رواية نوح ورؤى الفصل السادس والأربعون 46 بقلم ريتاج محمد

رواية نوح ورؤى الفصل السادس والأربعون 46 بقلم ريتاج محمد

رواية نوح ورؤى البارت السادس والأربعون

رواية نوح ورؤى الجزء السادس والأربعون

رواية نوح ورؤى الحلقة السادسة والأربعون

.ماسة فنص الاكل:اسكت يسليم مش انا ونت طلع عندنا اخوات تانية!
سليم بصدمة وتنح:نعم …انتي بتقولي اي
ماسة ببسمة لكن جواها حزينة:اة والله وحتى بالإمارة كان انهاردة عند بابا
سليم بص لماسة:ماسة انتي بتتكلمي جد ولا بتهزري ؟
الهزار بالمنظر دا بيبقى بايخ اوي
ماسة على نفس البسمة:لا والله انا بتكلم جد …احنا فعلا طلع عندنا اخوات
وعارف اي كمان طلع بي…كانت هتتكلم على إبراهيم بس افتكرت ان نورسين قاعدة
ومعينفش تجيب قدامها سيرة أبوها بالوحش عشان مهما كان دا ابوها
قالتلة وهي بتقوم من على السفرة:انا الحمد لله شبعت
هدخل اغسل ايدي وداخلة الاوضة ابقى حصلني
سليم هز راسة
وهي دخلت الاوضة
وكانت بتلم هدومها فشنطة
وبعد شوية سليم دخل الاوضة
سليم:في أية ،كنتي عاوزة تقولي اي برة وسكتي
ماسة ببسمة وهي بتطبق الهدوم وتحطها ف الشنطة :مفيش ..كنت عايزة احكيلك !!
سليم بانتباة:على اي ..
ماسة: ان انا حسبتها بدماغي …
ان كان بيصرف عليها هي وعيالها على قفايا !
سليم:ونتي عرفتي ازاي
ماسة :مفيش …أصل هو ولا بيشرب مخد*رات ..ولا بيعزم حد عندنا….ولا مبقشش على نفسة
يبقى كان بياخد فلوسي بيعمل بيها ايه
….تخيل ياسليم كدة اكون بتعب واشتغل ف شغلانة…وبدالها تلاتة واتطرد واشتغل واتطرد عشان بس ياخد مني فلوسي عشان ميضربنيش وف الآخر يطلع بيصرف على مراتة التانية هي وعيالة !
سليم..:هو كان بياخد فلوسك …
ماسة:امم ..
سليم:ونتي مش متضايقة انة طلع متجوز ومخلف؟
ماسة ببسمة :لا طبعا اكيد متضايقة وجوايا نار ومش طايقاهم
بس بحاول اتعود أصل الواحد لو متعودش عالمصايب هيتجلط ويموت بعيد عنك
سليم حس انها زعلانة وحزينه اوي
ففتحلها دراعة وقال بحنية:تعالى ..
ماسة بصتلة وكملت تطبيق للهدوم عشان هي عارفة انها لو حضنتة دلوقت هتعيط وهي ماصدقت وقفت عياط
سليم وهو فاتح دراهة:كدة..!!
ماسة:مش دلوقت يسليم انا كدة هعيط
سليم:وإن مكنتيش تعيطي ف حضني انا تعيطي فحضن مين… تعالى …
ماسة راحتلة ودخلت فحضنة وهي بتعيط وبتقول:انا حاسة ان مش…..
سليم:مش اي فضفضي؟
ماسة:مش طيقاة !!
سليم:عيب دا مهما كان بباكي
ماسة سكتت وقعدت تعيط فهمت فحضنة
عند عبد الرحمن
خلص اكل ودخلهم
لقاهم كدة ولقى في شنطة سفر محطوطة عالسرير وجواها هدوم
وفي هدوم عالسرير
عبد الرحمن باستغراب:هو اي الي بيحصل …
واي الشنطة دي والهدوم دي
ماسة خرجت من حضن سليم وبتمسح دموعها زي الاطفال وقالت:انا قررت اروح اقعد مع سليم ف بيتة !!
