رواية عشق الأدهم الفصل الحادي والعشرون 21 بقلم ماهي عاطف

رواية عشق الأدهم الفصل الحادي والعشرون 21 بقلم ماهي عاطف

رواية عشق الأدهم البارت الحادي والعشرون

رواية عشق الأدهم الجزء الحادي والعشرون

رواية عشق الأدهم الحلقة الحادية والعشرون

عند هناء كانت بتتكلم مع حنين فى التليفون الباب خبط
هناء : اقفلى ياحنين لما افتح الباب
حنين بهزار : طيب افتحى وانا معاكى ليكون حد داخل يخطفك ياقمر.
هناء ضحكت : يابت اقفلى بالا اتخطف
قفلت معاها وراحت تفتح الباب وهى مبتسمه كانت
فكره إلى على الباب اسر اول مافتحت ابتسامتها اختفت
هناء بحده : انت
محمد : ازيك ياحاجه هناء عامله ايه
هناء : الحمد لله خير عايز حاجه ولا افتكرت ان ليك
حاجه نسيها
محمد بكسره : ليه عيالى
هناء : يابجحتك يااخى عيالك دلوقتى بس افتكرت
عيالك دول نسيوا شكلك ايه
محمد : انا عارف انى مستهلش انكم حتى تبصوا
فى وشى وان طلعت قليل الاصل بس انا عشمى
فيكوا انكم تسامحونى وتخلونى اشوف عيالى
هناء بعصبيه : انت كل مادا بتثبتلى انك بحج
ومعندكش دم بقى بعد كل الى عملته فى بنتى
ورميتك لعيالك جاى تقولى سامحونى طب ازاى
امشى من هنا ومش عايزه اشوفك تقرب مننا تانى
محمد: ارجوكى انا لازم اشوف عيالى وهمس عايز
اعتزر ليها محتاج اتكلم معاها
هناء : بنتى خلاص اتجوزت ومتحلمش انك تشوفها
تانى هى والعيال
محمد اتصدم يعنى خلاص حتى همس معتش عنده
فرصه ان ممكن تسامحه طيب وعياله لا مش ممكن
يتحرم منهم باقى حياته
محمد بعصبيه : هى حره تتجوز برحتها بس عيالى
لا انا هعرف اخدهم ازاى
وسابها ومشى وهى هتتجن مش عارفه تعمل ايه دى مصدقت همس تعيش مرتاحه
اتصلت باسر : ايوا يااسر الحق يابنى
اسر بلهفه : مالك ياحبيبتى انتى تعبانه
هناء : لا يااسر محمد كان هنا وقالى انه هياخد العيال
اسر : انتى بقولى ايه عيال مين دول الى ياخدهم هو
ايه الى فكروا بيهم اصلا
هناء : معرفش وخايفه اختك لو عرفت ممكن يجرلها حاجه
اسر : طيب اهدى بس وانا هتصرف
هناء : هتعمل ايه يااسر
هناء : اهدى ياحبيبتى وربنا يسهل
قفل معاها واتصل بأدهم : الو ايوا ياأدهم انت فين
أدهم : مالك يابنى فى حاجه ولا ايه
اسر : اه لازم اشوفك ضرورى
أدهم : انا فى مكتبى تعال هستناك
اسر : تمام ربع ساعه واكون عندك
قفل معاه وربع ساعه ووصل عنده دخل كان باين
عليه الضيق
أدهم : مالك يابنى انت متخانق مع نور ولا ايه
اسر : لا ياادهم فى مصيبه
أدهم قام راح قعد قصاده : فى ايه يااسر اتكلم على
طول وقعت قلبى
اسر : محمد طليق همس راح عند ماما من ساعه
وكان عايز يتكلم مع همس ويشوف عياله ولما
عرف انها اتجوزت قال انه هياخد عياله
أدهم المفاجاه شلت تفكيره وكل الى اجى فى دماغه
ان همس لو عرفت هتعمل ايه : يعنى ايه ياخد
عياله مش من حقه لا القانون ولا اى حد فى الدنيا
بيقول ان ليه حق فيهم
اسر : ايوا بس همس لو عرفت ممكن يحصلها حاجه
دى روحها فى عيالها وبصراحه خايف تطلب الطلاق
