رواية اهتمام مؤقت الفصل الثالث 3 بقلم نوران أحمد

رواية اهتمام مؤقت الفصل الثالث 3 بقلم نوران أحمد

رواية اهتمام مؤقت البارت الثالث

رواية اهتمام مؤقت الجزء الثالث

رواية اهتمام مؤقت الحلقة الثالثة

صوت صريخها كان مالي المكان
لحد ما الباب اتكسر وفجاه بعد عنها كانت بتجري علي ايديها ورجليها لباب اوضتها قفلت علي نفسها وفضلت تعيط وجسمها كله بيرتجف من الخوف
وفجاه بعد ما كان البيت كله مليان بالصريخ والتكسير والألم الهدوء ملئ المكان سند جاسر ضهره علي باب اوضتها وهو سامع شهقتها
جاسر بحزن : رنا افتحي الباب متخافيش انا انا معاكي ومش هسيبك تاني انا اسف اني اتاخرت افتحي
سمع صوت عياط بس
جاسر : اوعي للحظه تحسي بالخوف أو الضعف أو الوحده انا سندك ومعاكي عمرك ما هتكوني لوحدك ابدا عارفه يا رنا طول عمري لوحدي فرحتي بوجودك جنبي اخت وحبيبه وصاحبه حد غالي عليا بخاف عليه وبحبه ولو طلب الدنيا كلها وبايدي هديهاله دموعك غاليا عليا اوي بتوجعني افتحي الباب
لمس كلامه قلبها وحست انها محتاجه الامان اللي بتلاقيه معاه فتحت الباب وحضنته وكملت عيااط طبطب عليها وضمها بقوه لحد ما بدأت تهدي بعدها عنه ومسح دموعها بايده
جاسر : اوعي اشوف الدموع دي تاني ويلا البسي هنخرج
قامت برجلين بيترعشو لبست واول ما خرجت من باب البيت مسكت أيده بخوف حط أيده علي أيدها يطمنها نزلت لقت كريم مضروب وجسمه كله دم ومتعلق علي محل أبوه
قرب ابو كريم وبيزعق مع جاسر
خافت رنا ومسكت أيده بقوه واستخبت وراه
جاسر : بقولك اي انت تتكلم معايا بحترام غير كدا لا كلامك مع المحامي بتاعي مسك ايديها ركبها العربيه
وبدأ يفكر ازاي يسعدها افتكر انها بتفرح بفرح الناس وبتبتسم لما تشوف ابتسامتهم وعلي اقرب قاعه افراح وداها مكنش يعرف حد هناك كانت قاعده في المكان حزينه راح لبتاع الدي جي شغل نغمه معينه ومسك المكريفون وقرب منها وهي قاعده وسط المعازيم بتبص في الأرض بحزن مسك ايديها وقال
جاسر : سيبي روحك وارقصي انتبه كل المعازيم ليهم وهي رفعت وشها بتبصله بصدمه وقفها وكمل بين ايديا والمسي حضني بايديكي واضحكي وعلي ودني ميلي وهمسي
مشي بيها لحد المسرح ومسك ايديها وهي بتبصله بصدمه
سيبي روحك وارقصي بين ايديا والمسي مسك ايديها وحطها علي صدره حضني بايديكي واضحكي وعلي ودني ميلي وهمسي
بص في عيونها وكأنهم ناسيين اللي حواليهم
جاسر : ااااه عارفه ايه في بالي عارفه نفسي في اي عايز دلوقتي اشيلك في عيني واقفل عليك
ابتسمت رنا
كمل رقص بيها وعيونهم متشالتش عن عيون بعض حط أيده علي ايديها
ايدي علي ايدك كدا
ميلي علي حضني كده انتي وانا بنرقص سوى وعلي الارض ولا علي السما
قلبي سمعه قلبي وانتي خدك عليه اااااه.. سمعه كل دقه فهمه بتقولي ايه
مسح اخر دمعه نزله من عينيها وهو بيقول سيبي روحك وارقصي بين ايديا والمسي حضني بايديكي واضحكي وعلي ودني ميلي وهمسي
ابتسمت بخجل وبصت في الأرض بص جاسر حواليه ولقي المكان كله بيبصلهم بصدمه مش عارفينهم
جاسر. : يلا نهرب
مسك ايديها وجري بيها بره القاعه كانت بتضحك زي الاطفال جاب كراسه وقلم وحلويات ومشي بيها لحد مبني عالي جدا طلعو للسطح قعدو علي الحافه
جاسر : احكيلي علي حياتك
رنا : مش عايزه اتكلم …. بس حياتي كلها كانت ظلم ووجع ووحده والم حياتي كانت صعبه بجد لحد ما دخلت انت فيها
جاسر : طيب بما انك مش عايزه تحكي اي رايك اكتبي كل اللي جواكي هنا اكتبي اللي بتخافي منه واللي وجعك جربي
مسكت رنا ورقه وكتبت فيها
رنا : خلصت
جاسر : اعمليها طياره وطيريها كانك بتطيري الخوف والحزن من قلبك كل حاجه جواكي هتطير زي الورقه دي وتختفي
ابتسمت رنا واتحمست وكتبت حاجات كتير وبدأ هو كمان يكتب ويطيروها مع بعض وهما بيضحكو
جاسر : حاسه بايه
رنا : مبسوطه
قام جاسر : بما اننا خلصنا الكراسه كلها تسمحيلي بالرقصه دي