عبد الرحمن بهدوء:انتي خدتي اذني عشان تقرري من نفسك
ماسة:لا بس دي شقتك انت ومراتك …وانا مش عايزة اتقل عليكم غير اني مش عايزة اقعد فبيت واحد انا وبابا ..
عبد الرحمن:لا مش بمزاجك تمشي ..وبعدين تتقلي علينا اي هو كان حد اشتكالك !!!!
ماسة :لا بس عشان خاطري خليني امشي
عبد الرحمن كان لسة هيتكلم
سليم :خليها تروح معايا ياعبدو
عبد اارحمن :بس هي..
سليم:خليهاا تروح معايا ي يعبد الرحمن
عبد الرحمن بزعل من ماسة:طيب ….روحي معاة يا ماسة
ماسة راحتلة وقالت:مش عايزة امشي ونت زعلان يعبد الرحمن …انا مقدرش على زعلك ابدا ..والله اقعد
ومروح فحتة
عبد الرحمن:خلاص روحي وكمل وهو بيبوس راسها:بس ابقى تعالى بيتك دايما هنا
حتى لو مش معترفة بدا
ماسة ببسمة:بإذن الله
سليم :طب هنمشي دلوقت ؟
ماسة:هلم الحاجة ونتحرك
شليم:طيب بسرعة
ماسة راحت عند الهدوم وخدت طقم مكون من بنطلون ابيض واسع بس مش اوي (الي هو بيبقى شبة الشرلستون دة )
وكروب توب بنص بينك
وقميص اسود
وراحت عند الطرح
واخدت طرحة بيضة
واخدت كوتشي ابيض
وقالت لسليم:انا هروح اغير ف الاوضة التانية
حط الهدوم انت ف الشنطة عشان نلحق نخلص ونمشي
سليم:بتهزري صح…مش لامم حاجة انا
ماسة بزعل:طيب خلاص هلبس واجي انا المهم
سليم بنفاذ صبر وهو بيجز على سنانة:طططيييييب هحطهم انا ف الشنطة بس انجزي
ماسة ابتسمت
ودخلت الاوضة التانية ولبست وكان شكلها قمر اوي
وحطت كحل ابيض ومسكرا وليبيا جلوس
وخرجت لقت سليم خلص حط الهدوم ف الشنطة وكان واخدها ف الصالة وقاعد مع عبد الرحمن
نورسين بزعل:كدة يا ماسة عايزة تمشي …هو انا زعلتك ف خاجة
ماسة بحب:لا والله ابدا بس انا مخنوقة …ومحتاجة اغير جو فهروج مع سليم وكل فترة هجيلكوا يومين كدة ولا حاجة
نورسين :ماشي ياحببتي
ماسة سلمت عليها وحضنتها
وكمان حضنت عبد الرحمن
وسليم سلم على نورسين بالايد وسلم على عبد الرحمن ونزلوا وسليم ماسك شنطة ماسة
وحط الشنطة ف شنطة العربية
وركبوا وسليم دور العربية وهو بيكلم ماسة عشان ينسيها همها وقال:لا بس حتى ونتي زعلانة فلقة قمر
ماسة:طلعالك
سليم ضحك وساق
والطريق كان طويل وماسة نامت
وبعد مدة مش قليلة كانوا وصلوا
وسليم صحى ماسة نسبيا يعني وكانوا قدام فيلا جميلة جدا والديزاين بتاعها كان رقيق اوي وقدامها بسين بس طبعا ماسة مكنتش مركزة ولا واخدة بالها اصلا من حاجة عشان كانت بتاكل رز مع الملايكة
وكانت هتقع كذا مرة بسبب انها نايمة على نفسها فسليم شالها
وحطها ف اوضة كانت جميلة اوي
بلون البحر