علشان ميخدش عيالها منها
أدهم قام وقف : على جثتى يااسر قولى محمد ده
القيه فين دلوقت
اسر : هتعمل ايه بس
أدهم : هروح اتفاهم معاه واشوفه عايز ايه
اسر : اكيد فى معرضته
أدهم : المعرض ده فين
اسر : تعالا انا هاجى معاك
نزلوا الاتنين راحوا المعرض وعرفوا ان المعرض اتباع
أدهم : طيب هيكون فين
اسر : معرفش بس الى اعرفه ان كان هيبيع الشقه
بتاعته القديمه فمعرفش القيه فين عموما اهد
واكيد هيجى البيت عندنا تانى
أدهم : وافرض اجى وهمس هناك او وصل للبيت عندى
اسر : هيعرف عنونك منين هو اصلا ميعرفش همس
اتجوزت مين اهدى كده وان شاء الله تتحل
أدهم : ربنا يستر
أدهم روح كانت همس مسنياه بابتسامه جميله واول
مادخل وشافته شكله متغير راحتله
همس : مالك ياأدهم فى حاجه
أدهم بصلها وقال لنفسه : اكيد لو عرفت هتطلب الطلاق علشان العيال طب اعمل ايه اعيش من غيرها ازاى
همس بصتله : فى ايه ياادهم انت تعبان
أدهم : لا انا كويس بعد اذنك انا هدخل اريح شويه
وسابها ودخل اوضته وفضل كام يوم على الوضع ده
خايف همس تسيبه وهيتجنن ويعرف محمد فين همس
لما أدهم معاملته معاها اتغيرت غصب عنها افتكرت
محمد لما بدا يتغير معاها علشان واحده تانيه
وفكرت : هو ممكن يكون زهق منى وحب واحده تانيه
اكيد هو خد منى ايه علشان يفضل معايا كل الرجاله
واحد مش عايزين الى الجسم وبس وكل الكلام الى
كان بيقولوا كان مجرد كلام وخلاص
تفكيرها جابها لكده وقررت انها لازم تبعد زى ماكانت
بس حست بوجع عمرها محسيته كل لما تفكر انوا
بيحب ولا يعرف غيرها كانت بتموت
بعد كام يوم اسر اتصل على ادهم كان فى البيت
أدهم : الو ايوا يااسر
اسر : ادهم عرفت مكان محمد
ادهم قام من مكانوا علشان همس ماتسمعش وهى
لاحظت ده
أدهم : بجد يااسر طيب انا عشر دقايق وهجيلك
ادهم دخل لهمس وقالها انوا نازل عنده مشوار مهم
ونزل وهى الشك زاد عندها دخلت اوضتها وفضلت
تعيط وتعيط ووجع قلبها بيزيد
أدهم نزل راح اخد اسر : هو فين يااسر
اسر : فى شقتهم القديمه
أدهم : انت مش قولت باعها
اسر : لا مبعهاش كان قافلها وقايل للبواب لو حد
سال يقول باعها
أدهم : طب ليه
اسر : لا دا مواله كبير قوى ربنا جاب حق همس
منه تالت ومتلت
أدهم : ايه الى حصل
اسر حكاله كل الى عرفه وهو بيدور عليه اليومين الى فاتوا
اسر : بس ياسيدى ورجع شقته تانى وبقى على الابيض
أدهم : علشان كده راجع يدور على عياله وهمس
بنى ادم واطى فعلا
وصلوا عند محمد خبطوا فتحلهم الباب وكان
منظره متبهدل
محمد اول لما شاف اسر : اسر اتفضل تعالا
اسر استغرب من منظره دخل هو وادهم الى كان
شايط ومش طايق محمد ولا المكان الى كانت همس
عايشه فيه معاه
ادهم: ممكن اعرف انت عايز ايه من همس
محمد بصله قوى : انت مين
أدهم : انا أدهم جوز همس
محمد بص للارض : انا مش عايز منها حاجه انا
عايز عيالى وبس
ادهم اتعصب : عيالك من امتى قولى كده بقالك
قد ايه ماشوفتش عيالك دول سمعت حتى صوتهم!!
