رواية عشق الأدهم الفصل الرابع عشر 14 بقلم ماهي عاطف

رواية عشق الأدهم الفصل الرابع عشر 14 بقلم ماهي عاطف

رواية عشق الأدهم البارت الرابع عشر

رواية عشق الأدهم الجزء الرابع عشر

رواية عشق الأدهم الحلقة الرابعة عشر

بالليل اتقابل أدهم مع اسر وراحوا اعدوا فى كافيه
اسر : خير ياأدهم مالك.
أدهم مش عارف يبدأ منين وساكت
أسر : ايه يابنى انت جايبنى تسمعنى سكوتك
أدهم مره واحده قاله : انا عايز اتجوز همس ياأسر
اسر ضحك : طيب ماتقول كده على طول ياعم
وبعدين مانا واخد بالى
أدهم : فى ايه هو انا باين عليا قوى كده كل لما
اقول لحد يقولى عارف
اسر ضحك قوى : شكلك مفضوح قوى ياأدهم
وصدق الى قال الى يحب يبان فى عنيه
أدهم ضحك هو كمان : طيب ايه رئيك
أسر : إذا كان عليا موافق طبعا المشكله مش فيا
أدهم باحباط : عارف ان همس مش عايزه تتجوز
بس اعمل ايه ادينى هحاول معاها وربنا يسهل
أسر : أدهم لو بتحب همس بجد متعملش مجرد
محاوله لا خليك وراها لحد لما توافق
أدهم : طيب مش يمكن تكون مابتحبنيش
أسر : مافتكرش
أدهم بفرحه : بجد ياأسر هى قالتلك حاجه
أسر : لا بس انا عارف اختى واقدر اقولك انها بتحبك
أدهم : يعنى اكلمها
أسر : كلمها وربنا معاك يابطل وانا من نحيتى هكلمها
انا كمان وربنا يسهل
أدهم : عموما هى كانت قالتلى انها عايزانى فى
موضوع بس مش عارف فى ايه
أسر استغرب : ليه حصل حاجه
أدهم : لا حور وادم كلمونى وبعدين لقتها بتقولى
عايزه اتكلم معاك
اسر بتفكر : مش عارف يا أدهم روح يابطل وربنا يعينك
أدهم : ادعيلى ياأسر ربنا يهديها
أسر : يارب يفرحكم ياحبيبى يارب
أدهم : يارب
___________________
تانى يوم طول الوقت همس متوتره وعماله تفكر
هتقوله ايه لحد ماخلصت الشغل ولقت ادهم اتصل بيها
أدهم : الو ايوا ياهمس خلصتى
همس : اه خلاص انت فين
أدهم : قدامى عشر دقايق واكون قدام الشركه
همس : تمام هستناك
أدهم قفل معاها وهو كمان عمال يفكر ياترى عايزاه
ليه وصل أدهم واتصل بيها تنزلوا نزلت همس وركبت
العربيه مع أدهم
همس : ازيك ياأدهم عامل ايه
أدهم بصلها كانت جميله قوى : الحمد لله كويس
تحبى نروح فين
همس : اى مكان
أدهم طلع بالعربيه وراح للكافيه الى متعود يروحه نزل وفتحلها الباب نزلها ودخلوا الكافيه قعدوا وبصلها
أدهم : تشربى ايه
همس توترها بيزيد وقلبها عمال يدق : ولا حاجه
أدهم : ازاى يعنى لازم تشربى حاجه اجبلك ليمون يهديكى
همس بصتله : يهدينى ليه مالى
أدهم ابتسم : انتى مش حاسه بنفسك متوترا ازاى
همس بصت لبعيد وحاولت تهدى ضربات قلبها أدهم
طلبلها الليمون وطلب ليه قهوه شربت الليمون
يمكن فعلا تهدى وطول الوقت ساكتين
أدهم : احنا ساكتين ليه المفروض انك عايزانى فى موضوع
