رواية احببتها بنقابها اكثر الفصل الرابع عشر 14 بقلم حبيبة محمود

رواية احببتها بنقابها اكثر الفصل الرابع عشر 14 بقلم حبيبة محمود

رواية احببتها بنقابها اكثر البارت الرابع عشر

رواية احببتها بنقابها اكثر الجزء الرابع عشر

رواية احببتها بنقابها اكثر الحلقة الرابعة عشر

بسم الله الرحمن الرحيم
اللهم صل وسلم على سيدنا محمد
فى منزل اسماء
امانى : لولولولولولولوى العريس جه برا يا عروسه
اسماء: اه يا هبله
امانى : فرحانه يا رمضان اختى وتؤامى هتتجوز
وتبكي
اسماء: طب بتعيطي ليه دلوقتي ؟!💔
امانى : علشان هتسيبيني وتمشي احنا طول عمرنا سوا مقدرش اعيش من غيرك انا هخرج اطفش العريس اللى برا ده
اسماء: تعالى بس فى حضنى كده
ارتمت امانى فى أحضانها وأخذت تبكي
اسماء: انت مش اختى انت بنتى اللى عمرى ما استغنى عنها وبعدين انت شوفتيني وافقت
امانى : خلاص متوافقيش بس عبدالرحمن ده محترم جدا حرام عليكي
اسماء : خلاص يا امانى ربنا يسهل
بعد قليل تدخل الام
حنان : يلا يا اسماء هاتى العصير وتعالى
اسماء: انا خايفه ليقع يا ماما
حنان : مش هيقع يا حبيبتي يلا قومى وانت يا زفتة يلا روحي سلمى على الناس
امانى : انا مالى يا لمبي
حنان : عارفه لو مبطلتيش هضربك وانت عارفه مبيهمنيش حد
اسماء: خلاص يا امانى ، معلش يا ماما
سبحان الله وبحمده سبحان الله العظيم
فى منزل رحمة
رحمة : اقعدى شوية يا سلمى
سلمى : ماما لوحدها فى البيت مش هقدر أتأخر هبقي اجيلك لحد ما تقرفي منى وتطرديني 😂
رحمة : تنورى فى اى وقت ، وبعدين انا لايمكن ازهق منك يا جميلة
سلمى : يلا السلام عليكم ورحمة الله وبركاته
خليكي انا عارفه الطريق
رحمة : تمام يا روحى ، ابقي اتصلي طمنيني عنك أما توصلي بالسلامة
سلمى : إن شاء الله
ودخلت رحمة غرفتها
رحمة فى نفسها : حتى مش قادرة اتحرك ولا اوصل ضيوفى ، استغفرالله العظيم سامحنى يارب
الحمدلله على كل حال
تحركت ببطئ شديد ودخلت وتوضأت ولكن لم تستطع الوقوف أكثر فوقعت
وأخذت تبكي يارب يارب اقوم اصلي بس يارب قدرني وقويني فى الصلاة بس مش عايزة حاجه تانيه يارب
وقفت بعد دقائق وصلت
وكانت تدعو يارب انت اعلم أننى لم أكن اعرف والله العظيم انا كنت لسه مش عارفه أن كده حرام عليا ، مع انى والله ما فاكره شكله ايه بس قلبي وجعنى ومش قادرة ، يارب أنا عارفه انى لا أصلح اكون زوجة بس شيل حبه من قلبي يارب واغفر لي
انتهت من صلاتها
وأخذت تفكر
فلاش باك
امام سنتر المؤمنين عندما كانت فى الصف الثالث الثانوي
ايمان : بصي يا رحمة كده الشاب اللى واقف هناك ده
رحمة : مالناش دعوة وحرام كده يلا امشي
ايمان : يا بنتى دا محترم جدا ، بيقولوا أنه فى هندسه بس بيدى درس رياضيات فى السنتر هنا
اى رأيك نجرب شرحه
رحمه : هو امتى اول حصه ليه
ايمان : انهارده كمان ربع ساعة
رحمة : تمام يلا ندخل
اسماء : انت رايحه فين يا رحمة
رحمة : اذيك يا اسماء ، تعالى احضري معانا فى مدرس رياضيات جديد
