رواية نجمه سرقت قلبي الفصل الثاني 2 بقلم نور محمد

رواية نجمه سرقت قلبي الفصل الثاني 2 بقلم نور محمد

رواية نجمه سرقت قلبي البارت الثاني

رواية نجمه سرقت قلبي الجزء الثاني

رواية نجمه سرقت قلبي الحلقة الثانية

عد بصدمه كبيره: اييه مش حامل اذاي؟!.
الدكتوره بعدم فهم: معرفش يارعد بيه بس المدام مش حامل صدقني
رعد تهند بجنون وقال: تمام يادكتوره تقدري تتفضلي انتي دلوقتي
الدكتوره بتوتر: تمام عن ازن حضرتك
رعد وصلها للباب وقال لرشيد اخوه ببرود: خد الدكتوره طلعها من هنا بدون ماحد ياخد باله منك يارشيد وقول لحد من الخدم تحت يجيب اكل لغرفتي تمام
رشيد بقلق: حاضر هعمل كده بس طمني انت كويس يارعد
رعد بتشتت وضيق: ايوه كويس روح انت دلوقتي اعمل اللي قولتلك عليه وانا هفهمك كل حاجه بعدين
رشيد بطاعه: تمام عن ازنك
رشيد اخد الدكتوره معاه وطلعها من الباب الخلفي في السرايا زي مارعد طلب منه ورعد دخل غرفه بغضب وهو بيتوعد لنجمه
قرب من السرير ولقاها بتفتح عنيها بتعب فقعد جنبها بضيق وغضب بيحاول يكبته قدامها على قد مايقدر وقال: حمدله على سلامتك ياانسه نجمه
نجمه سمعته وتوتره اوي منه وقالت: الله يسلمك احم هو حصل ايه معايا يارعد
رعد بص عليها بغضب بان في عنيه وقال: مفيش بس اغمى عليكي جوه الحمام فطلعتك وجبت ليكي دكتوره فحصتك وطمنتني عليكي
نجمه اول ماسمعت كلامه بلعت ريقها بخوف وتوتر وقالت: احم دكتوره فحصتني طيب قالت ايه؟
رعد ركز معاها وقرب منها بهدووء مهلك وقال: قالت انك اغمى عليكي من قله الاكل ولانك ضعيفه اوي كمان
نجمه بتوتر وارتباك: تمام الحمد لله طيب قالت حاجه تاني؟
…لقلم نور محمد
هنا رعد تأكد من كلام الدكتوره لما نجمه قالت كده قدامه بتوتر ظاهر عليها فقرب منها بغضب ومسكها من شعرها بقوه وقال: ايوه وقالت كمان انك وحده مخادعه وضحكتي علينا في حوار الحمل بتاعك بس اللي عاوز اعرفه منك قبل مااقتلك انتي عملتي كده ليه يازباله
نجمه بألم وخوف منه: ااه سيب شعري وانا هقولك كل حاجه والله بس ابعد ايدك عني
رعد تهند بغضب وساب شعرها وقال من تحت اسنانه بحده: اتفضلي قولي اللي عندك بسرعه قبل مااعصابي تفلت مني
نجمه بعدت عنه وهي بتفرك شعرها بألم وخوف منه وقالت: انا انا كذبت علشان كنت خايفه
رعد بضيق: وخايفه من مين اخلصي بقولك بسرعه
نجمه بخوف وتوتر: كنت خايفه من بباك ياخدني عند اخويا تاني لو عرف الحقيقه اني هربانه منه لانه حلف لو لقاني هيقتلني
رعد بصدمه: هاربه من اخوكي ولو لقاكي هيقتلك ليه انتي هببتي ايه يابت انطقي
نجمه بتوتر وارتباك: والله انا مظلومه بس كنت بحب واحد زميلي في الجامعه وهو كمان بيحبني اوي وبعد ماخلصت الجامعه اجه يتقدملي بس اخويا رفض لانه كان مدمن مخدرات بس هو وعدني انه هيبطل علشاني بس اخويا اصر على رأيه وقال مستحيل اوافق عليه ابدا فحبيبي ده عرض عليا نهرب سوى وبعدها نكتب الكتاب ونرجع ونحط اخويا تحت الامر الواقع وهو هيوافق عليه وانا وافقت لاني حبيته اوي بس اللي حصل بعدها اني فعلا هربت وستنيته في محطه القطر لوقت طويل وهو مجاش زي ماوعدني فكنت هرجع بس صحبتي رنت عليا وقالت ان اخويا عرف وحالف لو رجعت هيقتلني فخوفت اوي وركبت القطر واجيت هنا و
رعد بحده وأمر: و ايه كملتي حصل ايه بعدها.
