رواية غرام يامن الفصل الرابع 4 بقلم ونس

رواية غرام يامن الفصل الرابع 4 بقلم ونس

رواية غرام يامن البارت الرابع

رواية غرام يامن الجزء الرابع

رواية غرام يامن الحلقة الرابعة

تاني يوم
شوقية: شوفتوا البت ضحكت علي الحاج ازاي و كلت بعقله حلاوة و خلته يوافق
ناديه: مالك يا شوقية سبينا نفرح و الحمدلله انو وافق لولا إن ربنا سخرها انها تكلمه مكنش زمان ابني فرحان ولا مبسوط كدا
نرمين: عندك حق يا ناديه والله…. و بعدين انتي يا شوقية متضايقه ليه
شوقية: ولا مضايقه ولا حاجه…. يلا بينا نجهز علشان نلحق
غرام جدها قالها تروح تنادي لياسين علشان يمشوا يروحوا يتقدموا لعروسته
غرام طلعت لقت الباب مفتوح و فيه صوت أنثوي طالع بيقول بضحك : لأ يا سي ياسين مينفعش كدا…. عيب… اختشي اومال
فدخلت انصدمت أكتر من الي شافته كان زرار البنطلون بتاع ياسين مش راضي يدخل في العروة بتاعته فكان يامن بيعملهوله و قال الكلام دا بيهزر معاه فهي فهمت غلط
غرام بصدمة: انتوا بتهببوا ايه… انتوا منهم….. انتوا رينبو….. دا أنا هفضحكم يا ألوان….. يا جدوووو
قاطعها يامن و حط ايده علي بقها يسكتها: اسكتي اسكتي هتفضحينا
غرام عضت ايده: افضحكم….. هو أنا لسا عملت حاجه….. و أنا شغاله اتحايل يا جدو جوزه معلش شاب و بيحب و اتاريك مقضيها دا…
قطعاها آسر: يا غرام انتي فهمتي غلط مفيش حاجه من دي كل الموضوع ان….
قاطعه غرام: اي انت هتشرحلي كنتوا بتعملوا….. يا شيخ اتقي الله…
دخلت نورين
نورين: اي بتعملوا صوتكوا عالي…. بتزعقي ليه يا غرام اي الي حصل…… و انت يا آسر مجهزتش ليه
غرام: تعالي الحقيني عيال عمك دول طلعوا رينبو
نورين: رينبو اي…. اي الكلام الفاضي دا از……
قاطعها آسر: خلاص انتو قررتوا و اصدرتوا الحكم مفيش من الي بتحكيه غرام حصلت كل الموضوع إن الزرار مش راضي يدخل فيامن ساعدني و كان بيهزر معايا مش أكتر فهي فهمت غلط
غرام: آااه بقا كدا…. معلش يا شباب فهمت غلط و كملت بمرح: حقكم علي راسي
نورين بمرح: و لسا هتعرفي يامن أكتر لما تقعدي معانا عليه شوية حاجات انما اي فوق فوق كدا تجننك… تدخلك مستشفي المجانين عدل
يامن بتذمر: والله انتوا ظالمني…. هو في حد في هدوئي… دا انتوا متقدروش تعيشوا من غيري… دا أنا سر سعادتكم
ياسمينا كانت رايحه تناديلهم فقابلت مراد الي كانت واقف عند اوضة آسر و طبعا سمع كل الي حصل جوا
ياسمينا: مالك يا مراد واقف كدا ليه
مراد: مفيش حاجه يا حبيبتي….. اومال اي الحلاوة دي… انتي العروسة ولا ايه
ياسمينا: خلاص بقا يا مارو متكسفنيش
مراد بحده فجأه: قولت لك مليون مره متقوليش مارو دي
ياسمينا بزعل: مكنتش قصدي والله انا……
قاطعها بانه حضنها: خلاص يا حبيبتي متزعليش حقك عليا بس انتي عارفه اني بدايق منها علشان الي حصل ….. و يلا تعالي ننادي عليهم
ياسمينا بمرح: ايه يا جماعه ناوين تباتوا هنا ولا ايه … اي يا عم آسر جدك قال لومنزلتش دلوقتي هيلغي الجوا
ملحتقش تكمل لان آسر طلع يجري خاف ان جده يلغي الجوازة