اسماء : تمام يلا ندخل
استغفر الله العظيم رب العرش العظيم
فى منزل اسماء
فى الصالون
هناء : آمال فين اسماء يا ام اسماء
حنان : جايه اهى يا حبيبتي
بعد قليل دخلت اسماء ومعها امانى
قدمت العصير وسلمت على الجميع وجلست
امانى : بت يا اسماء دا العريس مكسوف 😂ياخراشي يا عيال
اسماء: اسكتى هتفضحينا
الحاج عبدالعزيز : نسيب العرسان شوية يا حاج محمد (خال اسماء)
اسماء : عارفه يا امانى لو اتحركتى هقتلك
وفضلت امانى معاهم بس باصه فى الفون
عبدالرحمن: السلام عليكم ورحمة الله وبركاته،اذيك يا انسه اسماء
اسماء: الحمدلله بخير
عبدالرحمن: انا عارف انك مكسوفه بس متخافيش دى رؤية شرعيه وعادى تبصيلي والله قدرى أن شكلى وحش يعنى 😂
امانى فى سرها: وربي عسل يارب الموكوسه توافق
اسماء : لأ مش مكسوفه
عبدالرحمن: طب اقدم نفسي بقي
انا عبدالرحمن محمد مهندس ميكانيكا عندى ٢٨سنه بشتغل فى شركة الحمدلله وملتزم بالصلاه الفروض والسنن وخاتم القرآن الحمدلله
اسماء: اللهم بارك ، انا اسماء عندى ٢٠ سنه الحمدلله محافظة على صلاتى فروض وسنن وختمت القرآن مع رحمة من ٦ شهور
عبدالرحمن: بارك الله فيكي إن شاء الله هصلي استخارة ولو حصل نصيب مش هيكون فى فرح هنعمل عمرة بإذن الله ولو تحبي تتنقبي دا شئ يسعدنى
اسماء فرحت اوى بكلامة : إن شاء الله
فى منزل رحمة بعد ساعة
عبدالرحمن: عامله اى يا رحمة انهارده
رحمة: الحمدلله يا ابيه
عبدالرحمن: اى ابيه دى
انفتحت رحمة فى البكاء
علشان انت زعلت منى ومش بتكلمنى
عبدالرحمن: يا هبله والله العظيم هبله
يعنى علشان عايز مصلحتك وخايف عليكي ،انا مزعلتش منك يا حبيبتي بس مصطفى محترم جدا وكل يوم يتصل بيا علشان يطمن عليكي
رحمة: بجد يعنى انت مش زعلان طب هات حضن بقي
عبدالرحمن: تعالى يا مجنونة
رحمة : عبدالرحمن ممكن تكلمنى زى زمان
عبدالرحمن: ماشي يا ستى عايزة عن اى
رحمة: كلمنى عن الاغتسال الصحيح
عبدالرحمن: احب فيكي انك بالرغم من انك بتكونى عارفه المعلومة بتسألى وتتأكدى وكمان مش بتكونى مكسوفه
‏
‏ يلا بقى نبدأ فى طريقة الاغتسال💜:
الطريقة اللي هشرحها دي مش فرض ولكنها سُنة عن الرسول صلى الله عليه وسلم والأفضل طبعا انك تغتسلي بِها..لكن مجرد انك نويتي تغتسلي من الحيض وغسلتي جسمك وشعرك وكل حاجة كدة بالمياه فانتي كدة بإذن الله اغتسلتي من الحيض خلاص وتصلي وتصومي عادي بقى
1‌‌ثانيا لازم تتأكدي كويس ان البريود خلصت من عليكِ ومتغتسليش كدة من نفسك..لازم تشوفي الأول علامة الطهر وهي علامة من العلامتين
“يا اما هتظهرلك القُصة البيضاء..وهي عبارة عن افرازات بيضاء بتخرج منك بعد اما البريود تخلص”
“يا اما هيحصل لك جفاف تام “ودا هتعرفيه انك تمسحي منطقة الفَرچ بالقطنة أو بقماشة لونها أبيض علشان بس تعرفي المهم بعد ما تمسحي الفَرچ لو طلعت القطنة دي بيضاء تماما فانتي خلاص كدة هتغتسلي بقى..
