رواية نوح ورؤى الفصل السابع والأربعون 47 بقلم ريتاج محمد

رواية نوح ورؤى الفصل السابع والأربعون 47 بقلم ريتاج محمد

رواية نوح ورؤى البارت السابع والأربعون

رواية نوح ورؤى الجزء السابع والأربعون

 رواية نوح ورؤى الحلقة السابعة والأربعون

:دي حاجة ف ايدك …لوعايزة تخلصي منها ويجيلك انتِ
جيجي بتردد:طب هو انت هتعملهم اي
الشيخ ببرود وبجاحة: عمل !
جيجي بخضة:ع عمل اي …لا طبعا حرام
و ووبعدين هو مش انت شيخ ازاي بتعمل اعمال؟!
الشيخ بهدوء:يابنتي انا مبعملش حاجة غلط ولا حرام
عشان مبقاش شيخ
انا برجع الحاجة لصاحبها يعني كمان باخد حسنات على كدة مش انتي لو في حاجة منك مسروقة بتروحي للشرطة عشان تعملي محضر وترجعلك حاجتك؟
جيجي بخوف منة. :اا اة
الشيخ:اهو شوفتي انا بعمل نفس الحاجة بس من غير الشرطة
يعني انتي دلوقتي شايفة انة هو من حقك انتي مش من حقها هي ..يبقى نرجعهولك مدام مش من حقها
انا يبنتي مش وحش ولا حاجة دنا عارف ربنا وحافظ كتابة كلة بس انا بحب اساعد الناس اويي
ها يبنتي قولتي اي
جيجي بتفكير وهي تقريبا اقتنعت بالعبط الي كان بيقولة:م ماشي هعملها
(طبعا يجماعة التفكير دا تفكير مريض وعبيط وجهل
ودا كدا مش شيخ دا دجال ونصاب و مفيش حاجة اسمها انا بساعد الناس بأني ارجعلهم حجاتهم دا عبث ودجل وكفر بالله حتى ولو عارف ربنا وحافظ القرأن لان الي بيستعين بغير الله فحياتة …يبقى كفر وليعاذ بالله يجماعة عشان كدا السكك دي كلها حرام ف حرام ومينفعش حد يمشي فيها 🥺♥️)
الشيخ (الدجال ):طيب هاتي الفلوس واي حاجة بتاعتها او بتاعتة
جيجي: لا بتاعتة اي انا مش هعمل حاجة لنوح حبيبي هعمل للعقربة الي معاة …بس انا مش معايا حاليا !
الشيخ اتصرفي…يا اما ابقى تعاليلي بقى لأما تكوني مجهزة الاتنين
جيجي :طيب انا همشي وهحاول ف اسرع وقت اجهز الفلوس
الشيخ(الدجال) :في حفظ الله ورعايته
☆☆☆☆☆☆☆☆☆☆☆☆☆☆
عند غزل وريان كانت غزل استعادت ذاكرتها
كلها بس الغريب انها مدتش اي ردة فعل لريان الي تزعق او تمشي او اي حاجة
فضلت مستنية ريان لحد ما جة وخبط على باب الشقة
فتحتلة بابتسامة مصطنعة
ودخلتة وواربت الباب
مقفلتوش
ريان دخل قعد وهي حضرتلة عصير
وقعدت معاة وكانوا ساكتين لحد ما قطعت الصمت دة وهي بتقول بهدوء:انا رجعتلي الذاكرة !!!
ريان كان بيشرب العصير نزل الكوباية بلهفة وهو بيقول وخايف تقرر تبعد:بجد ؟؟!
غزل ببسمة:اة والله ..انت لي ضحكت عليا وقولتلي اننا كاتبين الكتاب؟
ريان لسانة وقف معرفش يقولها اي ….سكت للحظات وقال بصدق:يمكن متصدقنيش …بس. انا مكنتش عايزك تبعدي ..كنت حاسس انك مسؤلة مني ومينفعش اسيبك !
منا كان ممكن اسيبك ف المستشفى وادفعلك المصاريف واحطلك احسن طاقم أطباء وتمريض ف المستشفى كلها ..بس انا قررت اخدك عشان حسيت ان…
غزل:انك اي؟
ريان:مش مهم ..
المهم احكيلي حكايتك ..