همس مش عارفه تبدا منين : أدهم انا عارفه انك بتحب حور وأدم ودى حاجه مقدرش أنكرها ابدا بس فى مشكله انت مش اخد بالك منها
أدهم : مشكلة ايه ياهمس
همس بصتله بوجع : انت مسيرك تبعد عنهم وانا مش
هقدر اشوفهم تعبانين نفسيا تانى علشان هما تعلقوا
بيك جدا وانت غلطت لما سمحتلهم يقولو لك يابابا
أدهم : ومين قالك انى هبعد عنهم ياهمس
همس بوجع اكتر بصت للارض : هتبعد لما تتجوز ياأدهم ويكون ليك حياتك
أدهم فهم هى ليه مضايقه : همس ممكن تبصيلى
همس بصتله أدهم ابتسم وقالها بصوت هادى : انا عمرى ماهبعد عنكم ابدا ياهمس
همس : انا سمعتك بتقول انك هتتجوز قريب
أدهم : مانا مش هتجوز الا لو انتى وافقتى
همس بصتله قوى : اوافق على ايه
أدهم : توفقى تتجوزينى
همس سهمت ومعرفتش ترد وهو كمل
أدهم : انا بحبك ياهمس بحبك من اول مره عينى
جات عليكى يوم فرح اياد من يومها وانا حالى
متلخبط ومش عارف اركز فى اى حاجه وحبيتك
اكتر لما قربت من حور وادم وكل الى بتمناه انكم
تكونوا عيلتى وجنبى على طول
همس لسه ساكته وقلبها عمال يدق ومش عارفه تقوله
ايه بس هى معندهاش استعداد تتوجع تانى طيب اول
مره مكانش فارق معاها وتوجعت المرادى هتعمل ايه
أدهم لما سكوتها طال قلبه دق بخوف انها ترفض:
همس ممكن تردى عليا
همس بصتله : أدهم انت بنى ادم محترم جدا وانا مقدره
الى انت عملته مع عيالى بس انا مش عايزه اتجوز انا
عندى عيالى مينفعش اتجوز لازم يكون اهتمامى بيهم لوحدهم
أدهم بدأ يتعصب: مين قال كده حور وادم محتاجين
اب ياهمس محتاجين يحسوا ان ليهم ضهر وسند
همس : وانت هتكون الضهر والسند ليهم ؟ مافتكرش
ياأدهم اذا كان ابوهم باعهم سورى ياعنى انا اسفه
اكيد هيجى عليك وقت وتزهق منهم
أدهم بضيق : انتى للدرجه دى شيفانى تافه ومش
حمل مسئوليه ياهمس
همس بسرعه : لا ياأدهم انت احس وارجل حد شفته
فى حياتى انت تستاهل تعيش مع واحده تكون انت
اول واحد فى حياتها
أدهم : بس انا بحبك انتى ومش عايز غيرك انا عمرى مافكرت اتجوز الا لما قبلتك
همس : وانا مش هقدر اتجوز ياأدهم انا اسفه عن اذنك
وسابته ومشيت نده عليها تستنى مردتش عليه وركبت
تاكس وروحت
أدهم اعد مكانه مهموم هو كان عارف انها هترفض بس
كان عنده امل توافق ركب عربيه وروح دخل لاياد
اياد اول لما شافه قلق عليه
اياد : مالك ياأدهم فى ايه
أدهم : همس رفضت تتجوزنى يااياد
اياد بزعل : انت كنت عارف انها هترفض ياأدهم احنا
اتفقنا انك تصبر عليها زعلان ليه
أدهم بعصبيه : تعبت يااياد تعبت عايزها معايا مش
قادر اتحمل ماشفهاش الا كل فين وفين اعمل ايه
بتبقى وحشانى وهتجنن وأشوفها ومبعرفش وهى
العند مالى دمغها وحجتها العيال اعمل فيها ايه
اياد : اهدى ياأدهم الامور ماتتاخدش بالعصبيه
استحمل شويه وان شاء الله خير