ولو طلع عليها لون بُني أو اسود وهكذا..فاستني شوية لحد اما يحصل لك جفاف والقطنة تبقى بيضاء خالص
“يعني من الآخر طالما دم الافرازات مُتصل بدم البريود يبقى مينفعش تغتسلي”
“وخدي بالك انك متعمليش كدة بعد اما تدخلي الحمام “أعذكم الله”..لان طبيعي ان مش هيطلع حاجة فى القطنة ساعتها علشان انتِ غسلتي منطقة الفَرچ أصلا..فامسحي المنطقة دي فى أي وقت غير كدة”☘️.
3_لو عايزة تغسلي ايدك بالصابون بعد اما غسلتي منطقة الفرچ فمفيش أي مشكلة ولو مش عايزة براحتك🌷
4_هتتوضي الوضوء العادي خالص اللي بتتوضيه قبل الصلاة ما عدا بس رجلك “يعني هتغسلي كله زي ما متعودة فى الوضوء وهتسيبي رجلك مش هتغسليها”
ومش غلط انك تغسلي رجلك أثناء الوضوء لكن الرسول صلى الله عليه وسلم كان بيحب يسيبها للآخر فالأحسن اننا نتبع سُنته فى كل حاجة🌷.
‪ 5_هتغسلي شعرك كله كويس جدًا 3 مرات “ولازم المياه توصل لأرضية شعرك وشعرك كله”
“ولو شعرك مربوط وعاملاه ضفيرة ومستعجلة جدًا وعايزة تغتسلي بسرعة وتلحقي تخرجي فمفيش مشكلة لو سِبتي شعرك مربوط بس المهم المياة توصل لأرضية راسك ولكل شعرك”🌷.
6_هتغسلي الجانب اليمين من جسمك وبرضو تدعكي كويس جدًا بايدك “تحت الصدر وتحت الإبط وعند السُرة وهكذا”
ونفس النظام برضو على الجانب الشمال من جسمك7_بس أهم حاجة خدي بالك انك لو لمستي فَرْچك بعد اما خلصتي اغتسال فانتِ كدة وضوئك فُسد ولازم تتوضي تاني..
لكن لو هتغتسلي بالطريقة اللي شرحتها فوق وتلبسي وتخرجي على طول فانتِ كدة على وضوء وممكن تصلي عادي خالص “لانك لو تلاحظي انك أصلا اتوضيتي وانتِ بتغتسلي”💜.
وبكده اكون عرفتك طريقة الاغتسال الصحيحة
رحمة : اللهم بارك ربنا يحفظك يا عبدالرحمن
يلا احكيلي العروسه عجبتك صح
عبدالرحمن: عيب يا بنت اتأدبي
رحمة : ما تخلص ياض بقي انا عارفه صحبتي قمر يا بابا
عبدالرحمن: هصلي استخارة واقولك يا قردة
بعد اسبوع فى منزل اسماء
حنان : اسماء تعالى أما اقولك
اسماء: نعم يا ماما
حنان : خالتك هناء اتصلت بيا انهارده وقالت إنهم موافقين وعايزين يحددوا معاد ويجوا علشان قراية الفاتحه
انت موافقه ولا لأ
اسماءمكسوفه: انا صليت استخارة الحمدلله ومرتاحة
حنان:خلاص هتصل بخالك ونتفق على معاد
فى منزل نهر
احمد وعائلته معزومين عندهم
عز : بعد اذنك يا ابو نهر احنا عايزين نعمل كتب الكتاب بسرعه
ابو نهر : والله انا معنديش مشكلة بس لسه كتير ونهر عندها امتحانات
عز : خلاص نعمل كتب الكتاب بعد الامتحانات علشان الولاد يكونوا براحتهم
ابو نهر : إن شاء الله
رأيك اى يا نهر
نهر : اللى حضرتك تشوفه يابابا
ودخلت إلى غرفتها
اتصلت بالبنات واتكلموا كتير اوى وخلاص فى اتنين منهم هيتجوزوا
رحمة : انا مبسوطة اوى يا بنات
الحمدلله حلمى خلاص بيتحقق
اسماء: فرحينا معاكى
رحمة : انا …..