نجمه بتعب وعطش: حاضر هكمل بس ممكن كبايه ميه عطشت اوي من الكلام
رعد تهند بضيق وقدم لها الميه وقال: ها ياله كملي حصل ايه بعدها
بقلم الكاتبه نور محمد
نجمه بتكمله: بس ياسيدي انا اجيت هنا وناس طيبين قالولي اجي عند عمده البلد دي وهو هيساعدني وفعلا انا جيت علشان اقوله بس قبل مااقابله قابلت ست هنا طيبه وحكتلها كل حاجه حصلت وهي قالتلي اوعي تقولي كده للعمده علشان هو دمه حامي في الكلام ده وممكن يرجعك لاخوكي تاني او يقتلك وانا خوفت اوي من كلامها فمثلت الحكايه دي كلها قدام العمده علشان افضل هنا بس صدقني مكنتش متوقعه انه هيجوزني ليك والله.. ومقدرتش ارفض عرضه كمان علشان متكشفش سامحني ارجوك بس انا عملت كل ده لاني خايفه
رعد سمعها للنهايه وبعدها قال بحده: بس اللي عملتيه ده غلط كبير ازاي تهربي مع واحد غريب وتكسري كلام اخوكي انا لو مكان اخوكي كنت تاويتك من زمان على العمله المنيله دي
نجمه بدموع وندم: عندك حق وانا ندمانه اوي صدقني بس كنت بحبه اوي ومكنتش متخيله انه هيخلى بيا كده ودلوقتي مش عارفه اعمل ايه لو رجعت لاخويا هيقتلني بدم بارد ولو العمده عرف الحقيقه ممكن برضو يقتلني اعمل ايه بس ياربي في الورطه دي
رعد شاف دموعها وهي منهاره قدامه وصعبت عليه اوي فقرب منها بهدووء واخدها في حضنه وهي تمسكت اوي فيه وفضلت تعيط بقوه ورعد بقى يطبطب عليها بحنيه مثل الطفله الصغيره وقال: خلاص اهدي انا جنبك وهساعدك يانجمه صحيح انتي غلطي بس كل انسان بيغلط وبيتعلم من غلطه وانتي اتعلمتي الدرس علشان كده انا هساعدك وهفضل جنبك اهدي خلاص
نجمه سمعه كلامه وحست قلبها بيدق بقوه ودفنت وجهها اكتر في حضنه وقالت بدموع وشكر: شكرا اوي يارعد انت كلامك ده شال الحمل اللي كان على قلبي وحاسه اني ارتحت شويه منه وشكرا اوي على تفهمك حالتي
رعد بحنيه مفرطه: العفو يانجمه انا هساعدك علشان حاسس بيكي صعب حد نكون بنحبه من كل قلبنا وفجأه يخلى بينا كده في وقت احنا بحاجه كبير ليه انا هساعدك للنهايه متخافيش ورعد في ضهرك ابدا
بقلم نور محمد
نجمه بتسمت براحه كبيره في حضنه وحست بحتواء وامان كبير ولسه هترد عليه سمعوا سوى صوت عالي من تحت فبعد رعد عنها بقلق وقال: ايه الصوت ده استر يارب ياترى في ايه؟!
خلص جملته ولبس جلبيته بسرعه ونزل تحت ونجمه نزلت خلفه بحظر كبير
وتحت كان احمد والد رعد ومعاك رشيد واقفين بغضب وعدم فهم قدام شاب تاني في العشرين من عمره لابس بنطلون جينز وتيشرت نص كم
ورعد وصل بخوف وقال: فيه ايه .. وبص على الشاب قدامه بعدم فهم وكمل… ومين الشاب ده يابوي
رد عليه احمد بضيق وعدم فهم وقال:معرفش يارعد مين الشاب ده وداخل يقول كلام مش فاهمه ياولدي
رعد بص علي الشاب بغضب وقال: انت مين وعاوز ايه ؟!
ابتسم الشاب ليه وقرب منه برسميه وقال:اهلا يارعد بيه اعرفك بنفسي الاول انا اسمي زياد وابقى زميل نجمه في الجامعه وحبيبها القديم كمان وعرفت مكانها هنا فجيت علشان شوفها واتكلم معاها في موضوع مهم ممكن
رعد سمعه وربط كلام نجمه بكلامه وفهم انه نفس الشاب اللي ضحك عليها وهرب وسابها في محطه القطر فبتسم بخبث وقرب منه وهو بيشمر اكمام جلبيته بشر وقال:يااهلا وسهلا نورت الدار كله جيب لقضاك برجلك ياغالي تعال اتفضل وووو

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية نجمه سرقت قلبي)