أدهم : انا هقوم اكلم اسر يشوف حل معاها يمكن
يقدر يقنعها
أدهم قام واتصل باسر : الو ايوا يااسر عامل ايه
اسر فهم من صوت أدهم المتعصب اخته عملت
ايه : رفضت صح ياأدهم
أدهم بتنهيده : اه رفضت تتجوزنى
أسر : وقالتلك حجتها ايه بقى
أدهم اتعصب تانى : كل كلامها اهبل مره تقولى العيال مينفعش اجبلهم جوز ام ومره تقول انت تستاهل واحده تكون متجوزتش قبل كده كلامها كله مش مقنع يااسر
أسر : طيب اهدى وانا هحاول اتكلم معاها
أدهم : اسر عرفها انها وافقت ولا لاء هتجوزها يعنى هتجوزها
اسر ضحك : طيب اهدى وان شاء الله خير
أدهم : طيب شوف هتعمل ايه وكلمنى
اسر : حاضر سلام
قفل مع اسر وخرج يدور على ناديه وحكلها هى كمان
ناديه : طيب ياأدهم ماحنا عارفين انها هترفض وقولنا هنحاول مره واتنين زعلان ليه كده
أدهم بصوت عالى : هو انا كل لما اقول لحد يقولى
زعلان ليه اهدى متتعصبش اومال اعمل ايه اقوم
ارقص والانسانه الوحيده الى حبتها رفضتنى
شريف خرج على صوته : وانت لما تتعصب كده
اتحلت لو فكرت بعقلك هتلاقى انها معاها حق ترفض
أدهم بصله : ليها حق ترفض ليه ان شاء الله
شريف بعقل : اقعد ياأدهم واسمعنى الى اعرفه ان
همس اطلقت بعد ست سنين جواز جوزها راح حب
عليها واحده تانيه وده يوجع اى ست فى الدنيا ان
جوزها يفضل واحده تانيه عليها
أدهم قاطعه بغيره : طليقها ياشريف مش جوزها
وبعدين هى مكنتش بتحبه اصلا هيفرق معاها فى ايه .
شريف : حتى لو مش بتحبوا يفرق قوى ان الانسان
الى كانت مأمناه وعايشه معاه وعطياله الثقه خانها
مابالك لو بتحبوا هتحس بايه لو خانها او بعد كام
سنه حب غيرها
أدهم بدء يفهم قصد شريف: قصدك انها خايفه اخونها
شريف : بالضبط كده همس خايفه الى حصلها يتكرر
تانى وتعيش التجربه تانى بس المرادى هيبقى اصعب
أدهم : ليه
شريف قرب منه وطبطب على كتفه : لانها بتحبك يابطل
أدهم بصله قوى : وانت عرفت منين انها بتحبنى
شريف ضحك: دا بقى تخصيصى انا وخدها منى ثقه
همس بتحبك وعلشان كده خايفه تقرب منك اكتر
أدهم : طيب اعمل ايه
شريف : خليها تثق فيك وريها قد ايه انت متمسك
بيها وبتحبها ياأدهم
أدهم بصله وفكر فى كلامه ولقى ان فعلا ده اكيد تفكير همس وقرر ينفذ نصيحه شريف ليه
________________________
عند همس من ساعة ما روحت دخلت اوضتها وقفلت
على نفسها وفضلت تعيط وتكلم نفسها
همس بعياط : مكنش ينفع اقبل مكنش ينفع ياأدهم
مش هعرف اعيش معاك واخليك سعيد الى انا عملته
صح كده احسن ليه وليك
: طيب بتعيطى ليه لما انتى شايفه انك صح
بصت على الباب لقت حنين واقفه دخلت وقفلت
الباب وراحت قعدت قدمها همس بصتلها ورمت
نفسها فى حضنها وعيطها زاد
حنين : اهدى ياهمس اهدى ياحبيبتى
همس بصوت يقطع القلب : انا تعبانه قوى ياحنين
مش عارفه مالى