تفتكروا رحمة مبسوطة ليه ؟!
ومين الشخص اللى كانت بتدعى ربنا يشيل حبه من قلبها ؟
*«أحببتُـها بنقابها أڪثࢪ👀💛»*
*`الفصل”15″`*
‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏البارت الخامس عشر
#احببتها_بنقابها_اكثر
بسم الله الرحمن الرحيم
اللهم صل وسلم على سيدنا محمد اشرف الانبياء والمرسلين وعلى آله وصحبه وسلم اجمعين
(انا نزلت البارت ده انهاردة مع انى قلت هنزل يوم ويوم بس مش عارف ليه هو انا نزلت وخلاص ممكن تكون آخر مره اكتب ومش عارف البارت هكمله للآخر ولا لأ بس لو حد لقى انى تماديت وقلت اى حاجه تحرك مشاعر البنات ياريت تنبهونى وفضلا ضمونى إلى دعائكم الفترة دى )
نهر : خلصي يا رحمة بقي
رحمة : مش عارفه اقولكم ولا لأ هفكر
نور: طب بتقولى ليه من الاول يا زقردة هضربك يا بت
اسماء : قولى يا رحومة يا جميلة
رحمة : هقول علشان خاطر خطيبة اخويا بس
امانى : الله الله يا ست رحمة انا اصلا مش موافقه اختى تتجوز اخوكى
رحمة : بس يا ماما اقعدى انت فى جنب
المهم انتم عارفين طبعا أن فاضل اسبوعين على رمضان
امانى : اه
رحمة : فأنا هسافر للحج مع جدو طول شهر رمضان وهنرجع بعد العيد
انا مبسوطة اوى والفرحة مش سيعانى حاسه انى طايرة
اسماء: اللهم بارك يا قلبي عقبالنا جميعاً يارب
نهر : اللهم آمين يارب العالمين
نور : مبسوطة ليكي اوى يا رحومة يا قلبي ربنا يفرحك دائما يارب
امانى : مبارك يا قلبي ربنا يسعدك يارب
سبحان الله وبحمده سبحان الله العظيم
فى اليوم التالى
فى الكويت عند مصطفى كان يصلي الفجر فى أحد المساجد القريبة من الفندق
كان يدعو الله ويلح فى الدعاء أن يشفى من امتلكت قلبه وعقله واحتلت هى اكبر جزء من دعائه طوال خمس سنوات
وبعد أن انتهى من صلاته
محمود: اى يا مصطفى انت كنت بتعيط
بيتهيألى أن كل اللى كانوا بيصلوا سمعوا صوت بكاءك
مصطفى : وانا عندى اى غير الدعاء وانا عندى يقين أن الله سيستجيب
محمود: شوية يقين من اللى عندك دول
مصطفى : بص تعالى أما اكلمك شوية عن الدعاء
(( الدعاء ))
الدعاء دا مفتاح وكنز كبير جدا ولكن للأسف احنا غافلين عنه اه لو نعرف الدعاء بيغير حاجات كتير اوى فى حياتنا ازاى وبيحقق امنيات كتير مننا قال لا يمكن تتحقق بس للأسف احنا غير مدركين بكده
قال سبحانه وتعالى “وقال ربكم ادعونى استجب لكم”
وقال ايضا ” واذا سألك عبادى عنى فإنى قريب أجيب دعوة الداع إذا داعن فليستجيبوا لى وليؤمنوا بي لعلهم يرشدون ”
كل الاحلام اللى بتتمناها ادعى ربنا يحققها لك، إياك تظن أن فى حاجه صعبه ومستحيله ، انت بس ادعى وادعى بيقين
أما بقعد وافتكر كده كل الامنيات اللى ظنيت أنها مستحيلة وربنا حققها ليا برجع ادعى ربنا تانى وبيقين اكبر لازم تبقي حاسس أن ربنا قريب يراك وبيسمعك وبداخل قلبك شعور أن خلاص يكفيني قربي من ربي حبيبي وسندى الوحيد
