رواية اكتئاب الفصل الأول 1 بقلم رقية محمد

رواية اكتئاب الفصل الأول 1 بقلم رقية محمد

رواية اكتئاب البارت الأول

رواية اكتئاب الجزء الأول

رواية اكتئاب الحلقة الأولى

_ بتروحى لدكتور نفسى يا رقيه! هي حصلت، يعنى عديناها اول مره وقولت لعب عيال وشويه وهتعقل ، لا وكمان بتاخدلنا ادويه اكتئاب !!! اى اكتئاب ده كمان يختى، ولا هو طلع مرض جديد دلوقتى، انتى مجنونه مش طبيعيه
=كفايه
بدأ صوتها يعلى
لا مش كفايه، مش كفايه وانا شيفاكى بتدلعى، ما كلنا كنا بنزعل مع خطيبنا زمان عادى جدا وبنتصالح واهو متجوزه ابوكى بعد خمسين ألف خناقه ، لكن الي بتعمليه ده مش فى مصلحتك وانا مش هسيبك تعملى كده يا بت انتى، طول عمرنا بنصلى ركعتين لله ونبقي زي الفل عادى جدا
بدأت اتنفس بسرعه وانا صوتى بيعلى
كفايه كفااااايه، مش عايزه اسمع اى كلمه، مش عايزه اسمع حااااجه !!!، كفايه كده كفايه، انا قلبى واجعنى، انتي مش حاسه بيا خالص ؟؟؟، خلاص متدخليش في مشاعرى وتستهونى بيها وتبدأى تسخرى منها انا مش عايزه حد ليه دعوه بحياتى انا عايزاكم بس تسيبونى في حالى
خدت نضارتي، لفيت طرحه إسدالى ونزلت بسرعه وانا مش شايفه بسبب الدموع الي مغطيه عينى…
قعدت على اقرب كرسى فى الشارع وانا باصه بلامبلاه لكل الي حواليا، انا اى الي وصلني لكده؟! انا كنت كويسه! كنت….
فوقت علي ايد بتتحط علي كتفى، لفيت وشى بخضه
_ متخافيش يا بنتى، انا مش هأذيكى، انا بس كنت واقفه بعيد شويه، ولقيتك قاعده بتعيطى، ممكن اقعد جمبك
هزيت راسى بهدوء
كملت وقالت
بصى انا مش هسألك مالك يا حبيبتى ولا غيره، بس كل الي هقولهولك، إن ربنا يطبطب علي قلبك
( ياااه بجد، الدعوه دى من اكتر الدعاوى الي كنت محتجااها بشكل ) كملت وقالت
_شكلك مهمومه، مش هسألك عن السبب اى بسـ
قاطعتها وقولت وانا باصه للقطه الى بتلف حواليا، نبره صوتى بتتهز
= بيستقلوا بمشاعرى، محدش حاسس باللي جوايا، ولا حد حاسس بيا، روحت لدكتور نفسى علشان هو الوحيد الي هيقدر يساعدنى، بس لما عرفوا ( ضحكت لثوانى وسكت وفضلت اعيط )
طبطبت عليا بهدوء
بصى يا بنتى، أنتِ جميله اوى، متخليش حد يأثر عليكى، خدى كل وقتك فى حزنك، بالطريقه الي تريحك، بس اهم حاجه متكتميش جوا قلبك، اعملى كل الي عايزاه واللي قلبك بيقولك عليه والي شايفاه مناسب ليكى، اعملي الي انتي ترتاحي بيه، مش غيرك يرتاح بيه، حبى نفسك وقدريها
رفعت وشى الي كان بين كفوفى
بس انا مش هقدر اعمل كده، انا ضعيفه
طبطبت عليا للمره الخمسين
محدش ضعيف، فى حد بس بيهمل ذاته، بس اوعى تكونى فى مكان بيهملك ويهمل ذاتك، اهربى منه فوراً يا جميله، يوه انا نسيت خدى يا حبيبتى، حفيدتى كانت قايلالي اجيبها حلويات وانا جايه، وسبحان الله جبت من كل حاجه اتنين احتياطى علشان متنزلش تانى، بس دول من نصيبك
ضحكت بخفه
شكراً جدا لحضرتك، بجد متشكره
ابتسمتلى بلطافه ومشيت
