رواية غرام يامن الفصل التاسع عشر 19 بقلم ونس

رواية غرام يامن الفصل التاسع عشر 19 بقلم ونس

رواية غرام يامن البارت التاسع عشر

رواية غرام يامن الجزء التاسع عشر

رواية غرام يامن الحلقة التاسعة عشر

ايه رايحه فين… خايفه مني كدا ليه.. مش هاكلك.. تعالي بس أنا مبعضش والله
“غرام قالت كدا ببراءة مصطنعه ”
ياسمينا مصدقتهاش و جريت فراحت غرام جاريه وراها و نبرة صوتها اتحولت و بقت كلها غضب
“بقي كدا أنا غرام الي محدش يمشي كلمة عليا انتي و اخوكي تشغلوني و كمان في مكان مش تبع تخصصي اصلا.. انتوا ايه.. دا أنا مش هسيبك النهاردة.. هعمل منك كفته”
ياسمينا بخوف مصطنع: الله و أنا مالي يا لمبي
غرام بنفس الغضب و الضيق و هي حاطه ايدها الاتنين في جنابها: مالك.. مالك ازاي… دا أنا هوريكي النجوم في عز الضهر.. ميبقاش اسمي غرام إن ملففتك انتي و اخوكي حوالين نفسكم.. يالي منكم لله…
نورين و هي بتبعد غرام عن ياسمينا: خلاص بقا يا غرام قلبك أبيض بقا.. شهر ولا حاجه و سيبي الشغل
غرام بصوت عالي: قلب ابيض انتو خليتوا فيها قلب أبيض… هو أنا هقدر استحمل اسبوع كمان… أنا عملت ايه في دنيتي يا ربي علشان يحصلي كل دا
يامن شافهم بالمنظر دا انصدم: ايه يا غرام هتموتي البت… أنا عايزها.. راعي إني لسه مدخلتش دنيا…. ايه الافترا الي فيكي دا… ميبنش عليكي الوحشية دي… اسمك غرام ازاي مش عارف
غرام بعيون ملئية بالشر: ايه وحشيه… انت لسا شوفت حاجه.. ابعد كدا….(سكتت شويه و قعدت علي حرف السلم و قالت و هي علي وشك العياط) أنا هتبري منك.. ايوا أنا هعمل.. ما كنت عايشه مالها مشاكل حسام و ماريان.. أنا انضرب بميت جزمه علشان كنت بشتكي منها.. اعععععع…. هعيط
ياسين و هو بيطبطب عليها : خلاص بقا يا غرام صعبتي عليا.. متزعليش… أنا عارف انها عيلة هم.. بس مش هتلاقي زينا بردو
غرام و هي بنفس النبرة الباكية: عندك حق هلاقي زي المورستان دا فين…. ابعدوا عني كدا… أنا هروح لابويا… الي مليش غيره…. بلا هم… أنا تعبت منكم
(كانوا ساكتين مش بيردوا عليها)
غرام بتذمر: ايه مش بتردوا ليه عليا… راضوني حتي و لا انتوا بخلا.. معرفش عنكم كدا
نورين: خلاص قومي تعالي…. أنا عامله صينيه كيكه هتاكلي صوابعك وراها
غرام: بصي أنا هاكل مع اني خايفه يجيلي تسمم بس أنا نقطة ضعفي الشوكولاته… يلا ربنا يستر شيديني
راحت معاها المطبخ و هي ياسمينا بعد ما ضبطت نفسها
يامن قال بعد ما مشيت و هو بيضرب كف بكف: قسما بالله ما شوفت هبل كدا…. بعد ما كانوا بيقتلوا في بعض… دلوقتي بيضحكوا.. ورايحين ياكلوا كيكه بالشيكولاته ولا كأن حصل حاجه
في المطبخ
ياسمينا و هي بتاكل الكيكة: يعني هو خلي حد من الشركه يرن عليكي يبلغك بالشغل… و كدا خلاص اتوظفتي عنده
غرام بحسرة: ايوا يا ختي والله صحاني من احلي نومه… الي منه لله دا
ياسمينا بتذمر: بت ما تدعيش علي اخويا
غرام و هي بتشرب عصير: يا شيخه اتهلي… أنا اصلا مش طايقاه بعد الي حصل….(غيرت مجري الكلام و قالت) بس يا بنت يا نورين كيكه دي تحفه بجد… بصراحه اكلك كله حلو… اتعلمتي دا فين
نورين: في البيت… كنت كل ما اتدايق من ياسين و اتنزفز.. اروح اطلع روح الشيف الي جوايا لحد ما بقيت شيف فعلا
غرام بضحك.:طب الحمدلله ياسين عمل حاجه مفيدة في حياته… أنا هقوم امشي علشان اتأخرت و ابويا هيطلقني قسما بالله
و هي طالعه قابلت مراد و خبطت فيه علشان كانت مشغولة في الفون
غرام بألم: آااااااه… انت مش شايف قدامك
مراد بسخرية: أنا بردو الي مش شايف… و بعدين ايه آاااه دي كلها.. خبطي في حيطه سد ولا ايه
