رواية ما يخبئه لنا القدر الفصل الخامس 5 بقلم زينب رشدي
رواية ما يخبئه لنا القدر الفصل الخامس 5 بقلم زينب رشدي
رواية ما يخبئه لنا القدر البارت الخامس
رواية ما يخبئه لنا القدر الجزء الخامس
رواية ما يخبئه لنا القدر الحلقة الخامسة
نعمة: ملك في شخص عايزك
ملك باستغراب: شخص مين
نعمة: معرفش هو سأل عليكى وقال عايزك
عمر: مقالش هو مين
نعمة بخبث: لا بس الظاهر بيحبك لان اضايق لما عرف انك قاعده مع استاذ عمر
عمر بضيق: نعم؟ بيحب مين؟
ملك: طيب تعالى نشوف مين عن اذنك ي عمر
راحت ملك مع نعمه واتصدمت اول لما شافت ياسر
ملك: انت عرفت منين ان هنا واي جابك معتقدتش انك جاي تشمت
ياسر: لا جاي اشوفك
ملك بضيق: وتشوفنى ليه اي بينى وبينك
ياسر: انتى عارفه ان بحبك وكل اللى عملته كان غصب عنى
ملك:ياسر انا مش قادره اناهد معاك عملت معملتش ظلمتك بتحبنى مش بتحبنى انا نسيتك ومش عايزه اشوفك تانى وروح لخطبتك بقاا وابعد عنى
ياسر:مستحيل تكونى نستيني ملك انسي كل اللى عملته واهو انتى بتتعالجى لحد ما تخفى اكون وقفت على رجلى ونتجوز
ملك قامت: انت لو اخر راجل في حياتي مش هرجعلك عن اذنك
رجعت ملك اوضتها وكانت مضايقه انها عرفت واحد زيه وحبته في يوم من الايام وشويه ودخلت نعمه
ملك: نعمه سبينى دلوقتي انا مش طايقه نفسي ولو الحيوان ده جاه تانى ميدخليش فاهمه
نعمه: زي ما تحبى بس في معاد حقنه
ملك بعصبيه: نعمه
نعمه بخضه:طيب عن اذنك
عمر دخل: في اي
نعمه: مش عارفه متعصبه ورافضه العلاج
عمر: طيب روحى انتى
ملك: عمر مش قادره اتكلم
عمر: ليه مين ضايقك
ملك رفعه حاجب: عمر انت بتستذكى مش عايزه اتكلم
عمر مسك ايدها وشمر الكم: سامعك اتكلمى
ملك باستغراب: انت بتعمل اي
عمر مسك الحقنه: ولا حاجه
ملك بخوف: عمر اعقل
عمر: عاقل جدا
عمر قرب ومسك ايدها يعطيها الحقنه وهي مسكت ايده التانيه جامد لحد ما خلص
عمر بضحك: ههه خلاص اهدي خلصت
ملك بدموع: رخم
عمر: اسف اتكلمى يلا في اي
ملك: ياسر كان هنا
عمر بضيق وغيره: اممم وعايز اي
ملك: بيقول ان لسه بيحبنى وعايز يرجع بعد ما اخف
عمر: هااا وانتى قولتى اي؟
ملك: رفضت طبعا انا مستحيل ارجعله
عمر: اومال مضايقه ليه
ملك: مضايقه عشان كنت مخدوعه فيه ازاى حبيت ووثقت في واحد ازاى كنت عميه كده
عمر: لسه بتحبيه