والفرش الي فيها ابيض وكان الحيطة الخارجية بتاعتها ازاز بتوريكي الفيو الجميل مع حمام البسين بس كان محطوط ستارة شيفون شفافة رقيقة ومدية منظر لطيف الاوضة فكانت حرفيا جميلة اوي بس ماسة
شكلها كانت بتعوم فطبق لسان العصفور بالعجلة 🥲😂😂…
وكانت هتقع كذا مرة بسبب انها نايمة على نفسها فسليم شالها
وحطها ف اوضة كانت جميلة اوي
بلون البحر
والفرش الي فيها ابيض وكان الحيطة الخارجية بتاعتها ازاز بتوريكي الفيو الجميل مع حمام البسين بس كان محطوط ستارة شيفون شفافة رقيقة ومدية منظر لطيف الاوضة فكانت حرفيا جميلة اوي بس ماسة
شكلها كانت بتعوم فطبق لسان العصفور بالعجلة 🥲😂
المهم فكلها الطرحة عشان متتخنقش وقلعها الكوتشي
وخرج ينام هو كمان
☆☆☆☆☆☆☆☆☆☆☆
تاني يوم عند ماسة
كانت نايمة مخنوقة من القميص عشان الجو حر …فقلعتة وفضلت بالكروب البينك(جماعة هو الكروب مش الي هو قليل غلادب دا لا للي هو بيبقى مقفول بنص وطويل شوية يعني مثلا بيكون لحد تحت البطن بشوية)
صحيت لقت نفسها فاوضة اقل كلمة عنها جامدة ..
فضلت تقول:يااا هخرج برة
والقى قدامي جين زي ييي
وتيان ران
ياااااه وفضلت تتقلب ف السرير ع اساس انها فيلم وكدة ،وقعت عالارض🙂
لقت نفسها مصحتش من الحلم
ماسة بخضة وهي بتقوم من الأرض:يانهار فحلوقي ..انا فين
.انا انخطفت ..يلهوااااااااااايي مكنش يومك يماسة مكنش يومك ياختي …ياصغيرة عالهم والغم يالوزة ..همو..كملت وهي بتهرش فراسها بغباء:ايدا لحظة …بس اتا متخطفتش… انا كنت مع سليم انبارح.
معقول دا بيت سولي …يخرااااشي وخرجت وهي بتجري وتتنطط تدور على سليم ووقفت ف نص الفيلا وهي بتبص عليها وبتقول:يابن الغنية ياملياردير ..ياريتني كنت روحت قعدت معاك من زمان ..
وقررت انها تتجول ف الفيلا ..عشان تتعود عليها
بدأت تتجول فيها واتعرفت على أماكن كل حاجة فيها
وف الآخر راحت على المطبخ
وابتدت تعمل فطار
عند سليم كان نايم وصحي …نزل على تحت شم ريحة بطاطس مقلية وكانت ريحتها جميلة اوي
فراح عالمطبخ وهو بيقول وهو بيفرك عينة:صباح الخير ياماس
ماسة باستغراب:ماس؟؟ ..دا اي دة
سليم ببسمة:دلعك يابطوط
ماسة:امم ..طب روح جهز السفرة عشان ارص الاكل
سليم:طيب
☆☆☆☆☆☆☆☆☆☆☆☆☆☆☆☆
عند جيجي كانت قاعدة ف اوضتها وكانت بتعمل بادكير لرجلها وبتفضفض مع البنت الي بتعملها
جيجي بغيظ:بس ياستي دا غير أن اختة مبقتش تكلمني زي الاول وانا بقى عايزاة ليا وبس …
وحساة متشد للبت المعفنة الي شغالة معاة
البت الي بتعملها البادكير بخبث وهي بتلوك ف ال لبانة :والله ياستي اني منعرفش حلك أي
بس يعني متتجربي منه كِده
يمكن يحِن !
