رواية حب لا يعرف المستحيل الفصل الثالث 3 بقلم نشوة عادل

رواية حب لا يعرف المستحيل الفصل الثالث 3 بقلم نشوة عادل

رواية حب لا يعرف المستحيل البارت الثالث

رواية حب لا يعرف المستحيل الجزء الثالث

رواية حب لا يعرف المستحيل الحلقة الثالثة

-ايه المكان الغريب اللى جايبانى فيه ده…ده مقطوع وبعيد ليه عملتى كده؟!
جمالات: مزاجى كده وبعدين قريب من بيتى يبقى ليه اتمرمط انا ف المواصلات ما انتى معاكى عربيتك
سامية: قل اعوذ برب الفلق قصره امسكى الفلوس اهى ومش عاوزة اشوف وشك تانى وحسك عينك تهديدنى تانى او تستغلى الموضوع عشان وقتها هيبقى عليا وع اعدائى
جمالات: ي ست هانم اطمنى هو انا ادك عشان اعمل كده
سامية: كويس انك عارفة كده فين التسجيل؟!
جمالات: تسجيل ايه؟!
سامية: انتى هتستعبطى ي ولية التسجيل اللى قولتى عليه لما كنا بنتكلم
طلعت جمالات فونها وقالت: بذمتك تليفون نوكيا بزراير هيسجل مكالمات ازاى؟!
سامية بصدمة: يعنى كنتى بتضحكى عليا ده انا هوديكى ف ستين داهية
جمالات: لا اهدى كده وصل ع النبى حتى لو مش معايا تسجيلات انا معايا رقم تليفونك ويوم ما اقع مش هكون لوحدى وانتى عارفة الباقى
سامية: اظن انتى اخدتى اللى عاوزاه امسحى رقمى من عندك واوعى تكلمينى تانى
جمالات: اطمنى بس انا كان عندى سؤال مهم اوى عاوزة اعرف اجابته؟
سامية: امممم خير
جمالات: هى مرات أيمن حافظ عملت فيكى ايه عشان تكونى محروقة منها اوى كده وتبعتينى عشان اخليها تس*قط
سامية: وانتى مالك دى حاجة متخصكيش وملكيش تسألى فيها اصلا
جمالات: ع قولك انا مالى بس الفضول بقى
سامية: لا ي اختى ابقى بصى للفلوس وانتى فضولك يروح يلا غورى
مشيت سامية بعربيتها واختفت وراحت جمالات عند أيمن اللى كان واقف بعيد وبيصور اللى حصل …. جمالات: كده تمام ي باشا
أيمن: تمام اوى كده دورك خلص وانا عند وعدى
مشى أيمن واتصل بعمه ممدوح وقال: ازيك ي عمى عامل ايه؟!
ممدوح: الحمدلله لسه فاكر ان ليك عم
أيمن: معليش متزعلش انا عارف انى قصرت معاك بالمناسبة انت فين كده ؟!
ممدوح: لسه مخلص شغل ورايح ع البيت عشان اتغدى ليه ؟!
أيمن: حلو اوى هعدى عليك عشان عاوز اتكلم معاك شويه
ممدوح: وماله تنور ف اى وقت هستناك تتغدى معايا بقى
أيمن: لا ملوش داعى اتغدى انت بالهنا والشفا انا ادامى ساعة كده واكون عندك
عدت الساعة وراح أيمن ع بيت عمه اللى فتح ليه الباب ورحب بيه وكانت سامية وسلوى واقفين ف انتظاره بعد ما ممدوح قال ليهم انه جاى
سامية: ازيك ي أيمن عامل ايه ومراتك عاملة ايه؟!
أيمن: الحمدلله زى الفل وبخير اوى
نظرت سلوى لسامية بصدمة قرب منها أيمن وبدون مقدمات ضربها بالقلم
ممدوح: ايه اللى عملته ده ازاى تعمل كده ي أيمن انت مش محترم وجودى حتى
أيمن: بنتك ومراتك سلطوا واحدة ع مراتى عشان تخليها تج*هض
ممدوح بصدمة: ايه التخاريف دى ازاى تتهم مراتى وبنتى بحاجة زى دى اصلا
سامية بدموع مزيفة: تلاقيها هى اللى لعبت ف دماغه وبخت السم ف ودنه
أيمن: مسمحلكيش تتكلمى عن مراتى كده