سالت عليهم كام مره من يوم مارمتهم اشمعنا
دلوقت جاى عايزهم
محمد عارف ان كل كلام ادهم صح رد عليه بكسره
علشان معتش ليا غيرهم
أدهم ضحك : طيب معلش عندى سؤال لو مراتك مكنتش سابتك وسرقت فلوسك كنت فكرت حتى تشوفهم
محمد سكت وادهم كمل : اقولك انا لا !!عمرك فى حياتك ماكنت هتفكر تشوفهم طول مانت كويس مع مراتك ..
عيالك كانوا بيسالوا عليك كل دقيقه لحد مانسيوك كانوا بيتمنوا حضن حنين ويقولوا كلمه بابا وجاى دلوقت بكل بجاحه تقول اخد عيالى طيب مفكرتش فى امهم الى
ظلمتها مره عايز تظلمها اكتر وتحرمها من عيالها وتسبها تموت صح بس انا مش هسمحلك تعمل فيها كده ابدا
ولا فى عيالى ايوا عيالى لانهم ميعرفوش اب غيرى
ولو عايزها محاكم انا معاك للاخر يالا يااسر
محمد وقف بكسره وعيونه مدمعه : استنى ياادهم!!
انا عارف انك شايفنى اندل واحد فى العالم ومعاك
حق انا رميت عيالى وخربت بيتى بايدى وجريت ورى نزواتى بس صدقتنى ربنا عاقبنى اشد عقاب انا عمرى
ماافكر احرم همس من عيالها ابدا كل الحكايه انى كنت محتاج اخدهم فى حضنى الى بغبائى حرمتهم منه وحرمت نفسى منه انا ماليش غيرهم فى الدنيا ياأدهم انا استحاله اوقف عيالى فى محاكم ومش طمعان فى اكتر من انى اشوفهم ولو مره فى الاسبوع
اسر نوعا ما صعب عيله محمد بس أدهم متاثرش بالعكس جواه نار كل مايفتكر حاله همس الى وصلت ليها بسببه
أدهم رد عليه بعد تفكير : يعنى انت كل الى عايزه تشوفهم بس
محمد بقهره: ياريت نفسى اشوفهم قوى
أدهم : خلاص انا هخليك تشوفهم بس اقسم بالله ماتفكر تع
محمد قاطعه : متكملش انا مش عايز حاجه غير اشوفهم
ولا فى دماغى اخدهم واحرم همس منهم ابدا صدقنى
أدهم : تمام يبقى اتفقنا(وعطاله كارت ) ده الكارت بتاعى ابقى اتصل بيا وانا هضبط معاد تشوفهم فيه
محمد : ماشى هكلمك بكره
أدهم : ربنا يسهل. يالا ياسر
اخد اسر ونزل ونوعا ما ارتاح وعرف ان الموضوع تقريبا منتهى اخد اسر وراحوا قعدوا فى كافيه وفضلوا قعدين مع بعض والوقت سرقهم ادهم بص فى الساعه لقاها اتاخرت
اسر : يالا ياعم هنطرد وهنام فى الشارع
أدهم ضحك : اتكلم على نفسك ياحبيبى بس يالا
اروحك صعبت عليا
أدهم روح اسر وراح على بيته وهو مبسوط ان همس
مش هتبعد عنه دخل البيت لقى مافيش صوت عرف
انهم نايمين بس لمح همس فى الانتريه قرب عليها لقاها نايمه قعد جنبها وقرب باسها بالرحه همس فتحت عنيها
لقيته قدمها ولقت نفسها على الكنبه نامت مكانها
أدهم بص لعنيها كان باين عليهم العياط : مالك ياهمس
انتى معيطه
