رواية لين قلوب الفصل الثاني 2 بقلم ملك ناصر

رواية لين قلوب الفصل الثاني 2 بقلم ملك ناصر

رواية لين قلوب البارت الثاني

رواية لين قلوب الجزء الثاني

رواية لين قلوب الحلقة الثانية

لين بصدمة وهي بتبص علي الساعة:يا نهار ابيض الساعة تلاتة
الشخص :استني بس انا ممكن اوصلك انتي رايحة فين
لين :اسكت انت انت السبب اني اتأخر ومشيت وسابته
وبعد شوية وصلت الدرس ودخلت بعد المدرس
لين وهي باصة علي الارض من التوتر :احم.. ممكن ادخل
المدرس:ادخلي ، خدي بالك انا مبدخلش حد بعدي بس انا هعديها المرادي بس عشان دي أول حصة ليكو
لين :شكرا لحضرتك وراحت تقعد جمب مي
:استني ،اسمك ايه
لين :اسمي لين وقالت بصوت واطي لما رفعت راسها: يا حلاوة
مي:في ايه
لين كانت لسة هنتكلم
ادم:مش عايز صوت ،وبدا يشرح
لين بهمس :هقولك بعد الحصة
★★★★★★★★بعد الحصة
مي:في ايه بقى
لين : حكيت لها علي اللي حصل وهي جاية
مي وهي بتضحك :ده ولا الروايات يبت يا لين ويحبك بقى والشغل ده مش كده ،وبعدين انتي ايه اللي اخرك اصلا
لين:يستي بلا حب بلا روايات خلينا نركز في السنة دي عشان نخلص منها على خير
مي: ماشي يا لين هانم ،ايه اللي اخرك برضو
لين حكيت لها علي الحلم
لين:تفتكري اني ممكن اقابل الشخص ده
مي:هو على حد علمي أن دي ممكن تكون أضغاث احلام وممكن يكون حلم عادي ،فكك متركذيش
لين:عند حق يلا انا همشي بقى
★★★★★★★★★★★★
٭وتعدي الايام والشهور ويجي
يوم نتيجة الثانوية العامة٭
لين كانت بتلف في البيت من كتر التوتر
مي :اهدي بقى يا لين خيلتيني
لين:مش عارفة أهدى
مي:الموقع فتح
لين بتوتر:انجزي يا مي حاسة اني هقع من طولي
مي:ابدأ بمين فينا
لين:اعملي انتي الاول
مي :ماشي ………….وصرخت بفرحة ٩٥٪ والزغاريد ملت البيت
لين:طيب يالا شوفيني يالا
ماما لين:متقلقيش يا حبيبتي أن شاء الله خير
مي:قوليها يا خالتو قاعدة بهديها من الصبح
لين:يالا يا مي بقى ولله اعصابي تعبت
مي:دقيقة..وسكتت
لين:في ايه يا مي
مي ساكتة
لين بزعيق:جبت كام يا مي
ماما لين:اهدي يا لين هروح اشوف
ماما لين قعدت جمب مي واول ما شافت النتيجة سكتت برضو
لين بزعيق وتوتر:ما تتكلموا يا جماعة في ايه انا جبت كام؟
ماما لين ادتها اللاب تشوف
لين بصدمة ٧٦٪
مي :اهدي يا لين اكيد في حاجة غلط وخدت اللاب عشان تجرب تاني
واول ما مي اخدت اللاب لين وقعت
مي بخوف :فوقي يا لين فوقي بقى
مامت لين بعياط :حد يجيب ماية بسرعة
وحاولوا يفوقوها
مي :مش بتفوق يا خالتو ،حد يطلب الإسعاف بسرعة
★★★★★★★في المستشفى
مي :اهدي يا خالتو هتبقى كويسة متقلقيش
مامت لين بعياط: انا عايزاها هي تغور النتيجة علي الثانوية العامة انا عايزة بنتي يا مي عايزة بنتي
مي وهي بتمسح دموعها :هتبقى كويسة يا خالتو. لين قوية وطيبة واللي بيحصل دلوقتي ده اختبار لينا وليها من ربنا عشان بيحبنا اهدي
نعمة مامت لين:ونعم بالله
والدكتور خرج
مي ونعمة جريو عليه
نعمة:هي كويسة يا دكتور صح ؟