ملك: لا والله خالص انا اصلا اول لما سبته نسيته متسالش ازاى انا اكتشفت ان محبتهوش اصلا كنت حابه اهتمامه وكلامه انا كنت فى فتره عندى قله ثقه وكنت محتاجة ده وهتقولى زعلتى عليه ليه؟ هقولك مزعلتش عليه بس حاسيت ان قليله ان مري’ضه وهم’وت وان معرفته بيا بتقلله وان مليش لازمه في الدنيا ده اللى ضايقنى ثم كملت ببكاء رجع قله ثقتى في نفسي تانى خلانى كرهت حياتى تانى حسسنى انى مليش لازمه وقليله جدا
عمر حضنها: اششش اهدي انتى مهمه جدا وعلى الاقل في حياتي عمرك ما كنتى قليله فاهمة دموعك دي غاليه عليا اوعى تبكى او تحسي انك قليله
ملك بعدت باستغراب: مهمه في حياتك؟ ودموعى غاليه؟طب ليه؟
عمر بتوتر:ايوه
ملك: ليه ي عمر
عمر بحب: عشان حبيتك ي ملك ايوه عرفتك من وقت صغير بس حبيتك حبيت شخصيتك اللى مختلفه عنى حبيت حبك للناس ومساعدتهم رغم انك تعبانه زيهم ومحتاجه دعم حبيت ضحكتك حبيت هزارك حبيت شجاعتك انك تهربى من المستشفى حبيت كل حاجه فيكى
ملك بصدمه: هاا؟ انت قولت اي؟
عمر بحب ومسك ايدها: بحبك ي ملك بحبك
ملك بخجل: ا انا نعمه بتنادى عن اذنك
عمر بضحك: هههه مجنونه بس بعشقك
تانى يوم ملك بتتهرب من عمر ومكسوفه منه وهو مضايق منها وكل ما يكلمها تمشي وتسيبه ودخلت الجلسه من غيره خرجت كالعاده تعبانه دخلت اوضتها وشويه دخل عمر
عمر بقلق: انتى كويسه
ملك بتعب: ااه ك
وقبل ما تكمل جريت على الحمام قفلت وراها وفضلت فتره وعمر قلقان لحد ما خرجت وسندها
عمر بقلق: انتى اول مره توصلى للحاله دي
ملك تعب: هيثم بيقول ان ده طبيعى بعد كده
عمر: ب
مكملش عمر بسبب ان ملك جريت على الحمام تانى المره دي دخل وراها وفضل سندها
ملك باحراج: عمر اخرج
عمر: مش هسيبك
مريم: عمر المنظر
ملك سندها: حبيبتي اهدى انا جنبك
خلصت وغسل وشها ونيمها
عمر: احسن
ملك: مش عارفه
عمر: طيب انادى هيثم
ملك: لا لا هبقي كويسه
عمر: متاكده
ملك: عمر صحيح انت برضو تعبان جيت ليه
عمر: يعني اسيبك وانتى في الحالة دي
ملك: ايوه بس انت تعبان وانا هتعبك اكتر
عمر مسك ايدها: تعبك راحه
ملك سحبت ايدها بخجل: شكراً
عمر: اممم فكرتينى بتتهربى منى ليه النهارده
ملك: انا؟
لا عادي
عمر: والله طيب مش هتقوليلى ردك
ملك بخجل: ردى على اي
عمر: على اللى قولته امبارح
ملك بتمثيل: اي ده انا جعت فجاءه كده ليه
عمر رفع حاجبه:جوعتى اممم على العموم ده مش وقت عشاء ومش عايز ردك دلوقتي عن اذنك
ملك اول لما خرج كلمت مامته وطمنتها وشويه ودخل آدم
ملك: آدم كويس انك جيت
آدم بقلق: مالك ي حبيبتى انتى كويسه عمر بيقول انك تعبانه
مريم: الحمدلله متقلقش انا بس كنت عايزة اقولك حاجه تانى
آدم: حاجه اي
ملك: احم بصراحه امبارح حصل……..