همس بعدته عنها : لا
أدهم استغرب طريقتها : فى ايه ياهمس
همس قامت بعصبيه : ماليش انا داخله انام
أدهم مسك اديها وقفها : لا في ومش هسيبك الا لما اعرف
همس بصوت عالى: فى ان انتوا كلكم زى بعض مش
بيهمكم الا نزواتكم وبس لكن حب وعشره دى اخر
حاجه ممكن تفكروا فيها
أدهم : هما مين دول
همس بنفس الحده : الرجاله وانت منهم مش عايز غير
جسم وخلاص وكل كلامك معايا كان كدب كلام وخلاص انت زيك زى اى راجل مش مرتاح فى بيته يجرى يدور بره من غير حتى مايعرفها هى ناقصها ايه بس اقولك انا الى غلطانه انى صدقت انك بتحبى وكل الكلام الفارغ الى سمعتهولى بس احنا فيها طلقنى ياأدهم
أدهم اتصدم من كلامها ومش عارف هو عمل ايه علشان
كل ده : همس انا مش فاهم انا عملت ايه لكل ده
وطلاق ايه الى انتى عايزاه
همس : مش فاهم افهمك انتى خاين ورحت جريت
تعرف واحده غيرى تاخد منها الى مش بتخده منى
مش دى الحقيقه ياأدهم
أدهم بوجع منها: وعرفتى بقى كل الحقايق دى منين
ياهمس شوفتينى مع حد
همس : مش محتاجه اشوف انت عملت زى مالاولانى
عمل معاملتك الى اتغيرت سهرك بره تليفونك يرن
تجرى بره هستنى ايه اما القيك جاى تقولى معلش
انا بحب واحده وهتجوزها
أدهم فهم كل حاجه عقلها صورلها انه بدال مضايق
وتاخر بره يبقى بيخونها هو عزرها همس بقى عندها مرض الشك بس اتوجع منها لدرجادى مش حاسه بحبه ليها
أدهم بصلها بوجع وسقفلها : براڤوا عليكى فى لحظه
قررتى انى بمجرد ما مضايق كام يوم وتاخرت بره
يوم انى كده بخونك براڤوا عليكى اثبتيلى انك فعلا مبتحبنيش ولا عمرك حسيتى بيا !!!
مجاش فى دماغك انى عندى مشكله انى فى
مصيبه طب اسالينى قبل ماتقررى اسالينى يمكن
كنت اطلع مظلوم بس ليه مانا الحق اسيبه قبل
مايسبنى هو ومش مهم اى حاجه تانيه صح ياهمس
مش ده تفكيرك
همس ساكته ومش عارفه ترد عليه
ادهم كمل بصوت عالى : ممكن اعرف ايه دليلك انى
خاين وواطى وندل
همس بصتله قوى : التليفون الى جالك الصبح ونزلت
بعدها ولسه جاى
أدهم مسك تليفونه وجاب مكالمة اسر : طبعا فاكره كانت الساعه كام بصى كده مين الى اتصل بيا
همس بصت لقيته اسر سكتت
أدهم : سكتى ليه مش برده هى دى المكالمه الى قولتى
عليها دليلك انى خاين
همس : وانت كنت مع اسر لحد دلوقت
أدهم : ابقى اساليه علشان الرجل الخاين الى زيى
بيبقى كداب عموما ابقى اتكلمى مع اخوكى واعرفى
منه كل حاجه وبعدين ابقى قررى عايزه الطلاق امتى
أدهم دخل اوضته وسابها مصدومه مش عارفه تفكر
ايه الى حصل وكان مع اسر لحد دلوقت ليه دخلت