حنين : لما انتى بتحبيه رفضتى ليه ياهمس
همس بصتلها : انتى عرفتى منين
حنين : أدهم قال لناديه وهى قالتلى ليه ياهمس
رفضتيه لما انتى بتحبيه
همس : انا مابحبوش ولا حاجه
حنين : فعلا بدليل عياطك من ساعة ماجيتى انتى
بتعندى ليه وعلشان مين
همس : علشان عيالى ياحنين مالهمش غيرى عايزانى
اروح اتجوز وارميهم
حنين : مين قال انك لما تتجوزى تبقى كده ترمى
عيالك انتى بتقولى اى حجه وخلاص
دخل اسر عليهم : فعلا مش لقيه سبب ترفض بيه
وعماله تخترع اسباب وخلاص أدهم عايز عيالك
قبلك ياهمس يبقى ازاى هترميهم
حنين : كلنا شايفين قد ايه بيحب العيال وهما متعلقين
بيه يبقى ايه حجتك ياهمس
همس بعصبيه وصوت عالي: عايزين تعرفوا ليه
رفضته علشان معنديش استعداد اتخان تانى معنديش استعداد اعيش حياتى معاه وانا مش واثقه فيه لانى
ببساطه معتش عندى ثقه فى اى راجل فى الدنيا هبقى عايشه معاه وطول الوقت شكه فيه وبسأل نفسى ياترى
هو فين ياترى مع مين ياترى عرف واحده غيرى ياترى هيكمل معايا هى دى الحياه الى عايزنى اعشها
وفضلت تعيط لدرجه اخوتها دمعوا عليها وقلبهم وجعهم
على اختهم والى وصلت ليه
اسر قرب عليها وخدها فى حضنه : اهدى ياهمس
متعمليش فى نفسك كده انتى احسن واحده فى الدنيا ومش معنى ان محمد طلع وحش ان الرجاله كلها وحشه
بعدها عن حضنه ومسح دموعها : بصى ياهمس صوابعك مش زى بعض ولا كل الناس زى بعض قدامك انا وفارس وبابا الله يرحمه وناس كتير بتحب بجد وتصون العشره
همس بصوت مقطع من العياط : المشكله فيا انا يااسر
انا مش هعرف اثق فيه افهمني ارجوك
اسر بتنهيده : فاهمك ياهمس فاهمك خلاص اهدى
دلوقت وسيبى الموضوع ده متفكريش فيه تعالى
نتغدى عيالك مش رضين يتغدوا من غيرك يالا
طلعوا كلهم يتغدوا ومنه كانت بره هى وهناء وسمعوا
كلام همس وقلبهم وجعهم عليها ومنه طول الوقت
بتحاول تضحكها لحد مقدرت تطلعها من الى هى فيه 💙
عند محمد كان طول الفتره الى فاتت بيحضر الاوراق للمحامى علشان التنازل للورا كان فى البيت واعد معاها
لورا : هو المحامى خلص الورق ولا لسه ياحبيبى
محمد : لسه اول لما يخلص هنروح الشهر العقارى
علشان نسجل الورق
لورا بدلع : اوعى تكون بتضحك عليا يامحمد
محمد قرب منها وباس اديها : انتى مش شوفتى الورق بنفسك وانا بسلمه للمحامى
لورا : اه بس دا اتاخر قوى
محمد : ياحبيبتى ماانتى عارفه يوم المحامى بسنه
وبعدين هو قالى اسبوع كمان وكل حاجه هتخلص
لورا لنفسها : لسه هستنى اسبوع بحاله
محمد : هاا روحتى فين ياقمر
لورا : معاك ياقلب لورا بس ابنك تعبنى
محمد حط ايده على بطنها : سلامتك الف سلامه
معلش الحمل فى الاول كده
لورا : المهم هقوم احضرلك العشا
محمد باس اديها : خليكى انتى ياقلبى انا هقوم احضره