وقفت رنا بابتسامه وهي ماسكه الفستان بتاعها وبتنحتي زي الاميرات : يس مسيو
شغل اغنيه علي الفون بتاعه ومسك ايديها وبدئو يرقصون وهما بيضحكو
قعدو علي سور المبني كانت بتنام علي كتفه لحد ما فوقها بسرعه وهي بتشوف الشمس بتظهر من بين السحاب وكانت قريبه وجميله اوي
جاسر : عايزك تفتكري دايما مهما كان الليل مظلم ومخيف ووحش مسير الشمس هتيجي وتنور حياتك بس اصبري واذكري ربك علي طول
رنا بفرحه : فعلا حاسه اني اتولدت من جديد
فضلو نص ساعه بيبصو بس للمنظر الجميل بص جاسر عليها كانت نايمه حاول يصحيها كذا مره ورفضت شالها ونزل بيها دخلها العربيه وطلع يدور علي كل الورق اللي طيروها امبارح جمعهم كلهم وخباهم وركب ووصل اخيرا لبيته الجديد دخلها اوضتها وخرج لشقته غير ولسه هيرتاح مش عارف ينام من تفكيره فيها ابتسم وحاول ينام
بعد ساعه صحيت رنا مخضوضه من رن الفون
رنا : في اي يا زفته انتي
جنا : انتي فين يا خرا
بدات تفوق وقالت اي ده انا فين
طلعت بسرعه تنادي عليه بخوف شافت الباب بيتفتح جريت عليه
رنا : كنت فين
جاسر : دي شقتك الجديده وانا الشقه اللي تحت علي طول مفيش غيرنا
رنا : احنا فين
جاسر : احنا في #### متقلقيش المكان قريب من كل حاجه روحي ارتاحي تصبحي على خير
خرج
رنا : انتي لسه موجوده علي الخط
جنا : صوته سحرني
رنا بعصبيه : اتلمي
جنا : جري اي يا رورو بهزر ولا انتي وقعتي
رنا : انا خايفه اوي حاسه اني في حلم جميل خايفه اخسره كل ده مجرد اهتمام مؤقت لاني بنت عمته لما يعرف الحقيقة هيبعد
جنا : لو لمس قلبك من جوه وحبك بجد عمره ما هيبعد
رنا : انتي بتقولي اي حب اي انا عايزه ارتاح هنام سلام
جنا : هخلص جامعه واجيلك
قفلت رنا في وشها ونامت
★★★★★★★★★★★★★★★★★★★★
في مكان تاني كان بيبص عليها من بعيد وحشته شقوطها وهزارها وهبلها حاسس اني بجد وقعت في الهبله دي مجرد ما شوفتها واقفه مع شاب وبتبتسمله فار الدم في عروقي ومشيت بخطوه سريعه ناحيتها وانا متعصب وشديت ايديها بعصبيه وجبتها ناحيه العربيه
جنا : اي ايدي ابعد كدا عايز اي
حازم بغضب: مين الزفت اللي كنتي واقفه معاه ده
جنا : وانت مالك اصلا
حازم بغضب : بقولك اي ردي عليا هنا انطقي
جنا بخوف : م مجرد زميل
حازم : لو شوفتك واقفه معاه تاني ياجنا هطلع عينك فاهمه
خافت من كلمه وهزت رأسها وبعدين قالت : ملكش دعوه اصلا انت مين عشان تقولي كدا
قرب منها وقال : انا في مقام جوزك
اتصدمت شويه واتكسفت وقالت : انت انت اهبل ياض انت انت قولت اي اصلا اي اللي جابك هنا
حازم بتوتر : جيت اشوف رنا
جنا : مجتش النهار ده في بيتها الجديد
حازم : لحق جاسر خلصه تمام
جنا : انت هتروح هناك
حازم : اه
جنا بكسوف : ممكن توصلني لاني مش هعرف اروح اول مره لوحدي
ابتسم وشاور ليها تركب
اول ما وصلو طلعت تجري علي المكان وصف جاسر ليها مكان رنا وجريت علي هناك تصحيها
جنا : قومي بسرعه حصل حوار لازم احكيلك عليه
رنا : اي يا زفته حد يصحي حد كدا في اي حوار اي
جنا : احلفي بالله متعمليش فيا حاجه
رنا : اخلصي يا آخره صبري مش هحلف
كانت جنا بتتكلم وهي بترجع لوري برجليها بتستعد للجري
جنا : اسامه زميلنا في الجامعه شافك ومعجب ومستني تيجي علشان يكلمك بس محصلتش فرصه ف كلمني عشان يتقدم ليكي وانا قولتله انكم مستنيينه بكرا الساعه 5 ووصفت ليه العنوان
قالت كلامها وجريت بسرعه علي تحت
رنا بصريخ: جنااااااااااااااااااا
سمع الشباب صوت صريخ رنا بصوت عالي علي جنا ودقيقه وشافو جنا بتجري
جاسر : هو في اي
حازم : اكيد عملت مصيبه انا هروح الحق المتخلفه دي متعرفش حاجه هنا
شويه ونزلت رنا وعلي وشها التوتر والخوف
جاسر بضيق : في اي يا رنا
رجعت بسرعه : شكلك متضايق هجيلك في وقت تاني
جاسر : رنااا
وقفت مكانها بخوف ولفت بصتله وهي بتقول
رنا : انا انا في حاجه عايزه اقولها

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية اهتمام مؤقت)