كلهم ضحكوا عليهم و مراد اكتفي بابتسامة
غرام بضحك: اموت و اشوف البت الي هيموت عليها دي
نورين: بصراحه البت قمر و كمان دي قريبتنا المفروض تكوني عارفاها
غرام بتساؤل: ليه هي مين
نورين كانت لسا هترد
ياسمينا قالت: ما احنا هنروح اهو و هتشوفها مستعجلين علي اي يلا بسرعة الا يمشوا و يسيبونا
بعدها غرام سابتهم و راحت لباباها لقتهم مش هيروح معاهم
غرام: اي يا بابا حضرتك مش هتروح معانا ليه…. جدو جه لحضرتك و اصرك عليك تروح و انت مرضتش يا بابا أر
قاطعها حسين: يا غرام مش هينفع اروح… اروح بصفتي اي
غرام: بصفتك بابايا و عمه… انا عارفه انك صعب انك تسامحهم و انا مش عايزة اجي عليك بس علشان خاطري تعال… يا بابا انا بالرغم من اني لقيت عيلتي و هما كويسين معايا و بيحبوني الا اني لسا متعودتش عليهم بالقدر الكافي و في غيابك بحس اني غريبه بابا أنا مليش غيرك أنا سندي تعال معايا و أكملت بتذمر طفولي: لو مش هتروح أنا مش هروح من غيرك
حسين بحنان: خلاص علشان خاطرك يا حبيبة أبوكي يلا تعالي
وصلوا بيت العروسة
والد العروسة: نورتونا والله يا عمي… عاش من شافكم دا أنا لما آسر كلمني مكنتش مصدق انه ابنك يا محمود
عبدالرحمن: تسلم يا حسن يا بني
حسين دخل و شاف حسن و انصدم و حسن أول ما شافه جري عليه حضنه حسن: أنا مش مصدق اني شوفتك تاني يا أخويا…. كنت دا كله فين؟…… بقا تعمل ف اخوك توأمك كدا… أنا دورت عليك كتير….. وحشني قوي
حسين بادله الحضن و قاله: و انت واحشني اكتر يا أخويا والله…… الظروف هي الي فرقنا .. بس معلش المرادي مش هنبعد
حسن: حصلك اي روحت فين
حسين: هحكيلك بعدين خلينا دلوقتي في فرحتنا
«حسن هو اخو حسين التوأم و هو عارف الي حصل لاخوه و هو الي ساعده يمشي من البلد ومعاه غرام بس بعد اما حسين سافر بعده و طرق التواصل بينهم اختفت معرفوش يتواصلوا سوا»
حسن شاور علي غرام و قاله: دي بنتك… كبرت و بقت زينة البنات يا خويا… ربنا يخليهالك….. و كمل بمرح: اخدها لابني يوسف بقا
حسين: و ماله دا احنا لينا الشرف
آسر ليامن: هما هيفضلوا كدا كتير أنا عايز اشوف… عايز اتجوز يا ناس… خلصونا بقا
يامن كان لسا هيتكلم هادي عمهم الصغير سمعه و قال: يشيخ اتوكس مستعجل علي ايه بكرا تقول يا ريت الي جرا ماكان
نرمين مراته: بتقول حاجه يا هادي
هادي بتصنع التوتر: ها ولا حاجه يا حبيبتي سلامتك
يامن و اسر ضحكوا و يامن قال: ناس مش بتيجي غير بالعين الحمرا
كلهم قعدوا بقا
عبدالرحمن: طبعا يا حسن انت عارف احنا جيلنا ليه…. احنا طالبين ايد بنتك أميرة لابننا آسر
حسن: طبعا يا عمي و أنا يشرفني دا
و قرأوا الفاتحة و الكل مبسوط و فرحان و اتعرفوا علي بعض
«حسن مراته ميته و معندوش الا أميرة و يوسف
و كان حاضر قراية الفاتحة سرين بنت خالة أميرة»
ف حد دخل و قال بعصبية : يعني انتي هنا بتضحكي و تهزري و أنا قالب الدنيا عليكي مش فارق معاكي أنا

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية غرام يامن)