اوضتها تحاول تنام معرفتش لحد النهار ماطلع قامت
على صوت الباب بيقفل كان أدهم نزل صحت عيالها
و اخدتهم وراحت لاسر
تلحقه قبل ماينزل
اسر فتح الباب لقها همس : همس تعالى انتى حلمتى
بيا ولا ايه
همس دخلت: اسر انت كنت مع أدهم امبارح بالليل
اسر : فى ايه ياهمس
همس : رد عليا الاول يااسر انت كنت معاه لحد بالليل
اسر : اه ياهمس كنت معاه ايه المشكله انتوا اتخنقتوا
همس بندم : اه وطلبت الطلاق
اسر بزهول : ليه ياهمس
همس : علشان كنت حاسه انه بيخونى بقاله فتره
متغير معايا وتفكيرى مجبنيش الا لكده
اسر بضيق وصوت عالى : وعلشان متغير يبقى
بيخونك انتى اتجننتى صح !! اكيد اتجننتى الرجل
قالب الدنيا علشانك انتى وعيالك وانتى تقوليلى خاين
همس مش فاهمه حاجه : يعنى ايه قالب الدنيا علشانى
انا وعيالى
اسر صوته علا ونور خرجت على صوته وحولت تهديه معرفتش : محمد طلقيك ياهانم
همس قامت وقفت : ماله ومال ادهم بيه
اسر حاكلها كل حاجه وهى واقفه تسمع وحاسه ان
دماغها خلاص هتتشل يعنى ايه هو عامل كل ده
علشانها هى وعيالها وهيا تقوله خاين
اسر خلص كلامه وبصلها : انتى خلاص ياهمس معدش
عندك عقل وفعلا ادهم خساره فيكى روحى اطلقى وقعدى اندبى حظك مش ده الى انتى عايزه بس هقولك حاجه واحده عمرك ماهتلاقى حد يحبك قد أدهم
اسر سابها ودخل اوضته ونور واقفه مش عارفه تعمل ايه
همس دموعها نزلت زى الشلال وقامت اخدت عيالها
وروحت مش عارفه تعمل ايه
نور دخلت لاسر : انت كنت قاسى عليها قوى يااسر
اسر : همس لازم تفوق يانور لازم تحس بقيمه ادهم قبل ما يضيع من ايديها تعرفى انهم عايش مع بعض اخوات
نور : معقوله ازاى وعرفت منين
اسر : بالصدفه سمعت حور بتتكلم مع ادم وبتقول
انهم بيناموا كل واحد فى اوضه وان لازم علشان
هما بنت وولد لازم يناموا زيهم كل واحد لوحده
وادهم مشتكاش يبقى ده خاين ازاى
نور : معلش يااسر ربنا يهديها
اسر : يارب يانور تفوق قبل ماتضيع أدهم من اديها
_____________________________
همس روحت ودموعها موقفتش وفضلت مستنيه
أدهم ومش عارفه هو ممكن يسامحها استنيته كتير
وشويه والباب اتفتح ادهم دخل مابصش عليها ودخل
على الاوضه الكبيره همس قامت وراه لقيته بيحضر
شنطه قلبها وقع ودموعها نزلت تانى وراحته
همس : أدهم انا اسفه
أدهم مردش عليها
همس : انا عارفه انى غبيه وقولت كلام كله غباء بس سامحنى ياأدهم انا مابقتش عارفه افكر ولا اتعامل ازاى
أدهم قلبه وجعه عليها ومش متحمل دموعها بس لازم
يعقبها يمكن تفوق من اوهمها