غزل وهي بتتنهد:قبل ما احكيلك حكايتي عايزة اقولك انا لي لما الذاكرة رجعتلي متعصبتش عليك وان انت يعني ضحكت عليا وكدة وقولت انك جوزي …عشان انت انقذتني …انا أيقنت ان ربنا ف اليوم بعتك ليا عشان مموتش…
انا كنت متربية ف ملجأ …وعدت الايام والسنين والشهور …وجة الوقت الي اخرج من الملجأ بقى …خرجت والدنيا كانت بتلطشني كل قلم والتاني …
انا كنت ماشية فيوم مش عارفة رايحة فين …رجلي ودتني عند عمارة هيكل مكنش في ناس حواليها…
قعدت على سلمها وانا مش عارفة هجيب فلوس منين ولا مكان اعيش فية ازاي
سمعت صوت بت ساعتها بتتوسل لشخص …الصوت كان جاي من. البدروم
نزلت اشوف في أي
لقيت واحد رافع سل*اح على واحدة ..انا حطيت ايدي على بقى من الصدمة والخوف والشخص دا قتلها …قتلها قدام عيني…
انا دخلت فصدنة واغمى عليا ساعتها
وصحيت لقيت نفسي فمكان غريب فية بنات كتير أوي. الي قدي والي اكبر مني والي أصغر ولقيت نفسي لساني تقل من الصدمة مكنتش بعرف اتكلم عايد
سألتهم احنا فين محدش كان عارف …انا كان عندي فضول اوي اعرف احنا فين
لما كان اي حد يدخل كنت ببقى مركزة معاة اوي لعل اعرف احنا فين
المهم فيوم كان واحد دخل عشان يرمي كام بنت معانا زي كل يوم يعني
جاتلة مكالمة والي عرفت بعدها ان احنا مخطوفين من عصابة بيع اعض*اء
انا كنت خايفة ومش عارفة اعمل ومحدش كان عارف كدة غيري …
اليوم الي بعدة لقيتهم بينقلونا فعربيات كبيرة والي اكتشفتة انهم كانوا هينقلونا على مكان التنفيذ …ووحنا ماشين العربية عطلت بينا ق الراجل الي كان معانا ف العربية من جول نزل يشوف في أي….انا الطريق كان قدامي ان اهرب …فهربت …طلع يجري ورايا وبعدها لقيت رجالة تانية بسلاح جاين ورايا وعاملين يقولولي لو ماجيتيش الباشا هيموتك ..
انا نفضتلهم وفضلت اجري لحد ما خبط فيك …
ولما انت اتخانقت معاة ورفعت السلاح بتاعك انا اترعبت ..وطلعت اجري والعربية خبطتني ..
وانت عارف الباقي ..
ريان بدهشة:انا مش مصدق …انا ولا كأني بسمع رواية ،فيلم
هو الي انتي بتحكية دا حقيقي ؟
غزل عيطت وقالت بخوف: ريان متندمنيش اني حكتلك…انا خايفة اوي يكونوا لسة بيدورا عليا
ولو لاقوني هيموتوني وياخدوا اعضائي ونبي متمشنيش من هنا ياريان
ريان :انتي هبلة ياغزل.؟….انا اصلا حتى لو مكنتيش حكيتيلي مكنتش همشيكي من هنا !
غزل بفرحة ودموع :بجد
ريان:بجد
غزل:طب لية؟
ريان:مش مهم …. بعدين !
☆☆☆☆☆☆☆☆☆☆☆☆☆☆☆☆☆☆☆
عند ماسة ونوح كانوا ف الشركة
ماسة :نوح الاجتماع هيبدأ يلا الناس مستنيين
نوح وهو شغال على الاب :طيب طيب حاضر..
ورفع راسة:جهزتي الورق ؟
ماسة:اة
نوح قام من على الكرسي:طيب يلا ..
وراحوا على غرفة الاجتماعات…
واتناقشوا في حاجات تخص الشغل وبعد مدة الاجتماع خلص
وكل واحد راح مطرح ما راح
عند نوح ف مكتبة:ماسة اخر كلام متحضرين معايا حاجة تاني
عاجبك يعني وهو بيبصلك ؟
ماسة:اكيد لا يانوح ..بس انا مالي هو انا الي قولتلة يبصلي؟!
نوح بعند:مليش فية اخر كلام مفيش حضور معايا اجتماعات تاني
ماسة وهي بتسايسة:طيب حاضر…خلي بالك انك عندك ميتنا كمان ساعة
نوح:ماشي …يلا بقى على شغلك
ماسة:نيني رايحة
☆☆☆☆☆☆☆☆☆☆☆
عند خالد كان مرحش الشركة اليوم دة
…..كان رايح يزور خالتة وهي طبعا ساكنة فمنطقة شبة شعبية ..واتصلت بية
وهو ف العربية
خالد:الو ياخالتو عاملة اي
سهام:الحمد لله ياحبيبي انت عامل ..