سيدنا يونس عليه السلام برغم أنه كان فى ثلاث ظلمات ، ظلمة بطن الحوت وظلمة البحر وظلمة الليل بمجرد ما دعا ربنا (لا اله الا انت سبحانك اني كنت من الظالمين) ربنا استجاب لدعاءه
ممكن تقعد كتير تدعى وتحس أن خلاص بقي ربنا مش هيستجيب
ممكن أن اللى بتدعى بيه مش خير ليك او ربنا أراد أن يعوضك خير منها بس فى وقت تانى ممكن يوم او اسبوع شهر سنه او سنين بس هيستجيب لا تخف
وطبعا كلامى مش هيوفى حق ربنا اد اي سبحانه عز وجل
الكريم ، العظيم
مصطفى : وكفايه كده يا محمود علشان تروح ترتاح شوية قبل الشغل فاضل ساعتين
محمود: بجد شكراً ليك يا مصطفى انا كنت خلاص قربت أيأس
بقولك يا مصطفى بس متفهمنيش غلط انا والله من حبي ليك نفسي اكون جنبك علطول وطالب ايد الانسه سلمى
مصطفى بإبتسامة : انا طبعا يشفرنى بس انت صدمتنى والله
محمود: انا عارف انى اكبر منها بكتير خلاص ولا كأنى اتكلمت
مصطفى : انت زعلت ولا ايه هو انا هلاقى احسن منك لاختى بس اهم حاجه رأيها واحنا لسه قدامنا سنه هنا
محمود: وافق انت بس وانا اخلى امى تروح تتقدم
مصطفى : الله يكرمك يا محمود اصبر اول ما نرجع ومتخفش اختى إن شاء الله تكون كبرت شوية دى لسه فى سنه اولى جامعه
محمود : ماشي إن شاء الله
امتى بقي السنه دى تعدى
مصطفى : احنا لسه مكملناش اسبوعين
اللهم صل وسلم على سيدنا محمد
فى منزل اسماء
امانى : بت يا سماسيموا
اسماء: نعم يا قلب البت سماسيموا
امانى : انا بقول انك تصرفي نظر عن الجواز وتقعدى معايا هنا
اسماء: امانى حبيبتي أنا عايزة اخلص منك اصلا
امانى : تصدقى خسارة فيكي الخمار اللى اشتريته ليكي
اسماء: بجد اشتريتي ليا خمار
امانى : اه يا اختى علشان تلبسيه أما أهل العريس يجوا يقرأوا الفاتحه
بس خلاص صرفت نظر اخليه البسه انا
اسماء: اه يا بخيلة
مش فاكرة يا بت الدريس اللى جبته ليكي الشهر اللى فات من مصروفى اللى قعدت احوش فيه
تتصل رحمة فى الوقت ده
امانى : اهى رحمة حبيبة قلبي اتصلت انا هروح اكلمها
السلام عليكم ورحمة الله وبركاته
اذيك يا رحومتى يا قلبي
رحمة : وعليكم السلام ورحمة الله وبركاته
انا خايفه من الداخله دى بقي امانى السرسجيه بتقولى رحومتى وحبيبتي كمان
امانى : تصدقى انت رخمة زى البت اللى جنبي دى
رحمة : ليه اى حصل انا عارفه انكم ناقر ونقير مع بعض
من ساعة ما حولتى من كليتك وجيتي معانا وانت كده علطول
المهم هى اسماء مش بترد على فونها ليه
امانى : تلاقيه فاصل شحن من الروايات اللى قاعده قصادها طول اليوم ، يا بت يا رحمة مش هتنفع اخوكى دى مش بتعمل حاجه غير النوم والروايات
دورى على عروسه تانيه ليه بنتنا عاطله
اسماء: انا عاطله يا معفنه يا امانى تلوث انت
رحمة : بس خلاص اى فتحتوا على بعض
المهم يا اسماء العائله الكريمة بتاعتنا جايين عندكم بعد المغرب اجهزى يلا
استغفر الله العظيم
فى منزل نهر
الاب : نهورة حبيبتى اى رأيك نكتب الكتاب الخميس الجاى قبل امتحاناتك