وقام يحضر الاكل وهى باصتله وضحكت باستهزاء
_________________________
عند حنين كان بقالها فتره تعبانه وقالت لناديه ونصحتها تروح للدكتور الى هى بتروحله خدتها وراحت
الدكتور كشف عليها كشف نسا وخلص وراح على مكتبه
حنين قامت بعد مالبست وراحت قعدت قصاد ناديه
حنين : خير يادكتور ليه المغص الى بيجيلى ده
دكتور احمد : حضرتك بقالك كام سنه يامدام حنين
عامله ربط فى الرحم
حنين مش فاهمه هو قصده ايه : ربط ايه يادكتور
احمد : الربط الى مانع الحمل عملتيه من امتى لان
هو الى مسبب المغص الى عندك
حنين بصتله بزهول ومش مستوعبه هو بيقول ايه
انا معملتش ربط رحم انا جوزى عنده مشكله علشان
كده ماخدش موانع للحمل من بعد بنتى
احمد : والله يامدام الى باين قدامى ان الرحم فيه
ربط في قناة فالوب وده اكيد اتعمل بعمليه فده حاجه
من الاتنين يااتعمل لوحده بعمليه يامع الولاده
حنين بصت لناديه ومش فاهمه حاجه ازاى تعمل
حاجه زى دى وهى مش عارفه
احمد : عموما انا هكتبلك ادويه علشان المغص ونصيحه
منى ممكن تعملى عمليه تفكى الربط ده لان بعد الاربعين فرص الحمل بتبقى تكاد معدومه
حنين اخدت الروشته ومشت زى التيه مش فاهمه حاجه
ناديه : هو انتى كنتى عملتى ربط بعد منه ياحنين
حنين : ربط ايه ياناديه مانتى عارفه ان فارس عنده مشكله علشان كده مجبناش عيال تانى انا مش فاهمه حاجه ابدا
ناديه : طيب الدكتور الى ولدك منه لسه فاكراه
حنين : اه كان دكتور شاب اسمه على سليمان
ناديه : اه عارفاه طيب تعالى نروحله نكشف ونشوف
هيقول ايه
وفعلا راحوا للدكتور الى مافتكرهاش لان الموضوع ده
بقاله اكتر من عشرين سنه كشف عليها وقالها نفس الكلام
حنين للدكتور : انا ماعملتش اى عمليات من يوم ما ولدت يادكتور
دكتور على بصلها : ازاى يعنى الربط ده مش بيتعمل الى بعمليه زى القيصريه
حنين : انا ولده بنتى عندك من عشرين سنه
على بصلها واتصدم لانه افتكرها بس بعد ايه : مدام
حنين مرات استاذ فارس
حنين استغربت انه فاكر اسمها واسم جوزها : حضرتك
فاكر اسمى واسم جوزى
على : ايوا يامدام لان حالتك كانت حاله خاصه عمرى ماقبلتها
حنين مش فاهمه حاجه وخلاص تعبت : ممكن تفهمنى
حاله ايه ويعنى ايه كلامك ده
على : للاسف انا مكنتش حابب تعرفى الموضوع منى
بس هقولك
وحكالها كل حاجه من ساعت ماتعبت لحد اتفاقه مع
فارس وطول الوقت وهى بتسمع ومش مصدقه وكانها عايشه فى كابوس ناديه كمان كانت بتسمع كلامه بصدمه
على : دا كل الى حصل حضرتك لو كنتى خلفتى تانى كان ممكن تموتى واستاذ فارس اختارك انتى واستكفى ببنته
حنين قامت وقفت وبصت للدكتور مش عارفه تقوله ايه سابته وخرجت وناديه وراها
حنين روحت ومش عارفه تفكر وكل الى فى دماغها ليه فارس خبى عليها ليه مقلهاش وسبها تختار فضلت ساكته ودموعها نازله دخلت منه لقتها كده جريت عليها