خالد:بخير..في حاجة ..
سهام:اي في حاجة دي …اسمها حضرتك بتتصلي لية
خالد بضحك:طب حضرتك بتتصلي لية ؟
سهام بتكبر مصتنع:ايوا كدة …هاتلي الدوا بتاعي ونت جاي عشان خلص
والولا هيثم لقرع مجابهوش
خالد:طيب ياحببتي حاضر مليني اسمة
وطلع ورقة وقلم وكتب اسمة
خالد:طيب ياحببتي عايزة حاجة تاني
سهام:متحرمش ياحبيبي بس هاتلي ونت جاي كيلو رز ونص كيلو طماطم وكيلو بصل وربع توم
خالد بضحك :طيب حاجة تاني
سهام:لا لو عوزت ابقى اديك رنة
خالد ببسمة :ماشي
وكمل سواقة ووقف عند صيدلية د/وليد كشك
ونزل عشان يجيب العلاج
☆☆☆☆☆☆☆☆☆☆☆☆☆☆☆☆
عند فهد كان ف البيت وكانوا لسة راجعين مم عند دكتور العلاج الطبيعي
فريدة دخلت خبطت على مهرة فتحت
فريدة :بقولك يامهرة ونبي لحسن والله ماقادرة أقف انزلي هاتي العلاج لخوكي من الصيدلية الي تحت
عشان خلص ومخدوش
مهرة:طيب …هاتي الفلوس
فريدة ادتها الفلوس وقال:اة ونبي هاتيلي نص كيلو خيار .واي فاكهة اعملها عصير لخوكي
مهرة:طيب
ونزلت وراحت على الصيدلية وكان خالد واقف والدكتور بيشوف الدوا
الدكتور باسف:للاسف الدوا دا مش متوفر هنا حاليا
خالد :طب متعرفش اني أقرب صيدلية هنا
الدكتور:لا والله انا لسة جديد ومعرفش حاجة هنا
خالد اتنهد وبص جنبة شاف مهرة
خالد:يا انسة متعرفيش فين أقرب صيدلية هنا
مهرة وصفتلة أقرب صيدلية وخالد شكرها ومشي
ومهرة كانت حاسة انها شافتة قبل كدة
الدكتور:يا انسة ..يا انسة
مهرة:اية ..اة آسفة اتفضل عايزة الدوا دا
الدكتور اخد منها اسم الدوا وجابهولها وحاسبت وكانت بتتمشي عشان تروح لمحل الخضار
عشان هو بعيد
☆☆☆☆☆☆☆☆
عند خالد ركب العربية وراح على الصيدلية الي وصفتهوله مهرة
وبعد ما اشتري سأل شخص على محل خضار
وراح علية
بس مكنش عارف يعمل اي واي ينقي
هنا مهرة كانت داخلة المحل عشان تشتري الحاجة الي قالتلها فريدة عليها
وقفت تنقي الخيار ..
وبعدين راحت تشوف. المانجا والموز
خالد كان بيبص هي بتنقى ازاي
وراح عند الطماطم وبدأ يعمل زيها يمسك واحدواحدة ويبص عليها وهو اصلا مش عارف هو بيعمل اي
ونقى حبة حلوين
وراح يحاسب الراجل بصلة باستفهام:ايدا ..
خالد:اي طماطم
الراجل وهو بيشاور على مكان الطماطم وقال:يعني سبع الصابحة والحمرا والمشكلة وجايبلي دول انت شارب حاجة يابني
اي دا دي خضرا وناشفة
خالد اتحرج ومكنش عارف يعمل اي
الراجل وهو بنادي مهرة:ونبي يا انسة
مهرة لفتلة
الراجل لخالد :عايز قد اي
خالد:مش عارف هات كيلو
الراجل:واي تاني
خالد:واتنين بص وربع توم
الراجل لمهرة:ونبي عبيلي واحد اوطة واتنين بصل وربع توم
مهرة:البصل احمر ولا ابيض
خالد:ابيض ابيض
مهرة :طيب
وبدأت تنقيلو
وخلصت وادت لخالد الحاجة وهي بتقول ببسمة:عد الجمايل بقى
خالد ابتسم بخفة
وحاسب على الحاجة ومشي
ومهرة كمان مشيت
وصلوا بعد مدة
عند مهرة
فريدة:انتي اتأخرتي لية يامهرة؟
مهرة:عشان اشتريلك الحاجة يابحببتي بعدين كان في واحد اهطل مش عارف ينقي حاجة فكسبت في ثواب ونقتلة انا
فريدة:طيب وادت لفهد الدوا
ودخلت المطبخ عملت العصير وعملت مهلبية بالمانجا
وقالت لمهرة:ونبي يامهرة انزلي ادي الطبقين دول للحاجة سهام الي تحتنا لحسن بتحبها من ايدي اوي
مهرة:في أي يابنتي هو حد كان قالك اني المرمطون بتاعك ؟
فريدة:معلش ..يلا بقى
مهرة:يا حول الله يارب هاتي..
