امريكا كملت دراستي هناك وبقا معايا الجنسيه الامريكيه وتوفو سابوني لوحدي قررت ارجع مصر صفيت كل شغلي في امريكا وقررت استقر في مصر مع عمتي الحبيبه قد اي وحشتني ووحشني جو مصر
نزلت باخد نفس كبير براحه وحماس بعد 20 سنه اخيرا رجعت هتفرح عمتي من المفاجاه دي اوي
وقفت تاكسي لف بيا شوارع مصر كلها شوفت قد اي اتغيرت وبقت زحمه الناس بقت تعبانه بس لسه طيبين حسيت براحه كبيره كأن روحي رجعتلي برجوعي ضربت طعميه وفول وكملت بالتاكسي لبيت عمتي
كان معايا مفتاح بعتتهولي من سنتين جريت علي السلالم بفرحه وانا شايل الشنط علي كتفي وفتحت الباب بسرعه مبتسم وانا بصرخ عمتيييييييييييي
وقعت الشنطه مني بصدمه لما لقيت بنت في بدايه العشرين شعرها اسود طويل بشرتها بيضاء كرفي
رنا بصدمه : انت مين
جاسر : انا جاسر فين عمتي
رنا : ايوه انت ابن اخو ماما ساميه
جاسر : هي فين
رنا بحزن : ماتت هي وعيالها في حادثه
وقتها بس حس أنه اتاخر اوي وغربته مش بس حرمته من أنه يشوف حبايبه لا وكمان حرمته من أنه يودعهم ظهر علي وشه الحزن وقال
جاسر : وديني ليها المقابر
حست رنا بحاجه غريبه وقالت : حاضر
استناها لبست ونزلو مع بعض وقف علي القبر والحزن مالي قلبه انا اسف اتاخرت عليكي اوي يا عمتي سامحيني بس متقلقيش علي بنتك هتكون في عنيا دي الوحيده اللي بقيالي من ريحتك
رنا بصدمه اي ده هو بيتكلم عني أنا
مسك ايديها : يلا نروح
روحت معاه وهي مصدومه ودخلت اوضتها وقفلت علي نفسها صلت واستخارت ربنا وحست براحه سمعت صوت الباب
رنا : اتفضل
جاسر : حضرت الاكل يلا عشان تأكلي
رنا بتوتر : تمام
ياربي أقوله ازاي اني مش بنت عمتك
دخلت كلت معاه
جاسر : انتي في كليه اي
رنا : اعلام
جاسر : كويس عندك جامعه بكرا
رنا : لا مش هروح
جاسر : وده ليه أن شاء الله
رنا : عندي شغل
جاسر بصوت عالي شويه : مفيش شغل مصاريفك كلها انا متكفل بيها المهم اهتمي بدراستك
رنا : هكمل بس باقي الشهر علشان اخد المرتب وبعد كدا أبقا اسيبه
جاسر : سمعتي انا قولت اي اللي أقوله يتنفذ
رنا بضيق : حاضر تصبح على خير
دخلت اوضتها وهي فرحانه اوي اخيرا حد اهتم بيها اخيرا حست بالحنيه وان في حد بيخاف عليها طول عمري نفسي يبقالي سند واخيرا حاسيت الاحساس ده معقول أقوله ويبعد انا محتاجاه في حياتي جدا عندي مشاكل كتير ووجوده معايا هيبعد عيون كتير عني
وهو باين عليه محترم سمعت خبط علي الباب
دخل جاسر : هتنزلي معايا نتفسح
رنا : هو لو قولت لا هتزعل
جاسر : لا ابدا 10 دقائق والاقيكي جاهزه هستناكي بره
وطلع
رنا اي المجنون ده ماله لبست وخرجت معاه
وريته كل الاماكن القريبه مننا ودخل محل خضار اتسوق وبعدها دخلنا السوبرماركت اشتري حاجات كتير جدا
رنا بتعب : هي دي الفسحه عندك
جاسر : انتي سايبه البيت علي الجنط كدا ليه
رنا : اصل انا اكلتي بسيطه وخفيفه مش بحتاج حاجات كتير في البيت
جاسر : طب تعالي نضرب كشري
دخلنا محل الكشري طلبت اكبر طبقين وبدانا ناكل بصيت عليها عشان اسال جدولها في الجامعه ازاي لقيتها نسفت الطبق وبتطلب كماله
جاسر : كل ده واكلتك بسيطه وخفيفه يا مفتريه
رنا : انت باصصلي في الاكل ولا اي هو الاكل اللي عملته في البيت اسمه اكل
جاسر : لا كلي يا اختي كلي …. بالمناسبه صح هتقل عليكي اليومين دول واقعد عندك لحد ما البيت بتاعي يجهز
رنا بتوتر : لا ولا يهمك
جاسر : طيب يلا بقا
رنا : اكمل بس الطبق
جاسر : كفايه عليكي كدا هتتعبي غلط الاكل الكتير بالليل قومي
قامت معاه وهي متضايقه ومبوزه روحت ودخلت اوضتها لقت صاحبتها بترن عليها