آدم كاتم ضحكته: وانتى قولتى اي
ملك بضيق: آدم متضحكش هضربك
آدم ضحك جامد: هههه هههه قولتلك ومصدقتنيش
ملك: طيب ي عم شاطر
آدم بجدية: لا بجد انتى رايك اي
ملك: مش عارفه ي آدم معرفش انا حبيته ولا لا كل اللى اعرفه ان عايزه ابقى جنبه وقريبه منه
آدم كاتم ضحكته: صح غريبه
ملك بعصبيه: آدم
آدم: اصل اقولك اي بتقولي مش عارفه بحبه ولا لا بس عايزة افضل جنبه
ملك: طيب اطلع برا هضربك والله
آدم: اي ي حبيبتى المعامله دي انا جاي اطمن عليكى وجبتلك شيكولاته عشان تسامحينى
ملك خادتها: هات وامشي برضو عشان مش طيقاك
آدم بخبث: مش طيقانى وطايقه مين بقا اندهلك حد يهديكى
ملك ضربته بالمخده: آدم اخرج والله لو قادره اقوم لكنت موتك ضرب
آدم بعند: مش خارج
عمر دخل: في اي صوتكم عالى
ملك: عمر خرج المستفز ده هضربه
عمر: عملتها اي بس
آدم بخبث: والله ما عملتلها حاجه انا جبتلها الشيكولاتة اللى بتحبها وكنت بقنعها ترجع ل ياسر اللى بيحبها وجه كلمنى
ملك بعصبيه: ي مستفز
عمر بضيق: ادم تعالي معايا عشان شكلى انا اللى هضربك
آدم باس خدها: باى ي قلبى
خرج هو وعمر
آدم: مش عارف متعصبه ليه
عمر بجديه: آدم انا بحب اختك
آدم: ليه؟
عمر باستغراب: يعنى اي ليه؟
آدم: ملك حكتلى كل حاجه ي عمر ملك حياتي كلها بعتبرها بنتى ومش حمل تتجرح تانى
عمر: وانا عمرى ما اجرحها انت عارف ان عمرى ما حبيت قبل كده وعايش عشان امى والشغل بس وجات اختك غيرت ده خلتنى احب الحياه خلتنى متمسك بالدنيا حببتنى في الدوشه والخروج والناس خلتنى اعشقها
آدم: هتحافظ عليها ومش هتزعلها
عمر: فى قلبى وفي عينى مش هتشوف دموعها طول ما انا في حياتها
آدم: وانا واثق فيك
عمر: واوعدك اول لما المحنه دي تعدى هطلب ايدها فوراً
آدم: وانا موافق ثم عارف لو اتعديت حدودك وانت معاها هنا هقت’لك
عمر: اتلم يااد دي حياتى هحافظ عليها برموش عينى
آدم بصدمه: عمر بيتكلم عن الحب
عمر: اعتقد انك كنت بضايق حببتى جوا صح
آدم بخبث: اطلاقا
عمر مسك رقبته: هترجعها ل ياسر صح
آدم بتمثيل: في اي ي عمر السلاح يطول ي غالى انا كنت بهزر
عمر: عارف لو ضايقه حبيبتي تاني
آدم: ي عم متزودهاش دي اختى
عمر: طيب تعالى نتكلم في الشغل تحت شويه
وتانى يوم ملك كانت مفتقده عمر ومحرجه تروحله لحد ما حسمت الامر وراحت وكان بيكلم مامته
ملك: اخبارها اي
عمر: كويسه وغريبه مبقتش تسال هرجع امته
ملك: طب كويس
عمر: اكيد طبعا مش حابب اكدب زياده
ملك: قولى ي برنس بقا مختفى فين النهارده
عمر: كان معايا شغل كتير
ملك: اممم قول الصراحه تعبت امبارح
عمر: بصراحه شوية
ملك بحزن: الموضوع بيسوء
عمر: هتعدى بإذن الله
ملك: ان شاءلله انا هروح اعمل التحاليل الاسبوع ده تيجى معايا
عمر:ااه يلا بينا
نزلوا سوا وعملوا التحاليل
ملك: عمر تعالى معايا
عمر: في اي
ملك: تعالى بس
اخدته ملك من الباب الخلفى وكانت مى مستنياها ركبوا العربية
عمر بضيق: بتخططى لايه ي ملك
ملك: ولا حاجه احنا بس هنروح نتغدى في اي مكان وتروح لمامتك تسلم عليها وتلبس بدله شيك كده وانا هعدى عليك بعدين
عمر بعصبيه: ملك متستهبليش مينفعش كده
ملك قربت:ليه مينفعش
عمر بتوتر: عشان الدكتور هيثم و…
ملك عدلت لياقه قميصه: انسي كل ده هو يوم واحد
عمر: بس
ملك بابتسامة: بس اي
عمر: موافق بس مش هتتكرر
ملك بعدت: موعدكش