ممدوح: أيمن احترم نفسك وانك ف بيتى كمان بتعلى ع صوتك ع مراتى ادامى انت عارف انت بتقول ايه وحتى لو كلامك صح ايه دليلك
فتح أيمن فونه بالفيديو ف وش ممدوح اللى اتصدم من كلام سامية مع جمالات وكمان سمعه المكالمة اللى كانت بينهم وهى بتطلب منها الفلوس …. أيمن: انا كنت متأكد انك مش هتصدق عشان كده جيبتلك الدليل وباختصار كده ي عمى بنتك مبقتش تلزمنى بنتك طالق
وقع ممدوح من طوله ع الكرسى وهو موطى راسه ف الارض …سلوى بدموع وترجى: ارجوك ي أيمن متعملش كده لو مش عشان خاطرى عشان خاطر بابا
أيمن: ما انا لما كتبت كتابى عليكى كان عشانه عشان سمعته وسط الناس بعد عملتك السودا وشيلت شيلة مش شيلتى وقولت بنت عمى من دمى وسمعتها تخصنى ولازم اصون شرفها ولما روحت لمراتى اللى انتى وامك بتردوا ليها الجميل بأنكم عاوزين تسق*طوها وتمو*توها مرفضتش بالعكس رحبت وحطت ع قلبها حجر واستحملت ان جوزها وحبيبها تبقى فيه واحدة غيرها ع اسمه حتى لو كان ع الورق
سامية: ومالك محسسنى انها محترمة وهى لو محترمة كانت هربت من اهلها واتجوزتك اللى تعمل كده ف الناس اللى ربيتها وكبرتها هيجى اليوم اللى هتسيبك وتهرب فيه
قبل ما يرد أيمن قام ممدوح وضرب سامية بالقلم وقال: انتى ايه ي شيخة مخلوقة من ايه انتى لا يمكن تكونى بشر زينا ده انتى شيطانة من نسل ابليس ازاى ليكى عين تتكلمى وتقاوحى ايه البجاحة دى هى كلمة واحدة تلمى هدومك وتمشى من هنا وورقتك هتوصلك ع بيت اهلك يلا
سامية بصدمة: ايه اللى بتقوله ده ي ممدوح انت بتطردنى؟!
ممدوح: لا انا بطلقك انتى طالق وبالتلاتة انتى غلطة عمرى اللى كنت ومازالت بدفع تمنها اللى الكل لما اختارتها حذرنى منها وانا اصريت واخدتك عند فيهم كلهم اتارينى كنت بعند نفسى كنت فاكر انك هتتغيرى وتنسى اصلك الوا*طى بس اقول ايه الطبع غلاب ومهما الفلوس هتنضف ف الشكل الو*سخ هيفضل وس*خ امشى اطلعى برة
سامية بغضب: ماشى ي ممدوح وربى لادفعك التمن غالى وانت ي ابن حافظ متفتكرش ان الموضوع انتهى ع كده لا هتشوف انا هعمل ايه يلا ي بت
ممدوح: بت مين اللى هتيجى معاكى محدش من العيال هتاخديه سيبهم الحق اخلصهم من قرفك وقذا*رتك
سامية: يلا ي سلوى قومى خلينا نمشى
سلوى حطت وشها بالارض وقعدت تعيط …سامية بزعيق: بقولك قومى يلا
سلوى بصريخ: مش جاية معاكى سبينى بقى حرام عليكى انتى السبب ف كل اللى انا فيه انا مش مسمحاكى
وبعدها جريت ع اوضتها بصت سامية لايمن بغضب ومشيت
أيمن بحزن ع حال عمه: انا اسف ي عمى انا مكنتش عاوز ان كل ده يحصل بسببى
ممدوح بصوت مخنوق: اسف ع ايه انت ملكش ذنب ف كل ده اللى حصل ده كان لازم يحصل من زمان اوى بس انا ليا عندك طلب اعتبره رجاء
أيمن: طبعا ي عمى اتفضل
ممدوح: أبوس ايدك تمم جوازك من سلوى استر عليها وكمل جميلك للاخر عشان خاطرى انا ي ابنى مش عاوز اتكسر وسط الناس واختها حالها يقف بسببها
احس أيمن بالحزن ع حال عمه وقاله: حاضر ي عمى عشان خاطرك انت بس وووووو…..

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية حب لا يعرف المستحل)