جيجي وهي حاطة ايدها ف طبق في ماية :والله قربت منة واعترفتلة ومفيش حاجة نافعة معاة
البت بخبث مخفيواسمها سهر :بصي ياستي اني منعرفش الي هجولهولك دة هتعملي بية ولا لا
بس انا كان عندي صاحبتي من ايام المدرسة كات بتحب واحد جوي ياستي جوي بس هو ماشيفاه خالص ….وكملت وهي بتبرد رجليها ففي ست كدة عندينا ف البلد دلتها على شيخ لجلب الحبيب (واكل الزبيب😂😂 سوري اني فصلكم نكمل)
وهو اي مشاء الله ياستي بركة ..مفيش ست ولا بت راحتلة الا وخرجت من عندة وامورها كلها متحلة
اني منعرفش يعني هو بيعمل اي بس الي اعرفة انة بحل كل حاجة ياستي لو جوزك بخوفك وعينة زايغة
بيخلوة زي خاتم فصابعك ويحبك وعينة متمدش لبرة خالص !!
ولو حبيبك سابك يرجعلك
المهم يستي صاحبتي داي راحتلة اخد منها فلوس جليلة ..ومش عارفة عمل اي والواد بقى بيعشجها بيبوس التراب الي بتمشي علية
بقى خاتم فصباعها
جيجي لمعت الفكرة فعنيها وقالت:ط طب يعني انا لو روحتلة نوح هيحبني ؟
سهر :اهييه الا هيحبك د هيدمنك ياستي
جيجي :طب انا عايزة اروح للشيخ دة
سهر :عنيا نخلصوا بس شغلنا هنا ونودوكي لشيخ البلد
جيجي:طب يعني انتي هتقعدي هنا قد ايه؟
سهر:يومين تلاتة عشان انا جاية لزباين بردك ياستي
جيجي فنفسها:ومالة ومالة نستني يومين تلاتة ونفرح العمر كلو
☆☆☆☆☆☆☆☆☆☆☆☆
عند نوح كان ف الشركة
ومستغرب ان ماسة لحد دلوقتي مجاتش …هي مش واخدة اجازة ولا عاملة اجازة
يبقى ازاي متجيش
ف اتصل عليها
نوح:الو ..
ماسة بكسوف:الو سلام عليكم يامستر نوح ..
نوح:وعليكم السلام
هو انتي مجتيش انهاردة لية؟
ماسة ضربت على جبهتها بغباء :ا انا آسفة والله يامستر نوح اني مجتش
بس حصل ظرف كدة
نوح:يعني اي حصل ظرف كان المفروض تتصلي تدينا خبر
ماسة:نسيت والله انا آسفة
نوح:مخصوملك يوم من مرتبك
ماسة كزت على سنانها:خلاص يامستر نوح ماشي ….وبعتذر مرة تانية اني مجتش
وقفلت
سليم:في ايه؟
ماسة:مافيش …كان بيسأل مجتش لية
سليم:ماسة….انا عايزك تستقيلي.
ملوش لازمة الشغل
ماسة: معلش ياسليم خليني على راحتي انا عايزة ابني كياني وكاريري
بنفسي …و عارفة ان انت وعبد الرحمن مش مخليني محتاجة حاجة والله بس انا بشتغل عشان نفسي عشان مستقبلي وكياني انت فاهمني ؟؟
سليم اماء براسة انة فاهمها
وكملوا اكل
وسليم خرج
☆☆☆☆☆☆☆☆☆☆☆
عند نوح كان خالد عندة ف المكتب
ونوح كان بيقولة:المهم ياسيدي انها مدتش رد فعل هي بس اتكسفت …يعني مرفضتش او صدتني فأنا رأي ان اروح. اتقدملها بقى بما اني اعترفتلها بحبي
خالد بتفكير:اعتقد دا انسب حل
خلاص مش انت كان معاك نمرة اخوها رن علية
نوح صح
وطلع تليفونة ورن على عبد الرحمن
عبدة:الو سلام عليكم ؟
نوح:وعليكم السلام ورحمة الله وبركاتة
انا نوح مدير ماسة ف الشغل
عبد الرحمن:اهلا وسهلا استاذ نوح ..خير في حاجة ماسة عملت حاجة؟
نوح:لا ابدا ..انا بس كنت حابب اخد معاد منك عشان اجي اطلب ايدها منك انت واحوها(طبعا نوح عارف علاقة ماسة بوالدها)
عبد الرحمن بفرح:تنور ف اي وقت …
نوح ببسمة:طيب اي أقرب معاد ممكن اجي فية؟
عبد الرحمن بتفكير:بعد بكرة …
نوح:تمام يبقى بعد بكرة… اكون عندك ف بيتك ..