مى: هنروح فين
ملك: تحب السمك
عمر بص في عنيها: بعشقه
مريم: خلاص روحى ي مي على مطعمى المفضل
مى: من عيونى
عمر: شكلك رايق النهارده
ملك:شوية
عمر: دايما
وصلوا المطعم وطلبوا الاكل وشويه وقعد آدم
آدم: انت موافق على المهزله دي
عمر: حكم القوى على الضعيف ي بنى
مي: كفايه كلام بقا حصل اللى حصل استمتعوا
آدم: بقولك اي تعالى نقعد هناك شويه
مى: هنسبهم لوحدهم
آدم: سيبك منهم يلا بس
قام مى وآدم وقعدوا على البحر لان كان المطعم مفتوح على البحر
مى: جو هنا فظيع ملك عليها اماكن تحفه
آدم: ملك بس
مي: تقصد اي
آدم: انا برضو اعرف اماكن حلوه بس مش اي حد بيشوفها
مى: امممم قصدك صحابك البنات ولا حببتك
آدم مسك ايدها: انتى عارفه كويس ان مش بصاحب بنات
مى: عشت كل ده بره ومبقتش زيهم
آدم: تؤ عارفه ليه
مى: ليه؟
آدم شاور على قلبه: عشان في واحده مالكه ده ومش مخليانى اعرف افكر غير فيها ملكت قلبى وروحى
مى بدموع:هي مين
آدم مسح دموعها:واحده اول لما ملكه قلبى صممت اسافر عشان ابقى في مكانه تليق بيها خلتني اكون عايز اخلص بسرعه عشان ارجع خلتني لما اشوف اي بنت مهما كانت جميله متهمنيش لان هي في عينى اجمل واحده فى الكون واحده خلتني اول لما رجعت خلتها تشتغل معايا عشان تبقي قدام عيني على طول
مى بصدمه: انت تقصد…..
آدم باس ايدها: ايوه اقصدك انتى؛ انتى اللى ملكتى قلبى عقلى ي مى انا بحبك
مى:…..
آدم: مي انتى ساكته ليه هو أنا اتسرعت
مى بفرحه: لا ي ادم انت اتاخرت انا كنت قربت افقد الامل انا بحبك اوي كنت زعلانه لما سفرت ولما رجعت فرحت وعشان كده وافقت اشتغل معاك انا مش مصدقه انك بتحبني زي ما بحبك ي آدم
آدم حضنها: انا بعشقك ي قلب الادم مكنش عندي شجاعه اقولها قبل السفر
مى بعدت بخجل: احم انا بقول نرجعلهم
آدم بابتسامة: انا بقول كده برضو احسن اعمل حاجه متصحش
مى ضربه على صدره: قليل الادب
وعند ملك وعمر اول لما خرج مى وآدم
ملك: فك وشك ده
عمر: اسكتي انا مش عارف سمعت كلامك ازاى
ملك:ليا تاثير خاص ي ابنى
عمر:فعلا وقعتينى في حبك في الاول ودلوقتى بعمل حجات مجنونه
ملك مسكت ايده: طيب تعالى هخليك تعرف الجنان على اصله
عمر بضحك: في جنان معرفتهوش
ملك: اومال يلا بس
اخدته ملك ورا المطعم وكان في ممر على البحر مشيوا وقفوا عليه
عمر: المنظر هنا تحفه بتعرفى الاماكن دي من فين
ملك:اي مكان في بحر هتلقينى فيه
عمر : عايز اوصل لدماغك
ملك بخبث: انا عيزاك توصل لجنانى
عمر باستغراب: تقصدي اي
ملك زقته في الميه
عمر: ي بت المجنونه
ملك نطت: انت لسه شوفت جنان
عمر بضحك: ههههه ينفع كده
ملك رمت عليه ميه: اااه عادي
عمر رم ميه عليها: بحبك
ملك غطست في الميه وفضلت تعوم وخرجت
ملك: متفرجنى نفسك طويل قد اي
عمر: هتخسرى
ملك مسكت ايده: نشوف 3 2 1
نزلوا تحت الميه وتقريبا خرجوا في نفس الوقت
عمر بياخد نفسه:لا برافو
ملك بابتسامة: قولتلك يلا 3 2 1
نزلوا سوا وعمر خرج قبلها
عمر اخد نفسه: خلاص ي ستى اخرجى اعلنت انسحابى
عمر بقلق: ملك ملك
نزل عمر تحت الميه وخرجها
عمر بقلق وبيطبط على خدها: ملك فوقى عشان خاطري اوعى تعملى فيا كده ملك ملك امانة عليكى فوقى
عام بيها وخرجها على الشط
عمر: ملك فوقى
يتبع….
لقراءة الفصل التالي : اضغط هنا
لقراءة باقي حلقات الرواية اضغط على : (رواية ما يخبئه لنا القدر)