رواية الجرنيوما الفصل الثاني 2 بقلم دنيا محمد

رواية الجرنيوما الفصل الثاني 2 بقلم دنيا محمد

رواية الجرنيوما البارت الثاني

رواية الجرنيوما الجزء الثاني

رواية الجرنيوما الحلقة الثانية

مريم : الخطه التانيه إن لازم اقدر ادخل حياتو عشان عشان اخد إلى انا عايزاه
جميلة : هتقابليه تاني
مريم : ايوا
جميلة : امتى
مريم : عندو مقابله مع واحد مهم في نفس الكافيه بعد بكرا
جميلة : هتروحي
مريم : اه
جميلة : انا مش فاهمه اي إلى عايزه توصليلو ف الاخر بس يارب توصليلو
مريم في ذهنها : يفضل أن لا تعلمين يا صديقتي لأنك إذا علمتي ستخافين مني
جميله : انتي سرحتي في ايه ؟
مريم : ها لقد شردت قليلا
جميله بضحك : اي ده مالك قلبتي على سبيستون كده ليه
مريم وتبادلها الضحك : مش عارفه
جميلة : هو انتي لو وصلتي للي بتدوري عليه
وتكمل بزعل هتسافري برضو
مريم بإبتسامة : ايوا ،، انا لو لقيت الي بدور عليه هكون اكتر واحده سعيده ف العالم
جميلة : للدرجادي ؟ إلى بتدوري عليه قيمته غاليه
مريم : غاليه أوي
جميلة : يعني غاليه ازاي
مريم : إيه هي أغلى حاجه في العالم؟
جميلة بزعل : مفتكرش ان في حاجه أغلى من الاهل
مريم : فعلا عشان كده الي بدور عليه هينقذ اهلي
جميلة : اديني ماشيه معاكي لحد ما نشوف اخرتها
جميله بضحك : فاكره اول مره عرفتك فيها
مريم بإبتسامة : بتضحكي كده ليه
جميلة : عشان كنت بقولك المكان مفهوش شبكه روحتي قايلالي مفيش بحر على أساس هصطاد بالشبكه
مريم بإبتسامة : كنت ساعتها متلغبطه
جميلة : انتي كنتي نرم موت بجد مكنتيش فاهمه اي حاجه خالص وكأنك مش عايشه معانا كنتي بتقولي كلام انتي مش عارفه معناه
مريم : ودلوقتي؟
جميلة : لا دلوقتى انا مبهوره منك بتقولي الكلام وانتي مش عارفاه برضو
مريم بضحك : برضو
جميله : بجد انتي ازاي مكنتيش فاهمه الكلام الي بتقوليه انتي بتبقى زي الي الحافظ بس مش فاهمه
مريم : مش مهم
جميله : اصلا
مريم : ايوا
جميلة : مريم هو بعد ما ترجعي الحاجه الي بتدورلي عليها الي هتنقذ اهلك هتعملي ايه
مريم : هفرح
جميلة : اكيد هتفرحي بس انا قصدي ليه متجبيش اهلك وتعيشو هنا
مريم : عشان مينفعش نسيب مملكتنا
جميلة بزعل : يعني مفيش امل
مريم : لا
جميلة : يخربيت صراحتك إلى هتموتني ف مره وسعى يا مريم انا هنام
_____________________________________
فاتن : خد هنا
مروان بضيق خلق : خير
فاتن : اي التأخير ده كله كنت فين
مروان : نعم؟ وانتي مالك
فاتن برفع حاجب : لا ليا طالما عايشه هنا في البيت و رد عليا بأدب
مروان : انتي هتشوفي نفسك عليا ولا ايه بقولك ايه ملكيش دعوه بيا انا حر
فاتن : حر برا البيت مع صحابك هنا في نظام لازم تمشي عليه
مروان بعصبيه : انا محدش يمشيني على كيفه ده بيتي وانا حر فيه
اشرف : في ايه صوتك عالي كده ليه يا مروان
فاتن بتمثيل الزعل : تعال شوف ابنك بسألو اتأخرت ليه بيعلي صوتو عليا وبيقولي ده بيتي وانا حر فيه يعني ده جزاتي ان بطمن عليه يا حبيبي
مروان بصوت واطي : بدأت محن
فاتن بتمثيل : انا شكل وجودي في البيت مضايق حضرتو إهئ إهئ إهئ
اشرف : كده يا مروان؟؟ اتأسف فورا
مروان برفض : اتأسف لمين
اشرف بتنهيد : لفاتن يا مروان
مروان : مش هتأسف لحد انا طالع اوضتي عشان تعبان وخلقي ضاق
اشرف : معلش يا حبيبتي يمكن مضايق شويه من ضغط الشغل
فاتن : يعني هي اول مره يعاملني كده
اشرف : الصبح يكون هِدي وعرف غلطو
فاتن برفع حاجب وتربع ايديها : ماشي يا اشرف لما نشوف
وتطلع اوضتها
اشرف بندم : اهي لوت بوظها ودي ما بتتصالحش عادي
______________________________________
بعد شويه
