رواية تخاريف وخداع الفصل الأول 1 بقلم ابنة الإسلام

رواية تخاريف وخداع الفصل الأول 1 بقلم ابنة الإسلام

رواية تخاريف وخداع البارت الأول

رواية تخاريف وخداع الجزء الأول

رواية تخاريف وخداع الحلقة الأولى

“متوافقيش علي العريس الي جايلك انهارده”
الرساله دي جاتلي من صحبتي
الي اول ما قرأتها اتصدمت للحظات
انا فعلا جايني عريس الغريب مش هنا الغريب اني مقولتش او اتكلمت مع حد في موضوع العريس
لاني هو يدوبك كان جاي ك بداية تعارف و انه يشوفني و كده لسه كنت هكتب الرد
لقيت ماما بتنده عليا
لحظه يا ماما جايه لقيتها بترد و تقول
اخلصي يا ساره عايزاكي بسرعه
سبت التليفون و جريت روحتلها’
لقيتها بتبصلي جامد و قالتلي
بصي يا ساره انتي خلاص كبرتي و مبقتيش صغيره يعني العمر الي فاضل مش هيستحمل تستني فارس احلامك الي انتي بتقولي عليه ده
العريس الي جي من بيت عيله و شب الناس بتشكر في اخلاقه
فا يابنتي عايزين نكسبه اجهزي علي الساعه خمسه المغرب و البسي احسن ما عندك
اكتفيت بهز راسي و دخلت اوضتي
خدت نفس عميق و نفخته و انا بقول يا دي ام لقب العنوسه الي هيلبسنا في الحيط
بصيت علي التليفون جنبي و افتكرت رسالة صحبتي بعدها رفعت حاجبي بتفكير و قالت”
امم مهي ممكن تكون بتخمن علشان تعرف اذا كان في عريس ولا لا مهي قدي 28 سنه ولسه كمان متخطبتش و أمي منبها عليا مقولش لاني في اصحاب بيحصل منها موضوع الغيره ده
رديت عليها و قولت
لا يا منه مفيش عرسان اصلا
لقيتها بكتب…
ڪأنها GhatGpt
بترد في ثانية وصل الرساله
وقالت نصاً
“لا في و جايين انهارده المغرب و كمان انتي خايفه للعريس يطلع اربعيني او يطلع شكله مش حلو و تخين و بكرش اقولك انت بتفكري في إيه دلوقتي ولا كفايه عليكي كده!
عنيا وسعت من الصدمه ازاي و كيف و أمته هي عرفت الكلام ده
ورديت و انا حاسه اني في حلم لا ده Of course حلم استحاله انه يكون حقيقه
منه انتِ عرفتي كل ده ازاي؟
هعدهالك تاني
” متوفقيش علي العريس الي جايه انهارده و ده لمصلحتك”
خرجت من الواتس بسرعه
و رنيت عليها كتير مردتش
كتبتهالها رساله على الواتس
منه بطلي لعب العيال ده و ردي عليا انتي تعرفي اي عن العريس ده و مين حكالك عنه و ازاي عرفتي كل حاجه كده
شافت الرساله و مردتش
بقيت هتجنن من التفكير و الخوف في نفس الوقت
دقت خمسه جهزت تحت ضغط ماما
و خرجت و انا باخد نفسي بصعوبه و كنت خايفه
ألقيت السلام
و دخلت و أنا بصه لتحت
و سمعت صوت أنوثي بيقول
بسم الله ماشاء الله تبارك الرحمن وشك ولا القمر
رفعت عيوني لقيت شب في اول الثلاثينات من عمره
شب طول بعرض و عيون عسلي و بشره مابين الابيض و الاسمر
اتصدمت لاني مكنتش متخليها انه العريس هيطلع كده انا حطيت مواصفات وحشه كتير بالذات انو العرسان الي قبله حاجه تسد النفس ابتسمت في نفسي
و للحظه اختفت البسمه و اتحولت لتوتر لما افتكرت كلام صحبتي
فوقت علي صوت مامت العريس وهي بتقول خلينا نسيبهم يتعرفوا علي بعض
اتوترت اكتر..
لقيته بيتكلم و يعرف عن نفسه
انا أحمد عندي 31 سنه موظف في بنك بابا متوفي من سنتين و عايش انا و أمي هي عندي كل الدنيا و انا بالنسبالها السند الوحيد من بعد وفاة بابا
عرفيني عن نفسك
انا ساره 28 سنه و انا كمان بابا متوفي بس قصتي غير قصتك انا كان معايا أخ وحيد سبنا وسافر لما اتجوز و سبنا انا و ماما خرجت من الثانويه و مكملتش علشان ساعتها مكنش معانا اي فلوس تساعد
اشتغلت في Cafe قريب من البيت و الحمدلله المرتب ممشي برضو معلش دوشتك
لقيته ابتسم
قولت بيني و بين نفسي “يا فرحه ماتمت”
يا ساره. ساره
نعم
مالك سرحانه في إيه
مفيش
بصي انتي من حقك توافقي او ترفضي لاني ده قبول و دي حاجه تخصك بس صدقيني كل الي اقدر اقوله انك عجبتيني و اوعدك اني هعوضك عن كل حاجه وحشه حصلت في حياتك
انا مُطر أمشي دلوقتي
نده علي امه و سلموا و مشيوا
و انا ترميت في حيره ما بين كلام صحبتي و ما بين الشب الي في كل المواصفات الي كنت بحلم بيها..
مسكة التليفون و خرجت بره سألت ماما إذا كانت لحقت صورة العريس او ام العريس بعتتلها صور
و فعلاً خت منها صوره كانت ملامحه عسل فيها
سرحت فيه شويه
و بعدين بعتهاله و قولت:
إيه رأيك في عريسي أسمه أحمد ♥؟
حلو جداً و عنده عضلات كمان و أسم احمد جميل♥️
طيب هسألك سؤال و تجاوبني
قولي يا ساره أنا هنا علشان أساعدك ايه السؤال!
أنت تعرف ايه عن الشب ده
أسف لكن لم أفهم ما قصدك لكن لو كان قصدك اني اعرفه لا فأنا لم أره من قبل لو عندك سؤال تاني و حبتي تسألي انا هنا لمساعدتك”
قفلت التليفون و انا عين في الجنه و عين في النار
و نمت و صحيت علي رساله صدمتني أكتر….

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية تخاريف وخداع)