منه : ماما مالك ياحبيبتى بتعيطى ليه
حنين بصت لمنه وقالت لنفسها : مش يمكن كنت قدرت اجيب اخ او اخت لمنه بدال ماهى لوحدها من غير اخوات
منه قلقت على امها راحت اتصلت بفارس وقالتله فارس
قلق وروح يشوف حنين مالها واول مادخل شاف منظرها راح جرى عليها
فارس : مالك ياحبيبتى بتعيطى ليه حصل ايه
حنين بصتله قوى : ليه كدبت عليا يافارس
فارس مش فاهم حاجه : انا ياحنين كدبت عليكى فى ايه
حنين : ليه قولتلى ان العيب منك واننا مش هنقدر نجيب عيال تانى بسببك والحقيقه انك عملتلى ربط يوم ماولدت منه
فارس فهم انها راحت للدكتور وعرفت كل حاجه بص
لمنه وقالها تروح اوضتها
حنين بعصبيه : تروح اوضتها ليه قولها ليه مخلتنيش
اجبلها اخت ولا اخ يبقوا معاها سند فى الدنيا بدال
ماهى لوحدها
فارس بصوت عالى : علشان كنتى هتموتى لو خلفتى تانى كنتى هتروحى منى اعمل ايه بالعيال وانتى مش معايا
حنين : كنت قولى عارفنى سيبنى اختار مش يمكن
ماكنش جرالى حاجه زى ماجبت منه وانا هو كويسه
فارس : انتى مش فاكره كنتى عامله ازاى قبل ماتولدى
مش فاكره تعبك كنتى بتموتى وانا واقف عاجز مش
قادر اعمل حاجه
حنين : والدكتور دخل فى علم الله ان كل مره هبقى
تعبانه كده
فارس بعصبيه اكتر : اوعى تكونى فاكره انى اكتفيت
بكلامه ومسالتش غيره انا لفيت وروحت بدال الدكتور
عشره وبرده مااكتفتش بكده بعت كل تحاليلك واشعاتك لصاحبى الى فى امريكا ورد عليا بنفس النتيجه كنتى عايزانى اعمل ايه
حنين بدموع بتزيد : كنت على الاقل عرفنى مش تسيبنى عايشه على عمايا
فارس قرب منها : لو كنت قولتلك استحاله كنتى هتوفقى متخلفيش وانا استحاله كنت هجازف بيكى حتى لو فى احتمال واحد فى الميه ان يجرالك حاجه
حنين : كنت قولت ان انا الى مش هقدر اخلف مش انت
فارس : هتفرق فى ايه منى ولا منك النتيجه واحده
حنين : لا مش واحده كان ممكن تتجوز وت
قاطعها فارس : اتجوز وقدرتى تقوليها ياحنين دلوقت
بس عرفت انا بالنسبالك ايه
وسابها وخرج من البيت كله وهى اعدت تعيط منه
قعدت جنبها وخدتها فى حضنها وعيطت هى كمان
منه : ليه ياماما قولتى لبابا كده كل الى عملوا خوف عليكى
حنين بصت لمنه : مش عارفه من ساعت لما الدكتور حكالى وانا عامله زى المضروبه على دماغها مش عارفه بقول
ايه ولا بعمل ايه
منه : خلاص ياماما دا نصيب ربنا مكتبش يكون عندك
عيال غيرى يعنى حتى لو بابا معملش كده برده مكنتيش هتجيبى غيرى
حنين : ونعمه بالله انا عارفه يامنه بس ان اعيش عشرين سنه وانا فاكره ان هو السبب وان هو الى مبيخلفش
ده واجع قلبى عليه
منه : ياماما ياحبيبتى بابا اختارك انتى مكنش عايز
غير انك تكونى كويسه ومافيش اى خطر بيهددك وانتى بفطرت الام ماكنتيش هتمنعى خلفه وده الى وصله ان
