رواية اكاذيب العشق الفصل الثالث 3 بقلم شهد وائل

رواية اكاذيب العشق الفصل الثالث 3 بقلم شهد وائل

رواية اكاذيب العشق البارت الثالث

رواية اكاذيب العشق الجزء الثالث

رواية اكاذيب العشق الحلقة الثالثة

نوران بدموع وحطيت أيدها علي خدها بوجع بتضر*بني لي انا عملت اي يبابا
عادل ومسكها من ايديها مين اللي كانتي نازله معا من العربيه ده يبت انطقي
رجاء بسرعه ده الدكتور بتاعها ي عادل البت أغمي عليها ف شارع وهو ساعدها وجابها البيت الراجل يشكر وحتي هو اتصل طمني
عادل وبصلهم وداخل الحمام ونسرين ورجاء حضنوها وحاولوا يهدوها
نوران ومسحت دموعها وبتقوم تدخل اوضتها وقفلت عليها الباب وكانت منهاره وبتفكر ف الف سؤال لو ابوها عارف هتكون نهايتها اي
رجاء وكانت بتلبس عادل التيشيرت حرام عليك يعادل البت معملتش حاجه وكمان كانت تيجي تسال ده نوران دلوعتك واخر العنقود
عادل بحزن مفكرتش بقا ي رجاء وكمان اهل المنطقه كانوا مركزين اوي وهي نازله
رجاء خلاص روح صالحها حتي بكلمه وراضي بخاطرها دي تعبانه الفتره دي يعادل وخايفه تكون انيميا أو حاجه
عادل ابقي خوديها اطمني عليها عند دكتوره شيماء اهي من العيله وتعرفنا وطمنك وطمني ونسرين جايه لي حصل حاجه بينها وبين هاني
رجاء الاتنين معرفش مالهم نسرين مش عايزه تسافر وهاني عايزها ويروحو برا عشان شاف شغل هناك وهي دماغها والف سيف مش راحه معاك ف حتي ي هاني
عادل أنا هكلمها يلا هدخل اشوف نوران وانتي حطي الاكل عشان جعان اوي
نوران وكانت بتعيط وداخل عادل وهي مسحت دموعها خير ي بابا في حاجه
عادل وحضنها لسه زعلانه مني خلاص ي نونو قلبك ابيض ي حبيبت بابا انتي ومش هضر*بك تاني كانت تنقط*ع ايدي
نوران بسرعه بعد الشر ي بابا محصلش حاجه ي حبيبي وتعاله كدا ي عدوله ايدك تقيله يخويا افتكرت ايام إعدادي لما كانت بشيل ماده
عادل وضحك قومي ي لمضه يلا عشان نأكل وصاحب الشركه انهارده ابنه كان موجود فشركه في ضغط جامد ف شغل وغير اني ماسك قسم الحسابات كله ف اتاخرت انهارده
نوران ايوا زي ابطال الرايات ي حج
عادل وضربها علي دماغها بخفه قومي يلا من قدامي وراحو ياكلو والباب خبط نوران لبست الطرحه وفتحت وكان هاني
هاني عامله أي ي نونه شامم ريحة اكل خالتي الجميل وشكل كدا في حاجه تفتح النفس
نوران بابتسامه وقلعت الطرحه ايوا يسطا خالتك عامله شوية محشي تاكل ايدك وراها ادخل عشان جعانه اوي
هاني وداخل عامل اي ي عمي عامله أي ي خالتي وحشتوني خليكم مفيش سلام علي طعام وقعد ونسرين كانت زعلانه منه وبعد الاكل أداها بوكس لي شوكولاته وخدها وساب العيال عند رجاء
نوران وكانت شايله فجر وبترضعها ونامت وخدتها رجاء تنيمها جنبها ويونس نام مع نوران
يونس خالتو عمرك فكرتي تحبي أو حد عجبك
نوران واتعدلت ف نومتها وبصت لي اممم وانته اي عرفك الكلام ده ي صغنن
يونس بضحك أنا مبقتش صغر ي خالتو كمان احنا ف جيل جديد وكمان ف 2024 يعني عادي
نوران بحزن الحب ده حاجه وحشه اوي ي يونس حرفيا بيقتل حبيبها واللي بيحب حد عمره ما بياذي خليها ف دماغك ي يونس اللي بيحبك هيضحي باي حاجه عشان يثبت لك انه لسه بيحبك
يونس شكلك حبيتي قبل كدا ي خالتو بس سابك معلشي هو صنف وحش الرجاله دول