همس كملت بدموعها : أدهم ارجوك رد عليا طيب
متسبش البيت وتمشى
أدهم خلاص جاب اخره وقف قصدها ومد ايده مسح دموعها : قولتلك قبل كده بلاش دموع وبعدين انا
مسافر شغل يومين وراجع
همس : يعنى انت سامحتنى على كلامى
ادهم :لما ارجع نتكلم ياهمس انا متاخر دلوقت عن اذنك
ادهم نزل غصب عنه مش قادر يستحمل يشوفها كده
بس لازم يعمل كده همس لازم تعيش حياتها عادى
زى اى ست من غير شكوك
همس قعدت مع نفسها : كفايه ياهمس هتفضلى تعذبى
فيه لحد امتى وهو هيفضل متحمل لامتى فوقى بقى وأديكى شوفتى ربنا جابلك حقك من الى ظلمك تقومى
انتى تروحى تظلمى البنى ادم الى حبك وبيعمل علشانك
كل حاجه حلوه كفايه بقى فوقى لنفسك قبل فوات الاوان
_____________________________
عدوا اليومين الى أدهم سافر فيهم كانت همس الندم
ماليها وخصوصا انه رغم الى عملته كان بيتصل كل
يوم يطمن عليهم ويشوفهم محتاجين حاجه ولا لا بس محولش يتكلم معاها فى اكتر من كده واتاكدت ان عمرها مهتلاقى راجل زيه ابدا هديت وقررت تصلح من نفسها فضلت مستنيه أدهم لحد ما شافت عربيته وصلت من البلكونه قلبها دق بسرعه وخافت يكون مش هيسامحها
بس قررت تحارب عشانه فضلت مستنيه ولما لقيته
اتاخر لبست اسدالها وطلعت من الباب تبص عليه
لمحته واقف فى الدور الى تحت مع سوزى الغيره
ولعت فيها قربت شويه يمكن تسمع بيقولوا ايه
أدهم كان طالع لاقى الاسانسير عطلان لف وطلع على
السلم شافته سوزى من الشباك جريت طلعتله وكانت
لبسه قميص نوم اقل مايقال عنه فاضح
فتحت الباب ووقفت قصاده وبدلع : اذيك ياأدهم عامل ايه
أدهم بصلها بقرف :اهلا (وسابها وكان طالع مسكت ايده )
سوزى : مستعجل ليه ماتجى تشرب حاجه عندى
أدهم زق اديها وكلمها بقرف : ايدك لو اتمدت تانى
هطعهالك سمعانى انا راجل متجوز واحده بمليون من
عينتك مافيش واحده فى الكون تملى عينى غيرها
وبس واحسنلك ماتحوليش معايا تانى
وسابها وطلع كل ده همس سمعته وكانت طايره من
الفرح من كلامه بس فى نفس الوقت زعلت من نفسها
ازاى راجل زى ده تعمل فيه كده
أدهم فتح الباب لقاها واقفه بالاسدال بصلها كانت
وحشاه قوى بس مقدرش ينسى كلامها ليه
أدهم : سلام عليكم بعد اذنك هدخل اغير هدومى
بسرعه وهرجع اوضتى
وقبل ماترد دخل الاوضه قالت لنفسها : مانا مش
هسيبه كده ودخلت وراه
أدهم كان قلع قميصه وواقف بالبنطلون بس بصلها
لقها واقفه بتفرك اديها ببعض عرف انها متوتره
أدهم : ايه محتاجه الاوضه علشان تقعدى برحتك
بدال مانتى متكتفه بالاسدال قدام راجل زيى!!
