رواية صغيرتي الفصل الثاني 2 بقلم مي الحسيني

رواية صغيرتي الفصل الثاني 2 بقلم مي الحسيني

رواية صغيرتي البارت الثاني

رواية صغيرتي الجزء الثاني

رواية صغيرتي الحلقة الثانية

المدرس:عيب كده يا هدى
هدى:عيب ايه ولله لضربها وعرفها هى ايه الجهله دي
كانت تجلس بكل هدوء وانزان إلى أن جاوبت احد صديقاتها”شهد”:لمى نفسك يا هدى مين دي اللى جهله هو اللى يحافظ على نفسه بيكون جاهل ولا غالى يا غاليه
هدى: اقسم بالله هضربكم انتوا الاتنين
لينظر المدرس الى سجده الجالسه كان الموضوع لا يخصها بشئ قائلاً: ايه يا سجده ساكته ليه
سجده: عادي يا مستر العين مش بتكره غير اللى احسن منها
هدى: أنتي احسن منى أنا يا زباله انتي
المدرس بغضب شديد:انتى كده جبتي اخرك يا هدى انتي مش محترمه حد خالص وأنا بقول معلش طفله مش واخده باله من كلامه بس كده كفايه اتفضلى بره ومترجعيش تاني يلا
هدى:يا مستر
المدرس:بره يا هدى ومش علشان سجده على فكره انتي عملتي مشاكل كتير وكل شويه اقول هاتي ولى امرك بس المره دي خالص يلا
وبعد أن خرجت هدى من القاعه
المدرس: أنا اسف على اللى حصل ده يا جماعه ونكمل حصتنا عادي لو سمحتوا ولا اكن فى حاجه حصلت
كانت شاردة فى اعراب كلمه ولم تلاحظ ماذا طلب منها المدرس
-سجده دي اعربها ايه
*دى مضاف إليه منوع من الصرف
-ايه
*اسفه مجرور
-جبتي ممنوع من الصرف دي منين
*معلش يا مستر دي اعراب اللى بعدها ممنوع من الصرف لان ده اسم علم
-اه ماشى ركزي بقي
وبعد انتهاء الحصة اعتذرت سجده من المعلم لانها كانت طرف من الشجار وتوجهت الى المنزل
سجده: السلام عليكم
الموجودين: وعليكم السلام ورحمه الله وبركاته
ساجد: مالك يا بت زعلانه ليه
سجده: مافيش
احمد: تعالى يا سجده اقعدى هنا
جلست سجده بجوار شقيقها
احمد: أنا كلمت المستر النهارده انتي عارفه النهارده معاد المتابعة الشهرية اللى عملهاك انتي والاهبل ده
ساجد: الله يعزك يا حبيبي شكرا ده من زوقك
احمد:اسكت ياض
سجده:اه وبعدين
احمد:هو قالي على اللى حصل وأن البنت غلطت فيكي وأنا عجبني ردك عليها وأن انتي مغلطيش ورديتي الغلط بغلط ومش عاوزك تزعلى من كلامه
سجده:عادي مش زعلانه
احمد: اعمل نفسي مصدق يعني
محمد: خلاص يا احمد سيبها متضغتش عليها
احمد: ماشي يا محمد
سجده:طيب أنا هدخل اشوف ماما
دلفت الى المطبخ
سجده: ايه بقى يا ماما عامله اكل ايه
-انتي جيتي
*اه يا غاليه جيت
-طيب كويس روحي نضفى شقه محمد علشان نلحق نخلصها لحد بكره
*حاضر هغير هدومي واروح
-طيب انتي وخرجه خدي العصير ده معاكي
*ماشي
_____
فى منزل محمد
يانهاري كل ده تراب دي مش هتخلص لحد بكره دي عاوزه شهر قالتها سجده بعد أن دلفت الى منزل
ظلت تنظيف لوقت طويل ووجدت اشياء كثيره كانت لها فى طفولتها الى أن وجدت كره قدم تخص محمد عندما كان صغير
*هي دي لسه موجودة
_______فلاش
سجده: عاوزه العب معاك كوره يا محمد
محمد:لا يا سجده انتى مش بتعرفي تلعبي وبتخسرينا
سجده: احمد علمني وعرفت العب وبقيت شاطره
محمد: خلاص افقي أنتى في الجون
سجده:لا خلي ساجد هو الجون