عبدة :لا ماسة نقلت مع سليم ف *******
نوح:تمام يبقى اروح على بيت استاذ سليم
تمام شكرا اوي
وان شاء الله نفرح قريب
عبدة ببسمة:بإذن الله
وقفلوا
نورسين:اي سر الابتسامة الجميلة دي ؟
عبدة:في عريس متقدم لماسة
نورسين بفرحة:الف مبروك ..والله فرحتلها مين العريس؟
عبدة:مديرها ف الشغل!
نورسين:ربنا يكملها على خير وتوافق
عبد الرحمن:بإذن الله
وعبد الرحمن اتصل بسلام عرفة …وسليم بقي يعرف ماسة
☆☆☆☆☆☆☆☆☆☆☆☆☆☆☆
عدا يومين
وغزل بدأت تفتكر حجات بس مش كاملة ودايما حاسة ان في حاجة ناقصة وريان جنبها
وعبد الرحمن خرج من المستشفى وابتدا علاج طبيعي
وسليم كان بيروح مل يوم يبص على رؤى وكان سعات بيشوفها وسعات لا
وجة يوم ان نوح يتقدم لماسة
وكان هو واقف قدام المراية وبيظبط نفسة وكان لابس بنطلون بدلة اسود ..وقميص اسود وحزام
اسود
وجزمة شمواة سودة
وساعة سيلفر
ومرجع شعرة لورا
وريان كان واقف وراة بيلبس الكوتشي وكان لابس بنطلون جينز غامق وقميص ابيض فاتح اول زورارين ومشعر الكم لحد الكوع
وكوتشي ابيض وعامل شعرة
اما رؤى فكانت لابسة فستان ازرق بخامة القطيفة
اص له أكمام منفوشة شفافة
ديق من عند الوسط ونازل بوسع خفيف لحد قبل 00ل بيضه
وعملت شعرها الدهبي تسريحة كانت عملاة ويفي بكلبسات من جنب واحد ونزلت خصلة ويفي من عند ودنها والجنب التاني سابتة
وحطت ميكب هاديي وسيمبل وكان عبارة عن مسكرا وكحل ابيض وليب كومبو وبلاشر وكونسيلر
المهم كان شكلهم قمراااات
نزلوا بقى وركبوا العربية
واتجهوا على بيت سليم
…..