انا قولتلك هغير وهطلع على طول
همس بصت لنفسها وافتكرت الاسدال: وانا مش
لبسه الاسدال علشانك اهو
قلعت الاسدال كانت لبسه تحته قميص اسود حرير
واصل لفوق ركبتها بشويه وحملاته رفيعه وسايبه
شعرها ادهم حس ان ريقه نشف فجاه بس مسك نفسه
أدهم بيحاول يطلع صوته : اااحم اومال كنتى لبسه
الاسدال ليه
همس : اصل شوفتك وانتى طالع ولقيتك اتاخرت
فكنت طالعه ابص عليك لقيت ست زفته وقفه معاك
ادهم باستهزاء : اه كانت لبسالى قميص نوم بتغرينى
فقولت اقف اتفرج شويه مانا راجل خاين وواطى
همس قربت عليه : انت احسن وارجل واحد فى الدنيا
وعلى فكره انا سمعت انت قولتلها ايه فمتكدبش عليا
أدهم حس انوا خلاص جاب اخره راح نحيت الباب
ولسه هيخرج نادت عليه
همس :أدهم استنى لو سمحت
أدهم لفلها وحاول يتكلم بحده شويه: نعم فى كلام
تانى نسيتى تقوليه يومها عايزه تقوليه دلوقت
همس قربت عليه وحطت اديها على صدره : انا اسفه
ياادهم سامحنى والنبى والله عمرى ماهزعلك تانى ابدا
أدهم بدا يضعف : انتى عمرك ماهتبطلى شك فيا
ياهمس والدليل انك طلعتى دلوقت تبصى عليا
وتسمعى انا هقولها ايه
همس بسرعه : لا والله ياأدهم انا مكنتش اعرف انك
واقف معاها انا لقيتك اتاخرت قلقت عليك قولت اطلع اشوفك ليكون الاسانسير متعطل بيك لقيتك واقف مع الزفته دى الصرحه كنت هنزل اجبها من شعرها بس لما سمعتك قولتلها ايه قولت كفايه عليها الى انت عملته معاها
أدهم بصلها قوى : وكنتى عايزه تجبيها من شعرها ليه
همس اتوترت : اصل يعنى انت جوزى ومينفعش تقف
معاك كده عيب
أدهم اتغاظ منها : عيب !!طيب عن اذنك انا رايح اوضتى
ولسه هيطلع قالتله : غيرت عليك ياأدهم كنت عايزه
انزل اقتلها
أدهم لفلها وقرب عليها : غيرتى عليا !! ليه ياهمس
همس قربت هى كمان : علشان بحبك ياادهم بحبك
من اول يوم شوفتك فيه بحبك ومش عايزه من
الدنيا غيرك انت و
وقبل ماتكمل قطعتها بشفافية على شفايفها وهى تاهت
معاه بعد عنها بعد فتره لما نفسهم راح وسند جبينه على جبنها وبصوت كله حب : اخيرا ياهمس اخيرا سمعتها
منك اناكنت قربت افقد الامل انى اسمعها منك
همس بعدت شويه وحطت اديها على خده: انا طول
الوقت نفسى اصرخ واقولك بحبك بس كنت خايفه
تبعد عنى ساعتها ممكن اموت ياادهم انا مش قادره
اتخيل لو انت مش جنبى انا هعمل ايه
أدهم قرب واتكلم بهمس قدام شفايفها : انا مليش
وجود من غيرك انتى الحلم الى حلمت بيه ومش
عايز غيرك مراتى وحبيبتى وام عيالى هتقبلى تبقى
مراتى ياهمس
أدهم كان مستنى منها كلمه يقرب بيها بس هى
متكلمتش وراحت لشفايفه ترد عليه وهو ماصدق
شالها وراح على السرير وكمل حلمه الى اتمنى يحققه
من يوم ماشفها
وبعد وقت طوييييييييل
أدهم نايم على السرير وهمس نايمه على صدره
والاتنين فى قمه سعادتهم
أدهم بصوت هادى: همس
همس رفعت وشها بصتله : نعم ياحبيبى
أدهم ابتسم مش مصدق الى سمعه : انتى فى حضنى
بجد ولا انا بحلم
همس باسته براحه على شفيفه : لا مش بتحلم ياقلب همس
ادهم رفع نفسه والوضع اتعكس وبقى هو الى فوق : انتى عايزه توصلينى لايه اكتر من كده
همس بهيام : وصلتك لايه ياأدهم
أدهم قرب عليها قوى : عشقتك ياهمس بقيتى عشق أدهم الى عمره ما كان هيحب لولا شافك وبقيتى حلمى الى هعيش احمد ربنا انوا اتحقق
همس ملست على خده : بحبك ياأدهم وعمرى ماحبيبت ولا هحب غيرك وندمانه على كل لحظه بعدت عن حضنك فيها
أدهم رد عليها بطريقته وتاهوا مع بعض فى دنيا مافيهاش غيرهم وبس …
🌹 🌹 تمت بحمد الله اشكركم على المتابعة 🌹🌹

لقراءة باقي حلقات الرواية اضغط على : (رواية عشق الأدهم)