جاسي : مبتردش ليهه
جاسي بزهق : هفف دي خامس مره ارن ما ترد بقا
مروان : في ايه
جاسي : كل ده يامروان عشان ترد
مروان : كنت باخد دش
جاسي : وانت متعرفش ان السكر بيدوب في المايه
مروان بضحك : لا معرفش كنتي عايزه ايه
جاسي : كنت خايفه عليك تدوب
مروان بزهق : ما خلاص
جاسي : طيب كنت عايزاك تعدي عليا توصلني الشغل عشان عربيتي بتتصلح
مروان : ماشي سلام بقا عايز انام
جاسي : سلام تصبح على خير يا حبيبي
مروان : وانتي من اهله
ويقفل
_________________________________
الساعه 8:26AM
جميلة : انتي صحيتي
مريم : اه
جميلة بنعاس : هي الساعه كام
مريم : تمانيه ونص انا نازله الشغل
جميلة : استنى
مريم : إيه
جميلة : انا بعد الشغل هتغدا مع تامر برا
مريم بغمزه : هو مش تامر ده الي قولتي مش هتكلميه تاني
جميلة : مهو طلع برئ
مريم : طيب كويس
جميلة : خلاص اقتنعت وهننزل انهارده يصالحني
مريم : والله غلبان تامر
جميلة : يا سلام
مريم بضحك : اكدب
جميلة : لا بس انا كمان غلبانه برضو
مريم بتفكير : اممم يمكن
جميلة : بجد والله روحي يا مريم الشغل
________________________________
فاتن بفرحه : الله حلوه اوي
اشرف : عشان تعرفي ان انا قد وعدي
فاتن : طبعا
اشرف : هتعرفي تسوقي ولا تتعلمي
فاتن : لا مش بعرف
مروان بمقاطعه : عربيه مين دي؟
اشرف : عربيه فاتن الجديده
مروان : بالسهوله دي
اشرف : قصدك ايه
مروان : ولا حاجه
اشرف : استنا فاتن مبتعرفش تسوق ابقا علمها بما انك زعلتها امبارح
مروان ويبص لفاتن : مش فاضي اعلم حد شوف حد غيري يعلمها
ويمشي
_______________________________
جاسي : بابي مروان هيعدي عليا يوصلني الشغل
عامر : وعربيتك فين
جاسي بتردد : برا
عامر : طيب ما تروحي بيها
جاسي : ما انا مش قادره اسوق
عامر : مش قادره تسوقي ولا عايزه مروان يوصلك؟
جاسي : الاتنين
عامر : انتي بتحبي مروان يا جاسي
جاسي بإبتسامه تبص على الأرض وتهز راسها ب اه
عامر : انا عايز اسمعها اه ولا لا
جاسي : اه
عامر : يعني لو اتقدملك هتوافقي
جاسي : هو مروان عايز يتجوزني؟
عامر : هو مقالش حاجه بس انتي لو عايزاه هجوزهولك
جاسي بفرحه : بجد يا بابا
عامر بإبتسامه : بجد
جاسي : مروان بيرن شكلو برا انا هطلعلو
عامر : خلي بالك من نفسك
جاسي : حاضر
________________________________
مريم وتاخد نفسها بهدوء : اتأخرت اوي؟
عبير : اي التأخير ده
مريم : المواصلات زفت اوي غير ان اتخانقت مع السواق انهارده
عبير : ارزقنا يارب بعربيه
مريم : المهم دلوقتي استاذ كامل جه ولا لسه
عبير : لا مجاش
مريم : الحمد لله
عبير : هو هنا من امبارح
مريم : احيه
عبير : خشيلو بسرعه عشان كان متعصب وقال عايزك
مريم : وسايباني برغي معاكي امشي من وشي
…
كامل : ادخل
مريم : صباح الخير يا استاذ
كامل بإبتسامه خبيثه : صباح النور تعالي عايزك
مريم : اؤمر يا استاذ
كامل : هو في حد يؤمر القمر
مريم بإبتسامه : شكرا
كامل : تعالي قربي انتي بعيده ليه
مريم وتقدم خطوه : خير يا استاذ
كامل : ما بلاش استاذ دي مش حلوه منك
مريم بعدم فهم : اقول ايه
كامل : قولي كامل عادي
مريم بلامبالاه : ماشي يا كامل
كامل بإبتسامة : وبعدين ما تقربي انتي خايفه ولا ايه
مريم : اخاف ليه يا كامل
كامل : تعالي عايزك تراجعي على الورق ده
مريم : تمام
كامل : انتي رايحه فين
مريم : هشوفو على مكتبي
كامل : لا راجعي عليه هنا ده ورق مهم مينفعش يبقا في ايد حد غيري
مريم بإبتسامة : تمام
وتقف جنبو وتركز في الورق
كامل بنظرات مشوقه و ..

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية الجرنيوما)