نوران وضحكت جامد شكلك فاهم يا نصه وعامل نفسك من بنها انته طفل انته عندك خمس سنين انته
يونس بمرح ما قلت لك يا خالتو ايزي بقى احنا بقينا في 2024 يعني عادي ايزي وكمان احنا بقينا جيل جديد يا خالتو تطور التكنولوجيا ما بقيناش في ايام الجهل
نوران ايام الجاهل على الاقل ما كانش فيها تطور زي اللي احنا بقينا فيه المجتمع مفتوح واقرب على الغربي شويه ما بقاش مجتمع الشرقي خالص والبنت بتعمل اللي هي عايزاه ترجع تندم زي حاجات كثيره اوي ندمت عليها بس انا ندمى كان قوي اوي انته مش هتفهمني ولا هتعرف انا بقول ايه
يونس على فكره يا خالتو انا فاهمك ما تفتكريش ان انا صغير اكيد مش هفهم حاجات كثيره انا ممكن اكون فاهم اكتر منك وشايف نظره العالم اكثر منك وشايف الوحش والطيب والشرير زي باتمان كده اهي دي حاجات تخاريف واحنا عارفين ان هي تخاريف بس بنتفرج عليها عشان تسليه زي ناس كده في حياتنا بيتسلوا بينا أحيانن
نوران بدموع كانت فين من زمان ي يونس وحضنته وكانت منهاره ويونس كان بيعيط معاها ونوران استغربت
نوران باستغراب طب انته بتعيط لي أنا بعيط عشان افتكرت حاجه ونفسيتي وحشه انته لي
يونس وبيمسح دموعها دموعك غاليه اوي ي خالتو اعرفي ده كويس متخليش حد يعيطك أو يشوفك وحشه أو انك اقل من اي حد كلنا ولاد تسعه وكلنا هنمو*ت واخرتها قبر ظلمه مفهوش حد بس الانسان بيرجع يفوق متأخر اوي ي خالتو
نوران ياااه ي يونس كلامك ده اثر فيها جامد فعلا اخرتها قبر و ظلمه ومفيش حد معانا واخرتها هتنسي ومحدش هيفتكرني
يونس عايزه اقولك حاجه ي خالتو يمكن قعدتي مع بابا وماما الكتير اللي بتكون كلها مشاكل وغير أن بابا لي وجهة نظر وماما ليها هي كمان بس ف الاخر الاتنين برجعو احسن من الاول بس ماما عمرها ما فكرت تقول لبابا يطلقها دايما بتقوله أنا وصلت ليك بالعافيه وانته كمان مش عايزه نهايتنا تكون كدا وعيالنا ملهمش ذنب
نوران بحزن اقولك قصه ي يونس مره واحده حبت واحد اكتر من نفسها كان معاها ف كليه بس كان أكبر منها ب سنه عجبته بس زي ما تقول كدا كان تسليه وهي سلمت نفسها لي انته مش هتفهمني والبت دي حبته اوي أو يمكن مكنتش بتحبه لما سابها وهي حامل ومش عارفه تعمل اي فكرك ي يونس ده بيحبها
يونس عايزه الصراحه ي خالتو ولا اكدب عليكي ولا اي الدنيا عشان نكون علي نور
نوران قول الصراحه والنور عايزه اعرف يمكن انته ي لمض شايف الناس اكتر مننا واحنا اتعمينا باين
يونس بصي ي خالتو واتعدل قدامها ومسك ايديها زي دلوقتي أنا مسكت ايدك وقولتلك بحبك انتي بقا هتفرحي و واوووو حد بيحبني والكلام الكتير ده ي خالتو انتي فهماني هتقوليلي عرفت ازاي بابا والست اختك لما بابا بيحب ياكل ب عقلها حلاوه ده كان بيتسله بيها واكيد مكنش بيحبها ويلا أنا عايز انام تصبحي علي خير ولو تعرفي البت دي ي خالتو حاولي تنصحيها والبيبي ملوش ذنب ف القصه دي كلها دي كانت غلطتها ومتحملش نفسها ونام يونس
نوران وبتفكر ف كلام يونس ازاي طفل قدر يقولها الكلام ده ازاي طفل قدر يشوف يوسف اكتر منها وكانت هي اللي مخدوعه ب اسم الحب وكانت بتفكر كتير ولقت رساله علي تلفون وفتحتها واتصدمت و………

يتبع…..

لقراءة الفصل التالي : اضغط هنا

لقراءة باقي حلقات الرواية اضغط على : (رواية اكاذيب العشق)