غرام: انت بتقول فيها.. انت مش شايف نفسك ولا ايه
مراد برفعة حاجه و تحذير: افندم قولتي حاجه
غرام بخوف مصطنع: لا ولا حاجه يا باشمهندش
مراد: بحسب….( و كمل بمكر) متنسيش تيجي بدري بكرا بقا علشان ورانا شغل كتير…(سكتت و بعدين كمل) و يا رب تبقي دايما شطورة و تسمعي الكلام مش تحيرني زي النهاردة علشان أنا خلقي ضيق و معاكي بيبقي اضيق… و خليكي حاطه في بالك نقطة إنك رايحه تشتغلي مش رايحه فرح تمام…(وطي علي ودنها و همس) علشان المرة الجايه بدل ما الطرحه الي تتغرق.. كلك هتتغرقي ماشي يا حلوة
(مشي و سابها من غير ما ترد)
غرام بضيق و هي بتقلده:و حطي في بالك نقطه انك رايحه تشتغلي مش رايحه فرح… نينينينيني… واحد مغرور
( و غضبها زاد لما افتكرت)
فلاش باك
خبطت و دخلت المكتب و قالت بعملية: اماني بلغتي انك عايزني
كانت لسا هيرد عليها بس لاقاها مش مسحت اي حاجه من الي علي وشها
مراد بضيق: مش أنا قولت الزفت الي علي وشك دا يتمسح.. أنا كلامي مش بيتسمع ليه
غرام بضيق مماثل: لا حول ولا قوة إلا بالله… يا عم هو انت حد مسلطك عليا.. و بعدين أنا حرة.. احط الي أنا عاوزاه و البس الي أنا عاوزاه… مدام دا الي بيريحني… علي فكرة للمرة المليون بفكرك إنك مش خطيبي ولا اخويا ولا حبيبي و لا ابويا.. دي خطوبة صوريه….. كل واحد فيها يعمل الي يريحه مدام مش بيضر التاني… بلاش تحكم علشان أنا بزهق.. كفايه اني وافقت اشتغل هنا
مراد بهدوء ما قبل العاصفة: انتي شايفه كدا
غرام استغرب من هدوؤه بس فكرت انه ممكن يكون تقبل كلامها: ايوا
مكملتش كلامها و لقت كوبايه المايه الي كانت قدامه اترمت علي وشها
غرام بصدمه: انت اتجننت… ازاي تعمل كدا… امشي ازاي دلوقتي…. مراد علي فكرا انت خطيت حدودك خالص و كدا مش نافع
مراد ببرود: الهدوء و الذوق منفعوش معاكي ف الأول فدا الحل…( اداها منديل و قال) امسحي وشك بقا علشان اتبهدلتي… بقا شكلك وحش
غرام خدت المنديل منه بشر و قامت و قالت و هي ماشيه: ماشي يا مراد… مدام انت حابب الاسلوب دا نمشي عليه… بس اتقي شري بقا
باااااك
غرام بغضب: آه يا ناري منك
و روحت علي بيتها
قابلت باباها و حكت له الي حصل
غرام بتذمر طفولي من ضحكه: خلاص بقا يا حجوج… انت شارب حاجه اصفرا ولا ايه لكل الضحك دا… مكنتش يعني كوباية مايه الي اتكبت عليا….
حسين بضحك: مش قادر…. و سكتيله بقا بعد المية
غرام: دا أنا ناوياله نيه سوده… اهدي بس عليا… و هبهرك
حسين: ماشي اما نشوف أخرتها معاكي
عند جميلة و يحيي
جميلة: و دا يفرق معاك
يحيي و هو بيحاول يكون مرح: ايوا طبعا مش.. هيأثر علي حالتك النفسية و بالتالي علي الشغل و بالتالي عليا… و بيني و بينك أنا تعبت من الزعل و النكد…. قوليلي بقا مالك… لو حابه تحكي يعني… أنا موجود.. أنا مستمع كويس علي فكرا مش هتندمي
جميلة بتنهيدة ألم: شكرا بجد علي دعمك… بس بجد مش قادرة احكي.. و لو حكيت هتكون أول حد يعرف لا تقلق
تاني يوم الصبح
“يا صباح الاناناس علي أحلي الناس ”
قالها خالد بمرحه المعتاد
غرام باستعجال: عديني كدا الله يسترك… أنا علي اخري
خالد باستغراب: مالك كدا منتي خلصتي الحلقه و كانت زي الفل… و مش رايحين الجامعه النهاردة… مالك بقا
غرام و هي بتركب العربية: ورايا شغل… و بطل أسئلة بقا علشان صدعت من الصبح… اركب و هحكيلك في السكة
حكت له الي حصل