ساجد:لا أنا مش الجون انتي الجون
محمد:انتي اصلا بنت المفروض مش تلعبي كوره
سجده:مش عاوزه منكم حاجه أنا هروح عند احمد يلعب معايا احسن منكم
______بالك
جاء صوت ساجد يناديها لتناول الطعام
ساجد:يلا يا سجده الاكل خلص
سجده: طيب جايه
على طاولة الطعام
محمد: معلش تعبتك معايا يا سجده
سجده:عادي ولا يهمك
محمد: أنا عارف أن الشقه كبيرة وقالت لخالتو تشوف حد ينضفها بس هى أصرت
أمال: خلاص بقي قولتك بلاش الكلام ده وبعدين خلاص أنت من النهارده هتاكل معانا مش واحدك فاهم وهتروح على النوم بس كفايه كده
محمد: كده كتير يا خالتو مينفعش
أمال: هو ايه اللى مينفعش أنت ابن الغاليه
محمد:يا خالتو
احمد: خلاص بقي يا محمد ما تعصبهاش
محمد: ماشي يا خالتو
سجده: ساجد المستر بيقولك الحصه معادها اتغير كلمه علشان تشوف المواعيد الجديده
ساجد: ماشي
محمد: انتوا فى سنة كام دلوقتي
سجده: تالته ثانوي
محمد: ربنا معاكم
ساجد وسجده: اللهم امين
____
فى اليوم التالى كانت تجلس سجده وتشاهد الكرتون وهي تبكي ودلف احمد ومحمد الى المنزل
احمد:فيه ايه بتعيطي ليه ساجد عملك حاجه
سجده: ميقدرش
محمد: ههههه
احمد:حتي انتي وبتعيطى لمضه بتعيطي ليه
سجده وهي تمسح دموعها: علشان شلبي مشي و ساب بوو لوحدها و هو عارف انها بتخاف 😭😭😭
احمد:شلبي مين
سجده وهى تشير إلى شاشه التلفاز: شلبي ده
محمد:احلفى
سجده: والله
احمد:ادخلى ذاكري يا سجده ربنا يهديكي ويصلح حالك روحي
سجده: حاضر
احمد:وبعدين انتي سايبه مذكرتك ليه
سجده: كنت باخد استراحة محارب
احمد: استراحة محارب ادخلى ربنا يهديكي
وبعد أن غادر سجده
احمد:شايف العبط اللى انا عايش فيه
-دي دمها عسل والله
=عسل
-هى لسه بتقعد في الزاوية لما بتزعل
=اه لسه برغم أن هى ذكيه جدا وبتحفظ القران بسرعه وتفهم ومتفوقه في الدراسة بس لسه صغيره
ومشكسه
__
كانت متوجه الى غرفتة ولكن سمعت ساجد يتحدث بشكل غريب ودلفت الى غرفتة
سجده: أنت بتكلم مين
-مش بكلم حد ده ريكورد كنت ببعته لصحبي
*طيب هات الفون لحظه
-لا طبعا ليه
*هعمل حاجه لحظه
-لا
أخذت منه الهاتف بقوة: بجد بجد يا ساجد خليت ربنا اهون الناظرين اليك خايف من أن اشوفك ومش خايف من ربنا اللى شايفك داخل فى اوضتك علشان تكون ضامن أن محدش يشوفك ومش خايف من ربنا اللى متأكد من أن شايفك
-انتي فهمتي ايه ده صحبي اسمه علاء مش الاء
*وعلاء ده هيقولك لو سمحت مينفعش كده اعتبرني اختك
-انتي مالك
*مالى ان أنا اختك اللى هى بتشبه نفسها بيا اللى حضرتك لما حد بيقولها كلمه بتهد الدنيا فوق دماغه وتقول اختي خط احمر ولا يبصلها بتولع الدنيا كلها اختك خط احمر وبنات الناس خط ايه We اتقي الله في بنات الناس وروح استغفر ربنا وقوم صلى ركعتين توبه علشان اللى بتعمله ده حرام قبل ما يكون غلط وانت هتحاسب وهنتشيل واحدك محدش هيشيل معاك اتقى الله وفكر فيا قبل لما تعمل حاجه ذي دي
ثم تركه وذهبت بعد حديثها هذا وهو لم يستطع أن يقول شئ عقد لسانه فهى على حق

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية صغيرتي)