وفتحت باب الشقة عشان تنزل
فريدة:انتي هتنزلي كدة ؟
مهرة. كانت مغيرة هدومها ولابسة بجامة بنص كم
مهرة:اة هي بتبقى قاعدة لوحدها لكيد أبها مجاش دلوقت زمانة ف الشغل
فريدة:طيب
ومهرة نزلت وخبطت على الباب
☆☆☆☆☆☆☆
عند خالد كان وصل عند خالتو
ورحبت بية وعملتلة شاي
ودخلت تعمل الاكل
والباب خبط
سهام بص ت عالي:ياولا ..انت يلا شوف مين بيخبط عشان التومة هتتتحرق
خالد قام وفتح الباب شاف مهرة
خالد:انتي
مهرة:في حاجة …وبعدين مش دي شقة طنط سهام ؟
خالد:اة
مهرة :طب اديها دول وقولها فريدة هي الي عملاها وبتسلم عليكي
خالد:لا شكرا مش عاوزين حاجة
مهرة:انا مش جايبهالك انت ياجدع
انا جايباها لطنط سهام
سهام وهي خارجة:مين عالباب ..ايدا مهرة عاملة اي ياحببتي بقالي زمان مشوفتكيش
مهرة حضنتها:الحمد لله بخير ياطنط فريدة عملتلك مهلبية المانجا الي بتحبيها
سهام:والله البت فريدة دي فيها الخير والله مش ناسياني ابدا
دخلها ياخالد جوا
خالد دخلها وقعد
وسهام كانت بتكلم مهرة خلصوا كلام ومهرة طلعت
☆☆☆☆☆☆☆☆☆☆☆☆☆
عدا شهر ونص والأحوال تمام الي حد ما
نوح وماسة بيحبوا بعض وماسة اعترفتلة بحبها وكتبوا الكتاب وماسة رسميا بقت مرات نوح وقعدها من الشغل
ريان لسة مخلي غزل فشقتة
وشكلة بيحبها
سليم بقى بيكلم رؤى عشان هي اخت خطيب اختة وكدا
نورسين وعبد الرحمن بيحبوا بعض بس دايما نورسين حزينة
فهد بدأ يحاول يمشي وحدة وحدة
ومحمد لسة بيدور على البنت الي شافها قبل كدة
خالد بقى بيروح لسهام كتير …وبيشةف مهرة واتعود عليها وحصل إعجاب مابينهم
جيجي مش عارفة توصل لماسة ومش طايقاهم ونفسها تفرقهم عن بعض ومش عايزة تعمل لنوح حاجة عايزة تعمل لماسة بس
وقررت انها هتروحلها فمرة وتنتش اي حاجة
من بتاعتها لأنها مش طايقة علاقتهم
………..
عند ماسة ونوح
كانوا فعربية نوح عشان يخرجوا
ماسة:ونبي يانوح عايزة ارجع الشغل
نوح:ماسة انا قولت لا …انا مش عايز مراتي تشتغل لما ابقى مش هكفي طلباتك ساعتها ابقى انزلي اشتغلي
ماسة:هووووف ..
طب هنروح فين
نوح:هنروح نختار الوان الاوض ..والله انا مش فاهم انتي لية قررتي تعيدي كل حاجة ف الفيلا
ما كانت جاهزة
ماسة:عشان احس اني عروسة يانوح …هيكون لازمتي اب بقى لما اجي عالجاهز العادات مش كدة خالص
نوح:ماشي يام العادات
وطلع بالعربية
وكانت باصة للشباك بحزن عشان هي عايزة تشتغل وهو مش راضي
لقت الي باس خدها وقال :والله مش بفرض سيطرتي عليكي ولا حاجة ياروحي

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية نوح ورؤى)