ضحك شويه و قالها بجدية مش بيقولها خالد إلا نادرا: غرام و اخرتها ايه دا كله.. ورطتي نفسك معاه بخطوبه و قولنا ماشي و اخرت الكلام و التحكم دا ايه…( كانت هترد بس قاطعها و قال) أنا مقدر انه انه ابن خالك و لسا عارفه انك عندك عيلة و عايزة تقديملهم كتير و تبقي جزء منهم.. أنا معاكي ف النقطة دي.. بس مش اجي علي نفسي علشان حد مهما كان هو مين… علي العموم حاولي تحليله مشاكله و تنسحبي بهدوء من غير ما تتعلقي بيه و لا هو يتعلق (و شاور علي قلبها) احنا مش عايزين دا يخسر في الأخر يا حبيبتي ماشي…
غرام بهدوء: ماشي يا خالد
خالد ودعها و نزل و هي دخلت الشركه و بتفكر في الي بيقوله
في مكتب مراد
مراد رن علي يحيي فيديو كول
يحيي بعتاب: لسا فاكر تسأل… ولا انت ما بتصدق تخلع مني
مراد: اخلع ايه يا اهبل هو أنا ليا غيرك… قولي اخبارك.. مختفي من امبارح ليه
يحيي بتنهيدة: جميلة.. مش عارف مالها… البنت دي علطول مرحه و دمها خفيف كدا عامله جو ف المكان… الفترة دي منطفية… و الي زيها لازم تحصل حاجه كبيرة علشان تطفيه… تحسها بتدراي وجعها بالضحك و الهزار
مراد بمكر: الله الله دا كله… انت بقيت محلل نفسي و لا ايه… و بعدين شاغل نفسك بيها كدا ليه… لتكون وقعت و محدش سمي عليك… احضر بدلة قريب و تذاكر شهر العسل
يحيي بحيرة: مش عارف… بس اكيد موصلتش لدرجه الحب.. يمكن تعود مش اكتر هي عامله جو ف المكان و خلاص فاكيد علشان كدا
مراد: ماشي يا سيدي تعود تعود… مش بعيد بكرا الاقيك جي تقولي جوزهالي يا مراد مش قادر علي بعدها تعبت
يحيي بضحك: لا يا خويا متقلقش….. قولي شغلت غرام سكرتيرة و وافقت
مراد بغرور مصطنع: ايوا اومال ايه انت مستقل بيا ولا ايه… هو أنا أي حد
يحيي: طب براحة علي البت… البت مش حملك… دي غلبانه
مراد بسخريه: دي غلبانه والله انت الي غلبان.. روح ربنا يهديك شوف العيانين بتوعك.. اما اشوفها اتأخرت ليه
قفل معاه و طلب اماني تبعتها
عصافير الحب المغردة (اوعوا تكونوا نسيتوهم ازعل و اجيب ناس تزعل أسر و أميرة آه و الله😂😂)
أميرة قامت من النوم ملقتش آسر جمبها لبست و نزلت تدور عليه تحت نزلت اتفاجأت من الي شافته… شافت آسر واقف و فيه واحده لازقه فيه و بتعمله مساج في رقبته بدلع
أميرة اتشنجت من الموقف… و آسر اتوتر لما شافها… اميرة راحت عليهم
آسر بتوتر: أميرة.. تعالي ياحبيبتي
البنت الي بتعمله المساج: انت تعرفها.. اختك مش كدا
أميرة ببرود و غيظ حاولت تداريه: لأ يا حبي… أنا مراته
و شدته منها….. البنت كانت لسا هتتكلم أميرة تجاهلت كلامها و خدت أسر و راحت علي الجناح بتاعهم
أميرة كانت بتطلع هدومها من الدولاب و بتحطها في الشنط علشان تمشي
أسر باستغراب: اميرة انتي بتعملي ايه.. اسمعيني بس الاول.. والله ما حصل حاجه بيني و بينها
أميرة ببرود: و أنا عارفه دا مش محتاج تبرر
آسر بعصبية: اومال مالك بقا بتحطي الهدوم ف الشنط ليه…( شدها منها) اسمعيني كدا الأول… و سيبي الهدوم دي
أميرة: سيبني يا آسر أنا عايزة امشي… مش مرتاحه يا سيدي ف المكان دي… عايزة اروح… كتير عليا الي بطلبه
آسر حاول يحضنها و يهديها: لأ مش كتير عليكي يا ميرا.. بس اسمعيني
أميرة: معلش يا آسر أنا عايزة امشي و مش طايقه المكان هنا
أسر بقلة حيلة وافق علشان عارف عنادها و انها لسا زعلانه
دا كله لسا معملتيش حاجه…. اومال أنا بعتك ليه… قسما بالله يا سالي إن ما جبتي الفلوس و وقعتي مراد ف حبك تاني و عملتي الي أنا عايزة… هتشوفي اسود ايام حياتك… صدقيني مش هتتهني ابدا… فاهممممممه
“شخص مجهول الي قال الكلام دا لسالي ”
سالي بخوف: فاهمه.. فاهمه
قفل في وشها
مروان دخل علي سالي…لاحظ انها متوترة و خايفه و قال:……..

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية غرام يامن)