جنا : انتي فين ده كله يا زفته انتي
رنا : كنت بجيب طلبات للبيت
جنا : ومن اين لكي هذا انتي علي الحديده
حكت رنا لجنا كل شي
جنا : الله بدايه قصه حب
رنا : اتوكسي وجوده هيساعدني كتير لما بيبقا فيه راجل بجد بتحسي بالأمان والراحة اول مره احس بده
جنا : هو ده الحب
رنا : بقولك اي غوري
جنا : طب هتيجي بكرا
رنا : لا سلام
صحيت الصبح لقيت الفطار جاهز
جاسر : هتخلصي جامعه امتي
رنا : جامعه اي
جاسر : لا فوقي معايا كدا
رنا : اه اه الساعه 4 أو 6
جاسر : تمام انا مستعجل لازم انزل عايزه حاجه
رنا بابتسامه : لا شكرا
★★★★★★★★★★★★★★★★★★★★
كانت جنا ماشيه في الطريق لحد ما شافت قطه طلعت تجري وراها وهي فرحانه وفجاه فرملت عربيه بسرعه قبل ما تخبطها
جنا بضيق : انت يا استاذ يا عبيط مش عارف تسوق قولي قولي أعلمك بدل ما انت كنت هتبيد روح قطه كيوته
حازم : انتي هبله يا بت انتي انتي اللي وقفتي قدامي وكمان بتبجحي
بصتله جنا بضيق واول ما شافته ابتسمت وضربته بالقلم
حازم بعصبيه : انتي مجنونه يا بت انتي
جنا بابتسامه : طول عمري بقول اني هعيش قصه حب زي الروايات واخيرا جت الفرصه
حازم بغضب : نعم ياختي انتي مجنونه يا انسه
جنا : اهيييييح قد اي انت جميل يا قره عيني
حازم : اه ده انتي طايره منك علي الاخر سلام
جنا جريت عليه ومسكت أيده : رايح فين لسه انت منتقمتش مش هتاخدني معاك وتروح عند اقرب مأذون وتتجوزني غصب عني وافضل اعيط اعيط اعيط وانت تسحلني عشان تنتقم بقا ازاي تضرب بالقلم في الشارع وبرستيجك يضيع ف تسحل فيا وتعذبني وتكتشف بعدين اني غير كل البنات اللي عرفتهم وعملولك عقده وتبدأ تحبني
كان واقف بيبص ليها وفمه مفتوح من الصدمه
زقها بسرعه وطلع يجري علي عربيته ومشي بيها وطلع رأسه وهو بيقول ليها
حازم : ابقي اتغطي كويس وانتي نايمه
جنا بابتسامه : قليل الادب بس بحبه اعمل اي
★★★★★★★★★★★★★★★★★★★★
نزل جاسر ركب تاكسي ووصل لمبني كبير جميل جدا دخل وبص علي كل حاجه حواليه واطمن أن كل شي ماشي تمام
حازم : في مدير يتأخر بردو يا برو
جاسر بابتسامه : والله واحشني اي الاخبار
حازم : انا زي الفل
جاسر : اقصد الشغل
حازم : طول عمرك لتحبني لدرجه مهتم بادق تفاصيلي بص عملت الانترفيو وبعتلك كل حاجه راجعتها والشغل هيبدا من بكرا
جاسر : تمام كويس اوي والشقه
حازم : بتجهز وبتتشطب
رن هاتف جاسر رد وبعد كلام كتير قفل السكه
حازم : اي
جاسر : الاعلانات اللي روجناها علي التواصل الاجتماعي جابت نتيجه وده اول عميل لينا هروح أقابله بره زي ما انت شايف المكتب مش مناسب لستقبال حد يلا سلام
حازم : جاي معاك يا حبيبي
جاسر : الكلام ده للكبار روح شوفلك واحده زي عوايدك
حازم : لا
جاسر : انت كويس انت بتقول علي البنات لا وده من اي
حازم وهو بيحط ايديه علي أكتافه : ولاد الناس مش لعبه انا بقيت اخاف منهم
ضحك جاسر بشده : معلش يا كوكي ابقي خلي بالك من نفسك يا قطه
سابه ومشي وصل اخيرا للوكيشن اللي كان مبعوت ليه واتقابل مع العميل وبدأ يفكرله في فكره برنامج مميزه تساعده في شركته وبدأ يشرحله تفاصيل البرنامج اعجب العميل جدا بالعرض والشرح ومشي الديل بشكل كويس
طلب العميل الويتر علشان يطلبو حاجه يشربوها
طلب العميل وجه دور جاسر بص في المنيو وابتسم وهي بيطلب وفجاه اتحولت ابتسامته لغضب شديد
بقلم نوران احمد
جاسر بغضب : انتي بتعملي اي هنا
رنا بخوف من شكله : انا انا

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية اهتمام مؤقت)