يعمل كده
حنين : انا عارفه انوا كان خايف عليا وفكر فيا قبل نفسه
وده الى وجعنى يامنه انا كنت ساعات بفكر واقول لنفسى هو ليه مش بيتعالج وكنت بلومه وفى الاخر اطلع انا السبب
منه : خلاص ياماما بالله عليكى بطلى عياط وبعدين هو
انا مش عجباكى ياست ماما ولا ايه قولى كده بقى كنتى عايزه عيال كتير علشان تحبيهم اكتر منى
حنين : احب مين اكتر منك دانتى عمرى كله يامنه انا
عايشه علشانك انتى وابوكى
منه بغمزه : طيب بمناسبه ابويا الراجل مشى زعلان
يعنى قومى جهزى نفسك كده وحطى أحمر واخضر
والبسى الحته الى على الحبل وانا مستعده اروح ابات
عند همس عادى خالص
حنين ضحكت وخبطتها على دماغها : يابت احترمى
نفسك شويه
منه بتنطيط: انا غلطانه ان بوعيكى انا سيبالك الاوضه وهدخل انام يالا تصبحى على خير
وسابتها ودخلت اوضتها علشان تديها فرصه تفكر مع
نفسها شويه وفعلا حنين غلطت نفسها وحست انها
زودتها مع فارس قامت اخدت شاور وغيرت لبسها
وقعدت تسرح شعرها الى واصل لبعد ضهرها بكتير
لان فارس مانعها تقصه خالص شويه وفارس رجع وكان زعلان جدا دخل الاوضه اخد هدومه وكان خارج رايح
اوضه تانيه
حنين قامت مسكت ايده قبل ما يخرج: فارس استنى
رايح فين
فارس من غير مايبصلها : هنام فى الاوضه التانيه
حنين لفت وقفت قدامه : اهون عليك تسيبنى انام
لوحدى وانت عارف انى بخاف
فارس بصلها بعتاب : زى ماانا هنت عليكى وكنتى
عايزانى اتجوز واخلف من غيرك
حنين قربت منه : انا اسفه ياحبيبى سامحني والله
ماكنت عارفه بقول ايه انت عارف ان استحاله كنت هسمحلك تعمل كده دانا كنت قتلتك
فارس بصلها وابتسم : ياسلام كنتى قتلتينى مره واحده
حنين : اه هقتلك واموت نفسى علشان اروح معاك
فارس : حنين انا مقدرش اعيش من غيرك كل الى
عملته علشان متبعديش عنى و
حنين قربت اكتر وحطت ايديها على شفايفه تمنعه من الكلام : خلاص يافارس بالله عليك انسى الى حصل
انا عارفه انك كنت خايف عليا ومقدره ده كويس
فارس باس اديها واخدها فى حضنه : انا بحبك قوى
ياحنين قوى مش متخيل حياتى وانتى مش فيها
حنين : يعنى لسه بتحبنى حتى بعد ماكبرت
فارس خارجها من حضنه بس لسه ضممها : كبرتى
فين دالى يشوفك مع بنتك يفتكرك اختها وبعدين
حتى لو كبرتى وعجزتى هفضل احبك زى الاول واكتر
بكتير كمان
حنين : وانا كمان بحبك قوى يافارس احلامى
فارس شالها: تعالى بقى لما اصلحك لحسن حاسس
انك لسه زعلانه
حنين ضحكت: دانت الى كنت زعلان مش انا
فارس باسها من خدها : مش مهم مين زعلان المهم انى اصلحك
واخدها وراح يصلحها بطريقته…….
مش مهم بنزعل قد ايه المهم نقدر نسامح الى بيقدرنا

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية عشق الأدهم)