في بيت سليم كان سليم لابس بدلة رمادي
بقميص ابيض وكان عبد الرحمن لسة موصلش
وكانت ماسة لابسة دريس ابيض ستان صك ديق ومجسم نسبيا
في فصوص متوزعة عالدريس بطريقة كيوت اوي
بأيود واسعة ولبست طرحة بيضة ودخلتها جوا الدريس
وهيلز بيضة
وعملت ميكب مش هادي بس مش اوفر ومغيرش من ملامحها كانت لسة كيوت وبريئة
..كان عبد غلرحمن وصل هو ونورسين
وإبراهيم ومحمد(طبعا هي مش طايقاهم ولا عايزاهم يبقوا موجودين بس دي الأصول ان رجالتها تبقى موجودة )
وكانت نورسين لابسة دريس اسود كت رقيق ديق من عند الوسط ونازل باتساع لحد الركبة وهيلز بينك
وكروس بينك
وعبد الرحمن لابس بدلة سودة بقميص اسود
ومحمد لابس بدلة سودة بقميص ابيض
وإبراهيم بنطلون جينز وتيشرت بنص مبين كرشة
وعامل شعرة بجيل
نورسين راحت لماسة وهي بتحضنها وبتقول:الله اكبر يحببتي قمر ربنا يحفظك يارب
ماسة ابتسمت بخجل
ودخلوا بقى جوا وقعدوا يستنوا نوح …
ونوح وصل بعد فترة
ورحبوا بية اوي
ونور خدت ماسة ودخلوا عالمطبخ
ونورسين صبت الحاجة الساقعة ف الكاسات وادت الصينية لماسة الي كانت مكسوفة
نور :لا ونبي متعريناش وتدلقي الحاجة الساقعة عليهم
اركبي كدة ومتتكسفيش
ماسة بخجل:عاااا حاسة الصينية هتقع مني من التوتر
نور:اجمدي كدا أبت يلا وانا داخلة معاكي اهو
وأهم حاجة تديهم كلهم واخر حد نوح تمام
ماسة بتوتر:ماشي
وماسة دخلت وهي مكسوفة ونوح كان بيبصلها بحب وهو شايفها قدامة وقريب هتكون خطيبتة
ماسة وزعت على كلوا وجه دور نور ومدت الصينية لية عشان تديلوا الكأس بتاعة
نوح بغرام وهمس:عقبال مشروبات من ايدك ف بيتنا ان شاء الله
ماسة اتكسفت
وراحت قعدت جنب عبد الرحمن وفضلوا ساكتين شوية نوح:احمم ازيك ياعمي انا نوح
سليمان العامري حابب اطلب ايد بنت حضرتك الآنسة ماسة
إبراهيم بتناكة:عرفتها منين …وايه مؤهلاتك
محمد بصلة وهو بيبرقلة الي هو مؤهلات مين يابا دا يشتري بلد
نوح ابتسم بسقة وفخر:اتعرفت عليها ازاي ..ف الحقيقة هي شغالة فشركتي وانا شوفتها واعجبت بيها وحبتها وقررت ادخل البيت من بابة..
اما بقى مؤهلاتي ف انا معايا باكلريوس تجارة
وصاحب شركات العامري جروب
لو تسمع عنها …..فيلتي جاهزة من كل حاجة
ناقصها بس بنتك تشرف فيها
إبراهيم:والله يابني انت عريس ممتاز بس الرأي ف الاول والاخر رأي ماسة
ها يا ماسة موافقة ؟
ماسة اتحرجت لما حست ان الكل بيبصلها مستني اجابتها فقالت:الي تشوفوا يبابا
إبراهيم:امممم يبقى على خيرة الله نقرأ الفاتحة …كل الي كانوا قاعدين رفعوا ايدهم وقرأوا الفاتحة
إبراهيم: كدة الخطوبة هتبقى على امتى يابني
نوح:انا جاهز ياعمي يعني الوقت الي تحبوة نعمل فية الخطوبة نعملها
إبراهيم:يبقى الخطوبة على اخر الاسبوع ..
