Uncategorized
رواية يوميات زوجة كوميدية الفصل السابع 7 بقلم لمياء علاء
رواية يوميات زوجة كوميدية الفصل السابع 7 بقلم لمياء علاء
 |
| رواية يوميات زوجة كوميدية الفصل السابع 7 بقلم لمياء علاء |
رواية يوميات زوجة كوميدية الفصل السابع 7 بقلم لمياء علاء
يزن/ أخبارك يا أم لسانين
ورد/ الحمد لله يا بيبي، جبت معاك أيه ها؟!
يزن بضحك/ هو إنتِ بتشمي على ضهر إيدك، عرفتي إزاي
ورد/ يبقى جبت، جبت ايه بقى
يزن بضحك/ جبت تسالي، يارب تكوني مش بتحبيها يارب
ورد/ أيه ده مين إللي مش بتحبها، دا أنا تخصص قزقزة، هااات هااات بلاااش عطل، خلينا نستمتع بالمسلسل والتسالي.
يزن / طب إعملي لنا شاي أو نسكافيه طيب.
ورد / من عونيا يا نور عنيا
يزن/ ببطن…!!
ورد/ يزااان
يزن/ روح قلبي.
????????????????????????????
بعد قليل
ورد/ عملتْ الشاي هات بقى الكيس
يزن/ دا ليه بقى إن شاء الله
ورد/ عشان هقسم بالعدل
يزن باستغراب/ تقسمي…!!
ورد ببراءة/ أه
يزن/ بطلي هبل هو اللب بيتعد أصلا
ورد/ أه بيتعد، هات وأنا أعد، دا أنا تخصص عد أنا
يزن بيضرب كف على كف
بعد شوية
ورد/ إنت ٥٠ واحدة وأنا ٥١
يزن/ دا ظلم، إنتِ نصابة إزاي بقى أنا ٥٠ وإنتِ ٥١
ورد/ مش أنا اللي عديت وتعبت وشقيت، يبقى أنا واحدة زيادة
يزن/ أه يا نصابة، دا أنا خايف منك والله????
ورد/ لازم تخااف
يزن/ لا والله
ورد بضحك/ أه والله، إستنى خدلك شوية مقرمشات أهم، ولو خلصوا أنا مش مسئولة متجيش تقولي هاتي شوية
يزن/ نعم يا أختي
ورد وهي بتبرق ليزن/ أه يا أخويا، عندك مانع
يزن/ ابقى تفي في وشي لو جبتلك حاجة تانية، أنا غلطان والله غلطان، دا إنتِ حبة كمان وهتاكليني وربنا
ورد/ بس بس، عايزة أركز في المسلسل
يزن/ ركزي يا اختي ركزي عشان هتمتحني في المسلسل
ورد/ يزااااااان بطل زن
يزن وهو بينفخ/ حاضر.
***********************
ورد/إيدك والبطانية يا بابا بدل ما أزعلك
يزن/ لا ما هو كدة حرااام تنامي إنتِ وأنا أفضل طول الليل أرتعش من السقعة
ورد/ الله وأنا مالي، دا إنتَ المفروض تغطيني و مترضاش تتغطى
يزن/ لا والله، دا في حكم مين بقى
ورد/ في حكم ورد
يزن/ لا يا ورد حرام كله إلا السقعة
ورد/ ماليش دعوة أنا بسقع، وبعدين أنا اللي جايبة البطانية في جهازي، عرفني كدة هل إنت جبت بطانية…؟!????
يزن/ لا مجبتش بس جيبت السرير اللي إنتِ نايمة عليه واللي هكسره على دماغك دي.
ورد/ الشقة بممتلكاتها من حق الزوجة، فوووق يا بابا
يزن/ طب هفوووق بس بكرة عشان أنا عايز أنام عندي شغل بكرة
ورد/ صعبت عليا، خد حتة من البطانية أهي
يزن باستغراب/ حتة…!!
ورد/ دا اللي عندي
يزن/ طب وليه حتة طب ما تاخديها كلها
ورد/ عسل يا إخواتي وهيسبلي البطانية كلها وقامت متغطية وسابت يزن
يزن باستغراب/ ورد
ورد/ الصوت….!!، اطفي النور عشان أنام
يزن باستغراب/ أطفي النور…!!
ورد/ أه
يزن قام من عالسرير/ سايبهالك مخضرة، يارب ما تعرفي تنامي، يطلعلك عفاريت تعلمك الأدب
ورد/ هتنام فين
يزن بفرحة/ في أوضة الأطفال، أيه هترجعي في قرارك
ورد/ طب اقفل الباب وراك
يزن/ إلهي تتقفل عليكِ أبواب جهنم يا بعيدة
**************************
ورد/ أنا لو حبيبك مكنتش يوم تسيبني، إزاي بتقول نصيبك وهان عليك تبيعني…..أنا لو حب…..
يزن/ خلاااص يا ورد، كفاية أصوات معفنة عالصبح
ورد/ أنا اللي غلطانة إن بغنيلك، سامحني بقى خلاص
يزن/ لا عشان أخدتي مني الغطا كله وسيبتيني أنام في أوضة الأطفال ومصعبتش عليكِ يا جاحدة، ومروحتش شغلي بسببك.
ورد ببراءة/ والله أسفة يا يزن بس إنت بتفضل تشد الغطا وأنا أشد وإنت تشد فخلاص بقى سماح المرادي
يزن/ بشد وإنتِ تشدي
ورد ببراءة/ اه والله
يزن/ يعني الغطا مش بتستولي عليه لوحدك
ورد/ تؤتؤ
يزن/ مسكينة يا اخواتي، تعرفي تمثلي والله
ورد/ خلاص بقى يا مان متزعلش مقدرش على زعلك يا صغنن إنت
يزن/ صغنن…!!، إنتِ بتكلمي عيل صغير، أنا جوزك يا هانم
ورد/ قلب الهانم
يزن/ مش هنخلص لا والله ما هنخلص وقام وساب المكان
ورد انفجرت في الضحك
******************
في المطبخ
ورد/ أطبطب وادلع ويقولي أنا اتغيرت عليه، أنا ازعل ما أولع ما هو كل همه إزاي أرضيه
يزن/ نانسي لو سمعت الكروان ده والتحريف في الأغنية هتعتزل الغُنى
ورد/ يا ابني دا أنا كنت مقدمة في ذا فويس
يزن/ وخسرتِ صح
ورد/ فشر، أنا بكدب أصلا عشان تفُك
يزن/ أفك….!!
ورد/ متزعلش بقى، وفضلت تغني حقك عليا، حقك عليا سامحني
يزن/ بس خلاص متغنيش تاني، سامحتك
ورد/ خلاص سماح
يزن بضحك/ سماح، بس صالحيني
ورد/ أصالحك
يزن/ اه
ورد/ عايز أيه
يزن وقد وضع اخدى أصابعه على خده الأيمن/ عايز Kiss
ورد بفرحة/ يااااه يا حبيبي اتفضل كيس الزبالة أهو نزلوا، وإنت جاي جبلي حاجة حلوة متتأخرش، عشان بخاف عليك.
يزن بصدمة/ كيس زبالة….!!، عقلي وقف من كتر الصدمة
ورد/ بتقول حاجة يا بيبي
يزن/ مش بقول حاجة، يخربيتك فصلااااان
ورد وقد انفجرت في الضحك????
يتبع ……
لقراءة الفصل الثامن : اضغط هنا
لقراءة باقي فصول الرواية : اضغط هنا
نرشح لك أيضاً رواية العودة إلى الوراء للكاتبة روان ريحان