خدت نفس وطلعت البيت مره تانيه
اتكلمت بهدوء
انا اسفه يا ماما، مكانش قصدي اني ازعق معاكى أو اضايقك، بس معلش انا الفتره دى بمر بمرحله وحشه، انا وعلى فى مشاكل كتير
بصتلى بلامبلاه…كنت متوقعه إنها هتبصلى كده! بإهمال وبـلامبلاه!، دخلت اوضتى، مسكت النوت بوك السوده بتاعتى وانا بكتب في الصفحه الاخيره، ” شخص عابر، ولكن ترك فينا أثر، الهزيمه للمره المليون ”
اتنفست بهدوء قبل ما ارمي نفسي علي السرير
تانى يوم فى العياده
كريم
ها يا رقيه، عامله اى دلوقتى ؟، شايفك متضايقه عن الاسبوع الى فات، انتي منمتيش كويس
ضحكت بخفه
مش بالظبط، انا منمتش أساساً، دماغى مش مبطله تفكير…ساعات بحس إنها… إنها بتحاربنى !!، هو انا وحشه علشان متحبش؟
قام وقعد على كرسي قدامى
بس ده فى خيالك أنتِ يا رقيه، انا شايف بنت جميله، قررت إنها تساعد نفسها علشان مش عايزه تنهار وتلجئ لبنى ادم يساعدها
مسحت دمعه نزلت من عينى
بس ماما قالتلى امبارح اني مجنونه!، وانى مينفعش اكون موجوده هنا !
كريم باستغراب
اممم، بصي يا رُقيه، هقولك حاجه جميله خالص، الدكتور النفسى زيه زي اى بنى آدم عموماً، بس الفرق حاجه بسيطه، أنتِ أما بطنك بتوجعك بتروحي لدكتور باطنه، لما عينك توجعك بتروحى لدكتور عيون، وكذلك لما قلبك وعقلك يوجعوكى بتروحي لدكتور نفسى، حد يكون متخصص علشان يساعدكك، لا ده عيب ولا حرام، ها لسه متحررتيش؟
بصيت علي دبلتى وقولت
_مش قادره اخد الخطوه دى، حاسه اني مش مستعده اني اعمل كده، انا…انا حبيته مكنتش اتخيل ابدا أنه يعمل فيا كده، مكنتش اتخيل أنه يقولي أنه خاطبنى علشان بس يكيد حبيبته وهو محبنيش، مش قادره ارجعله دبلته مش هقدر
كريم
امممم، مرتاحه كده؟، هل مرتاحه وأنتِ مع شخص بيأذيكى نفسياً وبرضو بتحبيه؟
بصتله في عيونه بتركيز
وهو لازم متنسوش المتابعه الإنسان يبقى مرتاح مع حاجه بيحبها، باختلاف بقى هل هو بيأذى او لا ؟!
كريم
طيب طيب نسيبنا من على دلوقتى، عايز اقولك حاجه، لما تخاطرى لاول مره علشان نفسك، وتيجي علي قلبك وتديله بمليون جزمه علشان خاطر قلبك، صدقينى هترتاحي، ومش هتقدري تأذى نفسك تانى، قدرى نفسك يا رقيه وعظميها، حبى نفسك الاول علشان أنتِ تستاهلى الحب، اه صحيح في النوته بتاعتك؟
بدأت أفرك في ايدي بتوتر كبير اللي لاحظه
خلصت منى، انا مش عارفه اكتب تانى، ومش لاقيه نفس بتااعتى تاني…..
قام وراح على مكتبه، فتح الدرج وطلع..اى ده دى نفس بتاعتى بالظبط؟؟!!
كريم مد أيده بابتسامه وقال
خدى، شوفتها معاكى مره وعجبتنى، واشتريت منها كذا واحده، فـ امسكي انا معايا منها كتير، فضفضي فيها براحتك
ابتسمتله بامتنان وخرجت من عنده
بس انا لسه مش مرتاحه ابدا !
روحت البيت
اتكلمت ماما وقالت
اهى المحروسه وصلت، تعالى يا بنتي اقعدى مع خطيبك، يكشي تعقلي

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية اكتئاب)