مي:بالله عليك طمنا عليها
الدكتور :هي كويسة متقلقوش هي بس اتعرضت لصدمة أو ضغط عملها هبوط في الدورة الدموية وده اللي خلاها يغمي عليها ،هي هتفوق كمان شوية
مي: طيب نقدر ندخلها دلوقتي ؟
الدكتور: أيوة بس هي ممكن تفوق كمان ساعة أو حاجة
نعمة:طيب احنا هنفضل عندها لحد ما تفوق
الدكتور:يستحسن تدخلوا لما تفوق
مي:حاضر
★وبعد شوية في اوضة لين★
نعمة بدموع:انتي كويسة يا حبيبتي
لين بصوت متحشرج:أيو…ايوة يا ماما
مي:لين انتي عملتي اللي عليكي وزيادة و ده نصيبك وقدرك متزعليش ولا تعترضي علي قضاء ربنا ده اختبار بقوتك وايمانك
لين: ونعم بالله،بس انا تعبت وطلع عيني في السنة دي مش ده مجهودي ولا دي النتيجة اللي استحقها
نعمة:احنا عارفين يا عيوني بس ده نصيبك يا حبيبتي بأذن الله خير ،وبعدين ده انتي دائما بتقولي رب الخير لا يأتي إلا بالخير
لين :طب انتي مش زعلانة مني؟
نعمة:انا مش زعلانة علي النتيجة انا زعلانة عليكي السنة دي انتي خسيتي فيها وتعبتي وجالك انيميا ،انتي اديتها اكتر ما تستحق يا لين
لين بدموع:كنت عايزة بس ….
نعمة:ششششش،خلاص اللي حصل حصل مش هنعيد تاني فيه ومش هتعيطي تاني ربنا كاتبلك الخير ومش هيأذيكي انا عايزة لين بنتي القوية اللي ابتسامتها بتبقى مرسومة على وشها دايما ومنوراه مش لين الضعيفة اللي حاجة بسيطة خلتها تقع مننا ماشي يا لين
لين:حاضر يا ماما ،هو انا هطلع امتى
نعمة:هنشوف الدكتور
★★★★★★★★وبعد مدة دخلت مي كليه طب ولين كلية فنون
نعمة :لين النهاردة اول يوم جامعة ليكي ،مش عايزاكي تكرهي الكلية عشان مدخلتيش الكلية اللي نفسك فيها ماشي يا لين
لين بأبتسامة:حاضر يا ماما متقلقيش
★★★★★★في الجامعة
لين:وبعدين بقى انا معرفش اي حد هنا ،هروح أسال البنت اللي هناك دي
لين:لو سمحتي
البنت:أيوة
لين:تعرفي مدرجات سنة أولى فين؟
البنت:انتي زيي في سنة أولى ،انتي قسم اي
لين :ديكور
البنت بحماس:يسس زي برضو بس في حاجة
لين باستغراب :ايه هي
البنت بضحك:أن انا كمان معرفش فين المدرجات
لين ضحكت عليها :اسمك ايه يا قمر
البنت:اسمي مريم وانتي
لين:اسمي لين يا روما
مريم بابتسامة :عاشت الاسامي يا لين وكملت وهي بتأنجچها يلا نشوف فيم المدرج بقى
لين بمرح:يالا بينا
★★★★وبعد يوم طويل ملئ بالتوهان اخيرا خلصوا
مريم :انتي هتروحي ازاي يا لين
لين:هركب اي حاجة وانتي
مريم :اخويا هيجي ياخدني ،ما تيجي معانا نوصلك
لين:مش هينفع يا مريم صدقيني
مريم:متخافيش مش هنخطفك ونبيع اعضائك
لين بضحك :ياستي مش خايفة بس الفكرة أن مش هينفع اركب عشان اخوكي
مريم:ما انا موجودة
لين:حتى ولو ،وكمان انا مش معرفة ماما
مريم :طيب ممكن تستني معايا لحد ما اخويا يجي
لين:حاضر
مريم:شكرا بجد …استني اخويا هناك اهو
لين:طيب انا همشي بقى
مريم:طب استني حتى نوصلك المحطة
لين:صدقيني مش هينفع ،يلا سلام وحضنتها وجاية تمشي
:حاسبيي
هووووووووب

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية لين قلوب)