نهر : اللى حضرتك تشوفه يا بابا
الام : اكيد عرفتهم أن مفيش جواز غير كمان سنه
الاب : اه عرفتهم بس الولاد براحتهم بقي وقت ما يحبوا
الام : مش هنلحق نجهز حاجه
جهاز البنت كتير
نهر : بعد اذنكم هدخل اصلي العصر
الاب : هنخلص إن شاء الله ، هتصل بعز اعرفه
علشان مستعجل اوى عايز يكتب الكتاب قبل ما يسافر
فى بيت احمد بعد ساعتين
فاطمة : احمد إن شاء الله يا حبيبي هنكتب الكتاب الخميس الجاى
احمد: إن شاء الله يا ماما بس دا امتحاناتها قربت خلاص مش هتلحق تذاكر كويس
فاطمة : لأ نهر متفوقة وبتذاكر اول باول
هى راحت الجامعه ولا لأ
احمد: لا من ساعة الخطوبة وهى منزلتش تقريبا مكسوفه
فاطمة :هما البنات كده بينكسفوا اوى ربنا يسعدك يارب يا قلب ماما
وعقبال ياسين ومحمد اللى مش بيسألوا عليا خالص خسارة اللبن اللى خدوه منى
احمد: لا وانت ما شاء الله مرضعاهم الاتنين هى طنط نجوى وطنط يسرا مكنوش بيرضعوهم ولا ايه المفاجيع دول
فاطمة : اتادب يا جزمة متقولش على اخواتك مفاجيع
اتصلي بيهم اهزقهم شوية
فى منزل اسماء بعد صلاة المغرب
اجتمعت العائلتين ولكن لم تستطع رحمة القدوم وجلست معها ايه ابنة عمها
وتمت قراءة الفاتحة واتفقوا على موعد الخطوبه
عبدالرحمن: بعد اذن الجميع انا عايز اطلب طلب
الحاج محمد : اتفضل يا ابنى
عبدالرحمن : ………..
فى منزل رحمة
ايه : وحشتيني اوى يا رحمة
رحمة : لا اوحش الله لك قلبا ولا قبرا يا قلبي
ايه : بصي بقي عندى خبر ليكي حلو
رحمة : فرحيني بسرعه
ايه : انا حامل وعرفت انى فى الشهر التالت وهجيب بنوتة
رحمة : مبارك يا قلبي ربنا يقومك بالسلامه
تعالى فى حضنى تعالى
ايه : عارفه انا اتفقت مع احمد هسمي البنت اى
رحمه : اى يا قلبي اوعى تقولى مكه انا عارفه انك من واحنا صغيرين نفسك تسمى بنتك كده
ايه : لأ هسميها رحمة
على اسم اغلى الناس عندى
بكت رحمة وتذكرت مرضها
رحمة : لا سميها اسم تانى علشان متبقاش زى
ايه : دى احلى حاجه أنها تكون ذيك يا رحومة
رحمة : بلاش يا ايه علشان خاطرى
ايه : والله العظيم ما مسمياها غير رحمة
اياد : يحومة بتعيطى ييه ( رحومة بتعيطى ليه)
اياد ابن ايه
ايه : زعلانه يا اياد تعالى بوسها
ذهب اياد إلى رحمة وحضنها ومسح دموعها
اياد : يوكا ضيبتك زى ما بتضيبنى ( يوكا ضربتك زى ما بتضربنى )
ايه : الله يرضي عنك يا اياد يا فضحنى فى كل حته
رحمة : انت بتضربي الواد
تعالى هنا والله لقتلك
وفضلوا يضربوا بعض واياد يضحك كثيرا علشان أمه بتنضرب بقي
رحمة : فرحان يا ايدو ياقلبي
اياد : اه يا يحومه
رحمة : مالك يا ايه شكلك زعلانه
ايه : مفيش يا حبيبتي هو تعب بسبب الحمل بس
رحمة : قولى يا ايه خلصي يعنى انا مش عارفاكى
ايه : …….
البارت خلص الحمدلله
يا ترى عبدالرحمن عايز يطلب اى ؟!
وآيه زعلانه من ايه ؟!

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية احببتها بنقابها اكثر)