نوح:تمام يعمي
وقعدوا يتكلموا بقى وكدة
سليم ببسمة:مش يلا ياجماعة نسيب العرسان شوية لوحدهم
عبد الرحمن:اة
وكلهم قامو وراحوا على الريسبشن وابوهم ف الصالون معادا عبد الرحمن كان قاعد بعيد عنهم بحيث ميسمعش بيقولوا اؤ بس يكون شايفهم
نوح ببسمة: طب اي مش هتقولي حاجة
ماسة بكسوف:هقول اي يعني ؟
نوح:اي حاجة يعني …بقولك اي فكك من الجو الكئيب دا انتي كان أي مواصفات فتى أحلامك
ماسة بتفكير:مش عارفة …يمكن بيصلي ..طويل ..وراجل يعتمد علية …ويراعي ربنا فيا …مش عصبي. ..فرفروش واهبل
رجلة مش كبيرة ايدة تبقى اكبر من ايدي مرتين عشان صور الدبل
عيونة تكون ملونة عشان عيالنا ف المستقبل
ميكونش تخين وبكرش….يكون بعضلات رياضي..بيعرف يطبخ ويرسم …يشاركني كل اواقتي ،الحزينة،السعيدة،التافهة، ياخدني على قد عقلي لو انا غلطانة هو يعتذر …ويكون حافظ ف كتاب الله يكون سند وضهر السند علية ف الازمات
و…..ايدة بصتلة بدهشة انها قالتلة كل دة بتلقائية
نوح ضحك بهدوء وهو بيقول:طب حلو كل دول فيا معادا فرفوش واهبل بس عشانك اكون فرفوش واهبل
عادي
ماسة ابتسمت بخجل وقالت:هو احنا ههنزل نجيب الدهب قبل الخطوبة؟
نوح:امال بعدها
ماسة:معلش اعذرني متوترة عشات اول مرة وكدة
نوح:امم وقعدوا بقى يتكلموا
……
عند سليم كان قاعد كل الي بيعملة بخطف نظرات لرؤى هو اصلا مش مصدق ان هي ف بيتة لحد دلوقت يعني هو كان بيروحلها الجامعة كل يوم عشان يشوفها وتطلع اخت المدير بتاع ماسة
كان عمال يبصلها بحب
طبعا كلهم كانوا بيتكلموا ف رؤى قالت لعبد الرحمن:اة ربنا يخليهالك باين بتحبوا بعض اوي …
وانت يا استاذ سليم مش مخطوب او متجوز او بتحب حد
سليم بحب:لا خالص …بس شكلي كدة هحب وهتخطب وتتجوز قريب
وكان نظراتة مسلطة عليها
رؤى حست ان الكلام ليها متعرفش لية ف اتكسفت
وكلمت نورسين
المهم اليوم خلص
وعدت الايام ونزلوا اشتروا الدهب
وجة يوم الخطوبة وعملوها فقاعة
كبيرة ….والصحافة بقى كانت هارياهم اسألة
واليوم كان حلو ومميز جدا
وقرروا ان الجواز بعد سنة بس هيكتبوا الكتاب بعد شهر عشان ياخدوا راحتهم اكتر ويخرجوا مع بعض عادي
.☆☆☆☆☆☆☆☆☆☆☆☆☆
عند جيجي كانت عرفت بموضوع خطوبة ماسة ونوح وكانت بتغليف وراحت للشيخ هي وسهر
الشير واسمة عثمان :يا اهلا يا اهلا يا انسة جيجي
جيجي بابتسامة مصتنعة بعد ما دخلت المكان وشافتة وقلبها الي اتقبض دا من مجرد دخولها:اهلا بيك ياشيخنا
الشيخ وهو ماسك مسبحة وبيسبح:جاية عايزاة يسيبها ويفسخ الخطوبة ويجيلك ياجيجي …
جيجي اتخضت هو ازاي عرف انه خطب اصلا وهي اصلا محكتلوش حاجة قالت بخوف:ا انت عرفت ازاي
الشيخ ببسمة مش مريحة؛مش مهم …المهم ان طلبك سهل …بس كلوا بتمنوا
جيجي :هديك كل الي انت عايزة …بس ونبي خلصني منها بموت وهو معاها هي مش معايا
الشيخ:١٠٠٠٠ جنية وحاجة من ريحتها وكل حاجة هتتحل …جيجي :الفلوس موجودة بس انا متعاملين معاها قبل كدة عشان اعرف جيب جاحة بتاعتها
الشيخ وهو بيسبح وبياكل البانة:دي حاجة ف ايدك لو عايزة تخلصي منها
ويجيلك انتي؟

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية نوح ورؤى)